The University of Michigan Library provides access to these materials for educational and research purposes. These materials are in the public domain. If you have questions about the collection, please contact [email protected]. If you have concerns about the inclusion of an item in this collection, please contact [email protected].
DPLA Rights Statement: No Copyright - United States
A mon treshonore et tresreverent syr, je moy recomanke a vous de tout mon cuer, tresentierment endesirant doier bones novelles de vous,
come je sui grauntement tenuz. Outre ceo, monsyr, voillez savoier qe vostre argent, qest dues a vous, est cy prest a Dorchestre en la garde del Abbe et serra delivere a les Auditours de ma treshonore dame la Coun|tasse a lour proschein venu a Newenham sur bone acquitaunce. Car je suppose qils serount cy a Newenham cest Symaygne. Et sera dilivere par le mayn dun Johan Warein de Bredicote. Autre chose quant a present, monsyr, ne sai escrire, mais je pri a la Trinite qe vous doigne bone vie et sauntee de corps a long durre. Escript a Dorchestre cest Lundy en graunt hast.
Le Vostre, si vous plest, Nicholas Couelie.
A mon treshonore et tresreverent Syr, Monsyr Edmond de Stonore.