DEDICATION.
NU, broþerr Wallterr, broþerr min
Affterr þe flæshess kinde;
& broþerr min i Crisstenndom
Þurrh fulluhht & þurrh trowwþe;
& broþerr min i Godess hus,
Line 5
Ȝe¯¯t o þe þride wise,
Þurrh þatt witt hafenn takenn ba
An reȝhellboc to follȝhenn,
Unnderr kanunnkess had & lif,
Swa summ Sannt Awwstin sette;
Line 10
Icc hafe don swa summ þu badd,
& forþedd te þin wille,
Icc hafe wennd inntill Ennglissh
Goddspelless hallȝhe láre,
Affterr þatt little witt þatt me
Line 15
Min Drihhtin hafeþþ lenedd.
Þu þohhtesst tatt itt mihhte wel
Till mikell frame turrnenn,
Ȝiff Ennglissh follc, forr lufe off Crist,
Itt wollde ȝerne lernenn,
Line 20
& follȝhenn itt, & fillenn itt
Wiþþ þohht, wiþþ word, wiþþ dede.
