184. ADAM BYRDE TO WILLIAM STONOR [? 17 AUGUST 1477]
Ryght worschypfull Meyster, I recomawnd me unto your Meyster|schyp, thankyng you hertely of your gret labowre and cost with me had, and in speciale for your warde, þe whiche I have performyd in precens of all þe parissche and of your servant Thomas Wode, they promyttyng the same: the dyspossicion of theyme your servant can ynforme your Page 27, vol. 2 Maysterschyp of: as yet not performyt in theyre behalfe, nor never I suppose wylbe, yf they eny wey canfyde*. [Can find.] by eny mene, ner þe fere of þe pennalte of theyr oblygacion: wherfore I beseche you hertely, as ever I may do for your maysterschyp, þat my obligacion mey be safe, for so moche as I have done my dewte in every ponte accordyng to your warde. Forthermore, as for þe bownds betwen þe mayner of Flete Damerell and your maner of Ermyntun, I have spoke to Bertylmew Selenger and oder officerys of Meyster Selengeris, þat ys to sey Orchard, Gybys and oder, they promyttyng to do egaly by þe informacion of þe homages of Flete and Ermyngtun, so þat ther be a man fro you with sufficie autoryte for þe oversyght of þe same: the curte schalbe, as they promyt me, viij or x deyis affor Mychellmase by þe grace of Almygty Jhesu, who have your Maysterschyp in kepyng now and ever, Amen. Wryt at Ermyntun,*. [Byrde first wrote "London".] þe Sonde next after the assumcion of owre lady.
By your servant Adam Byrde.
To my Ryght Worschypfull Meyster, Wyllm. Stonor, thys Be delyveryt.