Lenuoye.
Das Lenvoye und Regi fehlen in Ms. Ashm. Nach v. 1520 folgen in Ms. Ashm. die 72 Verse des Eingangs vor dem I. Buch; darauf nachfolg. Zusatz in acht|zeiligen Stropfen über weitere miracula, der ein erster Entwurf, ohne gehörige Durcharbeitung, zu sein scheint.
Go, litel book! be ferfful, quaak for drede
For tappere in so hyh presence!
To alle folk that the shal seen or reede,
Submytte thy-sylff with humble reuerence,
To be refourmyd wher men fynde offence,
Meekly requeryng, voyde off presump|cioun,
Wher thow faylest, to do correccioun!
Saue blak and whyt thow hast noon othir weede,
Off Tullius Motles a dyrk apparence;
The heuenly botler, callyd Ganymede,
The to refresshe lyst do no dilligence;
Off Mercurye the aureat influence,
The tenlumyne dystylled skarsly doun:
For which be soget to al correccioun!
God grante that mercy may thy Journe spede,
With gracious support where men fynde offence;
Colour is noon thy brydyl for-to lede,
Off Rethoryk, to stonde in thy dyffence;
Bareyn off language, nakyd off ello|quence,
At Elycon welle thow drowh but smal foysoun:
For which be soget to al correccioun!
Polypheme, allas! took so gret heede,
That Argus lyst to haue noon aduertence
The to socoure in so gret a neede;
The sugre off Omer was ffer off be absence;
Dul and vnpulsshed off fructuous sentence,
Withoute that fauour and supportacioun
Off goodly Rederys, do correccioun!
Callyope lyst nat hyr bawme shede,
The tenbelysshe with colours off cadence;
Thy Auctour gadred no flours in the mede
Vnder Pernaso, to haue ther assistence;
Daunger off Muses gaff hym no licence
For tapproche the hyl off Cytheroun:
For which be soget to al correccioun!
Finis libri.
REGI.
SOuereyn lord, plese to your goodly|heed
And to your gracious Royal magnyfi|cence
To take this tretys, which a-twen hope and dreed
Presentyd ys to your hyh excellence!
And for kyng Edmundis notable reuerence
Beth to his chyrche dyffence and Champioun,
Be-cause yt ys off your ffundacioun!
Ende.
Ms. Ashm. 46, fol. 87.
Laude of our lord vp to the hevene is reysed
Above the sonne and bryght sterrys cleere,
And in his seyntes our lord Jhesu is preysed,
As offte is seyn by ther devout prayeere,
And be signes which they werchyn heere
Thorugh Crystes myght, geyn which is noon obstacle.
And to purpoos of this mateere
I wyl remembre an vnkouth ffayr myracle.
