(6) [The Angels' Song. Honour to Jesus.]
[5 stanzas of 7 lines each, ababb, cc.]
(1)
Honured be thu, blisful lord Ihesu, [folio 31]
Line 1
and preysed mote thu be in eueri place,
So full of myght, [of] mercy and vertue,
Of blisse, of bounte, of piete and of grace!
Who is honurë, may no thing deface;
Line 5
Who is [ther] that withstondë may thi myght?
But servë the, of fors mote eueri wight.
Line 7
(2)
Honúred be thu, Ihesu, heven kyng,
Line 8
That hast be-taken to my gouernaunce [folio 31b]
Suche one that hath, a-bove al othire thing,
Abowed to the with lowely obeysaunce,
And loued the with sadde perséueraunce,—
Line 12
Thi counseil and thin hey comaundëment
Obseruyng with his hertely hool entent.
Line 14
(3)
He hath nought walked be the wey[ë]s large,
Line 15
That to the worlde so lusty be, & grene;
But he hath be ententif to thi charge,
ffrom dedly synne to kepe him selfë clene,
And gon to the wey of trauayle & of tene,
Line 19
Of penaunce and of tribulacïoun,
In grevous formës of temptacïoun.
Line 21
(4)
So hath he had in erthe his purgatórye,
Line 22
wich þat he hath susteyned wilfully;
Wherforë, now receyve him to thi glorye,
And take him up in[to] thi blisse an hye,
with the to be in ioye eternally,
Line 26
In what degre that to him is condigne,
Right as thi selffë liketh to assigne.
Line 28
(5)
Honoured be thu, Ihesu graciows,
Line 29
That man became thi selfe, for mannës nede;
And man thu taughtist to be vertuows,
To servë the be veray love & dreed,
