288. WALTER ELMES TO [SIR WILLIAM STONOR] [16 APRIL, 1481]
After all humble recommendacion &c. I have spokyn with John Harecort, and he sweryth he wull do for yow, and purposyth to sytt in the Ester wyke, but he wuld fayne have Stepenhyth endityd: but þat shuld not help your mayne. Sir W. Norreys wull do for yow, and sey whatt he kanne. Ye must be here fore the newe Reconisaunce. I wrote to yow þat Bradbury wull delyvere your gayne in stuffe and ware, Page 124, vol. 2 but not in money. I purpose to be homwarde to morowe, yf I may, and shall do and make all thynges suere as by woode advyse kan be made or I goo. If ye have any certeynte of your men I wuld advyse yow to come shewe hit, for my lord of Gloucester, my lord Chamber|leyne be gon, and now be her your frendys. No more to yow, but Jhesu preserve yow. At London the morowe after Palme Sonday. I purpose to come home bye Wynsore and fett your money.
Your servaunt W. Elmes.