Altenglische legenden.

                                
                                  And þer is a stone — we kyssyd it alle —
                                
                                  Wer oure lady lete hyre gyrdell falle
                                  Line 480 
                                
                                  When sche was borne vp to hyre sone,
                                
                                  Euer in blys with hym to wone.
                                
                                  Beȝond þat as we schuld go,
                                
                                  Oure lord wepyd vpone þe cyte all-so.
                                
                                  And an oþer place we souȝht
                                  Line 485 
                                
                                  There þe palme was to oure lady brouȝht. [Ein Engel brachte Maria ein Palmenreis mit der Ankündigung ihres nahen Todes.] 
                                
                                  Than passyd we to an oþer styȝe,
                                
                                  To þe mounte of Calueryȝe(!): [Ms. Calueryȝe st. Galile; die örtliche Tradition verlegte das ferne Galiläa an diese Stätte.] 
                                
                                  There Jhesu and hys apostyllus dere
                                
                                  There þei mete all-infere
                                  Line 490 
                                
                                  After þe tyme þat he was dede:
                                
                                  He schewyd them hys wondys rede.
                                
                                  Than turnyd we to þat same strete
                                
                                  That goth to þe monte of Olyuete:
                                
                                  There Jhesu styȝed vp in þer syght
                                  Line 495 
                                
                                  To hys fader full of myȝht.
                                
                                  And þer lyes þe stone ȝite [Den Stein mit den Fussstapsen Christi erwähnt der Dichter nicht.] 
                                
                                  Where-on he wrote þis holy bede:
                                
                                  The pater noster, as we calle;
                                
                                  The stone lyes muryd in þe walle.
                                  Line 500 
                                
                                  And þer þe apostellus made þe crede,
                                
                                  That help crystenè mene at nede.
                                
                                  Furthe we went to a stone,
                                
                                  There oure lady rest hyre vpone.
                                
                                  There is a caue vnder a stone, [Diese Rast hielt Marie bei ihrem täglichen Besuch der h. Stätten (sie war die erste Pilgerin) nach Christi Himmelfahrt, 14 J. bis zu ihrem Tode.] 
                                  Line 505 
                                
                                  There James wepyd & made hys mone:
                                
                                  Fro þat tyme þat hys lord was dede,
                                
                                  He thouȝt neuer to ete brede
                                
                                  Bot he had sene hym ryse ageyne,
                                
                                  With hungour hym-selue he wold h(aue) sleyne; [Ms. hym st. haue.] 
                                  Line 510 
                                
                                  And þer oure lord in þat place
                                
                                  Aperyd to James, when he vp rase,
                                
                                  And seyd: "I ame resyn now here:
                                
                                  Ete þi mete & make god chere!" —
                                
                                  This was James þe mynoure,
                                  Line 515 
                                
                                  The apostyll of oure sauyoure.
                                
                                  And þer is þe graue of Absolone, [folio 133] 
                                
                                  Of kynge Josaphat & of Ysayone;
                                
                                  All, saue þe graue of Absolone,
                                
                                  Is transtorrentem Sedrone,
                                  Line 520 
                                
                                  And vnder þat ley þe same tre
                                
                                  That þe crosse was made of, sykyrlye.
                                
                                  There is a welle a lytell thens, [im Thal Siloe.] 
                                
                                  There oure lady gane oure lordys clothys clens.
                                
                                  Be-syde þat a lytell þer-fro
                                  Line 525 
                                
                                  Was Jsay þe prophet sawyne in-two.
                                
                                  And þer stondys a well alone [das natatorium Siloe.] 
                                
                                  There god releuyd þe blynd mane. —
                                
                                  Now haue we bot a myle to gone
                                
                                  Vnto þe mounte of Syone.
                                  Line 530 
                                
                                  The fyrst thinge þat we þer fond,
                                
                                  Was þe roste of þe holy lambe þat stond; [der Rost für das Osterlamm wurde binter dem Chore des Sions-Klosters gezeigt. Ms. roste ost of.] 
                                
                                  And þer the water stode to hete [Ms. þat the.] 
                                
                                  That oure lord wessch with his postyllus fete. [Nach Landgr. Wilhelm waren es 2 Steine, der eine für Christus, der andere für die Apostel.] 
                                
                                  And þer lyȝes ȝit XII stons,
                                  Line 535 
                                
                                  That þe apostyllus sate on all at-ons
                                
                                  And oure lady amonge þem alle,
                                
                                  Whyll Jhesu prechyd onne a walle.
                                
                                  With-in a chyrch at an autere [es ist die Sionskirche, von S. Helena zuerst erbaut.] 
                                
                                  He fede hys postyllus all-infere:
                                  Line 540 
                                
                                  Of bred & wyne he made his fode
                                
                                  And callyd it hys flessch & blode;
                                
                                  When þei wer seruyd with þe lambe,
                                
                                  He bade þem ete & drynke & make þem stronge:
                                
                                  "Fore þis þat I afore ȝou ley,
                                  Line 545 
                                
                                  Is my flessch & blod, as I ȝou sey.
                                
                                  What man so be in charyte,
                                
                                  (He) reseyue þis in þe mynd of me; [Ms. and st. he.] 
                                
                                  And what man þat be fals in thouȝht,
                                
                                  I werne hym reseyue it nouȝt".
                                  Line 550 
                                
                                  On þe oþer syde he wessch þer fete
                                
                                  And dryȝed them with a towelle suete.
                                
                                  Be-nethe þer is a hous of stone, [Diese Stätte war eine Kapelle im Kreuzgange.] 
                                
                                  There þe apostyllus wer hyde euer-ychone

About this Item

Title: Altenglische legenden.
Author: Horstmann, Carl, ed. b. 1851.
Canvas: Page 362
Publication: Heilbronn,: Gebr. Henninger,; 1881.
Subject terms: Saints -- Legends; English poetry; Legends

Technical Details

Collection: Corpus of Middle English Prose and Verse
Link to this Item: https://name.umdl.umich.edu/afw1383.0001.001
Link to this scan: https://quod.lib.umich.edu/c/cme/afw1383.0001.001/533:4

Rights and Permissions

The University of Michigan Library provides access to these materials for educational and research purposes. These materials are in the public domain. If you have questions about the collection, please contact [email protected]. If you have concerns about the inclusion of an item in this collection, please contact [email protected].

DPLA Rights Statement: No Copyright - United States

IIIF

Manifest: https://quod.lib.umich.edu/cgi/t/text/api/manifest/cme:afw1383.0001.001

Cite this Item

Full citation: "Altenglische legenden." In the digital collection Corpus of Middle English Prose and Verse. https://name.umdl.umich.edu/afw1383.0001.001. University of Michigan Library Digital Collections. Accessed June 19, 2025.

Altenglische legenden.

Annotations Tools

Actions

About this Item

Technical Details

Rights and Permissions

Related Links

IIIF

Cite this Item