The University of Michigan Library provides access to these materials for educational and research purposes. These materials are in the public domain. If you have questions about the collection, please contact [email protected]. If you have concerns about the inclusion of an item in this collection, please contact [email protected].
DPLA Rights Statement: No Copyright - United States
Broder Stonar, after all dewe forme of recomendacion hadde, plesse hyt yow to hunderstonde þat I never longed so sore to speke with you as I do now, marvellyng grettly þat ye be longe hense, remembryng how grettely in consette ye stonde in London with a gentylwoman, and the grette labore þat hys made for here agynes you: and grettely hyt hys nossed and hasse bene tolde me with many persons þat but ye be ware she shall be take from you. I here muche and sey no thyng: befor the laste tyme þat ye where abowte suche a mater my speche and presens with you hurte you, and awelde you not: wherfore orlt ye to me a sewrte. I wolle in thys mater honsware no man, and yette I am grettely question with for you of divers persons thynkyng þat I shulde ken muche of your delyng: for I wolde not for my horsse and harnes and all my oder goode þat in thys mater ye toke a rebuke: wherefore remembre you shortely for the pass[ion] of Gode, for syth I cam to London xx men haffe questioned with me in thys mater, iffe ye shall be at your comyng, wheche I beseche Jhesu be not longe, who have you ever in kepyng.
Your fethefull broder Th. S.
Thys letter be delyvered to my broder Willm. Stonar in hast.