Of þornes bi-tokenyng þat I am king
Line 153
And frely may ȝeue al þing
Wytnesse of þe Iewes alle
Line 155
On knees to me þey gon falle
And loude cried on her scornying
Hail be þu lord & Iewes kyng
By-twyne two men þis was y-seled
Boþe were sike þat on y heled
Line 160
By-twyne two þefes on hye I-pyȝt
In tokne þat I was man of myȝt
Þat north & west on hye hulle
Þat I may deme boþe good & ylle
Quia neque ab oriente neque ab occi|dente, &c
A þurst I was ful sore y-swonke
Line 165
Þe beuerage most nedes be dronke
A loue drynke I asked of þe
A ysel and galle þey ȝaue to me
Hiis testibus
Matheu and Iohn
Luk. Mark. and many on
Line 170
And namely my moder swete [folio 54]
ffor she lefte neuer terys to wepe
Line 172
