(135. Hoccleve.)
¶ "And as ferforth, as I [I R, om. H.] can deeme or gesse,
Line 939
Whan I at homë dwell in my poore cote,
I fyndë [fynde R, fynd H.] schal as frendly slipirnesse
As tho men now doon, whos frendeschipe is rote.
Nat wold I rekke as mochel as a mote,
Line 943
Thogh I no more hadde of yeerly encrees,
So that I myght ay paiëd be doutlees.
Line 945
(136. Hoccleve.)
¶ "Two partes of my lif, & mochil more,
Line 946
I seur am, past ben; I ne doute it noght;
And if þat I schold in my yeerës hore
ffor-go my duëtee, [duetee R, deutee H.] that I haue boght
With my flessh and my blode, þat heuy thoght
Line 950
Which I drede ay, schal fal, as I it thynke;
Me hasteth blyue vn-to my pittës brynke.
Line 952
(137. Hoccleve.)
¶ "ffaylyng, fadir, myn annuite, [folio 18a]
Line 953
ffoot hoot in me crepith disese and wo;
ffor þei þat han by-forë knowen me,
ffaillyngë good, me failë wole also.
Who no good hath, is fer his frendës fro;
Line 957
In muk is al þis worldës frendlyhede;
My goost is wrappëd in an heuy drede.
Line 959
(138. Hoccleve.)
¶ "If þat I hadde of custume, or þis tyme,
Line 960
lyued in indigences wrechednesse,
The lesse heerafter schuld it sit [sette R.] by me;
But in myn agë wrastle with hardenesse,
That with hym stroglid [stroglede R, stroglid H.] neuere in grennesse
Line 964
Of youthë, þat mutacïon and chaunge
An othir day me seemë shulde al straunge.
Line 966
