And ansuerd hym wyth a word:
"Go forth, theff, & tempe not þi lorde!"
Line 800
Than roulyd þat thefe vpone a hepe
More tha(n) a M. fathome depe,
Fore it was XXti oures & mo
Or of þat mountan he myȝht go.
Doūne at þe fote of þat mountayne
Line 805
We founde a garthyne of Abrahame. —
Than souȝht we forth, boþe mane & wyfe,
The(re) Laȝare was reysed fro deth to lyue
And had lyȝe stynkynge in þe grond,
A hundreht parte wers þan a hunde.
Line 810
Besyde þer in a feyre pleyne
Is Martha halle & Mary Madeleyne,
There Jhesu at þe sopere sate
When Mary Maudeleyne kyssed his fete,
And Martha prayd amonge þe(m) alle
Line 815
That sche myȝht ryse & serue in halle;
Than seyd oure lord fore Marye
That sche hade chosyne þe better partye.
All is befalle þat I des(criue) [Ms. be felle. desyre st. descryue.]
In Betany & in Betphage:
Line 820
I(n) Betphage sate oure lord vpone a stone
And bode hys asse, to it wer come;
There be þe stepys of þe asse fete,
There Jhesu onne hys asse lepe.
Thys wey is to comme & go
Line 825
Sexty myle & X & mo. —
Now haue we tolde all þat we haue sene,
So god me saue fro sorow & tene!
And all þe cause þat I cane seye,
Is, to teche a man þe weye.
Line 830
What pylgryme þat theþer wylle go,
I praye god saue hym to & fro
And gyfe þem grace so to do,
That heuens blys þei may come to.
Now, lord god all-myȝtye,
Line 835
Thou grante vs grace þat it so be,
That we be redy to come to þe
When þat oure saulys schall partyd be!
Jhesu, þat fore vs dyȝed on þe rode-tre,
Saue vs all fore þi pyte!
Line 840
Be þe vertu of þi holy crosse
Latte vs neuer in synne falle,
So þat we be redy thorow þi grace
To comme to þi Joys eternalle!
When we schall out off þis werld wende,
Line 845
God, grante vs fore þi holy grace
Off þe, lord, to haue in mynd(!),
Fore to behold þi blyssyd face!
Amen quod Rate.
