The English works of Wyclif hitherto unprinted.Edited by F. D. Matthew.
Wycliffe, John, d. 1384., Matthew, Frederic David, 1838-1918.

Capitulum 13m.

Prestis also ben machauntis,*. [marchauntis AA.] as comunly as*. [omitted X.] worldly men & more sotil & falsere, & leuen here gostly office; for þei ben corseris & makers of malt, & bien schep & neet & sellen hem for wynnynge, & beten marketis, & entermeten hem of louedaies, holdynge wiþ fors of armes, þat þei ben myrrour of coueitise & worldly lif & pride & of discencion amonge cristene peple, for of alle wicked men weiward prestis ben chiff whanne þei turne to cursednesse, for þei ben sotil & han reste & þe fend is more maistir in hem for brekynge of þe holy ordre.