57. THOMAS PORCHET TO THOMAS(?) STONOR [before 1450?]
Ryght worschypfull Mayster y recommaunde me evermore hertely unto your Maysterschyp: doyng you to understande þat y have done þe message þat ye sent to me for: that ys to sey y have bowght for you xxti hogges, and the pris of ixe ys xvj. d. a pease, and the pris iij hogges xiiij. d. a pease, and the pris of vij xij. d. a pease, and j Borepegge pris viij. d. No more to you, but Jhesu have you in his kepynge, Amen. Wretyn atte Wodefforde, the Thors daye next after Seynt Luke daye
Be your syr[vant] Thomas Porchet.
All so, Mayster, y certefye you for very trowght þat þe xxti of hogges are worsse now than they were whanne y bowght hem be iij. s. iiij. d.
Tradatur ista litera magistro Stoner.