Altenglische legenden.

                                
                                  Took vp the chyld be the leggys tweyne,
                                
                                  Tavoide watir hed tournyd vp so doun,
                                  Line 290 
                                
                                  To this entent, the boody she gan streyne.
                                
                                  At nase and mouth ran out greet foysoun
                                
                                  Lykour horryble, almoost a galoun.
                                
                                  Alle of assent as in ther desir
                                
                                  To seint Edmond made this orysoun, —
                                  Line 295 
                                
                                  Tyme whan the chyld lay coold ageyn the ffyre,
                                
                                  No tokne of lyff seyn in look nor face,
                                
                                  Verray ded, coold, of cheer and con|tenaunce,
                                
                                  By greet recoord hool an howrys space:
                                
                                  Tyl at the laste cam to remembraunce —
                                  Line 300 
                                
                                  With wepyng eyen ffyl in dallyaunce
                                
                                  For pitous sobbyng and lamentable soun —
                                
                                  To haue recure of ther dedly grevaunce
                                
                                  To blyssed Edmond, made Invocacioun.
                                
                                  Fadir and moodir ffirst knelyng on ther kne,
                                  Line 305 
                                
                                  Al ther neyhbours aboute hem enviroun,
                                
                                  Ful devoutly with al humylite
                                
                                  To the hooly corseynt seide this orysoun:
                                
                                  "O gloryous martir, protectour and pa|troun,
                                
                                  Our request of mercy nat despyse:
                                  Line 310 
                                
                                  Pray for thy tenauntys abydyng in this toun
                                
                                  And ffor this chyld born in thy ffraun|chyse!
                                
                                  Alle of assent with reuerence we shal seke
                                
                                  Thyn hooly place, oold and yong of age,
                                
                                  With greet avys lowe our-selff and meke,
                                  Line 315 
                                
                                  Contryt of herte, sobre of our visage,
                                
                                  With this avowh come on pylgrymage
                                
                                  A-ffor thy shryne to thy Royal presence:
                                
                                  Prostrat afor the with ffeithfful hool corage,
                                
                                  To our prayere tyl thou yive audience".
                                  Line 320 
                                
                                  Greetly troublyd in ther oppynyoun
                                
                                  Took vp the chyld in the mortal distresse,
                                
                                  Which yit lay ded, and with processyoun
                                
                                  Toward the martir attoonys they hem dresse,
                                
                                  Affor the ffertre knelyng with meknesse,
                                  Line 325 
                                
                                  Tyl that Jhesus ffor Edmondys sake
                                
                                  Beheld ther ffeith, ther trust, ther stabyl|nesse:
                                
                                  Off whoos mercy to grace he hath hem take.
                                
                                  By his martirs meeke mediacioun
                                
                                  The lord above with-inne litel space
                                  Line 330 
                                
                                  By his mercifful consolacioun
                                
                                  Made blood appeere in the chyldes fface;
                                
                                  Sodeyn quyknesse hir herte did enbrace —
                                
                                  Quyk lyk a soule moore than vegetatyff,
                                
                                  Al the membrys revived wer by grace:
                                  Line 335 
                                
                                  So that it was restooryd ageyn to lyff.
                                
                                  Geyn goddys werkyng may be noon obstacle —
                                
                                  Resistence geyn his eternal myght
                                
                                  Causith seyntes with many greet myracle
                                
                                  To be worshepyd and gloryfyed in his sight:
                                  Line 340 
                                
                                  A greet example shewyd in his knyght,
                                
                                  Kyng and martir and a pure virgine,
                                
                                  Off Estyngelond enherytour be ryght,
                                
                                  Which Incorrupt restith in his shryne.
                                
                                  This Royal corseynt, gloryous and notable,
                                  Line 345 
                                
                                  To helpe his servauntys is nat wont to tarye,
                                
                                  And can also in tyme ben vengable
                                
                                  To them that been to his ffredam con|trarye.
                                
                                  Which in the boundys of his seyntwarye, [l. with st. which?] 
                                
                                  This myracle was but late wrought —
                                  Line 350 
                                
                                  Regestre it vp mid of your lybrarye
                                
                                  For a memoryal, and forget it nought!
                                
                                  For this myracle al the bellys rang,
                                
                                  Abbot William beeyng ther present,
                                
                                  And Te deum devoutly was ther song
                                  Line 355 
                                
                                  To-ffor the awteer knelyng the covent.
                                
                                  The toun cam doun echoon of assent,
                                
                                  In purpoos fful, for short conclusyoun,
                                
                                  The yong chyld, the tendir Innocent
                                
                                  Shulde afftir be born on processyoun,
                                  Line 360 
                                
                                  Al opynly vpon the thrydde day,
                                
                                  Namyd off kyng Edmond the Transla|cioun.
                                
                                  Which tacomplysshe was maad no delay.
                                
                                  Som ffolk wepte ffor devocioun,
                                
                                  That took good heed in ther inspeccioun:
                                  Line 365 
                                
                                  Which sauh the chyld of colour ffressh & reed,
                                
                                  The day afforn brought thoruh Bury toun
                                
                                  To-ffor seint Edmond of visage paale and deed.
                                
                                  Alle attoonys knelyng on ther knees
                                
                                  That wer present, of cuntre or the toun,
                                  Line 370 
                                
                                  Estatys reknyd of hih or lowe degrees;
                                
                                  That sauh the chyld born in processyoun,
                                
                                  With wepyng eyen of compassyoun,
                                
                                  Symple and lettryd ther heedys did en|clyne
                                
                                  To seyn ther prayere and ther devocioun
                                  Line 375 
                                
                                  Vndir these woordys, abydyng at the shryne:
                                
                                  "Gemme of martirs of colour purpurat,
                                
                                  With hookyd arwes thy boody dyed reed
                                
                                  Yong of yeerys in royal estat
                                
                                  Ful thrytty wynter, ffor Cryst whan thou wer deed;

                                  Line 380

About this Item

Title: Altenglische legenden.
Author: Horstmann, Carl, ed. b. 1851.
Canvas: Page 444
Publication: Heilbronn,: Gebr. Henninger,; 1881.
Subject terms: Saints -- Legends; English poetry; Legends

Technical Details

Collection: Corpus of Middle English Prose and Verse
Link to this Item: https://name.umdl.umich.edu/afw1383.0001.001
Link to this scan: https://quod.lib.umich.edu/c/cme/afw1383.0001.001/616:4.21

Rights and Permissions

The University of Michigan Library provides access to these materials for educational and research purposes. These materials are in the public domain. If you have questions about the collection, please contact [email protected]. If you have concerns about the inclusion of an item in this collection, please contact [email protected].

DPLA Rights Statement: No Copyright - United States

IIIF

Manifest: https://quod.lib.umich.edu/cgi/t/text/api/manifest/cme:afw1383.0001.001

Cite this Item

Full citation: "Altenglische legenden." In the digital collection Corpus of Middle English Prose and Verse. https://name.umdl.umich.edu/afw1383.0001.001. University of Michigan Library Digital Collections. Accessed June 23, 2025.

Altenglische legenden.

Annotations Tools

Actions

About this Item

Technical Details

Rights and Permissions

Related Links

IIIF

Cite this Item