The English works of Wyclif hitherto unprinted.Edited by F. D. Matthew.

Capitulum 26^m.

Also þes euele prestis pursuen crist in his membris & nailen hym on þe croos of lesynges & vnkyndenesse; for þei sclaundren cristis seruauntis wiþ lesynges & haten hem, & helpe to lette hem fro trewe prechynge bi suspendynge, symonynge [somenynge AA.] & cursynge & mannus iurdiccioun, & seyn þat it was god world be for þat prestis precheden & siþ haþ ben discencion & werris & pestilencis; & alle þis is to lette goddis word þat it be not knowen & kept & opynly tauȝt. & þei sclaundren goddis lawe wiþ many errouris & maken it vnsawory to worldly men, for as moche as þei wolden þat it

were not knowe[n] lesse [last AA.] þei were lettid of here [here not in X. through the margin being cut away.] coueitise & bodily welfaire & aise, & it is al on to pursue þus cristis seruauntis & to pursue crist, as he seiþ in þe gospel, & to lie þus on his lawe & to lien on him self as ion crisostom & austyn & ambrose witnessen.