þe loue of hire ne lesteþ no wyht longe,
Line 5
Heo haueþ me plyht, & wyteþ me wyþ wronge;
Euer & oo for my leof icham in grete þohte,
y þenche on hire þat y ne seo nout ofte.
y wolde nemne hyre to day,
ant y dorste hire munne;
Line 10
Heo is þat feireste may
of vch ende of hire kunne;
bote heo me loue, of me heo haues sunne,
wo is him þat loueþ þe loue þat he ne may ner ywynne. [w o, ms. who.]
Euer & oo, &c.
Line 15
Adoun y fel to hire anon
ant crie: "ledy, þyn ore!
ledy, ha mercy of þy mon!
lef þou no false lore!
ȝef þou dost, hit wol me reowe sore,
Line 20
Loue dreccheþ me þat y ne may lyue namore."
Euer & oo, &c.
Mury hit ys in hyre tour,
wyþ haþeles & wyþ heowes;
so hit is in hyre bour,
Line 25
wiþ gomenes & wiþ gleowes;
Bote heo me louye, sore hit wol me rewe;
wo is him þat loueþ þe loue þat ner nul be trewe.
Euer & oo, &c.
ffayrest fode vpo loft,
Line 30
my gode luef, y þe greete
ase fele syþe & oft
as dewes dropes beþ weete,
ase sterres beþ in welkne, ant grases sour ant suete;
whose loueþ vntrewe, his herte is selde seete.
Line 35
Euer & oo, &c.
