The Stonor letters and papers, 1290-1483; ed. for the Royal historical society, from the origial documents in the Public record office, by Charles Lethbridge Kingsford.
Kingsford, Charles Lethbridge, editor. 1862-1926.

192. H. MAKNEY TO SIR WILLIAM STONOR [? 1478]

The date is not earlier than 1478, since Stonor is a knight. It may belong to the spring of that year, and is placed here in conjunction with the two previous letters. In any case it seems to be earlier than Nos. 275 and 304. From A.C., xlvi, 179.

My specialle gode Maister, y recomand me to youe &c. Sire, my modire hathe [been] with me on Friday laste, and hathe receyvde of me xl. s. for þe terme of oure ladys day, and nowe y ame here gode sone and alle welle while hit wull endure. She movide me for here suertes Page  33, vol. 2 of here paymentes, which [y] promiside here before youe: þen I praede here name þe persons whiche [she would] have bownde: þe she namyde Kydwelly or Harry Dogette, Thomas Latten, Roberte Felde, and Thomas Gossefforde: wheron y have grauntide here to yeve here a answere within iij wekes after Ester. Morovire, y told here þat y wulde departe fro þe place or sete a tenante þerin: þen she question de me who shulde be my tenante: y sede þat ye were adviside to be tenante, with þat ye myȝte entrete here for here parlour and þe Chapell: and y suppose þat she wulbe easely entretide, if ye sende be tymes while þe gode wylle lastithe. Wherfore on Tusday nexte comyng shalbe þe honowre day at Wallyngefforde: and yf ye wulde sende to Herry Dogette þat he wulbe þer and make here halfe a promise þat he wulde be a suerte for here paymente, þe he myȝte entrete here for þe parlour and Chapell. Also y pray youe remembre þat þe Stuard and John Mathewe myȝte be with me on Moneday nexte: ande as for yowr stuffe at Hurley may be broughte to Makney with my cartis, whiche shall carye my litill stuffe, and save youe money and me bothe &c.

Your servaunt H. Makney.

To my speciall gode Maistire Sire William Stonor.