(760)
¶ Alase! Also, þe greet dissencïoun,
Line 5314
The pitous harme, þe hatëful discorde,
Þat hath endurëd twix þis regioun
And othir landës cristen! he, þat lorde
Of Remes al is þe auctor of [all is the actour and R.] concorde
Line 5318
And pees, sore is meeuëd þer-with; but we
Naght dreden for to offend his mageste.
Line 5320
(761)
¶ Off fraunce and englonde, o cristen princes,
Line 5321
Syn þat your style of worthynes is ronge
Thurgh-out þe world, in al þe prouinces, [folio 94a]
If þat of yow myghtë [myght H R.] be red [radde R.] or songe
That ye were oon in herte, ther nys no [is no R, nys H.] tonge
Line 5325
That myghte expresse, how profitable and good
Vnto al peple it were of cristen blood.
Line 5327
(762)
¶ Yeue hem ensamplen! [ensample R.] ye ben hir mirrours;
Line 5328
They folowen yow: what sorwe lamentable
Is causëd of youre werrës scharpë schoures
Ther wot no wight, it is irréparable!
O noble cristen Princes honurable,
Line 5332
ffor him þat for yow suffred passïoun,
Of cristen blod, haueþ compassïoun!
Line 5334
(763)
¶ Allas! what peple haþ your werrë slayn!
Line 5335
What cornës wast, and dounë [wasted and doune R, wast and doun H.] trode & schent!
How many a wif and maide haþ be by layn! [forlayne R.]
Castels doun bette, and tymbred houses brent,
And drawen downe, and al to-tornë [all to-tore R, also torne H.] and rent!
Line 5339
The harm ne may nat rekened be, ne told;
This werrë wexiþ al to hoor and old.
Line 5341
