The Stonor letters and papers, 1290-1483; ed. for the Royal historical society, from the origial documents in the Public record office, by Charles Lethbridge Kingsford.

Barnewod and Exsille, and þat in contempt of us uncourteisly to hunt and slee our deer withynne þe same to our grete mervaille and displeasir, we wol ye wite þat we entend to sew suche remedy therynne as shall accorde with my lordes laws. And whereas we ferþermore understand þat ye purpose under colour of my lordes Commyssion in þat behalf graunted unto you, as ye sey, hastly to take þe view and reule of our game of dere withyn our said fforest and Chace, we wol þat ye shew unto us or our Counsell your said Comission, if any suche ye have. And in þe mean season þat ye spare of huntyng withynne our said fforest or Chace, as ye wol answere at your perill. Yoven under our signet at our Maner of Grenewiche the first day of August.

[W]orchypfull Syr, after due recommendacions I louly [recommend] me to yowr maistershyp gevyng to you knowle[ge th]at the vj day of Auguste the xx day of Kyng [Edwar]d iiijth, my maistres, yowr moder, hathe put . . . a byll to the Kynge ayenst yow and leyeth grett un|kyndnes in yow and faute. Wherfor, savyng yowr better avyse, I hadde lever that ye came yowrselfe then to be sende fore. Syr, for gretly she was made of by my lord of Salusbery, and by all the Quenys ladys and gentylwomen; and the Kynge herde her full well, as hit was telde me. And herr was with herr my cosyne Sainsyse brother, and of herr grette counselle. No more to your mastershyp, &c. As I shall informe your mastershyp more plainly when ye come.