The Stonor letters and papers, 1290-1483; ed. for the Royal historical society, from the origial documents in the Public record office, by Charles Lethbridge Kingsford.

332. A RIOT AT WATLINGTON 25 AUGUST, 1483

From Ch. Misc., 37, v, 15.

Inquiratur pro Domino Rege: quia Egidius Wellysbourne, nuper de Stonor in Com. Oxon., Gentilman, et Thomas Fachell, nuper de Stonor in com. predicto, Gentilman, aggregatis sibi quampluribus malefactoribus et pacis domini Regis perturbatoribus ad numerum centum personarum modo guerrino armatis et apparatu, videlicet Brigandar, Salett., lanceis, forest billes, gladiis, baculis, arcubus, sagittis et aliis armis invasivis ad modum vane insurreccionis, vicesimo quinto die Augusti, anno regni Regis Ricardi primo, contra pacem dicti domini Regis apud Watlyngton predictam ex magna malicia precogitata insimul se congregaverunt et insurrexerunt ad tunc et ibidem insidiis jacuerunt ad verberandum et spoliandum Willelmum Stedeman, Johannem Richardson, Laurencium Dalton, Willelmum Copley, et Thomam Gode, servientes Johannis Barantyn, armigeri, et Willelmum Stedeman, Johannem Richardson, Laurencium Dalton, Willelmum Copley, et Thomasn Gode, predictos, ad tunc et ibidem verberaverunt, vulneraverunt, et maletractaverunt, et treginta sex solidos et octo denarios legalis monete Anglie et tres anulos de auro in quadam bursa ipsius Willelmi ad valanciam quadraginta solidorum de bonis dicti Willelmi Stedeman, et septem solidos et octo denarios legalis monete Anglie de bonis dicti Johannis Richardson apud Watlyngton predictam ad tunc et ibidem inventis felonice furati fuerunt, ceperunt, et asportaverunt contra pacem domini Regis &c.

Nomina Commissariorum pro speciali Commissione ad deliberandas prisonas Castri Oxon. apud Watlyngton.