[folio 71b] In may hit murgeþ when hit dawes
Line 1
In dounes wiþ þis dueres plawes,
Ant lef is lyht on lynde;
blosmes bredeþ on þe bowes,
al þis wylde wyhtes wowes,
Line 5
so wel ych vnder fynde.
ynot non so freoli flour,
ase ledies þat beþ bryht in bour,
wiþ loue who mihte hem bynde;
so worly wymmen are by west;
Line 10
one of hem ich herie best
from Irlond in to ynde.
wymmen were þe beste þing,
þat shup oure heȝe heuene kyng,
ȝef feole false nere;
Line 15
heo beoþ to rad vpon huere red ["Sie sind zu übereilt in ihrer Entscheidung, ihrem Entschluss", eigentlich: in ihrer Berathung, Ueberlegung.]
to loue þer me hem lasten bed, [lasten, ms. lastes.]
when heo shule fenge fere;
Lut in londe are to leue, [are: als Subjekt ist "he" (die Männer) zu ergänzen.]
þah me hem trewe trouþe ȝeue,
Line 20
for tricherie to ȝere;
when trichour haþ is trouþe yplyht,
by swyken he haþ þat suete wyht,
þah he hire oþes swere.
wymmon, war þe wiþ þe swyke,
Line 25
þat feir ant freoly ys to fyke,
ys fare is o to founde;
so wyde in world ys huere won,
in vch a toune vntrewe is on,
from Leycestre to Lounde.
Line 30
