The Stonor letters and papers, 1290-1483; ed. for the Royal historical society, from the origial documents in the Public record office, by Charles Lethbridge Kingsford.

12. WILLIAM OF WYKEHAM, BISHOP OF WINCHESTER, TO EDMUND DE STONOR 11 JANUARY, [1378]

There are remains of the bishop's seal. The next letter in the Collection (A.C., xlvi, 33) is also addressed by Wykeham to "E. Stonor, viscount de Berkes," but is too fragmentary for reproduction. From A.C., xlvi, 32.

Trescher et tresffiable amy, Nous vous prions trescherement de coer qe es busoignes, qe nostre cher amy, Johan Beverleye, ad affaire en voz parties touchans vostre office en le Counte doxenford, lui veuilletz estre entier amy eidant et consellant par touz les bones et resonables voies qe vous purriez. Issint qe le dit Johan puisse effectuelement sentir qe ceste ma priere lui purra valoir. Pur la quelle chose, trescher amy, nous vous volons tresbon gree savoir et especialement estre tenuz. Et, trescher amy, le seint esprit vous veulle tous jours garder. Escrit a nostre Manoir de Suthwerk, le xj jour de Januer.

levesque de Wyncestre.

A nostre trescher, et tresffiable amy, Esmond Stonore, Visconte Doxenfort.