[HOCCLEVE'S MEETING AND DIALOGUE WITH AN OLD BEGGAR.]
(17)
¶ Passe ouer whanne þis stormy nyght was gon, [folio 3a]
Line 113
And day gan at my wyndowe in to prye,
I roos me vp, for bootë fonde I non
In myn vnresty bed lenger to lye;
In-to þe feld I dressed me in hye,
Line 117
And in my wo, y herte-depe [in my wofull hert deepe R.] gan wade,
As he þat was bareyne of þoghtës glade.
Line 119
(18)
¶ By þat I walkyd hadde a certeine tyme,
Line 120
Were it an houre, I not or more or lesse,
A poore olde horë [hore R, om. H.] man cam walkyng by me,
And seydë, "good day, syre, & god yow blysse!"
But I no word; for my seekly distresse
Line 124
ffor-bad myn eres vsen hire office,
ffor which þis [this R, þus H.] olde man helde me lewed & nyce,