The disputation concerning the controuersit headdis of religion haldin in the realme of Scotland, the zeir of God ane thousand, fyue hundreth fourscoir zeiris. Betwuix. the prætendit ministeris of the deformed Kirk in Scotland. and, Nicol Burne professor of philosophie in S. Leonardis college, in the citie of Sanctandrois, brocht vp from his tender eage in the peruersit sect of the Caluinistis, and nou be ane special grace of God, ane membre of the halie and Catholik kirk. Dedicat to his souerane the kingis M. of Scotland, King Iames the Saxt.

OF THE ANTICHRIST. (Book 31)

CHAP. XXIX. (Book 31)

Minister.

VEar not sua ignorant bot ve knau perfytlie that S. Iohne in his reuelatione speakis not onlie of thingis passed, bot also of thingis quhilk var beginn and to be compleit quhen he vrait his prophe∣cie, and of thingis to be completit lang thaireftir, and lykuyse that monie thingis quhilk var spokin of Rome var fulfillit in the cruel Emperoris: zit ve affir∣me maist constantlie that S. Iohne speakis of ane vther Antichrist quhilk vas to inuade the treu kirk of God ane lang tyme eftir the crueltie of the infidel Emperoris sould ceise, quhairbie gif ve consid∣der his propirteis aricht, nane vther may be vndir∣stand except the Paip of Rome:

B.

I grant that by the Emperoris quha ar zit cummit S. Iohne menis of ane vthir Anti∣christ quhilk sal inuade the treu kirk, bot qunair ze alledge that nane vther may be vn∣dirstand except the Paip of Rome, I desyre zou to produce ane solid reasone to confer∣me zour assertione, vtheruyse al men of gud

iudgement may persaue hou esie it is to me to reiect the sam, as maist fals and vnuorthie of onie farder improbation. Bot nou to the end that al mē may vndirstād quha may iustlie be callit the Antichrist, I vil propone sum of his cheif markis quhilk ar setfurth in Goddis vord, that thairbie ve may knau him and keip our selfis that ve be not seducit be his vickit doctrine: his propirteis contrare vnto thame [ 1] quhilk we find in Christ man be,* 1.1 that he be ane man hauand assistance of the deuil in al operation:* 1.2 lyk as the seuin giftis of the halie Spirit restit vpone the manlie nature of Iesus, [ 2] sua sal the seuin deidlie synnis pryd, auarice, li∣cherie, glutonie, sleuth, Ire, and inuie regne in him and his disciplis: Lyk as the ground of [ 3] the Christian religione is the confessione of S. Petir,* 1.3 that the sone of the leuing God is cū∣mit in the fleshe, sua sal the principal but quhairat he sal schut be to deny Christis cū∣ming in the fleshe,* 1.4 and the hail vorkis done [ 4] be verteu of his incarnation: Lyk as in Christ vas puritie of doctrine vithout onie error and godlines of lyf,* 1.5 Sua in the Anti∣christ sal be ane denyal of al doctrine befoir established, and ane Mass of al erroris befoir cōdēnit maist impudētlie teached for treuth, and contempt of al gud commandimentis and godlie lyf,* 1.6 zea ane prouocation to al im∣pietie: Lyk as be the Consil of Christ his disci∣ples [ 5] left thair vyfis, and thay quha var vnma∣reit villinglie leuit chast al thair dayis, that

thay micht indeuor thame selfis haillelie to the seruice of God, Euin sua the Antichristis disciples be his consile sal think thame selfis maist vnhappie gif thay haue not vyfis, not uithstanding thair estait and aige sal be repu∣gnant to sik mariageis as thay sal desyre, For Daniel testifeis that the hart of him and his disciples sal be brunt vith the lust of vemen:* 1.7 Lyk as Christ began his preaching in the treu [ 6] kirk of God, be planting the doctrine quhilk vald haue bene the caus for the quhilk Hie∣rusalem sould haue standin for euermair, gif the induellaris thairof had resauit it: Euin sua the Antichrist sal sit in that kirk be making the people Apostatis,* 1.8 quhilk befoir acknau∣leging the lauchful pastore vas the treu Hie∣rusalem or kirk of God, and nou be defectiō is maid the seat of the Antichrist, quhair of vil inseu gret desolatiō ād ane suddane ruine: Lyk [ 7] as Christ {pro}mised that the zettis of hel mening thairbie error and fals doctrine sould not pre∣uale aganis his kirk,* 1.9 bot his halie spirit sould gyde hir ī al treuth to the end of the varld, sua sal the Antichrist teache the plane contrare, to the ēd it may be collectit that Christ vas ane deceauer makand ane fals promeiss, for he sal preache that the hail kirk hes imbraced mo∣nie headis, of erronious doctrine: Lyk as [ 8] Christis kingdome had ane smal beginning at that tyme quhen the varld in verie deid vas in greitast blindnes,* 1.10 and thaireftir grouis qu∣hil it haue occupeit the hail varld, Euin sua the

Antichrist vil maist impudentlie affirme that the hail varld vas in blindnes befoir his cum∣ming, and persuade his disciples that obstinat∣lie thay thoil the dead for mentenance of his erroris, quhilk obstinatnes paintit vith the colore of patience vil seduce monie, and be thocht falslie miraculous proceiding of the Spirit of God, and mak thame quha vil be se∣ducit,* 1.11 be ane blind and inordinat zeal becum inraged to persecute the treu Christianis maist extremlie,* 1.12 quhil he haue dilated his poysone vniuersalie, that is quhil he haue in al pairtis quhair the kirk is, professed ennimeis to the same, laboring for hir destruction: bot quhen it is at the heicht it vil lest onlie thre zeir and ane half,* 1.13 quhil as be the contrare to the gret cōfort of the treu Catholikes, Christis king∣dome being anes at the heicht sal lest for euer∣mair:* 1.14 [ 6] Lyk as Christ descendit of the tryb of Iuda, and vas reueled quhen the Impyre of Rome vas resauand incress and maist floris∣hing:* 1.15 Euin sua the last Antichrist be operation of the deuil sal be generat of the seid of Dan, quhen the Impyre of Rome salbe sua immi∣nished that it sal skarslie haue the maiestie of ane impyre,* 1.16 quhilk be the preaching of the Antichrist vil resaue gret hurt: for he and his disciples vil be maist desyrous to eiect lauch∣ful kingis, Princes Dukis, Lordis and haue tha∣me selfis placed in thair roumes albeit be hy∣pocrisie thay vil labor to clok the same and appeir to seik na les: first vndir pretence of li∣bertie

bring and kingis and princes subiect to the Impyre of Rome from obedience to the same, to the effect that thaireftir euerie ane of thame may be the mair esilie ouerthrauī: Lyk as Christ vas praefigurat in the auld lau be tua beastis commonlie, sua S. Iohne in his reuela∣tion bringis in tua beastis for compleitting of the bodie of the Antichrist, calling ane of tha∣me ane blasphemous beist absolutlie, quhair∣bie is signifeit ane professit Apostat and infi∣del,* 1.17 the vther ane beast hauing tua hornis lyk the lamb, and zit notuithstanding spekand as dois the dragon, quhairbie he signifeis ane Pa¦triarche of Haeretikis quha albeit he praetend the mantenance of fayth and lauchful calling zit in effect he aggreis vith the formar beast, quhilk S. Iohne callis the vorshipping of the vther beast:* 1.18 And that quhilk is spokin be S. Iohne of the beast vith the seuin headdis and ten hornis, may be vndirstandin not onlie of the vitious Emperoris of Rome quha did per∣secut the primitiue kirk, bot also of the last Antichrist: for the headis signifeis diuerss Hae∣resiarchis and Maisteris of fals doctrine. The hornis signifeis the assistance of temporal pouaris quhairbie thair impietie is defendit: And thir as S. Iohne sayis,* 1.19 resauis pouar at ane hour vith the beast: for lyk as thay quha ar Ministeris deput to preache in the kingdome of the Antichrist dispossessis lauchful preistis and Bischopis: Euin sua temporal men infe∣ctit vith thair pernicious doctrine vil think

thame selfis inferior in spirit and courage to thair brethrene, vnles thay lykuyse eiect tem∣poral Magistratis mētenaris of the treu reli∣giō, as Kingis, Quenis, Dukis and Erlis, occu∣peand violentlie thair roumes, for the quhilk caus S. Iohne callis thame not kingis, bot ha∣uing pouar as kingis:* 1.20 Lyk as S. Iohne declai∣ris his cumming be the lousing of ane vyld beast, sua he vil not be eschamit to cal him self ane vndātonit beast quhilk may not be ouer∣cūmit: And his kingdome vilbe at the heicht quhen the deuil sal be loused, quhilk laxation vil be knauin be vniuersal vitkitnes, and infi∣delitie almaist throuch the hail varld,* 1.21 vith ex∣ceiding gret feir to profes Christis doctrine, and the sacrifice of his bodie and blud callit the Mess: Sik as is this day in Scotlād, and In∣gland quhairin is ane viue image of the king∣dome of the Antichrist, quhairin gret desola∣tion may be sene in the halie places,* 1.22 and gret persecution of the treu Catholikes: For in the Antichristis kingdōe abhominabil hurdome vil be placed in the kirk for he preasthead, and Sodomitical syn as bougrie, incest, and adulterie vilbe honorit as Mariage: He is cal∣lit the beast vpon quhom the hure sittis, that is be quhais doctrine the Authoritie of the hure aboue the kirk is approued:* 1.23 For as Chri∣stis doctrine admittis nane of the feminine kynd to beir reul in the kirk, sua the disciplis of the Antichrist vil promoue not onlie Bair∣nis, and Idiotis bot V••mē also in place of bis∣chopisād

hie preistis: for of ane in tha cūtreyis quhair the Antichrist sal be best obeyit Sanct Iohne spekis maist planelie in his reuelation [Permittis mulierem Hiezabel quae se di∣cit prophetissam,* 1.24 docere, & seducere seruos meos, scortari, & edere ex iis quae simulachris immolantur, & dedi illi tempus vt resipisce∣ret à fornicatione sua, & nō resipuit,]. i. Thou sufferis the voman Hiezabel quha sayis that scho is ane prophetiss berīg office in the kirk, to teache and deceaue my seruandis, and play the harlat and eat of tha thingis quhilk ar of∣ferit to Idolis, ād I haue geuin hir tyme to re∣pent from hir fornication and harlatrie, bot scho hes not done poenitence: And agane (Quantum glorificauit se & in deliciis fuit, tā∣tum date illi & tormentum,* 1.25 quia dicit in cor∣de suo, consideo Regina, & vidua non sum, & luctum neutiquam videbo). i. Sua far as scho hes exaltit hir self and leuit in ryattousnes, ge∣ue hir als gret torment and murning, becaus scho sayis in hir hairt, I sit ane Quene in my throne, and I sal not se murning or lamenta∣tion: [ 10] As Christ honorit the father of heauin, sua sal the Antichrist and his disciplis honor the Deuil of hel as onlie vorkar of al thingis:* 1.26 for he vil teache that notuithstanding the gra¦ce of Christ it is impossibil to resist the sugge∣stionis of the Deuil, or that onie mā hes pouar to do vtheruyse nor he dois: he vil maist bla∣sphemouslie affirme that al the vorkis quhilk the treu Christianis dois mouit be the spirit

of God ar the vorkis of the Deuil, ād that God dois al the mischeif quhilk is vrocht be him and his disciples, this is the vorshipping of the dragon quhairof S. Iohne speikis in his reue∣lation: As Christ is considerit in propir perso∣ne [ II] quhō al faythful men vorshippis for thair God, being bayth God and man: And lykuyse in his mystical bodie quhilk comprehendis al his disciples in vnitie of spirit concerning do∣ctrine and maneris: Sua may the Antichrist be cōsiderit in his bodie natural ād mystik, to the quhilk al thay apertenis quha ather imbraces fals doctrine ōlie, or ar of vitious lyf ōlie vith cōtinuāce,* 1.27 or Ioynis thir tua togidder vithout repētance: for the quhilk caus not onlie aucht thay thingis to be attribut to the gret Anti∣christ quhilk he in propir persone performis, bot thay thīgis also quhilk ar performet be his disciples in his name and be imitation of him eftir his death, euin to the aucht generation: As S. Augustin vrait of Arrius that his pane in hel vas not definit befoir the tyme that his haeresie come to the heicht,* 1.28 and vas alluterlie extinguished: This menis S. Iohne vryttand, in this maner, [Videntes bestiam quae erat & non est, etsi est). i. seand the beast that vas and is not, albeit he be: and, (Quinque ceciderunt, vnus est, alius nondum venit, & cum venerit, oportet ipsum breue tempus manere, & bestia quae erat & non est, & ipse 8. est, & de nūero 7 est, & in in••eritū vadit:). I. ••yue ar destroyi••, pres••••lie thair is ane, anevthir is not zit cūmit,

and quhen he cummis, he man byd ane schort tyme, and the beast quha vas and is not, is the aucht, and zit nothuithstanding he is of the number of the seuin headdis:* 1.29 for this differē∣ce and opposition is to be markit cheiflie, that quhair Christ is onlie ane head: In the kingdome of the Antichrist thair sal be mo∣nie, quhilk ar signifeit quhylis be the number of tua, quhylis of thrie quhylis of ten, and sik vther numbris quhilk ar expressit in the re∣uelation of S. Iohne: For ane gret number of Deuillis sal adioyn thame selfis in separabillie in al operation vith men of vain, curious and ambitious spiritis quhairbie thay vil mak thame abil to do thay thingis to the gret ad∣miration of ignorantis quhilk passis the na∣ture of man: Thir ar lykuyse the fals miraclis quhairbie simple people geuin to the libertie of the flesh, and fleing trauel vil be seducit and maist miserabillie deceauit: Sua that the cum∣ming of the Antichrist vil be at that tyme qu∣hen be the negligence and slugagenes of the lauchful Pastoris, al kynd of iniquitie aboūdis,* 1.30 and the deuillis sal possess men vith sik force and vehemencie as in the primitiue kirk the Apostlis var possessit be the halie spirit: Zit nothuithstanding the multitude of sa mo∣nie contrarious headdis amang the disciples of the Antichrist, he vil find out and chuse ane Name quhairbie he vill distinguish his disciplis from al vtheris, common to thame al, quhais signification gif it be veil obser∣netvil

be directlie repugnāt to the significatiō of this vord (Christ) as it is the name of our saluiour, and as from it al treu vorshipparis of God ar namit Christianis:* 1.31 And albeit at the beginning he vil praetend ane gret humilitie and luf of goddis honor, zea haue participatiō of tha sacramentis quhilk var institut be God, and reuerence the vord of god, and declair him self ane maist vehement ennimie to al Idolatrie,* 1.32 to the effect that as Christ him self hes foiruarnit vs, he may seduce, gif it be pos∣sibil, euin the elect, and thame quha as thair consciēces dytis thame feitis God vnfēzeitlie: Zit in hairt he vil be sua proud that he vil not onlie contēn al suprē pouaris and Magistratis* 1.33 bot also craif thay thīgis to be attributit vnto him, quhilk ar propir to God onlie: for S Paul vryttis to the Thessalonianis (as I said be∣foir) that ane greit defection from the Roman impyre sal be befoir the cumming of the Antichrist, saying, vnles first thair be ane de∣fection (mening not onlie from the fayth bot from the impyre of Rōe also) And that mā of syn be reueilet quha is ane Aduersar exaltand him self aganis al thame quha ar callit God,* 1.34 or vorshippit as hauing Diuin pouar, sua that he sal sit in the kirk of God vantand him self as gif he var God: Nocht that he sal erect ane kirk of neu, and dedicat it to the seruice of God, for his trauelvil be bestouit mair on doūe casting nor erecting: Bot becaus be eiecting lauchful Pastoris (quhilk S. Iohne me••is be

the seaging of the halie citie) he vil place his auin abominatiō in Hierusalem that is in that kirk quhilk befoir the imbraceing of the per∣nicious doctrine of the Antichrist, vas the temple of God quhen the people acknauled∣git for thair Pastor him quha had lauchful vocation: He is callit maist iustlie ane ad∣uersar becaus as obseruis Tertullian:* 1.35 Al Haere∣tikis in quhom the spirit of the Antichrist do∣is regnevsis euer to destroy and not to buyld, to improue and not to confirme, to doubt and not to gif credit, to ganesay and not to aggrie vith vtheris quha praeceidit thame, and finalie to propone na doctrin propir to tha∣me selfis insafar as thay disagrie from the Ca∣tholik kirk, except it be negatiue: And as te∣stifeis the ancient and Godlie father Hippo∣litus the onlie defence of the disciples of the Antichrist quhen thay fal in disputation vith the treu Christianis vil be,* 1.36 that mouit be sik praetencis as he vil forge to obscure the veri∣tie, thay deny al thingis quhilk ar brocht a∣ganis thame: for the quhilk caus in the lette∣ris of the name of the last Antichrist not onlie may ve find the number sax hundreth, saxtie sax,* 1.37 as vitnessis S. Iohne: bot also as Hip∣politus supponis monie vthir names expres∣sand sindrie of his condicionis, and conte∣nand lykuyse the foirsaid number: Amangis the rest ve may find expressit be the letteris of his name his great seal quhilk is the verb (〈 in non-Latin alphabet 〉〈 in non-Latin alphabet 〉.) and fra it ane propir name also de∣ducit

contenand the foirsaid number exactlie asit is reuelit be S. Iohne quhilk may be 〈 in non-Latin alphabet 〉〈 in non-Latin alphabet 〉 for sua it aucht to be vryttin and pronunced 〈 in non-Latin alphabet 〉〈 in non-Latin alphabet 〉,* 1.38 or 〈 in non-Latin alphabet 〉〈 in non-Latin alphabet 〉 sua that the sound of (〈 in non-Latin alphabet 〉〈 in non-Latin alphabet 〉) and (〈 in non-Latin alphabet 〉〈 in non-Latin alphabet 〉) be skairslie persauit: For declaration he••∣rof the halie father Hippolitus vryttis in this maner [Sigillum illius tam in fronte, quàm in dextera manu est Calculus 〈 in non-Latin alphabet 〉〈 in non-Latin alphabet 〉. At vt opi∣nor, neque enim certo scio permulta reperi∣untur nomina quae numerum illum habeant, sed dicimus fortasse scripturā illius sigilli esse (〈 in non-Latin alphabet 〉〈 in non-Latin alphabet 〉). I. Nego: Nam antea quoque hostis ille, nobis aduersarius opera ministrorum suo∣rum. I. idololattarū Christi Martyres hortan∣tium, Negato aiebat Deum tuum crucifixum: Tale erit, tempore illius honestatis omnis osoris sigillum, dicens, Nego creatorem cae∣li & terrae. Nego baptisma, Nego adorationē à me Deo praestari solitam] I. The seal of the Antichrist quhilk his discipillis sal ressaue ba∣yth in the foirhead and richt hand, is signifeit be the letteris of his name, quhais number be calculatiō extendis to sax hundreth saxtie sax: Bot as I suppon, nather knau I perfytlie, thair be monie names composit of the letteris of the name of the Antichrist quhilk contenis the number sax hundreth saxtie sax:

Bot peraduēture ve may say that his great seal is signifeit be ane vord composed of the let∣teris of his name quhilk is (〈 in non-Latin alphabet 〉〈 in non-Latin alphabet 〉) and signi∣feis I deny: For befoir this tyme also, this our auld ennimie be the trauel and diligence of

his ministeris to vit the Idolateris exhorting Christis martyris, said maist impudentlie, De∣ny that thy God vas crucifeit: Siclyk at that tyme quhen the Antichrist in propir persone ane haittar of al honestie sal appeir, this sal be ane singular taikin quhairbie he may be kna∣uin, becaus he and euerie ane of his disciples sal euer haue in thair mouth ane stif denyal of al veritie, saying, I deny that God hes sik po∣uar that he micht haue created the heauin and earth: I deny that Baptisme hes onie strenth to purge men from thair synnis: I deny the maner and custume quhairbie befoir I vsit to serue god: Zea not onlie, 〈 in non-Latin alphabet 〉〈 in non-Latin alphabet 〉 bot 〈 in non-Latin alphabet 〉〈 in non-Latin alphabet 〉 al∣so the verb, is in ane certan maner the name of the Antichrist expressand that infidelitie qu∣hilk be operation of the Deuil sal be imprē∣ted in the hairt of him and al his Disciples, lyk as he ingrauit it in the hart of Eua seduceand hir in Paradise,* 1.39 saying, Non moriemini .i. Ze sal not dea. As be the contrare Amen, qu∣hais significatiō is plane repugnant to 〈 in non-Latin alphabet 〉〈 in non-Latin alphabet 〉, is in ane certan maner ane of the names of our saluiour Iesus Christ, as vitnessis S. Iohne in his reuelation, Haec dicit Amen testis fide∣lis et verus,* 1.40 principium omnis creaturae: This sayis (Amen) the faythful and treu vitnes, the beginning of al thingis created: And as in the kirk of Christ al Prayeris, al Benedictionis, al Thākisgeuīg, al Articlis of fayth al Prophe∣ceis concerning goddis promises, al treu in∣terpretationis, and leasōnis of halie scripturis

al apoyntment al couenantes of God vith his people, ar concludit, confermit, and seall it be Amen, signefeand Est, Verū Est, etiam.* 1.41 As S. Paul interprettis this mysterie vrytand to the Cor. (Nā Dei filius Iesus Christus qui intervos per nos praedicatus est per me et Syluanum, ac Timotheum, non fuit, (Etiam, & Non) sed (Etiam) per ipsum fuit: quotquot enim pro∣missiones Dei, per ipsum sunt (Etiam), & per ipsum (Amen) Deo ad gloriam per nos). 1. For Christ the sone of god quha vas preachit a∣mangis zou be me and Syluanus, and Timo∣theus vas not (Zea and na] bot vas (Zea) onlie, For al the promisses quhilk God hes maid be him ar (Zea) that is be him thay ar ratifeit, and be him thay ar (Amen) that is thay ar cōfirmed be Goddis gret seal (Amen) that be vs the gloir may redound vnto God. Be the cōtrare the Antichrist vil end al the mystereis of his iniquitie vith 〈 in non-Latin alphabet 〉〈 in non-Latin alphabet 〉 Nego, Non, Non est ve∣rum: .1. Na, It is not sua, I deny that euer onie sik thing hes bene.] And his Ministeris vil cō∣clude al thair sermonis vith denyal of tha thingis quhilk befoir be the spirit of God hes bene approuit, and confirmit: As al the pro∣pir articlis of thair beleif vil be negatiue con∣tenand plane contradiction to al treu fayth: And finalie thay vil deny the fulfillīg of god∣dis promishes maid vnto his kirk Catholik, Zea euin that quhilk vith ane aith God the father maid vnto his sone Iesus Christ,* 1.42 that the preisthead and offering of Christis bodie

and blude vndir the formes of breid and vy∣ne, quhilk be the kirk is callit the Mess, sal not cease vpon the face of the earth vnto the end of the varld: Becaus the Antichrist and his disciples vil indeuoir thair hail trauel to the abolishing of this sacrifice, as vitnessis the ha∣lie prophet Daniel:* 1.43 Q••hairfoir in the name of the last and gret Antichist ve sould maist diligentlie obserue gif ve find be the letteris tha••rof not onlie his number 666. expres∣sed bot also his gret seal 〈 in non-Latin alphabet 〉〈 in non-Latin alphabet 〉. Nou to mak application of tha thingis quhilk I haue spo∣kin of the Antichrist in general:* 1.44 lyk as s. Iohne inducis ••ua beastis to compleit the bodie of the Antichrist, Euin sua thair ar tua horribil beastis acknavledgit be the kirk Catholik throu••h the hail varld for notabil persecuta∣ris of Ch••istis kirk: The ane is Mahometis in the gr••••k impyre, the vther Martin Lauter in the latine impyre:* 1.45 For lyk as the letteris of euerie ane of the names of thir compleittis exactlie the number of the Antichrist, euin sua it is maist esie to apply to euerie ane of thame al the propirteis of the Antichrist quhilk I haue befoir rehersit: For thair is na doubt bot Mahometis hes bene, and is ane verie notabil ennimie to the kingdome of Christ, quha had for ane of his parentis ane Ieu as treu and faythful men reportis,* 1.46 and asc••yuit vnto him self tha thingis quhilk ar propir to the halie Ghaist, lyk as al the rest of the propirteis of the Antichrist may be maist esilie accōmodat

vnto him. Martin Lauter is the vther beast in quhais name also this number is compleit,* 1.47 And that ve sould nocht doubt bot he is the vther beast, be the prouidence of God in his auin vrytingis he callis him self ane beast, Saying.* 1.48 Vos Papistae ab anteriori parte, vos tumul∣tuosi à posteriori, vos Diaboli ab omni parte incitate, venamini, exagitate alacriter, verā habe••is ferā ante vos, iacēte Lutero salui estis & victoriā obtinuistis .i. Ze Papistis, ze troubilsū men, ze deuillis befoir me, be∣hind me, and on al syd set on me, cal me forduart, and hunt me, ze haue befoir zou ane verie beast, gif lu∣ter be ouercummit ze ar saif and haue obtenit the vi∣ctorie: Quhat beast meanit Lauter of in this place, except of that serpent be the quhilk the Antichrist is signifeit in the scripture? As he declairit maist planelie of him self quhen he first begane to impugne the fayth, that the Ca¦tholik kirk sould find him Ane edder in the hie vay,* 1.49 and serpent in the rod bytād the hors houis that the rydar may fal bakuart: Quhair of I can collect na vther thing bot as God mouit Cayphas to speik prophecie quhilk he vndirstude not,* 1.50 sua he hes mouir Martin Lau∣ter albeit in general termis, and obscu••lie to apply this prophecie to him self as descendit of the tryb of Dan, lyk as verie monie Ieuis mareis vith the Germanis, quhilk mysterie vn∣les be instinction of God he had confessed it him self, vald haue bene vtheruyse vnknauin to the varld. He vitnessis be manifest vryt that he exaltit him self aboue al diuī pouar, saying,

Rectum permanere oportet quicquid ego scripsi, aut docui, etiam si per hoc totus mundus in ruinam abire debeat. 1. It is necessar, that, that thing be estemit richt quhatsumeuer I haue vryttin or teachit, albeit it sould be the caus of ruine to the hail varld: And, Ego verò neque Papae,* 1.51 neque Imperatori, sed ne An∣gelo quidem de caelo doctrinā meam amplius submit∣tere iudicandam volo, sed quoniam de ea certus sum, per eam iudex esse volo non modò hominum, verum∣etiam cunctorum Angelorum: Vt si quis doctri∣nam meam non acceptauerit, saluus esse non possit, quia Dei est, non mea, idcirco & iudicium meum Dei quoque est non meum: .1. I vil nather submit my doctrine to be iudgit be the Paip, nor be the Empe∣ror, nor be onie Angel of heauin, bot becaus I am assurit of it: be it I vil be iudge not onlie to men, bot to al the Angellis of heauin, sua that gif onie man resaue not my doctrine, he may not be saif, becaus my doctrine is goddis doctrine, and my iudgement is al∣so Goddis iudgement: And agane. Ea autem certi∣tudine & fiducia tentandum nobis est quod prae∣stituimus, vt non modo totius mundi iudicia pro fo∣liis leuibus, & summis aristis habeamus, sed & ar∣mati simus in morte contra portas inferi,* 1.52 quinetiam aduersus iudicium tentantis Dei pugnare, & cum Iacob contra Deum praeualere, mundi enim voces occlusis auribus vtcumque etiam infirmiores contem∣nere possunt, at conscientiam quis occludet, ne Satha∣nam, ne Dei iudicium sentiat? .1. Ve man essay to performe that quhilk ve haue tane in hand vith sik assurance and confidence that ve not onlie esteme al the iudgementis of the hail varld als licht as the le∣uis

of the treis, or caff quhilk is blauin auay vith the vind, bot that ve inarme our selfis also aganis the feir of Death and hel quhilk god threatnes for tran∣sgression, and that ve may preuail euin aganis the iudgement of God quhen he temptis vs as did Iacob: For as to the commone sayingis of the varld, thay qu∣ha ar bot sumpart mair vaik, may be closing thair earis, neglect the same: bot hou bauld man he be quha closis his conscience that he nather persaue the accusationis of the Deuil, nor iudgement of God aga∣nis euil doing? Quhair (be abusing the place of scripture in the quhilk to declair ane hid my∣sterie of the victorie of the seid of Iacob, it is said that Iacob did preuail aganis God, as he abusit the exemple of Abraham to proue his Euangelical sentence, Si non vult vxor veniat ancilla) he schauis maist planelie that he vil essay gif he may to caus leasingis preuail aga∣nis the treuth, haeresie aganis the Catholik fayth and the Deuil aganis God. Martin Lau∣ter (quhilk is requyrit in the Antichrist) vas conceaued of the Deuil not onlie as tuiching his carnal generation,* 1.53 sence as monie faythful men testifeis of him, he vas gottin be ane de∣uil in ane zoung mannis liknes, bot also con∣cerning his spiritual generation be coopera∣tion of his auin fre vil,* 1.54 he confessis him self that be geuing place to the argumentis of the Deuil brocht aganis the Mess, quha oftymes valkinnit him, and gaue him consale to vryt for abolishing of the same: and proponit vn∣to him the titil of his buke de abrogāda Missa

(quhilk Daniel foirprophecied to be the cheif but quhairat the Antichrist sal schuit) He become sua gret ane Prophet,* 1.55 as efteruart he vas estemit to be amangis the Germanis, and conceaued ane exceiding gret het••et aganis the Roman kirk: For gif the maist blessed Virgin Marie be ear and fayth, geuing credite to ane gud Angel, vithout coniunction vith m••n, conceaued Christ Iesus, quha become the father of monie sonis spiritual: Quhy micht not Martin Lauter lykuyse vithout cōiunctiō vith vomā, be geuing credit to the Deuil his father, becum the Antichrist? quha hes be∣gottin the Zuinglianis, Oecolampadianis, Anabaptistis, Suenkfeldianis, Amsdorfianis, Caluinistis, Puritanis, kmnoxistis, al the Anti∣christis, and Protestaons of our dayis vith in∣numerabil sik vther viperis, and fyrie serpētis quha be instruction of thair father Martin Lauter, hes oppinit vp the hid mystereis of his neu Euāgel, obtrudād for Goddis vord al pesti∣lent, haereseis befoir condemnit be the kirk, As of Symon Magus, Marcionitis, Blastus, Ar∣rius, Macedonius, Manichaeus, and al vtheris quhilk S. Iohne signifeis in his reuelation quhen he sayis that the head of the beast qu∣hilk befoir vas cuttit of,* 1.56 vas hailled agane, and his vound curit: For thir haeretikis quhill as thay condem al general Conciles, of necessi∣tie thay man approue al haereseis condemnit be thame:* 1.57 Zea sum of this gret Antichristis disciples as Dauidgeorgius ane Glaisin vricht,

said That he vas the tteu Messias promised to the Ieuis:* 1.58 Rotmānus ane vthir of his disciples denyit that Christ vas borne or resauit huma∣ne nature of the Virgin Marie: And Leidan ane vthir Minister, to counterfut Dauid, vas chosin king be his follouaris. And albeit thair be ma nor threscoir of cheif Maistris of Se∣ctis quhilk var disciples to Martin Lauter, zit for the name (Catholik) be the electiō of thair Maister thay haue ane common name, quhais signification is directlie repugnant to the na∣me of Christ: for thay ar callit Protestaons from making Protesta•• n•• aganis the Decreit∣tis of the Paip and Emperor of Rome, des∣chargeing onie disputation or imbraceing of onie doctrine concerning the verteu of in∣dulgencis befoir ane day, quhilk be thame vas apoyntit for disputatiō of the verteu thair of, eftir that be Martin Lauter, Legatus indul∣gētiarum vas send agane to Rome out of Ger¦manie, vithout the siluer quhilk he com for, quhairuith the kirk of S. Petir in Rome micht haue bene repairit. As the historeis of the beginning of the troublis of Germanie bearis record: For insafar as the vord Christ signifeis anoynted to vit king, Preist, and Prophet, quhilk aggreit not onlie to Christ Iesus in propir person, bot also to al thame quha var, or is to be lauchfullie promouit to sik offices, sua that thayvar in plenitude in the Paip and Emperor representād Christis hieast dignitie vpon the face of the earth, It follouis

necessarlie that thay quha receauit thair name becaus thay maid Protesta••n aganis the de∣creitis proceidīg from the lauchful authoritie of Kingdome Presthead and Prophecie inioy the name of the Antichrist, and that al the Protestaons ar Antichristianis: For confirma∣tion, Martin Lauter intitulat ane of his bukes (Contra duo caesaris mandata) and ane vther (contra statum ecclesiae): And ane of his disci∣ples in the Ile of Britannie, kmnox intitulat lykuyse the blast of his seditious trumpat, (Aganis the regiment of vemen:) It is mair nor manifest hou the Protestaons hes reie∣ctit al kynd of anoynting or Chrisme, for hetret of the vord Christ quhilk is the name of our saluiour▪ and sould be lykuyse abolis∣hed according to the principal groundis of thair doctrine: For gif the Protestaons in Scotland var mouit be gud reason to turne [kyrie eleyson in lord haue mearcie on me] and, Amen, in Sobeit, thay had als gud reason to haue Changit (Iesus in saluiour, and Christ or Christus in anoyntit) And it sould haue lykuyse bene changit in vther vulgar toungis and lāgages: Martī Laut. be his auin iudgemēt also is conuict to haue fochtin directlie aga∣nis Christ: Becaus in al his disputationis, vry∣tingis, and preachingis aganis the bischop of Rome, he laborit for na vther thing, bot for the abolishing of the Authoritie of the Paip in quhais persone and authoritie he acknau∣ledgit Christ Iesus as head and reular of the

kirk: As is manifest of his auin vordis, euin ef∣tir he had maid defection frō the kirk of Ro∣me:* 1.59 [Quare beatissime pater prostratum me pedibus tuae beatitudinis offero, cum omnibus quae sum, & habeo, viuifica, occide, voca, reuoca, approba, re∣proba vt placuerit: vocem tuam, vocem Christi in te praesidentis agnoscam, si mortem merui, mori non recusabo. 1. Quhairfoir maist blessed father I cast my self befoir the feit of zour halines vith al quhat∣sumeuer I am, or haue, quickin me, slay me, cal on me, bring me from the propose quhilk I vas at as ze pleis, I acknaulege zour vord for the vord of Chrîst, quha speakis and beris reul ouer the kirk in zou: Gif I haue deseruit the death, I vil not refuse to dea: Quhairfoir al men of puissance infectit vith the poysonit Antichristian doctrine of Martin Lauter, sould feir leist the Deuil hauing ful pouar ouer thame, vse thame as instrumen∣tis to performe the rest of the vickitnes of the Antichrist: for gif I vald vse particular ap∣plication of al the rest of the propirteis of the Antichrist thay may al be maist conuenientlie accommodat vnto him And his disciples, on∣lie except that the mesour of impietie begun be him is nocht zit fullie accomplished: And to praetermit vther Antichristian condicionis infinit as that thay contemn the maner hou thair foirfatheris vorshippit God:* 1.60 And ar ca∣pital ennimeis to the continual sacrifice of the kirk:* 1.61 Al the disciples of this monstrous beast Martin Lauter, dois put sik foelicitie in the lust of the flesch that in auld men quha

to the iudgement of the varld according to thair vou leuit chaist to the tyme thay var me∣kil mair nor threscoir of zei••is, and had al∣maist the ane fut in the graif, the spirit of for∣nicatione and adulterie enterit vith sik inor∣dinat lust that skarselie could it be quenshit ather be vyf or hyre voman: I micht produce for exemple that renegat and periurit preist schir Iohān kmnox, quha eftir the death of his first harlat, quhilk he mareit incurring eter∣nal dānatiō be breking of his vou ād promiss of chastitie:* 1.62 quhē his age requyrit rather that vith tea••is and lamentatiō he sould haue cha∣stised his flesh ād beuailit the breaking of his vou, as also the horribil incest vith his gud∣mother in ane killogie of Hadintoun: zit notuithstanding, heauing laid asyd al feir of the panis of hel, and regarding na thing the honestie of the varld, as ane bund sklaue of the Deuil, being kendillit vith ane inquens∣hibil lust and ambition, He durst be sua bauld to interpryse the sute of Mariage vith the maist honorabil ladie my ladie Fleming, my lord Dukes eldest dochter, to the end that his seid being of the blude Royal, and gydit be thair fatheris spirit, micht haue aspyrit to the croun. And becaus he receauit ane refusal, it is notoriouslie knauin hou deadlie he haited the hail hous of the Hamiltonis, albeit being deceauit be him traittorouslie it vas the cheif vpsettar, and protector of his haeresie: And this maist honest refusal could nather stench

his lust nor ambition, bot a lytil eftir he did perseu to haue allyance vith the honorabil hous of Ochiltrie of the kingis M. auin blude, Rydand thair vith ane gret court on ane trim gelding, nocht lyk ane prophet or ane auld decrepit preist as he vas, bot lyk as he had be∣ne ane of the blude Royal, vith his bendis of taffetie feschnit vith Goldin ringis and pre∣cious stanes: And as is planelie reportit in the cuntrey, be sorcerie and vitchcraft did sua al∣lure that puir gentil voman, that scho could not leue vithout him: quhilk appeiris to be of gret probabilitie, scho being ane Damo∣sel of Nobil blud, And he ane auld decre∣pit creatur of maist bais degrie of onie that could be found in the cuntrey: Sua that sik ane nobil hous could not haue degenerat sua far, except Iohann kmnox had interposed the pouar of his Maister the Deuil, quha as he transfiguris him self sumtymes in ane An∣gel of licht: sua he causit Iohann kmnox ap∣peir ane of the maist nobil and lustie men that could be found in the va••••d: Bot not to offend zour earis langar vith the filthie ab∣hominationis of Schir Iohann kmnox, and to returne to tha thingis quhilk ar common to the sect of the Protestaons,* 1.63 lyk as S. Iohne descryuis the Antichrist to haue ane blasphemous mouth aganis god, his sanctis, and halie tabernacle quhilk is his kirk Ca∣tholik, Euin sua the blasphemeis ar maist hor∣ribil quhilk thir grishopperis and maist noy∣sum

serpentis the sonis of Martin Lauter spe∣uis out of thair venemous mouthis, maist im∣pudentlie defending the sam, as gif thay var headdis and articlis of healthsum doctrine: sik as ar thir.

1. That God may do na thing by the estahlis∣hed ordor of the varld.* 1.64

2. That the secund person in the Trinitie is nocht the sone of God:* 1.65 becaus the sone taikis his substance of his father, and the secund persone takis not his substance from the first, bot hes his substance of him self and na vther persone.

3. That the halie Ghaist takis nather his sub∣stance of the father,* 1.66 nor zit of the sone.

4. That the trinitie of personis in ane God∣heid is bot ane Phantasie.* 1.67

5. That the trinitie is to be estemit na vther thing bot triceps Cerberus.* 1.68

6. That thair is not onlie ane God: bot thrie.* 1.69

7. That 〈 in non-Latin alphabet 〉〈 in non-Latin alphabet 〉 in the beginning of the Euan∣gel of S. Iohne signifeis nocht the secund perso∣ne in diuinitie.* 1.70

8. That murtheraris,* 1.71 adulteraris, theuis, and traittoris ar effectuouslie mouit be God and constrainit to commit sik crymes, and finalie that al thingis cummis of absolut necessitie: and that God is the author of al syn.

9. That God hes created men to that end that he may puneis thame for euer.* 1.72

10. That Christ vas nocht borne of the virgin Marie.* 1.73

11. That Christ quhen he vas ane bairne vas ignorant,* 1.74 and gaid to the scuil to learne vith vther bearnis.

12. That Christ is composed of the substance of God,* 1.75 and of flesch, and of Spirit, and of thrie increated elementis.

13. That Christ vas nocht the sone of God,* 1.76 be∣foir he vas borne of the virgin Marie.

14. That Christ vas nather God nor man.* 1.77

15. That Christ vas ful of Grace nocht that he had onie grace inhabitant into him, bot be∣caus the father fauorit him gretumlie.* 1.78

16. That the vordis of consecration of the bo∣die,* 1.79 and bluide of Christ, pronunced on the breid and vyne is vitchcraft and incantation of the Deuil, quhairof consequentlie it follouis that Christ vas ane vitch and inchantar, becaus he pronuncit thir vordis first vpon the breid and vyne for consecration of the sam, and commā∣dit that thay sould be pronunced in lyk maner for consecration of breid and vyn in his bodie and blude vnto his cumming agane to iudge∣ment.

17. That Christ pronunced vpon the Croce the vords of Desperatiō,* 1.80 and that hevas cōdem∣nit to hel, and tormentit be the Deuillis thairin.

18, That Christ nocht onlie as man,* 1.81 bot in his diuin nature also deed vpon the Croce.

19. That in our iustification ane pairt of the diuin substance of Christ is conioynit vith our substance, and thairbie ve resaue ane substantial or essential iustice throuch Christ Iesus.* 1.82

20. That Christ hes institute and left vs ane Religion vithout al lau quhilk ve ar obleist to obey and fulfil,* 1.83 and vithout al sacrifice and preasthead.

21. That na Christian man is obleised,* 1.84 to keip the ten commandimentis.

22. That thair aucht nocht to be onie distin∣ction of temporal magistratis in heichar or lai∣char degrie.* 1.85

23. That Christianis aucht nocht to resist or fecht aganis the Turk albeit he be ane cōiurit en∣nimie to the name of Christ.* 1.86

24. That al vse of armore is deuilishe.* 1.87

25. That the communion of Sanctis consistis in this,* 1.88 that it is lesum to euerie man to raif his nichtbouris geir.

26. That it is lesum to euerie man to tak his hyre voman and ly vith hir,* 1.89 quhen his vyf re∣fusis.

27. That it is the estait of innocencie, and treu regeneration,* 1.90 nocht to mak onie difference be∣tuix gud and euil, bot to imbrace al thingis alyk.

28. That al thingis quhilk ar spokin of the De∣uil,* 1.91 and syn, ar bot mere imaginationis and phantaseis.

29. That Christ is not our redemar in sik sort that he destroyis our syn,* 1.92 and in verie deid dely∣ueris vs from the bondage thairof, becaus that syn being anes contracted, remanis in vs conti∣nuallie.

30. T••at the zoung Childrene contractis not original syn be natural generation and propaga∣tion of Adam,* 1.93 and that in thame thair is na thing vordie of condemnatione.

31. That monie men var saif and attenit vnto the kingdome of heauin vithout fayth in Christ quha vas to be reuelit,* 1.94 as Numa, Cato, Scipio and vtheris.

32. That the mair ane man repent him of his syn,* 1.95 he synnis the mair greuouslie.

33. That in euerie Gude vark done maist ex∣cellentlie,* 1.96 euerie iust mā, zea euin the Martyris deing for confession of the name of Christ, dois deserue aeternal damnation.

34. That the saul deis vith the bodie, or sleipis quhil the day of iudgement.* 1.97

35. That thair aucht nocht to be onie distin∣ction of pastoris in heichar or laichar degrie in the kirk of Christ Iesus.* 1.98

36. That the kirk of Christ may be sua ouer∣thrauin,* 1.99 that na man may be knauin throuch the hail varld for the space of monie hundreth zeiris, makand oppin profession of the name of Christ.

37. That the Euangel of Christ vas neuer treulie preached in Germanie,* 1.100 France, Scotland, and Ingland, quhil Martin Lauter, Caluin, and kmnox var raised vp, to publeis ane vord vn knauin to the hail varld befoir thame. And the Quein of Ingland to be prophetiss, and hie scho∣preist or head of the kirk, hauing pouar to decyd all controuerseis of Religion.

38. That the treu doctrine of Iustification vas neuer Knauin to the hail varld,* 1.101 vnto the tyme Martin Lauter reueled the sam.

39. That eftir the Apostlis,* 1.102 na man had the treu vndirstanding of the mysterie of the lordis Suppar, befoir Iohān Caluin.

40. That ane hyre voman may gif absolution to onie person alsueil as ather preist,* 1.103 or Paip.

41. That thay repugne to God quha apoyntis* 1.104

pastoris to haue reul ouer certane places, quhil as thay sould ryn continuallie from ane place to another, as did the Apostlis.

42. That the people aucht to be instructed nocht to feir excommunication,* 1.105 nor gif obedi∣dience vnto thair prelatis.

43. That thair is na resurrection of the bodeis to compeir in iudgement.* 1.106

Vith vther impudent blasphemeis innu∣merabil aganis the omnipotēt pouar of God, and the halie Angellis and Sanctis in heauin, quhilk I abhorr to reherse trimbland quhen I think on thame: For mair detestabil, and ma in number, can nocht be deuysit be al the vic∣kit spiritis in hel, than Martin Lauter and his disciples proponis for healthsum doctrine.

Nou to cum to the gret seal of the Anti∣christ 〈 in non-Latin alphabet 〉〈 in non-Latin alphabet 〉, and 〈 in non-Latin alphabet 〉〈 in non-Latin alphabet 〉,* 1.107 quhilkis sould be ex∣pressit be the letteris of the name of the Anti∣christ contenand bis number sax hundreth, saxtie sax: Ve find the letteris of thame bayth in the name of Martin Lauter, to vit. A. r. n. u. m. a. i. or, A. r. n. u. m. e. sua that 〈 in non-Latin alphabet 〉〈 in non-Latin alphabet 〉 is not on lie composed of the letteris of his name bot also cōtenis the sam nūber sax hundr••h saxtie sax, as I haue alreddie declarit at lenth quhen I proponit the proprieteis of the Antichrist in general: The force and strenth of this verb

〈 in non-Latin alphabet 〉〈 in non-Latin alphabet 〉 is lykuyse ingrauit in the hairtis of al the protestaons, And is thair onlie refuge, quhen thay ar preissed be the ve••ht ather of solid reasonis, or authoritie: For thay deny al the traditionis of the Apostlis, al the custumes of the halie kirk, al the sentencis of the do∣ctoris quhairbie thair hereseis ar conuict, the force and strenth of the sacramentis, the ver∣teu of grace throuch Christ be the operatio∣ne of the halie ghaist in vs, the continual sacri∣fice of the bodie and blude of Christ vndir the formes of breid and vyne, quhilk is the cheif vork of the Antichrist, as vitnessis the halie Prophete Daniel.* 1.108 Quha denyis that it is lesum to Christianis to haue the image of Christ, and his glorious Mother for remem∣brance, bot eftir the exempil of Iulianus Apo∣stata hes trampit thame vndir futt, and in pla∣ce thairof, hes erected Abhominatione, substi∣tuting thair auin heretical imagis, as in oppin markat the imagis of the tua bougouraris Caluine, and Beze ar sauld in Geneua, sua that he is nocht compted ane gud Christiane, that hes nocht thair images at thair bed headis, or befoir thair burdis: Siclyk for the Ecclesiasti∣cal historie of Christis halie sanctis, that ab∣hominabil sodomeit, and filthie beist Beze, (quha learned his religione at Priapus, as he confessis in his lyf, that his vif vas the caus, quhy he passed out of Pareise, s••ho being ma∣reit vith ane vther housbād) is nocht eschamit to haue dedicat to ane maist nobil king, ane

buke contening ane rabil of imagis, conioy∣nād vith fals traittouris to god and man, treu Christianis, as gif thair micht be communio∣ne vith the sonis of licht and belial, thairby in∣tysing ignorant peopil to mair grose and de∣uillish idolatrie, nor euer the gētilisvar pollu∣ted vith befoir the cūming of Christ, quhilk is ane maist craftie inuētione of Sathane quha vndir pretence of deliuerance from idolatrie, blindis the miserabil flok thairin. To this cheif heid 〈 in non-Latin alphabet 〉〈 in non-Latin alphabet 〉 or Nego ve may cal the hail articlis and confessione of thair negatiue fayth, and al thair expositionis of scripture be contrare sentencis, of the quhilk I think ex∣pedient to subioyne certaine of the principal∣lis, quhair vpone the Protestaōs groūdis thair saluatione: and first of al say thay.

Ve deny al traditionis of the vniuersal kirk quhilkis at onie tyme hes bene ressaued befoir the cumming of Lauter and Caluine.

Ve deny al lauis, and determinationis of general Con∣cilis, quhilk the hail varld hes ressaued befoir vs. Ve deny al ordour, and policie that euer hes bene esta∣blished in the kirk of god befoir the dayes of Iohne Caluine.

4 Ve deny that the Euangel hes bene treulie prethed, or that Christ hes had onie visibil kirk vpone the earth thir monie hundreth zeiris.

5 Ve deny al thingis, quhilk ar nocht expreslie vrit∣tin in the scripture, and ve deny monie bukis, of the scripture it self, quhilk the vniuersal kirk befoir hes ressaued for canonikis, as the bukis of the Macha∣beis,

of Iudith, Hester, Tobias and vtheris, and as to thame quhilk ve ressaue for Canonikis, ve deny mo∣nie pairtis o•• thame insafar as thay ar nocht confor∣me to our doctrine laitlie reuelit to the varld be Lau∣ter and Caluine: As.

6 Quhair it is vryttin in the halie scripture that na thing is impossibil to God.* 1.109 Ve afferme the contrare and sayis, that monie thin∣gis ar impossibil to God, becaus he may nocht be pre∣sent in the sacrament of the altar, nor transsubstan∣tiat the breid in his bodie, as the Papistis sayes.

7 Quhair it is vryttin that Christ vas borne of ane virgine.* 1.110 Ve affirme the contrare, that he vas nocht borne of ane virgine, bot that scho vas corrupted in hir birth,* 1.111 as sayis our paraclet Theodore de Beze.* 1.112

8 Quhair it is vryttin that our saluiour Christ descendit into hell eftir his deth. Ve affirme the contrare that he descendit nocht into hel eftir his deth, bot onlie vas in desperatione befoir his deathe.

9 Quhair it is vryttin I beleue the halie Ca∣tholik kirk.* 1.113 Ve affirme the contrare I beleue nocht the halie Catholik kirk, becaus the definitionis thai∣rof, doctrine, and ceremoneis ar to be reiected.

10 Quhair it is vryttin that the kirk is the pillar,* 1.114 ād groūdstaone of the treuth. Ve afferme the contrare, that the kirk is nocht the pillar, nor groundstane of the treuth, becaus ve teache, that the vniuersal kirk may err, and imbrace fals doctrine.

11 Quhair it is vryttin I sal be vith zou to the end of the varld,* 1.115 Ve affirme the contrare, I sal nocht be vith zou to the end of the varld, for the Spi∣rit of Christ hes left the hail kirk in idolatrie, thi••

monie hundreth zeris bypast.

12. Quhair it is vryttin I haue monie thingis to tell zou,* 1.116 quhilk ze may nocht beir at this tyme. Ve affirme the contrare, I haue na vther thing to tel zou, becaus the Apostlis lernit na thing efter the cūming of the halie ghaist quhilk thay had nocht learned befoir of Christ.

13 Quhair it is affermit, I beleue the cōmu∣nione of Sanctis.* 1.117 Ve affirme the contrare I beleue na communione of sanctis, beaus the sanctis quhilk ar in heuin hes na communicatione vith vs, and can nather do vs gud, nor euil, and salang as ve ar on erth ve ar na sanctis being replenished vith al kynd of vickitnes and adhominatione.

14 Quhair it is vryt••in I beleue the remissiō∣of Sinnis.* 1.118 Ve affirme the contrare becaus thay ar neuer remitted vnto vs, bot abydis continuallie fi∣xed in our hairtis.

15 Quhair it is vryttin, Except ane man be regenerat be the valter and be the spirit,* 1.119 he may nocht enter in the kingdome of heuin. Ve affirme the contrare albeit ane man be nocht rege∣nerat be the valter and be the spirit, zit he may en∣ter in the kyngdome of God: becaus ve teache that in∣fantis deing vithout baptisme, ar saif be the fayth of thair parentis.

16 Quhair it is vryttin, that thay quha var baptized be sanct Iohne,* 1.120 res••aued efti••uart the baptisme of Christ. Ve affirme the contrare vith our Maister Caluine, and sayes that thay ressaued nocht the baptisme of Christ, becaus the baptisme of Iohne, and Christ vas al ane, and na difference

betuix thame.

17 Quhair it is vryttin that Petir and Iohne be the onlaying of handis or the sacrament of confirmatione,* 1.121 gaue to the samaritanis bapti∣zed, the grace of the halie spirit. Ve affirme the contrare, becaus ve vil nocht acknauledge Confirma∣tione for ane sacrament.

18 Quhair it is vryttin Ressaue the halie ghaist,* 1.122 quhais synnis ze forgiue ar forgiuen to thame. Ve affirme the contrare, becaus the Apostlis and thair successoris, hes na pouar to remit synnis.

19 Quhair it is vryttin: Do fruittis vordie of repentance.* 1.123 Ve affirme the contrare, do na fruttis vordie of repentance, vtheruyse it behouit vs to grant satisfactione vith the Papistis.

20 Quhair it is vryttin redeme thy synnis vith almous deiddis.* 1.124 Ve affirme the contrare, that nather almous deiddis, nor vther gud vorkis seruis onie thing for to obtene remissione of synnis.

21 Quhair it is affermit that the Angelis re∣ioysis mair for the repentance of ane synnar,* 1.125 nor for 99. iust men. Ve arffirme the contrare that the Angellis reioyses nocht for the repentance of ane synnar, becaus thay knau nocht quhidder it be treu or fen zeit, nather heir thay our prayeris, vtheruyse thay vald haue ouer lang luggis.

22 Quhair it is vryttin,* 1.126 quhatsumeuer ze louse in the earthe, it sal be loused in heuin. Ve affirme the contrare, becaus gif ve grant this, ve vil∣be compellit to grāt in lyk maner, that the kirk may bayth inioyne penance, and lyk uyse relax the same,

quhilk is na vther thing, bot to estableis the indul∣gencis.

23 Quhair it is vryttin that Iudas Machabae∣us causit offer Sacrifice for the deid,* 1.127 and that the prayer for the deid, to the end, thay may be releued from thair synnis, is ane halie and godlie exerceis. Ve affirme the contrare, and denyis the bukis of the Machabeis to be canonikis, as is said befoir, becaus ve reiect praying for the deid, and pur∣gatorie as Papistical.

24 Quhair it is vryttin I propose to the lyf and death,* 1.128 gud and euil, chuse to thy self the ane, or vther. Ve affirme the contrare, becaus gif this var treu, it var necessar that man had fre vil, to chuse gud or euil, quhilk is repugnant to our refor∣med doctrine, quhairbie ve teache that al thingis cummis of absolute necessitie.

25 Quhair it is vrytin that the zoke of Christ is licht,* 1.129 and that his commādimentis ar nocht hauie. Ve affirme the cōtrare and sayis, that his zok is nocht licht,* 1.130 bot verie hauie, and that it is impossibil to vs, to keip his commandimentis.

26 Quhair it is vryttin, ze se thairfoir that ane man is iustifeit be vorkis,* 1.131 and nocht be fayth onlie. Ve affirme the contrare, that ane man is iustifeit be fayth onlie, and nocht be vorkis.

27 Quhair it is vryttin that God is nocht iniust that he vil forzet zour gud vorkis. Ve affirme the contrare,* 1.132 that it apertenis nocht to the iu∣stice of God to recompanse gud vorkis, and that nocht onlie he is nocht iniust, quhen he for zettis our vorkis, bot that he dois ane benefeit to vs thairbie, al our vor∣kis

being bot syn, and vorthie of condemnatione.

28 Quhair it is vryttin, that euerie man sal be presented befoir the tribunal seat of Christ to ressaue according to that quhilk he hes do∣ne in this varld,* 1.133 ather gud or euil. Ve affirme the contrare, and sayis that na man sal ressaue according to his vorkis, becaus our vorkis deseruis na thing at goddis handis in the varld tocum:

29 Quhair it is vryttin, he quha is borne of God,* 1.134 synnis nocht, becaus the seid of God re∣manis in him. Ve affirme the contrare, and sayis, that he quha is borne of God, synnis continuallie, ze that quhat sumeuer he dois is syn, and iniquitie.

30 Quhair it is vryttin that the cheritie and loue of God,* 1.135 is zet and pourit in our hairtis. Ve affirme the contrare, that thair is na cheritie in vs, vtheruyse sen iustice, and cheritie ar al ane thing, ve vald be constrainit to grant inherent iustice, and nocht imputatiue onlie.

31 Quhair it is vryttin vork zour saluatione vith feir, and dreddor.* 1.136 Ve affirme the contrare, and sayis, haue na feir at al, bot be als assurit of zour saluatione, as that God is in heuin, and gif ze doubt thairof, ze can nocht be saif.

32 Quhair it is vryttin be S. Paul, I am giltie of na thing,* 1.137 and zit for that, I haue na assuran∣ce of my Iustificatione. Ve affirme the contrare that ve ar giltie of monie execrabil crymes, and zit ve ar assurit of our iustificatione.

33 Quhair it is vryttin that god intysis na man to euil.* 1.138 Ve affirme the contrare vith our mai∣ster Caluiue that God mouis, and impellis men to syn,

as the efficient caus thairof.* 1.139

34 Quhair it is vryttin that god vil that eue∣rie man be saif.* 1.140 Ve affirme the contrare, and sayis that he vil nocht that euerie man be saif, bot that he hes created almaist al men, except ane feu nomber, to the effect he micht condem thame eternalie.

35 Quhair it is vryttin gif thou vilbe per∣fyte,* 1.141 sel al quhilk thou hes and gif to the pure. Ve affirme the contrare, and sayes that it a∣pertenis nocht to the perfectione of the euangel to mak professione of pouartie.

36 Quhair it is vryttin this is my bodie qu∣hilk is geuin for zou.* 1.142 Ve affirme the contrare and sayis, that it is nocht his bodie.

37 Quhair it is vryttin My fleshe is verie meat, the breid quhilk I sal gif is my fleshe,* 1.143 quhilk salbe geuin for the varld. Ve affirme the contrare and sayis that the breid quhilk he gaue to his Apostlis, in his latter suppar, vas nocht fleshe, vther∣uyse it behouit vs to confes the transsubstantiatione of the breid in Christis bodie.

38 Quhair it is vryttin that Melchisedec offe∣rit breid and vyne,* 1.144 he being the preist of the maist hie God. Ve say the contrare that he offerit neuer breid nor vyne, vtheruyse ve vald be constrai∣nit to grant the Mess, quhilk is amang the Papistis, to haue bene praefigurat be the sacrifice of Melchisedech.

39 Quhair it is vryttin of our maist halie saluiour, and redemptor Iesus Christ,* 1.145 Thou art ane preist for euer eftir the ordore of Mel∣chisedec. Ve affirme the contrare thou art nocht ane

preist for euer eftir the ordour of Melchisedec: becaus thou hes na perpetual sacrifice eftir that ordour, qu∣hilk may be offered in thy kirk, to the end of the varld.

40 Quhair it is vryttin lat al thingis be do∣ne amangis zou vith ordore and honest disci∣pline.* 1.146 Ve affirme the contrare, and sayes that in ad∣ministratione of the sacramentis na honest, and lauch∣ful ceremoneis aucht to be keiped for the deu reueren∣ce of the samyn, and that amangis Pastoris of the kirk thair is na ordour, bot that thay ar al alyk in pouar, and authoritie: and that the ministeris in exte∣riore apparel, sould be in na thing different from the peopil, and that our kirkis sould haue na external ornamentis, as vas amangis the Papistis, bot that thay sould be tyrred that the licht of the Euangel may enter the mair esilie in thame.

41 Quhair it is affermit gif thou be seik cal for the preistis of the kirk and be oynted vith* 1.147 oyle in the name of the lord, that prayer be∣ing maid for the thou may be releued from syn. Ve affirme the contrare, Albeit thou be seik, thou sould nocht cal for onie preist in the kirk, and that thov sould nocht be oynted vith oyle in the na∣me of the lord, vith prayer conioynit, for heirbie thou may obtene na remissione of synnis, vtheruyse extre∣me vnctione vald be ane sacrament, quhilk is aganis the actis of Parliament.

42 Quhair it is vryttin that mariage is ane greit Sacrament in Christ and his kirk.* 1.148 Ve affirme the contrare that it is na sacrament nather gret, nor smal, bot onlie ane contract betuix man and

voman, as vther contractis of bying and selling.

43 Quhair it is vrittin that the voman is subiect to the lau of hir housband salang as he leuis.* 1.149 Ve affirme the contrare and sayis that scho is nocht subiect thairto, bat scho may marie another, albeit hir housband be alyue: vtheruyse our diuorce∣mentis in our reformit kirk vald haue na place.

44 Q••hair it is vryttin, he quha mareis his dochtir,* 1.150 dois veil, bot he quha mareis hir nocht dois bettir. Ve affirme the contrare, and sayes, that scho quha keipis hir virginitie, dois nocht bettir, nor scho quha mareis, and that mariage is als acceptabil to God as virginitie, vtheruyse ve vald nocht haue brocht Virginis out of thair closteris, and mareit thame on monkis.

45 Quhair it is vryttin that zoung vidouis, quha var consecrat to the seruice of the kirk incurris damnatione quhen thay marie,* 1.151 be breking of thair first promeis. Ve affirme the contrare, and sayis that sik promises maid to keip Chastitie ar superstitious, and aucht nocht to be ker∣pit: And that thay incur na damnatione, vtheruyse it had bene unlesum to frere Martine Lauter to haue mareit ane None, and to monie of our faythful breth∣rene to marie in Scotland, quha befoir had maid vou of chastitie, quhen thay var monkes, and freris, as de∣ne Iohne Vynrame, frere Craig, and sindrie vtheris.

46 Quhair it is vryttin that ane bischop, of superintendent sould be bot the housband of ane vys,* 1.152 or anes mareyt. Ve affirme the contrare, that albeit he be tuyse mareit he may veil aneuche be ane superintendent, vtheruyse ve vald condem Iohān

Kmnox, the laird of Dun, and sindrie vtheris of our reformit kirk.

47 Quhair it is vryttin that Christ said to S. Petir,* 1.153 Thou art ane Rok and vpone this Rok I sal buyld my kirk. Ve affirme the contrare, Thou art nocht the Rok, and vpon the I vil nocht buyld my KirK, vtheruyse he vald haue bene heid of the Kirk, and sua the Kirk vald haue bene ane mōster hauing tua heiddis.

48 Quhair it is vryttin,* 1.154 Neglect nocht the gift of prophecie, quhilk thou hes ressaued be the onlaying of the handis of the preistheid. Ve afferme the contrare, thou hes nocht the grace or gift of prophecie be the onlaying of the handis of the preisthead,* 1.155 becaus ordour quhairbie it sould be ressa∣uit is nane of our sacramentis, and in this poynt ve in special Ministeris of Scotland sayis that our mai∣ster Caluin hes sklentit, quha grantis it to be ane treu sacrament.

49 Quhair it is vryttin that the halie spirit hes apoyntit bischopis to gyde ād reul the kirk of Christ.* 1.156 Ve afferme the cōtrare, becaus in ane reformit Kirk sic, as ouris, thair sould be na bischoppis ād ve Mi¦nistres ar equal to ony of the Bischopis, or rather superio¦ris, sua thatve may excōmunicat thame quhēve pleise.

50 Quhair it is vryttin,* 1.157 that Christ hes left doctoris and pastoris to his kirk to the end of the varld. Ve afferme the contrair, and sayis, that, at the lest, thir tuel hundreth zeiris bygane, thair hes neuer bene ane treu doctore nor pastore in the Kirk, quha hes bene Knauin to the varld, bot that thay haue bene al Papistis as Augustine Hie∣rom,

Basil, and vtheris.

51 Quhair it is vryttin,* 1.158 that S. Paul hes vryt∣tin monie thingis difficil to be vndirstand. Ve affirme that he hes vrittin na thing difficil to be vndirstād, and that soutaris, tail z••ouris, ād skynna∣ris may vndirstand him veil aneuch.

52 Quhair it is vryttin,* 1.159 That euerie man sould be subiect to his magistrat. Ve especiallie Mini∣steris of Scotland affirme the contrare, that he sould nocht be subiect to his magistrat, ād thairfoir ve gaue coūsal to impresone the Quenis maiestie of Scotland in Lochleuin, and to tak armore aganis hir Maiesteis mother, quhilk ve defend to be agreabil to our Euan∣gel, and professione.

Breiflie gif I sould mak rehersal of al the notabil sentēcis of the halie scripture quhilk the Protestaons interpretis in this maner be manifest contradictionis, I sall find na thing in thair mouthis quhen halie scripture is pro∣ponit to thame, Bot that the contrare thairof is trew, and that all thair doctrine is groūdit vpone 〈 in non-Latin alphabet 〉〈 in non-Latin alphabet 〉, And thay deprehēdit tobe the sonis of the Antichrist, quhilk be S. Paul is cal∣lit ane aduersar, becaus his hail studie and tra∣uel consistis nocht in afferming bot denying, nocht in illustratione of hid treuth,* 1.160 bot impu∣gnatione of the manifest veritie, nocht in buylding, bot destroying, nocht in cōmen∣ding the godlie antecessoris, and follouing thair fufstoppis, bot in proud contempt, and reiectione of thair doctrine, sentencis, and maner of leuing: Sua that to this head 〈 in non-Latin alphabet 〉〈 in non-Latin alphabet 〉

in lyk maner pertenis al thair ansueris, quhen soeuer thay fall in disputatione: For gif ane testimonie of the expres vrittin vord in the neu or auld testament be brocht aganis tha∣me, thay thraw it efter thair auin phantasie, or ellis denyis it alluterlie. Gif the vniuersall consent of the doctoris be allegit, thay ansuer that the doctoris var bot men, as gif thay var goddis or angellis: Gif ane traditione of the Apostlis be brocht aganis thame, thay deny that ve aucht to beleue onie thing, as perte∣ning to saluatione quhilk is nocht expreslie vrittin in the neu and auld testament.

Notes

• * 1.1

  2. Thess.
• * 1.2

  Esaiae. 11.
• * 1.3

  Mat. 16.
• * 1.4

  1. Ioh. 2.
• * 1.5

  1. Pet. 2.
• * 1.6

  S. Mat. 19.
• * 1.7

  Daniel. 11
• * 1.8

  2. Thess. 2.
• * 1.9

  Matt. 16.
• * 1.10

  Act. 1.
• * 1.11

  S. Paul
• * 1.12

  2. Thess. 2.
• * 1.13

  Apoc. 11.
• * 1.14

  Daniel. 7.
• * 1.15

  Gene. 49.
• * 1.16

  2. Thess. 2.
• * 1.17

  Apoc. 13.
• * 1.18

  Apoc. 13.
• * 1.19

  Apoc. 17
• * 1.20

  Ibid.
• * 1.21

  Mat. 24. Dan. 12.
• * 1.22

  Matt. 24. Apoc. 11.
• * 1.23

  2. Tim 2.
• * 1.24

  Apoc. 2.
• * 1.25

  Apoc. 18.
• * 1.26

  Apoc. 13.
• * 1.27

  2. Tim. 4. Iudae ep. Apoc. 21.
• * 1.28

  Apoc. 17.
• * 1.29

  1. Cor. 8. 1. Timo. 2. Apoc. 13. Apoc. 16. Apoc. 9. 2. Thes. 2.
• * 1.30

  Zacha. 11. Matt. 24.
• * 1.31

  ••Hippolit in orat de consum. mundi.
• * 1.32

  Matt. 24.
• * 1.33

  2. Petr. 2. Iudas epi. canon.
• * 1.34

  2. Thes. 2.
• * 1.35

  Tertul. de praescript. Haeret.
• * 1.36

  Hippoli∣tus orat. de consum. mundi.
• * 1.37

  Apoc. 13.
• * 1.38

  A 1 P 100 N 50 O 70 〈 in non-Latin alphabet 〉〈 in non-Latin alphabet 〉 Y 400 M 40 E 5. sūma 〈 in non-Latin alphabet 〉〈 in non-Latin alphabet 〉 666.
• * 1.39

  Genes. 3.
• * 1.40

  Apoc. 3.
• * 1.41

  S. Paul 2. Cor. 1.
• * 1.42

  Psal. 109.
• * 1.43

  Daniel. 12
• * 1.44

  The nūber of the na¦me of Ma¦hometis the first of the tua beastis.
• * 1.45

  〈 in non-Latin alphabet 〉〈 in non-Latin alphabet 〉 40 〈 in non-Latin alphabet 〉〈 in non-Latin alphabet 〉 1 〈 in non-Latin alphabet 〉〈 in non-Latin alphabet 〉 70 〈 in non-Latin alphabet 〉〈 in non-Latin alphabet 〉 40 〈 in non-Latin alphabet 〉〈 in non-Latin alphabet 〉 5 〈 in non-Latin alphabet 〉〈 in non-Latin alphabet 〉 300 〈 in non-Latin alphabet 〉〈 in non-Latin alphabet 〉 10 〈 in non-Latin alphabet 〉〈 in non-Latin alphabet 〉 200 Sūma 〈 in non-Latin alphabet 〉〈 in non-Latin alphabet 〉 or 666.
• * 1.46

  Apoc. 13.
• * 1.47

  The nūber of the na∣me of the vther beast Martin Lauter.
• * 1.48

  M 30 A 1 R 80 T 100 I 9 N 40 L 20 A 1 V 200 T 100 E 5 R 80 Summa 〈 in non-Latin alphabet 〉〈 in non-Latin alphabet 〉 or 666.
• * 1.49

  Apoc. 13. Genes. 49
• * 1.50

  Ioann. 11.
• * 1.51

  Lauter in lib. contra statum Ec∣clesiae.
• * 1.52

  Lauter de abroganda Missa.
• * 1.53

  Vide Lin∣dani dialo¦gum.
• * 1.54

  Laut. libr. de Missa angulari.
• * 1.55

  Dan. 12.
• * 1.56

  Apoc. 13.
• * 1.57

  Staphy. de Iauteran. concordia.
• * 1.58

  Rotman. art 5.
• * 1.59

  Laute•• epistola 2. ad leonem 10. Papā.
• * 1.60

  Dani. 11.
• * 1.61

  Dani. 12.
• * 1.62

  S. Paul 1. Timo••. 5.
• * 1.63

  Apoc. 13.
• * 1.64

  1. Calu lib. 2. inst. ca. 7
• * 1.65

  2. Calu. li. 1. inst. ca. 13 sect 23. & Bezacōtra Hessusiū.
• * 1.66

  3. Cal. lib. 1. institut. cap. 13.
• * 1.67

  4. Mat∣thias zarē∣sis test. Co∣claeo in Ge∣nealogia Laut.
• * 1.68

  5. Lucas ster••bergē∣sis.
• * 1.69

  6. Sindrie lauteria∣nis•• prus••∣land vide Coc••••nge∣nealo 〈◊〉〈◊〉.
• * 1.70

  7. Matth••∣••s ••••yric{us}.
• * 1.71

  8. Al the protestao••s aggreis on this blasphe¦mous head of Antichri¦stiā doctrīe
• * 1.72

  9. Cal. li. 2. inst. cap. 21. num 5. & lib. 8. de praedestina∣ct in cap. 1. Genes.
• * 1.73

  10. Rotmaē laut. disci∣pul{us} art. 9.
• * 1.74

  11. Smidel••nus lauter••nus.
• * 1.75

  12. Michael Seruetus Cal. discip. teste Caluī lib. 2. inst. ca. 14. sec. ••
• * 1.76

  13. Idē test. eod. Caluin ibid.
• * 1.77

  14. ibid.
• * 1.78

  15. Brent. Homil. 12. in Ioannē.
• * 1.79

  16. Caluin lib. 4. inst. ca. 14. sect. 4. Beza in sua Anti∣thesi.
• * 1.80

  17. Caluin lib. 2. inst. cap. 16. sec. 10. & 11. & in har∣mo.
• * 1.81

  18. Muscu¦Ius Auth. Stap. de Lauteran. concordia.
• * 1.82

  19. Hosiā∣der lauteri discipu••us.
• * 1.83

  20. Al the Ptotestaōs aggreis on this blas∣phemie.
• * 1.84

  21. Lauter serm. de Moyse.
• * 1.85

  22. Mūt∣zerus Lau¦teri dis••p.
• * 1.86

  23. Lauter art. 34.
• * 1.87

  24. Rotm. art. 4.
• * 1.88

  25. Quin∣tinus pikar dus teste Cal. cōtra lib. ca. 21.
• * 1.89

  26. Lauter lib. de voto & cōtinēt.
• * 1.90

  27. Anton. Coppinus teste Cal. •• ca. 18. cō••. lib.
• * 1.91

  28. Anton. Copp. test. Calu. lib. con••. liber▪ cap. 2.
• * 1.92

  29. Al the protestaons aggreis on this blas∣phemie.
• * 1.93

  30. Zuing. de Baptis∣mo.
• * 1.94

  31. zuing. de baptis.
• * 1.95

  32. Lauter art. 16.
• * 1.96

  33. Laut. art. 31. & Calu. lib. 2. instit. cap. 14. sect. 19
• * 1.97

  34. Rotmā test. Calu. lib. 〈 in non-Latin alphabet 〉〈 in non-Latin alphabet 〉.
• * 1.98

  35 Al the Protesta∣ons.
• * 1.99

  36. Al the protestaōs.
• * 1.100

  37. Al the Ministeris of Geneue Germanie, Scotland, and In∣gland.
• * 1.101

  38. Vilgā∣gus in lib. de bonis, 〈 in non-Latin alphabet 〉〈 in non-Latin alphabet 〉 malis Germaniae
• * 1.102

  39. Beza in vita Cal¦uini.
• * 1.103

  40. Lauter de captiui∣tate baby∣lonica.
• * 1.104

  41. Rotmā art. 5.
• * 1.105

  42. Lau∣t••r. art. 24
• * 1.106

  43. Quint pikardus. teste Cal∣uino. lib. cōtra liber. cap. 3.
• * 1.107

  M a A A r 〈 in non-Latin alphabet 〉〈 in non-Latin alphabet 〉 t 〈 in non-Latin alphabet 〉〈 in non-Latin alphabet 〉 i 〈 in non-Latin alphabet 〉〈 in non-Latin alphabet 〉 n 〈 in non-Latin alphabet 〉〈 in non-Latin alphabet 〉 L 〈 in non-Latin alphabet 〉〈 in non-Latin alphabet 〉 a 〈 in non-Latin alphabet 〉〈 in non-Latin alphabet 〉 u 〈 in non-Latin alphabet 〉〈 in non-Latin alphabet 〉 t e r.
• * 1.108

  Daniel 12
• * 1.109

  Luc. 1.
• * 1.110

  Matth. 1.
• * 1.111

  Beza cō∣tra Bren∣tium.
• * 1.112

  Ephes. 4.
• * 1.113

  Matt. 18.
• * 1.114

  1. Timo. 3.
• * 1.115

  Matt. 28.
• * 1.116

  S. Ioh. 16.
• * 1.117

  1. Cor. 8.
• * 1.118

  Math. 9.
• * 1.119

  S. Ioh. 3.
• * 1.120

  Act. 19.
• * 1.121

  Act. 8.
• * 1.122

  S. Ioh. 20.
• * 1.123

  S. Mat. 3.
• * 1.124

  Daniel. 4.
• * 1.125

  S. Luc. 15
• * 1.126

  S. Mat. 18
• * 1.127

  Mach. 2. chap. 12.
• * 1.128

  Deut. 30.
• * 1.129

  S. Mat. 11
• * 1.130

  S. Ioh. ep. 1 chap. 5.
• * 1.131

  S. Iac. 2.
• * 1.132

  Heb. 6.
• * 1.133

  2. Cor. ••.
• * 1.134

  S. Iohn. 1. epist. cha. 3
• * 1.135

  S. Paul. Rom. 5.
• * 1.136

  S. Paul. Philip. 2.
• * 1.137

  1. Cor 4.
• * 1.138

  S. Iam. 1. Caluin li. 1. institut. cap. 18.
• * 1.139

  1. Tim. 2.
• * 1.140

  S. Mat. 19
• * 1.141

  S. Mat. 19.
• * 1.142

  S. Matth. 26.
• * 1.143

  S. Ioan. 6.
• * 1.144

  Genes. 14.
• * 1.145

  109 Psal.
• * 1.146

  1. Cor. 14.
• * 1.147

  S. Iam. 5.
• * 1.148

  Ephes. 5.
• * 1.149

  Rom. 7.
• * 1.150

  1. Cor. 7.
• * 1.151

  I. Timot. 5
• * 1.152

  I. Timot. 3
• * 1.153

  Math. 16.
• * 1.154

  I. timot. 4
• * 1.155

  Caluin lib. 4. instit. cap. 14. sect. 20
• * 1.156

  Act. 20.
• * 1.157

  Ephes. 4.
• * 1.158

  2. Pet. 3.
• * 1.159

  Rom. 13.
• * 1.160

  2. Thes 2.