iesu, when ich þenke on þe,
ant loke vpon þe rode tre,
þi suete body to toren y se,
hit makeþ heorte to smerte me.
Line 60
iesu, þe quene þat by þe stod,
of loue teres heo weop a flod;
þin woundes & þin holy blod
made hire huerte of dreori mod.
iesu, suete loue þe dude gredyn,
Line 65
Loue þe made blod to sueten,
for loue þou were sore ybeten,
loue þe dude þi lyf to leten.
iesu, fyf woundes ich fynde in þe;
þy loue sprenges tacheþ me,
Line 70
of blod & water þe stremes be,
vs to wosshe from oure fon þre. [wosshe, ms. whosshe. — fon þre, vgl. G. L. I, 23. — so, i. e. louied.]
Iesu, my saule drah þe to,
min heorte opene, & wyde vndo,
þis hure of loue to drynke so,
Line 75
þat fleysshliche lust be al for do.
iesu crist, do me loue þe so,
þat wher y be, & what so y do,
lyf ne deþ, weole ne wo,
Ne do myn huerte þe turne fro.
Line 80
marie, suete mayde fre,
for iesu crist byseche y þe,
þi suete sone do louie me,
ant make me worþi þat y so be.
iesu, do me þat for þi name
Line 85
me likeþ to dreȝe pyne & shame,
