The English works of Wyclif hitherto unprinted.Edited by F. D. Matthew.

ȝif þei miȝten, for þey ben more holden for to lyue wel and ȝeue [omitted X.] ensaumple of holi lif to þe puple & trewe techinge of holy writ þanne þe people is holden to ȝyue hem dymes or offringis or ony bodily almes; and þerfore prestis shulde not leue ensaumple of good lif & studyinge of holi writ & trewe techinge þer-of 2for no2 [2_2 ne X.] bodily almes, ne for worldly goodis, ne for sauynge of here bodily lif. and as crist sauede þe world by writynge & techinge of foure Euaungelistis, so þe fend casteþ to dampne þe world and prestis for lettynge to preche þe gospel by þes foure; by feyned contemplacioun, by song, by salisbury vse, & by worldly bysynes of prestis. God for his mercy styre þes prestis to preche þe gospel in word, in lif, and bewar of sathanas disceitis. Amen.