Altenglische legenden.

                                
                                  To thanke our lord, knelyng on the pleyne, [Ms. pleyn.] 
                                
                                  For the gret myracle which that they haue seyne. [seyn.] 
                                
                                  They thouhte it was a merueile ful vnkouth
                                
                                  To heere this language of a dedly hed.
                                
                                  But he, that gaff into the assis mouth
                                  Line 920 
                                
                                  Swych speech of old, rebukyng in his dreed [suych. speche. oold.] 
                                
                                  Balaam the prophete for his vngoodlyheed:
                                
                                  The same lord list of his grete myht [greet.] 
                                
                                  Shewen this myracle at reuerence of his knyht. [shewyn. at the.] 
                                
                                  Men han eek rad how in semblable cas,
                                  Line 925 
                                
                                  As bokes olde make mencyoun, [bookys.] 
                                
                                  How that an hert spak to seynt Eustas— [Ewstas.] 
                                
                                  Which was first cause of his conuersioun. [convercioun.] 
                                
                                  For god hath power and Jurysdiccioun
                                
                                  Make tongis speke of bodies that be ded— [been.] 
                                  Line 930 
                                
                                  Record I take of kyng Edmondis hed. [recoord.] 
                                
                                  Off this myracle that god list to hem shewe [lyst hym.] 
                                
                                  Somme wepte for Joie, the story berth witnesse; [berith.] 
                                
                                  Vpon ther cheekys terys nat a ffewe
                                
                                  Distillid a-doun of ynward kyndnesse— [dystylled. kyndenesse.] 
                                  Line 935 
                                
                                  They hadde no power ther sobbyngis to represse, [sobbyng.] 
                                
                                  Twen Joie and sorwe by signes out shewyng [be.] 
                                
                                  How gret enternesse they hadde vnto ther kyng. [entier|nesse. the st. ther.] 
                                
                                  Thus was ther wepyng medlyd with gladnesse,
                                
                                  And ther was gladnesse medlyd with wepyng;
                                  Line 940 
                                
                                  And hertly sobbyng meynt with ther swetnesse,
                                
                                  And soote compleyntes medlyd with sob|byng—
                                
                                  Accord discordyng, and discord accor|dyng!
                                
                                  For for his deth thouh they felte smerte, [For his.] 
                                
                                  This sodeyn myracle reioisid ageyn ther herte. [reioysshed.] 
                                  Line 945 
                                
                                  The folkys dide ther bysy dilligence [did. bysy fehlt.] 
                                
                                  (T)his holy tresour, this relik souereyne
                                
                                  (T)o take it uppe with dew reuerence, [vp. dewe.] 
                                
                                  And bar it forth, tyl they dide atteyne
                                
                                  Vnto the body. and of thylke tweyne [of fehlt.] 
                                  Line 950 
                                
                                  Togidre set, god by myracle anoon
                                
                                  Enyoyned hem, that they were maad bothe oon. [enioyned.] 
                                
                                  Off ther departyng ther was no-thyng seene
                                
                                  A-twen the body and this blissid hed,
                                
                                  For they togidre fastnyd were so cleene; [to gedre. wer.] 
                                  Line 955 
                                
                                  Except only, who sotylly took heed,
                                
                                  A space appered breede of a purpil threed, [apperyd.] 
                                
                                  Which god list shewe tokne of his suf|france,
                                
                                  To putte his passioun more in remem|brance. [put.] 
                                
                                  The said wolff in maner gan compleyne [saide woulff.] 
                                  Line 960 
                                
                                  That he so hih a tresor hath forgo; [tresour. forgoo.] 
                                
                                  To folwe the martir dide his besy peyne,
                                
                                  Wolde in no wise departe the body froo:
                                
                                  Of bestial loue felte a maner woo,
                                
                                  Forto disseuere thouhte a gret penance
                                  Line 965 
                                
                                  Fro thylke thyng where stood al his plesance. [wheer.] 
                                
                                  It is no merueile, the beeste was not to blame, [nat.] 
                                
                                  Thouh he were wo to parte fro his richesse! [wer. woo.] 
                                
                                  Which ageyn nature maad him to be tame, [made.] 
                                
                                  That to no-man he shewed no fersnesse, [shewyd.] 
                                  Line 970 
                                
                                  Tyme of thexequyes compleynyng his distresse;
                                
                                  And meekly aftir to woode wente ageyn
                                
                                  Most doolfully, and was neuer aftir seyn. [nevir.]

About this Item

Title: Altenglische legenden.
Author: Horstmann, Carl, ed. b. 1851.
Canvas: Page 413
Publication: Heilbronn,: Gebr. Henninger,; 1881.
Subject terms: Saints -- Legends; English poetry; Legends

Technical Details

Collection: Corpus of Middle English Prose and Verse
Link to this Item: https://name.umdl.umich.edu/afw1383.0001.001
Link to this scan: https://quod.lib.umich.edu/c/cme/afw1383.0001.001/585:4.21

Rights and Permissions

The University of Michigan Library provides access to these materials for educational and research purposes. These materials are in the public domain. If you have questions about the collection, please contact [email protected]. If you have concerns about the inclusion of an item in this collection, please contact [email protected].

DPLA Rights Statement: No Copyright - United States

IIIF

Manifest: https://quod.lib.umich.edu/cgi/t/text/api/manifest/cme:afw1383.0001.001

Cite this Item

Full citation: "Altenglische legenden." In the digital collection Corpus of Middle English Prose and Verse. https://name.umdl.umich.edu/afw1383.0001.001. University of Michigan Library Digital Collections. Accessed June 22, 2025.

Altenglische legenden.

Annotations Tools

Actions

About this Item

Technical Details

Rights and Permissions

Related Links

IIIF

Cite this Item