The Canterbury tales
About this Item
- Title
- The Canterbury tales
- Author
- Chaucer, Geoffrey, d. 1400
- Publication
- Boston, Mass.: Houghton Mifflin
- 1957
- Rights/Permissions
-
Available at URL http://www.hti.umich.edu/c/cme/
This text has been made available through the Oxford Text Archive for personal scholarly use only. OTA number: U-1678-C
- Link to this Item
-
http://name.umdl.umich.edu/CT
- Cite this Item
-
"The Canterbury tales." In the digital collection Corpus of Middle English Prose and Verse. https://name.umdl.umich.edu/CT. University of Michigan Library Digital Collections. Accessed June 18, 2024.
Pages
Page 90
Line 1334
Thys seyde oure hoost, and lat hym telle his tale. Line 1335
Now telleth forth, thogh that the somonour gale; Line 1336
Ne spareth nat, myn owene maister deere. -- Line 1337
This false theef, this somonour, quod the frere, Line 1338
Hadde alwey bawdes redy to his hond, Line 1339
As any hauk to lure in engelond, Line 1340
That tolde hym al the secree that they knewe; Line 1341
For hire acqueyntace was nat come of newe. Line 1342
They weren his approwours prively. Line 1343
He took hymself a greet profit therby; Line 1344
His maister knew nat alwey what he wan. Line 1345
Withouten mandement a lewed man Line 1346
He koude somne, on peyne of cristes curs, Line 1347
And they were glade for to fille his purs, Line 1348
And make hym grete feestes atte nale. Line 1349
And right as judas hadde purses smale, Line 1350
And was a theef, right swich a theef was he; Line 1351
His maister hadde but half his duetee. Line 1352
He was, if I shal yeven hym his laude, Line 1353
A theef, and eek a somnour, and baude. Line 1354
He hadde eek wenches at his retenue, Line 1355
That, wheither that sir robert or sir huwe, Line 1356
Or jakke, or rauf, or whoso that it were Line 1357
That lay by hem, they tolde it in his ere. Line 1358
Thus was the wenche and he of oon assent; Line 1359
And he wolde fecche a feyned mandement, Line 1360
And somne hem to chapitre bothe two, Line 1361
And pile the man, and lete the wenche go. Line 1362
Thanne wolde he seye, freend, I shal for thy sake Line 1363
Do striken hire out of oure lettres blake; Line 1364
Thee thar namoore as in this cas travaille. Line 1365
I am thy freend, ther I thee may availle. Line 1366
Certeyn he knew of briberyes mo Line 1367
Than possible is to telle in yeres two. Line 1368
For in this world nys dogge for the bowe Line 1369
That kan an hurt deer from an hool yknowe Line 1370
Bet than this somnour knew a sly lecchour, Line 1371
Or an avowtier, or a paramour. Line 1372
And for that was the fruyt of al his rente, Line 1373
Therfore on it he sette al his entente. Line 1374
And so bifel that ones on a day Line 1375
This somnour, evere waityng on his pray, Line 1376
Rood for to somne an old wydwe, a ribibe, Line 1377
Feynynge a cause, for he wolde brybe. Line 1378
And happed that he saugh bifore hym ryde Line 1379
A gay yeman, under a forest syde, Line 1380
A bowe he bar, and arwes brighte and kene; Line 1381
He hadde upon a courtepy of grene, Line 1382
An hat upon his heed with frenges blake. Line 1383
Sire, quod this somnour, hayl, and wel atake! Line 1384
Welcome, quod he, and every good felawe! Line 1385
Wher rydestow, under this grene-wode shawe? Line 1386
Seyde this yeman, wiltow fer to day? Line 1387
This somnour hym answerde and seyde, nay; Line 1388
Heere faste by, quod he, is myn entente Line 1389
To ryden, for to reysen up a rente Line 1390
That longeth to my lordes duetee. Line 1391
Artow thanne a bailly? ye, quod he. Line 1392
He dorste nat, for verray filthe and shame Line 1393
Seye that he was a somonour, for the name. Line 1394
Depardieux, quod this yeman, deere broother, Line 1395
Thou art a bailly, and I am another. Line 1396
I am unknowen as in this contree; Line 1397
Of thyn aqueyntance I wolde praye thee, Line 1398
And eek of bretherhede, if that yow leste. Line 1399
I have gold and silver in my cheste; Line 1400
If that thee happe to comen in oure shire, Line 1401
Al shal be thyn, right as thou wolt desire. Line 1402
Grantmercy, quod this somonour, by my feith! Line 1403
Everych on ootheres hand his trouthe leith, Line 1404
For to be sworne bretheren til they deye. Line 1405
In daliance they ryden forth and pleye. Line 1406
This somonour, which that was as ful of jangles, Line 1407
As ful of venym been thise waryangles, Line 1408
And evere enqueryng upon every thyng, Line 1409
Brother, quod he, where is now youre dwellyng Line 1410
Another day if that I sholde yow seche? Line 1411
This yeman hym answerde in softe speche, Line 1412
Brother, quod he, fer in the north contree, Line 1413
Where-as I hope som tyme I shal thee see. Line 1414
Er we departe, I shal thee so wel wisse Line 1415
That of myn hous ne shaltow nevere mysse. Line 1416
Now, brother, quod this somonour, I yow preye, Line 1417
Teche me, whil that we ryden by the weye, Line 1418
Syn that ye been a baillif as am I, Line 1419
Som subtiltee, and tel me feithfully Line 1420
In myn office how that I may moost wynne; Line 1421
And spareth nat for conscience ne synne, Line 1422
But as my brother tel me, how do ye. Line 1423
Now, by my trouthe, brother deere, seyde he, Line 1424
As I shal tellen thee a feithful tale, Line 1425
My wages been ful streite and ful smale. Line 1426
My lord is hard to me and daungerous, Line 1427
And myn office is ful laborous, Line 1428
And therfore by extorcions I lyve. Line 1429
For sothe, I take al that men wol me yive. Line 1430
Page 91
Line 1430
Algate,by gleyghte or by violence, Line 1431
Fro yeer to yeer I wynne al my dispence. Line 1432
I kan no bettre telle, feithfully. Line 1433
Now certes, quod this somonour, so fare I. Line 1434
I spare nat to taken, God it woot, Line 1435
But if it be to hevy or to hoot. Line 1436
What I may gete in conseil prively, Line 1437
No maner conscience of that have I. Line 1438
Nere myn extorcioun, I myghte nat lyven, Line 1439
Ne of swiche japes wol I nat be shryven. Line 1440
Stomak ne conscience ne knowe I noon; Line 1441
I shrewe thise shrifte-fadres everychoon. Line 1442
Wel be we met, by God and by seint jame! Line 1443
But, leeve brother, tel me thanne thy name, Line 1444
Quod this somonour. In this meene while Line 1445
This yeman gan a litel for to smyle. Line 1446
Brother, quod he, wiltow that I thee telle? Line 1447
I am a feend; my dwellyng is in helle, Line 1448
And heere I ryde aboute my purchasyng, Line 1449
To wite wher men wol yeve me any thyng. Line 1450
My purchas is th' effect of al my rente. Line 1451
Looke how thou rydest for the same entente, Line 1452
To wynne good, thou rekkest nevere how; Line 1453
Right so fare I, for ryde wolde I now Line 1454
Unto the worldes ende for a preye. Line 1455
Al! quod this somonour, benedicite! sey ye? Line 1456
I wende ye were a yeman trewely. Line 1457
Ye han a mannes shap as wel as I; Line 1458
Han ye a figure thanne determinat Line 1459
In helle, ther ye been in youre estat? Line 1460
Nay, certeinly, quod he, ther have we noon; Line 1461
But whan us liketh, we kan take us oon, Line 1462
Or elles make yow seme we been shape Line 1463
Somtyme lyk a man, or lyk an ape, Line 1464
Or lyk an angel kan I ryde or go. Line 1465
It is no wonder thyng thogh it be so; Line 1466
A lowsy jogelour kan deceyve thee, Line 1467
And pardee, yet kan I moore craft than he. Line 1468
Why, quod this somonour, ryde ye thanne or goon Line 1469
In sondry shap, and nat alwey in oon? Line 1470
For we, quod he, wol us swiche formes make Line 1471
As moost able is oure preyes for to take. Line 1472
What maketh yow to han al this labour? Line 1473
Ful many a cause, leeve sire somonour, Line 1474
Seyde this feend, but alle thyng hath tyme. Line 1475
The day is short, and it is passed pryme, Line 1476
And yet ne wan I nothyng in this day. Line 1477
I wol entende to wynnyng, if I may, Line 1478
And nat entende oure wittes to declare. Line 1479
For, brother myn, thy wit is al to bare Line 1480
To understonde, althogh I tolde hem thee. Line 1481
But, for thou axest why labouren we -- Line 1482
For somtyme we been goddes instrumentz, Line 1483
And meenes to doon his comandementz, Line 1484
Whan that hym list, upon his creatures, Line 1485
In divers art and in diverse figures. Line 1486
Withouten hym we have no myght, certayn, Line 1487
If that hym list stonden ther-agayn. Line 1488
And somtyme, at oure prayere, han we leve Line 1489
Oonly the body and nat the soule greve; Line 1490
Witnesse on job, whom that we diden wo. Line 1491
And somtyme han we myght of bothe two, Line 1492
This is to seyn, of soule and body eke. Line 1493
And somtyme be we suffred for to seke Line 1494
Upon a man, and doon his soule unreste, Line 1495
And nat his body, and al is for the beste. Line 1496
Whan he withstandeth oure temptacioun, Line 1497
It is a cause of his savacioun, Line 1498
Al be it that it was nat oure entente Line 1499
He sholde be sauf, but that we wolde hym hente. Line 1500
And somtyme be we servant unto man, Line 1501
As to the erchebisshop seint dunstan, Line 1502
And to the apostles servent eek was I. Line 1503
Yet tel me, quod the somonour, feithfully, Line 1504
Make ye yow newe bodies thus alway Line 1505
Of elementz? the feend answerde, nay. Line 1506
Somtyme we feyne, and somtyme we aryse Line 1507
With dede bodyes, in ful sondry wyse, Line 1508
And speke as renably and faire and wel Line 1509
As to the phitonissa dide samuel. Line 1510
(and yet wol som men seye it was nat he; Line 1511
I do no fors of youre dyvynytee.) Line 1512
But o thyng warne I thee, I wol nat jape, -- Line 1513
Thou wolt algates wite how we been shape; Line 1514
Thou shalt herafterward, my brother deere, Line 1515
Come there thee nedeth nat of me to leere. Line 1516
For thou shalt, by thyn owene experience, Line 1517
Konne in a chayer rede of this sentence Line 1518
Bet than virgile, while he was on lyve, Line 1519
Or dant also. Now lat us ryde blyve, Line 1520
For I wole holde compaignye with thee Line 1521
Til it be so that thou forsake me. Line 1522
Nay, quod this somonour, that shal nat bityde! Line 1523
I am a yeman, knowen is ful wyde; Line 1524
My trouthe wol I holde, as in this cas. Line 1525
For though thou were the devel sathanas, Line 1526
My trouthe wol I holde to my brother, Line 1527
As I am sworn, and ech of us til oother, Line 1528
For to be trewe brother in this cas; Line 1529
And bothe we goon abouten oure purchas. Line 1530
Page 92
Line 1530
Taak thou thy part, what that men wol thee yive, Line 1531
And I shal myn; thus may we bothe lyve. Line 1532
And if that any of us have moore than oother, Line 1533
Lat hym be trewe, and parte it with his brother. Line 1534
I graunte, quod the devel, by my fey. Line 1535
And with that word they ryden forth hir wey. Line 1536
And right at the entryng of the townes ende, Line 1537
To which this somonour shoop hym for to wende, Line 1538
They saugh a cart that charged was with hey, Line 1539
Which that a cartere droof forth in his wey. Line 1540
Deep was the wey, for which the carte stood. Line 1541
The cartere smoot, and cryde as he were wood, Line 1542
Hayt, brok! hayt, scot! what spare ye for the stones? Line 1543
The feend, quod he, yow fecche, body and bones, Line 1544
As ferforthly as evere were ye foled, Line 1545
So muche wo as I have with yow tholed! Line 1546
The devel have al, bothe hors and cart and hey! Line 1547
This somonour seyde, heere shal we have a pley. Line 1548
And neer the feend he drough, as noght ne were, Line 1549
Ful prively, and rowned in his ere: Line 1550
Herkne, my brother, herkne, by thy feith! Line 1551
Herestow nat how that the cartere seith? Line 1552
Hent it anon, for he hath yeve it thee, Line 1553
Bothe hey and cart, and eek his caples thre. Line 1554
Nay, quod the devel, God woot, never a deel! Line 1555
It is nat his entente, trust me weel. Line 1556
Axe hym thyself, it thou nat trowest me; Line 1557
Or elles stynt a while, and thou shalt see. Line 1558
This cartere thakketh his hors upon the croupe, Line 1559
And they bigonne to drawen and to stoupe. Line 1560
Heyt! now, quod he, ther jhesu crist yow blesse, Line 1561
And al his handwerk, bothe moore and lesse! Line 1562
That was wel twight, myn owene lyard boy. Line 1563
I pray God save thee, and seinte loy! Line 1564
Now is my cart out of the slow, pardee! Line 1565
Lo, brother, quod the feend, what tolde I thee? Line 1566
Heere may ye se, myn owene deere brother, Line 1567
The carl spak oo thing, but he thoghte another. Line 1568
Lat us go forth abouten oure viage; Line 1569
Heere wynne I nothyng upon cariage. Line 1570
Whan that they coomen somwhat out of towne, Line 1571
This somonour to his brother gan to rowne: Line 1572
Brother, quod he, heere woneth an old rebekke, Line 1573
That hadde almoost as lief to lese hire nekke Line 1574
As for to yeve a peny of hir good. Line 1575
I wole han twelf pens, though that she be wood, Line 1576
Or I wol sompne hire unto oure office; Line 1577
And yet, God woot, of hire knowe I no vice. Line 1578
But for thou kanst nat, as in this contree, Line 1579
Wynne thy cost, taak heer ensample of me. Line 1580
This somonour clappeth at the wydwes gate. Line 1581
Com out, quod he, thou olde virytrate! Line 1582
I trowe thou hast som frere or preest with thee. Line 1583
Who clappeth? seyde this wyf, benedicitee! Line 1584
God save you, sire, what is youre sweete wille? Line 1585
I have, quod he, of somonce here a bille; Line 1586
Up peyne of cursyng, looke that thou be Line 1587
To-morn bifore the erchedeknes knee, Line 1588
T' answere to the court of certeyn thynges. Line 1589
Now, lord, quod she, crist jhesu, kyng of kynges, Line 1590
So wisly helpe me, as I ne may. Line 1591
I have been syk, and that ful many a day. Line 1592
I may nat go so fer, quod she, ne ryde, Line 1593
But I be deed, so priketh it in my syde. Line 1594
May I nat axe a libel, sire somonour, Line 1595
And answere there by my procuratour Line 1596
To swich thyng as men wole opposen me? Line 1597
Yis, quod this somonour, pay anon, lat se, Line 1598
Twelf pens to me, and I wol thee acquite. Line 1599
I shal no profit han therby but lite; Line 1600
My maister hath the profit, and nat I. Line 1601
Com of, and lat me ryden hastily; Line 1602
Yif me twelf pens, I may no lenger tarye. Line 1603
Twelf pens! quod she, now, lady seinte marie Line 1604
So wisly help me out of care and synne, Line 1605
This wyde world thogh that I sholde wynne, Line 1606
Ne have I nat twelf pens withinne myn hoold. Line 1607
Ye knowen wel that I am povre and oold; Line 1608
Kithe youre almesse on me povre wrecche. Line 1609
Nay thanne, quod he, the foule feend me fecche Line 1610
If I th' excuse, though thou shul be spilt! Line 1611
allas! quod she, God woot, I have no gilt. Line 1612
Pay me, quod he, or by the swete seinte anne, Line 1613
As I wol bere awey thy newe panne Line 1614
For dette which thou owest me of old. Line 1615
Page 93
Line 1615
Whan that thou madest thyn housbonde cokewold, Line 1616
I payde at hoom for thy correccioun. Line 1617
Thou lixt! quod she, by my savacioun, Line 1618
Ne was I nevere er now, wydwe ne wyf, Line 1619
Somoned unto youre court in al my lyf; Line 1620
Ne nevere I nas but of my body trewe! Line 1621
Unto the devel blak and rough of hewe Line 1622
Yeve I thy body and my panne also! Line 1623
And whan the devel herde hire cursen so Line 1624
Upon hir knees, he seyde in this manere, Line 1625
Now, mabely, myn owene mooder deere, Line 1626
Is this youre wyl in ernest that ye seye? Line 1627
The devel, quod she, so fecche hym er he deye, Line 1628
And panne and al, but he wol hym repente! Line 1629
Nay, olde stot, that is nat myn entente, Line 1630
Quod this somonour, for to repente me Line 1631
For any thyng that I have had of thee. Line 1632
I wolde I hadde thy smok and every clooth! Line 1633
Now, brother, quod the devel, be nat wrooth; Line 1634
Thy body and this panne been myne by right. Line 1635
Thow shalt with me to helle yet to-nyght, Line 1636
Where thou shalt knowen of oure privetee Line 1637
Moore than a maister of dyvynytee. Line 1638
And with that word this foule feend hym hente; Line 1639
Body and soule he with the devel wente Line 1640
Where as that somonours han hir heritage. Line 1641
And god, that maked after his ymage Line 1642
Mankynde, save and gyde us, alle and some, Line 1643
And leve thise somonours goode men bicome! Line 1644
Lordynges, I koude han toold yow, quod this frere, Line 1645
Hadde I had leyser for this somonour heere, Line 1646
After the text of crist, poul, and john, Line 1647
And of oure othere doctours many oon, Line 1648
Swiche peynes that youre hertes myghte agryse, Line 1649
Al be it so no tonge may it devyse, Line 1650
Thogh that I myghte a thousand wynter telle Line 1651
The peynes of thilke cursed hous of helle. Line 1652
But for to kepe us fro that cursed place, Line 1653
Waketh, and preyeth jhesu for his grace Line 1654
So kepe us from the temptour sathanas. Line 1655
Herketh this word! beth war, as in this cas: Line 1656
The leoun sit in his awayt alway Line 1657
To sle the innocent, if that he may. Line 1658
Disposeth ay youre hertes to withstonde Line 1659
The feend, that yow wolde make thral and bonde. Line 1660
He may nat tempte yow over youre myght, Line 1661
For crist wol be youre champion and knyght. Line 1662
And prayeth that thise somonours hem repente Line 1663
Of hir mysdedes, er that the feend hem hente! Line 1664