The Ormulum / with the notes and glossary of R.M. White ; edited by Robert Holt.

PREFACE.

Þiss boc iss nemmnedd Orrmulum Forrþi þatt Orrm itt wrohhte, & itt iss wrohht off quaþþrigan, Off Goddspellbokess fowwre; Off quaþþrigan Amminadab, Line 5 Off Cristess Goddspellbokess. Forr Crist maȝȝ þurrh Amminadab Rihht full wel ben bitacnedd; Forr Crist toc dæþ o rodetre All wiþþ hiss fulle wille. Line 10 & forrþi þatt Amminadab O Latin spæche iss nemmnedd O Latin boc Spontaneus, & onn Ennglisshe spæche Þatt weppmann þatt summ dede doþ Line 15 Wiþþ all hiss fulle wille, Forrþi maȝȝ Crist full wel ben þurrh Amminadab bitacnedd; Forr Crist toc dæþ o rodetre All wiþþ hiss fulle wille. Line 20

Line 20 Þatt waȝȝn iss nemmnedd quaþþrigan Þatt hafeþþ fowwre wheless; & Goddspell iss þatt waȝȝn, forrþi Þatt itt iss fowwre bokess; & Goddspell iss Jesusess waȝȝn Line 25 Þatt gaþ o fowwre wheless, Forrþi þatt itt iss sett o boc Þurrh fowwre Goddspellwrihhtess. & Jesuss iss Amminadab, Swa summ icc hafe shæwedd, Line 30 Forr þatt he swallt o rodetre All wiþþ hiss fulle wille. & Goddspell forr þatt illke þing Iss Currus Salomoniss, Forr þatt itt i þiss middellærd, Line 35 Þurrh Goddspellwrihhtess fowwre, Waȝȝneþþ soþ Crist fra land to land Þurrh Cristess Lerninngcnihhtess, Þurrh þatt teȝȝ i þiss middellærd Flittenn & farenn wide, Line 40 Fra land to land, fra burrh to burrh, To spellenn to þe lede Off soþ Crist & off Crisstenndom, & off þe rihhte læfe, & off þatt lif þatt ledeþþ menn Line 45 Upp inntill heffness blisse. Þurrh swillc þeȝȝ berenn Hælennd Crist Alls iff þeȝȝ karrte wærenn Off wheless fowwre, forr þatt all Goddspelless hallȝhe lare Line 50

Line 50 Iss —alls icc hafe shæwedd ȝuw, O fowwre Goddspellbokess. & forrþi maȝȝ Goddspell full wel Ben Sálemanness karrte, Þiss iss to seggenn opennliȝ Line 55 Þe Laferrd Cristess karrte. Forr Jesu Crist Allmahhtiȝ Godd, Þatt alle shaffte wrohhte, Iss wiss þatt soþe Salemann Þatt sette griþþ onn erþe Line 60 Bitwenenn Godd & menn, þurrh þatt He ȝaff hiss lif o rode, To lesenn mannkinn þurrh hiss dæþ U¯¯t off þe defless walde. & forrþi maȝȝ soþ Crist ben wel Line 65 Þurrh Salemann bitacnedd, Forr Salomon iss onn Ennglissh Þatt mann þatt soþ sahhtnesse & trigg & trowwe griþþ & friþþ Reȝȝseþþ bitwenenn lede, Line 70 & follȝheþþ itt wiþþ all hiss mahht, Þurrh þohht, þurrh word, þurrh dede. All þuss iss þatt hallȝhe Goddspell, Þatt iss o fowwre bokess, Nemmnedd Amminadabess waȝȝn Line 75 & Salemanness karrte; Forr þatt itt waȝȝneþþ Crist till menn Þurrh fowwre Goddspellwrihhtess, Rihht alls iff itt wære þatt waȝȝn Þatt gaþ o fowwre wheless. Line 80

Line 80 & tuss iss Crist Amminadab Þurrh gastliȝ witt ȝehatenn, Forr þatt he toc o rode daeþ Wiþþ all hiss fulle wille. & Salomon he nemmnedd iss, Line 85 Swa summ icc hafe shæwedd, Forr þatt he sette griþþ & friþþ Bitwenenn heffne & erþe, Bitwenenn Godd & menn, þurrh þatt Þatt he toc dæþ o rode, Line 90 To lesenn mannkinn þurrh hiss dæþ U¯¯t off þe defless walde. & all þuss þiss Ennglisshe boc Iss Orrmulum ȝehatenn, Inn quaþþrígan Amminadab, Line 95 Inn Currum Salomonis. & off Goddspell icc wi˘le ȝuw Ȝe¯¯t summ del mare shæwenn; Ȝe¯¯t wile icc shæwenn ȝuw forrwhi Goddspell iss Goddspell nemmnedd. Line 100 & ec icc wile shæwenn ȝuw Hu mikell sawle sellþe & sawle berrhless unnderrfoþ Att Goddspell all þatt lede, Þatt follȝheþþ Goddspell þwerrt u¯¯t wel Line 105 Þurrh þohht, þurrh word, þurrh dede.