þat freoly ys to fede.
Line 45
me were leuere kepe hire come,
þen beon pope & ryde in rome
styþe vpon stede. [styþe, ms. styþes.]
when y byholde vpon hire hond,
þe lylie white lef in lond
Line 50
best heo mihte beo;
eyþer arm an elne long,
bolnynge men seþ al by mong, [bolnynge men seþ al by mong, ms. baloygne mengeþ al by mong. Die Worte der Handschrift sind nicht zu verstehen, doch gebe ich die Emendation mit allem Vorbehalt, da sie der Handschrift nicht geringen Zwang anthut.]
ase baum ys hire bleo.
fyngres heo haþ feir to folde;
Line 55
myhte ich hire haue & holde,
in world wel were me.
hyre tyttes aren an vnder bis [an vnder ist als zusammengehörig zu betrachten.]
as apples tuo of parays,
ou self ȝe mowen seo.
Line 60
Hire gurdel of bete gold is al,
vmben hire middel smal,
þat trikeþ to þe to;
al wiþ rubies on a rowe, [wiþ, ms. whiþ.]
wiþ inne coruen, craft to knowe,
Line 65
ant emeraudes mo.
þe bocle is al of whalles bon,
þer wiþ inne stont a ston,
þat warneþ men from wo;
þe water þat hit wetes yn, [þat hit wetes yn, "in welchem er (þe ston) sich benetzt, in welches er hinein|getaucht wird".]
Line 70
ywis hit worþeþ al to wyn,
þat seȝen, seyden so.
