The Stonor letters and papers, 1290-1483; ed. for the Royal historical society, from the origial documents in the Public record office, by Charles Lethbridge Kingsford.

189. H. C[ARNEBULL] TO [WILLIAM] STONOR [before 1478]

This letter is certainly in the writing of H. Carnebull (see No. 255), who was an officer of the bishop of Lincoln. It was probably addressed to Wil|liam Stonor, and the date must be earlier than 1478. Simon Haseley occurs as bailiff of Dorchester between 1475 and 1485 (Early Chancery Proceedings 60/129). From A.C., xlvi, 93.

After my dewte with reommendacion, lyke it youe to be remembred that y desired and praied you at the last leete þat ye and y wer at Dor|chestre for my lords baile, Symon Haseley: and that ye wold let hym by cope soche landes ther as thoo wer yn my lordes handes: hit pleased you ther to sey þat it shuld be doon, and þat ye wold be good maistir unto hym, specially for þe good service he hath doon to my lord. And al be hit þat ye desired Herry Doket þerunto, and to make þe baile a copie at þe last holymote þer, he didde hit not, wherby and by þe delay þerof my lord is ly[ke to] lese þe fyne for the same: wherof I merveyle. I pray you therfor se ye hit be doon, for þe advaile of my lord: and let þe copie be entred, as it was accorded, in þe said last halymoote. At your commyng to London y shal wayte on you. Frome Woborne Leiserles þe xviij^th day of August.

Yours to my hole power, H. C.

To maister Stonor.