Layamon's Brut (British Museum Ms. Cotton Caligula A.IX)
Layamon

Lines 10701 through 10800

þer þu miht kenne; muche of þine cunne.
     10701
And gret þu þer Hengest; þe cnihten wes faȝerest.
     10702
Ebissa & Ossa. Octa & of þine cunne ma;
     10703
and bide heom þer wunie; wintres & sumeres.
     10704
& we scul%len on londe; libben in blisse.
     10705
bidden for eower saulen; þat sel ne wurðen heom nauære.
     10706
& scullen her æuwer ban; biside Baðe ligen.
     10707
Arður þe king cleopede; Cador þene kene.
     10708
of Cornwale he wes eorl; þe cniht wes swiðe kene.
     10709
Hercne me Cador; þu ært min aȝe cun.
     10710
Nu is Childric iuloȝen; & awæi-ward itohȝen.
     10711
he þencheð mid isunde; aȝen cumen liðen.
     10712
Ah nim of mire uerde; fif þusend monnen.
     10713
& fareð forð-rihtes; bi dæie & bi nihte.
     10714
þat þu cum%me to þare sæ; bi-foren Childriche.
     10715
and al þat þu miht biwinnen; bruc hit on wunnen.
     10716
& ȝif þu miht þene kaisere; ufele a-quellen þere.
     10717
ich þe ȝifue to mede; al Doresete.
     10718
Al swa þe aðele king; þas word hafede isæid.
     10719
Cador sprong to horse; swa spærc him doh of fure.
     10720
fulle seoue þusend; fuleden þan eorle.
     10721
Cador þe kene; & muchel of his cunne.
     10722
wenden ouer woldes; & ouer wildernes. Page  560
     10723
ouer dales & ouer dunes; ouer deope wateres.
     10724
Cador cuðe þene wæi; þe toward his cunde læi.
     10725
an oueste he wende fuliwis; riht to-ward Toteneis.
     10726
dæies & nihtes; he com þere forð-rihtes.
     10727
swa neuere Childric nuste; of his cume nane custe.
     10728
Cador com to cuððe; bi-uoren Childriche.
     10729
and lette him fusen biforen; al þas londes folc.
     10730
cheorles ful ȝepe; mid clubben swiðe græte;
     10731
mid spæren and mid græte waȝen; to þan ane icoren.
     10732
and duden heom alle clane; into þan scipen grunde.
     10733
& hæhte heom þere lutie wel; þat Childric of heom neore war.
     10734
& þenne his folc come; & in wolden climben.
     10735
heore botten i-gripen; and ohtliche on smiten.
     10736
mid heore waȝen & mid heore speren; murðren Childriches heren.
     10737
Al duden þa cheorles; swa Cador heom tæhte.
     10738
To þan scipen wenden; wiðer-fulle cheorles.
     10739
in æuer-ælche scipe; o[ð]er half hundred.
     10740
And Cador þe kene bæh; in toward ane wude hæh.
     10741
fif mile from þan stude; þær stoden. þa scipen.
     10742
and hudde hine on wille; wunder ane stille.
     10743
Childric com sone; ouer wald liðen.
     10744
walde to þan scipen [f]leon; and fusen of londen.
     10745
Sone swa Cador isæh; þat wes þe kene eorl.
     10746
þat Childric wes an eorðen; bitweonen him and þan cheorlen.
     10747
þa clupede Cador; ludere stefne.
     10748
Wær beo ȝe cnihtes; ohte men & wihte.
     10749
I-þenche[ð] what Ar[ð]ur; þe is ure aðele king.
     10750
at Baðen us bi-sohte; ær we wenden from hirede.
     10751
Leou war fuseð Childric; & fleon wule of londe.
     10752
and þencheð to Alemaine; þer beoð his ældren.
     10753
and wule bi-ȝiten ferde; and æft cumen hidere.
     10754
and wule faren hider in; and þencheð awræken Colgrim.
     10755
and Baldulf his broðer; þæ ((bi)) Baðen resteð.
     10756
Ah no abide he næuere þære dæȝen; ne scal he no ȝif we maȝen.
     10757
Æfne þere spæche; þa spac þe eorl riche.
     10758
and on-uest he gon riden; þe reh wes on moden. Page  562
     10759
halden ut of wude-scaȝe; scalkes swiðe kene.
     10760
and after Cheldriche; þan strongen & þan richen.
     10761
Cheldriches cnihtes; bi-sehȝen heom baften.
     10762
isehȝen ouer wolden; winden heore-mærken.
     10763
winnien ouer ueldes; fif þusend sceldes.
     10764
Þa iwærð Childric; chær-ful an heorten.
     10765
and þas word sæide; þe riche kaisere.
     10766
Þis is Arður þe king; þe alle us wule aquellen.
     10767
fleo we nu biliue; & in-to scipen fusen.
     10768
and liðen forð mid watere; ne recchen we nauere wudere.
     10769
Þa Childric þe kaisere; þas word hæuede isæid.
     10770
þa gon he to fleonne; feondliche swiðe.
     10771
& Cador þe kene; com him after sone.
     10772
Childric and his cnihtes; to scipe comen forð-rihtes.
     10773
heo wenden þa scipen stronge; to scuuen from þan londe.
     10774
Þæ cheorles mid heore botten; weoren þer wið-innen.
     10775
þa botten heo up heouen; & adun-riht sloȝen.
     10776
þer wes sone i-slaȝen; moni cniht mid heore wahȝen.
     10777
wið heore pic-forcken; heo ualden heom to grunden.
     10778
Cador & his cnihtes; sloȝen heom baften.
     10779
Þa isah Childric; þat heom ilomp liðerlic.
     10780
þa al his folc mucle; feol to þan grunde.
     10781
Nu i-sæh he þer bi[h]alues; ænne swiðe mare hul.
     10782
þat water tið þer-under; þat Teine is ihaten.
     10783
þa hulle ihaten Teinnewic; þider-ward flæh Childric.
     10784
swa swiðe swa he mihte; mid feouwer & twenti cnihten.
     10785
Þa isæh Cador; hu hit þa uerde þer.
     10786
þat þe kaisere flæh; & touwarde þæ hulle tæh.
     10787
and Cador him after; swa swiðe swa he mahte.
     10788
and him to tuhte; & hine of-toc sone.
     10789
Þa saide Cador; þe eorl swiðe kene.
     10790
Abid abid Childric; ich wulle þe ȝefen Teinewic.
     10791
Cador his sweord an-hof; and he Childric of-sloh.
     10792
Monie þe þer fluȝen; to þan watere heo tuhȝen.
     10793
inne Teine þan watere; þer heo for-wurðen.
     10794
al Cador acwælde; þat he quic funde.
     10795
and summe heo crupen in-to þan wude; and alle he heom þer for-dude.
     10796
Þa Cador heom haueden alle ouercumen; and ælc al þat lond inumen. Page  564
     10797
he sette grit swiðe god; þat þer-after longe stod.
     10798
þeh ælc mon beere an honde; behȝes of golde.
     10799
ne durste nauere gume nan; oðerne ufele igreten
     10800