(744)
¶ How plesant to god, is of pees þe myrthe!
Line 5202
What delyte eeke in pees and vnioun [¶ Et in terra pax homini|bus. Pax vobis. Pacem relin|quo vobis.]
The prince of pees hath shewëd in his birth,
By angels delitáble song and soun;
Also, aftir his resurreccïoun
Line 5206
He pees bad; and whan vnto heuen he stigh,
He leftë pees in erthë truëly. [lefte . . . truly R, left . . . truly H.]
Line 5208
(745)
¶ Þat ȝift of pees, þat precïouse Iewel,
Line 5209
If men it kepe, & do it naght away,
Sonës of crist þei may be clept [clept R, clepyd H.] ful wel; [folio 92a] [¶ Beati paci|fici &c.]
But strif, which moche is to þe fendës paye,
Among vs feruent is so, welawey!
Line 5213
We [We R, Whe H.] cristen folk, with-inne vs [what within R.] and with-out,
Haue so gret stryfe, þat þer may no pees rout.
(746)
¶ The ryot þat haþ ben with-in þis lande [lande R, londe H.]
Line 5216
Among our-self, many [full many R.] a wyntrës space, [The rebellions of the Percies against Henry IV.]
Hath to þe swerd put many a thousand:
The gredy hert, þat woldë al embrace,
With [With R, Wit H.] irous wil, and crabbed palë face,
Line 5220
And swypir [swepir R.] feendly hand with strook vengeáble,
Haþ many a woman maad hem cloþe [made clothed R, maad hem cloþ H.] in sable.
(747)
¶ Þis is no doutë, þat ambicïoun
Line 5223
And couetysë fyre al þis debate;
Tho two be of wikkéd condicïoun.
No wight halt hym content of his estate;
Euery man wilneþ to ben éxaltat;
Line 5227
Þogh he be gret, ȝit hirë [hier R.] wolde he goo,
And þeis aren causes of our stryues [ben . . . stryfe R.] & woo.
Line 5229
