Chapter XIII
THE DEAD SEA, THE SAMARITANS
OF THE DEDE SEE, AND OF THE FLOM JORDAN; OF THE HED OF SEYNT JOHN THE BAPTIST, & OF THE VSAGES OF THE SAMARITANES.
AND fro Jerico a .iij. myle is the dede see; Aboute þat see growetℏ moche Alom & of Alkatran. Betwene Jerico & þat see is the lond of Dengadde & þere was wont to growe the bawme, But men make drawe the braunches þereof & beren hem to ben graffed at Babyloyne, And ȝit men clepen hem vynes of Gaddy. At a cost of þat see as men gon from Arabe is the mount of the Moabytes where þere is a cave þat men clepen karua. Vpon þat hiƚƚ ladde Balak the sone of Booz Balaam the prest for to curse the peple of Israel. þat dede see departetℏ the lond of Iudee & of Arabye and þat see lastetℏ from Soara vnto Arabye. The water of þat see is fuƚƚ bytter