The Stonor letters and papers, 1290-1483; ed. for the Royal historical society, from the origial documents in the Public record office, by Charles Lethbridge Kingsford.

103. THOMAS PRATT TO THOMAS STONOR [c. 1470]

The date is uncertain. No. 105 is not later than 1473. It is convenient to place this and the next two documents together. The writer is probably the Thomas Prat of Henley mentioned in No. 272. From A.C., xlvi, 64.

Ryȝt reverent and wurchypfull master, I have ben with Richard Golborne and he may nat helpe me of xx. s., þat ye wrote to hym for, wherefor I beseche ȝow as my trust ys unto ȝowr gode maysterchep that ȝe wull sende me xx. s. be my sone, for and ye helpe me nat now I can nat ryde to þe feyr, and then I have loste vj. s. viij. d., þat I have leyde yn ernyste off a geldyng. Wherfore yf hyt plese ȝow that ȝe will ȝeve me leave, I wull make money off my oxyn to kepe with my promys. No mor to ȝow at þys tyme, but God have ȝow yn his kepyng, Amen. Be ȝowr awne bedeman and servant,

Thomas Pratt.

To my Ryȝt wurchipfull Master, Thomas Stonor, thys lre. be delyvered.