The governance of England: otherwise called The difference between an absolute and a limited monarchy. A rev. text edited with introd., notes, and appendices by Charles Plummer.

ffor his charges ordinarie; and yff he haue not live|lod sufficient þerto, how than his livelod mey be made sufficient. Ffor his reaume is bounde by right to susteyne hym in euery thyng necessarie to his estate. Ffor, as Seynt Thomas saith, Rex datur propter regnum, et non regnum propter regem. Wherfore all that he dothe owith to be referred to his kyngdome. Ffor though his estate be þe highest estate temporall in þe erthe, yet it is an office, in wich he mynestrith to his reaume defence and justice. And therfore he mey say off hym selff and off his reaume, as the pope saith off hym selff and off the churche, in þat he writithe, seruus seruorum Dei. By wich reason, ryght as euery seruant owith to haue is sustenance off hym þat he serueth, so aught þe pope to be susteyned by the chirche, and the kyng by his reaume. Ffor nemo debet propriis expensis militare. And owre lorde saith, dignus est operarius cibo suo. Wherfore þe appostill saith, commbnicet is qui cateȝiȝatur berbo, ei qui se cateȝiȝat, in omnibus bonis. Wherfore sithen euery reaume is bounde to susteyn is kyng, yet moch more be we bounde ther to, vppon whom owre kyng reignith by so ffauerable lawes as is be ffore de|clared.

BUT sithyn the said extraordinarie charges bith so vncertayne þat thai be not estymable, hit is not