Page 10
ADD. 24343.
IHC
Siant [Thus the MS.] presentes & futuri &c [folio 6b]
Wittnes now al that bene here
And eftere schall be leve and dere
That I ihesus of nazareth
ffor the loue of mane than tholed deth
Apon the crose with woundes fyve
Line 5
Qwan I was yn e[r]th of lyve
Dedi & Concessi
I haue gyue and mad a graunte
To all that askes now with repentans
Heuenys blis with-outtyn endynge
Als longe as I ame euer ther kenge
Line 10
I aske no more of the for my smertte
Bot the trew loue mane al of th[i] herte
And that þou lyve yn charite
And loue thi newghpure als I do the
This is the rent thu schall geue me
Line 15
Als for the cheyff lord al of the ffee
Line 16
With sore woundis & grevanse
Line a
Thi loue I bought with scheld & launce
Line b
Gyve my mane will sai nowe
Line 17
That I ne died for manes prowe
Or manes saule schuld be lorne
Ofte I wold be al too-torne
Line 20
hijs Testibus [folio 7a]
Wittnes the day turnned too noghtte
The sone withdrew his lightte
Wittnes the erth that gane quake
And stoñnes grete that gane brake
Wittnes the wale that gane ryve
Line 25
And mene that rose frome deth to lyue
Wittnes my moder & sain[t] Iohn
And vder that wer ther mony one
[In cujus rei testimonium] [Hardly legible.]
Y[n] Wit[tn]es of the sam[e] thynge
My-selue on crosse al blody I hynge
Line 30
And ȝitte for [more] s[i]kirnese
The wound yn my herte the celle it [i]s D[a]ta
This was gyuyne at Caluerye
The firste day of gret mercye [Carta Redemcionis Humane [The words, Min harte life and dere are scribbled below in a different hand.] ]
Line 34