Corpus of Middle English Prose and Verse

Altenglische legenden.

And bare it vp in the eyre, and bade her aftur cumme; The browht the bode emonge them withe ioye and blysse Right in this place, wheras it shrinede ys. There knewlede saynt Wolfade, as I vnderstonde, 265 All lyke a queke man, withe hys hede in his honde. The angellys toke Ruffyn and sett hym besyde hys brothere, And sed that god hade chosen this place, that nother shuld part fro other(e); The bade hur in this place that she shulde them bury, The wente then to heven agayne, withe a note full mery. 270 When seynt Ermenylde hade sene that syght, She knelyde one her knees and thankede god almyght. She wente then anone withowt tarieng And all that she hade sene she tolde the kyng. The kyng withe greate contrecyone wente to seynt Chade, 275 For to amende hym of hys lyffe, that he evyll hade lade. When he camme to the chapell, theras seynt Chade was, There he founde hym devowtly stondyng at masse. A full fewre myrachle he sae throwe goddis grace: — [Ms fewre = feire.] The sone hit shone throwe an hoole in the same place; 280 Sente Chade, or he wente to masse, he leyde hys clothes hym froo: The sone-beyme trewly helde them frome the gronde tho. The kyng then was full glade, when he hade sene þat syght, And vnderstode sone that it was god almyght. He saye þer the hart, that browght hys sonnes to cristenyng, [folio 186] 285 Withe a rope a-bowte hys nek as a tame beste stondyng, An oxe withe the hart stondynge, and etyng there meyte infere. The kyng wiste that saynt Chade to god then was full dere. As sone as masse was done, the kyng fell downe And besowght saynt Chade of absolu|cyone; 290 He shrove hym there to sente Chade withe good devocyone And askede marcy for hys synne withe hartely contrycyone. Seynt Chade toke hym to grace and gaue hym absolucyone And restoryde hym to the faithe, vnder this condycyone: That he shulde for hys sonnes sake, whiche he hade sleyne, 295 Belde vp an abbey. there-to he grantede feyne. He wente anone and destroyde all maw|mentry throe hys londe And fowndyde the abbey of Peterboro, as I vnderstonde. He belde vp churches and mayntenede Christes lawe And to greate perfectyone frome thens furthe cane he drawe. 300 Seynt Ermenylde, hys wyffe, wente then anone And buryede þer her sonnes in a tombe of stone; Bothe Wolfade and Ruffyn she buryede in this place — Wheras the showde many myracles throwe goddys grace. That tyme men vsed, to onor dede mennes bonnes, 305 Theras the were buryede forto caste stonnes. So many men for deuocyone (caste) stones theder then, [im Ms. fehlt browghte od. caste.] That þus þe name of Stone of stones furste begane.
/ 708
Pages Index

Actions

file_download Download Options Download this page PDF - Page 312 Image - Page 312 Plain Text - Page 312

About this Item

Title
Altenglische legenden.
Author
Horstmann, Carl, ed. b. 1851.
Canvas
Page 312
Publication
Heilbronn,: Gebr. Henninger,
1881.
Subject terms
Saints -- Legends
English poetry
Legends

Technical Details

Link to this Item
https://name.umdl.umich.edu/afw1383.0001.001
Link to this scan
https://quod.lib.umich.edu/c/cme/afw1383.0001.001/483:4

Rights and Permissions

The University of Michigan Library provides access to these materials for educational and research purposes. These materials are in the public domain. If you have questions about the collection, please contact [email protected]. If you have concerns about the inclusion of an item in this collection, please contact [email protected].

DPLA Rights Statement: No Copyright - United States

Related Links

Manifest
https://quod.lib.umich.edu/cgi/t/text/api/manifest/cme:afw1383.0001.001

Cite this Item

Full citation
"Altenglische legenden." In the digital collection Corpus of Middle English Prose and Verse. https://name.umdl.umich.edu/afw1383.0001.001. University of Michigan Library Digital Collections. Accessed June 19, 2025.
Do you have questions about this content? Need to report a problem? Please contact us.