insultum fecit, et eundem Johannem cepit et imprisonavit, et ipsum in prisona detinuit, prout idem Thomas Stonore in narracione sua superius declaravit, et non ex causa per predictum Ricardum Fortescu superius placitando allegata. Et hoc idem Thomas petit quod inquiratur per patriam, et predictus Ricardus similiter &c.
Ideo dies datus est eis coram domino Rege in Octabas sancte Trinitatis ubicunque tunc fuerit in Anglia ad faciendum et recipiendum quod justum fuerit in premissis. Et ideo preceptum est Vicecomiti Devon. quod venire faciat coram eodem domino Rege ubicunque tunc fuerit in Anglia ad diem illum xxiiijor [This seems to be an error for "xij".] tam milites quam alios probos et legales homines de visneto de Ermyngton, qui nec prefatum Thomam Stonore nec prefatum Ricardum Fortescu aliqua affinitate attingant, ad recognoscendum per eorum sacramentum super premissis plenius veritatem.
[The Coram Rege Roll, 825, m. 23, then continues thus.]
Ad quas quidem Octabas sancte Trinitatis coram domino Rege apud Westm. venerunt partes predicte in propriis personis suis, et Vicecomes retornavit nomina xxiiijor [This seems to be an error for "xij".] Juratorum, quorum nullus &c. Ideo pre|ceptum est Vicecomiti quod distringat eosdem juratores per omnes terras &c. Et quod de exit. &c. Et quod habeat corpora eorum coram domino Rege a die Sancti Michaelis in xv dies ubicunque &c., nisi Justiciarii domini Regis ad assisas in comitatu predicto capiendas assignati primo die Lune proximo post festum Sancti Jacobi apostoli apud Exon. per formam statuti &c. venerunt ad recognoscendum in forma predicta &c. Idem dies datus est partibus predictis &c., videlicet Ricardo Fortescu, qui manucepit quam prius &c. Ad quam quidem quindenam Sancti Michaelis coram domino Rege apud Westm. venit predictus Thomas Stonore per attornatum suum contra predictum Ricardum Fortescu in propria persona sua. Et prefati justiciarii coram quibus &c., miserunt hic recordum suum in hec verba:—
Postea die et loco infracontentato coram Waltero Moyle, milite, et Thoma Yonge, Justiciariis domini Regis ad assisas in comitatu Devon. capiendas assignatis per formam statuti &c., venit tam infranominatus Thomas Stonore quam infranominatus Ricardus Fortescu in propriis personis suis, et Juratores impanellati exacti similiter venerunt, qui ad veritatem de infracontentatis dicendam electi, triati et jurati dicunt super sacramentum suum quod predictus Ricardus Fortescu in nullo est culpabilis de infraspecificata verberacione et vulneracione predicti
