The Stonor letters and papers, 1290-1483; ed. for the Royal historical society, from the origial documents in the Public record office, by Charles Lethbridge Kingsford.

26. GREGORY, PARSON OF BOURTON TO EDMUND DE STONOR c. 1380

Stonor had estates at Condicote and Bourton on the Water, in Gloucester|shire; see vol. ii, pp. 180-2 below. Gregory, rector of Bourton, was one of Edmund de Stonor's feoffees for Harnhull and Condicote, and for Penyton Meysy (Ch. Inq. p.m., Richard II, File 21). From A.C., xlvi, 12.

Trescher et treshonore seignour, vous plese a savoir de la covenante qe John Condicote fait a Dodecote de vers vous de venier a Stonore

oveske Richard Galewayn a vostre rezvenowe de Hantechyre null per|formeit ne fuit par eng fait tanke a ore. Et pur ceo, treshonore seignour, jeo fai a Condicote le jour de Synt Andrew lapostel de en|parleer de le dit covenaunt, et dunke ils moi promys certeyment [de] estre a vous a Stonore en le jour de C[once]pcione nostre Dame pour pleynment acorder oveske vous; mes apres en le veyle de syn Nicholas vent John Cundicote a Cundicote et dit au dit Richard, qe il ne puet aver license de soun seygnour labbe de Haye au dit temps vener; par quey, treshonore seignour, le dit Richard et Marjorye sa femme vous prie enterement, si il soit a vostre voluntee qe le jour puet estre pro|longe tanke a le Chandelure, pur cause qe il ne at mye seme tot soun semaile de furment, et auxi pur ceste temps est pluviouse et bret jours. A deu, Trescher et Treshonore seignour, le seynt esprit soit garde de vous.

le vostre Chapelayn Gregori, parsone de Bourton.

A mon treshonore seignour Esmond de Stonor.