To havyn and heldyn that swete place
Wel gud in pes thourch my grace,
To crystene man that synne wyl fle,
Line 15
Heritable and in fee,
For the servise that lyt therinne,
That is, to kepyn man fro synne,
Of the chel [read chef] lord of that fee
Every synne flede hee.
Line 20
And I Jhc' of Nazaren
And my eyris qwat so he ben
In warantyse we schuln us bynde
To crystene man wythoutyn hende
In wytnesse of thys thing
Line 25
My syde was opned in selyng.
To thys charte trewe and good
I have set my seal, myn herthe blod,
These am the wytnesses trewe and god;
The garlond of thorn on myn hed stode,
Line 30
The schorges and the naylis long,
And the spere my herte stong,
The stoppe ful of eysil and galle,
And Hely ely that I gan calle,
My blody terys me ronnyn fro,
Line 35
My bondys, my peynis and othir mo.
ȝovyn and garantyd be my wyl
At Calvarie on that held [read hyl]
The friday befor the paske day,
Therof I may noȝt seyn nay,
Line 40
The ȝer of my regne her
Thretty wyntyr and thredde half ȝer.
Hec est carta Dei.
4. CARTA CELESTIS HEREDITATIS (A Prose Tract, related to the Charter of Christ.) [Cambridge University MS. Ff. 6. 34.]
This treatise, entitled variously, Carta Celestis Hereditatis, Chartre of Heuene, Charter of oure heuenli Eritage, Chartre of
