Iesu, noþing may be suettere,
Line 5
ne noht in eorþe blysfulere,
noht may be feled lykerusere,
þen þou, so suete alumere. [alumere: Das Wort ist ausser unsrer Stelle nicht nachgewiesen. Hwll. (D. pag. 51) vermuthet, es bedeute "bright one"; sollte es nicht bedeuten "Lichtspender" (ags. "leóma", lux, splendor).]
iesu, þi loue wes ous so fre,
þat we from heuene brohten þe;
Line 10
for loue þou deore bohtest me,
for loue þou honge on rode tre. [honge, ms. hong. Das Suffix e fällt freilich phonetisch hier fort, aber graphisch be|hält die Handschrift das Zeichen der 2. sg. prt. ind. starker Verben an andren Stellen, auch wenn es lautlich verstummt, sorgfältig bei, vgl. z. B. v. 21. Nur noch einmal (M. P. 75, "fond") findet sich das entsprechende e unterdrückt.]
iesu, for loue þou þoledest wrong,
woundes sore, & pine strong;
þine peynes rykene, hit were long,
Line 15
ne may hem tellen spel ne song.
iesu, for loue þou dreȝedest wo,
blody stremes ronne þe fro,
þat þi bodi wes blak ant blo;
for oure sunnes hit wes so.
Line 20
iesu, for loue þou stehe on rode,
for loue þou seȝe þin heorte blode;
Loue þou madest oure soule fode;
þi loue vs brohte to alle gode.
iesu, mi lemman, þou art so fre
Line 25
þat þou deȝedest for loue of me;
Whet shal y þare fore ȝelde þe?
þar nys noht bote hit loue be.
iesu, my god, iesu, my kyng,
þou ne askest me non oþer þing, [askest, ms. askesd.]
Line 30
bote trewe loue & eke seruyng,
ant loue teres wiþ suete mournyng.
