Corpus of Middle English Prose and Verse

Altenglische legenden.

Þe gode duke Cerdyke, as ychaue redde, 50 With his owne sone, syre Kynerynge: Þuse tweyne kepton þat kyndam, tylle þey were dedde. In þe fyuethhondreth & þe ayȝtethe ȝere after þat goddus sone was bore Þis kyndam of Westsex toke furst his bygynnynge, & seyȝth wonne þe toþer sexe kyndamus to hym with strong werre & sore 55 By grace of þe kyngys þere so welle gouernynge. Þe kyndam of þe Marche þe fyuethe was. Þe whiche was þe greste kyndam of hem alle y-fere, Þe greste kyndam of alle hit was in space. Kyng Penda was þe first kynge þat regnede þere. 60 Þe lymytys of þis kyndam þey streyȝthen y-wys From þe water of Dee on þe west-syde Cheyster, þat fayre cyte, Douneby þe water of Seuerne, þe whiche by Shrewysbury rennyng is, And euene to Brystowe in-to þe sowthe-see, And othe sowthe-syde euene by Temse to Londone rauȝte he, 65 And on þe northe-syde by þe water of Humbre hit come with-ouȝt fayle, & streyȝth so forthe sowthewarde to þe water of Mercie Euene in-to þe west-see, fast by Corunwayle. In þe sixehundryd ȝere & sixe & twenty forsothe hit was After þat Jhesu of his modur Marie was bore, 70 Þat kyng Penda wonne þat kyndam to hym by case Of þe Britones, þe wheche weron kyngus þer byfore. Abouȝt two hundreth ȝere sixsty and thre Þat kyndam stode in grete prosperite, as ichaue redde, Vndere þe gouerneylle of ayȝthetene kyngus fre, 75 In-to þe tyme þat kyng Colwolfe by þe Danys was put ouȝt & dedde. Bot kyng Egbert wonne þat kyndam at þe last And to his kyndam of Westsex he hit knytte And ouȝt of þat kyndam þe Danys ouȝt thraste. [folio 261] And so to þe kyndom of Westsex y-knytte hit is ȝette. 80 Þe kyndam of Northumbrelonde þe sixste kyndam was. Þe whiche vpon þe est-syde & also vpon þe west-syde had þe sowthe-se, & vpon þe sowth-syde of Humbre hit last doune a gret space By þe hendys of Derbyshyre & Notynghamshyre to þe water of Mercye, & vpon þe north-syde þe mere þer-of ystreyȝt ys 85 Euene in-to þe scottysshe grete se. Þe prouynce of Deyre & of Beruice with-inne þat kyndam þey ben y-wys, In þe whyche þe Pictis weron y-wonte to be. Þe Danys also dwelton þere long, with-ouȝte ony douȝte, Tylle kyng Athelstone, þat douȝty knyȝt, 90 Draffe all þe enmyus þat weron in þat contrey, ouȝte, With strong batelle & with gret myȝt. Bot þe seuethe kyndam of Estenglonde was y-wys, Þe whiche conteynede Northfolk & Sowthefolke botwo. Þe whiche hathe on þe est-syde & on þe north-syde, as hit ywriton is, 95 Þe see o compas euene, Cambrygeshire to,
/ 708
Pages Index

Actions

file_download Download Options Download this page PDF - Page 284 Image - Page 284 Plain Text - Page 284

About this Item

Title
Altenglische legenden.
Author
Horstmann, Carl, ed. b. 1851.
Canvas
Page 284
Publication
Heilbronn,: Gebr. Henninger,
1881.
Subject terms
Saints -- Legends
English poetry
Legends

Technical Details

Link to this Item
https://name.umdl.umich.edu/afw1383.0001.001
Link to this scan
https://quod.lib.umich.edu/c/cme/afw1383.0001.001/455:4

Rights and Permissions

The University of Michigan Library provides access to these materials for educational and research purposes. These materials are in the public domain. If you have questions about the collection, please contact [email protected]. If you have concerns about the inclusion of an item in this collection, please contact [email protected].

DPLA Rights Statement: No Copyright - United States

Related Links

Manifest
https://quod.lib.umich.edu/cgi/t/text/api/manifest/cme:afw1383.0001.001

Cite this Item

Full citation
"Altenglische legenden." In the digital collection Corpus of Middle English Prose and Verse. https://name.umdl.umich.edu/afw1383.0001.001. University of Michigan Library Digital Collections. Accessed June 18, 2025.
Do you have questions about this content? Need to report a problem? Please contact us.