Dan Michel's Ayenbite of Inwyt : or, Remorse of conscience : Richard Morris's transcription now newly collated with the unique manuscript British Museum MS. Arundel 57, volume 1, text
Pamela Gradon

AUTHOR'S PREFACE

Aye þe uondin [supplied by ed.] gges of þe dyeule : zay þis þet uolȝeþ. "Zuete iesu þin holy blod / þet þou sseddest ane þe rod / ur me and uor mankende: Ich bidde þe hit by my sseld / auoreye þe wycked uend: al to mi lyues ende . zuo by hit."

Þis boc is dan Michelis of Northgate / y-write an englis of his oȝene hand. þet hatte : Ayenbyte of inwyt. And is of þe bochouse of saynt Austines of Canterberi . mid þe lettres : C : C

Holy archang [supplied by ed.] le Michael.
Saynt gabriel . and Raphael.
Ye brenge me to þo castel.
Þer alle zaulen vareþ wel.
Lhord ihesu almiȝti kyng . þet madest / and lokest alle þyng.
Me þet am þi makying: to þine blisse me þou bryng. Amen.
Blind . and dyaf . and alsuo domb. Of zeuenty yer al uol rond.
Ne ssolle by draȝe to þe grond: Vor peny / uor Mark / ne uor pond.

TABLE OF CONTENTS.

Þise byeþ þe capiteles of þe boc uolȝinde / And byeþ y-wryte to vynde y-redliche / by þe tellynge of algorisme / ine huyche leave of þe boc þet hy by. And ine huyche half of þe lyeaue be tuaye lettres of þe abece. Þet is to wytene . A. and .b. . A. betocneþ þe uerste half of . þe leave .b. þe oþerhalf.

Page  5

.I.

ÞE UORE-SPECHE.

[typographic Fol. 1. a.]

Almiȝti god / yaf ten hestes / ine þe laȝe of iewes / þet Moyses onderuing / ine þe helle of Synay / ine tuo tables of ston / þet were i-write / mid godes vingre . and him-zelf / efter his beringe / ine his spelle / het hise healde / and loki / to ech man / þet wile by y-borȝe . and huo þet agelt / ine enie of þe ilke hestes: him ssel þerof uor-þenche / and him ssriue / and bidde god merci / yef he wyle by yborȝe.

þis boc is ywrite /*. [The following lines are written continuously as prose in the MS.]
uor englisse men, þet hi wyte /
hou hi ssolle ham-zelue ssriue,
and maki ham klene / ine þise liue.
þis boc hatte huo þet writ /
AYENBITE OF INWYT.
auerst byeþ / þe hestes ten /
þet loki ssolle alle men.

ÞE UERSTE GODES HESTE.

Þe uerste heste þet god made / and het: is þis. "Þou ne sselt habbe / uele godes." þet is to zigge / "þou ne sselt habbe god / bote me. ne worssipie / ne serui. And þou ne sselt do þine hope / bote ine me." Vor þe ilke / þet deþ his hope / heȝliche ine ssepþe: zeneȝeþ dyadliche. and deþ aye þise heste. Zuiche byeþ þe ilke / þet Page  6 worssipeþ þe momenes . and makeþ hire god / of ssepþe / huich þet hit by.

Aye þise heste / zeneȝeþ þo / þet to moche / louieþ hire guod. gold. oþer zeluer. oþer oþre þinges erþliche. Huo þet / ine þise þinges agelteþ : zetteþ zuo moche hire herte / and hire hope: þet hi uoryeteþ / hire ssepere. an leteþ him / þet alle þise guodes ham lenþ. And þeruore / hi ssolden him serui / and þonki / and toppe alle þinges / louie / and worssipie / alzuo þe tekþ / þis uerste heste.

ÞE OÞER GODES HESTE.

Þe oþer heste / ys þellich. "þou ne sselt nime / godes name: in ydel." þet is to zigge: " þou ne sselt zuerie / uor naȝt / and wyþ-oute guode scele." þet oure lhord him-zelf / ous uorbyet / ine his spelle. þet me ne zuerie / ne by þe heuene / ne by þe erþe/ ne by oþre ssepþe. þaȝles ine guode skele / me may zuerie / wyþ-oute zenne. ase ine dome / huer me okseþ / oþer [supplied by ed.] / of zoþe. oþer out of dome / in oþre guode skele. and clenliche / and skeluolliche. Ine non oþre manyere / ne is no riȝt to zuerie. And þeruore / huo þet zuereþ wyþ-oute skele / þane name of oure lhorde / and uor naȝt: yef he zuereþ uals / be his wytinde : he him uorzuerþ. and deþ / to ayans / þise heste. and zuerþ dyadliche. uor he zuerþ / ayens inwyt. þet is to onderstonde / huanne he him uorzuerþ / be þoȝte / and be longe þenchinge. Ac þe ilke þet zuereþ zoþ / be his wytinde / and alneway uor naȝt. oþer uor some skele kueade / naȝt kueadliche / ake liȝtliche / and wyþ-oute sclondre : zuereþ liȝtliche. þaȝles þe wone / is kueaduol / and may wel wende / to zenne dyadliche / bote yef him ne loki. Ac þe ilke / þet zuereþ hidousliche be god / oþer by his halȝen / and him to-breȝþ / and zayþ him sclondres / þet ne byeþ naȝt to zigge: þe ilke zeneȝeþ dyadliche. Ne he ne may Page  7habbe skele: þet he him moȝe excusi. And þe ilke þet mest him woneþ to zuerie: mest zeneȝeþ.

ÞE ÞRIDDE GODES HESTE.

Þe þridde heste / is þellich. "Loke / þet þou halȝi / þane day / of þe sabat; Zeterday [supplied by ed.] ," þet is to zigge . [typographic [Fol. 1. b.]] þou ne sselt do / ine þe daye / of þe sabat Zeterday [supplied by ed.] / þine nyedes / ne þine workes / þet þou miȝt do / ine oþre dayes. Ac þou sselt þe resti / uor betere / þe yeme to bidde / and to servi þine ssepere / þet him restede / þane zeuende day / of workes / þet he hedde ymad ine þe zix dayes beuore . ine huichen he made the worlde / an ordaynede diȝte. [supplied by ed.] . þis heste / uoluelþ gostliche / him þet lokeþ / be his miȝte : þe pays / of his inwyt / god uor to servi / more holylaker. þanne þis word / zeterday / þet þe iurie / clepeþ sabat . is ase moche worþ : ase reste.

Þis heste / ne may non loki gostliche: þet by ine inwyt / of dyadliche zenne . Vor zuich inwyt / ne may by ine reste / þer huyle / þet hi is / ine zuich stat. And ine þe stede / of þe sabat / þet wes straytliche y-loked / in þe yalde laȝe: zet holi cherche / þane sonday / to loky / ine þe newe laȝe . vor oure lhord / aros / uram dyaþe to lyue / þane zonday. An þeruore / me ssel hine loky / and ureþie / zo holyliche / and by ine reste / of workes / ope þe woke . and more of workes / of zenne . and yeue him more / to gostliche workes / and to godes seruise /, and þenche / ane his sseppere / and him bidde / and þonky / of his guode. And huo / þet brekþ þane zonday/ and þe oþre heȝe festes / þet byeþ y-zet to loky / ine holy cherche : zeneȝeþ dyadliche / uor he deþ / aye þe heste of god. to-uore yzed . and of holi cherche / bote yef hit by / uore zome nyede / þet holi cherche granteþ. Ac more zeneȝeþ / þe ilke / þet dispendeþ þane zonday / and þe festes ine zenne / and ine hordom / and in oþre zennes / aye god. Þise þri hestes / diȝteþ ous / to gode specialliche.

Page  8

ÞE UERÞE GODES HESTE.

[typographic Fol. 1. b.]

Þe uerþe heste / is þellich. "Worþssipe þine uader / and þine moder. uor þu sselt libbe þe lenger ine yerþe." Þis heste / ous amonesteþ / þet we ous loky / þet we / ne wreþþi uader / ne moder / wytindeliche. And huo þet onworþeþ / his uader / and his moder / be his wytinde / oþer ham missayþ/ oþer wreþeþ / mid kueade : zeneȝeþ dyadliche / an brekþ þise heste.

Ine þise ilke heste / is onderstonde / þe worþssipe / þet we ssolle bere / to oure uaderes / gostliche. þet is to ham / þet habbeþ / þe lokingge / ous to teche / and ous to chasti / ase byeþ / þe ouerlinges / of holy cherche. And þo þet habbeþ / þe lokinge / of oure zaules / and of oure bodyes. And huo þet nele / bouȝe to ham / þet habbeþ þe lokinge of him / huanne hi techeþ þet guod. Þet me is y-hyalde to done : zeneȝeþ kueadliche. and zuych may by / þe onboȝsamnesse : þet hit is / dyadlich zenne.

ÞE VlFTE GODES HESTE.

Þe vifte heste / is þellich / "þou ne sselt / slaȝe nenne man." Þis heste uorbyet / þet non ne ssel / slaȝe oþren / uor a wrekinge . ne uor his guodes . oþer uor oþre wyckede skele . uor þet is zenne dyadlich. þaȝles uor to slaȝe þe misdoeres / riȝt uor to done / and loki / and uor oþre guode skele. hit is guod riȝt / by þe laȝe / to [typographic [Fol. 2. a.]] him þet ssel hit do / and y-hyealde is þerto.

Ine þis heste ys uorbode / zenne of hate / and of wreþe / and of grat ire . Vor alse zayþ / þe writing . þe ilke / þet hateþ his broþer: he is / manslaȝþe / ase to his wylle / and zeneȝeþ dyadliche . and þe ilke / þet bereth longe wreþe / ayens oþren . vor zuich wreþe / longe y-hyealde / and byuealde ine herte : is ine wreþe / and ine hate : þet is dyadlich zenne. and aye þise heste. And yet zeneȝeþ he more / þet deþ / oþer por- chaceþ / ssame / oþer harm / to oþren : wrongliche. oþer Page  9 is ine rede / and ine helpe / uor to do harmi oþren / him to awreke . þaȝles wreþe / oþer onworþnesse / þet geþ liȝtliche / wyþoute greate wille / an willinge / uor to harmi oþren : ne is naȝt dyadlich zenne.

[typographic Fol. 2. a.]

ÞE ZIXTE GODES HESTE.

Þe zixte heste / is þellich. "þou ne sselt do / non hordom." þet is to zigge / þou ne sselt naȝt wylni uelaȝrede ulesslich / wyþ oþre manne wyf.

Ine þise heste / ous is uorbode / alle zenne of ulesse / þet me clepeþ generalliche / lecherie. þet is on / of þe zeuen dyadliches zennes. þaȝ þer by zome bronches / þet ne byeþ naȝt dyadlich zenne. ase byeþ manie arizinges of vlesse / þet me ne may naȝt all [supplied by ed.] e bevly. and þo me ssel naȝti / and wyþdraȝe / ase moche / ase me may. naȝt uor to norici his / ne porchaci / oþer be to moche mete / oþer drinke / oþer be euele þoȝtes. to longe y-hyealde. oþer be kueade takinges. Vor ine suiche þinges / me may habbe / harm of zaule. Ine þise heste is uorbode / alle zennen a-ye kende / ine huet manere / hy byeþ y-do / oþer ine his bodie : oþer ine oþren.

ÞE ZEUENDE GODES HESTE.

Þe zeuende heste / is þellich. "Þou ne sselt do / none þiefþe." Þis heste ous uorbyet / to nimene / and of-hyealde / oþre manne þing / huet þet hit by / be wyckede skele / aye þe wyl of him / þet hit oȝþ.

Ine þise heste is uorbode / roberie / þiefþe / stale / and gauel / and bargayn wyþ oþren / uor his oȝen to habbe. And þe ilke / þet deþ / aye þis heste: is yhyalde to yelde. þet he heþ / of oþre manne kueadliche / yef he wot to huam. And yef he not: he is yhyalde / to yeue hit uor godes loue. oþer / to done by þe rede of holi cherche. Vor he þet wyþhalt / oþre manne þing mid wrong / be kueade skele : zeneȝeþ dyadliche : bote Page  10 yef he hit yelde / þer ha ssel / yef he hit wot / and moȝe hit do. oþer yef he ne deþ / by þe rede of holy cherche.

ÞE EȜTENDE GODES HESTE.

Þe eȝtende heste / is þellich. "Þou ne sselt zigge / none ualse wytnesse / aye þine emcristen."

Ine þise heste / ous ys uorbode / þet we ne lyeȝe / ne ous uorzuerie; ne ine dome / ne wyþoute dome / uor to do harmi þine emcristen . and þet me ne lede nenne in wytnesse / uor to ampayri his guode los. oþer his grace / þet he heþ / uor þet is dyadlich zenne. To-ayens þise heste doþ þo / þet misziggeþ guode men / behinde ham / be hire wytinde. and by kueadnesse. þet me clepeþ / þe zenne of detraccion . and þo also / þet herieþ þe kueade / and hire dedes / of hire kueadnesse / and of hire folies ywyte / oþer yzoȝe / oþer yherd . þet is zenne of blondin [supplied by ed.] gge / oþer of lozengerie / huanne me hit zayþ to uore ham. oþer ualshede / oþer lyesinges / huanne he þet me spekþ of / ne is naȝt present. vor alle þos byeþ ualse wytnesses.

[typographic Fol. 2. b.]

ÞE NEȜENDE GODES HESTE.

Þe neȝende heste / is þellich. "Þou ne sselt naȝt wylni / þine neyȝbores*. [MS. neȝybores.] wyf. ne his wylni / ine þine herte." þet is to zigge / þou ne sselt naȝt consenti / to do zenne / mid þine bodye.

Þis heste uorbyet / to wylni mid wyl of herte / to habbe uelaȝrede ulesslich/ mid alle wyfmen /*. [MS. wyfmem.] out of spoushod. And þe kueade tocnen wiþoute / þet byeþ ymad / uor to draȝe zenne / ase byeþ / kueade wordes / of zuyche manere. oþer yefþes / oþer kueade takinges. And þe difference of þise heste / mid þe zixte / aboue yzed : zuo is/þet þe zixte heste uorbyet/þe dede wyþ-oute. ac þis uorbyet / þe grantinge wyþinne. Vor þe grant- inge / to habbe uelaȝrede u1esslich / mid wyfmen / þet ne is naȝt his be spouse : ys zenne dyadlich / be þe dome / Page  11of godes spelle / þet zayþ. "Huo þet ziȝþ ane wyfman / and wylneþ his ine herte : he heþ y-zeneȝed / ine hyre: ine his herte ." þet is to zigge: wyþ aperte wylnin [supplied by ed.] gge / and mid þoȝte.

ÞE TENDE GODES HESTE.

Þe tende heste / is þellich. "Þou ne sselt naȝt wylni þing / þet is þine nixte." þis heste uorbyet / wyl to habbe oþre manne þing / by wyckede scele.

Ine þis heste / is uorbode enuie / of oþre manne guode. oþer of oþre manne grace. Vor þe ilke enuie / comþ of kueade couaytise / uor to habbe þet guod / oþer þe ilke grace . þet he y-ziȝþ ine oþren. And þe ilke couaytise / huanne þe consentement / and þe þoȝtes þerto : is dyadlich zenne. and aye þise heste. Þaȝles / liȝte couaytise / to habbe oþre manne þing / by*. [wy in MS.] guode scele : ne is no zenne . and yef þer is / eni kuead arizinge / wyþ-oute wylle / and wyþ-oute grantinge / to harmi oþren : hit ne is no zenne. and yef þer is zenne: hit is liȝt zenne.

Þis byeþ þe ten hestes / huer-of þe þri uerste / ous diȝt wel to god . Þe oþre zeuen / ous diȝt to oure nixte. Þise ten hestes / byeþ to echen / þet heþ scele / and elde / yhyealde to conne / and to done. Vor huo þet deþ þerteyens / be his wytinde : zenȝeþ dyadliche.

ÞE TUELF ARTICLES / OF ÞE CRISTENE BELEAUE.

Þyse byeþ þe tuelf articles / of þe cristene byleue / þat ech man cristen / ssel yleue stedeuestliche. uor oþerlaker / he ne may by yborȝe / huanne he heþ wyt / and scele. And þerof byeth tuelf. by þe tale / of þe tuelf apostles / þet hise zette to hyealde / and to loky / to alle þon/ þet wyleþ by yborȝe. Þanne þe uerste / belongeþ to þe uader. þe zeuende : to þe zone. the uerþe / to þe holi gost. uor þet is þe byginninge / of þe beleaue: yleue ine þe holy trinite. þet is ine þe uader / and ine Page  12þe zone / and ine þe holy gost. on god / an þri persones. Alle þise articles / byeþ ycontyened ine þe credo. / þet þe tuelf apostles made . huer-of / ech zette his.

Þe uerste article. ys þellich. "Ich beleue ine god/ þe uader almiȝti / sseppere / of heuene / and of erþe." Þis article zette saynte peter.

Þe oþer article / belongeþ to þe zone / aze to his godhede / þet is to zigge / þet he is god . and is þellich. "Ich beleue ine yesu crist / oure lhord / godes zone þe uader / in alle þinges / þet belongeþ to þe godhede / an is onlepi þing / mid þe uader : bote of þe persone / þet is oþer/ þanne þe persone of þe uader." Þis article zette / [typographic Fol. 3. a.] sayn Ion þe godspellere.

Þe þridde article / and the vifte / þet uolȝeþ efter / belongeþ to þe zone / ase to þe manhode; þet is to zigge / ase þet he is man dyadlich . þanne mid þe þridde article / is ycontened / þat he wes y-kend / of þe holi gost / and y-bore of þe mayde Marie. Þet is to onderstonde / þet he wes y-kend / ine þe Mayde Marie / be þe dede / and by þe uirtu / of þe holi gost / and noþing / of dede / of man. And the mayde Marie / blefte eure mayde / an yhol be-uore / and efter. Þis article zette zayn Iacob / sayn Ionnes broþer.

Þe uerþe article / belongeþ to his passion . þet is to zigge / þet he þolede dyaþ onder pouns pilate / þet wes paen / and demere / ine þo time / ine ierusalem : by þe romayns. Onder þo demere / wes Iesu crist y-demd / wyþ wrong / to þe biddinge / of þri kueade ieus / and y-do a rode / and dyad / and y-do in-to berieles. Þis article zette saynt andreu.

Þe vifte article / zuo is / þet ha wente into helle / efter his dyaþe / uor to draȝe þannes / and to deliuri þe zaules / of þe holi uaderes . and of alle þon / þet uram þe ginnin [supplied by ed.] gge / of þe wordle storue / in zoþe guode byleaue/ and ine hope / þet hi ssolden by y-borȝe / be him / uor þe zenne / of the uerste manne. Hit behouede / þet alle Page  13wenten / into helle and þere abyde þe guode / ine zikere hope. þet iesu crist / godes zone / ssolde come / his to deliuri / be þet he hedde behote / be his prophetis. And uor þo scele / wolde he / efter his dyaþe / wende in to helle. þet is to onderstonde, / ine þo half / þet were þe halȝen. Naȝt ine þo half: þet were þe uorlorene. þet weren dyade / ine hire zenne / and ine hire misbileue. And þo ne droȝ he naȝt . uor hi byeþ uorlore / uor euremo. Þis article / zette saynt philippe.

Þe sixte article is / of his arizinge. þet is to wytene . þet þanne þridde day / efter his dyaþe . uor to uoluelle þe writinges: he aros uram dyaþe. to liue . and sseawede him / to his deciples. and ham prouede / his arizinge : ine uele maneres / be uourti daȝes. Þis article / zette saynt thomas.

Þe zeuende article is. þet þane uourtaȝte day / efter his arizinge / huanne he hedde y-yete / mid his deciples, to-uore ham / al aperteliche / steaȝ into heuene / þet is aboue / alle ssepþe / þet ys ine heuene / al to godes riȝt half / þe uader / huer he him made. Þis article / zette seynt bartholomeu.

Þe eȝtende article is. þet he ssel come / ate daye of dome / to deme þe dyade / and þe libbinde . þe guode / ande þe kueade . and yelde to echen / be þet he heþ of-guo / ine þise wordle. þise byeth þe artikles / þet belongeþ to þe zone. Þis article zette seynt Matheu þe godsspellere.

Þe neȝende article / and þe þri laste: belongeþ / to þe holi gost. and is þellich. "Ich beleue / ine þe holi gost." Þis article akseþ / þet me leue / þet þe holi gost / is þe yefþe / and þe loue / of þe uader / and of þe zone / huerof comþ / al þe guod of grace . and þet he is / onlepi god / an onlepi þing / mid þe uader / and þe zone / bote þe persone / þet is, oþer / þanne þe persone of þe uader / and / of þe zone. Þis article sette / saynt Iacob / zaynte Simones and saynte Iudes broþer.

[typographic Fol. 3. b.]

Þe tende article is þellich. "Ich y-leue holy Page  14cherch generalliche /and þe mennesse of halȝen" / þet is to zigge : þe uelaȝrede of alle þe halȝen / and of alle þe guode men þet byeþ / and ssolle by. al to þe ende of þe wordle/ and weren zeþþe þe ginnin [supplied by ed.] gge, to gidere / ine þe byleaue of Iesu crist. And ine þise article / byeþ onderstonde / þe zeue sacremens / þet byeþ ine holy cherche. þet is to wytene. cristninge . conferminge. þe sacrement of þe wyefde. ordre, spoushod. þe holy ssrifte. and þe laste : anoylinge. Þis article zette sayn simoun.

Þe enlefte is. to leue: þe lesnesse of zenne. þet god yefþ be þe virtue / of his holi sacremens / þet byeþ ine holi cherche. Þis article zette sayn Iude.

Þe tuelfte article is. to leue / þe general arizinge of bodye. and þet lif / wyþ-oute ende. þet is þe blisse of paradis. þet god ssel yeve to ham / þet hit habbeþ of-guo / be guode beleaue: and be guode workes. Þis article / yefþ to onderstonde / his contrarie. þet is / þe pine wyþ-oute ende / þet god heþ agrayþed / to þe uorlorene. Þis article / ssel by onderstonde / ine zuyche manere: þet ech / by he guod / by he kued / ssel by ate daye of dome / arered uram dyaþe / to lyue / ine his oȝene bodye / huer he ssel habbe an. and onderuonge his mede / ine bodye / and ine zaule / be þet he heþ of- guo / ine þise liue. an þeruore / ssolle þe guode / at þo daye / ine bodye / and ine zaule / by in lif / wyþ-oute ende. and the kueade: uorlore euremo / ine bodye and ine zaule. Þis article zette saynt Maþþi.

OF ÞE SSEAWYNGE ÞET SEINT ION ÞE GODSPELLERE YZEȜ.

Mi lhord sanyn Ion / ine þe boc / of his sseawyinges. þet is y-cleped / þe apocalipse: zuo zayþ / þet he yzeȝ a best / þet com out of þe ze. wonderliche ydiȝt. and to moche dreduol. Vor þet bodi of þe beste : wes ase lipard. þe uet / weren of bere. þe þrote / of lioun. and hit hedde / zeve heauedes . and ten hornes. and Page  15ope þe ten hornes. ten corounes. And yzeȝ saint Ion. þet þe ilke kueade best / hedde miȝte / of him-zelve / to viȝte / wyþ þe halȝen / an his to ouercome / and to ouermaistri. Þis ilke best / zuo wonderuol / and zuo y-countrefeted / and dreduol: betocneþ / þane dyeuel / þet com out of þe ze / of helle / þet is uol/ of alle zorȝe / and of alle biternesse. Þet bodi of þe beste / ase zayþ saynt Ion. zuo wes ylich / to þe lipard . uor þet ase þe lipard / heþ diuers colurs : zuo heþ þe dyeuel diverse maneres / of waytinges / and of contac / uor to gily / an uor to uondi þe uolk. þe uet weren ilich / þe uet of bere. vor alse þe bere / þet heþ þe stren [supplied by ed.] gþe ine þe uet / and ine þe armes / halt strangliche. and bint / þet he heþ / onder his uet / and þet he beclepþ: alsuo deþ þe dyeuel ham / þet he heþ beclept / and ouerþrawe be zenne. Þe þrote wes of lion . uor his greate crueleté / þet al wyle uorȝuelze.

ÞE TOKNEN OF ÞE HEAUEDEN OF ÞE BESTE.

[typographic Fol. 4. a.]

Þe zeue heauedes / of þe beste of helle: byeþ þe zeuen hauedliche zennes. be huichen / þe dyeuel draȝþ to him / ase al þe wordle. Vor onneaþe yualþ / þet me ne ualþ / in-to þe þrote / of zome: of þe zeue heauedes. And þeruore / zayþ wel saynt Ion: þet hit hedde miȝte / a-ye þe halȝen. vor in erþe / ne ys zuo holi man : þet moȝe / parfitliche be-uly / alle þe maneres of zenne. þet of þise heuedes zeuen comeþ / wyþ-oute special priuilege of grace / alse hit wes / ine þe mayde Marie / oþer ine zome oþren / be special grace / þet he hedde of god. Þe ten hornes of þe beste / betokneþ / þe geltes of þe ten hestes / of our lhorde / þet þe dieuel purchaceþ / also moche ase may / by þe zeuen / beuore yzed zennen. Þe ten corounes aboue / betokneþ / þe ouercominge / þet hit heþ aboue / alle zenuolle / uor þet / he deþ his agelte / ine þe ten hestes.

Page  16

ÞET UERSTE HEAUED OF ÞE BESTE.

Þet uerste heaued / of þe beste of helle: ys prede. Þet oþer / is enuie. þe þridde / wreþe. þe uerþe / sleauþe / þet me clepeþ / ine clergie: accidye. þe vifte / icinge. in cler [supplied by ed.] gie / auarice. oþer couaytise. þe zixte / glotounye. þe zeuende lecherie / oþer luxurie. Of þise zeuen heauedes / comþ ech manere zenne. and þeruore / hi byeþ y-cleped / haued-zennes. uor þet hi byeþ / heaued / of alle kueade / and of alle zennes. and ginninge / of all kueade. be hy dyadliche / be hy uenial. Þanne / ech of þe ilke zeuen him to-delþ / ine uele halues. And uerst / we willeþ zigge / of þe zenne of prede / uor þet wes þe uerste zenne / and þe aginninge / of alle kueade. vor prede / brek uerst uelaȝrede / and ordre / huanne liȝtbere þe angel / vor his greate uayrhede / an his greate wyt: wolde by aboue / þe oþre angeles / and him wolde enmi / to god / þet hine zo uayr / an zuo guod: hedde y-mad. And þeruore / he vil uram heuene: and becom dyeuel. and he / and al his uelaȝrede. Hym anlikneþ / alle proude / þet uelaȝrede / and ordre of men / ondeþ / and brekþ / huanne hi wylleþ / by aboue oþren. and more by alozed / and y-preyzed / þanne eni oþer / þet betere byeþ worþ.

ÞE MYȜTE OF PREDE.

Þis zenne of prede / ys to dreduol. uor hi ablent men. zuo þet hi ham-zelve / ne knaweþ / ne ne zyeþ. þet is þe wel strang / and þe wel special ald / to þe dyeule / huer-of he be-gyleþ / þe heȝe men / and þe uayre / and þe riche / and þe wyse / and þe hardi / and þe worþuolle. And generalliche / ech manere of uolk. ac specialliche / þe greate lhordes / zuo þet hy ham zelue / ne knawyþ / ne yzeþ / hire misdedes / ne hire folies / ne hire wyttes. þanne is. hit / þe meste periluse ziknesse / þet is of oþren. Vor-zoþe / he is ine grat peril / to huam / Page  17alle triacle / went in to uenym. Also deþ techinge / and chastisement / to þe proude. Vor þe more / þet me him wyþ [supplied by ed.] nimþ / and blameþ / and chasteþ: þe more / he him wreþeþ. and þe more him wereþ.

Prede / is þe dyeules oȝe doȝter / þet heþ / grat del / ine his kende. Prede werreþ wyþ god / of his guode. and god / þrauþ doun prede / and werreþ wiþ him. Prede / is king / of wyckede þeawes. Hy is þe lioun / [typographic Fol. 4. b.] þet al uorzuelþ. Prede astruþ / alle þe guodes / an alle þe graces / and alle þe guode workes / þet byeþ ine manne. Vor prede / makeþ of elmesse / zenne. and of uirtues / vices. and of guode workes / huer-of me ssolde begge heuene: makeþ wynne helle.

Þis zenne / is þe uerste / þet asayleþ / þane kniȝt / oure Lhord / and huan*. [huam?] last let. Vor huanne he heþ / alle oþre kuedes ouercome: þanne him asayleþ prede / þe str [supplied by ed.] anglaker.

HOU ME SSEL TO-DELE ÞE ZEUE BOȜES OF PREDE.

Þis zenne him to-delþ / and spret / ine zuo uele deles / þet onneaþe / me may hise telle. Ac zeuen principals doles / þer byeþ. þet byeþ / ase zeue boȝes / þet guoþ out / and byeþ y-bore / of ane wyckede rote.

Þanne / þe uerste boȝ of prede: is / ontreuþe. þe oþer: onworþhede. þe þridde: ouerweninge. þet we*. [me?] clepeþ / presumcion. þe uerþe folebayrie. þet we*. [me?] clepieþ / ambicion. þe vifte: ydele blisse. þe zixte: ypocrisie. þe zeuende: wyckede drede. To þise zeue diȝtinges / belongeþ alle þe zennes / þet byþ y-bore of prede. Ac ech of þise zeue boȝes / heþ uele smale tuyegges.

Þe uerste boȝ of prede / þet is / ontreuþe. hehim to-delþ / in þri little boȝes. huer-of þe uerste / is kuead. þo oþer : worse. þe þridde / alþerworst. þe on is voulhede. þe oþer: wodhede. þe þridde: renoyrye. Voulhede : generalliche / is ine eche zenne. vor no zenne / ne is / wyþ-oute uoulhede. and zuo beginneþ / alle Page  18 zennes / be voulhede. Ac þe uoulhede / þet we spekeþ of hier specialiche / þet comþ of prede. and is a manyere / of ontreuþe: is a vice / þet is y-cleped / ine clergie: ingratitude / þet is uoryeti n [supplied by ed.] ge of god / and of his guodes. þet me ne þonkeþ him naȝt/ ase me ssolde do. ne him ne yeldeþ þonkes / of his guodes / þet he ous heþ ydo.

Vor-zoþe he is wel vileyn / and ontrewe / auoreye his lhord / þet alle guod / him heþ y-do. and him ne þonkeþ / ac uoryet: and yelt him / kuead uor guod. and vileynye / uor corteysye. Þe ilke vileynye / deþ man to god / huanne he / ne beþengþ him naȝt / of þe guodes / þet God him heþ y-do / and him deþ alneway. and naȝt him þonkeþ / ac raþre him / ofte werreþ / ine þet / þet he useþ kueadliche / and aye godes wil.

Þet is wel grat vileynie / ase me þingþ / þet grat guod- nesses / onderuan [supplied by ed.] gþ / and ne dayneþ naȝt / to zigge: grat þank. And yet hit is more grat: huanne / me him uorzaȝþ / oþer huanne / me him uoryet. ac þe ilke / is to grat: huanne echedaye / onderuangþ þe guodnesses: and echedaye / yelt kuead / uor guod.

Þe ilke / þet þanne wel þengþ / and ofte lokede / to þe guodes / þet god him heþ ido / and deþ alneway: and þet no guod / he ne heþ: þet god ne heþ / hit him y-yeve. ne guodes of kende: ase uayrhede. and helþe. an strengþe of bodye. an sleȝþe. and naturel wyt / auoreye þe zaule. ne guodes of auenture. ase richesses. worssipe. and heȝnesse. ne guodes of grace. ase byþ uirtues. and guode workes. wel ssolde he þonki god: of alle his guode. vor guodnesse : oþer akseþ.

Þe oþer / ontreuþe. þet comþ of prede: is wodhede. me halt ane man wod. þet is out of his wytte / ine huam : skele is miswent. þanne wext ariȝt / þe ilke fol. [typographic Fol. 5. a.] and miswent. and wel yzed / wod. þet wytindeliche / and hardiliche / þe guodes / þet ne byeþ naȝt his. ake byeþ. his lhordes guodes. huer-of / him behoueþ / straitliche / yelde rekeninge / and scele. Þet is to Page  19 wytene / þe guodes / of suo grat pris / and þe timliche guodes / þet he heþ / ine lokinge. þe uirtues of þe bodie / and þe þoȝtes / and þe consenteinens / and þe willes of þe zaule / wasteþ / and despendeþ / ine folyes / and ine outrages / to-uore þe eȝen / of his lhorde, an him ne poruayþ / of his rekeninge. and wel wot / þet rekeni him behoueþ. and ne wot / huanne. ne þane day. ne þe oure. Zuych folie / is wel y-cleped / onwytbede. Of zuiche vices / byeþ uolle / þe greate proude men / þet useþ kueadliche / þe greate guodes / þet god ham heþ ylend.

Þe þridde ontreuþe þet comþ of prede: ys renayrie. He ys wel renay / þet / þet land þet he halt of his lhorde / deþ in-to þe hond of his uyende. and deþ him manhode. Zuych zenne makeþ ech þet zeneȝeþ dyadliche. uor þanne alzo moche ase of him is he deþ manhode to þe dyeule / and becomþ his þrel. and him yelt al þet he halt of god / and bodi / and zaule. and oþre guodes. þet he deþ to þe seruice of. þe dyeule. And alþaȝ he by be his zigginge cristen: he renayþ be dede / and sseweþ þet he ne is naȝt. Ac specialliche ine þri man- eres is man ycleped reney. and uals cristen. oþer uor þet he ne belefþ / þet he ssolde / ase deþ þe bougre: and þe heretike / and þe apostate. þet reneyeþ hire bileaue. Oþer uor þet he agelt þe byleaue þet he bylefþ. Alsuo doþ þe uorzuorene. and þe leȝers of þe byleaue. Oþer belefþ more þanne he ssolde. ase doþ þe deuines / and þe wichen / and þe charmeresses þet workeþ be þe dyeules crefte. and alle þo þet ine zuyche þinges yleueþ and doþ hire hope: zeneȝeþ dyadliche. Vor alIe zuiche þinges byeþ aye þe byleaue. and þeruore his uorbyet holy cherche. Þise byeþ þe manieres of on-treuþe / þet is þe uerste boȝ of prede.

ÞE OÞER BOȜ OF PREDE.

þe oþer boȝ / þet comþ out / of þe stocke / of prede: zuo is onworþnesse despit [supplied by ed.] / þet is / wel grat zenne. Page  20 And þaȝ hit by zuo / þet no zenne dyadlich / by wiþoute onworþnesse / of god. alneway be þet / þet we spekeþ of onworþhede / hyer specialliche / ine þri maneris / me may zeneȝi / be þise zenne. Oþer uor þet / me ne prayzeþ / oþren ariȝt / ine herte / ase me ssolde. Oþer uor þet / me ne berþ naȝt worssipe / and reuerence: þer þet me ssolde. Oþer uor þet / þet me ne bouȝþ naȝt ariȝt: to ham / þet me ssolde / riȝtuolliche bouȝe.

Nou þench riȝt wel / ine þine herte / hou ofte / þe hest y-do / þe ilke zenne / þet þou hest / ine þine herte : þe ilke / þet more byeþ worþ / þanne þou / onworþest. uor zome graces wyþoute / þet god / þe heþ y-yeve. oþer uor noblesse / oþer uor prowesse. oþer uor richesse. oþer uor wyt. oþer nor uayrhede. oþer uor oþre guodes / huet þet hi by: hueruore / þou þe prayzest / more þanne þe ssoldest. and oþren lesse.

Efterward / þench hou uele ziþe þou hest / litel ybore worþssipe / and reuerence / to ham / þet þou ssoldest. Auerst / to god. and to his moder. and to his halȝen. and to þe angles of heuene. Vor þer ne is non / to-yans [typographic Fol. 5. b.] huam / þet þou ne hest agelt / ine onworþ [supplied by ed.] nesse despit [supplied by ed.] . oþer be onworþnesse / þet þou hest / ofte ziþes / euele / and wroþe / y-loked hire festes.

Efter þan þench / hou uele ziþe / þou hest misserued oure lhord Jesu crist. oþer ine þet / þet þou ne hest naȝt bleþeliche / y-hyerd his seruise. ne y-zed his benes. ne yhyerd sermons. and huanne þe ssoldest / yhere his messe / oþer his sermon / at cherche: þou iangledest / and bourdedest / to-uor god. and ine þet / þu bere him / litel worþssipe.

Efterward / hou þou hest ueleziþe / litel ybore worþssipe. to þe bodye / of Jesu crist / þanne þou hit yzeȝe. oþer þanne / þou hit onderuinge. ine þet / þet þou nere naȝt / digneliche y-diȝt / be ssrifþe. and by vorþenchinge. Oþer be auenture / þet wors is: þet þou hit Page  21onderuinge ine dyadlich zenne / be þine wytinde / þet is grat onworþnesse. despit. [supplied by ed.]

Efterward / to þine zuete uelaȝe / and to þine / guode lokere / þin angle. þet alneway / þe lokeþ. hou uele ssames / þou hest him y-do / ine þet / þou dedest / þine zennes / beuore him.

Efterward þench/ hou ueleziþe / þou hest y-by / onboȝsam to þine uader / and to þine moder. and to þan / to huam þou ssoldest bouȝe: and bere honur. Yef þou wylt / ine þise manere / recordy þi lif : þou sselt ysi þet þou hest / more ziþe y-zeneȝd / ine zuyche manere / of prede / þet is ycleped / onworþnesse despit [supplied by ed.] : þet þou / ne kanst naȝt telle.

ÞE iij BOȜ OF PREDE.

Þe þridde boȝ of prede: is / arrogance. þet me clepeþ / opweninge / oþer opniminge. þanne þe man / wenþ more / of him-zelue / þanne he ssolde. Þet ys to zigge : þet wenþ by / more worþ: þanne he by. oþer more may: þanne he moȝe. oþer more conne : þanne he can. oþer wenþ by more worþ. oþer more moȝe. oþer more conne: þanne eny oþer. þis zenne / is þe strengþe / ofþe dyeule. vor he lokeþ / and norisseþ / alle þe greate gostliche zennes. Þis zenne him sseaweþ / ine uele maneres, oþer be dede / oþer be speche. ac nameliche / ine zix maneres. þet is to wytene / ine onlepihede. uor þe proude / and þe ouerwenere / weneþ more by worþ / oþer conne: more þanne enie oþre. and ne dayneþ naȝt do / ase oþre / þet more byeþ worþ / þanne he by. ac raþre / wile by / onlepi ine his dedes. Þet is þe uerste zenne / be huam ouerweninge is ine dede.

Þe oþer is / fol niminge / of greate spendinge. þet me clepeþ prodigalité. huanne he deþ to moche despense. oþer / of his oȝen: oþer / of oþre manne: uor to by / y-praysed. and þeruore / þet me him hyalde / þe more large / and þe more corteys.

Page  22

Þe þridde kuead / þet comþ of ouerweninge: ys fole opniminge of uals strif. ase zayþ / Salomon. þet is to zigge. huo þet mimþ / a uals strif anhand / and wot wel / þet hit is uals. and hit uolȝeþ.

Þe uerþe tuyg / of þe ilke boȝe / huer-by / þe proude / sseaweþ prede / of his herte : is yelpingge. þet is / wel uoul zenne / and to god: an to þe wordle. Þe yelpere is þe cockou. þet ne kan / naȝt zinge / bote of him-zelue: [typographic Fol. 6. a.] þis zenne is ybounde ine þan / þet be his oȝene mouþe / him yelpþ. oþer of his wytte. oþer of his kenne. oþer of his workes. oþer of his prouesse. Ac he him dobleþ ine ham / þet þe yelpere / and þe lozeniour / zecheþ / and redeþ / and yefþ ham of his / uor ham to praysi. and uor to zigge of ham: þet hi / ne dorre naȝt zigge. and uor to lyeȝe of ham : and te grede hare noblesse.

Þe vifte out-kestinge / of þe ilke stocke / is scorn. Vor þet is þe wone / of þe proude: ouer-wener [supplied by ed.] e / þet him ne is naȝt ynoȝ / to onworþi / ine his herte / þe oþre. þet ne habbeþ naȝt / þe graces / þet he wenþ habbe. ac makeþ / his bisemers / and his scornes. and þet wors is: bisemereþ and scorneþ þe guode men. and of ham / þet he yziȝþ / wende to guode. þet is wel grat zenne. and wel dreduol. Ac / uor hire euele tongen: hi miswendeþ / moche uolk / to done wel.

Þe zixte kestinge out / of the ilke boȝe: is wyþ-stondinge. Þet is / huanne þe man wyþstant / to alle ham: þet guod / him wolde. Vor þe proude / ouer-wenere: yef me him wiþnimþ : he him defendeþ. yef me him chasteþ : he is wroþ. yef me him wel ret. he ne lefþ nenne / bote his oȝene wyt. Hit is a perilous ziknesse / þet ne may naȝt þolye: þet me him take. and to þan / þet alle medicines: went in to uenim.

ÞE iiij. BOȜ OF PREDE.

Þe uerþe boȝ of prede / is fole wylninge. þet me clepeþ / ine clergie : ambicion. þet is / kuead wilninge Page  23 heȝe to cliue. Þis zenne / is þe dyeules panne / of helle. huerinne / he makeþ his sriinges. Þes boȝ him spret / ine uele manyeres / ariȝthalf / and alefthalf. Vor þe ilke / þet wylneþ / heȝe to cliue: to zome / ha wyle queme. and þerof wexeþ / uele zennes: ase ariȝthalf. þet is to wytene: lozengerie. simulacion. folliche yeue : uor þet me ssel him hyealde / corteys / and large. To oþren / ha wyle harmy. and þerof comþ þe zenne / a- lefthalf. ase to miszigge / to ham / þet he wyle harmi: him uor to anheȝi. and him arereþ blame / and wylneþ / þane dyaþ / of þan / þet halt / þet he wenþ come to / and bezuykynges. and euel red; conspiracions. strif. and uele oþre zennes / þet wexeþ / of þise queade boȝe.

ÞE V. BOȜ OF PREDE.

Þe uifte boȝ of prede / is ydele blisse. þet is / fole / likinge / of fole heryinge. þanne he uelþ / ine his herte wytindeliche / of þet he is / oþer wenþ by. yhered / of zome þinge / þet he heþ ine him / oþer wenþ habbe. and wyle by yhered. þerof / huerof / he ssolde herie god. And þeruore / ydeleblisse / benimþ god / and stelþ / þet his is. Vor of alle oure guodes : he ssel habbe þe worþssipe / and þe heryinge. and we / þe wynnyn [supplied by ed.] gge.

Ydeleblisse: is þe grete wynd / þet þrauþ doun / þe greate tours / and þe heȝe steples / and þe greate beches / ine wodes / þrauþ to grounde. an þe greate helles / makeþ to resye. þet byeþ / þe heȝe men / and þet byeþ / mest worþ. þet is þe dyeules peni / huermide he bayþ / alle þe uayre pane-worþes / ine the markatte / of þise wordle / þet byeþ / þe guode workes. [typographic Fol. 6. b.] And uor þet / þer byeþ / þri manere of guodes / þet man heþ of god. and þet þe dyeuel / wyle begge / mid his pans: þeruore / him to-delþ þis boȝ / ine þri manere / smale boȝes / huer-of wexeþ / ech manere zenne / þet no clerek / ne kan telle. Þe ilke þri manere guodes / þet Page  24 men heþ of god. byeþ / þe guodes of kende. þe guodes of hap. þe guodes of grace. þe kendeliche guodes / byeþ þo / þet me clepeþ / by kende. oþer / aye þet body: oþer / aye þe zaule. Auorye þet bodi: ase helþe. uayrhede. strengþe. prouesse. noblesse. guode tonge. guode rearde. Auorye þe zaule: ase clier wyt. wel uor to understonde. and sotil wyt / wel uor to vynde / guode onderstondinge: wel to ofhealde. And þe uirtues of kende / huerby / som ys kendeliche: more þanne oþer. oþer larger / oþer milder / oþer graciouser. oþer atempres. and wel y-ordayned. Of alle þise yefþes. me ssel þonki god / and serui / uor þet hi oomeþ alle of him. Þaȝles þe proude / hise zelþ to þe dyeule / uor þane ualsne peny / of ydele blisse. and werreþ ofte god / of alle his guodes. huer-of / he ssolde þonki god. And huo þet nimþ wel yeme / ine alle þise guodes of kende / þet ich habbe / ssortliche y-tald : by hit zenne / be ydele*. [MS. ydelele.] blisse / ine to uele maneres / þet / ech may betere y-zy / yne him-zelue / yef he wyle / wel studie : þet oþre ne conne him zigge.

Þe guodes of hap: byeþ heȝnesses. richesses. delices. and prosperites. huerof meþengþ / in uele maneres. Vor huanne þe lheuedi of hap / heþ hire hueȝel y-went. to þe manne / and arered. and yzet to þe heȝþe of hare hueȝel / ase þe [supplied by ed.] *. [þe is incorrectly erased in MS.] melle to þe wynde. and þere heȝe y-cliue. Þere blaweþ / alle þe tuelf wyndes: of ydele blisse. Vor huanne þe ilke / þet is zuo heȝe arise / ine prosperité / þengþ in his herte / uerst / to þe digneté. efterward / to his prosperité. efterþan / to his richesses. efterward / to his lostes / þet his body heþ. efterþan / to þe greate uelaȝrede / þet him uolȝeþ. efterward / to þe uayre mayné / þet him serueþ. efterþan / to his uayre maneres. efterward / to his uaire ridinges. efter [supplied by ed.] ward / to þe plenté / of uayre robes. efterþan / to þe diȝtinge / of his house / wyþ eyse of loste / and oþre manerePage  25harneys / þet zuo moche is uayr / and noble. efterward / to þe greate presens / and to þe greate festes / þet me him makeþ oueral. efterþan / to his guode los / and to his prayzinges / þet oueral uleþ. Þus him ioisseþ and him glorifieþ þe wreche / ine his herte. zuo þet he not / huer he ys. Þise byeþ þe yefþes / þet comeþ of ydele blisse, þet is to wytene xij. maneres of uondinge of ydele blisse. þet habbeþ þo : ine heȝ stat, oþer ine þe wordle. oþer ine religion. oþer clerk. oþer lewed.

Þe guodes of grace. byeþ uirtues / and guode workes. And aye þise guodes / ofte blauþ þe stranglaker / ydele blisse. and ofte uelþ þe greatte traues / and þe heȝeste. þet byeþ / þe meste guode men. And sselt y-wyte / þet yne uirtues / and ine guode workes: uondeþ þe dyeuel / be ydele blisse / ine þri maneres. Þe on / zuo [typographic Fol. 7. a.] is / ine herte / wyþinne/ huanne me yherþ / of þe guodes / þet me deþ / priueliche. ase of benes. oþer / of priué workes. and wenþ þe man / by betere mid god: þanne he by. Þe oþer / zuo ys / huanne he heþ / ane fole blisse ine him / of þet / he yherþ / oþer y-ziȝþ / of his guode namecoþhede. and þet he is ypraysed. and y-hyealde uor guod man. Þe þridde zuo is / huanne he wilneþ / and zekþ / and porchaceþ los / and namecouþhede. and ine zuiche onderstondinge / deþ his guodes / naȝt uor god properliche : ac uor þe wordle.

ÞE ZIXTE BOȜ OF PREDE.

Þe zixte boȝ of prede : is ypocrisye. þet is a zenne / þet makeþ to ssewy / þe guod wyþ-oute / þet ne is naȝt / wyþ-inne. Þanne byeþ þo / ypocrites / þet makeþ ham guode men / and ne byeþ naȝt. þet makeþ more strengþe / to habbe þane name of guod man: þanne þe zoþnesse: and þe holinesse. And þis hire to-delþ / ine þry. Vor þer is / an ypocrisye / uoul. and anoþre / fole. and þe þridde / sotil. Þo byeþ / uoule ypocrites / þet doþ / hyre uoulhedes / ine halkes: And Page  26sseaweþ ham guode / to-uore þe uolke. Zuiche clepeþ / oure lhord: berieles ypeynt. and y-gelt. Þo byeþ / fole ypocrites / þet yncȝ ham lokeþ klenliche / to þe bodye / and doþ manie penonces / an guode. principalliche: uor þe los / of þe wordle. uor þet / me halt ham / guode men. þo byeþ wel foles. uor / of guod metal: hy makeþ / uaise moneye. Þo byeþ ypocrites / sotyls. þet sotilliche / wylleþ heȝe cliue. and steleþ / þe dingnetes / and þe baylyes. Hy doþ / al þet guod man ssel do: zuo þet no man / ne may his knawe / al-huet þanne / þet hi byþ uol wexe / and heȝe ycliue / ine dyngnetes. And þanne / sseweþ hy þe kueades / þet were / y-hole / and yroted / ine þe herte. þet is to wytene: prede. auarice. malice. and oþre kueade dedes. huer-by me knauþ aperteliche : þet / þet trau / nes neure guod. and þet hit wes/ al fayntise/ and ypocrisye: al þet he hedde beuore y-ssewed. Þeruore / hit is zoþ yzed. "Ne sselt þou neure y-wyte / huet man ys: alhuet he ys / þer he wyle by."

ÞE ZEVENDE BOȜ OF PREDE.

Þe zeuende boȝ / of prede / ys / fol drede / and fole ssame / huane me let / wel to done / uor þe wordle / þet me ne by / yhyealde ypocrite / ne papelard / huer me dret more þe wordle: þanne god. Þe ilke ssame / comþ of kueade kuemynge / þet me wyle kueme / þe kueade. And þeruore / is hy doȝter of prede. and þe zeuende boȝ / heȝliche. and makeþ ofte / lete þet guod to done: and do þet kuead / uor to kueme kueadliche to þe wordle.

ÞET OÞER HEAUED / OF ÞE BESTE OF HELLE.

Þet oþer heaued / of þe kueade beste: is enuie. þet is þe eddre / þet al / enuenymeþ. Enuie / is moder / to þe dyaþe. vor by þe enuie / of þe dyeule: com dyaþ / to þe wordle / þet is þe zenne / þet mest ariȝt / makeþ man / ilich þe dyeule: his uader. Vor Page  27 [typographic Fol. 7. b.] þe dyeuel / ne hateþ / bote oþres guod. and ne loueþ / bote oþres harm. and zuo deþ / þe enuious. þe en- uious / ne may ysy / þet guod of oþren / nanmore / þanne þe oule / oþer þe calouwe mous / þe briȝtnesse / of þe zonne. þe ilke zenne / him to-delþ / ine þri boȝes / heȝliche. Vor þe ilke zenne / anuenymeþ / alþeruerst / þe herte / of þe enuious. and efterward / þane mouþ and efterward / Þe workes. Þe herte of þe enuious / ys enueuymed / and suo miswent. þet he ne may / oþre manne guod / yzy / þet hit him ne uorþingþ / wyþinne þe herte. and demþ kueadliche. and þet he yziȝþ / oþer þet / he yherþ : nimþ hit to kueade wytte / and of al / makeþ his harm. zuo moche / þet to þe herte / of þe enuious / þoȝtes uenimouses / of uals dom / þet me ne hise may telle. Efterward þanne / þe enuious y-herþ / oþer yzyþ / oþremanne kued / huet þet hit by / oþer kuead of bodye / ase dyaþ / oþer ziknesse. oþer kuead of auenture hap [supplied by ed.] . ase pouerté / oþer ad- uersité. oþer kuead gostlich / ase huanne he yherþ / þet zome / þet me hyelde guode men: ys y-blamed / of zome vice. Of þelliche þinges / him gledeþ ine his herte. Efterward / huanne he yziȝþ / oþer yherþ / þe guod of oþren. by hyt / guod of kende / oþer guod of hap / oþer guod of grace / huerof we habbeþ / aboue y-speke: þanne him comþ / a zorȝe to þe herte / þet he ne may by ine reste / ne maky glednesse / ne uayr semblant. Nou þou miȝt ysy / þet þe venimouse herte / of þe enuiouse / zeneȝeþ generalliche: ine þri maneres. ine ualse demynges. ine awrȝede glednesse. ine worse zorȝes. alsuo he zeneȝeþ by þe mouþe. Vor hit be-houeþ / þet zuich wyn / yerne by þe teppe: ase þer is / ine þe tonne. And uor þet / þe herte / wes uol of uenym: hit behoueþ / þet hit lheape / out be þe mouþe. Þanne of þe mou [supplied by ed.] þe / of þe enuious / comeþ out / þri manere wordes uenimouses. huerof spekþ dauiþ / ine þe sautere. þet "þe mouþ / of þe enuious: is uol of Page  28 corsinge / and of biterhede / an of bezuykynge." Of corsynge: uor þe guodes of oþren / he missayþ / and hise lesseþ / alsemoche / ase he may. Of byterhede : uor þe kueades / of oþren / he hise moreþ / and arereþ / be his miȝte. Of bezuykyinge. vor al þet he yziȝþ / oþer yherþ: he went hit to kueade / and hit demþ / ualslyche. Efterward / þe enuious / heþ þri maneres / of uenim ine dede: ase he heþ / ine mouþe / and ine herte. uor kende / of þe enuious: is to wiþdraȝe / and uor to destrue / be his miȝte : alle guod / by hit lite / by hit lesse / by hit uoldo. þanne is he / of þe kende / of þe baselycoc. uor no grenhede / ne may yleste / beuore hym. ne in gerse / ne in busse / ne in trauwe. þanne by þe godspelle : þet corn heþ þri stas.*. [stapes?] uor hit is uerst ase ine gerse / afterward : ine yere. efterward / is uol of frut / and al ripe. Alzuo þer byeþ zome / þet habbeþ guod ginninge / wel uor to libbe / and to profiti / and byeþ ase ine gerze. þe ilke / him payneþ / þe enuious / uor te kuenche / yef he may. Þe oþre byeþ / ase ine yere / þet wel floureþ / ine guode / and profiteþ. by hit to god : oþer to þe wordle. and þo rebeleþ / þe enuyous / uor to ssende / and to destrue: be hys myȝte. Þe oþre byeþ uol-mad / and ine grat stat / and doþ moche guod / [typographic Fol. 8. a.] to god / and to þe wordle. Vor þet guode los / to abatye: and hyre guodes to loȝy / þe enuious agrayþeþ / alle his gynnes. Vor þe more / þet þe guodes byeþ greate : þe more zorȝeþ / þe enuious. Þis zenne / is zuo perilous: þet onneaþe / me may / come / to riȝte uorþenchinge. Vor þet hi ys contrarious / to þe holy goste / þet is welle / of alle guode. And god zayþ / ine his spelle / þet huo þet zeneȝeþ / aye þane holy gost : he ne ssel-neure habbe merci / ine þise wordle / ne ine þe oþre. uor he zeneȝeþ / of his oȝene kueadnesse. and me ssel ine þet / hollyche ouderstonde. Vor þer ne is / no zenne zuo grat : þet god ne uoryefþ / ine þise Page  29 wordle / yef man him uorþingþ / and byt merci / uor þe zenne. þet werreþ / be his miȝte /þe grace / of þe holy gost. ine þet he werreþ / oþremanne guod gostlich / ase þe yewes / werrede Jesu crist / uor þe guodes / þet he dede.

ÞE ZENNEN AYE ÞE HOLY GOST.

And þou sselt ywyte / þet þer byeþ zix zennes / þet byeþ specialliche / ayens þe holy gost. þet is to wy- tene / ouerweninge. þet makeþ to moche sprede / þe merci of our lhorde / and litel prayzeþ / his riȝtuolnesse. and þeruore / zeneȝeþ moche uolk / ine hope. Þe oþer is / wanhope: þet benimeþ god / his merci / as ouerweninge: his riȝt [supplied by ed.] uolnesse. Þe þridde is / wyþ [supplied by ed.] stondinge. þet is / hardnesse of herte. huanne man / is y-hert / ine his kueadnesse / Þet me ne may / him wende / and naȝt ne wyle / hym amendi. Þe uerþe is / onworþhede / of penonce. Þet is huanne man / ordayneþ ine his herte / þet he / him ne ssel naȝt uorþenche / his zenne. Þe vifte is / to werri þe grace / of þe holy gost : ine oþren. Þe zixte is / to werri zoþnesse / be his wytinde / and specialliche / þe zoþnesse / of þe cristine beleaue. Alle þise zennes / byeþ aye þe guodnesse : of þe holy gost. and byeþ / zuo greate / þet onneaþe / comeþ to riȝte uorþenchinge. and þeruore / byeþ hy / onneaþe uoryeue.

ÞE ÞRIDDE HEAUED OF ÞE KUEADE BESTE.

Þe þridde heaued / of þe beste / is hate. Ac þou sselt ywyte / þet þer is an hate / þet is uirtue. þet þe guode man heþ / aye þet kuead. An oþre / þet is zenne wel grat. þet is felhede / of herte. huerof comeþ / uele boȝes. and heȝliche: uour. by þe uour werreres / þet þe feloun heþ. þe uerste is / to him-zelue. uor huanne man / him berþ hate / to þe torment / and þe zaule / and þet body / zuo þet man / ne may slepe ne none reste habbe. Oþerhuyl / him be-nimþ þane mete / and þane drinke. and makeþ him ualle / ine ane feure / Page  30 oþer ine zuiche zorȝe: þet he nimþ / þane dyaþ. Þet is a ver / þet wasteþ / alle þe guodes / of þe house. Þe oþre werre / þet þe feloun heþ: þet is to gode. Vor wreþe / and felounye / op-bereþ / and nimþ zuo / oþer- huyl / þe herte of þe felle / uor zome aduersité timlich / oþer uor ziknesse / oþer uor dyaþ / of urendes. oþer [supplied by ed.] uor zome misual / þet his wyl / ne is naȝt y-do : þet ha grocheþ / aye our lhord. and euele þonkeþ god / and his halȝen / and zuereþ / and blasfemeþ / aye god / and his halȝen. Þe þridde werre / þet þe wreþuolle heþ. is to þan / þet byeþ onder him. þet is / to his wyue / and to his mayné. Vor þe man / is oþerhuyl zuo out / of [typographic Fol. 8. b.] his wytte: þet ha beat / and smit / and wyf / and children / and mayné. and brekþ potes / and coppes / ase ha were / out of his wytte. and zuo he is. Þe uerþe / is werre / wyþ-oute / to his neȝybores / and to his nixte / þet byeþ alle / aboute him. And of þise boȝe / wexeþ zeue smale boȝes. Vor huanne wreþe arist / betuene tuay men: þer is uerst chidinge / and þanne wreþe / þet blefþ ine herte. effterward / wreþe. efterward comþ ofte strif. efter wylninge of wreche. efterward / oþerhuil manslaȝte. and efterward / oþerhuil werre dyadlich / be-tuene þe urendes / huerof comþ / ofte / to moche kuead / and perils / þet ne moȝe / naȝt by amended. Vor huanne þer is werre / betuene tuaye men : hit yualþ ofte / þet þer byeþ moche uolke dyade / þet ne habbeþ nenne gelt. cherchen tobroke. tounes uorbernd. abbeyes. priories. bernes destrud / and men / and wyfmen / and children deserited / and y-exiled. and londes destrud. and to moche / of oþre harmes / þet byeþ y-do / be þe encheyson / of þan / þet hi byeþ yhealde / uor te amendi / þet / þis purchaceþ. and þe lhord / and alle þo / þet byeþ to ham helpinde. an ine zuyche nyede. and þeruore hy byeþ / ine greate balance / of hyre helþe / of zaule. uor hi ne moȝe Page  31amendi / ne yelde : þe harmes / þet hi habbeþ ydo. and hit behoueþ yelde: oþer hongy.

ÞE UERÞE HEAUED OF ÞE KUEADE BESTE OF HELLE.

Þet uerþe heaued / of þe wyckede beste / is onlusthede. Þet is onlosthede / and tyene to do wel. Þis zenne / his a to kuead rote / þet kest / uele kueade boȝes. Þis onlosthede / þet is sleuþe / makeþ þet man heþ / kueade aginnynge / and more kueade / amendinge / and to wors endinge. Kueade anginnynge / heþ þe sleuuolle: be zix zennes. Þe uerste is þonneliche. huanne þe man loueþ lite / and lheucliche oure lhord / þet he ssolde louye / bernindeliche. and þerof comþ / þet he is / fyeble and lheuc / to alle guodes / to done. Þe oþer is arȝnesse / þet is tyene / of herte / þet is þet bed / to þe dyeule / huerine / he him resteþ / and zayþ to þe manne / and to þe wyfmanne. 'Þu hest y-by / to zofte y-draȝe uorþ. þou art to fiebble / of compleccioun. Þou ne miȝt naȝt do / þe greate penonces. þou art to tendre. þou ssoldest by anhaste dyad.' and þeruore þe wrechche / him let ualle to done þe lostes / of his ulesse. Þe þridde is ydelnesse. þet is a zenne / þet deþ moche kuead / ase zayþ / þe wrytinge. Vor huanne þe dyeuel / uynt þane man ydel: he hine deþ / to worke. and deþ him uerst / þenche kuead. and efterward / to wylni uileynies / ribaudyes / lecheries / and his time lyese / and manye guodes / þet he miȝte do. huerof / he miȝte wynne paradis. Þe uerþe is / heuinesse. huanne þe man / is zuo heui / þat ne loueþ / bote to ligge / and resti / and slepe. oþerhuil hy byeþ / ynoȝ awaked / to nyedes / þet hi hedden leuere / lyese vour messen; þanne ane zuot / oþer ane slep. Þe vifte is / wyckednesse. þet is huanne þe man / liþ ine zenne / and yvelþ þe uondinges / of þe dyeule / and of his ulesse / þet him asayleþ / and be riȝte kueadnesse: nele arere þet heued to gode / be zorȝe / ne grede / harou be ssrifte. ne arere þe honden. Page  32 [typographic Fol. 9. a.] be satisfacioun. dedbote [supplied by ed.] . Þe ilke anlikneþ / þane ssrewe / þet heþ leuere rotye / in a prison / uoul / and stinkinde : þanne to habbe / þe pyne of stapes / to cliue uor his outguoinge. Þe zixte / is litel wyl arȝnesse [supplied by ed.] . Ine þise zenne / byeþ þo / þet habbeþ drede / of naȝt / þet ne dorre / naȝt aginne / wel to done. uor hi habbeþ drede þet god / ham wyle fayly / þet is þe drede / of þe meteres. þet habbeþ drede / of hare metinges. Þo anlikneþ þan / þet ne dar naȝt guo / ine þe peþe uor þane snegge / þet sseaweþ him his hornes. And to þe childe / þet ne dar naȝt guo his way / uor þe guos þet blauþ.

Þise byeþ þe zix vices / þet benymeþ þe manne / guod ginnynge. Vor oþre zix vices / ne may þe sleawolle habbe guod aginnynge / oþer amendement. Þet byeþ techches / of kuead seriont / þet makeþ / þet non guod man / ne ssel his onderuonge / in to his seruice / huanne he is sleuuol. ontrewe. [supplied by ed.] onssriuel. uoryetinde. slak. and fallinde. Þe uerste vice is / ontreuþe. Vor huanne god / zet in eþe herte of man / guod wyl / wel to done : þanne comþ þe dyeuel / and hym zayþ / 'þou hitsselt wel / recouri / þou art yong / and strang / þou sselt libbe long.' and zuo he him / onwoneþ þe dyeuel wel uor to done. Efterward / comþ sleuþe. uor he / þet wel deþ / and deþ hit auerst: hit nis no wonder / þaȝ he hit do / sleuuolliche. Þet is a uice huerof al þe wordle is besmet. huo þet nimþ wel hede. Vor lite uolk þer byeþ / þet by diligent / ine þet hi byeþ / yhyealde to done / auorye god / and hire nixte.

Efter sleauþe / is uoryetinge. Vor huo þet ys sleauuol : ofte uoryet. Vor þise tuo zennes / of uoryetynge: hit yualþ ofte / þet he ne can him ssriue. Vor huanne þe man / is sleuuol / him to ssriue: he uoryet his lackes / and his zennes / þet is grat peril. Vor non ne may habbe / uoryeuenesse: wyþ-oute / zoþe ssrifte. þet berþ / uorþenchinge / of herte. beknaulechinge / of Page  33mouþe / boȝsamnesse / ine dede / þet is amendinge: and dedbote. Þer ne ys non zuo guod man / þet yef he yzeȝe wel / his oȝene lackes / þet he ne ssolde uynde / ynoȝ uor to zigge eche daye / ine his ssrifþe. Ac sleuþe. and uoryetinge : blendeþ þe zeneȝeres. þet hi ne zyeþ naȝt ine þe boc / of hire inwytte.

ÞE PERIL OF SLACNESSE.

Efterward / comþ slacnesse / þet comþ / of þe de- faute / of herte and of kueade wone. þet bint zuo þane man / þet onneaþe / he him yefþ / to done wel. oþerhuil hit comþ / of onconnyndehede: and of fole hete. huerby þe man / op let zuo his herte / and his body / be uestinges. and be wakinges. and by oþre dedes. zuo þet he ualþ ine fyeblesse / and ine zuiche ziknesse: þet he ne may naȝt trauayly / ine godes seruice. and to-ualþ ine þa slacnesse / þet he ne heþ smak / ne deuocion / wel to done. Efterward / comþ werihede / þet makeþ þane man / weri / and worsi / uram daye / to daye / al-huet he is / al recreyd / and defayled. And þis is / þe zixte vice / of þe kueade sergonte. þet he fayleþ / er þan he come / to þe ende / oþer to his terme. And me kan zigge: huo þet serueþ / and naȝt uol-serueþ: his ssepe / he lyest.

ÞE 6 POYNS OF SLEUÞE: ÞET BRENGEÞ MAN TO HIS ENDE.

And yet eft / þer byeþ / zix poyns / kueade. huerby sleuþe brengeþ man / to his ende. Þe uerste is / onboȝsamnesse. huanne þe man / nele do / þet me him zayþ / ine penonce. oþer me him hat zomþing / þet [typographic Fol. 9. b.] him þingþ hard. he him excuseþ: þet he hit ne may do. oþer yef he hit onderuangþ: he hit deþ / oþer litel / oþer naȝt. Þe oþer poynt / is inpacience. uor ase he ne may / no þing bere / be boȝsamnesse. he ne may þolye / be paciense. zuo þet non / ne dar to him speke / of his Page  34guode. Þe þridde / is grochynge. Vor huanne me spekþ to him / uor his guode: he him wreþeþ / and grocheþ. and him þingþ: þet me him onworþeþ. and þerof he ualþ / in-to zorȝe / þet is / þe uerþe vice. An zuo moche / him ouergeþ / þe ilke zorȝe / þet al / þet me him zayþ / al þet me him deþ / al þet he yherþ / al þet he ziȝþ : al hit him tieneþ. and zuo he ualþ / in-to zorȝe / and into tyene to libbe / zuo þet him-zelf / him hasteþ / and wylneþ / his dyaþ. and þis is þe vifte vice. Efter alle þise zorȝuolle poyns of sleuþe / him yefþ þe dyeuel / þane strok dyadlych / and deþ him / into wanhope. þeruore he porchaceþ / his dyaþ / and him-zelue / slaȝþ. ase despayred. and him yefþ / alle kueadnesses / to done / and him ne dret naȝt / to do zenne / huet þet hit by. To zuich ende / let sleauþe*. [MS. sseauþe.] þane man. Þise byeþ. xviij. poyns. þet þe dyeuel / þrauþ / ope þane sleuuolle. hit ne is no wonder / þaȝ he lyese þet geme.

ÞET VIFTE HEAUED OF ÞE BESTE.

Þet vifte heaued / of þe beste / beuore y-zed. is the zenne / of auarice / and of couaytyse / þet is rote / of alle kueade. ase zayþ zaynte paul. Þet is þe maystresse / þet heþ / zuo greate scole / þet alle guoþ þrin / uor to lyerni. ase zayþ / þe wrytinge. Vor alle manere of uolk / studieþ ine auarice / and greate / and smale. kinges. prelates. clerkes. an lewede. and religious. Auarice / is disordene loue. zuo disordene / him sseweþ / in þri maneres generalliche. ine wynnynge: boldeliche. ine ofhealdinge: streytliche. ine spendinge: scarsliche. Þise byeþ þe þri boȝes principales: þet of þise rote wexeþ.

Ac specialliche / and propreliche / of þe rote of auarice / guoþ out / manye smale roten. þet byeþ / wel greate / dyadliche zennes. Þe uerste is gauelinge. Þe oþer / þyefþe. Þe þridde / roberye. Þe uerþe / chalenge. Þe vifte / sacrilege. Þe zixte / symonye. Þe zeuende / kuedhedes. Þe eȝtende is / ine chapfare. Þe Page  35neȝende is / wycked creft. Þe tende is / ine kuade uolke. And ech of þise smale roten / him to-delþ / ine uele manyeres.

Þanne þe uerste rote / þet is gauelinge. him to-delþ / ine zeuen / outkestinges. Vor þer byeþ / zeue manere gaueleres : lenynde. þet leneþ zeluer. uor oþren. And aboue þe catel: nimeþ þe heȝþes. oþer ine pans. oþer ine hors. oþer ine corn. eþer ine wyn. oþer ine frut of þe grounde / þet hi nimeþ / ine wedde dyade. wyþ-oute rekenynge / þet frut ine paynge. And þet wors ys : hi wylleþ rekeny tuyes. oþer þries þet yer. uor to do arise þet gauel. and wylleþ / yet habbe yefþes aboue / uor eche terme. and makeþ / ofte / of þe gauel: principale dette. Þise byeþ gaueleres kueade / and uoule. Ac þer is anoþer lenere corteys. þet leneþ / wyþ-oute chapfare makiinde. alneway in heȝinge. oþer ine pans. oþer ine hors. oþer ine coupes of gold. oþer of zeluer. oþer robes. oþer tonnen mid [typographic Fol. 10. a.] wyn / oþer ine uette zuyn. seruices ulessliche. of hors. of carten. oþer prouendres to ham / oþer to hare children. oþer ine oþre þinges. and oueral to gauel / huanne me hit nimþ / by þe skele / of þe lone. Þis is þe uerste manere / of gauelynge / þet is ine leninge kueadliche. Þe oþre manere / of gauelynge / is ine þan / þet ne leneþ naȝt / to hare persone. ac þet hire uaderes / and þe uaderes of hare wyues / oþer hare eldringes / habbeþ yporchaced / be gauelinge. hit of hyealdeþ and nolleþ hit naȝt yelde. Þe þridde manere of gavelinge. is ine ham / þet habbeþ onworþ / to lene of hire hand: ac hi doþ lene / hare sergons. oþer oþre men / of hire pans. Þise byeþ þe mayster gaueleres. Of þe ilke zenne ne byeþ naȝt þe heȝe men quit / þet hyealdeþ and sosteneþ iewes and þe caorsins. þet leneþ / and destruiþ / þe con- traye / and hy nymeþ þe medes / and þe greate yefþes / and oþerhuil / þe ronsounes / þet byeþ of þe guodes / of þe poure. Þe uerþe manyere / is ine ham / þet Page  36 leneþ / of oþremanne zelure / oþer borȝeþ / to litel cost : uor to lene / to gratter cost. Þise byeþ / litle gaueleres / þet lyerneþ / zuych uoul creft. Þe vifte manere is / ine cheapfare / huanne me zelþ / þet þing. huet þet hit by: more þanne hit by worþ / uor þane time. an þet wors is / þe time-zettere ontrewe. huanne he yziȝþ þet uolk / mest nyeduol. þanne wyle he zelle / þe derrer tuyes / oþer þries zuo moche / þane þet þing / by worþ. Zuych uolk / doþ to moche kuead. Vor hire time-zettinge / hi destrueþ / and makeþ beggeres / þe knyȝtes: and þe heȝemen / þet uolȝeþ þe tornemens. and þet hy betakeþ / hyre londes / and hare eritage / ine wed. and dead wed / þet naȝt him ne aquytteþ. Þe oþre zeneȝeþ / to begge þe þinges / ase corn. oþer wyn. oþer oþerþing / lesse be þe haluedele / þanne hit his worþ. uor þe pans / þet he payþ beuore. and þanne / hit zelleþ / ham ayen / tuyes zuo moche / oþer þries : þe derrer. Þe oþre beggeþ þe þinges / huanne hi byeþ lest worþ to greate cheape / ine herueste / þet corn. ine uendonginge: þet wyn. oþre cheapfares uor to zelle ayen / al-huet hi byeþ / mest diere. and wilneþ / þane dyere time / uor to zelle þe derrer. Þe oþre / þet corn agerse. þe vines in flouringe / huanne þet hi byeþ / of uaire ssewynge. be zuiche uorwerde: þet hi habbe / huet cas yualle: hire catel sauf. Þe zixte manere / is of þan / þet takeþ hire pans to marchons / be zuo þet hi by uelaȝe / to þe wynnynge. and naȝt to þe lere. oþer þet hi betakeþ / hire bestes / to þe haluedele / be zuo þet hi by / of fer pris. Þet is to zigge / þet yef hi sterueþ / ine mene-time: do oþre ine hare stede / ase moche worþ. Þe zeuende manere / is ine þan / þet doþ / hare poure neȝȝeboures / ine hare nyedes. and uor þet hi habbeþ / ham y-lend / a lyte zeluer. oþer corn. oþer ydo zome cortaysye. And huanne hy hise yzeþ poure / and nyeduol: þanne makeþ hy / mid ham / marcat / to do hire niedes. and þe pans / þet hi token beuore / to þe Page  37poure manne. oþer him lende / a lite corn. / hi habbeþ þri paneworþes of worke: uor ane peny.

[typographic Fol. 10. b.]

ÞE OÞER BOȜ OF COUAYTISE.

Þe oþer boȝ of auarice : ys þyefþe. þet is nyme / oþer ofhealde / oþre manne þinges / wyþ wrong / and onwy- tinde / and wyþ-oute wylle / of þe lhorde. And þet me may do / ine uour maneres be þe manire of þyeues. Vor þer ys: a þyef open. and a þyef ywreȝe. a þief priué. and a þyef uelaȝe.

Þe þyef commun / and open / byeþ þo / þet be zuiche crefte / libbeþ. of huam me deþ dom / huanne me hise nymþ. Of zuichen þer byeþ / uele maneres. ine londe / and ine ze. Þe þyef y-wreȝe / is þet steleþ me halkes / and ywryȝeliche greate þinges / oþer little / be hire viȝtinge. oþer be traysoun. oþer be queayntise.

Þe priué þyeues byeþ þo / þet ne steleþ naȝt / of oncouþe. ac of priues. And of zuichen: þer byeþ / of greate / and of smale. Þe greate / byeþ of þe kueade / and þe ontrewe reuen. prouos. and bedeles. and seruons. þet steleþ / þe amendes. and wyþdraȝeþ þe rentes / of hire lhordes. and rekeneþ more / ine dedes. and ine spendinge. an lesse / ine onderuonginge. and ine rentes. Zuyche byeþ / þe greate officials / þet byeþ / me þe house / of riche men. þet makeþ þe greate spendinges. and yeueþ largeliche / þe guodes of hare lhordes / wyþ-oute hare wytende / and wyþ-oute hare wylle.

To þise zenne belongeþ / þe zennes of þe wyue. þet deþ zuo moche / be hare zenne / þet þe children / þet hi wot wel / þet hi heþ / be spousbreche: berþ away þe kende. Zuych is þe zenne / of þe wyue þet þe guodes / of hire lhorde stelþ. uor to yeue / hare kenne. oþer uor to done / into kuead us. And of ham / of religion / þet byeþ oȝeneres. uor hi behoteþ to libbe / wyþ [supplied by ed.] -oute oȝninge.

Page  38

Þe oþre byeþ / þe little þyeues. þet steleþ / ine þe house : bread. wyn. an oþre þinges / huyche þet hi by. oþer of hire neȝebores. hire capons. hennen. frut of hire gardins. oþer oþre þinges / huet þet hit by. Zuyche byeþ þo / þet ofhyealdeþ / þe þinges / þet hi vindeþ. and wyteþ wel / huas þet hi byeþ. and nolleþ hise naȝt yelde. Vor yef þe vinst / and naȝt ne yelst: þou hit stelst. And þaȝ hi ne wyte / huas þet hi byeþ: hi ne ssolle / naȝt þeruore / hit ofhealde. ac hi ssollen do be þe rede / of holy cherche / oþer be hire ssrifteuaderes.

Þe þyeues be uelaȝrede / byeþ þo / þet parteþ / of þe þyefþe / oþer uor uelaȝrede / oþer by yefþe / oþer be begginge. oþer ine oþre manyere. Efterward / þo þet consenteþ / oþer redeþ / oþer hotiþ / hit do. And þo þet defendeþ þe þyeues / oþer sosteneþ his / in hare queade / oþer his onderuongeþ / in to hare house / oþer in to his londe / mid hare þyefþe. Efterward / þe kueade domesmen / þet hise soffreþ. oþer be yefþes. oþer be biddynges. oþer be oþre kueade skele. and nolleþ. oþer ne dorre / riȝt do.

ÞE ÞRIDDE BOȜ OF AUARICE.

Þe þridde boȝ of auarice : is roberye. þet heþ uele smale roten. þe uerste is / ine kueade exequitours / of bekuydes. Þe oþer is / ine kueade lordes / by he knyȝt / oþer oþer / þet be-ulaȝeþ / þe poure men: þet hi ssolden loki. be tayles. be tornees. be lones. be kueade wones. be amendes. be þreapnynges. oþer be oþre wones / þet hy zecheþ. oþer beþencheþ / hou hi [typographic Fol. 11. a.] moȝe habbe / of hiren. Ine þise zenne byeþ / þe greate princes. oþer barouns. þet be hare strengþe / nimeþ þe cites. þe casteles. þe londes. þe baronyes. and þe oþre riche men / þet hare poure neȝeboures / benimeþ mid strengþe / londes / vines / oþer oþre þinges. and nimeþ aryȝthalf / and alefthalf / þet no þing / ne may ham Page  39ascapie. Þe þridde is / ine robberes / and kueade herberȝeres / þet berobbeþ / þe pilgrimes / an þe marchons / and oþre wayuerindemen. Þe uerþe / is ine ham / þet nolleþ paye / þet hi ssolle. and þet hi of heal [supplied by ed.] deþ / mid wrong / þe ssepes / of hare sergons. oþer of ham / þet doþ hare niedes. Þe vifte is / ine þise greate prelate [supplied by ed.] s / þet benimeþ / and robbeþ / hire onderlinges / be to moche procuringe. oþer be zome onriȝtuolle niminges þet hi doþ in to uele maneres. Þo byeþ þe wolues: þet ureteþ þe ssep. Þe zixte is / ine zuyche reuen. prouost. bedeles. oþre mesteres men / huiche þet hy byeþ. þet makeþ þe greate robbynges / and þe wronges / ope þe poure. and beggeþ / þe greate eritages. Þer byeþ zuo uele oþre maneres / of roberies : þet long þing / hit were to zigge. ac zome byeþ y-contined / ope þan / þet byeþ yzed.

ÞE UERÞE BOȜ OF AUARICE.

Þe uerþe boȝ of auarice / is acsynge. þet is to yerne opo*. [ope?] oþre / mid. wrong. to þise zenne belongeþ / al þet barat. alle ualshedes. and alle gyles: þet comeþ / ine plait. Ine þis clergie / heþ dame auarice / uele scolers. and of clerkes: and of leawede. and specialliche / zeue manyeres of uolke. þet alle / þus studieþ. Þe uerste byeþ / þe ualse playneres / þet makeþ / þe ualse bezechinges. and zecheþ / þe ualse demeres. and lang time. and þe ualse wytnesses. þe ualse playteres. þe ualse lettres uor to greui oþren. and trauayleþ þet uolk / myd wrong. oþer be cristene cort. oþer be leawede cort. Þe oþre byeþ / þe ualse yulemde / þet vlyeþ. and naȝt þet / þet ziȝt is. and zecheþ wyþsettin [supplied by ed.] gges and respit. uor to bynime oþren / hare oȝen. Þe þridde byeþ / þe ualse wytnesses. þise makeþ / þe ualse mariages. þise benimeþ / þe heritages. þos doþ / zuo moche kuead / and harmes / þet non / ne may his amendi. and al þis hi doþ / be hare greate couaytise. Þe uerþe byeþ / þe ualse plaiteres / þet onderuongeþ / an sostinet / þe Page  40 ualse causes / be hare wytinde / and hise beclepieþ uor ssepe / and uor yefþes. þet hi nymeþ ariȝthalf / and alefthalf. and ofte lyese / þe guode playntes / be hare kueadnesse / oþer uor onconynghede / oþer be sleawþe / miswendeþ þe riȝtes / and doȝ*. [doþ] alle þe wronges / vor hare couaytise / ase þo þet byeþ maystres of gyle / and of contak / and of be-uelynge. Þe vifte. byeþ / þe ualse notaryes / þet makeþ þe ualse lettres. and ualseþ þe celes. rnakeþ þe kueade libelles. and to uele oþre / ualshedes. Þe oþre byeþ / þe ualse demeres. þet ham zelue hongeþ / more of one half / þanne of anoþre / be yefþes / oþer be behotinges / oþer be byddinges / [typographic Fol. 11. b.] oþer uor loue. oþer uor wreþe / oþer uor drede. and onbyndeþ þe playntes / mid wrong. And doþ maki þe greate costes / and nimeþ / þe greate yefþes / oþerhuyl / of þe on: oþerhuil / of þe oþren / oþerhuyl / of on / and of oþre. and zelleþ / hare domes. oþer ham / leteþ yworþe. And doþ / to þe poure men / greate harmes / þet hi ne moȝe amendi. Þe oþre byeþ / þe kueade bezide-zitteres / þet yeueþ þe kueade redes / to þe demeres / and makeþ lyese þe playntes : uor þe seruices / þet hy habbeþ. Alle þe persones / beuore yzed / byeþ y-hyealde to yelde / þet hi habbeþ y-het kueadliche / of oþren. and hare harmes / þet þe oþre habbeþ y-het / be ham.

ÞE VIFTE BOȜ OF AUARICE.

Þe vifte boȝ of auarice / is sacrilege. Sacrilege is: huanne me brecþ. oþer blecheþ. oþer draȝþ uoulliche / þe holy þinges. oþer þe men / of holy cherche. oþer þe y-halȝede stedes / þet byeþ apropred / to guodes seruise. and þet deþ do / ofte / couaytise ine uele maneres. Verst / huanne me draȝþ uoulliche / þet bodi of oure lhorde / aze doþ þe ereges. and þe wychen. and þe kueade prestes / uor to wynne. Alsuo ich zigge / of þe oþre sacremens. Efterward / huanne me brecþ / oþer stelþ / oþer draȝþ uoulliche / þe halȝede þinges. Page  41Þe crouchen. þe calices. þe creyme. þe coporeaus. þe yblissede uestemens. and oþre / yblissede þinges. Efterward / huanne me bernþ. oþer brekþ cherches. oþer holi stedes. cherchtounes. oþer hous of relygioun. oþer huanne me draȝþ þo / out / þet vleþ to holy cherche. oþer into cherchtounes. uor to by y-borȝe. Efterward / huanne me makeþ medles / ine cherche / zuo þet þer ys / blod yssed. oþer huanne me deþ / zenne of lecherie. Efterward / huanne me layþ hand / ine kueade / ine clerk. oþer ine man / oþer ine wyfman / of religion. Efterward huanne me stelþ. oþer berþ / be kueade skele / out of holy stede / yblissede þinges / oþer onblissede / huet þet hit by. Of þise zennes / ne byeþ naȝt kuytte þo / þet þe guodes of holy cherche. þe patremoyne of Iesu crist / despendeþ ine kueade us. Ne þo naþemo / þet benimeþ / oþer of hyaldeþ mid wron [supplied by ed.] g / oþer mid strengþe. oþer hedeþ þe þinges / þet byeþ apropred / to holy cherche. oþer hise payeþ kueadliche. ase þe rentes. þo offrendes. þe tendes. and þe oþre riȝtes / of holy cherche. Of þise zelue zenne / ne byeþ naȝt kuytte / þo þet brekeþ þe zondayes / and þe festes / þet byeþ to loki. Vor þe holy day / heþ his vridom / ase habbeþ þe holy stedes. þise byeþ þe smale boȝes þet wexeþ of þe boȝe of sacrilege.

ÞE .vj. BOȜ OF AUARICE.

Þe zixte boȝ of auarice / is symonye. þet is zuo ycleped / uor ane wychche / þet hette Symoun / þet wolde begge / of seynte peter þe apostel / þe grace / uor to do miracles / and byad grat guod. and þeruore / hi byeþ y-cleped / Symoniaks : alle þo / þet wylleþ zelle / oþer begge / þe gostliche þinges. þet is amang / alle þe dyadliche zennes : on of þe grateste. And þes boȝ / heþ manie tuygges. Þe uerste is in ham / þet zelleþ / oþer beggeþ/ þe holy ordres / oþer þet body of / Page  42oure lhorde / oþer þe oþre sacremens / of holy cherche. Þe oþer is ine ham / þet zelleþ / godes word. and precheþ principalliche / uor pans. Þe þridde is ine ham / [typographic Fol. 12. a.] þet be yefþes / oþer be behotinges / oþer be biddingges dreduolle / oþer ulessliche / makeþ zuo moche / þet hy / oþer oþre: byeþ ichose / to dyngnetes of holi cherche. ase byeþ bissopriches. abbayes. oþer denyes. oþer oþre dingnetes / þet me makeþ / be chyezinge. Þe uerþe is ine ham / þet be yefþes / oþer be behotinges. oþer be biddinges dreduolle / oþer be seruise naȝt clene / yeueþ þe prouendres. and þe parosses. oþer oþre benefices of holy cherche. Þe vifte is ine ham / þet be markat makinde: leteþ hare benefices / oþer chongeþ. Þe zixte is ine ham / þet be markat makinde : guoþ in-to religion. and ine ham / þet ine zuiche manere / his onderuongeþ.

Vele þer byeþ oþre zennes / and of diuers cas / ine symonye. Ac hi belongeþ more / to klerekes: þanne to leawede. And þis bok is more ymad / uor þe leawede : þanne uor þe clerkes. þet habbeþ þe bokes. Ac alneway hit is nyed / to leawede men / þet hi ham loki / uram þise zenne : ine þri cas. Þe on is / huanne hi wylleþ helpe hare ken / oþer hare uryendes / an heȝy ine dingnetes / of holi cherch. Þe oþre huanne hi yeueþ þe prouendres oþer benefices / þet byeþ of hare yefþe. Þe þridde / huanne hi yeldeþ hare children / into religi [supplied by ed.] on. Ine þise þri poyns / yef hi yeueþ / oþer onderuongeþ yefþes / oþer kueade biddingges / oþer kueade seruises: hi miȝten zone ualle in to þise zenne of symonie. Vor ase ziggeþ þe holi writes. þer byeþ þri maneres of yefþes. þet makeþ symonie. yefþe of hand. yefþe of mouþe / ase biddinges. yefþe of seruise naȝt clenlich. Ich clepie onclenlich: huanne þe seruises byeþ y-do / uor onclenliche cause. oþer principalliche: uor þing gostlich.

Page  43

ÞE ZEUENDE BOȜ OF AUARICE.

Þe zeuend boȝ / of auarice: ys wyckedhede. Ich clepie wychkedhede: huanne þe man / is zuo wykhed / and zuo moche dyeuel: þet him ne dret naȝt / to done / ane greate zenne / dyadlich / and orrible. oþer grat harm / to oþren / uor a lite wayn / oþer uor ureme / to him. Þes boȝ / heþ manye tuygges. Þe uerste is. huanne / eny uor drede / or pouerte. oþer uor couaytise / uor to wynne: uorzaȝþ renayþ [supplied by ed.] god / and þe cristene bileaue. and becomþ bougre. oþer ieu. oþer sarasin. To þise zenne / belongeþ / þe zenne: of ham / þet uor pans / makeþ to clepie / þane dyeuel. and makeþ þe enchauntemens. and makeþ to loky ine þe . zuord. oþer ine þe nayle / of þe þoume. uor to of-take / þe þyeues. oþer uor oþre þinges. And of ham alsuo / þet makeþ / oþer porchaceþ / be charmes / oþer be wychecreft. oþer be kueadnesse / huet þet hit by. þet uolk / þet byeþ ine spoushod / togydere / ham hatieþ. oþer ne moȝe habbe uelaȝrede / þe on wyþ þe oþre / be spoushod. Oþer þet uolk / þet ne byeþ naȝt ine spoushod: louieþ ham togidere / folliche: and be zenne. Þe oþer is / þe zenne / of grochinge / and of traysoun bezuykinge [supplied by ed.] . huanne þe man / uor wynnynge. oþer uor mede / deþ þing / huer by hi draȝeþ oþre / to þe dyaþe. oþer be zuorde. oþer be uenym. oþer ine oþre [typographic Fol. 12. b.] manere / huet þet hit by. Þe þridde / is þe zenne of ham / þet uor wynnynge / berneþ hous. tounes. casteles. cites. oþer cherchen. oþer destrueþ þe vines. oþer cornes. oþer doþ oþre harmes uor mede. Þe uerþe is þe zenne of ham þet zaweþ discord. and purchaceþ þe stryfs / and þe werres in cites / oþer ine capiteles / oþer be-tuene þe heȝemen / uor þan þet hi weneþ þe more to wynne mid strif ine þe werre : þanne ine pays. þe vifte is þe zenne of reuen. of prouostes. of bedeles. of sergons. þet accuseþ / and ch [supplied by ed.] alengeþ þet poure uolc / and ham Page  44doþ raymi*. [rayuni?] / and kueadliche lede uor a lite wynnynge þet hi habbeþ be-zide.

to þise zenne belongeþ þe zenne of ualse domesmen / and of ualse playteres / and of ualse wytnesses. of huam we habbeþ aboue y-speke. Ine manye oþre maneres is ydo þe zenne of wyckednesse. Ac lang þing hit were to zigge. and betere may ech man rede þe ilke zenne / and þe oþre / ine þe boc of his inwyt: banne ine ane ssepes scinne.

ÞE EȜTENDE BOȜ OF AUARICE.

Þe eȝtende boȝ of auarice / is chapfare / huerinne me zeneȝeþ / ine uele maneres / uor timlich wynnynge. and nameliche / ine zeue maneres. Þe uerste is / to zelle þe þinges / ase dyere / ase me may. And to begge / as guodcheap / ase me may. Þe oþer is : lyeȝe. zuerie. and uorzuerie / þe heȝere to zelle / hare chapuare. Þe þridde manere is / þet me deþ ine wyȝtes. and ine mesures. and þet may by / ine þri maneres. þe uerste: huanne me heþ / diuerse wyȝtes / oþer diuerse mesures. and beggeþ / be þe gratteste wyȝtes / oþer be þe gratteste mesures : and zelleþ by þe leste. Þe oþre manere is / huanne me heþ / riȝtuolle wyȝtes / and riȝtuolle mesures / and zelleþ ontreweliche / ase doþ þise tavernyers / þet uelleþ þe mesure / myd scome. Þe þridde manere zuo is huanne þo / þet zelleþ be wyȝte / purchaceþ / and makeþ zuo moche þet / þet þing / þet me ssel weȝe / sseweþ more heuy. Þe uerþe manere / to zeneȝi in chapfare : is to zelle / to tyme. of þisen / we habbeþ yspeke aboue. Þe vifte manere is: oþer þing zelle : þanne me heþ / y-sseawed beuore. Ase doþ þise scriueyns / þet sseweþ guode lettre / ate ginnynge. and efterward / makeþ wycked. Þe zixte is: hede / þe zoþnesse / of þe þinge / þet me wyle zelle / ase doþ / þe romongours of hors. Þe zeuende is / maki / porchaci / þet / þet þing / þet me zelþ / makeþ uor to ssewy Page  45 betere / þanne hit by. ase doþ / þise zelleres of cloþ. þet chieseþ / þe þyestre stedes / huer hi zelleþ / hare cloþ. Ine uele Oþre maneres / me may zeneȝi / ine chapfares. Ac long þing / hit were to zigge.

ÞE NEȜENDE BOȜ OF AUARICE.

Þe neȝende boȝ of auarice : is ine kueade creftes. Ine þise / zeneȝeþ moche uolk : ine uele maneres. ase þise fole wyfmen. Þet uor a lite wynnynge : hy yueþ ham to zenne. Alzuo þise hysians / and þise kempen / and vele oþre / þet uor pans / oþer uor timlich profit / yueþ ham / to crefte / naȝt oneste. þet ne may naȝt [supplied by ed.] / by do: wyþ-oute zenne. an of þan þet hit doþ: and of ham / þet hise sostyeneþ.

ÞE TENDE BOȜ OF AUARICE.

Þe tende boȝ / of auarice: byeþ kueade gemenes. ase byeþ þe gemenes of des. and of tables. and of oþre huyche huet þet hy by / huer me playþ uor pans. oþer uor oþer / timelich wynnynge. Zuyche kuade [typographic Fol. 13. a.] gemenes / specialliche of des / and of tables : byeþ uorbode / be riȝte / uor manye zennes / þet uolȝeþ zuyche gemenes. Þe uerste is / couaytise uor to wynne / and uor to dispoyly / his uelaȝe. Þe oþer is / gauelynge to grat. ase neȝen / uor tuelf. naȝt uor ane monþe. ne to eȝte daȝes: ac ine one zelue day. Þe þridde is / to mori lyeasynges / and ydele wordes. and þet wors is: greate blasfemies of god / and of his halȝen. hueruore / god him wreþeþ. ase ofteziþes / he heþ ynome / to lite wreche. Vor oþerhuyl / ham miswent þe uisage / þet beuore : behinde

.A TALE.

A knyȝt wes / þet zuor / be godes eȝen. an haste / his on eȝe / lhip ope þet cheker. An archer / uor þet he hedde ylore ate geme: nom his boȝe / and ssat an Page  46 heȝ / a-ye god. Þane morȝen / huanne he zet / ate gemene : his arowe / vil ope þet cheker / al blody.

Þe verþe is / þe kueade uorbysne. þet he þet playþ : yefþ to oþren : þet y-zyeþ þet geme. Þe vifte / in lere of time / þet me ssolde be zette / ine guode workes. And manye oþre zennes: þet long þing / hit were to zigge. O þing / ich ne ssel naȝt uoryete. þet / þe ilke / þet wynþ: he ne may naȝt / ine guode manere ofhealde / þet he wynþ / ac ssel hit ye [supplied by ed.] ue uor godes loue. bote yef þet hit by / ine zuyche manere: þet he hit hedde / mid barat / oþer be strengþe. ase þe ilke / þet deþ þe oþren playe / be stren [supplied by ed.] gþe. Ine þet cas / he ssolde hit yelde to him / þet hit heþ ylore. Alsuo ich zigge: of þet me wynþ / ine tornement.

Þise byeþ þe boȝes / of auarice / ynoȝ þer byeþ oþre. Ac hy byeþ / more to clerekes: þanne to þe leawede. And þis boc / is more ymad / uor þe leawede: þanne uor þe clerkes / þet conneþ þe writinges.

ÞE ZIXTE HEAUED OF ÞE BESTE.

Þe zixte heaued / of þe kueade beste : is lecherie / þet is to moche loue / and desordene / ine lost of lenden: oþer / ine ulesslich lost. Of þise zenne uondeþ þe dyeuel / in vif maneres / Ase zayþ saynt gregorie. Auerst / ine fole ziȝþe. efterward / ine fole wordes. efterward / ine fole takinges. efterward ine fole kessinges. efterward / me comþ to þe dede. Vor of fole ziȝþe : me comþ to þe speche. and uram þe speche / to þe handlinge uram þe hand [supplied by ed.] linge: to þe kesinge. uram þe kessinge : to þe dede. And þous sotilliche / makeþ þe dyeuel / guo uram on to oþer. Þis zenne / him to-delþ / uerst ine tuo maneres. uor þer is lecherie / of herte : and lecherie of bodie. Þe lecherie / of herte : zuo heþ / vour stapes. Vor þe gost / of fornicacion / þet serueþ / of þe uere / of lecherie / becleppe*. [to has been erased in the MS. before becleppe.] þe herten: makeþ uerst / come þe þoȝtes. and þe likinges. and þe Page  47 ymaginacions / of zenne / to herte : and makeþ þenche. Efterward / þe herte blefþ / ine þe þoȝtes. an suo deliteþ. yet ne deþ he naȝt / þe dede uor no þing. And ine þise bleuinge / and ine þe ilke lost : is þo oþer stape / þet may by / dyadlich zenne. Þe greate zenne may by / þe lost. Þe þridde / stape / is þe grauntin [supplied by ed.] gge of herte / and of þe scele / and of þe wylle. And zuyche grantinges : byeþ alneway / deadlich zenne. Efter þe grantinge: comþ þe wylnynge. and þe greate hete þet [typographic Fol. 13. b.] hy habbeþ uor to zeneȝy. and doþ more þanne tuenti zennes / yne þe daye / ine ziȝþe of leuedys / and of maydynes / þet sseweþ ham / uayre ydiȝt. þet ofte hy sseaweþ / and diȝteþ ham / þe more quaynteliche / and þe more honesteliche / uor to maki musi / þe foles to ham. and ne weneþ naȝt / gratliche zeneȝy : uor þet hi ne habbeþ no wyl / to do þe dede. Ac uor-zoþe : hy zeneȝeþ / wel greuousliche. Vor be þe ancheysoun / of ham : byeþ uorlore / manye zaules. And þer byeþ / moche uolk / y-do to dyaþe / and to zenne. Vor ase zayþ / þe uorbisne. 'levedi / of uaire diȝtinge: is arblast / to þe tour.' Vor hi ne heþ leme / ine hire bodye: þet ne is / a gryn / of þe dyeule. ase zayþ salomon. þanne behoueþ hit / yelde scele / ate daye of dome / of þe zaules / þet be þe ancheaysoun / of ham / byeþ uorlore. þet is / to onderstonde : huanne hi yeueþ encheysoun / uor to zeneȝy / be hare wytinde.

Lecherie of bodie. him to-delþ : ine lecherie of eȝen. of yearen. of mouþe. of honden. an of alle þe wyttes / of þe bodye. And specialliche : of þe uoule dede. And hue*. [huo?=how.] is hit uoul dede zeþþe hit is kendelich ? uor þet god / hit uorbyet / ine his spelle. and his apostel pauel: þet þus zayþ. 'ech man habbe his oȝene: uor fornicacion.' þet ys to zigge : his oȝene wyf. To þo zenne / belongeþ / alle þe þinges / huer-by / þet uless him arist / and wylneþ / zuiche dede. ase byeþ þe mochele drinkeres. and eteres. þe zofte bed. cloþes likerouses. and alle Page  48 manyere eyse / of bodye / out of nyede. and specialliche : ydelnesse.

Þe zenne of dede / of lecherie: him to-delþ / ine uele boȝes / be þe stat of þe persones / þet hit doþ. and geþ an heȝ / uram kuede / to worse. Þe uerste is of man / oþer of wyfman / þet ne habbeþ / nenne bend. ne of wodewehod. ne of spoushod. ne of ordre. ne of religioun. ne of oþre manere. Þet is þe uerste zenne dyadlich: in dede/ of lecherie. Þe oþer is / to wyfmanne commune. Þis zenne / is more hard: uor hi is / more ald. and uor þet / zuyche wyfmen / byeþ oþerhuyl wyues. oþer of religi [supplied by ed.] on. and ne uorzakeþ nenne. ne uader / ne hroþer. ne zone / ne ken. Þe þridde is / of man sengle / mid wodewe. oþer ayeward. Þe uerþe is / wiþ sengle wifman. Þe vifte is / mid wyfman ymarissed. þet is þe zenne / of spousbreche. þet is wel kuead. uor þer is / brekinge of treuþe / þet þe on ssel bere / to þe oþre. efterward þer is / a sacrilege / huanne me brecþ / þe sacrement / of spoushod. hit yualþ oþerhuyl / desertesoun / of eyr / and ualse mariages. Þis zenne / him dobbleþ oþerhuil / huanne hi is / of man y-spoused: wyþ wymman þet heþ housebounde. Þe zixte is / huanne þe man / heþ his oȝe wyf / deþ þing / þet is uorbode / and disordene / aye kende of man. and ordre. and of spoushod. And mid oȝene zuorde : man may / him-zelue sle. Alsuo may he / mid his oȝene wyue / zeneȝi dyadliche. Þeruore smot god / to euele dyaþe onam / iacobis neuu. And þe dyeuel / þet hette asmodeus / astranglede / þe zeue houseboundes / of þe holy [typographic Fol. 14. a] mayde / sare. þet zeþþe wes / yonge thobyes wyf. Vor alle þe sacremens / of holi cherche / me ssel vsi / clenliche / and mid / greate worþssipe. Þe zeuende is of man / to his godmoder / oþer to his goddoȝter. oþer of godsone / to þe children of his godzyb / oþer of his godzybbe / uor þo children / ne moȝe naȝt come / to-gydere: wyþ-oute dyadlich zenne / ne be spoushod. Page  49Þe eȝtende is of man / to his kenne. and þe ilke zenne / arist: and loȝeþ. be þet þe kenrede / is nyeȝ / oþer uer. Þe neȝende is / of þe manne / mid þe kenne / of his wyue. oþer ayeward / of þe wyue / mid þe kenne / of hare housebounde. Þe ilke zenne / is wel dreduol. Vor huanne þe man / heþ uelaȝrede / myd enye wyfmane: he ne may nanmore / be spoushod*. [MS. spuoshod] / habbe none / of hire kenne. and yef he / enye nimþ: þe spoushod / ne is naȝt. And yef he / nimþ wyf: and efterward / of þe half / of hire kenne: ha lyest / þe riȝt / þet he hedde / to his wyue / ine zuo moche / þet he ne may / efterward / wonye mid him / bote hy / hit ne bidde beuore. Þe tende is of wyfmen to clerkes y-hoded. Þis zenne / anheȝeþ: and loȝeþ. by þe hodes. and þe worþssiphede. Þe enlefte is / of man / of þe wordle / to wyfman / of religion. oþer ayeanward / of wyfman of þe wordle / to man / of religioun. Þe .xij. is of man / of religioun. and of wyfman / of religion. and þis zenne: an-heȝeþ / and loȝeþ. be þe stat / of þe persones / þet hit doþ. Þe .xiij. is of prelas / þet ssolden bi licnesse / and uorbysne / of holynesse / and of klennesse / to al þe wordle. Þe laste / is mest uoul / an lodlakest / þet ne is naȝt / to nemny. Þe ilke zenne / is aye kende / þet þe dyeuel tekþ to man. oþer to wyfman / ine uele maneres / þet ne byeþ naȝt / to nemni / uor þe materie / þet is to moche / abomynable. Ac ine ssrifþe / hit ssel nemni / þe ilke / to huam / hit is be-ualle. Vor asemoche / ase þe zenne / is more uoul / and more grislich: þe more is worþ / þe ssrifte. Vor þe ssame / þet me heþ / of þe zigginge : is grat del / of þe penonce. Þis zenne / is zuo onworþ to gode: þet he dede rine / uer berninde / and bernston stinkinde / ope þe cité of sodome / and of gomorre. and azenkte / vif cites / in-to helle. Þe dyuel him-zelf / þet hit Page  50 porchaceþ : heþ ssame / huanne man hit deþ. and þe eyr / is anuenymed / of þe dede.

ÞE ZEUENDE HEAUED OF ÞE BESTE.

Þe zeuende heaued / of þe kueade beste: zuo is / þe zenne of þe mouþe. and þeruore / þet þe mouþ / heþ tuo offices. huerof / þe on belongeþ / to þe zuelȝ / ase to þe mete / an to þe drinke. Þe oþer / zuo is in speche. Þeruore / him to-delþ / þe ilke zenne : in tuo deles / principalliche. Þet is to wytene: in zenne of glotounye / þet is ine mete / and in drinke. and ine zenne / of kueade tonge. þet is / ine fole spekinge. And uerst / zigge we / of þe zenne / of glotounye. þet is a vice / þet þe dyeuel / is moche myde ypayd. and moche / onpayþ god. Be zuych zenne / heþ þe dyeuel / wel grat miȝte / in manne. Huer-of / we redeþ ine þe [typographic Fol. 14. b.] godspelle / þet god / yaf yleaue þe dyeulen / to guo in to þe zuyn. and þo hi weren / ine ham: hise adreynten / ine tokninge: þet þe glotouns / ledeþ lif / of zuyn. and þe dyeuel heþ yleaue / to guo in ham: and hise adrenche / ine þe ze / of helle. and ham / to do ete zuo moche: þet hi to-cleue. an zuo moche drinke : þet hy ham adrencheþ.

Huanne þe kempe / heþ his uelaȝe / yueld / and him halt / be þe þrote / wel onneaþe / he arist. Alsuo hit is of þan / þet þe dyeuel halt / be þa zenne. and þeruore bleþeliche / he yernþ / to þe þrote: ase þe wolf / to þe ssepe / him uor to astrangli / ase he dede to euen / and to Adam / in paradys terestre. Þet is þe vissere / of helle / þet nymþ þane viss / bi þe þrote / and by þe chinne. Þis zenne / moche mis-payþ god. Vor þe glotoun / makeþ to grat ssame / huanne he makeþ / his god: of ane zeche / uol of dong / þet is of his wombe / þet he loueþ more / þanne god. and ine him ylefth / and him serueþ. God him hat ueste: þe wombe zayþ / 'þou ne sselt / ac et longe / and a-trayt.' Page  51God him hat be þe morȝen arise: þe wombe zayþ / 'þo ne sselt / ich am to uol / me behoueþ to slepe / þe cherche nys non hare / hy abyt me wel.' And huanne he arist: he begynþ his matyns / and his benes / and his oreysones. and zayþ. 'a / god / huet ssolle we/ ete to day. huader me ssolle / eny þing uynde / þet by worþ?' Efter þise matynes: comeþ þe laudes. and he [supplied by ed.] zayþ. 'A. god / huet we hedde / guod wyn yesteneuen / and guode metes.' And efterþan / he bewepþ his zennes: and zayþ. 'Allas he zayþ / ich habbe y-by nyeȝ dyad to niȝt. to strang / wes þet wyn / teue. Þet heaued / me akþ. ich ne ssel by an eyse: al-huet ich habbe / ydronke.' Þous to þe kueade zayþ. Þis zenne / let man to ssame. Vor alþeruerst / he becomþ tauernyer. þanne he playþ ate des. þanne he zelþ his oȝen. þanne he becomþ ribaud. holyer. and þyef. and þanne me hine anhongeþ. Þis is þet scot: þet me ofte payþ.

Þis zenne him to-delþ / ase be saynt gregorye. ine vif boȝes. Vor ine vif maneres / me zeneȝeþ / be mete / and be drinke. Oþer uor þet / þet me eth / and dryngþ: to-uore time. oþer / to lostuolliche. oþer / out of mesure. oþer / to ardontliche. Oþer / to plentyuous. liche. Þe uerste boȝ þanne / of þise zenne : is to ete / beuore time. and to uoul þing hit is / of man / þet heþ age: huanne he / ne may abyde / time / to etene. and of grat lecherie / of þrote / hit comþ. þet man / þet is strang / and hol of bodye. wyþ-oute ancheysoun sceluol. to-uore riȝte houre / yernþ to þe mete / ase deþ a best doumb. And uele zennes comeþ / of þo ilke wone. Þanne hit comþ / þet zuych a man zayþ. þet he ne may ueste. ne do penonce. Vor he heþ þet yzed. 'ich habbe / a to kuead heaued.' And he zayþ zoþ. uor he heþ hit zuych ymad. and kuead herte alzuo / þet heþ ymad þet kuead. and him heþ y-do breke*. [MS. broke] / þe uestinges / þet is grat zenne. and yef he him damnede / be him zelue : þer-of no strengþe. Ac Page  52 he wyle habbe uelaȝes / þet doþ ase he deþ. huiche he draȝþ / uram wel to done and let his mid him / in-to helle. Vor he deþ ham / breke hare uestinges. and do [typographic Fol. 15. a.] hare glotounyes. huer-of hi ham / wolden loki: yef þer nere / kueade uelaȝes. Vor þe drinkere / and þe hor- ling / amang þe oþre kueades / þet hi doþ: propreliche one zenne / þet is þe dyeules / huanne hi wyþ-draȝeþ to do wel. Hy ziggeþ / þet hi ne moȝe naȝt ueste. ac hy lyeȝeþ. Vor litel loue of god: ham heþ þet / y do zigge. Vor yef hi loueden zuo moche / þe zoþe ioye of heuene. ase hy doþ / þe ydele blisse / of þis wordle: ase hy uesteþ / uor þe timliche nyedes / al-huet niȝt: ase wel /hi miȝten ueste / huet non / uor god: yef hi him / zuo moche louede. Ac hy byeþ / ase is þet child. þet wyle alneway / habbe þet bread / ine his hand. And þe sselt conne / þet ase me zeneȝeþ / ine to raþe arizinge / uor to ethene: and alsuo me zeneȝeþ: late to soupi. þanne þet uolk / þet late louieþ to soupi / and to waki be niȝte. and wasteþ þane time / ine ydelnesse. and late guoþ to bedde / and ariseþ late: zeneȝeþ / ine uele maneres. Verst : ine þet hi wasteþ / þane time. and hine miswendeþ / huanne hi makeþ / of þe nyȝ [supplied by ed.] t: day. and of þe daye / niȝt Zuych uolk / god acorseþ / be þe prophete. Vor me ssel be daye: wel / do. and be niȝte / herie god / and bidde. ac huo þet lyþ a bedde / huanne he ssolde arise. slepe he mot: huanne he ssolde bidde. and his seruise yhere / and god herie. and þos he / lyest al his time / and þe niȝt: and þane day. Efterward / ine zuyche wakinges: me deþ manye kueades. ase playe ate ches. oþer ate tables. and me zayþ / manye bisemers. and folyes. and þus wasteþ / þe wreche his time / and his wyttes / and his guodes. and wreþeþ god. and harmeþ his bodi / and more þe zaule.

Þe oþer boȝ : is of mete / and of drinke / be to moche / and wiþ-oute mesure. Þe ilke byeþ / propreliche glotounes / þet al uorzuelȝeþ / ase deþ þe kete of Page  53his sperringe. Hit is grat wyt / to loki mesure / ine mete / and ine drinke / and grat helþe. uor moche uolk sterueþ. and ofte þer comeþ / greate ziknesses. Ac huo þet wyle þise mesure lyerny: he ssel ywyte / and onderstonde / þet þer byeþ / uele maneres to libbe / ine þe wordle. Þe uerste libbeþ / be þe ulesse. Þe oþer be / his ioliueté. Þe þridde / be his fisike. Þe uerþe / be his onesteté. Þe vifte / be þan þet hare zennes acseþ. Þe zixte be þe goste / and be þe loue of god.

Þo þet libbeþ be þe ulesse / ase zayþ zaynte paul / hi slaȝeþ hire zaulen. uor hi makeþ / of hare wombe: hare god. Þe ilke / ne hyealdeþ scele / ne mesure. and þeruore / hi ssolle habbe / ine þe oþre wordle / pine wyþ-oute mesure.

Þe ilke þet libbeþ be hare iolyneté: wylleþ hyealde / hire fole uelaȝredes: zuo þet hi ne conne / ne hi ne moȝe / healde mesure.

Þo þet libbeþ be ypocrisye / þet byeþ / þe dyeules martires. hi habbeþ / tuo mesures. uor þe tuaye dyeulen / þet tormenteþ þane ypocrite: byeþ moche ayder / ayens oþren. Þe on him zayþ. 'eth ynoȝ / al-huet / þou art uayr / and uet.' þe oþer him zayþ: 'þou ne sselt ac þou sselt ueste / al huet þou art / bleche and lhene.' Nou behoueþ / to habbe / tuo mesures / ane little / and ane scarse. þet he useþ / touore þe uolke. And anoþre guode and large. þet he useþ / þet non ne y-zyȝþ. þes ne [typographic Fol. 15. b.] halt naȝt / þe riȝte mesure. Þe ilke / þet couaytyse ledeþ / habbeþ zuyche mesure: ase þe pors wyle. þet is lheuedi / and hotestre / of þe house. þanne ssolle we betuene þe porse / and þe wombe / of þe glotoune: habbe a uayr strif. Þe wombe zayþ. 'ich wylle by uol.' Þe purs zayþ / 'ich wylle by uol.' Þe wombe zayþ / 'ich wylle þet þou ete. and drinke / and þet þou despendi.' And þe purs zayþ : 'þou ne sselt naȝt. ich wille þet þou loki / and wyþdraȝe.' Allas / huet ssel he do / þes wreche / þet is þrel / to zuyche tuaye kueade lhordes. Tuo mesures / Page  54 makeþ be wyȝte ymad. þe mesure of wombe / in oþremanne house guode/ and large. And þe mesure of þe purse / of his. þet is zorȝuol and scarse.

Þo þet libbeþ be fisike: hy healdeþ þe mesure / of ypocras / þet is lite / an strait. and hit iualþ ofte. þet þe ilke / þet be fisike leueþ : be fizike sterfþ.

Þo þet libbeþ be hyre onestete : þe ilke hyealdeþ / þe mesure of scele. and libbeþ worssipliche / to þe wordle / þet eteþ ine time / and ine oure. and nimeþ mid guode wylle : þet hi habbeþ / and cortaysliche / an gledliche.

Þo þet libbeþ be þan / þet hare zennes okseþ. hyealdeþ zuiche manere / and mesure / ase me ham chargeþ / ine penonce.

Þo þet libbeþ / be þe goste. byeþ þo / þet ine þe loue of god wonyeþ. to huam þe holy gost tekþ / to hyealde ordre / an sckele / and mesure. Þo þet habbeþ þe lhordssip / ope þe bodyes / þet is zuo y-taȝt / þet he ne acseþ / none outtrage. and deþ / þet þe gost hat / wyþ [supplied by ed.] -oute grochinge / and wiþ-oute wiþzigginge.

Nou miȝt þou ysi / uor þet we habbeþ hyer yzed / þet uele ginnes / heþ þe dyeuel / uor to nime þet uolk / be þe þrote. uor uerst / he sseaweþ ham / þe wynes / and þe metes / þet byeþ uayre / and likerouses / ase he dede / to euen þane eppel. And þet / yef hit him ne is naȝt worþ: he him zayþ. 'eth / an drink ase þe ilke / and þe ilke. uelaȝrede þe behoueþ hyeal [supplied by ed.] de. yef þe wylt / þet me ne scorne þe naȝt. and þet me þe / ne hyalde uor papelard.' oþer he him zayþ. 'þe helþe of þine bodye / þou sselt loki. uor huo þet ne heþ helþe: he ne heþ naȝt. Ne by naȝt manslaȝþe / of þe selue. þou sselt to þine bodye : þe sostinonce.' Oþer he him zayþ. 'Nim yeme / of þe guodes / þet þou dest / oþer miȝt do. þou ne est / naȝt uor þe lost / of þyne bodye: ac to serui god. þou sselt / þine strengþe loki to god. ase zayþ dauiþ.' þise sceles / byeþ zuo cleuiinde / þet þe wyseste / and þe holyiste [supplied by ed.] man : byeþ oþerhuyl / becaȝt.

Page  55

Þe þridde boȝ of þise zenne is / to uerliche yerne / to þe mete / ase deþ þe hond: to þe hes. and þe more / þet is / þe ilke uerlichhede : þe more / is þe zenne. Vor ase hit ne is / no zenne / uor to habbe richesses. Ac his / to moche louye. Alsuo / hit ne is no zenne / uor to ethe / þe guode metes : ak ethe his / to uerliche / oþer disordeneliche. Ethe metes / byeþ guode / to guode. and to ham: þet be scele / and be mesure / his vseþ. and hise nimeþ / mid þe sause / of þe drede / of oure lhorde. Vor me ssel / euremo habbe drede: þet [typographic Fol. 16. a.] me / ne mys-nyme / be ouerdede. and me ssel herye god. and yelde hym þonkes / of his yefþes. And be þe zuetnesse / of þe mete / þet wyþ-oute / ne may by: me ssel þenche / godes zuetnesse. and to þe ilke mete : þet uelþ þe herte. Þeruore me ret / ine hous of religion / ate mete : uor þet / huanne þet bodi / nymþ his mete / of one half: þet þe herte / nyme his of oþer half.

Þe uerþe boȝ / of þise zenne / of þan þet / to nobleliche wylleþ libbe. þet despendeþ / and wasteþ / uor to uelle hare glotonye / hwer-of an hondred poure / miȝten libbe / and ynoȝliche by ueld. Zuich uolk zeneȝeþ ine uele maneres. Verst: in greate despenses / þet hi makeþ. efterward / ine þan / þet hi / hit vseþ / ine to grat hete / and ine to grat lost. And efterward / ine þe ydele blisse / þet hi habbeþ. Vor hit ne is naȝt / onlepiliche lecherie / of zuelȝ : ac hit is / wel ofte uor bost / þet hi zecheþ / zuo riche metes / and makeþ / zuo uele mes. huer-of / ofte / comeþ / uele kueades.

Þe vifte boȝ is / þe bysihede / of glotuns / þet ne zecheþ / bote to þe delit / of hare zuelȝ. þise byeþ propreliche / lechurs / þet ne zecheþ / bote þet lost / of hare zuelȝ. Ine þri þinges / nameliche / liþ þe zenne / of zuyche uolke. Verst / ine þe greate bysihede / þet hy habbeþ / to porchaci / and to agraiþi. Efterward / mid grat lost / þet hy habbeþ / ine þe us. Efterward / ine þe blisse / þet hi habbeþ / ine þe recordinge. And huo Page  56þet miȝte telle / huyche bysinesse hi doþ / to þan / þet hare metes / by wel agrayþed. and ech to his oȝene smac. and hou hy moȝe maki / of one mete / uele mes desgysed / uor hare uoule lost. And huanne þe mes / byeþ y-come / on / efter þe oþer: þanne byeþ þe burdes / and þe trufles / uor entremes. and ine þise manere / geþ þe tyme. þe wreche him uoryet. þe scele slepþ. þe maȝe gret / and zayþ. 'Dame Zuelȝ / þo me ssast. ich am zuo uol: þet ich to-cleue.' Ac þe tonge þe lyckestre / him ansuereþ: and zayþ. 'þaȝ þou ssoldest to-cleue: ich nelle naȝt lete askapie / þis mes.' Efter þe lecherie / þet is ine etinge: comþ þe blisse / þet is ine þe recorder. Efterward / hi wesseþ þet hi hedden / nykken of crane. and wombe of cou. uor þet þe mosseles / blefte lenger / ine þe þrote. and more miȝten uorzuelȝe.

Nou þou hest y-hyerd / þe zennes / þet comeþ of glotounye / and*. [MS. adn] of lecherie. and þeruore / þet zuyche zennes / arizeþ communliche / ine tauerne : þet is welle of zenne. Þeruore / ich wylle a lite take / of þe zennes / þet byeþ y-do / ine þe tauerne. Þe tauerne / ys þe scole of þe dyeule / huere / his deciples studieþ. and his oȝene chapele / þer / huer me deþ /his seruese. and þer huer he makeþ / his miracles / zuiche ase behoueþ*. [MS. bohoueþ] to þe dyeule. At cherche / kan god / his uirtues sseawy. and do his miracles. þe blynde: to liȝte. þe crokede: to riȝte. yelde þe wyttes of þe wode. þe speche: to þe dombe. þe hierþe: to þe dyaue. Ac þe dyeuel deþ al [typographic Fol. 16. b.] ayenward / ine þe tauerne. Vor huanne þe glotoun geþ in to þe tauerne / ha geþ opriȝt. huanne he comþ a-yen: he ne heþ uot þet him moȝe sostyeni ne bere. Huanne he þerin geþ: he y-zycþ / and y-herþ / and specþ wel / and onderstant. huan he comþ ayen: he heþ al þis uorlore / ase þe ilke þet ne heþ wyt / ne scele / ne onderstondinge. Zuyche byeþ þe miracles þet þe dyeuel makeþ. And huet lessouns þer he ret. alle uelþe he tekþ þer. glotounye. lecherie. zuerie. uorzuerie. lyeȝe. Page  57 miszigge. reneye god. euele telle. contacky. and to uele oþre manyeres of zennes. Þer ariseþ þe cheastes. þe strifs. þe manslaȝþes. þer me tekþ to stele: and to hongi. Þe tauerne is a dich to þieues. and þe dyeules castel uor to werri god / an his halȝen. and þo þet þe tauernes sustyeneþ : byeþ uelaȝes of alle þe zennen þet byeþ y-do ine hare tauernes. and uor zoþe yef me ham zede / oþer dede / asemoche ssame to hire uader / oþer to hare moder. oþer to hare gromes. ase me deþ to hire uader of heuene. and to oure lheuedy. and to þe halȝen of paradis. mochel hi wolden ham wreþi. and oþer red hi wolden do þer to þanne hi doþ.

ÞE ZENNES OF ÞE TONGE.

Huo þet wyle conne and weȝe þe zennes of þe tonge: hit behoueþ*. [MS. bohoueþ] þet he conne weȝe / and ayenweȝe / þet word huych þet hit by. and huer-of hit comþ: and huet kueadhit deþ. Vor hit y-ualþ þet / þet word is zenne ine hym. uor þet hit is kuead. And yef hit by-ualþ þet hit by zenne uor þet hyt geþ out of kueade herte. And of heauede hit biualþ / þet þe speche isgrat zenne / uor þet hi deþ grat kuead / þaȝ hy by uayre and ysmoþed. Nou sselt þou ywyte / þet þe kueade tonge / is þet trau þet god acorsede in his spelle / uor þet he ne uand naȝt bote leaues. þet ine holy writ byeþ onder [supplied by ed.] stonde wordes. And alsuo ase hit is strang þing to telle / alle þe lyeaues of þe trauwe: alsuo hit is strang þing uor to telle þe zennes þet of þe tonge comeþ. An þise ten boȝes we moȝe alsuo nemni: ydelnesse. yelpinge. blondinge. todraȝinge. lyesynges. vorzueriinges. stryfinge. grochinge. wyþstondinge. blasfemye.

Þe ilke þet ham yeueþ / to moche to ydele worddes. hi zecheþ grat harm / þet hi ne aparceyueþ naȝt. Vor hy lyeseþ þane time precious. huer-of hi ssolden habbe eftsone disete. and uorlyeseþ þe guodes þet hi þencheþ to done / and ssolden do. and nimeþ þe tresor of þe herte. Page  58and hise uelþ a-yen mid ydelenesse. hi onwriþ þane pot. and þe uleȝen vlyeþ þerin. hi hise clepieþ / ydele wordes / ac hi ne byeþ. ac hi byeþ of grat cost / and harmuolle / and perilous. ase þo þet emteþ þe herte of hire guode. and velþ his ayen / mid ydelnesse / ase þo / huer-of behoueþ yelde rekeninge of echen beuor god / ate daye of dome. ase god zayþ ine his spelle. Hit ne is naȝt lite þing / ne ydelenesse / huer-of hit behoueþ rekeni. and yelde scele ine þe heȝe cort / ase beuore god / and al þe baronage of heuene.

Ine þo ydele wordes me zeneȝeþ ine vif maneres. Vor þer byeþ zome wordes ydele / huer of þe tonges byeþ zuo uolle / þet spekeþ beuore / and behynde. þet byeþ ase [typographic Fol. 17. a.] þe cleper of þe melle / þet ne may him naȝt hyealde stille. And yef hi spekþ bisye wordes of ham þet zuo bleþeliche telleþ tidyinges. þet zetteþ ofte hare herte to mesayse of ham þet his yhereþ. and makeþ þe efter telleres ofte by yhyeal [supplied by ed.] de foles and uor lyeȝeres. Efterward byeþ þe tales / and þe uayre zigginges. huer-of hi habbeþ moche of ydele blisse / þo þet hise conne sotilliche zigge / uor þe herkneres do wel lheȝȝe. Efterward byeþ þe bourdes / and þe trufles uol of uelþe / and of leazinges. þet me clepeþ ydele wordes. Ac uorzoþe hit ne byeþ. ac hy byeþ wel stinkinde / and wel uoule. Efterward byeþ þe bisemeres and þe scornes / þet hi ziggeþ ope þe guode men. and ope alle ham þet wylleþ do wel / þeruore : þet hi myȝten his draȝe to hare corde. and uram þe guode þet hi habeþ y-conceyued wyþdraȝe. Þet ne byeþ naȝt ydele wordes. Vor þou art ase manslaȝþe / yef þou be þine tonge / wyþdraȝst ane man / oþer a child wel to done. and god þe can asemoche þank: ase wolde þe kyng / yef þe heddest yslaȝe his zone / oþer his tresor ystole.

OF ÞE ZENNE OF YELPINGE.

Efterward comþ þe zenne of yelpynge / þet is wel Page  59 grat / and wel uoul / wel uals / and wel vileyn. Hi is wel grat: Vor huo þet yelpþ: he is aperteliche godes þyef. and him wyle benyme his blisse / ase we zede hyerbeuore. þet is a wel uals zenne. Vor þe guodes huerof he miȝte wynne þe heuene: hi yeueþ uor a litel wynd. And zuo hit is a wel uoul zenne. Vor þe wordle zelf / ham halt uor fol. and uor vilayn and uor nice.

Ine þise boȝe byeþ vif leaues. þet byeþ vif manere of yelpinges. On is preterit. þet [supplied by ed.] is to zigge: of þinge ypased. þet is þe zenne of þan / þet zuo bleþeliche recordeþ hare dedes / and hare prowesses. and þet hi weneþ habbe / oþer wel ydo: oþer wel yzed. þe oþer is of present þet is to zigge: of nou. þet is þe zenne of þo: þet naȝt ne doþ gledliche. ne ham ne payeþ wel to done / ne wel zigge. bote ase me his yzyȝþ / oþer yherþ. Þise / ine dede / oþer ine speche / and ine zinginge: hi yelpeþ / and zelleþ uor naȝt: al þet hi doþ. To þan belongeþ þe zenne of zuichen þet yelpeþ of þe guodes þet hi habbeþ / oþer þet hi weneþ habbe / of hare noblesse. of hare richesse / of hare prouesse. Hy byeþ ase þe coccou / þet ne can zinge / bote of him zelue. Þe þridde is þe zenne of þise ouerweneres þet ziggeþ. ich wille do þet / and þet. ich wylle awreke forre. ich wille maki þe helles and þe danes. Þe uerþe is more sotil þet is of þan þet ne moȝe uor ssame ham-zelue praysi. ac al þet oþre doþ / and ziggeþ: altogidere uayrliche blamyeþ ase riȝt naȝt ne him prayseþ. to þet hi conne do and zigge. Þe vifte is yet more sotil / of ham þet huanne hi willeþ þet me hise praysi / and hi nolleþ zigge aperteliche: hi hit makeþ a naȝt / and makeþ zuo moche ham milde / and ziggeþ / þet hi byeþ zuo kueade / [typographic Fol. 17. b.] and zuo zenuol / and zuo onconnynde: þrisiþe more / þanne hi by. vor þet me ham hereþ / and hyealde : uor wel boȝsam. 'Allas' zayþ saynt bernard 'huet þer is hier zorȝuolle yelpinge.' Hy makeþ ham dyeulen: uor þet me halt ham uor angles. Hy makeþ ham kueade : uor Page  60þet me ssolde his hyealde uor good. ne more me ne may ham wreþi: þanne uor to zigge / uor zoþe þou zayst zoþ. To þan belongeþ þe zenne of ham þet zechiþ spekemen ham uor to praysi. and uor to grede hare noblesse / be huas mouþe hi spekeþ / and þe more hardyliche.

OF BLONDINGE.

Þe blonderes / byeþ þe dyeules noriches. þet his children yeueþ zouke / and doþ ham slepe ine hare zenne be hare uayre zang. Hy smerieþ þane way of helle mid hony / ase me deþ to þe bere / uor þet þe zeneȝere hine ssolde guo þe hardylaker. Þis zenne him to-delþ : ine vif deles. þet byeþ ase vif leaues : ine þise boȝe. Þe uerste zenne is of þyse blonderes. þet huanne hi yzeþ þet he / oþer hy / þet hi wylleþ beuly / habbeþ wel yzed. oþer þet he heþ wel ydo: an-haste him ziggeþ to him-zelue / uor þet ha heþ ydele blisse. Ac his kuead nolleþ hi him naȝt telle. Þe oþer zenne is / huanne þe litle guodes þet hire children þet hi doþ zouke / ydo / oþer yzed: hy leueþ / and dobbleþ / and moreþ hit of hiren / al-huet þer is more of lyeasinge / þanne of zoþ. And þeruore hi byeþ ycleped ualse wytnesses ine holy writ. Þe þridde zenne is / huanne hi doþ onderstonde þe manne / oþer þe wyfmanne / þet he heþ ine him manie guodes / and graces / huer-of he ne heþ none and þeruore his clepeþ holy writ: charmeres. uor hy becharmeþ zuo moche þane man: þet he ylefþ [supplied by ed.] ham more / þanne him zelue. þet he ylefþ bet þet he yherþ : þanne þet he yziȝt. and þet hy ziggeþ of him: þanne þet hi useþ. þe uerþe zenne is. þet huanne hi alle zingeþ / 'Placebo.' þet is to zigge: 'mi lhord zayþ zoþ. mi lhord deþ wel.' and wendeþ to guode / al þet þe guodeman deþ / oþer zayþ. by hit guod by hit kuead. And þeruore hy byeþ ycleped ine þe writinge: ecko. þet is þe rearde þet ine þe heȝe helles comþ ayen / and acordeþ to al þet me him zayþ. by hit guod / by hit kuead. by hit zoþ / by hi uals. Page  61þe vifte zenne is / huanne þe blondere defendeþ / and excuseþ / and wryeþ þe kueades / and þe zennes / of ham þet he wyle ulateri. and þeruore zuyche byeþ ycleped ine writinge: tayles. Vor hi wreþ þe uelþes of zenne of riche men / uor zom timlich guod. hueruore hi byeþ anlicned to þe tayle of þe uoxe / be hare barat / and uor hare bezuykinge of tedraȝynge.

Blondere / and misziggere : byeþ of one scole. Þise byeþ þe tuo nykeren þet we uyndeþ ine bokes of kende of bestes. Vor hy byeþ a ssewynge of þe ze / þet me klepeþ nykeren. þet habbeþ bodyes of wyfman / and tayl of uisssse. and clauen of arn. and zuo zuetelich zingeþ / þet hi makeþ slepe þe ssipmen / and efterward his uorzuelȝþ. þet byeþ þe blonderes. þet be hare uayre zang / makeþ slepe þet uolk. and ine hare zenne. hi [typographic Fol. 18. a.] resembleþ an eddre / þet hatte serayn. þet yernþ more zuyþere / þanne hors. and oþerhuyl vleþ. and habbeþ þet uenym zuo strang : þet no triacle ne is þer to naȝt worþ. Vor raþre comþ þe dyaþ: þanne me uelþ þane byte. Þet byeþ þe missiggeres. of huam salomon zayþ / þet hi byteþ / ase eddren ine bezuykinge. an þet uenim slaȝþ þri / in one stroke. þane þet zayþ. þane þet lhest. and þane / of huam he missayþ. Þet is þe felliste best þet me clepeþ hyane. þet ondelfþ þe bodies of dyade men / and hise eteþ. Þet byeþ þo / þet byteþ and eteþ þe guode men of religion / þet byeþ dyade to þe wordle. Hi byeþ more feller / þanne helle. þet ne uorzuylþ / bote kueade. Ac hi yerneþ op to þe guode. hueruore hy byeþ anlicned to þe zoȝe. huanne hi heþ yuarȝed / wel bleþeliche byt men: ycloþed mid huyt. Hy byeþ ase þe lhapwynche / þet ine uelþe of man / makeþ his nest / and zuo resteþ. Þet byeþ þe ssarnboddes þet beuleþ þe floures. and louieþ þet dong. And þes boȝ heþ vif leaues. Þe uerste is / huanne me vint leaȝinges.*. [leazinges?] and þe kueades uor oþren to arere blame. Þe oþer is / huanne Page  62 þet kuead þet he yherþ of oþren / he hit telþ uorþ / and hit moreþ of his oȝen. Þe þridde is huanne he kuencþ / and deþ to naȝte / alle þe guodes þet þe man deþ / and hise deþ hyeal [supplied by ed.] de to ane kueade. þes eth þane man al yhol. þe oþre ne eteþ hine naȝt al / ac byt / and nimþ a stech. and þis is þet uerþe lyeaf of þise boȝe / þet is propreliche ycleped todraȝynge. 'Vor he to-draȝþ / and toheauþ eche daye zom stech of guode / þet he yhyerþ of oþren. Vor huanne me zayþ guod of oþren touore him: alneway he vint / and zet ames. Vor zoþe he zayþ : þet is zoþ. he is wel guod man / and ich hine louie moche / ak he heþ zuich a lac ine him / and þet me uorþingþ. Þes is þe scorpioun þet makeþ uayr mid þe heauede. and enueymeþ mid þe tayle. Þe vifte is huanne he miswent / and went to þe worse half. al þet he yherþ / oþer yziȝþ / þat me may wende to guode / and to kueade. and þeruore is he uals demere / and ontrewe.

LEAZYNGES.

Leazinge ualseþ þane man / alse me ualseþ þe kinges sel / oþer þe popes bulle. and þeruore þet me makeþ ualse monaye and berþ ualse lettres: ha ssel by demd ase ualsere / ate daye of dome. Þe lyeȝere is amang þe men: ase þe ualse peny amang þe guode. ase þet chef: amang þe corn. Þe lyeȝere is ylich þe dyeule. þet is his uader. ase god zayþ ine his spelle. Vor he is lyeȝere / and uader of leazinges / ase he þet made þe uerste leazinge. and yet he hise makeþ / and tekþ eche-daye. Þe dyeuel him sseweþ ine uele ssefþes. and him chongeþ ine uele wysen / þet uolk uor to gyly. Alsuo deþ þe lyeȝere. hueruore he is ase þe gamelos þet leueþ by þe eyr and naȝt ne heþ ine his roppes bote wynd. and heþ ech manere colour / þet ne heþ non his oȝen.

[typographic Fol. 18. b.]

Ine þise boȝe byeþ þri smale tuygges: Vor þer byeþ leazinges helpinde and leazinges likynde. and leazinges Page  63deriynde. and in echen is zenne. Vor ase zayþ saynt austin. asemoche ase he þet lyeȝþ / be his leazinge / deþ guod to oþren: alneway he deþ his oȝene harm / þanne þe leazinges helpinde byeþ zenne. Ac þe leazinges likinde. byeþ more grat zenne / ase byeþ þe hyeȝinges of þe lozeniour. and of þe gememen / and of þe scorneres. þet ziggeþ þe bysemeres. and þe lezinges. and þe lheȝinges uor to solaci þet uolk / ine ziggynge / and ham to harkni: is zenne. hit ne is non drede. Ac þe lyazinges deriynde: byeþ dyadlich zenne. huanne me his zayþ wytindeliche / and be þoȝte*. [MS. þoȝto] / uor to do harm to oþren.

To þise boȝe belongeþ alle ualshedes / and þe gyles / and þe contackes. þet me deþ in al þe wordle uor oþren to gyly and harmy. oþer ine zaule / oþer in bodye. oþer ine guodes. oþer ine los / huych þet hit by.

OF ÞE ZENNE OF LYEȜINGE.

Kvead þing hit is to lyeȝe / ac more zenne hit is him zelue uorzuerie. and þeruore oure lhord hit zuo moche uorbyet. Perilous þing hit is to zuerie. ac naȝt uor þan / þet ine no poynt me ne may zuerie: wyþ-oute zenne. ase zayþ þe bougre. Ac uor þan þet ofte zuerie: makeþ ofte uorzuerie / and ofte zeneȝi. Vor ine zeue maneres me zuereþ. Verst huanne me zuereþ boldliche / þet is in [supplied by ed.] onworþnesse/ and bleþeliche. þet hit þingþ/þet him hit likeþ to zuerie. þeruore hit uorbyet saint Iacob. 'ne zuerieþ naȝt : bote huanne hit is nyed.' ac þet wyl: is þe lecherie*. [MS. lelecherie] uor to zuerie. Efterward huan me zuereþ liȝtliche / þet is uor naȝt / and wyþ-oute scele. þet is uorbode ine þe oþre heste of þe laȝe / þet god wrot ine þe tables of ston / mid his vingre. Efterward huanne me zuereþ be wone: ase at eche worde. Vor þer byeþ zome zuo euele ytaȝt : þet hi ne conne noþing / zygge wyþ-oute zueriynge. Þise habbeþ god in to grat onworþhede. huanne al day / and uor naȝt / him clepieþ to wytnesse / of al þet hi ziggeþ. Vor zueriinge ne is non Page  64 oþer þing: þanne to clepie god to wytnesse. and his moder / and his halȝen. Efterward huanne me zuereþ folliche. and þet yualþ ine uele maneres. Oþer huanne me zuereþ be tyene / and sodaynlyche / huer-of him uorþingþ efterward. Oþer huanne me zuereþ uor þing þet me ne may naȝt healde wyþ-oute zenne: zuich oþ me ssel breke : and do penonce uor þane fole oþ. Oþer huanne me zuereþ zikerliche / of þinge þet me nis naȝt ziker / yet þaȝ hit by zoþ. Oþer huanne me behat zikerliche þet me naȝt not / yef me hit may uoluelle. Oþer huanne me zuereþ be þe sseppinges / ase me zayþ. be þe zonne þet ssinþ. by þet uer þet bernþ. oþer by myn heued. oþer by myne uader zaule. oþer oþre þane ylych. Zuyche oþes god uorbyet in his spelle. Vor þet ich ssel maky ziker : ich ne ssel naȝt draȝe to [typographic Fol. 19. a.] wytnesse / bote þane heȝe zoþ. þet is god þet al wot naȝt þe clene ssepþes / þet ne byeþ bote ydelnesse. And huanne ich his zuerye be þoȝte : ich bere ham ane worþssipe / þet ich ssolde bere to god onlepi. Ac huanne me zuereþ be þe*. [It may be read þo] godspelle: me zuereþ be him / þet þe wordes byeþ / and byeþ ywryte. And huanne me zuereþ be þe holy relikes / and be þe halȝen of paradis: me zuereþ be ham / and be god þet ine ham woneþ. Efterward huanne me zuereþ vileynliche by god / and by his halȝen. ine þise zenne / byeþ þe cristene worse / þanne þe sarasyn. þet nolden zuerie ine none manere / ne nolden þolye / þet me zuore beuere ham / zuo vileynlyche / be Iesu crist : ase doþ þe cristene. Hi byeþ more worse þanne þe gyewes : þet hine dede a-rode. Hy ne breken non of his buones. Ac þise him tobrekeþ smaller: þanne me deþ þet zuyn ine bocherie. Þise ne uorbereþ naȝt oure lheuedi. and þise his tobrekeþ more vileynlaker: and hire / and þe oþre halȝen / þet hit is wonder : hou þe cristendom hit þoleþ. Efterward huanne me zuereþ ualsliche. oþer huanne me berþ ualse Page  65wytnesse. oþer me zuereþ uals / wytindelyche. ine huyche manyere / þet me zuereþ oþer openliche / oþer stilleliche be art / oþer be sophistrie. Vor ase þe riȝte wrytes ziggeþ / god þet loueþ Mueknesse / and zoþnesse / yne zuyche wytte onderuangþ þane oþ / and onderstant þet word : ase he hit onderstant / þet ne þengþ naȝt bote guod. and þet muekliche / and wyþ-oute stryf hit onderstant.

Mochel is grat godes myldenesse. huanne zuyche men þet zuerieþ of þinge þet hi wyteþ wel: þet ne is naȝt zoþ. oþer behoteþ þing: þet hi nele*. [nolleþ?] naȝt healde. þet þe dyeuel him ne astrangleþ hastelyche. Vor huanne he zayþ: zuo god me helpe. oþer zuo god me loky. and he lyeȝe: he deþ him out of þe helpe / and of lokynge of god. nou ssolde he be riȝte / lyese wyt / and onderstondinge / and body. and guodes. and zaule /and al þet he halt of gode.

Þe laste boȝ of þise zenne is: huanne man agelt his treuþe / and þet he heþ behote*. [MS. bohote] / and y-granted. oþer be his treuþe. oþer be his oþe. Vor treuþe yloȝe / and oþ ybroke: is ase hit were al on.

CHEASTE.

Saynt augustin zayþ. þet noþing zuo moche ne ys ylych to þe dyeules dedes : ase cheaste. Þes*. [It is not clear whether þes or þis is the MS. reading.] meyster huer-of ne is non drede : payþ moche þe dyeule / and naȝt ne payþ god. þet ne loueþ bote pays / and onynge.

Þes boȝ him to-delþ ine .vij. oþre boȝes. Huer-of þe uerste is: strif. Þe oþer / chidinge. Þe þridde / missigginge. Þe uerþe / godelinge. Þe uifte / atwytinge. Þe zixte / þreapninge. Þe zeuende / vnonynge arere. Huanne þe dyeuel yziȝþ loue / and onynge amang uolke: moche hit him uorþingþ. and uor ham maki vnonynge: he makeþ bleþeliche his miȝte ham uor to do striui. And þe dyeuel beginþ þet uer of Page  66 tyene / and euel wyl uor to becleppe. Þanne efter þet strif / and þe cheaste: comþ þe noyse / and þe cheaste. Al / alsuo huanne me alyȝt þet uer: lhapþ þet smech efter þe layt. Stryf / and cheaste / and huanne þe on zayþ to þe oþren : 'zuo hit is.' 'zuo hit ne is.' 'zuo hit wes' / 'zuo hit nes.'

Chidinge is: huanne eyder lyexneþ oþren / oþer greate wordes. Efter þan comeþ þe myssigginges. þet [typographic Fol. 19. b.] is huanne þe on peyneþ þannoþren / and ziggeþ þe greate felonyes. Vor þer is a feloun þet heþ þe tonge more keruinde : þanne rasour. more zuyfter / þanne arwe ulyinde. and more boryinde: þanne zouteres eles. zuyche men byeþ anlykned to þe þorn-hog. þet ys al ywryȝe myd prikyinde eles. and hit is to moche fel / and zone hit is wroþ. And þanne hit is of-tyened : he kest out his eles of his bodye: ariȝthalf / and a lefthalf. Alsuo he is anlikned to þe felle dogge. þet byt / and beberkþ alle þo þet he may.

Efterward comeþ þe godelinges. Þet is huanne þe on godeleþ þanne oþrene. And þet is zuo grat zenne / þet þe wrytynge zayþ : þet huo þet godeleþ his emcristen: he ys acorsed of god. And saynte paul zayþ. þet zuych uolk ne moȝe habbe godes ryche. And salomon zayþ. þet hare mouþ is: ase þe wyȝte þet ualþ ine hot weter. þet kest hyer / and þer: and scoldeþ alle þo þet byeþ þer aboute.

Efterþan comeþ þe wyþnymynges / þet byet yet more gratter zenne. huanne me atwyt ane man / oþer his zennes / oþer his folies / oþer his pouerté / oþer his poure ken / oþer oþre lac*. [defaute has been erased in the MS.] þet is ine him.

Efterward zuo comeþ þe þreapnynges / and beginneþ þe medles / and þe werres. Ac aboue alle þise zennes þet we habbeþ hyer ynemned : paseþ þe zenne of [supplied by ed.] ham / þet be hare kueade tonge / sostyeneþ / and arereþ þe strifs / and þe euele wylles / betuene ham Page  67þet byeþ uryendes togidere. and þo þet miswendeþ þet pays. and þe onynges. God hateþ moche zuych uolk and zuo zayþ þe writinge.

OF GROCHINGE. ÞET IS OF HIM ÞET NE DAR NAȜT ANSUERIE.

Ofte we hit yzeþ come / þet þe ilke þet ne dar ansuerye / ne chide. þet he beginþ to grochi betuene his teþ. and grunny. Vor efter þe chyaste : we zetteþ þe zenne of grochinge. Hou grat is þe zenne: ous sseweþ wel þe wreche þet god kan nyme. ase recordeþ holi wryt. Vor þise zenne / onleak þe erþe / and uorzualȝ datan and abyron. and villen doun al kuic in-to helle. An uor þo zenne / zente god a uer / þet uorbernde-kore: and alle his uelaȝes. CC.L. of þe gretteste of godes ost ine desert. Vor þe ilke zenne uorlore þe yewes þet land of beheste / þet god ham hedde behote. zuo þet of zix C. þousond / þet god hedde ykest / out of þe þreldome of þe kinges of egipte. and þet he hedde yloked: uourti year ine desert / myd þe manné of heuene. ne yede in-to þe holy londe / bote tuo / wyþoute mo. þet hetten calef: and Iosue. ac alle hi storuen in zorȝe : ine þe desert.

Þis zenne heþ tuaye boȝes. Vor þe on : is grouchinge aye god. and þe oþre aye man regneþ. Þis zenne is ine uele maneres / ase ine sergons aye hire lhordinges. ine wyfmen: aye hare leuedis. and ine children / aye hare uaderes / and hare modren. Ine poure: aye þe riche. and þe þrelles: aye þe knyȝtes. Ine leawede : aye þe clerkes / and aye þe prelas. and þe cloystrers : aye þe abbottes. and þe priours : and hire officials / ase [typographic Fol. 20. a.] subprior. and þe oþre. And wext þe grochinges ine alle zuyche persones: oþer of onboȝsamnesse uor þan þet me is to hard ine hestes. oþer ine sleauþe / uor þet me is to sleuuol. oþer of inpacience / uor þet me ne deþ naȝt alle þe wylles. oþer of enuie. oþer of felouie. uor þet Page  68 me auonceþ more þe on: þanne þe oþre. and manye oþre kueade roten.

Grochinge aye god heþ yet nou ynoȝ mo enchey- souns. Vor man þet heþ uorlore grace / and þolemodnesse: he wyle by mayster ope god. zuo / þet / al god deþ ine erþe: bote yef he hit ne do al to his wylle: an haste he grocheþ aye god. and zyngþ þet pater noster. to tokne. Vorzoþe ac þe dyeules zang. Vor ase þe holi gost tekþ. and makeþ his ychosene zinge ine hare herten þe zuete zonges of heuene. þet is of þe graces of al þet he deþ. and of al þet he us zent. Alsuo þe kueade gost makeþ his deciples zinge þanne zang of helle. þet is grochinge. þet eure ssel yleste ine helle. in al þet god deþ / bote hit by al to hire wylle. Vorzoþe mochel is zuych a man fol / ant out of his wyte / þet wyle þet me him yelde scele / of al þet he heþ ydo / yef me him zent / aduerseté. pouerté. ziknesse. dyere time. rayn. druȝþe. yef me yefþ him / and benymþ hit oþren. bote yef hit ne by do al to his wylle: he him niymþ anhaste to grochi aye god / and him euele þonkeþ. huet wonder is hit / þaȝ god him awrekþ of zuyche uolke / þet wylleþ him benyme his lhordssip / and his wyshede.

OF WYÞSTONDYNGE.

Kvead þing is grochinge: ac more is wors / wyþstondinge. wyþstondynge is a zenne / þet comþ of þe herte þet is rebel / and hard / and rebours / and dyuers. þet alneway wyle þet his wyl by do / and his zygginge by yhyalde. þet wyle / þet alle þe oþre / bouȝe to him. and he ne bouȝe to nonen. Þis is þe harde herte : huer-of salomon zayþ. þet he ne may naȝt fayly : of kued ende. And ase þer is grochinge aye god. and aye man: alsuo is zuych herte rebel to god / and to man.

Þis zenne heþ vour boȝes. Vor zuyche herten byeþ rebours / and rebels / red / to leue. to done godes heste. chastinge þolye. and techinge onderuonge. Yef enye Page  69of hare uryendes ham wylleþ rede. and hare ureme ssewy. naȝt ham nolleþ yhere. raþre uor þet hi habbeþ yspeke. hi doþ þe more bleþelaker þe contrarye. To þe rede of oure lhorde: ofte hi byeþ rebel / yef me ham ret þing: þet by to helþe to hire zaules. ne noþyng nolleþ do / erþan me gabbeþ of ham. And þos hy byeþ rebels / to þe heste of oure lhorde / to huam hi byeþ yhyealde. and zuo moche ham zet beuore þe dyeuel of toknen. oþer of fyeblesse. oþer of elde. oþer of yeȝeþe. oþer of oþre kueade sceles. þet alast : hi ne doþ naȝt. Efterward huanne me his chasteþ / and wyþnymþ. hi ham defendeþ ase þe bor / zuo þet hare folyes ne be-knaweþ. and þe more þet hi ham excuseþ: þe more wext þe zenne. And zuo hit is huanne god his beat / and chasteþ. and maugre hy wyteþ. and zyggeþ ofte. onþank þan: and þe oþren / 'huet wyle god me do. huet habe ich him misdo?' Þos deþ þe fol. and þet him ssolde by triacle: to him went in to uenym. and þe medecine: [typographic Fol. 20. b.] him yefþ þane dyaþ. Efterward þer byeþ zome of zuo diuers wyt / þet none guode techinge ne onderuongeþ. ak alneway weryeþ hare sentense huet þet hit by. zuo þet ofte hi ualleþ ine errour. and ine ualse opinions. and ine eresye. and ine euele byleaue.

OF BLASFEMYES.

Blasfemyes is ase zayþ saynt austin. oþer huanne me ylefþ and zayþ of god þing: þet me ne ssel yleue / ne healde. oþer me ne lefþ naȝt þet me ssolde yleue. Ac speciallyche we clepieþ hyer blasfemye : huanne me missayþ of god / and of his halȝen. oþer of þe sacremens of holy cherche. Þis zenne ys ydo ine uele maneres. Oþer huanne me hit zayþ be þoȝte. ase doþ þe bougres / and þe mysbyleuinde. Oþer me hit zayþ uor couaytise to wynne. ase doþ þise charmeres / and þise wychen. Oþer huanne me hit zayþ be tyene / and be despit ase doþ þise playeres / þet zuo uyleynliche Page  70 tobrekeþ Iesu cristes body. and zuo uileynliche missiggeþ of god an of his blissede moder / þet hit is dreduol and zorȝe to hyere / and lheste. Þise byeþ ase wode houndes / þet biteþ and ne knaweþ naȝt hare lhord. þis zenne is zuo grat: þet god his awrekþ oþerhuyl aperteliche ase we habbeþ yzed beuore / þo we speke of wyckede uolke. Of þise zenne zayþ god ine his spelle / þet hit ne ssel by uoryeue: ne ine þise wordle ne ine þe oþre.

Nou we habbeþ ytald ten manere zennes of þe tonge. Þanne is þe uerste: ydelnesse. and þe laste: blasfemie and be cas hit is þet Salomon zayþ. þet þe beginnynge of þe kueade tonge: is folie. and þe ende: to kuead errour.

Hyer endeþ þe zeue dyadliche zennes / and alle hire boȝes. and huo þet wel him studé deþ*. [MS. studedeþ] ine þis boc: he myȝte moche profiti / and lyerny / and knawe eche manyere of zenne / and him-zelue wel ssryue. Vor non ne may him wel ssriue / ne him loki uram zenne : bote he his ne knawe. Nou ssel þanne þe ilke / þet ine þise boc ret. yzy diligentliche to by yssriue. and him loky be his myȝte. Of oþre zennes þet he ne is naȝt gelti: he ssel herye god and him boȝsamliche þonky. þet him heþ yloked.

VOR TO LYERNY STERUE.

Onneaþe sterf / þet ylyerned ne heþ. Lyerne to sterue : þanne sselt þou conne libbe. Vor non wel libbe ne ssel conne : þet to sterue ylyerned ne heþ. And þe ilke aryȝt is ycleped wrechche : þet ne can lybbe / ne ne dar sterue.

Yef þou wylt libbe vriliche. lyerne to sterue gledliche. Yef þou me zayst / hou me hit ssel lyerny: ich hit wyle þe zigge an haste. þou sselt ywyte þet þis lyf: ne is bote dyaþ. Vor dyaþ is a wendinge. and þet Page  71ech wot. and þeruore me zayþ of ane manne huanne he sterfþ : he went. And huanne he is dyad : he is ywent. Þis lyf alsuo ne is bote a wendynge. uor zoþe / uor zoþe: a wendinge wel ssort. Vor al þet lyf of ane manne / þaȝ he leuede a þousond year : þet ne ssolde by / bote onlepy prikke : to þe zyȝþe / of þe oþre lyue / þet eure wyþoute ende ssel yleste. oþer ine zorȝe : oþer ine blisse / wyþoute endynge.

[typographic Fol. 21. a.]

Þis ous wytnesset wel þe kyng. þe erl. þe prince. þe emperour. þet þe blysse of þe wordle: hedden zomtyme. nou ine helle : wepeþ / and gredeþ. yelleþ / and zorȝeþ. 'A. allas: huet is ous worþ oure pouer. worþssipe. noblesse. richesse. blisse. and bost. al hit ys ywent / wel raþre þanne ssed : oþer uoȝel ulyinde. oþer quarel of arblaste. And þous geþ al oure lyf. Nou we were ybore: and an haste dyad. ne al oure lyf: nes naȝt bote a lyte prikke. nou we byeþ ine zorȝe wyþ-oute ende. Oure blisse / is ywent in-to wop. oure karoles: into zorȝe. gerlondes. robes. playinges. messinges. and alle guodes byeþ ous yfayled.' Zuyche byeþ þo zonges of helle. ase þe writinge ous telþ. ous uor to Ssewy: þet þis lyf / ne is bote a wendynge: wel ssort. and þis wordle: ne is bote wendynge. and libbe ne is bote*. [MS. boto] a wendynge. Þanne ne is libbe: bote sterue. and þet is zoþ / ase pater noster. Vor huanne þou begonne libbe : anhaste þou begonne to sterue. And al þin elde. and al þine time / þet ys yguo: þe dyaþ þe heþ ywonne: and halt þou zayst þet þou hest zixti year. þe dyaþ hise heþ. and neuremo his nele þe yelde. Þeruore is þet wyt of þe wordle folye. And þe clerk zyinde : ne yzyȝþ naȝt. Day and niȝt / makeþ o þing. and þe more þet hit makeþ: þe lesse zuo knaweþ. alneway sterueþ: and hi ne conne sterue. Vor day / and nyȝt: þou sterfst / as ich þe habbe yzed.

Yet eft ine oþre manere / ich þe teche þise clergie. Page  72þet þou conne wel libbe : and wel sterue. Nou yhyer: and onderstand. þe dyaþ ne is bot a todelinge of þe zaule: and of þe bodye. and þet ech wel wot. Nou ous tekþ þe wyse catoun. 'Lyerne we' zayþ he 'to sterue. todele we þane gost of þe bodie ofte.' þet deden þe meste wyse of þise philosophes þet þis lif zuo moche hateden / and þe wordle: zuo moche onworþede. and zuo moche wylnede lyf naȝt dyeadlich. þet hi westen be hare wylle. ac hit nes ham naȝt worþ. Vor hi ne hedden non grace / ne þe beleaue of iesu crist. Ac þe holy men þet louieþ god / and yleueþ / þet of þri dyeaþes / habbeþ þe tuay ypased. Vor þer is dyaþ to zenne: and dyad to þe wordle. Nou abydeþ þane þridde dyeaþ. þet is þe todiȝtinge of þe zaule : and of þe bodie. Betuene ham and paradys ne is bote a lyte woȝ / þet hy agelteþ be þenchinge / and be wylnynge. and yef þet bodi is of þis half: þe herte / and þe gost: is of oþerhalf. Þer hy habbeþ hyre bleuinge / as zayþ saynte paul. hire solas. hire blisse. and hire confort. and alle hire lostes. and þeruore : hy hatyeþ þis lyf: þet ne is bote dyaþ. and wylneþ þane dyaþ bodylich. Vor þet is damezele bereblisse / þet þe dyaþ / þet alle þe halȝen corouneþ / and doþ zetteþ [supplied by ed.] in to blisse.

Dyaþ is to guodemen : ende of alle kueade. and gate / and inguoynge : of alle guode. Dyaþ is þe stream: þet todelþ / dyaþ / and lyf. Dyaþ / is of þis half. lif / of oþre half. Ac þe wyse of þise wordle þet of þis half þe streme yzyeþ zuo briȝte: of oþerhalf hi naȝt ne yzeþ. an þeruore his clepeþ þe writinge: foles / and yblent. Vor þerne dyaþ: hi clepieþ lyf. And þane dyaþ / þet is to þe guoden / beginnynge of liue: hi hit clepieþ / þan ende. And þeruore hy hatyeþ zuo moche þane dyaþ. Vor hi nyteþ huet hit is. ne of [typographic Fol. 21. b.] oþerhalf þe streame ne habbeþ naȝt ybleued. and naȝt ne wot: þet out ne geþ.

Þanne yef þou wylt ywyte huet is guod / and huet is Page  73 kuead: guo out of þi zelue. guo out of þe wordle. lierne to sterue. todel þine zaule uram þe bodye be þoȝte. zend þine herte in-to þe oþre wordle: þet is to heuene. into helle / in-to purgatorie. þer þou sselt*. [MS. sselelt] yzy: huet is guod and huet is kuead. Ine helle þou sselt [supplied by ed.] yzi mo zorȝes: þanne me moȝe deuisy. Ine purgatorie / mo tormens þanne me moȝe þolye. Ine paradys / more blisse þanne me moȝe wylny. Helle þe ssel teche / hou god awrekþ dyadlych zenne. Purgatorie: þe ssel sseawy / hou god clenzeþ veniel zenne. Ine heuene þou sselt yzy openliche / hou uirtues / and guode dedes: byeþ heȝliche yolde. Ine þis þri þinges: is al þet is nyed wel to wytene hou me ssel conne libbe / and wel sterue.

Nou loke eftzone a lyte / and ne tyene þe naȝt / to þise þri þinges. uorþet þou lyernest to hatye zenne. Voryet þi body / ones a day. guo in-to helle ine þine libbinde: þet þou ne guo / ine þine steruinge. Þis deþ ofte þe holi man / and þe wyse. Þer þou sselt yzy: al þet herte hateþ. and bevlyȝþ. and defaute of alle guode. ynoȝ of alle kueade. ver bernynde. brenston stinkinde. tempeste brayinde. voule dyeulen. honger. and þorst: þet me ne may naȝt stonchi. dyuerse pines / and wepinges. and zorȝes: mo þanne herte moȝe þenche / ne tonge telle. and eure ssel yleste wyþ-oute ende. And þeruore is þe ilke zorȝe wel ycleped: dyaþ wyþ-oute ende. And huanne þou yzixt þet hit behoueþ zuo dyere abegge onlepy dyadlich zenne: þe woldest þe raþre lete be vlaȝe quik. þanne þou dorstest / to onelepi dyadliche zenne consenti.

Efterward guo in-to purgatoriie. þer þou sselt yzi þe pines of þe zaules / þet hyer hedden uorþenchinge / ak nere naȝt uolliche yclenzed. nou hi doþ þer / þe leuinge of hare penonce / al-huet þet hi byeþ / briȝte / and clene. ase hi weren ate poynt / and ate time / huanne hi Page  74yeden out*. [MS. ouot] of þe welle of cristninge. Ac þe ilke penonce ys wel grislich and hard. Vor al þet eure þoleden þe holy martires. oþer wyfmen þet trauayleþ of childe / of zorȝe: ne ys bote a beþ ine chald weter: to þe reward of þe fornayse: huerinne berneþ þe zaules. al-huet hi byeþ yclenzed. ase gold al yclienzed*. [MS. ychenzed] ine þe vere / me ne vint lesse þanne yclenzed. Vor þet uer is of zuyche kende / al þet hit vint ine þe zaule of gelte of dede. of speche. of þoȝte / þet yerneþ to zenne: oþer lite / oþer moche: al uorbernþ/ and clenzeþ. and þer byeþ ypunyssed, and awreke : alle uenyal zennes. þet we clepieþ : litle zennes. þet we doþ ofte / and smale fole þoȝtes. wordes ydele. trufles. scornes. and alle oþre ydelnesses. al-huet hi by worþe: to guo in-to heuene. huer ne geþ in naȝt / bote hit by riȝt briȝt. Þet ilke uer dredeþ þo. þet by hare myȝte ham lokeþ uram dyadlich zenne: and lokeþ holyliche hare herten. and hare bodyes. and hare mouþes. [typographic Fol. 22. a.] and þe vif wyttes uram alle zenne. and zuo libbeþ / ase hi ssolden echedaye to dome come to-uore god. And þeruore þet non ne may libbe wyþ-oute zenne. Vor ase zayþ Salomon: zeueziþe a day / ualþ þe guode man. and þeruore be holy ssrifte / and be tyeares / and be benes: hi doþ hare miȝte ham zelue to arere / and to amendi. and ham zelue zuo deme: þet hi onderstonde to uolȝi þane laste dom. Vor huo hier him demþ zoþliche: him ne worþ non hede to by uorlore: ate daye of dome. And þus me lyerneþ kuead to knawe / an to beuly / and alle zennes to hatye / and grat and smal. and onderstonde þe holy drede of god / þet is beginnynge of guod lif: and of alle guode.

Ac hit ne is naȝt ynoȝ to lete þe kueades: bote me lyerny þet guod to done. and bote yef me zeche þe uirtues / uor wyþ-oute ham: non ariȝt wel ne leueþ. Þanne yef þou wylt lyerny wel to libbe be uirtue: lyerne zuo ase ich þe habbe yzed / to sterue. Todel þine gost uram þine bodye / be þoȝte / and be wylninge. guo out of Page  75þise wordle Steruinde. guo in-to þe londe of þe libbynde / þer non ne sterfþ [supplied by ed.] / ne yealdeþ. þet is ine paradys. Þer me lyerneþ wel to libbe / and wyt / an corteysye. uor þer ne may guo in: no uyleynye. Þer is blisfolle uelaȝrede of god. and of angles. and of halȝen. þer opwexeþ alle guodes. uayrhede. richesse. worþssipe. blisse. uirtue. loue. wyt. ioye wyþoute ende. Þer ne is non ypocrisye. ne barat. ne blondinge. ne discord. ne enuye. ne honger. ne þorst. ne hete. ne chele. ne kuead. ne zorȝe. ne drede of vyendes. ac alneway festes and kinges bredales. zonges. and blisse wyþoute ende. Þe ilke blisse is zuo grat : þet huo þet hedde ytake þer of ennelepi drope / of þe leste þinge þet þer ys : he ssolde by of þe loue of god zuo dronke: þet al þe blisse of þise wordle / him ssolde by / drede : and wo. Rychesses: dong. worþssipes: uoulhede. and þe ilke to greate loue þet he ssolde habbe to come þer: him ssolde by an hondred þouzen ziþe þe more hardiliche hatye zenne. and louie uirtues. þet is al þe drede of helle. huer-of ich habbe beuore ispeke. Vor loue is more stranger: þanne drede. And þanne is þet lyf uayr / and oneste : þanne me beulyȝt / þet kuead / and me deþ þet guod. naȝt uor drede / uor to by yspild: ac uor þe wylnynge of heuene. and uor þe loue of god. and uor þe greate clennesse : þet uirtue heþ. and guod lyf. And þe ilke þet loue ledeþ : he zekþ raþre / and lesse him costneþ / þanne him þet serueþ god: be drede. Þe hare yernþ. þe gryhond hym uolȝeþ. þe on be drede: þe oþer be wylnynge. þe on vlyȝþ: þe oþer hyne dryfþ. þe holy man yernþ ase grihond. þet habbeþ alday hare eȝe / to heuene : huer hi yzyeþ þe praye : þet hi driueþ. And þeruore hy uoryeteþ alle oþre guodes. ase deþ þe gentyl hond : huanne ha zyþ his praye / touore his eȝen.

Þis is þet lyf / of þe wel louiynde. of gentil herte / and affayted. þet zuo moche louyeþ uirtue: and hatyeþ zenne. þet yef hi weren zykere / þet me ne ssolde his Page  76 conne / ne god ne ssolde his awreke : ham ne daynede [typographic Fol. 22. b.] naȝt / to do zenne. Ac al hare þenchinges / and al hare wyllis: hire herten clenliche loki / and agrayþi / þet hi by worþi: to habbe þe blisse of paradys. huer no cherl ne ssel come in / ne uals. ne þyef. ne proud. uor þe worse ssolde by þe uelaȝrede.

HOU ME SSEL KNAWE GUOD AND KUEAD.

Nou ich þe habbe ysseawed / hou me tekþ wel to sterue / and lede guod lyf. Ac þou sselt ywyte / þet þe begynnynge uor to come to guode lyue : is to zeche uirtue. þet is þet me knawe / naȝt onlepilyche huet is zenne / and huet is elmesse : ac þet me conne riȝt wel knawe / and deme: huet is kuead / and huet is guod. and uor to dele þet zoþe guod : uram þe oþren. and þet greate guod / uram þe little. Vor þing þet me ne knauþ naȝt ne is yhated / ne ywylued. And þeruore sselt þou ywyte be þan þet þe wrytinges zyggeþ: þet þer byeþ zeue smale yefþes of god / þet me clepeþ þe smale guodes. on lite / an oþer grat / and zoþe. An onlepiliche byeþ guodes ariȝt. huerof al þe wordle ys nyeȝ begyled bezuyke [supplied by ed.] . Vor hi yeueþ þe greate guodes : uor þe little. oþer þe lesse / uor þe little. oþer þe greate / uor þe lesse. Vor þis wordle is ase a fayre / huer byeþ manye fole chapmen. þet of alle þinges / hi knaweþ þe propre uirtue and þet worþ. þet ous tekþ þe holy gost / and non oþer maister. He ous tekþ to knawe þe greate þinges uram þe little. þe preciouses / uram þe viles. þe zuete / uram þe zoure.

OF TIMLICHE GUODES.

Hy clepieþ þe smale guodes : þe guodes of time / þe guodes of fortune hap [supplied by ed.] . and þe leuedy fortune : went hare hueȝel eche daye / and benymþ / and yefþ. and went þet is aboue : beneþe. þet byeþ þe smale stones of gles ssynynde. and þe conioun his bayþ uor rubys. uor Page  77 safyrs. oþer uor emeroydes. þet byeþ as iueles to children. þet god ous yefþ / ous to solas. and uor oure loue: to draȝe to him. uor þet he wot þet we byeþ fyeble / and tendre. and hyealde we ne moȝe his. efterward / wayes of pouerté / of zorȝe / and of martirement / ase deþ þe guode godes knyȝt. þet þane kyngdom of heuene payneþ be strengþe to wynne be his prouesse. Þanne þise ne byeþ : ne grete guodes / ne smale aryȝt. Þanne wes a fol Iesu crist goddes zone. þet cheas pouerte. and ssame. an efterward : he uorzok / blisses. worþssipes. and richesses : yef þet byeþ þe zoþe guodes. Þanne ne byeþ naȝt / alle zoþe guodes ine heuene. Þanne ne is naȝt god parfitliche yblyssed : þet ne vzeþ naȝt zuyche guodes. þanne is god ontrewe / and onkende / þet þise guodes benymþ his urendes. and hise yefþ more largeliche : to his yuo. yef þet byeþ zoþe guodes : þanne weren foles alle þe halȝen. and alle þe wyse clerkes. and þe greate filosofes. þet þise guodes beuloȝe / and onworþede / ase dong. Yef þet byeþ zoþe guodes: þanne lyeȝþ god / þet lyeȝe ne may : and holy wryt. þet hise clepeþ / leazinges. and ssed. and metinges. and uanites. nettes. and bendes. and þe dyeules grines. and þet is zoþ / aze pater noster. Vor þet byeþ þe dyeules ginnes. huer-by þe zaules ine a þousond maneres he gyleþ / and nymþ / and bynt / and halt.

[Fol. 23. a.]

Ac þe wyse chapman / þet is þe guode man / þet þe holy gost alyȝt. be zoþe beknaulechinge / þet ouer al him knauþ / huet ech þing is worþ / and yzyȝþ hit riȝt wel. Hi onderstondeþ / þet al þe wordle ne is naȝt a guod snode: uor mannes herte to uelle. and þet þer is moche kuead : and litel of guod. And þeruore huo þet lokeþ þe perils / and þe kueades þet þer byeþ / and wyteþ þet hit is zoþ : þet hi conne zigge. he þet ne yefþ / þet he loueþ: he ne nymþ / þet he wylneþ. Hy makeþ to god ane handuol. uor hi yeueþ þe wordle: uor heuene. naȝt / uor al. hor : uor gold. and leteþ al uor Page  78 god. richesses. lostes. worþssipes. and becomeþ poure. Þet is þe uayriste lyf / an þe zykeriste : þet is ine þise wordle.

Þe oþre byeþ / þet yzeþ / þet ine uele maneres hi moȝe do hare prou / of guodes of time. þet me may hise habbe : ak naȝt to moche louye. Vor god ne hat naȝt / al to lete. hy hise ofhyealdeþ: ac litel hise prayzeþ. hi hise uzeþ : ac litel his louyeþ. ase dede saynt Abraham. Iob. and dauiþ. and uele oþre. þet þe perils beuloȝe: and deden hire profit / of þe guodes þet god ham lende : hi couþen begge heuene. hi couþen hire zennen uorbegge. and helpe hare nyxte. Hi coþen more louye god / and herye / and þonki. worþssipie. drede. and yleue. uor þe greate perils huer hi byeþ / and ham zelue þe more bouȝe / huanne hi yzeþ hare fieblesse / and hire poure loue / and hare defautes. huanne þane strayte way ne dorren guo. huanne zuo lyte wylleþ uor god þolye / and yeue / þet zuo moche þolede / and let uor ham / yef hi wel ham wytyeþ / ak str [supplied by ed.] ang hit is. Vor hit is wel liȝter þing: alle þe guodes of þe wordle lete / at on tyme uor god: þanne his ofhyealde / and naȝt louye.

OF ÞE LESSE GUODES.

Þe midel guodes / byeþ of kende: and of techinge. Of kende: ase uayrhede of bodye. prouesse. strengþe. zuyfthede. myldenesse. clyer wyt. sleȝþe. onderstondynge. and alle zuyche guodes þet kende berþ. Be techinge : ase grat clergye. ine alle oþre guodes: þet me wynþ be studye / oþer be guode wone / ase byeþ guode þeawes / and zome uirtues. Ac þise ne byeþ naȝt yet ariȝt þe zoþe guodes: uor hi ne makeþ naȝt þane / þet hise heþ uollyche guod. Vor manye filozofes / oþer of greate clierkes*. [MS. cherkes] / and of kynges / and of emperours / þet hedden moche of zuyche guodes: byeþ ydampned ine helle. Efterward / zuyche guodes yefþ oure lhord Page  79alsuo to his uyendes: ase he deþ to his uryendes. to sarazyns / and to ualse cristene : ase to þe guode. Efterward / hit ne is naȝt zoþ guod / þet fayleþ / and þet me may lyese wylle he nolle he. and þet þieues ne moȝe stele. ne robbere benime. alneway ate ende: dyeaþ his benymþ. Efterward / zoþe guodes helpeþ eche daye / and ne harmeþ neure. Ac uorzoþe zuyche guodes / and zuiche graces wyþoute: doþ ofte kuead / and harmeþ ham / þet hise habbeþ / bote hi hise ne wel usy. And huanne hi ham yelpeþ / oþer hi ham prodeþ / and oþren hy onworþeþ. Vor þe ilke to huam [typographic Fol. 23. b.] god heþ yyeue þe ilke graces / and þe ilke guodes / þet ich habbe beuore ynemned god uor to serui. and helpe his nixte. bote yef he hit ne vsy treueliche: he ssel by ine þe more gratter torment. and straytlyche him behoueþ rekeni. and yelde scele to god / ate daye of dome.*. [MS. domo] of þet he heþ ydo. and of þet he heþ ywonne / of þe guodes þet god him heþ ylend: uor to mory.

OF ÞE ZOÞE GUODES.

Nou ich þe habbe ssortliche yssewed / huyche byeþ þe lyttle*. [MS. lyltle] guodes / and þe midel guodes: nou ich þe wylle ssewy huet ys þe zoþe guod ariȝt: þet makeþ þan þet hise heþ: guod. and wyþ-oute ham: non ne wes neure ariȝt guod. Þet guod me clepeþ: godes grace. and uirtue. and charité. Grace: uor þet he yaf / helþe. and lyf. and zaule. uor wyþ-oute þise guodes: þe zaule is dyead. Vor ase þet body is dyead wyþoute zaule : alzuo is þe zaule: wyþoute godes grace. Hy is ycleped uirtue : uor þet hy worþssipeþ þe zaule myd guode workes / and mid guode þewes. Hy is ycleped charité: uor þet hy ioyneþ þe zaule to god. uor charité ne is non oþer þing: þanne dyere onhede. þet is þe ende / þet is þe perfeccion / and þe guodhedde / huer-to we ssolle ous draȝe. Moche weren þe egypciens deceyued. þet is to zigge / þe yealde filozofes þet zuo byzylyche desputede / Page  80and zoȝten huet wes þe heȝeste guod ine þise lyue. ne neure ne myȝten hit vynde. Vor zome hit zette ine loste of ulesse. þe oþre: ine richesses. and oþre / ine oneste lyf. Ac þe greate filozofe saynte pawel. þet wes ynome in to þe þridde heuene / and pasede alle þe oþre filozofes / ous proueþ be uele skeles. þet þe heȝeste guod ine þise lyue : ys þe kuen of uirtues dame charité. Vor he zayþ wyþ-oute hire: non oþer guod / ne is worþ. and huo þet þis heþ: he heþ alle þe oþre. and huanne alle þe oþre guodes fayleþ : þis ne faleþ naȝt. and aboue alle þe oþre greate guodes þet byeþ : þys is þe lheuedy. Þanne is þis þet gratteste guod: þet is onder heuene.

OF ÞRI MANERES OF GUODE.

And hueruore wylt þou þet guod / þet is ycleped riȝt uirtue more louie / and zeche aboue alle oþren: þis ich wylle yet eft / his worþ ssewy. Me can todele þri manere guodes. guod / worþssiplich. guod / lostuol and guod: uremuol. nanmore ne is of guodes. ne zoþe. ne ydele. bote þise þri maneres. and þet þou yzist openliche. Of þe guodes of þe wordle / þet non ne wylneþ / ne loueþ noþing / bote yef he wene: þet hit by him worþssipuol / oþer lostuol. oþer uremuol. Þe proude: zekþ þing worþssipuol. Þe couaytous : þing uremuol. þe lostuol: þing lykynde. And alle þet þise zecheþ ydelliche : is ine uirtue / zoþliche. Vor uirtue is þing wel worþssipuol. lostuol. and uremuol.

OF UIRTUE.

Þet uirtue is worþssipuol: þet myȝt þou ysy ine þise manere. Zyx þinges byeþ ine þise wordle moche [typographic Fol. 24. a.] ywylned / uor þet hit þingþ þet hy byeþ moche worþssipuol. uayrhede. wyt. prouesse. myȝte. vridom. and noblesse. Þise byeþ zix wellen of ydelnesse. Þanne ydele blisse is to moche. Vayrhede / is þing mochel Page  81 yloued. uor þet is þing moche yworþssiped. And naȝt uorþan uayrhede þet þe eȝe of þe bodye yzyȝþ / and loueþ. is þing uals / ssort. and ydel. Vals: yef he ne is uayr. ne þe ilke uayr. ac oure eȝen byeþ fyeble / þet ne zyeþ bote þet skin wyþ-oute. Þanne huo þet hedde þe zyȝþe ase heþ þe lynx / þet me clepeþ oþerlaker : leucernere. þet yzyȝþ þorȝ þane wal alouer. ha ssolde yzy openliche / þet non uayr body / ne is : bote a huyt zech uol of donge stynkinde. and ase a donghel besnewed. Efterward þis uayrhede is ssort. uor zone hit fayleþ and ualouweþ ase þet flour of þe uelde / anon ase þe zaule him todelþ. al þe uayrhede þet / þet body heþ: þe zaule hit yeaf. and uor þe zaule he hit heþ. Þeruore he is fol / þet of uayrhede of bodie him gledeþ. Ac þe uayrhede of þe zaule: is uayrhede ariȝt / þet alneway wext and neure ne ssel fayly. Þet is þe zoþe uayrhede / hueruore þe zaule to god likeþ / and to þe angles þet yzeþ þe herte. Þis uayrhede yelt / and yefþ / to þe zaule: grace. and uirtue. and loue of god. uor hy reformeþ / and agrayþeþ / and him yelt his ryȝte pryente. þet is þe ymage of his sseppere / þet is uayr wyþ-oute comparysoun. and þet best him anlykneþ: mest is uayr. þanne þet uayreste þing þet ys onder god : is þe zaule / þet heþ parfitliche his riȝte ssepþe / and his riȝte briȝtnesse / colour of flour. briȝtnesse of*. [MS. os] zonne. ssepþe of man. lykynge of preciouse stones. And al þet þe eȝe of herte yzyþ of uayr : is uoulhede and uelþe / to þe zyȝþe of him. and al þet me may onder gode þenche of uayr: hit ne may naȝt by ycomparisoned to him.

OF WYT / AND OF CLEREGYE.

Cleregye and wyt / byeþ þinges moche yworþssiped. Ac yef þou wylt by wys ariȝt. and heȝe cleregye lyerny: make þet þou habbe þet zoþe godes guod. þet is / grace / and uirtue. uor þet is þe zoþe wysdom. þet alyȝt þe herte of man. ase deþ þe zonne þe wordle. Þis wyt paseþ þe Page  82 wyttes of þe wordle / ase deþ þe zonne: þe brytnesse of þe mone. Vor yef wyt of þe wordle ne is bote folye ase zayþ þe wrytinge / and childhede / and onwyt. folye ine ham: þet þe wordle louyeþ / and hire uayrhede / þet hi ne conne yknawe / þane day: uram þe nyȝt. ne deme betuene grat / and smal. betuene precious / an vil. Hy weneþ of þe mone: þet hit by þe zonne. uor hi weneþ of þe worþssipe of þe wordle: þet hyt by þe zoþe blisse. of ane epple : an hel. uor hi weneþ by þe wordle : þet hit by wel grat þing. þet to þe ziȝþe of þe heuene ne is bote an eppel. hy weneþ of a gles : þet hit by a safir. uor hi weneþ þet hare myȝte / and hare strengþe : by wel grat. þet more is brekynde / and fyeble: þanne gles. Efter þe chil [supplied by ed.] dhede / þet þe wyt of þe wordle / and þo þet byeþ zuo wyse to loky þet body / and to eysy / and to delyty / þet libbeþ ase children. þet ne zecheþ bote hare wyl to done. In zuych uolk is [typographic Fol. 24. b.] skele dyad. and þeruore / hi libbeþ ase bestes. uor hare wyt is al myswent / and corupt. ase þe zuelȝ of þe zyke / oþer of þe wyfman grat myd childe. þet more hi uynt smak in ane zoure epple: þanne ine ane huetene lhoue. and þet child in ane cole: þanne ine ane guode mete. Alsuo zuych uolk ne moȝe yleue / þet þer by more blisse / and lost / ine god to serui / and to louie : þanne to done þe wyl of hare loste. uor hi ne conne deme / betuene zuete / and byter. Efterward / þis wyt / is onwyt. ine þan þet byeþ zuo moche sotyl ine kuednesse to uynde /ine oþren to gyly /and deceyui. oþer be playt / oþer be strengþe / oþer be barat. þet hy ne þencheþ / ne studieþ / bote ham zelue to auonci: and oþren to harmy. Þet wyt is þe dyeules wyt / ase zayþ saint iacob / þet eche daye him uondeþ / oþren to harmy. Ac þe zoþe wyt / þet þe holy gost tekþ to godes uryendes / is ine knauynge wyþ-oute wyþnimynge / þet ech þing is worþ. hit sseweþ þet þe wordle is ydel : ine byinge. vyl: ine worþ. biter: Page  83 in smac. þet þe blisse of þe wordle : is ydel. þe richesses : vil. þe lostes: bitere.

Efterward he yefþ to y-uele / þet þe loue of god / and uirtue / is zoþ þing / and of pris. Zoþ: uor hi uoluelþ þe herte / and norisset / and sostyeneþ. of pris : uor me may god / an al þet he heþ : begge. Zuete: uor þet is þe manne / þet alle þise þinges makeþ zuete. zuynch. zorȝes. tyeaers / and wepinges. ssames. martires. and alle pinen. and al þet me may þenche. Þet is þe zuete sucre / and of guod ssmak. and þet is þe wyt / and þe wysdom / þet þe writinge clepeþ / worþssipuol wysdom / huerof wext zoþe blisse ine inwyt.

Efter uirtues / an charites : he yefþ zoþe prouesse. þanne þer nys prowesse ariȝt: bote ine godes knyȝtes / þet þe holy gost heþ y-dobbed / and y-armed / mid uirtu / and mid charité. Ine prouesse byeþ þri þinges to-deld. hardyesse. strengþe. an stedeuestnesse. Non ne is aryȝt preus: þet þise þri þinges ne heþ. þet ne ys hardy / and zyker / to greate þinge ondernime. strang / and myȝtuol / uor to uolȝy. zed / and stable: uor to uolȝy. Ac wyþ-oute wyt / and wyþ-oute porueyonce : ne byeþ naȝt worþ non of þise þry þinges. Vor ase zayþ þe boc of þe art of knyȝthod / ine oþre quereles huanne me mysnymþ hou þet hit by uounde myd amendement Ac errour ine batayle / ne may naȝt by amended. uor hi is anon awreke.

Fole op-nymynge is huer lite profit liþ. and moche cost. and of peril. and of payne. Zueche byeþ þe opnymynges / þet me clepeþ prous. and hardi / ine þise wordle / þet body / and zaule brengeþ in-to zenne / and þe guodes also / and ine peril / and ine payne / uor a lyte lost to habbe : þet mochel is ydel / and litel ylest. Ac uirtue makeþ man of*. [MS. os] greate herte / and of wyse opnymynge þanne hi makeþ man þet ne is bote erþe / zuo hardi / þet he dar opnyme : þe regne of heuene to [typographic Fol. 25. a.] wynne. and alle þe dyeulen / þet byeþ zuo stronge / to Page  84 ouercome. Þis opnimynge : is guod / and wys. huer þer is lytel peril / and litel of pyne. and blisse. and worþssipe wyþ-oute mesure. Huo þet ne heþ uirtue : he ne heþ grat herte / ase heþ þe ilke þet heþ drede of naȝt. Zuyche byeþ þo þet zuo moche dredeþ þe kueades and þe aduersetes of þe wordle. and þet habbeþ drede uor to lyese: þet hi ne moȝe naȝt longe hyealde. ha neþ naȝt grat herte þet hit yefþ uor naȝt. ase doþ þo þet yeueþ hare herten to louie þe guodes of fortune / þet ine zoþe : ne byeþ naȝt / to þe ziȝþe of þe zoþe guodes of blisse. Þanne zuych uolc byeþ ase is þet child / þet loueþ more ane sseawere: þanne ane kingdom. an eppel : þanne al his kende. Ac uirtue yefþ grat herte ariȝt. uor uirtue makeþ wynne heuene : and onworþi þe wordle. grat berdone of penonce to bere. and alle þe kueades of þe wordle onderbere. and gledliche þolye. and uor god to leste / to alle þe asaylynges of þe dyeule wydstende. And ase zayþ þe wyse seneke. Naȝt ne habbeþ more of myȝte aye uirtues / kueade mysfalles / and zorȝes / ne al þet fortune may þreapny / an do : more þanne þer byeþ dropen of rayn ine þe ze. Virtue makeþ man hardi / ase lyoun. strang / ase olyfont. stedeuest and lestinde / ase þe zonne / þet alneway yernþ / and ne is neure wery. þanne þer ne is prowesse : bote uirtue.

MYȜTE.

Alsuo þer ne is non zoþe lhordssip: bote ine uirtue. A grat lhord he is : þet to huam al þe wordle serueþ. Zuych lhordssip / yefþ man grace and uirtue. Vor hi zet man spirituellyche ine his riȝte stat / huerinne he wes uerst ymad. Þe man wes ymad ine zuyche worþssipe / and ine zuyche lhordssipe : þet he wes lhord of alle ssepþes / þet were onder heuene. and to huam : alle þinges boȝen / and to huam noþing ne myȝte derye. and þet is þe riȝte stat to man and to his Page  85 lhordssip. Ac þis lhordssip he leas be zenne. ne he hit naȝt ayen ne miȝte awynne: bote be uirtue. Ac uirtue arereþ þane man an heȝ : and him deþ þe wordle onderuot / and him deþ wende to heuene.

Virtue makeþ þane man / more ariȝt lhord of þe wordle : þanne by þe kyng / of his regne. Vor of þe guodes of þe wordle / he heþ ase moche ase his herte wylneþ. Þer is his wone / and his sustinonce / and al þet he wyle habbe / more ynoȝ / þanne habbe þe kyng. uor al þet habbeþ þe guode / and þe kuede : al hit is his. Vor of zuo moche makeþ his prou / and of al hire god / and þonkeþ. and more loueþ / and dredeþ / and serueþ. ine þet he yziȝþ / and knauþ / þet alle ssepþes byeþ ymad him uor to serui. Efterward / he heþ anoþre empire / uayr / an grat / wyþoute þet non ne ys aryȝt lhord. uor he is emperour of him-zelue. þet is of his bodye : and of his herte. huiche he demþ / and halt ine guode payse / huerof he deþ his wyl. Vor his herte is zuo bliþe to þe wylle of gode : þet al þet god deþ : al hit is him uayr. and þerby heþ he alneway : þe herte ine peyse. and þet body gouerneþ be þe wylle of god / [typographic Fol. 25. b.] and al þet god deþ to his bodye : he yelt þonkes / and hym payþ. and þet is þe lhordssip / þet uirtue yefþ to þan þet hit heþ. Huerof specþ senekes þet zayþ. Ase moche worþssipe / and grat empireté*. [So in MS.] of þe kynge / by emperour of þy-zelue. A god uele byeþ þer kynges / and of barouns ine þe wordle / þet habbeþ casteles / cites / and regnes / þet ne habbeþ naȝt þis lhordssip. Þet of hare herten : ne byeþ naȝt lhordes. þet hyse tormenteþ ofte. oþer be yre / oþer be euel wil. oþer be couaytyse / oþer be wylnyn [supplied by ed.] gges. þet hy ne moȝe naȝt uoluelle.

VRIDOM.

Efterward / non ne heþ uridom : bote he habbe grace / and uirtue. Þanne yef þou wilt conne huet is Page  86 uridom ariȝt. þanne sselt þou onderstonde þet þe man heþ þri maneres of uridom. þe one of kende. þe oþre of grace / þe þridde of blisse.

Þe uerste is uri-wyl / huer-by he may chyese / and do / uryliche oþer þet guod oþer þet kuead. Þerne uridom he halt of god zuo uriliche þet non ne may him do wrang. ne alle þe dyeulen of helle ne moȝen mannes wyl strengþi to do one zenne wyþ-oute his wylle. Vor yef man. dede þet kuead to-yeans wylle : hit nere non zenne. Vor non ne zeneȝeþ ine þet he ne may naȝt bevly. ase zayþ saynt austyn. vridom habbeþ alle men. ac hit is ybounde ine children / and ine foles / and yne wytlease / þet ne habbeþ nenne skele / huer-by hi conne chyese : þet guode uram þe kueade. Þerne uridom þe man benymþ him-zelue ine grat del. huanne he zeneȝeþ dyadliche. uor him-zelue zelþ : uor þane lost of þe zenne. and him-zelue yelt to þe dyeule / and becomþ his þrel to þe zenne. zuo þet he ne may hit uorþrawe to his wylle / þet he heþ ymad zyker : bote þe grace of god him helpe.

Þe oþer uridom is þe ilke / þet habbeþ þe guodemen in þise word [supplied by ed.] le / þet god heþ yvryd be grace / and be uirtue / uram þe þreldome of þe dyeule and of zenne : þet hi ne byeþ þrelles. ne to gold / ne to zeluer / ne to hare caroyne. ne to þe guodes of fortune / þet þe dyaþ : ne may benime. Ac hy habbeþ hire herten zuo arered ine god: þet hi ne prayseþ þe wordle: bote ane botoun. and hi ne dredeþ kyng. ne erl. ne non misual. ne pouerte. ne ssame. ne dyaþ. uor hi byeþ half deade. and habbeþ þe herten zuo to-deld uram þe loue of þe wordle: þet hi abideþ and wylneþ þane dyaþ / ase deþ þe guode workman his ssepe. and þe lezere his heruest. and þo þet byeþ ine wo of ze : guod port. and þe prisons : hare deliureonse. and þe pylgrym : his contraye. and þise byeþ stedeuestliche vri / ase me may by ine þise wordle. Vor hi ne leueþ / ne dredeþ noþing bote god. and byeþ Page  87ine greate pays of herte. uer hy hys habbeþ yzet ine god. and byeþ nyeȝ ine paradys be wylnynge. And þe ilke vrydom : comþ of grace: and of uirtue.

Ac yet eft þis vridom: ne is bote þreldom / to þe zyȝþe / of þe þridde uridome. þet habbeþ þo þet byeþ nyeȝ deliured / of bodye / and of al. and myd gode [typographic Fol. 26. a.] byeþ / nou ine his glorie. þise byeþ zoþliche vry. uor hy byeþ delyured of alle wo / of drede / of deaþe / and of zenne. of wanhope. of gyle. and of þe wordle. of zorȝe. and of alle pyne of herte / and of bodye: wyþ-oute comynge ayen. of huyche þinges / non ne is ury ine þise wordle : huet hi is y-do.

NOBLESSE.

Hvo þet þanoþrene urydom huer-of ich habbe yspeke myȝte habbe : to greate noblesse hit ssolde come. Þe zoþe noblesse / comþ of þe gentyle herte. Vorzoþe non herte ne is gentyl : bote he louie god. þanne þer ne is non noblesse: bote to serui god an louye. ne vyleynye: bote ine þe contrarie. þet is god to wreþi / and to do zenne. Non ne ys ariȝt gentyl / ne noble / of þe gentilesse of þe bodye. Vor ase to þe bodye : alle we byeþ children of one moder. þet is of erþe: and of wose. huer-of we nome alle : uless and blod. of þo zide : non ne is ariȝt gentil / ne vri. Ac oure riȝte uader / is kyng of heuene / þet made þet body of þe erþe. and ssop þe zaule to his anlycnesse an to his fourme. An al ase hit is of þe uader ulesslich þet mochel is bliþe / huanne his children him byeþ ylych. al-zuo hit is of oure uader gostlich / þet be wrytinges / an be his zondes / ne let naȝt ous to somony / and bidde / þet we zette payne : to by him ilich. and þeruore he ous zente his blissede zone Ihesu crist in-to erþe / uor to brenge ous þe zoþe uorbisne / huer-by we byeþ yssape to his ymage / and to his uayrhede / ase byeþ þo þet wonyeþ ine his Page  88 heȝe cité of heuene. Þet byeþ þe angles / and þe halȝen of paradis / huer ech is þe more heȝ / and þe more noble / þe more propreliche þet he berþ þe ilke uayre ymage. And þeruore þe holy man ine þise wordle deþ al his herte / and al his payne to knawe god / and louye. And of hire herte: alle zenne to waynye. Vor þe more þet þe herte is clene / and þe uayrer : zuo moche he yzyȝþ þe face of Iesu crist þe more openliche. and þe more þet he his yzyȝþ openliche : þe more he him loueþ þe stranglaker. þe more he him likneþ propreliche. And þet is þe zoþe noblesse / þet makeþ ous godes zones. And þeruore zayþ riȝt wel saynd ion þe apostel. uor þanne we ssolle by godes children. and we ssolle by him ylich propreliche huanne we him ssolle yzy / ase he ys openliche. þet ssel by ine his blysse : huanne we ssolle by ine paradys. uor hyer ne zyþ non / onwryȝe þe uayrhede of god / bote ase hit by ine ane ssewere. ase zayþ sainte pauel. Vor þanne we him ssolle yzy face to face clyerlyche.

Þe zoþe noblesse þanne of man begynþ hyer be grace / and be uirtue. and is uolueld ine blysse. Þise noblesse makeþ þe holy gost ine herte þet he clenzeþ ine clennesse / and alyȝt ine zoþnesse. and uoluelþ ine charité. þise byeþ þe þri greteste guodes: þet god yefþ þe angles. ase zayþ saint denys. huer-by hy byeþ yliche to hare sseppere. And þus workeþ þe holy gost ine þe herten of guode men be grace / and be uirtue / huer- by hy byeþ ymad to þe ymage / and to þe anlycnesse of god / ase hit may byine þise lyue. uor he his arereþ zuo ine god / and his beclepþ zuo ine his loue / þet al hare [typographic Fol. 26. b.] wyl / and al hare onderstondinge is / þet is ....þet is hare beþenchinge þet is ywent ine god. þis loue and þis wylnynge / þet ioyneþ / and oneþ zuo þe herte to god : þet he ne may oþer þing wylny: oþer þanne god wyle. uor hi ne habbeþ betuene god and ham: bote onlepi wyl. aud þanne to þe ymage / and to þe anliknesse Page  89 of god. ase me may habbe in erþe. and þet is þe gratteste noblesse / and þe heȝeste gentilesse / þet me may to hopye: and cliue. A. god / hou hy byeþ uer uram þise heȝnesse / þo þet makeþ ham zuo quaynte of þe ilke poure noblesse þet hi habbeþ of hare moder þe erþe / þet berþ and norysseþ azewel þe hogges : ase hy deþ þe kinges. and hy ham yelpeþ of hare gentyleté / uor þet hy weneþ by of gentile woze. and þe ilke kenrede: hy conne riȝt wel telle. And þe oþre zyde hy ne lokeþ naȝt / huer-of ham comþ þe zoþe noblesse / and þe gentil kenrede. Hy ssolden loki to hare zoþe uorbysne Ihesu crist / þet mest louede / and worssipede his moder: þanne eure dede eny oþer man. and alneway huanne me him zede. 'sire : þi moder / and þi cosyn / þe akseþ.' He ansuerede. 'huo ys my moder / and huo byeþ myne cosynes? huo þet deþ þe wyl of myne uader of heuene: he is my broþer / and my zoster / and my moder.' Vor þis is þe noble zyde / and þe gentyl kende / þer-of comþ / and wext ine herte : zoþe blisse / ase of þe oþren ydele noblesse: wext prede / and ydele blisse.

GENTYL GUOD.

Nou ich þe habbe al uolliche ysseawed þet ich leue. þet þer ne is non guod aryȝt worþssipuol: bote uirtue / and charyté. þet ys uayr loue of god. Þet þer ne is non oþer guod profitable. Þis ous wytnesseþ saynte paul. þet zayþ alsuo. 'Yef ich hedde zuo moche wyt ine. me / þet ich couþe alle clergyes. alle speches. and speke alse wel ase myȝte man / oþer angel. and ich couþe godes priuites / and his redes. and yef ich betoke my body to slaȝe. and yeue al þet ich habbe to þe poure. and dede by miracle þe helles lheape uram one stede / to anoþre. bote yef ich ne hedde þe uirtue of charité: al hit nere me naȝt worþ.' Nou nim hede þet zaynte paul þet me ssel wel yleue. ous heþ hyer ynemned / þe meste gentile Page  90 guodes / þet man may do / and þet mest were ywoned: to by worþ. and profiti. Þet byeþ þe [supplied by ed.] porueyonces of bodye. and slaȝþe to þolye. helpe poure. to wende þane zenuolle. and connynge. an speches. and he [supplied by ed.] zayþ þet alle þise guodes wyþ-oute charité : ne byeþ naȝt worþ. and yef þise guodes ne byeþ naȝt worþ : hou ssolde lesse guodes by worþ ? Þis þi-zelf þe myȝt yzy be skele þet hyer beuore me heþ yzed. zuo moche is worþ þe man: ase is worþ his land. þet is ase zoþ / ase pater noster. Huo þet wel onderstant. hou / and huer-by / þe man is worþ / Oþer naȝt / oþer zomdel / oþer more oþer lesse / and þet ne is non drede / þet / þet ne by charite / and þe loue of god. Vor huo þet mest heþ : mest is worþ. [typographic Fol. 27. a.] and huo þet lest heþ: lest is worþ. and huo þet naȝt [supplied by ed.] *. [MS. naȝ] ne heþ : naȝt ne is worþ. Vor huo moche þe man het of timliche guodes / ase byeþ / gold / an zeluer. an richesses. oþer guodes gostliche. oþer kendeliche / ase byeþ / creft / and queyntyse. wyt / and clergye. strengþe / and prouesse. and oþre guodes. Hou ssel ich zygge þet hi doþ guod / þanne he ssel by þe more zoruollaker ydamned / uor þet he his benoteþ naȝt ariȝt. of þe guodes þet god him hedde ylend uor to winne. Efterward yef he deþ workes bodylyche / as doþ þise zuynkeres / and þise gememen. Oþer yef he deþ workes gostliche. ase byeþ uestinges. benes. ssrede þe poure. bere þe here. yef he is wyþ-oute charite: zoþ uor to zigge: hit ne is him naȝt worþ. Vor þeruore / þe more mede to-uore god him ne worþ þe raþre / yef he sterfþ wyþ-oute charite : y-damned ha worþ. Ac þe ilke þet heþ uirtue and charité guode/ of al þet god him zent ine þise wordle / of al he deþ his nyede. and of al he wynþ : grace of blysce.

Charité is a guod chapfare / þet oueral wynþ / and none time ne lyest. alle þe guode paneworþes hy bayþ. and deþ alneway his nyede. and naȝt uorþan: hy heþ alneway hire peny ayen / þet is þe loue of herte / þet is þe Page  91 godes peny / huer-mide me bayþ / alle þe guodes of þe wordle / and alneway ha blefþ uor euremo / ine þe purse. Loue heþ ine eche stede his zales. Charité wynþ ine eche þinge. and playntes. and hy heþ þe maystrie: ine alle batayles. Hi deþ / þet asemoche is worþ to onenen ueste enne day: ase to anoþren: al ane lenten. Hi deþ*. [MS. deȝ] / þet asemoche is worþ o peny to onen þet ha yefþ : ase to anoþren : an hondred pond. Zygge a pater noster: ase to anoþren a sautyer. and þet ne is uor non oþre skele : bote uor þet / þet zuo moche is worþ þe man / zuo moche byeþ worþ his workes. Vor þe more þet he heþ zoþe loue: þe more he wynþ eche daye. Loue is þe wyȝte ine þe balance zayþ [supplied by ed.] saynt Michel. uor non oþer þing ne may weȝe : huanne me comþ to nime ech his ssepe : bote loue and charité. and þeruore ich zigge / þet þer ne is non guod profitable aperteliche / and a riȝt speke : bote uayr loue / and charité.

OF TUO LOSTUOLLE GUODES.

Ase god made man of body an of zaule : alzuo he him heþ y-yeue tuo manere guodes lostuolle / uor his herte to him draȝe. ine huychen byeþ alle þe zoþe lostes. Þe uerste guod wyþ-oute : byeþ þe vif wyttes of þe bodye. be zyȝþe be hyerþe. / be smellinge. be zuelȝynge. and be takynge. Þise uif wytes / byeþ ase uif condwys / huerby þe lostuolle guodes of þe wordle guoþ in-to þe herte uor to deliti / and uor ham zouke to þe zoþe lostes / þet byeþ ine god to louie. Vor al þe lost of þise wordle / þet habbeþ þe vif wyttes / ne byeþ bote a drope of deau / to þe ziȝþe of þe welle. ac of þe greate ze / huer-of alle þise guodes comeþ. þe drope of þe deawe huanne me his zykþ auer : anlykneþ to ane stone. of pris. ac huanne me wenþ hine nime : he ualþ agrund / and to naȝte [typographic Fol. 27. b.] becomþ. Alsuo þe playinges of þe wordle / and þe Page  92 lostes of þe vif wyttes huanne me hise þengþ / and sseppeþ / and sseaweþ moche of pris : ac huanne me hise halt : alle hi byeþ uorlore / and becomeþ naȝt / and metinges. þench of þe lost of uernyere / and of metinge of nyȝt / þOu sselt ysy þet hit is al on. an haste guoþ : and zone comeþ. ine none manere uelle ne may; and þet ine one drope is zuo moche zuetnesse / þet hy ssel by þe zuetness of al þe welle. And þeruore þe wyse and þe holy man*. [men?] ine þise wordle / ine al þet hi zyeþ and smackeþ of þe guodes lostfolle of þise wordle : heryeþ god. and þe more wylneþ þe loue of him. and þe more þet hy yzeþ þe zuete dropes : þe more hy wylneþ to come to þe welle. And þeruore þet hi wyteþ wel / þet þe more me loueþ þane drope : þe more me uor-yet þe welle. and þe more þet lykeþ þe zuetnesse of þe wordle : þe lesse me wylneþ / þe zuetnesse of god. þeruore myd alle þe honden þet hy moȝe / hi nemeþ and useþ. þe lostes ulessliche / and þe pleȝes. þet be þe vif wyttes comeþ.

A. god hou hi byeþ foles / and more þanne a best. þet wyteþ / þet / þet body of man: is þe meste poure makynge. and þe vileste þet is. and þe spirit of man: is þe zaule. and ys þe nobleste þing / an þe heȝeste ssepþe þet may by. and naȝt uorþan / hy moȝe wene / þet more byeþ zuete / and lostuoller / þe guodes þet comeþ by þe bodye : þanne þo þet comeþ be þe goste. þet byeþ zoþe guodes / and clene / and lestynde / and moȝe þe herte velle and uoluelle. Zueche guodes yefþ god to man ine þise wordle. huanne he yefþ pays of herte. and þe maystrie of his vyendes. and blisse ef inwyt huanne he uoluelþ þe herte of loue. and of blisse gostlych / and him adrengþ of ane zuetnesse wonderuol. zuo þet he ne may him hyealde / ne him-zelue yuele. Of zuyche blisse / and of zuyche loste / no liknesse / ne non comparisoun ne may by yuounde ine yoyes / and ine lostes of þe wordle / þet ne byeþ bote dropen to þe ziȝþe of þe Page  93 welle of zuetnesse. Þet is þe welle huer-of oure lhord spekþ ine his spelle. 'Huo þet ssel drinke' he zayþ / 'of þe wetere þet ich wylle ye [supplied by ed.] ue him: hi*. [he?] ssel become a welle/ þet him ssel do lheape / in-to þe lyue eurelestynde.' Þet is þe welle of blisse / and of zuetnesse. of lyue / an [supplied by ed.] d of charité. þet may uoluelle þe herte / and non oþer þing þet is. Of þise welle hedde dauiþ y-nome / þet zede ine his sautere. 'O. god / hou is nou grat / þe mochelhede / of þine zuetnesse þet þou lokest to þine seruinde / and yefst to þine uryendes.' And uorzoþe huo þet hedde wel ytasted and ysmacked þe ilke zuetnesse þet god yefþ to his urendes: he ssolde onworþi alle þe lostes / and alle þe blissen of þise wordle. and wolde chise / and ofhealde þe gostliche blisse / and ssolde by ase þe ilke / þet bouteþ þet mele / þet to-delþ þet flour uram þe bren. and ase þe ilke þet makeþ þe oyle / [typographic Fol. 28. a.] þet nimþ þe pure grece : and let þet greate draf. Vor blisse of herte þet comþ of god to louie þet is zoþe blisse and ziker / ase zayþ þe uorbisne. þet non ne heþ zikere blisse / bote yef hi come of loue. And in þe writyngge ha clepeþ uile*. [Written for oyle] / oure lhord by be*. [So in MS.] þe profete / þet zayþ. 'Ich wylle' zayþ he 'vile of blisse uorwepinge. alle blisse / clene / and zoþe of herte / uor wop of penonce.' Of þise oyle byeþ ysmered / þo þet god heþ ymad kynges / and lhordes of þe wordle / and god zelf. and þanne is þe man ziker cristen /huanne he is ysmered myd þise holy crayme. Vor of crayme : is yzed crist : and of crist : cristendom. And huo þet is ysmered mid þise oynement: þet is þe blisse / and þe loue of god. he leueþ ine god : and god ine him. ase zayþ saint Ion þe apostel. and þet lif is of cristene. þet is ariȝt to speke / lif of man. þet is guod lyf and yblyssed þet cristene ssolle yleue / and wylny to zeche : to habbe þet lyf eurelestinde. uor he ne is naȝt alyue: ac ine langour / þet echedaye leueþ ine bysyhede / ine þoȝtes / ine zorȝes. ne þet ne is naȝt lyf of man : ac of child / þet nou wepþ / nou lheȝþ / and nou is wel an Page  94 eyse: and nou is euele aneyse. nou is wroþ / nou is ine payse. nou ine blisse. nou ine zorȝe.

Þanne huo þet wyle lede guod lif: zeche þet he habbe / þet zoþe guod. and þanne ssel he habbe lyf worþssipuol lyf. lostuol. and profitable. and þanne he ssel libbe ase a man. þet is to zigge: zikerlyche. hollyche. wysliche. and blisuolliche wyþ [supplied by ed.] -oute zorȝe. and to zuiche lyue me comþ: oþer be grace / oþer be uirtue. and naȝt oþerlaker.

OF UIRTUE MORE SPECIALLICHE.

Nou ich þe habbe aboue yssewed generalliche þe dingneté / and þe worþ / and þe guodnesse: of uirtu / and of charité : and hueruore me ssel hise zeche. Vor grat ureme þer comþ his uor to habbe. blisse. worþssipe / and lyf eurelestinde. Ac uor þan / þet me ne knauþ naȝt zuo wel þet þing ine general / ase me deþ in special : þeruore hyer ys myn ywyl to spekene of uirtue more openliche. zuo þet ech þet wylle ine þise boc studye : moȝe his lyf ordeyni be uirtue / and be guode dedes. Vor oþerlaker litel hit him ssolde by worþ to conne þet guod: bote me hit dede. Vor ase zayþ saynt iacob. He þet can guod / and ne deþ hit naȝt : þer is zenne / yef he misdeþ. Fol he is þet can þane riȝte way / and be his wytinde mysgeþ.

Þe holy writ comparisoneþ þe zaule and of þe guode manne / an of þe guode wyfmanne : to ane uayre gardyne uol of grenhede / and of uayre trawes / and of guod frut. Huerof god zayþ ine þe boc of loue. 'My zoster / my lemman / þou art a gardin besset / myd tuo ssetteles.' þet is þe grace of god / and of angles. Þerne gardyn zette þe greate gardyner / þet is god þe uader / huanne he nhesseþ þe herte / and makeþ zuete / and tretable / ase wex ymered. and ase land guod*. [ydegud (digged) has been erased.] and [typographic Fol. 28. b.] agrayþed / and worþi þet hy by yzet mid guode ympen. Þe ilke ympen byeþ þe uirtues / þet þe holy gost Page  95 be-deaweþ myd his grace. Godes zone þet is þe zoþe zonne be þe uirtue of his clernesse: deþ ham wexe an heȝ / and profite.

OF ÞRI ÞINGES NYEDUOLLE TO ÞE ERÞE.

Þyse þri þinges byeþ nyeduolle to alle þe þinges þet in þe erþe wexeþ. Guod molde. wocnesse norissynde. and renable hete. wydoute*. [So in MS.] þise þri þinges gostliche / ne moȝe þe ympen of uirtue / ne wexe / ne bere frut. þise þinges / makeþ þe grace of þe holy gost mid herte. and hi deþ al greny / and flouri. and bere frut. and hi makeþ alsuo / alse a paradis erþlich to lykerous. uol of guode traues / and of frut / and precious. Ac ase god zette paradys erþlich uol of guode trawes / and of frut. and amydde zette a trau / þet me clepeþ : þet trau of lyue. hueruore þet his frut hedde nyede to loky þet lyf / to þan þet hit ssolde ete / wyþoute steruinge / and wyþoute zyknesse. and wyþ-oute ealdinge. and wyþ-oute fyeblesse. Alsuo deþ gostliche to þe herte þe greate gardyner. þet is god þe uader. Vor he heþ y-zet þe trawes of uirtue / and amydde þet trau of lyue. þet is Iesu crist / þet zayþ ine his spelle. 'He þet eth my uless / and dringþ my blod : he heþ lyf eurelestinde.' þis trau greneþ and uayreþ be his uirtue : alle þo ine paradis. Be þe uirtue of þise trawe wexeþ / florisseþ / and makeþ frut : alle þe oþre trawes. Ine þise trawe al hit ys guod al þet þer is. þis trau is to alowe / and to louie / uor manye þinges. Vor þe rote. Vor þane wode. Vor þet flour. Vor þane smel. Vor þe leaues. Vor þet frut And uor. his uayre ssed. Þe rote of þise trawe / þet is þe wel greate loue / and to moche charité of god þe uader / hueruore he ous louede zuo moche / þet uor his kueade þrel to begge : he yaf his wel guode zone. and him deliurede to þe dyaþe / and to torment. Of þise rote spekþ þe profete / and zayþ. þet 'a yerd ssel guo out of þe rote of yesse.' þet word is worþ ase moche / Page  96 ase a becleppinge of loue. Þet wode / þet is his preciouse uless. Þe herte of þo traue : wes þe holy zaule / Ine huam wes / þe preciouse yolk of þe wysdome of god. Þe rinde / wes þe uayre conuersacioun / wyþoute. Þet zep: of þo traue / and þe tyeres / weren uour wel preciouses þinges / and of riȝt greate uirtue / þet of his preciouse lemes yourne. þet weren tyeares. zuot. weter. and blod. Þe lyeaues: weren þe holi wordes / þet helden of alle zycnesses. Þe floures : weren þe holy þoȝtes / þet alle weren uayre and oneste / and berinde frut. Þet frut / weren þe tuelf apostles / þet al þe wordle uedde an norissede be hare techinge / and by hare uorbisne / mid hare guode dedes / and þe benefices. þe boȝes / of þo traue / ine one wytte / byeþ alle þe ychosene þet *. [MS. euerte]euere were. and þet byeþ. and þet ssolle by. uor ase he zede to his apostles. 'Ich am' he zede 'þe vyne / and ye byeþ þe boȝes.' Ine anoþre wyt: þe boȝes weren þe uayre uirtues / and þe gloriouse uorbysnes / þet he ssewede be dede / and toȝte be mouþe þet weren þe uirtues uol-do and uolle of þe zoþe guodnesse / þet he [typographic Fol. 29. a.] ssewede to his priué urindes / þet weren þe tuelf apostles / þet he ledde in-to ane heȝe helle. priuelyliche. þer he zet ase zayþ þet godspel / and his deciples aboute him. Þanne he openede his mouþ / and his trezor þet he hedde ywreȝe ine his herte. and ham þus zeayde. Yblissed byeþ þe poure of goste / uor þe kyngdom of heuene is hyre. Yblissed byeþ þe mylde : uor hi ssolle by lhordes of þe erþe. Yblissed byeþ þo þet hyer wepeþ / uor hi ssolle habbe þet confort of god. Yblissed þo þet habbeþ honger and þorst of riȝt. uor hi ssol by uolueld. Yblissed byeþ þe merciuolle / uor hi ssolle uynde merci. Yblessed byeþ þe clene of herte / uor hi ssole yzi god aperteliche. Yblissed byeþ þe paysyble / uor hi ssolle by ycleped godes zones. Þise byeþ þe zeue boȝes of þe trawe of liue / of godes zone Iesu crist.

Page  97

Ine þe ssede of þise trawe / him ssel guod herte sseduy / and yzy þe ilke uayre boȝes þet bereþ þet frut of liue eurelestinde. Ine þise zeue wordes is beloke alle heȝnesse / and alle perfeccion of grace and of uirtue of zoþe blyssedhede. asemoche ase me may habbe ine þise wordle. and habbe and onderstonde: ine þe oþre. Þise byeþ þe zeue ruieles of holy lyf / þet þe zoþe salomon tekþ to his children. Þis is þe zoþe fllozofie / þet þe mayster of angles tekþ to his deciples. Ine þise zeue wordes byeþ besset ase ziggeþ þe halȝen / al þe summe of þe newe laȝe / þet is þe laȝe of loue / and of zuetnesse. hy is wel yzed newe : uor hi ne may naȝt yealdy / ase dede þe yealde laȝe to þe yewes. hi is zoþliche newe / and desgised uram oþre laȝes. Laȝe is yzed þeruore þet hy hare-zelue ne bynt. ake þe oþre byndeþ / and þis onbynt. Þe oþere chargeþ: and þis onchargeþ. Þe oþre þreapneþ : and þis behot. Ine þe oþre to strif: ine þise to pays. Ine þe oþre to uorzuerie : ine þise to loue. Ine oþre corsynge: ine þise blissinge. Þanne is þys / al uol of blissinge. and þeruore hi byeþ yblyssed þo þet hyse healdeþ zayþ salomon. Vor þe ilke þet his heþ: he heþ ywonne þet trau of liue. Hueruore þise zeue þinges touore yzed byeþ ycleped blyssinges. uor hy makeþ man yblyssed ine þise wordle ase man may by ine þise lyue: and more yblyssed ine þe oþre.

Nou hest þou yherd huo is þet trau of lyue / þet is amydde paradis / þet god zet ine þe holy zaule. Ine þe ssede of þise trawe / wexeþ / and profiteþ / and bereþ frut. þe traw of uirtue þet god þe uader / þet is þe greate gardyner / zet ine þe gardyne / and his wetereþ of þe welle of his grace / þet his deþ greny / and wexe / and profiti. An hise halt ine grenehede / and ine lyue. þe ilke welle hym todelþ ine zeue streames. þet byeþ þe zeue yefþes of þe holy gost / þet wetereþ al þane gardin. Nou loke þe greate cortaysie of oure zuete maystre Iesu Page  98 crist godes zone / þet com to þe wordle to zeche / an to souy / þet / þet wes uorlore. Vor þet he wyste wel oure pouerté / and oure fyeblesse. and uor oure zennes / we ville. Ac be ous we ne moȝe naȝt arise / ne come [typographic Fol. 29. b.] ayen. ne out of zenne guo. ne uirtue to zeche / ne come to þe blissede lyue / þet is of his grace and of his yefþe ne comþ. Þeruore he naȝt ne let ous uor to somoni / þet we hym bydde and bezeche his yefþes. And moche ous behat: þet yef we hym bezechiþ þing þet ous is guod: þet we hit ssolle habbe. And more he ous deþ of cortaysye. Vor he is oure playtere / þet ous makeþ oure bezechinge : þet we ne couþe naȝt maky / yef he nere. Þe bezechinge þet he ous made of*. [MS. os]his uayre yblessede mouþe: uayre. guode. ssorte. an cleuiynde : þet wes þet pater noster. huerinne byeþ zeue bezechinges / be huichen we bezecheþ oure guode uader of heuene / þet he ous yeue þe zeue yefþes of þe holi gost / þet hi ous delyuri of þe zeue dyadliche zennes / and hise strepe of al of oure herten. and ine hare stede : zette and uorþdraȝe / þe zeue uirtues / þet ous lede to þe zeue blissinges of perfeccion / and of holy lyf. huerby we moȝe habbe þe zeuen behestes þet he makeþ to his ychosene. Huerof oure onderstondinge is myd þe holy gostes helpe. Verst speke of þe zeue benes of þe pater noster. Efterward of þe zeue uirtues þet byeþ ayens þe zeue dyadliche zennes / huer-of we habbeþ aboue yspeke. Þe zeue benes byeþ / ase zeue uayre maydenes / þet ne leteþ naȝt uor to lhade of þe zeue streames þe quikke weteres uor to wetery þe zeue trawes þet bereþ þet fruyt of liue eurelestinde.

ÞE UORE-SPECHE OF ÞE HOLY PATER NOSTER.

Hvanne me zet a child to lettre. ate begynnynge me him tekþ his pater noster. Huo þet of þise clergye wyle conne: be-come milde ase a child. uor to zuyche scolers tekþ oure guode mayster Iesu crist / þise Page  99 clergie / þet is þe uayreste / and mest behofsam þet is. huo þet wel hit onderstant and of-halt. Vor zuyche weneþ hit wel conne and onderstonde : þet neuerte ne couþe bote þe rynde wyþoute / þet is þe lettre / þet is guod. Ac litel is worþ to þe zyȝþe of þe newen þet is wyþinne zuo zuete. Hit ys wel ssort ine wordes: and wel lang ine wytte. Liȝt to zigge / an sotil to onderstonde. Þis bene / paseþ alle oþre / ine þri þinges. ine digneté / in ssorthede. an ine guodnesse. Þe digneté is / ine þan þet godessone hit made. To god þe uader ine worde. God þe holy gost / þet is þet me acseþ. He wolde þet hit were ssort / uor þet non ne ssolde him werye: hit uor to lyerny. An uor þan þet non ne ssolde him tyeny hit uorto zigge gledliche / an ofte. A nd uor to ssewy / þet god þe uader ous yhyerþ wel zone: huanne wehim biddeþ mid guode herte. uor he ne heþ none hede of longe ryote of tales y-slyked / ne y-rymed. Vor ase zayþ sant gregorye. Zoþliche bidde / ne is naȝt to zygge uayre wordes / and y-slyked myd mouþe : ake keste playntes and dyepe zykynges of herte. Þe worþ / and þe profit of þise bene : is zuo grat / þet he beloukþ ine ssorte wordes / al þet me may [typographic Fol. 30. a.] wylny of herte. An to bydde wel to done. þet is þet me by delyured of alle kueade: and uolueld of alle guode.

HYER BEGINÞ ÞET PATER NOSTER.

Þvs beginþ þet pater noster. 'Vader oure / þet art ine heuene.' Loke hou oure guode spekeman / and oure zuete mayster Iesu crist / þet is þe wysdom of god þe uader / and kan alle laȝes / and þe wones of his cort þe tekþ wel to playty / and wyslyche / and sotilliche / an ssortliche to speke. Vorzoþe þis uerste word þet þou zayst / yef hit is wel onderstonde / and yuolȝed / hit þe ssel yeue al þine playnte. Vor saynt bernard þus zayþ. Þet þe bene þet begynþ be þe zuete name of þe Page  100 uader. yefþ ous hope to onderuonge alle oure byddynges. Þis zuete word / vader / þet al þe remenont makeþ zuete / þe sseaweþ þet þou sselt yleue. and þe somoneþ to þan þet þou sselt do. and þise tuo þinges soueþ man: huanne he ylefþ wel / and a-riȝt. an he deþ efterward / þet he ssel. Huanne þou him clepest uader / þou beknaust þet he is lhord of house. þet is of heuene / and of erþe: and heaued / and ginnynge / and welle / huerof alle ssepþes / and alle guod comeþ. and þus þe beknaust his miȝte. Efterward / zeþþe þet he ys uader / he is diȝtere / and gouernour / and porueyour / to his mayné. an nameliche of his children / þet is of man / þet him-zelf heþ y-mad and yssape / to his anlik- nesse. and þus þou beknaust his wysdom. Alast þanne þet he is uader be kende / and be riȝte / he loueþ þet he heþ ymad / ase zayþ þe boc of wysdome. and is zuete and milde. and zuo loueþ / and draȝþ uorþ his children. and ham deþ hare prou. and betere þanne hi conne deuisi. and he his byat / and his chasteþ huanne hi misdoþ uor hare prou ase guod uader / and bleþeliche he his onderuan [supplied by ed.] gþ / huanne hi comeþ to hym.

Nou ich þe sseawy þanne þis word þet þou zayst : vader. his miȝte. his wysdom. his guodnesse. He þe beþengþ of oþerhalf þe zelue. þine noblesse. þine uayrhede. þine richesse. More gratter noblesse ne may ich habbe: þanne to by zone to ane zuo greate emperur þet is god. More gratter richesse ne may by : þanne to by kyng of alle þing. More gratter uayrhede ne may by : þanne to by him ariȝt ylich. Huych uayrhede is zuo grat : þet hit paseþ þoȝt of man / and of angle. Þanne þis word / uader / þe beþengþ þet þou art zone. uor þet þou þe paynest him uor to by ylych. ase guod zone ssel by ylich his guode uader. þet is to zigge: þet þou by bold / and of grat wyl / and strang / and miȝtuol wel to done. and þet þou by wys / and y-wer / large / and cortoys / zuete / and milde clene and wyþ-oute Page  101uileynye / ase he is. and þet þou hatye zenne / and uoulhedes / and kueadhedes ase he deþ. zuo þet þou naȝt ne do aye kende. Þis vord þanne þe deþ beþenche / [typographic Fol. 30. b.] at alle þe times þet þou zayst þet pater noster: þet yef þou art ariȝt zone : þou sselt him anlykny be kende. be heste. and be riȝte. and þou him sselt loue. worþssipe. and reuerence. drede. seruice. and boȝsamnesse. Nou þench þanne huanne þou zayst þi pater noster / þet þou by him a guod zone and trewe / yef þou wylt þet he þe by guod uader. an milde. 'Þench huas zone þou art': me zayþ to þe newe knyȝte huanne he geþ into þe tornement. Nou þou yzyxt wel hou þis uerste word is zuete. and hou hit þe amonesteþ þet þou by bold and of guode wylle. and hit þe tekþ huych þou sselt by.

Nou ich þe acxy hueruore þou zayst 'uader oure.' and naȝt 'uader myn'? and þet þou him uelaȝest mid þe / huanne þou zayst: `yef ous' / and ne zayst naȝt 'yef me.'

Ich wile þe zigge yef þou wylt. Non ne ssel zigge / uader min. bote þe ilke þet ys his zone be kende wyþ-oute gynnynge / wyþ-oute ende / þe zoþe godes zone. Ac we ne byeþ naȝt his zones be kende / bote ase-moche þet we byeþ ymad to his anliknesse. ac alsuo byeþ þe sarasyns. ac we byeþ his zones be grace and by adopcion. Adopcioun zuo is a word of laȝe. uor by þe laȝes of þe emperurs / huanne an heȝ man ne heþ no child: ha may chiese þet child of a guod man yef he wyle. and maki him his zone be adopcioun. þet is be auoerie. zuo þet he ssel bi yhealde uor his zone auoud / and ssel bere his eritage. þise grace god ous made þe uader wyþoute oure ofseruinge. ase zayþ saynt pauel. Huanne he ous dede come to þe cristenedome we were poure and naked / and child*. [MS. chihd] of yre / and of helle. þanne huanne we ziggeþ 'vader oure' and we ziggeþ / 'yef ous.' we gadereþ alle oure broþren mid ous of adopcion / þet byeþ children of holy cherche. be þe byleaue þet hi onderuinge ine cristnynge.

Page  102

Nou ous sseweþ / huer-of þis word / oure. þe largesse / and þe cortaysye / of [supplied by ed.] god oure uader. þet ous yefþ more bleþeliche / ynoȝ / þanne lyte and to uelen : þanne to onen allone. Huer-of saynt gregorie zayþ. 'þe bene / þe more þet hi is commun : þe more hy is worþ. ase þe candele is betere bezet þet serueþ to ane halle and uol of uolk: þanne zy þet ne serueþ / bote to onlepy manne.' Þis word hat ous to yelde þonkes myd al oure herten. of þise grace þet he ous heþ ydo / huer-by we byeþ his children / and his eyrs. and þet moche ardontliche louye oure ealde broþer Iesu crist / þet ous uelaȝeþ wyþ him ine his grace.

Þis word ous amonesteþ þet we loki ine oure herte holylyche þane holy gost þet is oure wytnesse. Þis adopcion is ase weddes / ase zayþ saynte paul / huer-by we byþ zikere / þet we ssolle habbe þe eritage of oure uader. þet is þe blysse of paradys. Þis word ous tekþ and zayþ þet we byeþ alle broþren / grat / and smal / poure and riche. heȝ / and loȝ / of one uader / and of [typographic Fol. 31. a.] one moder. þet is of god / and of holy cherche. and non ne ssel oþren onworþi: ac louie ase broþer. and þe on ssel helpe þanne oþre: ase doþ þe lemes of þe zelue bodye. and ech bidde uor oþren ase zayþ saint Iocob. And zuo hit is oure ureme wel grat. Vor huanne þou zest þine bene ine þe uelaȝrede of al holy cherche : uor on paternoster þet þou zayst / þo wynst mo þanne an hondred þousond.

Þis word / oure. ous tekþ to hatye þri þing nameliche. Prede. wreþe. and auarice. Prede: deþ man out of uelaȝrede. uor he wyle by aboue alle oþren. Wreþe: deþ man out of uelaȝrede. uor huanne he werreþ wyþ enne: he werreþ wyþ alle þe oþre. Auarice: deþ man out of uelaȝrede. vor hi nele ne him / ne his þinges / communy mid oþren. And þeruore zuych uolk ne habbeþ part / ine þe holy pater noster. Þis word / 'oure' : ous sseweþ þet god is oure: yef we wylleþ. and þe Page  103uader. and þe zone. and þe holy gost. þet is yef we lokeþ his hestes. and zuo zayþ ine þe godsspelle saint Ion.

'Vader oure / þet art ine heuene.' Huanne ich zigge / 'þet þou art ine heuene' : ich zigge tuo þing. þet he is kyng / and þet he is at paradis. Alsuo huanne ich zigge / 'þet art / ine heuene' : ich zigge þet he is / and þet he is ine heuene. Me vint ywryte ine þe oþre boc of þe laȝe. þet god him ssewede to Moyses ine ane helle / and him zede. guo in-to egipte / and zay to þe kynge faraon of mine half / þet he þe delyuri mi uolk þe children of ys [supplied by ed.] rael / of þe þreldome / huerine he hise halt. 'lhord' / zayde moyses. 'yef me akseþ huet is þi name. huet ssel ich zigge ?' 'Ich am / þet am.' zayde god. Nou ziggeþ þe halȝen / and þe guode clerkes. þet amang alle þe heȝe names of oure lhorde: þis is þe uerste / and þe mest propre. and þet mest ariȝt ous tekþ uor to knawe / þet / þet god is. Vor alle þe oþre names huer hi spekeþ of his guodnesse. and of his wysdome. oþer of his miȝte. oþer he is zuich / and zuich. he is þe riȝt guod. þe riȝt trewe. þe riȝt wys. þe riȝt miȝti. and uele oþre maneres of speches þet me zayþ of him. þet ne ziggeþ propreliche þe zoþe of þe byinge of god. Ac we þet byeþ greate / an boystoyse to spekene of zuo heȝe þinge / speke we of god / zuo / ase we conne deuisi ane man / of huam me ne kan naȝt his name / ase me zayþ. he is kyng. he is erl. he is zuo grat. zuo uayr. zuo large. and uele of zuyche þinges / huer-by me may ywyte hou þet hit by þe man knawe. Ac ne ziggeþ naȝt ariȝt his name / ase we spekeþ of god: uele we uindeþ of wordes / þet ous sseweþ huet þet hit bi of him. Ac þer ne is non zuo propre*. [MS. propree] ase þis word / 'þet art.' þet zuo propreliche. zuo ssortliche. zuo cleuiyndelyche. zuo sotilliche / þe names nemneþ / ine zuo moche / ase onderstendinge him may strechche. Vor god is ase þe ilke / þet one is / ase zayþ saint Iob. Page  104 He one is / ariȝt to spekene. uor he one is / eurelestinde / wyþoute beginnynge. and wyþ-oute ende. þet me ne may zigge : of non oþre þing. Efterward he one is zoþliche. uor he is zoþ / and zoþnesse aboue alle þinges yssape. and zuo byeþ alle ssepþes ydele and ydelenesse. [typographic Fol. 31. b.] And ase zayþ Salomon [supplied by ed.] and naȝt to þe zyȝþe of him. and to naȝte ssolden come: bote yef he his ne sostyenede be his uirtue. Ate laste he one is zetnesse an uestnesse ine onelepi poynte wyþ-oute him to trobli / wyþ-oute him to chongi / wyþ-oute him remue ine none manere. ase zayþ saynt Iacob. Alle oþre þinges byeþ chonginde / ine eche manere of hare kende. Þanne is he propreliche yclieped*. [MS. has ycheped] : þet art. Vor he is zoþliche wyþ-oute ydelnesse / zetnesse / wiþ-oute enye chonge eure to yleste: wyþ-oute ende. wyþ-out heaued. wyþ-oute / wes. wyþ-oute / ssel by. uor þer ne is no gelt.

Nou þou sselt onderstonde zuo þet þer ne is naȝt þet me moȝe betere ywyte / þanne þet: þet god is. Ac þer ne is noþing zuo strang to conne / ase huet / and huet þing is god. Þer-uore ich þe rede wel / þet þou ne musy naȝt to moche / hit uor to zeche. uor þou myȝtest lyȝtliche guo out of þe riȝte waye. Hit is ynoȝ uor þe / þet þou zigge: 'lyeue uader þet art ine heuene.' Zoþ hit is þet he is oueral yhered. ine erþe. ine ze. ine helle. ase he is ine heuene. Ac me zayþ he is ine heuene / uor þet he is þe eldeste / and þe meste yknawe / and þe meste beloued / and þe meste yworþssiped. Efterward he is ine heuene gostliche / þet is ine holy bodyes þet byeþ heȝe. clyre. and clene. ase is þe heuene. uor ine zuyche herten: he ys ald. and yknawe. and ydred. and yworþssiped and yloued.

Nou hest þou yherd þise uour wordes. Pater noster qui es in celis. Þet uerste þe somoneþ / to worþssipie god. Þet oþer: to louie god. Þe þridde: to drede god. Vor þaȝ he by uader oure: alneway heys bezide / and Page  105naȝt chonginde. Þe uerþe þe to strengþi. uor asemoche ase he is zuo heȝ / and þou zuo loȝ. yef þou ne art bald / and of guode wylle : þou ne sselt naȝt come / huer he woneþ. Þet uerste word ous sseweþ þe langnesse of his eurebleuinge. þet oþer: þe brede of his charité. þe þridde: þe dyepnesse of his zoþhede. þe uerþe: þe heȝnesse of his magesté. Huo þet heþ wel þise uour þinges zoþliche wyþoute drede he ssel by yblyssed.

ÞE UERSTE BENE OF ÞE HOLY PATER NOSTER.

Nou hest þou yherd þe uorespeche of þe holy pater noster. þet is ase ane inguoinge of þe viþele. ey god / huo þet couþe wel al þane zang: hou he ssolde vinde uayre notes. Vor hit ne is no drede þet ine þe zonge / þet þe wysdom of god made / þe ilke þet tekþ þe uoȝeles zynge : ne heþ uele notes sotiles / and zuete / þaȝ þer by lyte lettre. Ine þise zonge byeþ zeue notes. þet byeþ þe zeue benes. þet porchaceþ þe zeue yefþes of þe holy gost þet strepeþ þe zeuen haued zennes of þe herte. and hi zetteþ / and norisseþ þe zeuen uirtues. be huychin me comþ to þe zeue blissinges. Of þise zeue benes / þe þri uerste: makeþ man holy / aze moche ase man may by ine þise wordle. þe uour efterward him makeþ stedeuestlyche: riȝtuol. Al þe holynesse of man / [typographic Fol. 32. a.] þet is ymad to þe ymage of þe trinité / þet is be þri þinges þet byeþ ine þe zaule. beþenchinge. onderstondynge. and wyl. ine þet þet þe zaule bi stedeuestliche yclenzed ine þe wylle. stedeuestliche aliȝt ine þe onderstondinge. stedeuestliche yuestned in god. mid god ine þe beþenchinge. and þe more þe zaule onderuangþ plenteliche þise þri ȝefþes of god : and hy more propreliche neȝlec [supplied by ed.] þ / to his riȝte uayrhede of his kende. þet is to þe anlicnesse of þe uader / and of þe zone / and of þe holy gost. Þet is huanne god þe uader him confermeþ his beþenchinge. god þe zone him alyȝt his Page  106 onder [supplied by ed.] stondinge. god þe holy gost heþ yclensed his wyl. þise þri þinges we bezecheþ ine þe þri uerste benes of þe pater noster.

Huanne we ziggeþ / sanctificetur nomen tuum. we sseweþ to oure guode uad er corteysliche oure principal desyr þet we ssolle eure habbe. þet is þet his name by yhalȝed and yconfermed ine ous. þanne huanne we ziggeþ / sanctificetur nomen tuum: þet is to zigge. 'sire/ þis is oure heȝe wyl / þis we bezechiþ toppe alle þing / þet þin holy name / þet is þi guode los þi knaulechinge / þi beleaue / by y-confermed ine ous.'

Ine þise uerste bene: we bezecheþ þe uerste and þe principal yefþe of þe holy gost / þet is þe yefþe of wysdom / þet uestneþ / and confermeþ þe herte in god. and his ioyneþ zuo to him: þet hi ne may by ondo / ne to-deld. Wysdom is yzed of smac / and of smacky. Vor huanne þe man onderuangþ þise yefþe: he zuelȝþ [supplied by ed.] / and smackeþ / and uelþ þe zuetnesse of god. Ase me uelþ þe zuetnesse of þe guode wyne ate zuelȝ / betere þanne to þe ziȝþe. Ac to þan þet þou onderstanst betere huet is to zigge / 'þi name by yhalȝed ine ous:' þou sselt ywyte þet þis word / holy / is ase moche worþ: ase / klene. ase wyþoute erþe. ase yhalȝed to godes seruice / ase y-dept ine blod / ase yconfermed. Ine þise uyf maneres halȝeþ þe gost of wysdom / þe herte of man. Verst he his wypeþ / and clenseþ / ase deþ þet uer þet [supplied by ed.] clenzeþ and fineþ þet gold. Efterward he deþ away al þe ilke uelþe / of alle erþliche loue. and of alle wylle of ulesse. and makeþ to comene al out of smak. al þet me wes ywoned byuore to louie. ase þet weter is out of smak to þan þet is ywoned to þe guode wyne. Efterward he him halȝeþ of al to godes seruice. uor he deþ him al away of alle wreþe. and deþ him al þenche of god. and to louie / and serui. Ase þe cherche is yhalȝed to godes seruice. zuo þet me ne ssel oþer þing do þerinne : þanne þe seruice of god. Efterward he depþ Page  107 ine blod. Vor he hise zet in ane zuo bernin [supplied by ed.] de loue / and one zuo zuete deuocion of Iesu crist. þet huanne he þengþ ine him / and his passion: he ys alsuo ydept / and al-suo dronke of þe preciouse blode / þet Iesu crist ssedde uor him: ase is a zop of hot bryead huanne me hit poteþ in-to wyn. þet is a newe cristninge. Vor depe and cristni: is al on. Efterward he him uestneþ [typographic Fol. 32. b.] zuo ine god / þet no þing ne may him to parti ne onioyni. Þanne he [supplied by ed.] wyle þis word nou zigge: 'þin name by yhalȝed ine ous.' þet is to zigge: 'yef ous þane gost of wysdom / be huam bi we zuo yclensed ase gold. and yuayred of alle uelþe / huer-by we ssolle by zuo uol dronke of þine loue: þet alle oþre zuetnesses / ssolle by ous bytere: be huam we ssolle by zuo yyeue to þe / an to þine seruise : þet neure mo of oþren we ne maky strengþe. be huam by we naȝt wyþoute more ywesse: ac zuo moche ydept yne grayne / and ynewed and eft ycristned ine þe bloode of Iesu crist be deuocioun of ueste loue / huer-by þe name of oure uader by zuo yuestned ine ous: þet he by oure uader and we his zones / and his eyrs. zuo yuestned þet no þing þet moȝe beualle ne moȝe ous ondo of þe ilke uestnesse / ne of þise grace.' Wel is hit grat grace of god hu [supplied by ed.] anne þe wyl is zuo yroted ine god huich / ne may to cryepe uor none uondinge. Wel gratter þing his huanne me is zuo yuestned ine þe loue and adrayngt in þe zuetnesse of god. þet no solas ne no confort me ne onderuangþ: bote of him. Ac y-yeue is þe herte parfitliche and yconfermed. uor þe memorie is zuo cleuiynde ine him: þet ne of no þing þenche / bote ine him. And þet we byddeþ him huanne we ziggeþ: sanctificetur nomen tuum. 'lhord þi name by y-halȝed ine ous.'

ÞE OÞRE BENE OF ÞE HOLY PATER NOSTER.

Adueniad regnum tuum. þet is þe oþre bene of þe pater noster. huer we byddeþ / þet godes regne come Page  108 to ous / and by wyþ-inne ous. Oure lhord zayþ ine his spelle to his deciples. 'þe regne of god: is nou wyþ-inne you.' Nou onderstand wel hou þet may by. Huanne god yefþ ane grace þet me clepeþ / þe gost of onderstondinge to þe herte. ase deþ þe zonne þet deþ away þe þyesternesse of þe nyȝt / and wasteþ þe cloudes / and þe hore urostes bi þe morȝen. Alsuo wasteþ þe holy gost alle þe þyesternesses of þe herte. and him sseweþ his zennes / and his defautes / zuo þet þe ilke wende by al klene. þanne wyndeþ hi zuo uele defautes. and of motes. and of doust wyþ-oute tale. Ase þe zonne byam sseweþ his motes / and þet doust þet byeþ beneþe ine þe house. Efterward he him eft sseweþ of oþre half naȝt wyþ-oute more þet / þet is wyþ-inne him / ac þet / þet is beneþe þe helle. and þet / þet is aboue him ine heuene. þet / þet is aboute him / alle uayre ssepþes : þet alle heryeþ god / and him wytnesseþ hou god is guod and almiȝti. wys. and uayr. grat and milde. zuete. and þe more me zyȝt þe sseppinges briȝte: þe more hit is wynynde him-zelue to yzyenne. Ac he yzyȝþ / þet he ne is clene / ne worþi him to zyenne : þanne anhet þe guode herte and trewe / and him wreþeþ to him-zelue. Þanne nymþ he his pic / and his spade / and beginþ to delue / and to myny. and geþ in-to his herte. Þerinne he vint zuo uele zennes / and vices / and zuo uele defautes / and zuo moche doust / and tribulaciouns of herte / and of þoȝtes / and of wyckede wylles / þet he him wreþeþ / and zorȝeþ. and nimþ a wycked wyl to him-zelue. zuo þet he beginþ þe herte [typographic Fol. 33. a.] to clensi to þe zoþe*. [Ms. zoþo] / and to keste out alle þe uelþes þet him benimþ þe ziȝþe of god ine him. and þet he deþ mid þe spade of zoþe ssrifþe. Ac huanne he heþ longe ymyned / and he heþ / alle his uelþes ykest out: þanne uint he pays / and reste / and solas / and blisse / zuo þet him þingþ þet al þe wordle by an helle to þe Page  109 lokinge of þe ilke clyernesse / and of þe ilke pays: þet he uint ine his herte. and þet we oxeþ: huanne we ziggeþ Adueniad regnum tuum. þet is to zigge: 'Leue uader / ylyky þe / þet þe holy gost ous wille alyȝte þe herte / and clensi and zuope / al-huet hi by worþi god uor to y-zy. and þet he wile come and wonie ase kyng / and ase lhord. and gouernour / and hotere. zuo þet al þe herte by his / and he by kyng. and euremo we him moȝe yzy. uor þet is lyf wyþ-oute ende. and godes riche habbe wyþ-inne ous.' Þeruore zayþ oure lhord in his spelle: þet godes riche is ase on tresor in þe uelde yhed. þet is ine herte. þet is gratter þanne al þe wordle.

ÞE ÞRIDDE BENE OF ÞE HOLY PATER NOSTER.

Fiat uoluntas tua / sicut in celo & in terra. Þis is þe þridde bene huerinne we byddeþ oure uader of heuene / þet his wyl by ydo ine ous: ase hit is ydo ine heuene. þet is ase þe holy angles of heuene / þet byeþ zuo aliȝt / and yuestned ine god: þet hi ne moȝe oþer þing wylny / bote þet god wille. Þis bene we ne moȝe habbe: bote yef we ne habbe / þe yefþe of red. þet is þe þridde yefþe of þe holy gost / þet ous tekþ his oȝene guod wyl. and þet he ous wende. oure wrechide wil / and hise confermy / al to þe heȝe guode. zuo þet he ne heþ ne oȝene wyt / ne oȝene wyl. ak his oȝene onlepiliche*. [Ms. onlepihiche] / þet hi by lheuedy of al þe herte yhollyche. and maki ine ous al þet hi wyle ase hi makeþ ine angles of heuene / þet makeþ echedaye his wil wyþ-oute misnim- ynge / and wyþoute wyþzigginge.

Nou hest þou yherd þe þri uerste benes*. [MS. benenes] of þe pater noster. þet byeþ þe heȝeste / and þe dingneste. Ine þe uerste / we akseþ þe yefþe of wysdom. Ine þe*. [MS. oþe] oþre: þe yefþe of onderstondinge. Ine þe þridde / þet guode red. ase ich þe habbe aboue yssewed. Þise þri þinges we ne byddeþ / naȝt uor þet we hise habbeþ ine þise Page  110 lyue dyadlich parfitlyche. ak we sseaweþ to ou [supplied by ed.] re uader oure wylles / þet byeþ / oþer ssolle by / to þan þet þise þri benes by ine ous ymad / and uolueld ine þe lyue eurelestinde. Þe oþre vour þet comeþ efter [supplied by ed.] ward we willeþ speke ane oþre speche. Vor we ziggeþ aperteliche to oure uader 'yef ous. uoryef ous. wyte ous. delyure ous.' bote þise vour benes of him we ne habbe : we byeþ dyade / an euele betake ine þise wordle. Vor hi byeþ ous nyeduolle ine þise lyue dyadlich.

ÞE UERÞE BENE OF ÞE HOLY PATER NOSTER.

Panem nostrum cotidianum da nobis hodie. Mochel ous tekþ oure guode mayster / to spekene myldelyche / and wysliche. huanne he ous tekþ to zigge. Vayre uader / oure bryad of eche daye / yef ous to day. Huet may þe zone betere acsy to his uader: þanne bread wyþ-oute more / uor þane day to endy ? He ne acseþ none [typographic Fol. 33. b.] outrage / ne wyn. ne uless. ne uiss. ac [supplied by ed.] bread wyþoute more he [supplied by ed.] byt. naȝt uor ayer / ne naȝt uor al þe woke. ac wyþ-oute more: þane day to endy. Nou hit þingþ þet hit by wel lite þing þet we acseþ: ac uor zoþe hit is wel grat þing. Huanne me bit þe broþerhede / and þe uelaȝrede / and part / and riȝt / ine alle þe guodes of þe house. Alsuo hit is huose þet smackeþ of þise breade. He heþ þe broþerrede. and part / and uelaȝrede. and riȝt. and ine alle þe guode dedes þet byeþ ine heuene. Þet is þet bread of þe ilke holy couent. Þet bread of heuene. þet bread of angles. þet bread lostuol. þet bread of lyue eurelestinde. Vor hit yefþ guod lyf / and lokeþ þe zaule wyþ-oute steruinge. Huer-of zoþ zayþ ine þe godspelle. 'Ich am þet bread of lyue / þet com doun uram heuene. huo þet ssel ete of þo breade : he ssel eure lybbe wyþ-oute steruinge.' þet bryad is mete ariȝt. uor hit stoncheþ al þane honger of þe wordle / and uelþ man þet he heþ ynoȝ / zuo ne deþ non oþer mete. Þet is þet bread and þe mete / þet þou nymst / of þe Page  111 sacrement of þe wyeuede / þet þou sselt ete zuyþe / and glotounliche / ase tekþ þe writinge / ase deþ þe lecherous þane guode mete: þet oþerhuil uorzuelȝþ þane guode snode / wyþ-oute chewynge. þet is to zigge / þet þou sselt nyme þerne mete mid greate wylle of herte / and mid grat lost. And þou hit sselt ase hit by uorzuelȝe / wyþ-oute chewynge. and þet is to zigge. yleue ine grat/ þet / þet hit is þe zoþe bodi of Iesu crist and þe zaule. and þe godhede / al to-gydere / wyþ-oute to zeche: hou hit may by. Vor god may more do: þanne man moȝe onderstonde. Efterward me ssel þerne mete eft chyewe / ase þe oxe þet gers þet he heþ uorzuolȝe. Þet is to zigge þet me ssel recordi zueteliche and smalliche be little stechches / alle þe guodnesses of oure lhorde and al þet Iesu crist þolede ine erþe uor ous. And þanne vint þe herte þane riȝte smac of þe ilke mete. and onder-uan [supplied by ed.] gþ ane wel greate hete of þe loue of god. and ane wel greate wylnynge to do ynoȝ an to þolye uor him al þet he miȝte. and al þis deþ þe uirtue of þo breade. Vor þet is þet bread þet conforteþ and strengþeþ þe herte / to þet hy by wel strang uor to þolye / and do grat þing uor godes loue. Ac þet ne may naȝt by wyþ-oute þe uerþe yefþe of þe holy gost / þet is y-cleped þe yefþ of strengþe / þet armeþ godes knyȝt / and him deþ yerne to by martired. and makeþ ham leȝȝe betuene þe tormens. Nou miȝt þou wel yzy hou corteysliche / huanne we acseþ þet ilke bread: we acseþ þane yefþe of stren [supplied by ed.] gþe. Vor ase þet bread bodylich / sosteneþ and strengþeþ þet bodi: alsuo þe yefþe of stren [supplied by ed.] gþe / makeþ þe herte strang to þolye / and to done grat þing uor god. Þet ilke bread we hit clepiyþ oure / uor hit wes ymad of oure doȝe. yblissed [typographic Fol. 34. a.] by þe guode wyfman : þet of hiren þet flour þer to dede. þet wes þe mayde Marie. and yfryd ine þe panne of þe crouche / ase he zayþ ine þe sautere. uorzoþe uorzoþe yfryd ine his oȝene blode. uor þet dede he / ine þe greate wylle of his loue / þet he hedde to ous. And þet is þet Page  112 bread tuies y-bake / huermide he astoreþ his ssip. þet is holy cherche / uor to pasy þe greate ze / of þise perilouse wordle. Hit is oure. uor he hit ous let: at his yleaue nymynge / and at his laste bequide / Iesu crist þe wel large / ase meste greate tresor : þet he ous miȝte lete. and hit ous yaf ase þet uayreste iowel / þet he ous miȝte yeue. and þet we hit ssolde loky: uor his loue. Hit is uorzoþe oure / uor noþing ne may / hit ous benime toyens oure wylle. We hit clepieþ oure bread of echedaye. þet is to zigge / of eche daye. uor þet is þe echedayes dol / þet god yefþ to his wel wilynde: þet eche daye doþ his seruice / and ziggeþ his oures. þet is to alle guode herten / þet eche daye zueteliche be zoþe loue makeþ memorie / and beþenchinge of his passion.

Þet greate of þe prouendre / we nimeþ ine oure heruest ine heuene / huanne we him ssolle ysy onwryȝe / ine his uayrhede / ase he is. Hit is ysed þeruore echedayes: þet eche daye / hit is ous nyeduol. and echedaye me ssel hit nyme / oþer ate sacrement of þe wefde / ase doþ þe prestes : oþer gostliche be riȝte byleaue. Þet bread is wel precious / an wel noble / and wel ydiȝt. þet is kynges mete / huerinne byeþ ech manyere lykinges / and alle guode smackes / ase zayþ þe boc of wysdome. þet ne is naȝt mete to gromes / ne to yeue. ne to piecaille. ne to cheuaille. ne to cherles. ac to noble herten and gentil. an cortays. and clene. þet is to þe herte þet is gentil be grace. noble / be guod lyf. yclensed / and ywesse be zoþe ssrifte. Of þise uirtue spekþ saynt matheu þe wangeliste / and hit clepeþ ziker bread substanciel. þet is to zigge : þet paseþ / and ouergeþ alle substances / and alle ssepþes be ver. ine uirtue / and ine dingneté / and ine alle oþre maneres of worþ. ne me ne may betere write / ne more ynoȝ : þanne wit substances. Me zayþ þet mete is þe miȝt [supplied by ed.] uoller / þanne he heþ ynoȝ of myȝte. and of norissinge. and þe more þet he is norissinde : me zayþ þet he Page  113 is þe substancieler. and þere-uore þet ine þise breade is more uirtue / and of guod / and of norture / þanne me moȝe þenche / oþer zigge. ne zayþ me naȝt þet hit is substanciel. alsuo me zayþ þet hit is ope substance / þet is / uirtuous / and substanciel aboue onderstondigge / and wenynge. Þet bread we byddeþ to oure uader. and him we biddeþ / þet he hit ous yeue to-day. ine þise daye / þet is ine þise dyadliche liue. zuo þet we moȝe maky ane guode iornee / and to abyde þe gledlaker oure ssepe. Þet is þe peny þet he yefþ to his workmen / hu [supplied by ed.] anne euen comþ. þet is þe ende of þe liue.

ÞE VIFTE BENE OF ÞE HOLY PATER NOSTER.

Dimitte nobis debita nostra sicut et nos dimittimus debitoribus nostris. Ine þise bene we biddeþ oure uader of heuene / þet he ous wylle uoryeue / oure misdedes / ase we uoryeueþ to ham: þet ous mis-doþ. [typographic Fol. 34. b.] oþer habbeþ mis-do. þanne zigge we þus. 'Leue uader / uoryef ous oure dettes: ase we uoryeueþ oure dettours.' Oure dettes: byeþ oure zennes / þet we habbeþ ydo wexe ope oure zaulen. þet is þet beste wed of þe house. Þe zenuolle be one zenne dyadlich / þet zuo zone is y-pased / ase to þe loste / oþer ase to þe dede / is y-obliged to zuo ane greate gauelinge: þet he ne heþ miȝte to hit endi. þet is to þe pine of helle / þet is wyþ-oute ende. Efterward / he ssel to gode / þet he heþ ywreþed / zuo grat amendes: þet he ne heþ miȝte uor to yelde. Vor ine al his lyue þaȝ ha leuede an hondred year oþer more: he ne miȝte naȝt do uoluellinde penonce of one dyadliche zenne / yef god wolde usy to yelde dom. And þeruore hit behoueþ to yerne to þe cort of merci and bidde merci / and aksy uoryeuenesse. Vor be þe riȝte of þe cort of dom / þe zeneȝere ssolde by demd / and ycondemned to dyaþe eurelestinde. Þeruore oure guode mayster Iesu crist ous Page  114 tekþ zuo to oxi uoryeuenesse and quittinge huanne we biddeþ oure guode uader þet is zuete and milde / uor to ye [supplied by ed.] uene: large and corteys / þet he ous uorye [supplied by ed.] ue oure misdedes.

Ac nim wel hede hou þou bidde. 'Voryef ous oure misdedis / ase we uoryeueþ to ham: þet ous habbeþ misdo.' Vor yef we ne uoryeueþ to ham þet ous habbeþ mis [supplied by ed.] do: god ne uoryefþ naȝt ous oure misdedes. ase he him-zelf zayþ ous / ine þe godspelle. Þanne he þet zayþ his pater noster / and heþ ine his herte hate / wreþe / oþer wyckedhede: he bit more aye him-zelue : þanne uor him-zelue. Vor he bit god / þet he ne uoryeue him naȝt / huanne he zayþ. 'uoryef me: ase ich uoryeue.' and uor þet at alle þe times þet þou zayst þi pater noster beuore god þet yziȝþ þine herte : þou sselt uoryeue þine wyckede wil / and keste out of þine herte: alle wreþe / and alle hate. and euelwyl. oþerlaker þi bene is more aye þe : þanne uor þe. Yef hit þe þingþ strang þing and kuead uor to uoryeuene / þin euel wyl to ham þet þe hatieþ / oþer þet þe kuead willeþ / huer he al misdeþ: þench þet god uoryaf his dyaþ to ham þet him dede aþe rode / þe uor to yeue uorbisne / uor to uoryeue to ham / þet þe habbeþ misdo / and more yet eft : ham guod do: yef hi habeþ nyede [supplied by ed.] to þe. Vor ase he zayþ ine his spelle. Ne is hit naȝt grat þing ne grat ofseruinge aye god to do guod to ham þet ous doþ guod. ne to louie þo þet ous louyeþ ? Vor þet deþ þe paen / and þe sarasyn / and oþre zeneȝeres. Ac we þet byeþ godes children be byleaue and be grace / and we byeþ cristene ynemned of Iesu crist / and we byeþ eyrs mid him of þe heritage of paradys / of ous to uoryeue þe on to þe oþre / and louye oure uyendes. þet is to zigge hare persones. an bidde uor ham / and do ham guod yef hy habbeþ nyede and þou hit miȝt [supplied by ed.] do. Vor þus he hit hat ine his spelle. Þanne ssolle we onlepiliche hatye þe zennes / and louie þe zaules. þet byeþ ymad Page  115to þe anliknesse of oure lorde. Alsuo ase a leme of þe bodye / loueþ and uorberþ an oþer. yef o leme blecheþ [typographic Fol. 35. a.] an oþer be cas. þe oþer naȝt him awrecþ þeruore. We byeþ al o body ine Iesu crist / ase zayþ þe apostel. and þeruore we ssolle ech louye oþer / and naȝt hatie / ne harmi mid wrong / on / þe oþer. Huo þet oþerlaker deþ : he is manslaȝte / and him-zelue damneþ ase zayþ þe wrytinge. Zuych can zigge his pater noster : him were betere þet he were stille. uor he let his domesman: ayens him.

Ine þise bene þet we doþ to gode. we him bezecheþ one yefþe of þe holy gost / þet is y-cleped / þe yefþe / of connynge. þet makeþ þane man ine þoȝte and uol of wytte. þes gost him sseweþ huet he is. and ine huet peril he is. and huannes he comþ. and huyder he geþ. and þet he deþ. and þe misdede þet he heþ ydo. and hou moche / he heþ hyer ywonne. and hou moche he ssel. And huanne he yziȝt þet he ne heþ huermide endy: þanne him deþ þes gost wepe / and grede merci to god / and zigge. 'Lhord / uoryef me mine dettes. þet byeþ myne zennen. Vor ich am mochel ine dette ayen þe / and uor þe queades þet ich habbe ydo. and uor þe guodes þet ich habbe uoryete / and ylete to done. þet ich myȝte / and ssolde habbe ydo. And uor þo guodes þet þou me hest ydo. and þine greate guodnesses þet ich habbe eche daye onderuonge / huyche ich habbe kueadliche yvzed / and þe kueadliche yserued. And þeruore lhord ich ne habbe huer-of maki þe yeldinge: uoryef me þet ich þe ssel.' Huanne þes gost him heþ zuo alyȝt / þet he knauþ his defautes: and þanne him deþ keste out of þe herte alle wreþe / and alle hate / and al to uoryeue his euele ywyl / yef þer is eni. and yef þer ne is : he is ine wylle and ine porpos uor to uoryeuene mid herte / yef me him misdeþ. And þanne may he zigge wel. 'Vayre uader uoryef ous oure misdedes / ase we doþ to ham: þet ous habbeþ misdo.

Page  116

ÞE ZIXTE BENE OF ÞE HOLY PATER NOSTER.

Et ne nos inducas in temptacionem. þe ybernde : uer dret. and þe ilke þet oþerhuyl yualle is in-to zenne. huanne þe zenne him is uorye [supplied by ed.] ue: he is þe more milde: and þe more dreduol / and þe more he heþ grater drede of uondinge. Þeruore bit he hier to huam god his misdedes uoryefþ / þet he hine loky uram ayen-uallinge. Et ne nos inducas in temptacionem. þet is to zigge. 'Vayre zuete uader / ne led ous naȝt in-to uondinge.' Þe dyeuel is þe uondere. vor hit is his creft / huer-of he serueþ ine godes house / uor to proui þe newe knyȝtes. and yef þe uondinge nere guod and uremuol to guode / god þet al makeþ uor oure guode / nolde naȝt þolye þet hi come. Ac ase zayþ sant bernard. huanne þe uondere ous knokeþ ope þane reg: he ous ssepþ oure corounes of blisse. Ase þe ilke þet ope þe regge of þe guode knyȝte / smit and beat / him ssept his los : and his blisse. Þe dyeuel þerto propreliche uondeþ þane man : þet he hine myȝte wyþ-draȝe uram þe loue of god. þeruore bit sainte pawel his deciples / þet hi by yzet ase tours. yroted ase trawes : in loue. zuo þet non uondinge him ne moȝe refye / ne rocky. Þeruore ine [typographic Fol. 35.b .] þise bezechinge we acseþ help of gode ine oure batayle / and þe yefþe of pité. þet is a grace þet bedeaweþ þe herte and makeþ his zuete and reuþeuol. and makeþ his al become grene / and berþ ynoȝ frut of guode workes wyþ-oute and wyþ-inne erþe / strengþi his roten ine þe erþe of libbende. þet is ase þet guode mortyer / huer-of me makeþ þe guode walles sarzineys þet me ne may naȝt breke / ne mid pic / ne mid mongenel. Þanne huanne we ziggeþ. et ne nos inducas in temptacionem. þet is to zigge. 'Vayre zuete uader / make oure herten ueste / an stedeuest / þet hi ne ssake uor none uondynge þet to hare comþ.' We ne byddeþ naȝt / þet we ne ssolle by uonded : Vor þet were a fole Page  117bezechinge / and ssamuol. Ase þe zone of a guod man þet ssel by a newe knyȝt him bezekþ. `Leue uader ich þe bidde þet þou me loki þet ich ne guo neuremo: ne to ioustes / ne to tornemens.' We wylleþ wel þet we by yuonded. vor hit is oure ureme ine uele maneres. uor we byeþ þe more ymylded / and þe dreduoller / and þe more wys ine alle þinges. and þe more worþ / an þe more asayd. Vor ase zayþ salomon. Ze þet ne heþ þise uondinges: he ne may noþing wel conne. bote ase me kan þe batayle of troye / be hyere-zigginge. Vor he ne may him-zelue yknawe / ne him uestni ine þ e strengþe of his uyendes / ne hare sotylhede. and hou god is trewe to þe nyede / his uryend uor to helpe. ne of hou uele zennes / ne of hou uele perils / he heþ þe ofte yloked. and uor alle þise skeles / he ne ssel naȝt ariȝt conne god louie / ne him þonki of his guode. Ac we him biddeþ þet he loky oure herten / þet hi ne guo in- to uondynge / þet is þet hi ne consenti. Vor al þet is of ous : we byeþ zuo poure / and zuo fyeble / þet we ne moȝe naȝt ane time of þe daye þolye þe asaylinges of þe dyeule: wyþ-oute þe help of oure lhorde. And huanne he ous fayleþ: we guoþ þer-in. Huanne he ous helpþ: we wyþstondeþ. and we uyȝteþ / and we ouercomeþ. And þeruore we ziggeþ. 'Lyeue uader ne led ous naȝt in-to uondinge. þet is ne þole naȝt / þet we go in-to consentinge.'

ÞE ZEUENDE BENE OF ÞE HOLY PATER NOSTER.

Sed libera nos a malo / amen. Saynt austin zayþ. þet þe oþre vices ous makeþ oþer þe kueade to done: oþer þe guodes lete to done. Ac al þet me heþ ydo. and alle þe yefþes þet he heþ yporchaced : prede is ine wille to destrue / and to benime. An þeruore hu [supplied by ed.] anne god heþ y-yeue to man þet he him heþ ybede ine þise zeue benes beuore yzed. þane uerst hit is nyed uorzoþe: þet he him delyuri of þe kueade / and of his aspiinges. Page  118 And þeruore comþ alast þis bene / ase þe efter-warde / þet zayþ þous. Sed libera nos a malo. amen. þet is to zigge: 'Lyeue uader deliure ou [supplied by ed.] s of þe kueade. þet is to zigge: of þe dye [supplied by ed.] uele. and of his sleȝþes. þet we ne lyese be prede / þe guodes: þet þou ous hest y-yeue.' Inne þise bene we him biddeþ / þet he ous yeue þe yefþe / of drede. huer-by we ssolle by delyured of þe kueade/ and of alle oþer kuead. Þet is of alle zene / and of alle [typographic Fol. 36. a.] perils ine þise wordle : and ine þe oþre. Amen.

Nou hest þou y-herd þe notes / þet me kan noty ope þise zonge þet god made. þet is þet pater noster. Nou loke þet þou hit conne wel zinge ine þine herte. Vor grat guod þe ssel beualle : yef þou zuo dest.

ÞE ZEUE YEFÞES OF ÞE HOLY GOST.

Efter þe zeue benes þet byeþ y-contyened ine holi pater noster: ous be-houeþ to spekene mid greate reuer- ence / of zuo heȝe materie / ase of þe zeuen holy yefþes of þe holy gost / ase he himzelf ous ssel teche. And uerst we wylleþ zigge: huyche byeþ þe yefþes. Efterward hu [supplied by ed.] eruore hi byeþ y-cleped / yefþe. and huereuore yefþe of þe holi gost. Efterward hueruore þer byeþ zeuen / ne mo / ne les. and efterward of þe guodes þet hi ous doþ. Wone is and cortayzie / þet hu [supplied by ed.] anne man is riche / and worþi / and noble / and comþ to his spouse / and he hise loueþ mid al his herte and hire brengþ of his ioiax. Ysaie þe profete yzeȝ ine goste þe ilke blisuolle bredale / þet wes ymad ine þe wombe of þe blisfolle mayde marie/ huanne godes zone nom / and spousede oure zoster and oure uless. oure manhode / and oure kende. Yef we telleþ þe ioiax and þe uayre yefþes þet he broȝte mid him uor to yeue to his spouse / and to his eldringes / and zayde þous þe zuete profete wel corteisliche. 'Of þe rote of iesse ssel guo out a yerd / þet ssel bere þet flour of nazareþ.' þet is to zigge : þet flour / of flours. Vor nazareþ : is asemoche worþ / ase Page  119 flour / and grace. ase moche ase cos. and ope þet flour: him ssel resti þe holi gost. þe gost of wysdome: and of onderstondinge. þe gost of strengþe : and of uirtue. þe gost of wytte: and of pité. þe gost of godes drede. þise byeþ þe graces huer-of he wes al uol / uram þe time þet he wes onderuonge in-to þe wombe of his moder. ase þe greate ze is uol of wetere / and welle of alle weteres / zuete / an zalte. huer-of hi wetereþ al þe wordle. Alsuo wes he ase zayþ sayn Ion / zuo uol of grace and of zoþe / þet of his uolhede : we nimeþ al. Þise zeue gostes / and þise zeue yefþes we onderuongeþ al / mid þe holy cristninge. Ac ase þe graces bodiliche þet god yefþ to þe childe / ine wytte / ine guodnesse / and ine strengþe / and ine oþre graces þet he yefþ to his wylle. to echin he him sseweþ litel / and litel. ase þet child wext / and comþ uorþ. Alsuo is he in his graces gostliche be þan þet ech profiteþ ine guode / and agrayþeþ his herte / and him yefþ to gode : be þan þet god him yefþ more / and more of grace. And þet sseweþ þis yefþe be worke / þe on : ine þe on. and þe oþer / ine þe oþer. ase hit lykeþ þe holy gost / þet his todelþ to his wille. ase zaynte paul zayþ. Þanne ine ous beginneþ þise graces ase þe uirtues ine loȝ. and sseweþ an heȝ. And þet is of drede. Þanne ine wysdome. Vor drede is beginninge of wysdom. ase zayþ dauid. Ac ine him weren echedaye alle þe graces / and alle þe uirtues wel [typographic Fol. 36. b.] uolliche wyþ-oute enie mesure. and þeruore his zet þe profete dounward / ech yefþe be þe ordre of hare dingneté. Alsuo ase zeue benes byeþ yzet beuore be þe ordre of hare dingnetes. þe heȝeste beuore. and þe loȝeste efterward.

HUERUORE HI BYEÞ Y-CLEPED YEFÞES.

Þise graces byeþ yhote yefþes uor þri skeles. Verst uor hare dingneté and hare worþ. yef me yefþ ine þe kinges cort ane robe to ane childe / oþer ane poure Page  120manne: ane dissuol of pesen / þet ne is no þing þet by worþi to by ycleped yefþe of kyng. Þeruore saynt iacob clepeþ alle þe oþre guodes þet god yefþ / and timliche / and gostliche. nauȝt yefþes : ac y-yeue. þet by chonginde / and guoinde. Ac þise graces he clepeþ yefþes uolueld. Vor he his ne yefþ to nonen: þet he ne yefþ him-zelue. Þe oþer scele is / uor þet þe oþre graces / and þe oþre guodes he ous lenþ uor to usy ine þise liue. Ac þise byeþ yefþes ariȝt wyþ-oute wyþnymynge / and wyþ-oute lere. Vor huanne þe oþre ssolle fayli / þise ssolle ous bleue. Þanne byeþ hi zuo propreliche oure : þet we his ne moȝe naȝt lyese wylle we nolle we. ase we moȝe þe oþre. Þe þridde scele and þe heȝeste is. uor þer byeþ yefþes clenliche be loue. and þou wost wel þet yefþe lyest þane name of yefþe: huanne hit ne is naȝt y-yeue clenliche be loue. Vor huanne þe yeuere heþ ziȝþe to his oȝene prou : þet ne is no yefþe : ac raþre is chapuare. Huanne he yzyȝþ guodnesse onderuonge / oþer seruice / þet ne is no yefþe / ac hit is raþre dette y-yolde. Ac huanne þe yefþe comþ propreliche and clenliche*. [MS. chenliche] of þe welle of loue wiþ-oute prou. wyþ-oute yefþe. wyþoute drede. wyþ-oute enie dette : Þanne is hit ariȝt ycleped / yefþe. Huerof þe filosofe zayþ. þet yefþe / is yeuynge: wyþoute ayen-yefþe. þet is wyþ [supplied by ed.] -oute onderstondinge of ayenyefþe. ac wyþoute more : uor to zeche loue. Ine zuyche manere god yefþ ous his yefþes clenliche / uor þe loue þet he heþ to ous / and uor to gaderi oure herten. and oure loue. and uor þise scele : propreliche hi byeþ y-cleped / yefþes.

HUERUORE HI BYEÞ Y-CLEPED YEFÞE OF ÞE HOLY GOST.

Ac hueruore hi byeþ y-cleped / yefþe of þe holy gost : þanne*. [more þanne?] yefþe of þe uader / and of þe zone. uor alle hire dedes / and hire yefþes byeþ commun. (?) Þer-to byeþ tuaye sceles. Þe one. uor þan þet ase workes of myȝte / byeþ appropred to þe uader. and þe workes of Page  121wysdom / to þe zone: alsuo þe workes of guodnesse : to þe holy gost. vor*. [MS. wor] guodnesse is / ase zayþ sanyt denys / to lere him-zelue. Vor yef a man yefþ þet him naȝt ne costneþ : þet ne is naȝt grat guodnesse. Ac uor þe holy gost. be þyse zeue yefþes / spret him-zelue ine oure herten / ase zayþ zainte paul / ase be zeue streames. þeruore hi byeþ propreliche y-cleped yefþes of þe holy gost. Vor he is þe welle. hy byeþ þe streames. And þe oþer scele is / uor þet þe holy gost is propreliche þe loue / þet is betuene þe uader / and þe zone. and þeruore þet loue is þe propre / and þe uerste / and þe heȝeste yefþe : þet man may yeue / þet ariȝt yefþ. and ine þise yefþe: me yefþ / alle þe oþre. and wyþoute þisen: non oþer yefþe ne is naȝt ariȝt y-nemned yefþe. þeruore is ariȝt þe holy gost propreliche / yefþe / and yeuere. [typographic Fol. 37. a.] Vor he him yefþ : and is y-yeue. Ine echen of þise zeuen þet he yefþ uor to confermi oure loue to his / þet hi by feruent / and guod / and zoþe / and clene.

HUERUORE IS MAN Y-BORȜE.

Vor tuo þinges is þe man yborȝe. be þe be-uliynge of kueade: and do þet guode. Þet kueade beuly / and hatie: ous deþ þe yefþe of drede. Þe oþre zix doþ ous þe guodes to done. Þe yefþe of drede is þe doreward to þe greate þreste. þet is to zigge : to þe greate þreapninge of godes dom / and of þe pine of helle. þet is echedaye / aredy and arise. þet is þe wayte of þe castele / þet neure ne slepþ. þet is þe wyed hoc of þe gardine þet uordeþ al þet kueade gers. Þet is þe hordyer þet lokeþ þe herte / and alle þe guodes þet byeþ þerinne. Þe oþre zix yefþes / ous makeþ þe guodes to done.

Nou sselt þou ywyte / þet ase þe briȝt [supplied by ed.] nesse of þe zonne þet þou izixt yefþ liȝt to þe wordle and uirtue / and strengþe to alle þe þinges þet wexeþ and comeþ to þe wordle. alsuo deþ þe holy gost þet aliȝt in heuene Page  122and ine erþe alle þo þet byeþ in grace / and men / and angles. And al alsuo ase ine heuene / heþ þri stages of uolke / ase zayt saynt denys. huer-of þe on is heȝere. þe oþer men. þe þridde loȝest. þe heȝeste / byeþ ase þo / þet byeþ of þe kinges consayle. þise byeþ alneway mid god þe nixte þanne þe oþre / and yzyeþ and yhereþ / and him : and his priuites. Þe men midliste [supplied by ed.] / byeþ ase þe barouns / and þe baylifs þet gouerneþ and wytyeþ þe kingriche / and guoþ / an comeþ. and lyernieþ of þan of þe consayle. an þet hi hoteþ and makeþ hit do oþren. Þe loȝeste / byeþ ase sergons and þo þet byeþ ine office / and habbeþ þe mestyeres / and doþ þe offices / and þe messages ase me ham zayþ. In þo manere / and in þo uorbysne heþ he þri states of godes zone ine erþe. Huiche þe holy gost / let / and condueþ / ase zayþ sainte pauel. Þe on stat is of þan / þet byeþ ine þe wordle and libbeþ be godes hestes. and be þet hi leueþ / and yhyereþ of hyre ouerlynges. Þe oþer stat is of þe stedeueste / þet of al habbeþ þe herten out of þe wordle / þet ysyeþ god ase moche ase me may ine þise lyue. and habbeþ hire conuersacion ine heuene / and þe bodyes ine erþe. and þe herten mid god. Þe þridde byeþ ine þe middel stat / þet gouerneþ. wel / oþer ham / oþer oþre. and libbeþ be þe hestes of god. Þise þri maneres tekþ þe holy gost / and let / and gouerneþ / be þise zix yefþes. and ham to-delþ þise graces to echen to his wylle ase zayþ þe apostel. Þe tuo uerste of þise zix yefþes / belongeþ to þan / þet byeþ of þe uerste stat. Þe yefþe of connynge: ham tekþ. And þe yefþe of pité: makeþ ham to bidde. Þe tuo midleste / belongeþ to ham of þe middel stat. Þe yefþe of red: ham gouerneþ. And þe yefþe of strengþe : uoluelþ þe nyedes. Þe tuo laste / belongeþ to ham of þe heȝeste stat. Þe yefþe of onderstondinge : his alyȝt. Þe yefþe of wysdom / hise makeþ stedeuest / and his confermeþ / and ioyneþ to god. An Page  123oþer skele þer is / hueruore þer byeþ zeuen. Vor þe holy gost be þise zeue yefþes: bestrepþ þe zeue zennes uram þe herte. and plonteþ / and norisseþ zeue uirtues [typographic Fol. 37. b.] cont [supplied by ed.] raries / þet makeþ man stedeuestliche yblyssed. Þise byeþ þe guodes / þet þe holy gost makeþ ine herte huer he descendeþ be þise zeue yefþes. Ac erþan ich decendi to þe uirtues þet byeþ cont [supplied by ed.] raries to þe zeue zennes : ich þe wylle speke ssortliche / of zeue oþre uirtues. huer-of þe þri byeþ yclieped*. [MS. ycheped] : godliche. and þe uour byeþ y-cleped cardinals.

OF ÞE ÞRI UERSTE UIRTUES.

Þe þri uerste clepeþ saynte paul: beleaue. hope. and charité. and byeþ ycleped / godliche. Vor þet hi ordayneþ hare herten to god. Beleaue / ase zayþ saynt austin: ous zet onder god. and hi ous deþ beknawe / and to byknawe. to þe lhorde / of huam we healdeþ al þet we habbeþ. of guode. Hope: zayþ. hi ous arereþ to god / and ous makeþ strang / and hardi / uor to ondernime uor him þet hi þet paceþ uirtue of man. Charité. þis zayþ. hi ous ioyneþ to god. Vor charité ne is oþer þing bote dyere oninge. uor hi deþ of þe herte and of god: al on. ase zayþ saynyte Pol. Beleaue / y-ziȝt ine gode þe heȝeste zoþnesse. Hope. cuerlyche heȝnesse. and ouerliche magesté. Charité. ouerliche guodnesse. Þise þri uirtues byeþ to-deld be þri degres of loue. Vor þri þinges me loueþ ane man. Oþer uor þet me heþ y-herd grat guod of him. Oþer uor þet me onderstant grat guod of him. Oþer uor þet me heþ onderuonge grat guod of him. Þise þri maneres of loue: byeþ ine þise þri uirtues. Loue of beleaue: hyerþ ine dede. Loue of hope: uelþ þane smel / and zekþ. Loue of charité : nimþ. and zikþ. and zuelȝþ / and halt.

Page  124

OF ÞE UOUR UIRTUES CARDINALES.

Of þe uour uirtues cardinales spekeþ moche þe yealde philosofes. Ac þe holi gost hise yefþ / and tekþ / betere an hondredsiþe. ase zayþ salomon ine þe boc of wysdome. Of þise uour uirtues þe uerste me clepeþ / sleȝþe —. þe oþer temperance. þe þridde / strengþe. þe uerþe / dom riȝtuolnesse [supplied by ed.] . Þise uour uirtues byeþ y-cleped cardinals. uor þet hi byeþ heȝest amang þe uirtues / huer-of þe yealde filosofes speke. Vor be þise uour uirtues þe man gouerneþ him-zelue ine þise wordle. ase þe apostles gouerneþ holy cherche be his cardinals. Sleȝþe: lokeþ þane man þet he ne by be none sleȝþe of þe kueade y-gyled. Temperance. þet he ne by be none kuede loue amerd. Strengþe. þet he ne by be tyene. oþer be drede. oþer be zorȝe : ouercome. þise þri hyeldeþ man ine guod stat auorye him-zelue. Dom. hine zet ine ordre and ine riȝt stat a-yens oþre. Vor hi yelt to echen al þet his is. Þise byeþ þe uour tours ine þe uour cornyeres of þe house of þe guode manne / þet makeþ þet hous ziker and strang. Sleȝþe: hit wereþ wyþ þet yeast be porueynge aye þe perils. Temperance [supplied by ed.] / aye þet zouþ. aye þe wykkede hetes. Strengþ. aye þet norþ. aye þe wyckede cheles. Iustice. aye [supplied by ed.] þe west. a-ye þe wyckede raynes.

OF ÞE OFFICE OF ÞE UOUR UIRTUES.

[typographic Fol. 38. a.]

Þise uour uirtues habbeþ diuerse offices / and mochel ham diuerseþ ine hire workes / ase zayþ an ald filosofe þet hette platoun ine his boc þet he made of þe uour uirtues. and hise to-delþ wel sotilliche. and zayþ. þet sleȝþe heþ þri offices. uor be þise uirtue al þet man deþ / and zayþ / and þengþ. al he diȝt / and let / and reuleþ to þe lyne of scele. ne noþing he nele do : bote riȝt and scele. And ine alle his workes he him porueyþ þet hi by do / by þe ordinance / and by þe wylle of Page  125 god / þet al y-ziȝþ / and demþ. A grat lhord ssolde he by ase me þingþ / þet þise onelepi uirtue hedde: and be þise þri þinges him gouernede.

TEMPERANCE.

Þe uirtue of temperance heþ þri offices. Vor herte þet þise office heþ ne wyle / ne ne wylneþ þing: þet makeþ to uorþenche. Ine none þinge he ne agelt þe laȝe to louie zikerliche. and onder him of scele he zet / and dret alle þe couaytises of þe wordle. Þet is to zigge. he þet heþ þise uirtue. he him loki / þet he ne by amerd be þise þri þinges þet þe wordle ssent. ase zayþ saint Ion. zenne of ulesse: and prede of herte. couaytise of þe wordle.

STRENGÞE.

Þe uirtue of strengþe / heþ alsuo þri offices. Vor huo þet þise uirtue heþ : he him a-rereþ an heȝ a-boue þe perils þet byeþ ine þe wordle. No þing him ne dret / bote vileynie.

Aduerseté / and prosperité / he berþ / and þoleþ wyþ-oute wepinge. ne ariȝthalf ne alefthalf. Wel ssolde he by guod knyȝt / þet ine þise þri þinges were wel y-proued. Þise þri uirtues armenþ / an ordayneþ. and agrayþeþ man / ase to þri deles of þe herte / þet me cliepeþ*. [MS. chepeþ] scele. loue. and strengþe. Prudence / lokeþ þane scele*. [MS. sclele] / þet hi ne bi becaȝt. Temperance / lokeþ þane loue / þet hi ne by amerd. Strengþe. lokeþ þet wyl: þet hi ne by ouercome.

RIȜTUOLNESSE.

Riȝtuolnesse*. [Ms. Þiȝtuolnesse.] . makeþ þane man ordeneliche libbe amang oþren. Vor ase zayþ platon. þis is þe uirtue / þet makeþ þet þe man a-yens echen deþ þet he ssel do. Vor hi yelt reuerence to ham þet byeþ a-boue. loue to Page  126ham þet byeþ bezide. grace to ham þet byeþ beneþe. Be þise uour uirtues ydo / is þe man worþi þet he by gouernour uerst of him-zelue. and efterward of oþren. Ine þise uour uirtues ham studede þe yealde filozofes þet al þe wordle onworþede / and uorlete / uor uirtue to zeche and wysdom. and þeruore hi were y-cleped: fllosofes. Vor filozofé is ase moche worþ : ase loue of wysdome. A. god hou hit ssolde ous ssende and astonie / huanne þo þet weren paenes / and wyþ-out laȝe y-write þet naȝt ne couþe of þe zoþe grace of god / ne of þe holy gost: ne wenden. hi cliuen in to þa helle of perfeccion of liue be strengþe be hire oȝene uirtue / and ne daynede naȝt to loki ope þa wordle. And we þet byeþ cristene / and habbet þe zoþe beleaue and conne þe hestes of god and habbeþ þe grace of þe holy gost. [typographic Fol. 38. b.] Yef we yzeȝe þet we miȝte more ine one daye profiti / þanne hi ne moȝe ine one yere y-hol / we waleweþ ase zuyn hyer beneþe / ine þise wose of þise wordle. Þeruore zayþ sanynte paul / þet þe payens þet byeþ wyþ-oute laȝe / and doþ þe laȝe. ate daye of dome : hi ssolle ous deme / þet habbet þe laȝe / and naȝt hise doþ. Ac uor þan þet hi ne hedden naȝt riȝte byleue / ne þane holy gost / ne none uirtue. ne lyf / ne zoþe beknawynge: hi ne*. [MS. no] moȝe y-wyte hou moche þet hi weren uayre / uor ase moche ase þer is be-tuene dyad col / and quyk / man dyad / and man libbinde: ase moche þer is be-tuene uirtue þet is wyþ-oute charité / þet is þe guodnesse / and þe worþ / and þet lyf of þe oþre uirtues. Huer-of saynt austin huanne he specþ of þise uour uirtues / he his to-delþ be uour maneres of loue. and be uour þinges þet zoþ loue makeþ. Þanne he zayþ / þet þe uirtue of prudence : is þe loue of herte. þet wyslyche uorlet / al þet him may derie: and chyest al þet him may helpe. and habbe þet he loueþ / þet is god. þe uirtue of temperance is þe loue of þe herte / huerby he him yefþ Page  127 y-holliche and wyþoute corrupcion to þet ha loueþ / þet is to god. Þe uirtue of strengþe / is þe loue of herte / huer-by he þoleþ strongliche alle þinges þet moȝe come / uor þet he loueþ. Iustice / is þe loue of herte / huer-by he serueþ onlepiliche and wyþ-oute more / to þet he loueþ. þet is to god. and uor zuo moche deþ onder uot alle oþre þinges. Þanne dom zet man / ine his riȝte stat. þet is aboue alle þinges / and onder god. Wyþ-oute þise uour uirtues non ne may cliue in-to þe helle of perfeccion. Vor huo þet wyle zuo heȝe clyue / him behoueþ ate uerste þet he habbe prudence / þet him makie to onworþi þe wordle / and strengþe þermide / þet him yeue grat herte / of grat þing to onderuonge. and uolȝi. Of oþerhalf þet he habbe temperance / uor þet he ne by to moche y-charged. and riȝtuolnesse þer-mide / þet is þe riȝte peþ. and him ssewy godes riche. ase god dede to Iacob. ase zayþ þe boc of wysdome. Huo þet þise uour uirtues miȝte zuo habbe / he ssolde by wel perfect / and yblissed ine þise wordle / and more ine þe oþre. Vor he ssolde by ine payse of herte. and ine blisse gostlych / naȝt ne ssol [supplied by ed.] de him faily / ac wexe ine god þet he ssolde habbe ine him / ine huam he him ssolde lyky.

Nou we ayen comeþ to oure kende. and bidde we mid al oure herte / þane holy gost / þet tekþ þe hertes. þet he by oure auocat / and ous teche to sseawy hou he be þise zeue yefþes : bestrepeþ þe zeue zennes of oure herten. and he zette / and norissy þe zeue uirtues.

OF ÞE YEFÞE OF DREDE.

Þe yefþe of drede : is þe uerste / of þe yefþes. þet kest out alle þe zennes of þe herte. ase we habbeþ yzed beuore wel propreliche. He bestrepþ þe rote of prede. and zet in his stede : þe uirtue of mildenesse. Nou [typographic Fol. 39. a.] loke and onderstand wel hou. þe zeneȝere þet slepþ ine dyadliche zenne / is ase þe ribaud and dronke / þet heþ Page  128al uorlore in þe tauerne / and is zuo naked and zuo poure: þet he ne heþ naȝt. ac naȝt he hit ne uelþ ne playneþ. Ac he wenþ by a wel grat lhord.

Ac þanne he heþ y-slepe / and comþ to him-zelue : þanne he yuelþ his kuead / and knauþ his folye / and him playneþ of his harm. Þet is þet uerste guod þet þe holy gost deþ to þe zeneȝere / huanne he him uisiteþ. Vor he him yelt his wyttes / and his onderstondinge / and him brengþ ayen to him-zelue. zuo þet he him knauþ / and him reuerteþ huet guodes ne heþ uerlore / and ine huet pouerté he is y-ualle be his zenne. ase dede þe guode mannes zone þet his eritage wastede and dispendede ine ribaudie and leuede lecherusliche / alhuet him behouede to loki zuyn. ase oure lhord ous makeþ þise uorbysne ine his spelle. Atenende þe zeneȝeres*. [zeneȝere?] ase zayþ salomon is ase þe ilke þet slepþ amide þe ze / and þet ssip spilþ / and he naȝt hit ne uelþ / ne none drede ne heþ. Ac huanne þe holy gost him awakeþ: þanne yuelþ he and ziȝþ his peril / and beginþ to habbe drede of him-zelue. And yet eft þe zeneȝere is ase þe ilke þet is ine prisone in ysnes and ine ueteres / and ine greate lokinge / ase wes saynte peter ine herrodes prisone. and þe wrechche ne þengþ of him þet hine halt : ne of þe gibet þet him abit. ac slepþ and met þet ha geþ to festes and to bredales. Ac þe grace of þe holy gost is ase þe angle þet awakede zaynte petren / and him deliurede of þe hand of herrode. uor hi awakeþ þane zeneȝere / and him deliureþ of þe hand of þe dyeule. Ateende*. [Atenende?] þe zeneȝere is ase þe ilke þet wenþ by strang / an hol / and he heþ þane dyaþ onder his cloþes. Vor he heþ þe kuede humours and corruptes ine þe bodye / huer-of he ssel sterue wyþ-inne ane monþe. and he wenþ libbe yet uourti yer / ase zayþ elyuans ine uers of þe dyaþe. Do away þe scoffes and þe scornes. uor zuich me wrikþ onder his cloþes þet wenþ by strang and hol. Ac þe holi gost is þe guode Page  129leche / þet amaystreþ his ziknesse / and chongeþ his humours. and him yefþ zuych a byter medecine: þet him helþ. and him yefþ þet lif. Alsuo trobleþ oure lhord þe herte þet he wyle hele. ase zayþ dauiþ in þe sautere. and him wyþ-nymþ*. [wyþ-nynþ in MS.] / and deþ him come ayen him-zelue to knawe / ase he dede adam : oure uerste uader efter þe zenne þo he him hedde / amang þe trawes of paradys. Hueruore he him zede: 'adam huer art þou?' Þri oþre acsingges made he be enne of his angles to þe þierne of [supplied by ed.] saynt abraham / þet hette agar þo hi uleaȝ uram hare lheuedi. Agar he zayde / 'huannes comst þou. Huyder gest þou. Huet dest þou?' Þise þri acsinges makeþ þe holy gost to þe zeneȝere huanne he awakeþ and arereþ and him openeþ þe eȝen of þe herte. and him yelt his wyttes and [typographic Fol. 39. b.] his onderstondinge. 'Huer art þou?' zayþ he : þet is to zigge: 'Yziȝ wrechche ine huiche zorȝes / and ine huiche perils þou art in þise wordle. Vor þou art ase þe ilke þet slepþ ine þe ssipe / þet is yspild / and naȝt hit not ne onderstant his peril.' 'Huannes comst þou?' þet is to zigge: 'Loke wrechche þi lif ca*. [tain MS.] arrieres / uor þou comst uram þe tauerne of þe dyeule / huer þou hest / þi lif y-wasted / and y-lore þine time / and alle þe guodes þet god þe hedde y-yeue.' 'Huet dest þou?' þet is to zigge: 'Ysy hou þou art fyeble / and brotel / and a-uorye þet body / and a-uorye þe zaule. þou wenst by hol / and strang. ac par auenture þou hest þe humours ine þe bodye þet þe ssolle lede to þe dyaþe. And ine þe zaule þou hest kueade þeawes / þet þe ssolle lede to þe dyaþe of helle: bote þe grace of god: þe ne werie.' Efterward. 'huider gest þou?' þet is to zigge / 'wrechche þench / and loke / and onderstand / þet þou gest to þe dyaþe. oþer þou sselt ualle ine þe hand of herrodes / þet is þe dyeuel / and to his mayné.' And þeruore zayþ þe guode man. 'Man may longe his lyues wene / and ofte him lyeȝeþ his wrench. ase uayr weder went in-to Page  130rene / and uerliche makeþ his blench. Þer ne is noþer king ne kuene / þet ne ssel drinke of deaþes drench. man þeruore þe beþench / er þou ualle of þi bench / þi zenne aquench.' þou gest to þe dome / huer þou sselt uinde: þane domes man zuo sterne / and zuo stout / an zuo strayt / an zuo miȝtuol. þou gest in-to helle / huer þou sselt yuinde: ver. and bernston. and a þousond pinen / þet neure ne endeþ þe uor to pini. And þous deþ þe holy gost to þe zeneȝere / þe eȝen openi and he [supplied by ed.] yzyþ a-boue / and beneþe / and beuore / and be-hynde. Þise byeþ uour strokes of þondre / þet astoneþ þane zeneȝere / and makeþ ssake / and habbe drede. And þise uour to ziȝþe / byeþ þe uour smale roten of þe rote of mildenesse. þet þe yefþe of drede zet ine þe herte of þe zeneȝere huanne god him uisiteþ.

HOU MILDENESSE WEXT INE HERTE.

Þe uour þoȝtes be-uore ysed strepeþ of þe gardine of þe herte / þe uour rotin of prede þet þer byeþ. huer-of þe proude wenþ / of azemoche ase can habbe. oþer azemoche he is of miȝte. oþer azemoche ase he can conne. oþer ase moche ase can by worþ. þise byeþ þe uour hornes. þet is to zigge : þe uour cornardyes þet amerreþ þo contraye / þet god ssewede to zakarie þe profete. Ac þe uour smiþes þet he him ssewede efter- ward / þet comen efter þe uour hornes to uelle: byeþ þe uour þoȝtes be-uore yzed. Vor huanne þe man þengþ huannes he comþ / and onderstant and knauþ his pourehede / þe vilhede / þe brotelhede of his beringe / hou he wes beyete in zenne / and of zuo uoule matere y-mad And y-ssape. and ine zuo poure house [typographic Fol. 40. a.] y-herberȝed. ine zuo greate pouerté y-bore. and raþre dyad to þe zaule : þanne ybore to þe wordle. in huiche zorȝes he wes ynorissed. ine huet trauail he heþ yleued. hou he heþ his time uorlore. and he yziȝþ þane greate heap of his zennes. and þe guodes þet he heþ uorlete to done. Þanne him deþ*. [MS. deȝ]þe grace of god Page  131yuele mid herte : þet he ne is naȝt worþ. Efterward huanne [supplied by ed.] he þengþ huer he ys / and y-ziȝþ þise wordle / þet ne is bote an exil and a dezert uol of lyons an of lipars. a forest uol of þyeues an of calketreppen / and of grines. ane ze uol of storm / and of peril. a fornays anhet mid uer of zenne and of zorȝe. a ueld of uiyȝt huerinne him be-houeþ eure to libbe ine werre and wyȝte*. [wyȝte?] mid dyeulen þet zuo moche byeþ wyse / and sotil / and strang. Þanne him deþ þe grace of god yuele to zoþe / and to aparceiuy his onconnynge / and þet he ne can naȝt. Ate laste hu [supplied by ed.] anne he þengþ and onderstant his zennes and his defautes ase he is uol of zennes and ydel of alle guode. þanne him yefþ þe holy gost y-uele his pourehede / and þet he ne heþ naȝt. Efterward huanne he y-ziȝþ be-uore him huiderward he geþ. and he y-zyȝþ þane dyaþ to huam non ne may wyþstonde. he yziȝþ his demere god / zuo riȝtuol be huas hand him be-houeþ guo. he y-ziȝþ þe pinen of helle / huiche non ne may ascapie. þanne yefþ him god iuele þet mannes miȝte ne is naȝt / and þet he ne may naȝt. Huanne he y-ziȝþ þanne / and uelþ / and onderstant þet he ne is naȝt worþ / þet he naȝt ne heþ. þet he naȝt ne deþ / and þet he ne deþ naȝt / and þet he ne may naȝt. þanne beginþ he uor to byenne poure of spirit. Ine þise uour þoȝtes / byeþ þe uour boȝes of þe rote of þe trawe of mildenesse. Þis trau is yzet bezide þe welle of godes drede. huer-of hit is echedaye ywetered / ine wyntre : and ine zomere. þet is ine wykkednesse and ine guodnesse. Nou sselt þou conne þet ech of þise zeuen uirtues. huerof ich onderstonde to spekene of his stapes. huer-by profiteþ an clifþ / and wext ine þe herte. and his dedes / and his guode þeauwes / huerby hy hare sseweþ wyþ-oute. Vor uirtue wext an heȝ ase palme / oþer ase cipres. oþer ase cedre. and þanne spret and keste his boȝes: an ech half.

Page  132

OF ÞE STAPES OF MILD [supplied by ed.] HEDE.

Of þe uirtue of mildenesse specþ saynt ansalm. and zayþ þet hi heþ zeue stapes huerby hy clifþ an heȝ / alhuet þet hi come / to perfeccion. Nou onderstand wel hou. Þe uerste stape of mildenesse / is to knawe his pourehede. and his defaute. Vor ase zayþ saynt bernard. Mildenesse is þe uirtue þet makeþ þane man him-zelue to onworþi / and healde uor vil. Huanne he him knauþ zoþliche. Þis knaulechinge wext of uour roten beuore yzed. Ac þer byeþ zome þet wel conne hyre defautes and hire pouerté / ac naȝt hit ne ueleþ. Þeruore is þe oþer stape : yuele / and playni his [typographic Fol. 40. b.] defautes and his pouerté. And þet he yuele his zorȝe and his zicnesse / he yernþ bleþeliche to þe fisiciane / and zaiþ þet he y-uelþ þe kueade humours ine þe bodye. bliþe he is huanne þet he may his purgi and keste out. and þeruore is þe þridde stape of myldenese / his zennes and his kueade wylles bleþeliche beknawe / and ssriue / and his herte clensi. Ac þer byeþ zome þet beknaweþ hare defautes / and y-ueleþ / and zorȝuolle byeþ / and wel ham sriueþ. Ac hi nolden anone manere þet oþre hit wyste hou hy doþ. Þeruore þe uerþe stape is of þise uirtue : wylni to by y-knawe / and y-healde uor uyl / and onworþ. Ac þer byeþ eftsone some þet wel ykn [supplied by ed.] aweþ and ueleþ / and ziggeþ here defautes / and ziggeþ wel : ich am a kuead / and zenuol / and zuych / and zuych. ac yef an oþer him zede : uorzoþe þet is zoþ / þet þou zayst : zorȝuolle hi wolden by / and wolden by wroþe to þe dyaþe. Þeruore is þe vifte stape of þise trawe / Yhere bleþeliche of him-zelue. and þet me him zigge his defautes. and þet is þet saynt bernard zayþ / þet þe zoþe milde : wyle by hyalde uor vyl. naȝt ase milde y-praysed. Þeruore is þe zixte stape huanne þe man þoleþ in þolemodnesse þet he by uoulliche ydraȝe / and ase persone onworþlych / ase dede Page  133þe guode king dauid / þet þolede zueteliche / and lheste ane sergont þet hette semey / þet him þreu mid stones / and him missede / and him zede al þet he couþe of uoul. Yet eft þer is a stape / huerinne is þe uolle of perfeccion of þise uirtue. Þet is wylny to zoþe / and mid herte wylny wyþ-oute fayntise : to by y-hyealde vyl / and villiche to by y-draȝe. Þet is ariȝt pouerté of gost. and mil [supplied by ed.] dehede of herte. Moche louede þise pouerté þe riche king of heuene. huanne zuo uer he com hit uor to zeche / ase uram heuene : to þe erþe. Wel he hit louede ine herte / þo he hit zuo dyere boȝte / þet al þet he hedde / and þe robe of his regge he yaf / uor þet he wes zoþuolliche poure. Mochel he louede mildenesse / huanne þe ilke þet neure zenne ne dede. þe ilke ine huam nes neure defaute / him dede amang þe þyeues. þet wes amang adames zones / and him cloþede mid þe cloþe of þe zenuolle / and of þe misdoere / uor þet he wes villiche y-draȝe ase a þyef. Hueruore he zede to his apostles þe niȝt of þe sopiere / mid graate wille. Ich habbe þerne paske y-wylned. þet is to zigge : þerne dyaþ. þise ssame. þise wendinge. Non heȝere ne may þis trau arise. And huo þet were al to þise stape of mildenesse y-cliue : wyþ-oute drede : he ssolde by y-blissed ine þise wordle. Vor þe ilke þet þis zede : ne may lyeȝe / þet þe heȝeste zoþ zaiþ mid his mouþe. 'Y-blissed byeþ þe poure of gost.' And hou þet þis by / he him sseweþ huanne he zede. 'Lyerneþ of me : and naȝt of oþren / uor to by milde of herte ase ich am. and þou sselt uinde reste to þine zaule.' Þis reste is þis blissinge. Ac huych þet hit is / ne huet hit hatte / non ne wot : bote he þet hit nimþ. Þanne yef þou [typographic Fol. 41. a.] wylt ywyte huet þet is : do þi miȝte of þine herte zuo moche ouercome / þet þou by y-cliue to þe zeuende stape of mildenesse. and þanne þou miȝt fruyt gaderi and ete of þe trawe of liue / ase god zayþ ine þe boc of ziȝþe.

Page  134

OF ÞE ZEUE BOȜES OF MIL [supplied by ed.] DENESSE.

Ovt of þe trawe of mildenesse wexeþ zeue boȝes. uor þis uirtue him sseaweþ ine zeue maneres. be god to worþssipie. be oþren to prayzy. be him-zelue to onworþi. be pourehede to louie. be bleþeliche to serui. be heriynge to byuly. be him-zelue of al / ine god y-leue. Þe zoþe milde: worþssipeþ god in þri maneres. Vor he ylefþ simpleliche. He þonkeþ treweliche. He him bit deuouteliche. He him worssipeþ uerst / ine þet he him lefþ simpleliche of al þet he zayþ. ase deþ þe litel child his mayster. and uor þis skele / heþ oure byleaue merite. Þanne huo þet wel ylefþ : god grat worþssipe him deþ. alsuo ase he deþ to þe manne worþssipe þet him lefþ be his simple worde. and þet is þe beginnynge to done wel / þet is nyeduol to alle þan / þet wylleþ ham bouerȝe*. [bouȝe? or borȝe?] ase zaiþ zainte paul. þet me ylefþ god ope his simple worde þet al is zoþ þet he zayþ. onlepiliche uor þet he zayþ wyþ-oute oþre skele to zeche. and wyþ-oute oþre proeue zeche. Vor þet byeþ þe bougres and þe heretiks proude uorlore. uor hi nolleþ yleue god: wyþ-oute guod wed. þet is to ziggene : bote yef hi y-zy kuik scele / ac hi ham hyealdeþ / and ziggeþ ase þe gauelere he him halt to þe wynnynge þanne to þe simple worde ne wyle nonen yleue. And þerof byeþ y-come alle þe maneres of eresye / and of misbeleuinge. Vor þe blynde proude / þet hare wyt wylleþ emni to godes wysdome / hi nolleþ y-leue þing þet god zayþ / bote yef me ne betoke ham guod wed. þet is to zigge : oþer þane quicke scele / oþer aperte miracle. Ac we þet þe riȝte byleaue hyealdeþ / yleueþ betere an hondred ziþe him þet ne may naȝt lyeȝe: þanne we ne doþ ne miracle / ne scele / ne him-zelue þet we yzeþ. God zayþ he wile deme eurinne / be his dedes. and of eche ydele worde / þe behoueþ yelde scele to him / ate daye of dome. Þe milde þet þis yherþ / hit ylefþ. and dret / Page  135an deþ payne to loky his herte / and his mouþ / and alle his workes. Efterward þe zoþe milde / þonkeþ god treweliche of alle his guodes / þet he him heþ y-do / and þet he him deþ echedaye / and þet he wyle do. Efterward ase we habbeþ y-sseawed / ine þe zigginge of prede. Vor þe milde is ase þe poure man / þet of little elmesse : heþ greate blisse. and yelt þonkes mid herte / to his guod doere. Þanne huanne þe milde / ne yziȝþ ine him naȝt / huer-bi he bi worþy to þe breade þet he et / he be-knauþ treweliche / and y-ziȝþ / and onderstant / and ylefþ / þet al hit is of klene grace / and of yefþe. and naȝt of him. al þet god him zent / and yefþ / and lenþ. And uor þet he ne lefþ naȝt of him-zelue / of þe guodes of his lhorde / þet be his hand paseþ : þeruore is þe sergont trewe / ase zayþ sant bernard. Efterward þe zoþe milde worþssipeþ god / [typographic Fol. 41. b.] and him byt mildeliche. þet his to zigge mid zoþe teares / þet comeþ of godes grace / and mid riȝtuolle oninge of herte. Vor hit him þingþ / þet he is ase þet child þet is echedaye beuore his maistre / and naȝt can his lessoun. Oþer þet he by ase ys þe poure ine dette. þet is y-ualle ine þe hand of gaueleres. and naȝt ne heþ huermide hit may endy. Oþer þet he by ase is þe þief yproued / and y-nome and mid mo þanne an hondred misdedes þet heþ nieȝ þe wyþþe ine þe nykke. And þet he is ase þe y-maymed ate porche of þe cherche / þet ne heþ none ssame uor to sseawy alle his maimes to alle þon þet þer guoþ / uor þet me ssolde habbe of him pité. Yef þou wilt þanne lyerni god to bidde. and to aouri ariȝt : þise uour hit wytnesseþ. þet child. he þet is ine dette. þe þyef. and he þet is ymaymed.

ÞE OÞER BOȝ OF MILDENESSE.

Wone is of þe zoþe milde / oþren to herie / and praysy. and poty him uorþ / an worþssipij. Praysy ine herte / herie ine mouþe. and be dede : worþssipe / bere. Page  136He is ase þe smale uleȝe þet makeþ þet hony. and beulyȝþ stench. and zekþ þe ueldes yfloured. and of þe floures zoucþ þane deau huerof hi makeþ þet hony uor his hous to astori. Þet deþ þe milde herte þet naȝt ne nymþ hede of stench. ne of þe lackes of oþren. ac alle þe guodes þet oþre habbeþ y-rewarded. and loueþ. and hereþ. and prayzeþ and conceyueþ þe zuetnesse : of deuocion. hueruore his bodi is ondo : and his inwyt uolueld. 'Vor-zoþe zoþ hit is y-bore of stones and of ulyntes / kan he zouke þe oly / and þet hony:?' ase ous tekþ þe sauter. Vor he ne wille nenne zuo kuead / ne zuo hard / ne zuo zenuol: þet he ne can draȝe matiere: god uor to herie. Ine his herte he prayzeþ oþre / ine þri maneres. Vor he ylefþ more oþremanne wyt : þanne his oȝen. He wile þet þe wil of oþren bi more ydo: þanne his. He him fyeþ more in oþres uirtue: þanne ine his. Al þe cont [supplied by ed.] rarye deþ þe proude / ase we habbeþ be-uore yssewed. Efterward he hereþ / and prayseþ þe oþre be speche. þe guodes þet oþre doþ / and habbeþ : he hise heȝeþ / and hereþ. þe kueades : he his excuseþ / and loȝeþ. and lesseþ. þe myddelguodes: he onderstant ine guode / and went alneway in-to þe guode half. And þet is aye þe þri queade techches of þe misziggeres / þet arereþ þet quead : an loȝeþ þet guod. and þe middel þinges ouerþraweþ and mis-wendeþ. Be dede he worþssipeþ eurinne / and prayseþ ase moche ase he ssel and may do. wyþ-oute misdo. Þet ne deþ naȝt þe proude. ac al þe contrarie / ase we habbeþ be-uore y-ssewed. ine þe chapitele of prede.

OF MILDE HERTE.

Wone is of milde herte. þet alle his guodes he heþ behinde his regge. and alle his queades : beuore his eȝen. An þerof comþ / þet of asemoche þet he prayzeþ [typographic Fol. 42. a.] more þe oþre: þe more he him-zelue misprayseþ. He is ase þe wel couaytouse wrechche / þet alneway heþ Page  137þet eȝe to þe guodes: þet oþre habbeþ / and doþ alneway. and makeþ alneway semblont: þet he ne heþ naȝt. Vor asemoche ase þer is an holy prede: alzuo þer is an holy coueytise / and an holy enuye. Hit is ase hit is of þe litel childe / þet is þe kinges zone / and eyr of þe kingriche þet wepþ ine his crete. and naȝt ne kan of his heȝnesse / ne of his richesse. He is ase þet simple ssep. ine huam al hit is guod and profitable. and wolle. and skin. and uless. and melk. and frut. and dong. and ne wenþ / and ne kan naȝt. ne naȝt ne þengþ. Ine þise manere zayþ saynt abraham þe greate patriarche. þet he nes bote esssse and doust And saynt Iob. þet wes zuo moche grat to þe wordle. and holy ine god / þet zayd. of him-zelue. 'Huet am ich bote esssse. and spearken and hor. and stench. wermes. wynd. ssed. and smech. þet þe wynd berþ and gadereþ draye. þet to naȝt ne is worþ : bote to þe uere.' And alsuo ase þe zoþe milde hereþ þe oþre and mid herte / and mid mouþe / and mid dede. ase we habbeþ ysed. alsuo he blameþ him-zelue ine þise þri maneres. he him þingþ þet Ieromes zayþ of himzelue. þet yef he eth / oþer yef he drincþ / yef he wakeþ / yef he slepþ / þet þe ilke orible bosyne him went to þe yeare : 'com to þine dome.' And þeruore þe ilke þet nele naȝt by þer ydemd : he ne endi neure hiere: him-zelue to deme and damni. wiþ-nyme his dedes. and his wordes. and his þoȝtes. and clensi. and telle. and weȝe. and wyþerweȝe. and wyþ-nïme. Vor he y-ziȝþ more ynoȝ of chef: þanne of corn. Ahd þeruore þet he ne by y-demd ine þe cort of riȝte / ne he nele naȝt lete ne smal ne grat / þet ne ssel by exaamened / and y-zed / and y-demd / ine þe cort of merci. Þet is ine holy ssriftte ine þo cort. huo acounteþ ariȝt : he is al quit. Ac ine þe cort of riȝte / þet ssel bi ate daye of dome / huo þet ssel aȝt: him be-houeþ paye. ne neure aquitti he ne may. and þeruore ha ssel by ydammed. Vor he mot yelde : oþer hongy. A. allas huet ssel þe Page  138ilke paye: þet naȝt ne heþ bote þane nhicke y-carked mid zenne dyadlich? Huo þet onderstode and yuelde þise þinges / he him wolde hyealde / and wyþdraȝe uram scornes and uram leazinges / þet he heþ yuounde / aye þe zoþe milde / þet god dredeþ. þet uor þan hy wylleþ ham loki clenliche / hy ssriueþ ham bleþeliche / and ofte. Ac litel is worþ to maky guod dom: bote þe demere ne by efterward yprayzed treweliche. and þeruore al-zuomoche ase þe zoþe milde / makeþ of him-zelue guod dom / ine zorȝe of herte. and ine ssrifte of mouþe. and zuo deþ be dede zoþ dom. Vor he him demþ ase ane þyef. and he him deþ zoþliche to þe gybet of penonce wyþ-oute slacnesse / and wyþ-oute ypocrysye.

ÞE UERÞE BOȜ OF MYL [supplied by ed.] DENESSE.

[typographic Fol. 42. b.]

Hvo þet hateþ prede: he loueþ pouerté þet zet þe herte loȝe / and þeruore alle zoþe milde louyeþ pouerté / and byeþ poure of gost. þe zoþe milde loueþ pouerté uor þri sceles. Vor þe perils þet byeþ ine richesses. Vor þe guodes þet byeþ in guode pouerehede. And uor þet god louede zuo moche pouerté þo he wes ine þe wordle / and yet hit loueþ / ase þe holy wrytinge wytnesseþ in uele stedes. Þanne zayþ he in þe Sautere / þet he y-herþ þe benes / and þe wylles of þe poure. and ham poruayþ / and agrayþeþ hare lyfnoþ zueteliche / and mid guod sauour. and he is hire refu / and ham ssel souy. Iob zayþ / þet god is þe uader to þe poure. and ham heþ y-yeue miȝte / oþren to iuggi. And oure lord ate biginnynge of his uayre sermon zayþ. 'þet y-blyssed byeþ þe poure: and a-corsed bied*. [bieþ?]þe riche / þet habbeþ hyer hire paradis.' Ac þe zoþe paradys / heþ he y-yeue þe poure. zuo : þet hi hit moȝe yeue / and zelle. Ac þe wordle nele y-leue / þet god zigge zoþ / þet pouerté by þing y-blissed. Ac þet is of þe rede of god þe uader. þeruore Iesu crist zayþ ine his spelle. Page  139'Vayre uader ych yelde þe þonkes and heriynges. þet þise þinges y-hed / and y-hole hest: to þe wyse. and hise hest y-sseawed to þe milde.' Þe milde his y-zyeþ / and wel his yleueþ / and louieþ / an hondredziþe more pouerté: þanne þe niþing deþ his richesse. Ine þri þinges sseweþ þe man / þet he loueþ pouerté. Huanne he loueþ and halt bleþeliche þe uelaȝrede. and þet lyf. and þe wones of þe poure. Hire uelaȝrede he loueþ / ase iesu crist dede þer huils ha wes ine þe wordle. Vor kende wyle þet þe lambren louie ham to-gidere / and beuly þe wolues. and þe children ham louie to-gidere. and beuly þe uelaȝrede of þe greaten. and þe milde ham louie to-gidere / and become uelaȝes to-gidere. Lif of poure man is poure. uor he ne zeȝþ / ne metes of grat pris / ne robes out of scele. ne non bost hi*. [he?] ne zecheþ / ne ine robes. ne ine ridinges. ne ine mainé. ne ine festes. ne ine uelaȝredes. Bliþe he is yef he heþ his : sostinonce. ac he soffreþ and honger / an þorst. and chald and hot. and cheastes and manye biterneses. and alle zuiche þinges þet þe kueade poure deþ / and þoleþ: wille he nolle he. Þe zoþe milde wilneþ / and þoleþ gledliche uor god. a-last hit is wone of þe poure manne / þet yef he ne heþ naȝt / ne naȝt ne may wynne: he ne heþ none ssame to acsi. And þe zoþe milde: beggeþ echedaye. þe benes and þe oreysons of guode uolke / and of uryendes of god. huer he wenþ mest of guode. and more he be-lefþ ine hare helpe: þanne he do ine his oȝene guodes.

ÞE VIFTE BOȜ OF MILDENESSE.

Prede / loueþ wel heȝe stedes. Mildenesse: þe loȝe. Þis is þe dyamod*. [So in MS.] of noble kende. þet nele naȝt sitte ine gold. ac ine poure metal ase yzen. And zuo hit is of þe hyeape of huete y-þorsse. þe cornes byeþ beneþe / and þet chef a-boue. Ac oure lhord ssel uanni his corn / [typographic Fol. 43. a.] ate daye of dome / ase zayþ þet godspel. and ssel þrawe Page  140þet chef in-to þe uere : and þet corn in-to þe greynere. Þe more þet / þet gold is clene: þe more hit wecþ. and þe more þet hit is heui : þe raþre hit ualþ to þe botme And þe more þet þe man is milde : þe more he loueþ loȝe stedes. ase dede Iesu crist and his zuete moder / þet ous yeaue uorbisne to serui and to bouȝe. naȝt wyþ-oute more to þe gratteste : ac to þe leste. and þe more þe seruise ys onworþ: þe bleþelaker þe milde him deþ þerto. Þeruore wyle teche oure lhord Iesu crist / þe uet to wesse to his poure. Þanne mildenesse / is moder propreliche / of boȝsamnesse. and hire norisseþ / and tekþ / an lokeþ / þet hi ne by y-corumped / ne by ydele blisse / ne be zorȝe / ne be grochchinge / ne be oȝene wytte / ne be oȝene wille. ne ine oþre manere. Hy hise agrayþeþ and azet: mid alle hire ournemens.

OF BOȜSAMNESSE.

Þe ournemens of boȝsamnesse : byeþ zeuen. Þet ys : þet me bouȝe prestliche. gledliche. simpleliche. klenliche. generalliche. zuyftliche. and wiluolliche. Þe milde y-zyȝþ beuore*. [bo-uore in MS.] his eȝen: þet he ys poure and naked. and ne heþ niede bote uor him-zelue. and þeruore he is alneway agrayþed / ase byeþ þe ssipmen ine ssipe. þet ase zone ase he*. [hi?] y-hyerþ þane smite of þe lodes-manne : hi yerneþ / hi lheapeþ ase wode. Þe milde bouȝþ gledliche / uor he is ase þe hassasis. þet ys bliþe huanne he heþ þe heste onderuonge of his maistre. þet þe perils / and þe pinen / an þane dyaþ he onderuangþ þerwyþ/ mid to greate blisse uor þe loue þet he heþ to þe obedience. Þeruore zayde dauiþ ine þe sautere. þet he louede betere þe hestes þet god him made : þanne he dede / gold / oþer stones of pris. Þe milde him bouȝþ al simpleliche ase deþ þet hors / oþer þet ssep / þet þe ssepherde let huer ha wyle / þet ne zayþ neure hueruore guo ich hider : more þanne þider. Vor one of þe guode doȝtren þet mildenesse heþ : is holy simplesse. Page  141Þe milde is wel trewe to god / ase is a guod lheuedi to hire lhorde. þet nele to nonen queme folliche bote to hare lhorde onlepiliche. and þeruore non ne bouȝþ zuo clienliche*. [MS. chenliche] / ne mid zuo clene onderstondinge: ase deþ þe zoþe milde. þet ne hateþ bote uor to kueme þe wordle. Efterward þe milde is wel zuift and wel ingnel / huanne uirtue of obedience and þe wyl of god / mid his ouerling him berþ. Ac huanne his oȝene wyl him berþ and let him. he is slac an sleuuol wel to done. Ase is þe sterre þet hatte saturne makeþ þet asemoche yernþ in onelepi daye mid þe firmament ase þe firmament hine let : ase he deþ ine þritti yer ine his oȝene sercle / and ine his oȝene yerninge. Ate laste þe milde bouȝþ generalliche oueral þer he ylefþ þet he queme to god / and ine alle þinges ase deþ þe asse of þe melle. þet ase bleþeliche berþ bere : ase huete. and lyad. ase þet corn. to þe poure : ase to þe riche. Efterward þe milde is wel strang. uor he chongeþ his strengþe mid godes [typographic Fol. 43. b.] strengþe. ase zayþ ysaye þe profete. þeruore nis he naȝt: þet ne may bere. Vor god berþ and him and his berdone / hueruore he boȝþ wiþ guode wille and bleuindeliche. uor he ne is neuremo weri / ne þe zonne þet god let / and brengþ uorþ. and þe more ha leueþ / þe more him wext his stren [supplied by ed.] gþe. alsuo ase þe litel amote. Nou miȝt [supplied by ed.] þou wel y-zy / hou mildenesse þe tekþ wel to serui / and parfitliche bouȝe.

ÞE ZIXTE BOȜ OF MILDENESSE.

Þe greate maister of mildenesse Iesu crist þo he hedde y-preched / and y-ued þet uolk / and þe zike / and þe ymamed y-held. þo he uleaȝ aboue þe uolk in-to þe helle / uor to by ine bedes / ous uor to teche to beuly þet los and þe blondingges. and þeruore þe trewe herte milde / ase him pineþ to done wel huanne he bouȝþ. alsuo him paineþ to be-uly los / of him-zelue ansuerie uor þane wynd of ydele blisse / and þet Page  142gadereþ uor þe rage / and uor þe tempeste of euele tongen / ine þe ssede of þe roche. ase zayþ ysaye. Þe ilke roche is Iesu crist him-zelf. þet his reste / and briȝ [supplied by ed.] tnesse to þe milde. þer him resteþ þe irchouon. ase zayþ þe sauter. þet by þe milde herten y-carked mid þornes of ssarpnesse of penonce. An þet is þet coluerhous / huerinne resteþ and him deþ þe colure oure lhord. Þet byeþ þe milde herten and simple uor þe uoȝeles of praye. þet byeþ þe dyeulen. Huanne þe milde herte / heþ zuo moche y-do / þet he is y-guo in-to þe hole of þo roche ase þe colure ine his coluerhous. þet is huanne he recordeþ þet lif of iesu crist / and his holy passioun : uor þanne he uoryet alle his zorȝes / and prayseþ lite al þet þe wordle heþ. and is worþ. and may. Herte þet þis heþ a-sayd / naȝt ne willieþ more / þanne uor to by uorlore / and uoryete to þe wordle. Þe wordle is him prisoun. onhede / paradis. Vor ase zayþ þe wyse of him-zelue. þet he ne is neuremo lesse allone / bote huanne he is one. ne more ine niedes : bote huanne he is ydel. Vor he ys þanne mid his tuaye beste urien [supplied by ed.] des. þet is mid him-zelue / and mid god. Þer treteþ he of his greate quereles hueruore alle oþre niedes him þingþ trufles. þer he him to god / and god to him / be holy þoȝtes / and be stedeuest wil. Þer he uelþ*. [An s has been cancelled before u.]þe greate zuetnesse of confort / þet god yefþ ine priué stedes / to þan þet him dredeþ. ase zayþ þe sauter. and þanne alle speches / and alle wordes him tyeneþ / and greueþ / bote yef hi ne by to god / oþer of god / oþer uor god. Þous bi-ginþ þe zaule to louie onhede / and stillehede. and þanne him wext ine herte ane holy ssamnesse / þet is one of þe uariste doþter*. [So in MS.] of mildenesse. Vor al ase a mayde þet be greate loue loueþ / heþ*. [So in MS.] grat ssame heþ*. [So in MS.] þanne hi is aspid / and y-herþ þet me spekþ : of hire. alzuo heþ þe ilke huanne hi y-hyerþ þet me spekþ of hire : and of þe guodes þet god him heþ y-do. And naȝt uor þan hi deþ ase deþ Page  143þe ilke mayde strongliche opnome of loue.*. [MS. has lone.] uor huet þet [typographic Fol. 44. a.] þe wordle zigge / oþer conne speke : alneway zecþ hi þe halkes and þe derne stedes. ase þe ilke þet ne zecþ bote uor to by y-rauissed ase wes sayn [supplied by ed.] te paul.

ÞE ZEUENDE BOȜ OF MILDENESSE.

Of þise aquayntonce and of þise priuit� þe ilke holy zaule be-ginþ to habbe of god be-tuene hire / and an holy prede. Vor huanne hi is y-reaued / þanne to heuene / hi lokeþ ope þe erþe uram uer / ase zayþ ysaye / and hise yzyȝþ zu [supplied by ed.] o lite to þe ziȝþe of þe gratnesse of þe heuene. zuo y-zicþ þe ilke greate uayrhede / zuo dim / to þe ziȝþe of þe grate briȝtnesse / zuo emti. to þe ziȝþe of þo greate blisse: þanne onworþeþ and misprayseþ to þe zoþe al þet he heþ ine þe wordle of richesses and of worþssipe / of uayrhede / of noblesse. zuo moche him þinngþ þet hit is ase þe play of children amidde þe strete / huer y-noȝ hi trauayleþ and naȝt ne wynneþ. Him hit þingþ þet hit is al wynd / and metinge / and lyeȝynge / ase zayþ salomon. And þanne he be-ginþ ariȝt to sterue to þe wordle / and libbe ine god / ase zayþ zaynte paul. And þanne is hi zuo poure of gost : þet hi ne heþ naȝt. Vor god him heþ zuo his oȝene gost y-reaued and be-nome. and ayen y-ueld of his oȝene / ase he dede þe apostles at lokes. Þanne him yefþ þe holy gost ane zuo greate herte : þet ne prosperit� / ne aduerset� of þe wordle hi ne prazeþ ane nhote. Ane zuo greate zikernesse of inwyt : þet hardiliche abit þane dyaþ. ane zuo greate hope heþ ine god: þet þer ne is naȝt / þet hi ne dorste nime anhand uor þe loue of god. Vor hi heþ þo byleue huer-of god spekþ ine þe godspelle. þet is ase þet zed of mostard huerby hi may hote to þe stones an to þe helles / and hi him bouȝeþ. Þet zed o mostard is wel smal / ac hit is wel strang / and wel bitinde. uor hit is hot ine þe uerþe degre / ase ziggeþ þise fisiciens. be hete: me onderstant / Page  144loue. Þe uerste stape of loue aze zayþ saynt ber [supplied by ed.] nard is / huanne þe man ne can naȝt louie : bote him-zelue / and his oȝene guod. Þe oþer huanne he beginþ god to louie. ac hit is uor his oȝene guod. Þe þridde / huanne he knauþ betere god / and him loueþ propreliche uor his guodnesse. Þe uerþe. huanne he is zuo ynome of þe holy loue / þet he ne louie ne him-zelue / ne god:*. [guod?] bote uor god. Þanne hyer let zoþe mildenesse þane man. Nou miȝt þou y-wyte openliche hou þe poure of gost byeþ y-blissed ine þise wordle. Vor hi ham byeþ zuo moche yloȝed / and emti / þet hire gost is al to naȝte be-come.*. [bo come in MS.] and þe holy gost heþ þet hous ayen-yueld þet is lhord of þe herte. and uelþ zuo moche þet hi uelþ þe mylde. þet hi his makeþ king of heuene / be holy hope / and be zikernesse of inwyt. And [typographic Fol. 44. b.] þeruore zayþ oure lhord þet þe kingdom of heuene is hare / naȝt wyþ-oute more be beheste: ac be saysyne zykere ase þe ilke þet beginþ to onderuonge þet frut and þe rentes hou hi ssolle by y-blissed ine þe oþre wordle. þet ne may non parfitlyche y-wyte / al-huet he is þer. Vor herte of man dyadlich / ne may hit þenche / ne mouþ deuisi.

OF ÞE UIRTUE OF LOUE.

Þe uerste yefþe of þe holy gost: makeþ þe herte milde and dreduol. and þeruore heþ he þane name / þe yefþe of drede. Þe oþer makeþ þe herte zuete and milde / and piteus. and þeruore he hatte : þe yefþ of pit�. Þet is propreliche a dyau / and a triacle a-ye alle kueadnesse / and nameliche aye þet uenim of zenne of enuie / huerof we habbeþ beuore y-speke. Vor þis yefþe bestrepþ þe rote of enuie of þe herte / and hire helþ zikerliche. Þanne þe herte þet onderuangþ þise yefþe / onderuangþ ane zuete deau / þet his makeþ springe / ane zofte rote / and wel y-tempred / þet is guod loue. Þanne þer wext a trau uair and heȝ and wel berinde frut. þet is Page  145a guod uirtue and uayr / þet me clepeþ ine latin / man- suetudo / oþer beningnitas. þet is zuyetnesse of herte. þet makeþ man zuete and milde / manhede: and charitable. louiinde / and louerede / uor hi deþ man parfitliche louie his nixte ase him-zelue. Þis trau heþ zeue stapes / huerby hit clyfþ an heȝ. þe ilke zeue stapes ous sseaweþ saynte paul / þer he ous amonesteþ and bit / þet we do oure payne / þet we by al on ine god. Þet is þet we habbe one herte / and enne gost / an one loue in god. Þe uerste scele hueruore we ssolle by al on. and þe heȝe / and þe loȝe / and þe riche and þe poure / is uor þan / þet we alle habbeþ enne uader ine heuene / þet is god þet ous made alle comunliche to his anlicnesse an to his ymage. Þeruore þanne þet we alle habbeþ enne sseppere / þet ous made alle of one materie / and heþ yssape. and to onelepi ende. þet is þet we by al on ine him / ase he zayþ ine his spelle. Mochil is grat scele þet we to-gidere louie. uor ech best ase zayþ salomouns loueþ his anliche. Þe oþer scele is uor we byeþ alle cristene ine one cristenedome / and riche and poure. þet is þet we byeþ alle y-wesse of onelepi leȝe. þet wes mid Iesu cristes preciouse blod. and yboȝt mid onelepi moneye. and asemoche costnede þe on : ase þe oþer. Moche ssel þanne þe on louie þe oþer and worssipie / þet god heþ*. [MS. heȝ] zuo moche yloued and y-prayzed / and ymad of suo greate dingnet�. Þe þridde scele / uor þet we healdeþ alle one beleaue / and we byeþ alle ybounde mid one laȝe þet is al uolueld / ase zaiþ sainte paul ine þise worde. 'Loue þine nixte ase þi-zelue.' Of þise dette ne is non quit / uor þing þet [typographic Fol. 45. a.] he deþ. Þise dette ssel ech to oþren. and huo mest his yelt: mest he ssel. Þe uerþe scele is. uor we habbeþ ennelepi lhord / þet is god of huam we hyealdeþ alle and body / and zaule / and al þet we habbeþ. alle he heþ imad communliche / alle yboȝt communliche / to allen porueyþ communliche / and alle ssel deme Page  146communliche / and alle medi largeliche / þo þet habbeþ y-hyealde his hestes / and þos ssolle by to-gidere yloued treweliche. Þe vifte scele is / uor þet we byeþ alle uelaȝes ine þe ost of oure lhorde. and his kniȝtes / and his soudeurs / þet alle we abydeþ on-lepi ssepe / þet*. [Ms. þeþ] is þe blisse wiþ-oute ende / huer þe loue and þe uelaȝrede ssel by uoldo and y-confermed / þet hier ssel by wel y-hote. Þe zixte scele is uor þet we libbeþ alle of one goste gostliche / ase we libbeþ of on eyr bodylich. Be þa goste we byeþ alle godes children be adopcion / þet is be auouerie / and children of holy cherche / broþer germayn of uader and of moder / be ane broþerhede gostlich / þet asemoche is worþ betere : þanne þe broþerrede ulesslich. ase þe gost is more worþ: þanne þet bodi. Þe zeuende scele is uor þet we byeþ alle lemes of one bodye. huerof Iesu crist is þet heaued / and we byeþ þe lemes. þet we libbeþ alle of onelepi mete. Þet is of þe holy uless and of þe holy blod of Iesu crist þet ous zuo moche loueþ / and zuo moche halt ous worþ: þet he ous yefþ his blod to drinke / and his uless to etene. þeruore zuo ofte sainte paul deþ ous to be-þenche þise loue / þet he ous sseweþ. Vor more quic scele / ne more uayrer uorbisne he ous ne may sseawy of zoþe louerede. Yef þou wilt wel þenche to þise zeue sceles. þou sselt vinde. zeue stapes of loue / þet comeþ of þe yefþe of pit�.

ÞE BOȜES OF LOUEREDE.

Of þise stocke wexeþ zeue boȝes. Vor þise uirtue him sseweþ ine zeue maneres. ase me knauþ þane loue þet is be-tuene þe lemes of þe bodye ine zeue manyeres. Verst þe on leme uorberþ / and lokeþ an oþer / þet me naȝt him misdo / ne angrisi / ne harmi / be his miȝte. and ine þise we onderstondeþ*. [orderstondeþ MS.] þe innocence þet we ssolle loki þe on a-ye þe oþre. Vor þis heste is y-write ine þe herte of eurichen. þet þou ne do to oþren : þet / þet þou noldest þet he þe ne dede. ne þin riȝt hand Page  147dede to þine left hand. Efterward þe on leme þoleþ zuetliche*. [MS. zuethiche] / of þe oþre þet he him deþ of angrice / and naȝt him ne awr [supplied by ed.] ecȝþ. ne non arizinge of wreþe ne uelþ þe leme þe on aye þe oþer / ne ne of-hyealdeþ. Ine þisen we onderstondeþ to uoluelle mildenesse þet heþ þri stapes. Þe uerste is þet man him ne awreke naȝt. Þe oþer þet me ne hyealde naȝt ire longe. Þe þridde / þet man ne uele none arizinge of ire / ne of hate aye his nixte uor naȝt þet he deþ. Efterward þe lemes bouȝeþ alle to hare ouerling. Vor hi doþ alle mid hare miȝte þet þe herte acseþ / and þet eȝe ham tekþ. Ine þan we onderstondeþ þe uirtue of boȝsamnesse huerof [typographic Fol. 45. b.] we habbeþ beuore y-speke / þet he ssel bi ine loue agrayþed / and ine charit� / ase zaiþ zaynte peter. Efterward þe on leme helpþ and serueþ þe oþren wyþ-oute grochinge and wyþ-oute wyþzigginge / and wyþ-oute auarice. Ine þisen we onderstondeþ þe uirtue þet me clepeþ charit�. Þanne a man huanne he helpþ and him a-cordeþ bleþeliche þe oþre mid þe helpe þet god him heþ y-yeue. oþer him ret / oþer tekþ / of his wytte þet he heþ. Oþer yefþ and to-delþ largeliche uor god þe guodes þet he heþ. Oþer he chasteþ and diȝt þe foles be þe autorit� þet he heþ. Ac þanne zayþ me þet he is uol of charit�. And þous hit hat zaynte peter / þet þe guodnesse þet god ous heþ y-lend þet we hise diȝte to oure nixte. Þanne tulles þe filozofe zayþ. 'we ssolle þenche þet al þet is ine þe wordle and wext : al hit is ymad man to helpe. an þe man uor to helpe þe on / þe oþren. byeþ beyete.' 'do we þanne' zayþ he / 'þet : hueruore we byeþ ybore / and þet kende ous tekþ. and zeche we alle þet commun profit.' Vor ase zayþ zaynte paul. 'we byeþ alle lemes of onelepi bodye.' Efterward / alle þe lemes ueleþ / and draȝeþ to ham þet me deþ to echen / by hit guod / by hit kuead. by hit blisse / by hit zorȝe. huanne me smit þane uot: þe mouþ zayþ / þou me blechest. Be þan we onderstondeþ þe uirtue Page  148of zoþe pit� / þet we ssolle habbe communliche / þet heþ tuaye offices / ase zayþ zante paul. Blisuol sselt þou by / to þe guodes þet oþre habbeþ / and doþ. Zorȝuol sselt þou [supplied by ed.] by / to þe kuedes þet oþre ueleþ and doþ. Efterward / yef þe on leme is zik / oþer y-wonded: alle þe oþre him helpeþ to þet he by held. Ine þise we onderston [supplied by ed.] deþ þe uirtue of dom / and of amendement. wiþ-oute huam / þet body of holy cherche ne may yleste. Vor þe leme uorroted ssolde ssende þe hole. Huo þet wile þanne conne hou he ssel his broþer chasti. his nixte / oþer his seriont wyþnime / and punissi: nime hede to him-zelue / huanne on leme is zik / oþer y-wonded. hou moche zorȝe heþ þe herte and grat compassion y-uelþ. and be þe greate loue þet he heþ ine him / he him deþ þe hand wel zueteliche. And aze zayþ senekes / 'ase of þe bodye / alsuo of þe herte me ssel zueteliche þe wonden agrayþi.' Vor of zoþe loue / and of grat compassion ssolle þe amendes by y-do. and mid greate drede he ssel þe honden do þerto. Verst he ssel þerto do þe smeringes / and þe plastres of zuete warningges. Efterward yef þet ne is naȝt worþ : þe poudres efterward and prekiinde / of harde wyþniminge. Efterward þe dedes of techinge. and yef he ne deþ wyþ-oute emparement: þanne behoueþ come þet zuord hit uor to dele / oþer be manzinge / oþer be hotinge out of contraye. oþer him do uram him-zelue. Efterward þe lemes worssipeþ þe on / þe oþer. and uorbereþ. uor ase zayþ zayn [supplied by ed.] te paul. we ssolle bere ech oþren worþssipe / and [typographic Fol. 46. a.] reuerence. and nameliche þo / þet habeþ mest nyede : of uorberinge. þo byeþ þe meste foles / and þe fyebleste. zuiche me ssel mest uorbere. Þanne þe guode man and þe wyse bereþ / and uorbereþ alneway þe foles / and þe fiebles / ase þe buones bereþ þe tendre uless. and þe post [supplied by ed.] þet hous. Þis is aye þe missiggeres þet zuo moche gredeþ bleþeliche þe kueades / and þe defautes þet hi zyeþ ine oþren. Efterward þe on leme wereþ þet oþer Page  149ate nyede / and him zet uor him. uor ate niede me y-ziȝþ huo is urend. Huanne þe on uot slyt: þe oþer him helpþ. An haste huanne me wyle smite þet heaued: þe hand hire deþ be-uore. Ine þisen we onderstondeþ / uoluelde / and clene louerede. Þeruore zayþ god in his spelle. 'þet more louerede ne may by : þanne zette his zaule uor his urend.' Þise urendrede ous ssewede Iesu crist þe zoþe urend þet uor ous layde his zaule and his body to þe dyaþe. and þet dede he ous uor to yeuene uorbysne. ase zayþ zaynte peter / and sain Ion zayþ. yef god layde his zaule uor ous: and we ssolle legge oure zaules uor oure broþren / þet is uor oure nixte. yef we byeþ a riȝt leme of þe bodie / huerof is þet heaued. Huo þet þise uirtue hedde / ich wolde zigge openliche þet [supplied by ed.] he ssolde by þe riȝte yblissed. þis is þe uirtue þet oure guode maister Iesu crist ous toȝte / þo he zede. 'Yblissed byeþ þe milde: uor hy ssolle by in sayzine of þe erþe.' Þet is to onderstonde ine þri maneres. Verst / of þe londe of þe libbinde þet is god zelf / þet is woniynge of þe libinde / þet is of þe halȝen / and of guode men. Ase þe erþe is woniynge of bestes and of men. And þeruor þet god þet is þe land of þe libbinde: he heþ his y-blissed in his saysine. uor hi ne makeþ none stren [supplied by ed.] gþe þet quemeþ god ine hire sayzyne / ase zayþ þe sauter. Þe milde zayþ / he ssel habbe þet land ine kende. and saynt augustin zuo zayþ / þet non ne ssel habbe god ine possession. Vor hi byeþ riȝtuolliche lhordes of hire herten. ac ire / and felonie his amaystreþ. Þe milde amaistreþ þe queade þeawes. 'And betere is worþ' / þet zayþ salomons / 'huo þet ouercomþ wel his herte : þanne þe ilke þet nimþ be stren [supplied by ed.] gþe / casteles and cites.' Efterward / þe milde byeþ lhordes of þe erþe / þet is of erþliche guodes. Vor yef hi hise lyezeþ: hi ne wreþeþ ham naȝt / ne ne troubleþ. Ac þo þet ham wreþeþ huanne hi hise lyezeþ / hi ne ne byeþ naȝt lhordes : ac raþre þrelles. and þeruore he zayþ / hit Page  150is riȝt / þet þo þet habbeþ hier þe timliche guodes and gostliche / and ham-zelue ine possessioun. þet hi habbe ine þe ende : þet land of þe libbinde / þet is god him-zelf ine possessioun. Ac nou onderstand and loke / þet / þet god yefþ to þe poure þe heuene. and to þe milde : þet land / huer ssolle by þe bitere and þe felle wyþoute / ine þe zorȝe of helle.

[typographic Fol. 46. b.]

ÞE UERSTE STAPE OF RIȜTUOLNESSE.

Þe uerste yefþe of þe holy gost / makeþ man milde / and dreduol. Þe oþer him makeþ zuete / and pitous. Þe þridde him makeþ briȝte to zyenne / and uol of wytte. and þeruore hit hatte : þe ȝefþe of wytte. Vor he makeþ man wytuol / and wys. and amesureþ alle þing. Þes yefþe huanne he comþ in-to þe herte : bestrepþ and kest out þe rote and þe zenne of ire / and of felonye / þet troubleþ þe herte / and makeþ þane man al oute of wytte. zuo þet he no þing ne yziȝþ. ne uor him / ne uor oþren to lede. Ac þes yefþe aliȝt þe herte of ech half / zuo þet hi ne may by y-gyled of nonen. Ase þe yefþe of pit� him makeþ innocent: zuo þet he nele gyly nenne. Þanne saint Ion zayþ ine þe boc of ziȝþe ine goste. Þet þe holy man þet wes uol of þise goste / wes uol of eȝen be-uore and be-hinde. And an angel ssewede to zacarien þe profete ane ston huerine werin zeue eȝen. þet byeþ þe zeue ziȝþes þet þe guode men habbeþ. Vor hi zyeþ briȝtliche / and ine hare herten / and al abou [supplied by ed.] te ham. þet is to zigge. be-neþe / and aboue / be-uore / and behinde / and of riȝt half / an of left half. Þes yefþe is þe maister of workes. þet is to zigge / of þe uirtues of man. uor he deþ al to wylle. and to þe line / and to þe reule / and to þe leade / and to þe leuele. He nimþ uerst his pricke. and his boune and þet is þet þe wyse zayþ. 'Of al þet þou sselt beginne : loke þane ende. and to huet heauede þou sselt come.' Efterward / he halt his line. uor he ne heþ beuore be Page  151 riȝte way / and be riȝte onderstondinge. naȝt ase þe eddre / oþer ase þe uox. Efterward. he deþ al be reule / þet makeþ þane wal emne / and man be þe commune lyue of þe guode / wyþ-oute vinde newe hedes. Efterward he proueþ ofte his work mid lead. uor he nimþ hede þet his tour / ne hongi / ne stoupi / ne ariȝt [supplied by ed.] half be prosperit�: ne alefthalf: be aduersit�. Þes yefþe is priour ine þe cloystre of þe zaule. þet lokeþ þe ordre / and deþ hi loki oueral. Verst ine þe herte þet [supplied by ed.] heþ tuo zides. þe onderstondinge. and þet wyl. þe skele / and þe affeccioun. Huanne þise tuo ziden / acordeþ: hi makeþ wel zuete melodie / and moche uayr seruice. Þet is huanne wyl wyle / al þet onderstondinge tekþ of guode. and guod wil uelþ: þet scele onderstant. nou onderstand wel þise tuo ziden / þet byeþ ine þe zaule / hou hy ssolle acordi. Ine þe one zyde byeþ uour lokes / and ine þe oþre: uour. Vor þe skele heþ uour offices. þet is uor to acsy. Vor to deme. Vor to beþenche. And to ssewy þet hi onderstant be worde. And þe ilke yefþe tekþ þane scele / þet hi ssel lyerni / and acsy. and ine huyche ordre / and ine huiche manere / and to huet ende. And þet is wel grat nied. Vor to misdo ine zuiche þinges / is wel perilous. He deþ þane scele onderstonde / and to lyerni þet / þet is nieduol and profitable / and oneste. and hire wyþdraȝþ of þe contrarie. [typographic Fol. 47. a.] A. god hou me lyest þane time and costnin [supplied by ed.] gge uor to lyerni þing þet naȝt ne is worþ bote to ydele blisse / oþer to zenne Ac þe holy gost be þese yefþe tekþ liȝtliche. and makeþ man lyerni ordeneliche / þet is mest nyed to þe zaule to þe loue of god. and al makeþ to done ine riȝte onderstondinge / and to riȝte ende / þet is þe worssipe of god. and uor þe profit of his zaule. and uor to helpe his nixte. Efterward he deþ þane skele wel to zeche þet zoþe of þinges. and nameliche hou hi ssel beleue. Wel beleue is huanne me belefþ simpleliche al þet god made. zayþ. and hat / Page  152wyþ-oute to moche acsi / and wyþ-oute to zeche þe red of god / and þe dyepnesse of his domes / and þe heȝnesse of his magest� / and þe skele of his oþes. Wel beleue is / huanne me ne lefþ ne to raþe. ne to late. ne to alle / ne to nonen. uor þe on and þe oþer: zuo is uice / ase zayþ seneke. Efterward wel acsi : wile wel deme. Wel to deme be-longeþ þet me naȝt ne anfermi: bote me hit habbe wel of-acsed. and þanne bote-yef mo by ziker: þet me ne entremetti to deme þing þet naȝt to him ne belongeþ / ase byeþ þe þinges anhyalde. Þe onderstondinges of herten / of þinges þet ne moȝe torni to þe riȝthalf / and to þe lefthalf / þet me his onderstonde ariȝt ine þe guode half. Þanne þes gost / be þise yefþe / makeþ þane scele wel to deme / and knawe ariȝt. and to destincti be-tuene þe guode þinges and þe kueade. be-tuene þe greate kueades and þe lesse. be-tuene þe little guodes / and þe more. Vor he deþ ech þing praysy / ase hit is be riȝte worþ. Efterward he deþ þane scele beþenche. uor he be-þengþ to þe manne / al þet him is nyed / ase god zayþ ine his spelle. Þe þinges þet byeþ y-pased / he hise deþ beþenche. Þe þinges þet byeþ present / he deþ his onderstonde / and to y-zy. þe þinges þet byeþ to comene: he deþ poruay / and ordayny. and þise byeþ þe þri deles of þe uirtue of prudence be þe filosofe. Efterward he makeþ þane scele be mesure speke / and bleþeliche by stille. and speke onneþe. zuo þet þe speche come raþre te þe uile: þanne to þe tonge. þet hi by y-weȝe ase guode moneye and y-proued. ase zayþ. salomon. þet is þet hi by of guode matire / ase of guod metal. and of guode ssepþe / þet is of guode manere y-speke. and hi habbe his riȝte wyȝte / and his riȝte tale. þet is þet þer ne by ne to moche / ne to lite / and þet hi by wel bezet. uor guod moneye / ne guod word / me ne ssel naȝt ye [supplied by ed.] ue uor naȝt. Huerof zayþ ous god ine his spelle. þet we ne þrauwe naȝt oure pre-ciouse stones to-uore þe zuyn. Þes Page  153yefþe acordeþ / and ordeyneþ / þe oþer half of þe herte. þet [supplied by ed.] is þe wyl / huerof þer byeþ uour deles. Loue. Drede. Blisse. and zorȝe. þet is / þet he habbe þet he ssel / and ase he ssel / and asemoche ase me ssel. and þet me yleue alsuo þet me ssel / and ase me ssel and ase moche ase me ssel. Huanne þise uour deles byeþ atamed / þanne zayþ me þet þe man is attempre. Ase me zayþ of one rote / oþer of one herbe / þet hi is attempre / huanne hi is ne to chald / ne to [typographic Fol. 47. b.] hot / ne to wet. Alsuo ase to þe bodye of man / comeþ alle eueles uor þe destempringe of þise uour qualites / oþer of þise uour humours: alzuo of þe herte of þe manne comeþ alle þe uices / and alle þe zennes be þe distemperance of þise þeawes. Huanne þise tuo ziden of þe herte byeþ acorded and y-ordayned. þet is þe scele and þet wyl. þanne is þe man ordine wyþ-inne him-zelue. Þet byeþ þe tuo roten of þe rote of ane wel uayre trawe. þet is of ane wel uayre uirtue þet me clepeþ riȝtuolnesse. Riȝtuolnesse is propreliche / þet me deþ be dome riȝtuol and trewe / ne to nesssse / ne to hard / wyþ-oute bouȝinge to þe one half / ne to þe oþren. Huanne me geþ uorþ onlepiliche / and a-riȝt ase line. Vor riȝtuolnesse ne is oþer þing bote oninge / þet is trewþe. Huo þet heþ þise uirtue : he is guod iustise and wys. uor he ne deþ noþing bote hit by wel of acsed and y-trid / ase ssel do þe guode demere. Þanne þe uerste stape of þise uirtue is / þet þe man by guod demere of his oȝene herte. uor he ssel guo in-to him-zelue / and y-sy his inwyt and wel examini his þoȝtes / and his wylles þet hi bi guode: oþer kueade. and al ordayny to þe lokinge of scele / zuo þet þe wyl and þe scele : by of one onynge. Vor ase zayþ sain bernard. 'uirtue ne is non oþer þing: bote þe onynge of scele / and of wille.' þet is huanne wyl comþ wyþ-oute wyþzigginge. speke / and maky / and do to worke þet scele zayþ / and sseweþ / and tekþ.

Page  154

ÞE OÞER STAPE OF RIȜT [supplied by ed.] UOLNESSE.

Of þise uirtue þe oþer stape is. þet me by riȝtuol demere / and healde riȝtuolliche / þe line of riȝte. betuene him: and þet is onder him. þet is his bodi þet he heþ to loki. huich he ssel zuo norissi : þet he moȝe serui / and zuo teche / and chasti: þet he wyle bouȝe. Vor þe scele ssel by ase a trewe arbytres be-tuene þe goste and þe ulesse þet byeþ alneway striuinde. þet ssel loki þet riȝt / of one half: and of oþre. Ine zuiche manere þet þe gost by guod lhord / and þet body: by guod sergont. Nou is hit grat nyed to hyealde in þise half oueral riȝtuolnesse / and mesure / ine mete / and ine drinke / and ine cloþinge / and ine hosiynge / and ine ssoinge. and ine alle þe þinges þet / þet bodi acseþ. Vor hit wel ofte bouȝþ more to / to*. [þe?] moche: þanne to þe litle. Efterward hit behoueþ þe vif wyttes of þe bodie wel lede / and rede. be scele / and be riȝtuolnesse / zuo þet ech serui of his office wyþ-oute zenne / and wyþ-oute wyþniminge. Ase þe eȝen: to zyenne. Þe yearen: to hyere. Þe nase: to ssmelle. Þe mouþ: to zuel [supplied by ed.] ȝe / and to sspeke. Þe honden / and al þet body: to vele. Huanne þise vif wyttes byeþ wel y-loked þanne is þe castel ziker / and ysset. Þet byeþ þe gates of þe zaule. þet byeþ þe wyndowes huerby comþ in / þe dyaþ ofte to þe zaule / ase zayþ þe profete.

ÞE ÞRIDDE STAPE OF RIȜT [supplied by ed.] UOLNESSE.

[typographic Fol. 48. a.]

Þe þridde stape of þise uirtue is. þet þe man by guod demere. and hyeal [supplied by ed.] de riȝtnesse be-tuene him : and þan þet is beuore him. þet byeþ þe þinges of time / þet destrueþ ofte and bodi and zaule / huanne me deþ þerto to moche / ase doþ þe niþinges and þe couaytous. and alle þo þet þe wordle louieþ to moche. þet habbeþ zuo þe herten engrined ine þe dyeules nette / ase zayþ Iob. þet to timliche eyse [supplied by ed.] *. [eyse or lost seems wanting here to complete the sense.]/ and to nyedes wyþ-oute / þet to hare Page  155herten hi ne moȝe guo in / ne hare lif ordayny. Þanne hit yualþ þet hit is zoþ / þet senekes þe wyse zayþ / þet we be þan zeneȝþ alle / and foruions þet of þe parties of þe liue ech þenche / and is soigneus. ac of al þe liue to ordayny non ne þencþ / ne studeþ. Nou is þanne wel grat nied þet me ne do naȝt to moche þe herte ine þise þinges wyþ-oute. Vor huo þet him deþ to moche þerto: he ualþ in þe hate / and ine þe couaytise of þe wordle / þet is þe rote of alle uices / ase we habbeþ be-uore y-ssewed

ÞE UERÞE STAPE OF RIȜTUOLNESSE.

Þe uerþe stape of þise uirtue is. Þet man clierliche yzi ane his riȝthalf. þet is þet he nime hede to ham þet byeþ guode / þet byeþ ase ane his riȝt zyde. and þet of þe guode / and of þe wyse / he nime wyt / and uorbysne. Ac ine þise zide hit be-houeþ hyealde riȝtuolnesse and discrecion. Vor al uolc ne moȝe naȝt guo be one waye. ne alle þe guode / ne alle þe wyse / ne habbeþ naȝt onelepi grace. alsuo ase þe lemes of þe bodie / ne habbeþ naȝt onelepi office. and þerof byeþ uele herten nouices of þan / ase zayþ þe boc of collacions of holy uaderes / þet draȝt of þe perfeccion of uirtue. Vor huanne hi yzeþ ane man wel y-mad þet wyle profiti ine on stat / oþer ine one grace : anon hy willeþ / and him y-lyche wylleþ by. And huanne hi eft yzyeþ anoþrene / þet ine anoþer stat / deþ manie guodes: alsuo hi wylleþ and yerneþ efter. an alsuo to þe þridde / and to þe uerþe / ne to nonen ham ne zetteþ. Þo byeþ ase is. þe yonge grihound / þet is yet al nouis / þet yernþ efter eche beste / þet yernþ beuore him. and ne makeþ bote him weri and his time lyese. Þerof zet ysopes þe fable of þe little hounde and of þe asse. þe hond at eche time þet he yhyerþ þet [supplied by ed.] his lhord comeþ hom. he yernþ to-yens him / and lhapþ aboute his zuere. and þe lhord him makeþ uayr chiere / and him froteþ / and makeþ*. [maker in MS.] him Page  156greate feste. Þe asse him be-þoȝte / þous ssolde ich do / and zuo wolde mi lhord me louie. Betere he ssolde me maki ioye / þet ich serui eche daye þanne þise hounde þet him serueþ of naȝt? hit nes naȝt [supplied by ed.] longe efterward þet þe asse ne yzeȝ his lhord come hom : he beginþ to lheape / and yernþ to-yens him. and him þrauþ þe uet aboute his zuere / and beginþ zinge grat-liche. Þe sergons þet hit y-zeȝe / nome steues / and byete þane asse riȝt to þe uolle. And þerof þet he wende habbe [supplied by ed.] worþssipe / and guod: he hedde ssame and harm. Be [typographic Fol. 48. b.] zueche fables wes y-woned þe wyse man teche his mayn� / and be þise uorbisne / he ham ssewede þet hi ne ssolle naȝt wylni to þe graces huer hi ne moȝe naȝt come to. and þet ilke zelue tekþ salomon. 'zone' zayþ he / 'ne arere naȝt þine eȝen to richesses' / þet is to graces þet þe ne miȝt naȝt come to. Þeruore hit is grat nyed to habbe discrecion þet me zi of huam me may uorbysne nime.

ÞE VIFTE STAPE OF RIȜTUOLNESSE.

Alsuo hit is grat nyed þet þe man yzy bryȝ [supplied by ed.] te ane his left half and þet is þe vifte ioyel / and þe vifte stape. uor he ssel yzy þe foles and þe kueade / þet byeþ ase a þe left half. uor hy byþ a þe worse zide. to ham me ssel nime hede uerst / uor þan þet he habbe pit� an compassioun. Efterward uor þet me be-ulyȝt hire folye / and hire uorlyezinge / ase zayþ þe wyse salomon. 'Ich wente' he zayþ 'be þe uine / and be þe ueldes of þe fole sleuuolle. and izeȝ þet al hi weren uolle of nettlen and of þornes / and of þise uorbisne ich habbe y-nome wyt / and por [supplied by ed.] ueyonce.' uor me kan zigge : þet zofte he him chasteþ : þet be oþren him chasteþ. Efterward / uor þan þet me loueþ more god / be huam man is quit of zuyche zennes. Ac moche hit behoueþ ine þa zyde / to loki riȝtuolnesse / and discrecion. Vor huanne ich yzy þane fol and þane zeneȝere / ich ssel habbe pit� / and Page  157mid þolyinge. and naȝt maki þerof bisemers an scornes. Ich ssel alneway hatye þe zenne: and louie þe kende. and wel me behoueþ to loky þet ich ne wille ine mine herte nenne deme. ne me anlicny to nonen. uor þaȝ he by kuead to day: ha may by guod to morȝe. and zuich is to day guod: ha may by kuead to morȝe. Efterward ich me ssel ase moche ase ich may wyþ-oute misdoinge a-yens ham paye. and condecendre ine dede / and ine speche / ham uor to wynne to god. and wyþ-draȝe uram zenne. Vor ase zayþ senekes / and saynt gregorie. 'we ne moȝe naȝt / þo þet bieþ yualle: a-rere. bote-yef we wylle hou þet hit by to ham bouȝe.'

ÞE ZIXTE STAPE OF RIȜTUOLNESSE.

Þe zixte stape is / þe zixte eȝe: þet habbeþ þe guode men. þet is þet hi yzy briȝtliche be-hinde þe grines and þe dyeules ginnes / þet byeþ ous ase be-hinde. Vor þe vyend ous y-ziȝt / and we him ne more*. [moȝe=may.] ysy. Oure vyendes: þet byeþ þe dyeulen / þet byeþ wel stronge and wyse / and sotile and soigneus ous to gyly. Vor hy ne zuykeþ neure niȝt ne day / ac alneway bieþ ine waytinge uor ous to gily be hare crefte / an by hire ginnes / huerof hi uzeþ more þanne a þosend maneres. and ase zayþ saint gregorie. Þe dyeuel yziȝþ wel sotilliche þe stat of þe manne / and his manyere / and his complexioun / and to huet vice he ys mest bouȝinde. oþer be kende / oþer be wone. and of þo half him asayleþ stranglakest. þane colrik: mid ire: and mid discord. Þane sanguinien: mid ioliuet� / and mid luxurie. Þane fleumatike: mid glotonye / and be sleauþe.*. [At bottom of page are the catch words and mid sleuþe.] Þane melancolien: mid enuie / and mid [typographic Fol. 49. a.] zorȝe. And þeruore him ssel eurich more defendi of þo half huer ha yziȝþ þet his castel is mest fyeble / and aye þe ilke vice uiȝte / huer ha ziȝþ þet he is mest asayled. ine zuyche guod / þet he / ne spari nenne. uor Page  158he is hardy / and bold. ase þe ilke þet assayleþ godes zone his lhord Iesu crist. 'Yef þou wost' [supplied by ed.] *. [This word is necessary to the sense.] / zede oure lhord to iob / 'ine hou uele wyzen he him desgyzeþ' / alsuo ase yef he zede non ne wot bote ich. Vor ase zayþ saynt denys. 'all [supplied by ed.] e þe angles and þe guode and þe kueade / and alle þe gostes of men byeþ ase a ssewere gostlich. Þanne ase a ssewere onderuan [supplied by ed.] gþ anhaste alle þe ssepþes and þe prientes þet comeþ him be-uore: alsuo deþ þe gost of þe manne / by hit slepinde by hit wakinde. Nou nim þanne ane mirour and zete hine to-ayens an oþren. an haste alle þe ssepþes þet byeþ ine þe onen þou sselt yzy ine þe oþren.' Ine zuyche wyse me zayþ þet þe dyeuel sseweþ to þe goste zuiche sseppinges and zuiche figures ase he wyle huanne god hit þoleþ / and þe zaule hit onderuangþ al a-ye his wyl. and oþerhuil hit is ase to þe þoȝte / oþer ase to þe ymaginacion ase a-ye mi wyl / me be-houeþ to zyenne and on [supplied by ed.] deruonge ine þe perle of þe eȝe þe ssepþe of þe þinge þet is him be-uore. Nou is hit a wel grat grace of god / and a wel grat yefþe of þe holy gost / onderstonde wel þe speches alle / of þe dyeule / and knawe wel alle þe uisages. Vor ase zayþ saynt bernard. hit is wel sotil þing / and strang to conne / distincti be-tuene þe þoȝtes þet þe herte þengþ : and þo þet þe viend: þerinne zet. Huanne he comþ ase uelaȝe / oþer ase uriend / oþer ase chapman. and sseweþ þe zennes / hou hi byeþ likinde. and lostuolle / liȝtliche me may hit knawe. Ac huanne he comþ ine gyse of angle / and sseweþ þet guod: uor to draȝe to kueade. Þanne is þe temptacion mest strang. And þereuore zayþ saynt Ion. Þet me ne leue naȝt þe gostes/ ac þet me hise prouy erþan þet me hise onderuonge. zuo doþ þo / þet makeþ hire srifteuader guod / and holy man / and wys / and wel yproued ine zuiche þinges timliche / to huam hi sseweþ ofte / and grat / and smal/ alle þe þoȝtes þet to þe herte comeþ and guode / and Page  159kueade. Vor ase zayþ solomons. 'y-blyssed he is: þet alneway is dreduol.' and ine an oþre stede zayþ he. 'Do be red al þet þou dest / and efterward hit ne ssel þe uorþenche.'

ÞE ZEUENDE STAPE OF RIȜTUOLNESSE.

Þe zeuende stape / is þe zeuende eȝe. þet hit behoueþ habbe þet wile habbe þise uirtue. Þet is þe ilke þet an heȝ lokeþ / þet heþ god alneway to-uore him. Of þan zayþ oure lhord ine his spelle. 'Yef þine eȝe is simple and clene: al þi bodi ssel by clyer and briȝt. And yef þin eȝe is wycked and dym: al þi bodi ssel by þyestre and dim.' Þet is to zigge / yef þin onderstondinge of þine herte is clen*. [Written clene in MS.] and simple / and geþ uorþ þane riȝte way ase streng al a-midde þise stapes alle / þet we habbeþ y-nemned / þe hyap of þine workes ssel by uayr and clier / and lykinde to god. And yef þe [typographic Fol. 49. b.] onderstondin [supplied by ed.] gge is wrong. oþer yef huy tuysteþ oþer wyþwent ayen ase deþ þe quarteus al þe inwyt ssel by þiestre / and þe hieap of uirtues. Vor wyþ-oute riȝtuolle onderstondinge: elmesse be-comþ zenne / and uirtue vice. Þe onderstondinge is simple / þanne þe man deþ guode workes riȝtuolliche uor god. Hy is wrang / huanne he hise deþ uor þank of þe wordle / oþer uor ydeleblisse. Hy tuysteþ ine tuo: huanne me wylneþ of one half to god: and of oþerhalf to þe wordle. Ac hi went ayen: ase deþ þe cerceaus huanne þe man zekþ his oȝene note in al þet he deþ. Nou hest þou y-herd þe zeue stapes huerby þis trau clifþ an heȝ.

OF ÞE BOȜES OF RIȜTUOLNESSE.

Þe boȝes of þise trawe: byeþ þe zeuen principals uirtues / þet ansuerieþ to þe zeue vices. ase deþ boȝsamnesse a-ye prede. Loue: a-ye enuye. Mildenesse: a-ye felhede. Prouesse: a-ye slacnesse. Largesse: a-ye scarsnesse. Chastet�: a-ye lecherie. Sobret� a-ye Page  160glotounye. Þise zeue uirtues lokeþ and ledeþ wel riȝte and wel zikerliche þane gost of wytte þet hise let be þe waye of riȝtuolnesse. ase zayþ salomon. be huiche waye: discrecion and scele / þet is þe cartere of uirtues. ase zayþ sant bernard. and þe roþer of þe ssipe of þe zaule his let and brengþ uorþ. þet hi ne guo naȝt amis ariȝthalf ne alefthalf. and þus hi profiteþ and wexeþ and bereþ frut to þe uolle. Þeruore þanne þet þe uirtue of riȝtuol- nesse / be discrecioun him sseweþ ine alle þe workes of oþre uirtues. and wyþoute þise / alle þe oþre uirtues lyezeþ þane name of uirtue: and becomeþ uices. Zigge ich wel / þet in on wyt / þise zeue uirtues be-uore yzed byeþ þe boȝes of riȝtuolnesse and al þet frut of guode workes þet of ham wexeþ / belongeþ to þise trawe. Nou onderstand [supplied by ed.] wel hou þe greate maister of uirtues ous spekþ of þise uirtu [supplied by ed.] e / uor hi ne is naȝt ine his reule. 'Yblessed byeþ þo þet riȝtuolnesse hiealdeþ oueral / and ine alle þinges habbeþ discrecion and mesure wyþ-oute misnimynge.' Vor we ne habbeþ hire onneaþe y-wonne. Vor non ne is þet ne misnimþ ine uele maneres. And þeruore ous conforteþ wel zueteliche oure zuete maister [supplied by ed.] Iesu crist huanne he ne zayþ naȝt. 'y-blissed byeþ þo þet ne zeneȝeþ ne misnimeþ / ac doþ al be riȝtuolnesse / and be lingne.' Ac he zayþ wel cortaysliche uor to conforti þe zenuolle. 'Yblissed byeþ þo þet wepeþ / uor hy ssolle by conforted.' Þet is to zigge : þo byeþ yblissed: þet yzyeþ and onderstondeþ and knaweþ wel hire defautes: ine alle þise zeue poyns of riȝtuolnesse þet we habbeþ hier y-nemned / and þeruore wepeþ and byeþ zorȝuol þet hi uindeþ zuo ofte onriȝt / huer hi ssolden healde and uinde riȝtuolnesse. Vor þeruore is þe wordle y-cleped þe dane of tyeares. and non ne may ine þe wordle libbe: wyþ-oute tyeares þet heþ onderuonge þe yefþe of wyt / huerof we habbeþ yspeke. Þanne be-houeþ ase zayþ salomon. uor huo þet mest can / and mest zyȝþ þe zorȝes and þe kueades of þe wordle : þe Page  161 [typographic Fol. 50. a.] more heþ zorȝe to his herte / and tyeares / and wepinges. And þus beginþ þis wordle to tyeny. And þe more þet tyeneþ þis lif : þe more me wylneþ þet oþer. And þerof wexeþ oþre tyeres uor þe wylninge of þe oþre liue. Nou sselt þou þus þenche. Zix maneres of tyeres þet þe holy man heþ ine þise wordle be þe yefþe of wytte. Þe uerste comeþ of þet me zyȝt þet me heþ god ofte ywreþed be þoȝte / be speche / and be dede. Þe oþer comþ þerof þet me yziȝþ þe greate tormens hidouse an eurelestinde of helle. Huerof ech man ssel habbe grat drede. Þe þridde wexeþ of þe kueades / þet me yziȝþ þe guode þolye. Þe uerþe comeþ of þe zennes þet þe kueade doþ. Þe vifte uor þise liue þet tyeneþ / and uor þe oþre þet deþ auerst. Þe zixte comþ of deuocioun and of grat plent� and of blisse of þe presense of Iesu crist / and of þe uelinge of þe holy gost. and þise byeþ ariȝt yblissed þet zuo wepeþ / uor hi ssolle by y-conforted ase zayþ þe writinge. Alsuo ase þe norice conforteþ þet child þet wepþ. uor hi wypeþ þe eȝen / and him kest / and hi deþ him leȝe be strengþe. alsuo ssel do oure lhord to ham þet wepeþ ine þise wordle ase ich habbe yzed. Vor he wyle zuo wypi hare eȝen / þet neuremo ne ssolle wepe / ne ne ssolle yuele kuead ne zorȝe. Ac euremo ssolle by myd god ine paise and ine leȝinge and ine blisse wyþ-oute ende.

OF ÞE YEFÞE OF STRENGÞE.

Nou we habbeþ yspeke of yefþes and of uirtues / þet gouerneþ þo þet ine þe wordle libbeþ mid þe loȝeste of þri states / huerof we habbeþ beuore y-speke. Nou ssolle we mid þe helpe of þe holy gost speke of þe yefþes and of þe uirtues þet more propreliche belongeþ to ham þet þe wordle onworþeþ / and to þe heȝe helle of perfeccion wylneþ. Of þan zayþ propreliche Iob. þet lyf of man ope þe erþe: is ase knyȝ [supplied by ed.] thod. Vor mannes lyf ine þe erþe : is ase borgeysye. Nou yziȝ Page  162ane yongne boryeis and ane newene kniȝt. Mochel habbeþ þos of uele þoȝtes newe diuerses and wyluolle. Þe borgeys wylneþ to chapfari / an to wynne and to gaderi. and þe ende of his wylle is al þerto : þet ha by riche ine guodes. and ine his toune y-worþssiped. Þe knyȝt newe / geþ al anoþerne way. Vor he wilneþ corteysyes to done / an largeliche yeue / and knyȝ [supplied by ed.] thod to lyerny and guo to armes. kueades to þolye / ssewy prouesses. porchaci los / and ine heȝe stat cliue. Þise tuo states we zyeþ aperteliche ine tuo maneres of uolke. huerof þe on is / þet wel ham wylleþ uram greate zenne loki / do penonce. yeue elmesse. hyealde godes hestes / and of holy cherche and wel ham hit were ynoȝ / yef hi miȝte ate ende be*. [bo MS.] zuo moche by y-borȝe. Þise byeþ ine guod stat / and wel ham moȝe soui. Þe oþre byeþ to huam þet þe wordle anoyþ uor þe perils and þe zennes and de*. [So in MS.] pinen / huerof hi is al uol. zuo þet non ne may habbe pays of herte / ne stedeuest inwyt. Hi yzeþ of [typographic Fol. 50. b.] oþer half þet þer ne is no tresor þet moȝe*. [more?] by worþ to godes loue. no zuyetnesse zuo grat : ase pays of herte. no blisse of þe wordle þet by worþ / to þe blisse of klene inwyt. zuo ham þingþ and wel hit is zoþ / þet huo þet þise þri þinges may winne : he ssolde by more þanne emperour. ac þet is zuo grat þing þet ueawe þer byeþ zuiche / þet dorre þise niminge maki. ac huanne god yefþ to þe manne þise grace. and þe ilke yefþe þet me clepeþ þe gost of strengþe. he hym yefþ ane newe herte / ane noble herte / and hardi. Noble: uor to onworþi al þet þe wordle mai behote / and yeue. Hardyesse uor to þolie alle þe kueadnesse þet þe wordle may þreapni. And of þise hardiesse spekþ oure uader huanne he zede. Þet 'yblysseþ byeþ þo þet habbeþ honger and þorst / of riȝtuolnesse.' Salomon zayþ. þet 'he is riȝtuol / þet onworþeþ his harm / uor his uryend' / þet is uor god / þet is riȝt urend. And saint bernard zayþ. 'he ne is naȝt riȝtuol / þet ne yziȝþ naȝt ine his Page  163herte : and uelþ / and onderstant / þet he is yeldere. and a-yens god of treuþe / toppe alle þing.' Þe ilke þet zoþliche wylneþ mid al his herte to yelde þise dette to gode / þe ilke is of þan / huerof oure lhord spekþ huanne he zede. Þet þe ilke byeþ yblissed / þet habbeþ honger / and þorst: uor riȝtuolnesse. he ne zayþ naȝt / 'y-blissed hi byeþ þo þet habbeþ / oþer þet doþ riȝtuolnesse : ac þo þet habbeþ honger and þorst.' Vor þis riȝtuolnesse ne may by yhyealde / ne þis dette ne may by uolliche y-yolde / ine þise wordle. Ac ine þise wordle hi is y-wylned / and ine þe oþre / y-payd. Þeruore ne zayþ naȝt oure guode lhord and mayster. 'Þo byeþ yblissed þet þise riȝtuolnesse ssolle do / and þet þise dette ssolle yelde.' Ac he zayþ wel cortayslaker / ase he þet wot oure pouert�. 'Yblisseþ*. [So in MS.] byeþ þe ilke þet of þise riȝtuolnesse / habbeþ honger / and þorst.' Vor he ne akseþ naȝt þet we him yelde hyer his dette / ac hit is him ynoȝ / yef we habbeþ guod wyl to yelde. Þis wylninge huanne hi is zoþ in herte / behoueþ þet he hit ssewy be dede. Vor ase zayþ salomon. 'non ne may þet uer ine his bosme hede / þet his robe ne berne.' Þis ssewynge ne may bi wyþ-oute uirtue / and wyþ-oute prouesse. Vor be wytnesse / ne by playtinge : me ne proueþ naȝt þet he by guod knyȝt / ac be moche dede of armes / and be moche þoliynge / and to y-leste. And þet is þe uerþe uirtue / þet þe holy gost yefþ to þe manne uor to strepe of al : in al. þe uerþe vice. þet is þe zenne of sleawþe and of onlosthede. Þis uirtue is of zuo greate dignet� / þet amang alle þe oþre uirtues / þis one berþ propreliche be him-zelue þane name of / uirtue. Vor uirtue / and prouesse is al on. Þise uirtue / god yefþ to his sergons / huanne he his wile maki kniȝtes / ase he dede to his apostles at lokes. of huam we redeþ / þet hi weren zuo dreduol / þet hi ne*. [no in MS.] dorste guo out of hare house / alhuet hi weren mid Page  164þise uirtue yarmed. Ac more hi yeden ledinde blisse / [typographic Fol. 51. a.] huanne me dede ham ssame and hardnesse.

ÞE TO-DELINGE OF UIRTUES.

Þe filozofes þet of þise uirtues droȝen / hi to-delden þise uirtues ine zix deles. þet byeþ ase zix stapes / huerby þise uirtues cliueþ / and profiteþ. Ac oure master þet made þe filozofes / and filozofie. þet is Iesu crist: he zet / þane zeuende poynt. Þe uerste poynt of prowesse / hi clepieþ / magnanimit�. Þe oþer: fiaunce. Þe þridde : zikernesse. Þe uerþe: þolyinge. Þe uifte : stedeuestnesse. Þe zixt: magnificence. Þe zeuende þet oure mayster zette : hatte honger and þorst of riȝtuolnesse. Þise uirtues me ne may naȝt propreliche nemni ase onderstondinge hise to-diȝt / ine latin. Magnanimit� is heȝnesse. gratnesse. and noblesse of wylhede / huerby þe man is hardi ase lyon / and of greate niminge. Þis uirtue heþ tuo delles.*. [deles?] greate þinges onworþi. and wel grater to nime an hand / and to chiese. Of þe uerste dele : zayþ zaynt austin. Prowesse is / huanne corage onworþeþ / al þet ne is naȝt in his pouer. Þet is al þet he may lyese / wylle him nolle him. And seneke zayþ. 'amang wordleliche þinges / no þing ne is grat / bote herte / þet greate þinges onworþeþ.' Of þe oþre dele zayþ þe filozofe. Þet 'magnanimit� / is renable niminge of heȝe þynge / and dreduol.' Huo þet þise uirtue heþ : he yziȝþ þe wordle uram uer. ase zayþ ysaye. þe profete. And þus him þingþ al þe word [supplied by ed.] le lite / ase a sterre hit þincþ to ous. Þanne al þe wordle / and alle þe bisyhedes / and þe greate niedes of þe wordle him þingþ ase naȝt. and þeruore hise ne prayzeþ naȝt / bote ase þe web of þe spiþre. Þanne salomon huanne he hedde al þe wordle y-went. and of alle þinges / and of foles / and of wyse ystriued. he zayde his dom ine zuiche manere. 'ydelnesse. ydelnesse. ydelnesse. and al þet ich izi : is ydelnesse.' þet is to zigge / þe wordle is ydelnesse. and zuo hi is al uol of ydelnesse. And þe man Page  165him-zelf uor huam þe wordle is y-mad : zuo is al ydelnesse. uor ine him is alle manere ydelnesse / ase zaiþ þe sauter. ydelnesse / be steruinge. Vor his lyf uliȝþ ase ssed. ydelnesse / be bysihede. Vor þise bysyhedes byeþ ase meteles. Ydelnesse / be kueadnesse. Vor zenne him makeþ more naȝt / þanne þing þet is ine þe worddle. Nou is þanne þe uerste del of þise uirtue. Þet him deþ þe wordle onworþi / ase habbeþ ydo ine ariere and þe filozofe payen. and þe holy cristene man. Þe oþer del is zuo / þet hi makeþ þane way of perfeccion to nimene. and þet lyf þet zuo moche sseweþ ssarp / an dreduol to chiese. Þet is þe way þet let in-to þe helle of god. þet is ine þe stat of perfeccion. Þet is þe way of priu� red / of oure lhorde / þet he ssewede to his apostles ine þe helle / huerof þis bok spekþ. Þerne way chye [supplied by ed.] zeþ þo. to huam ne is naȝt ynoȝ to loki / þe hestes of god / huerto hi byeþ y-hyealde. and wylleþ uoluelle his redes / huer hi ne byeþ naȝt be dette y-hyealde / ase byeþ þo / þet leteþ al þet hi habbeþ : uor god. and ye [supplied by ed.] ueþ ham to sterue / uor þe loue of him : þet [typographic Fol. 51. b.] starf uor ham. oþer ine þe londe be-yende þe ze / oþer ine anoþre stede. And ase doþ þo / þet uorleteþ / and al onworþeþ uor god. and guodes. and uryendes. and ham-zelue. and makeþ ham-zelue þrelles of oþren þet weren vry. and makeþ ham-zelue poure : þet weren riche: oþer myȝten by. hy doþ ham to þolye grat ssarpnesse / þet hedden ine þe wordle : greate lostes. ase byeþ manie / þet byeþ ine religion. and of herte / and of bodie. Vor litel is worþ to by ine religion / oþer ine ssarpnesse of penonce / yef þe herte ne is naȝt þerto. Vor þe cloþinge / ne makeþ naȝt þane monek. ne þe armes þane knyȝt : ac þe guode herte / and þe dedes of prouesse.

ÞE OÞER STAPE OF PROUESSE.

Þe oþer stape of þise uirtue is : beleaue. Vor huo þet heþ þane guode way ynome / hit be-houeþ þet he Page  166him hyealde vestliche ine his wylle / and þet he habbe guode beleaue ine god / þet he him uoluelle þet he heþ agonne. Þise uirtue hi clepieþ / beleaue. hi is wel nyeduol a-ye þe asaylinges of þe wordle / of þe ulesse. and of þe dyeule. þet stranglaker asayleþ þane man ate a-gynninge. Þet uless him zayþ. ych ne may þolye þis lyf / ne mine ealde wones lete. Þe wordle zekþ efter / uor þan to wyþdraȝe / ase me zekþ ane þyef huanne he is ascaped of þe prisone. Þe dyeuel him zayþ. 'wrechche huet wyltou do / hueruore þe yelst þe zuo. Vor þou miȝtest þe oþerlaker wel wytye.' Þise byeþ þe uerste asaylynges / þet godes newe knyȝt þoleþ: þet þengþ to wynne þe regne of heuene. Ac huanne he him yefþ to god be guode an stedeueste be-leaue / he ne heþ none hede. Vor he is þe treweste urend / þet may / and can / and wyle / his oȝene loki. and huam þet god wile helpe : no þing him ne may derie.

ÞE ÞRIDDE STAPE OF PROUESSE [supplied by ed.] .

Þe þridde stape of prouesse: is zikernesse. zykernesse ase zayþ þe filozofe is a uirtue / huerby me ne dret naȝt þe kuedes / ne þe perils / þet bieþ beuore hare eȝen. And þet is þe þridde guod / þet þe yefþe of strengþe deþ. Vor þe holy gost / huanne he heþ y-armed his knyȝt of his uirtue : uerst he him yefþ noble herte / greate þinges to nimene. Efterward he him yefþ ane greate hete / and a grat wyl to uolȝy / and grat hope uor to uoluelle. Efterward he makeþ him ziker ase lyoun. zuo þet he ne heþ drede / ne of perils / ne of pinen / ne of dyaþe / ne of torment. ac he his wilneþ / ase deþ þe newe knyȝt þe tornemens. an suo dede þe martires ase hit þingþ ine hare liue. huer-of we redeþ of zaynte agase / þet mid greate blisse hi yede to torment alsuo ase hi yede to feste / oþer to a bredale.

Page  167

ÞE UERÞE STAPE OF PROUESSE.

Ase þe holy gost makeþ his knyȝt ziker uor to abide þe tormens and þe zorȝes þet byeþ to comene. Alsuo he him makeþ strang and þolyinde. uor to þolye huanne hi comeþ. and þet is þe uerþe stape þet hi clepieþ / pacience. be þise uirtue / þe guode ouercomþ alle his uyendes. þane dyeuel. þe wordle. and þet uless. and al þet hi moȝe zigge and do. Vor þet is þe sseld [typographic Fol. 52. a.] of gold / to him þet uor godes loue þoleþ / þet him wriȝþ of eche half / ase zayþ þe sauter. zuo þet no strok / ne may him breke þe herte. Þise uirtue non ne heþ : þet ne heþ bi uonded. Vor [supplied by ed.] tribulacion : makeþ pacience. Ase zayþ zaynte paul. ase þet uer: makeþ þe teȝele / hard. Wyþ-oute þise uirtue non ne is y-proued. ne þet gold ne may by wyþ-oute uer y-clensed. wyþ-oute pacience : non ne heþ uictorie. Vor huo þet lyest pacience : he is ouercome. wyþ-oute pacience : non ne comþ to perfeccion. Þerof we yzeþ uorbisne / ate leste ine alle þe mestyeres þet me deþ mid hand. Moche þoleþ þe coupe of gold of strokes of yzen / erþan hi by yzet ope þet bord of þe kinge. and þe chalis er ha by yblissed / and y-zet ope þane weued. Moche þoleþ þe tonne of greate strokes / er me do þrin þet guode wyn. Mochel is defouled mid þe uet of uolleres þe robe of scarlet / erþan þet þe kuen his do an. And ase uele miȝt þou to þan vinde uorbisnes : ase þer byeþ workmen at paris of alle mestyeres. Be þise uirtue is strang þe man / ase þet ysen þet alle metals a-daunteþ. Of grat pris ase þet gold / þet þe more hit is ine uere : þe more hit is clene / and clyer / and tretable. ase þe salamandre þet leueþ ine þe uere. and ase þe viss þet ine þe trauailinde wetere : him baþeþ and norisseþ.

ÞE VIFTE STAPE OF PROUESSE.

Þe vifte stape of þise uirtu is ycleped constance. Page  168Þet is a uirtue þet makeþ þe herte strang and stedeuest ine god ase a tour yzet ope ane stronge roche / and ase a traw yroted ine guod land / þet hit ne ssake uor nenne wynd / þet may come ne blawe / þet is ine no cas þet moȝe come / ne guode ne kueade. wyþ-oute. þise uirtue / non ne comþ to uic [supplied by ed.] torie. uor huanne godes knyȝt heþ ido zome prowesse : þanne him asayleþ þe dyeuel be ydele blisse. and þanne is þe batayle ine þe herte þe stranger uor him-zelue to ouercome / þet he ne ualle be ydele blisse : þanne alle þe uerste uondinge / ne wes. Huerof dauid zayþ ine þe sautere / þet þe dyeuel ouerþrauþ þe wel stronge of lefthalf be aduersit� / and þe wel stronge a riȝthalf : be ydele blisse. Þise uirtue preyseþ moche seneke þet zayþ. þet þer ne is uirtue bote þe ilke þet geþ uorþ proudliche be-tuene þe one auenture and þe oþre / þet is be-tuene þe guode and þe kueade. and grat onworþnesse of on an of oþer.

ÞE ZIXTE STAPE OF PROUESSE.

Þe zixte stape of prouesse / hi clepieþ / magnificence. þise uirtue hi descriueþ þous. Magnificence is hi ziggeþ of heȝe nyede y-blissede bleuinge. Þise uirtue oure greate filosofe Iesu crist clepeþ / perseuerance. be huam þe guode godes knyȝ [supplied by ed.] t þoleþ þe kuedes / and ylest al to þe ende ine þo heȝe waye of perfeccion þet he heþ ynome. Of þise uirtue zayþ zaynte paul. þet alle þe uirtues yerneþ : ac þis wynþ þet zuord. alle hy viȝteþ : [typographic Fol. 52. b.] ac þis heþ þe uictorie and þe coroune. Alle wercheþ : ac þis berþ away þane ssepe aneuen. Vor ase zayþ oure lhord. huo þet blefþ al to þe ende : he ssel by borȝe / and non Oþer. More uorþ ne couþen þe filosofes lede þe uirtue of prowesse. Ac þe deciplis of oure mayster Iesu crist / guoþ ynoȝ more uorþ. Vor ase zayþ salomon. huanne hi habbeþ al asummed / þanne uerst ham þingþ / þet hit is al to aginne. Þe uirtue and þe Page  169prouesse of þe filozofes wes al uor þe uices to ouercome / and to zeche þe uirtues. Ac þe prouesse of halȝen uor to ouercome þe uices and þe uirtues to zeche. and þerto principalliche uor to healde riȝt [supplied by ed.] uolnesse / an treuþe auoreye Iesu crist. He ne is naȝt riȝtuol / þet ne yelt þet ha ssel : be his miȝte. And uor zoþe mochel is riȝtuol þing / and sceluol / þet ich yeue mi lif / and mi dyeaþ / uor him þet his lif and his dyeaþ / yaf uor ous. And asemoche ase he is worþ betere þanne ich : zuo moche ich am yeldinde be riȝte riȝtuolnesse. ase zayþ saynt anselm. Þise riȝtuolnesse 'ich may wylny / ac ich / ne non oþer / ne moȝe hier hit yelde / ne uolliche hit paye' / ase we habbeþ be-uore y-zed. And þeruore is þe zeuende stape of þise uirtue / þe ilke þet oure mayster Iesu crist deþ þerto / huerto þe filozofes ne miȝte come / þo he zede. 'yblessed byeþ þo: þet habbeþ honger and þorst of riȝtuolnesse.' Þanne byeþ þo ariȝt y-blissed / þet þe zix stapes of prowesse byeþ ycliue / and habbeþ honger / and þorst / and grat wyl þe zeuende stape / be hare myȝte cliue.

ÞE BOȜES OF PROWESSE.

Ine þise trawe ase ine þe oþren / we vindeþ zeue boȝes. Vor ine zeue maneres of viȝt : þer comeþ zeue maneres ouercomeinges. and be þise zeue ouercominges : hi wynneþ zeue maneres of corounes. þet byeþ zeue medes. huerof saynt Ion spekþ ine þe apocalipse. Vor ase zayþ saynt bernard. 'Mochel is he fol / and ouer- weninde / þet wyþ-oute ouercominge abit to habbe þe coroune. and huo wyþ-oute viȝt: wenþ habbe þe maystrie.' huerof zaynte paul zayþ. Þet neure to coroune ne ssel come : þet trieweliche ne viȝt. treweliche / þet is to zigge: be þe laȝe of þe uelde of þe y-prouede / þet wes y-woned to byenne þe ealde manere at rome. þet þe ilke þet to þe uelde him dede / uor to habbe los : ouercom alle þo þet þe mayster of þe uelde / Page  170dede come ayen him. Þe mayster of þe uelde / is Iesu crist / þet asayþ his newe knyȝtes ase hit is ywrite ine þe boc of kinges. Þes mayster is wel trewe ase zayþ zaynte paul. and kan uol wel þe miȝte of echen / he ne þoleþ þet no vyend ous uondy ouer oure miȝte. ne non aduersari ous asayli / þet we ne moȝe ouercome : yef we willeþ mid his helpe. Þet ine þe viȝt ous wext oure strengþe / ase zayþ zaynte pauel. Saynt Ion ase we habbeþ yzed / toparteþ zeue ouercomein [supplied by ed.] gges. and zeue corounes. þet is to zigge : zeue maneres of medes / þet god be-hat to þan / þet ouercomeþ.

ÞE UERSTE VIȜT.

[typographic Fol. 53. a.]

Þe uerste uiȝt þet þe cristene babbeþ: is a-ye dyeadlich zenne. ine þis viȝt neure ne is ouercome : þet nele to senne consenti. he ouercomþ þane viȝt / þet is wel liȝt to ouercome to þe bolde herte. and lang and riotouse to þe sleauuolle / and to þe onlosti / þet byeþ slacke to godes seruice. þet ne byeþ ne wel chald be poer. ne wel hot: ine þe loue of god / ase zayþ zaint Ion. Þe ilke þet ualþ an is ouercome ine þise viȝtinge : heþ more strenger to done him-zelue to do arere / and him-zelue to werie. þanne þe ilke þet is stondinde. uor he ne heþ none miȝte him-zelue to arere : bote god him hyalde þe hand be his grace. Vor ase viss geþ in / be him-zelue and be his wille in-to þe nette : alsuo þe man geþ in / be him-zelue and be his wylle in-to zenne. Ac out ne may he naȝt guo: wyþ-oute oure lhordes helpe / þet him yefþ huanne he wyle / and þe armes of penonce / huerby he may ouercome his y-uo. Þet is þe armure þet þe apostel zainte paul het to nime ine þise viȝtinge / uor man on-armed : ne is naȝt worþ ine viȝt. Nou sselt þou conne þet to þan þet þe man by wel y-armed uor to ouercome parfitliche zenne. hit behoueþ þet he habbe þri þing þet byeþ ine zoþe penonce. Þe uerste þing is : uorþenchinge of herte. Þe oþer: Page  171ssrifte of mouþe. Þe þridde: is ynoȝ amendement be dede. Of þise þri þinges is y-hol: þe hauberk of penonce. Yef þe on of þise þri þinges fayleþ: þe armure is al uals / and he þet hit berþ : ouercome. Vorþenchinge: acseþ grat zorȝe and greate zykinges of herte / uor þet he heþ y-wreþed his sseppere. And þe more þet me him heþ y-wreþed : þe more gratter ssel by þe zorȝe.

OF ÞE UORÞENCHINGE OF KYNG DAUIÞ.

Þous uorþuȝte þe kyng dauiþ ase he zayþ ine þe sauter. 'Ich zuynke and trauayliine mine zykinges. and wille wesse eche niȝt mi bed and mine couche mid mine teares.' Þe ilke þet god heþ y-wreþed be dyadliche zenne : he ssel zorȝy mid dyepe herte / zuo þet þe herte melte al in-to tyeares / and in-to greate zorȝes. and mid greate zikinges me ssel grede to god merci / ase his þyef / ase his manslaȝþe / ase his bezuykere : þet heþ ofserued þet gibet of helle. Þe zeneȝere is godes þief. uor þe guodes of his lhorde þet ne byeþ him bote ylend uor to wynne. Þet byeþ þe guodes of kende / and of grace / and of hap. huerof him behoueþ / rekeninge / and scele yelde wel straytliche. He hise heþ folliche y-spended ine euele wones / and al ylayd to an hazard. Efterward he is moyrdrer of þe kinges doȝter. þet is of his oȝene zaule þet wes godes doȝter be grace. þet he heþ yslaȝe be dyadlich zenne. Efterward he is godes bezuykere. uor þe castel of his herte / and of his bodye / þet god him heþ ytake to loki: he heþ yolde to his yuo dyadlich / þet is þe dyeuel. Wel þanne he ssel grat zorȝe habbe þet is in zuich poynt. and ofte mid his teares his bed wesse. þet is his inwyt. huerof þe uenimouse eddre of helle sest geus. zueche tyeares driueþ þane dyeuel uram þe herte : ase þet hote weter cacheþ þane hond out of þe kechene. Efter þe uorþenchinge ssel come þe ssrifte þet is þe guode [typographic Fol. 53. b.] chomberier þet clenzeþ þet hous and kest out al þe uelþe Page  172 mid þe besme of þe tonge. huerof spekþ dauid ine þe sautere. & meditatus sum cum corde meo & excercebar & scopebam spiritum meum.

OF ÞE SSRIFTE.

Nou onderstand wel hier hou me ssel by yssriue / þerto þet þe ssrifte by worþ to þe helþe of zaule. Þerto behoueþ zix condicions. Þe uerste is þet hi bi ymad wyslyche. Þis wyt is ine tuo þing. þe uerste : þet me nime hede to huam he ssel him. ssriue. Efterward [supplied by ed.] huerof. Saynt austin zayþ. uor þet me deþ uor te bevly þane dyaþ of þe bodie: me ssel do uor to askapie þane dyaþ of þe zaule. Þe zike uor to be-uly þane dyaþ / and uor to habbe helþe / zekþ bleþeliche þane beste fisician and þane wyziste þet he may habbe. Alzuo zayþ saynt augustin / þet huo þet wille wysliche him be rede / and grace auoreye god uynde : he ssel zeche zuych ane confessour : þet conne bynde / and onbynde. Þet is þet he conne wel y-knawe zenne / an þane zeneȝere wel rede. And þet he habbe power him to asoyli / and him penonce to anioynj be þe zenne. Qui wlt confiteri peccata sua ut inueniat graciam : querat sacerdotem qui sciat ligare & soluere / &c.

Efterþan huo þet him wisliche wyle ssriue / he ssel mid wylle þenche ane his zennes auore þet he come to ssrifte / and al his herte zeche / and his inwyt / hou he heþ god / and his yblyssede moder / and his halȝen ywreþed. and mid greate drede al his lyf beþenche / ase dede þe guode king ezechie / þet zayde þus. 'Ich wylle beþenche alle mine yeres / ine biternesse of mine zaule.' Þe zeneȝere ssel guo in-to his house / þet is in-to his herte. naȝt pasindeliche ase þe iogelour þet ne blefþ naȝt bleþeliche in his house. uor he ne heþ no worse hous þanne his oȝen. Ac þer he ssel bleue / and ysy alle his defautes huerof he ssel yelde rekeninge / and skele to god / an to his preste. þet is to his ssrifteuader. An ssel þenche of him-zelue ase þe ilke þet heþ day uor to Page  173rekeny of his onderuonginge and of his spendinges beuore his lhorde. Þanne he ssel him diligentliche þenche beuore / and izy þet writ : of his inwyt. þet he ne faly ine his rekeninge. Vor yef he faileþ at his rekeninge : god nele naȝt faly at his. Huanne me heþ diligentliche y-þoȝt of his zennes / and yzoȝe hou / and ine hou uele maneres he heþ god y-wreþed. and hou uelezyþe. and hou kueadliche he heþ yzeneȝed. and hou longe ybleft ine þe zenne. Þanne ssel he him of al hasteliche ssriue.

And þis is þe oþer condicion þet ssel by ine ssrifte. þe kyng dauid aros at midniȝt him uor to ssriue ase he zayþ ine þe sautere. Onneaþe abod he ane monþe / ne alhuet half a yer. And þe wyse ine oþre stede ine þe writinge zayþ þus. 'Ne abyd naȝt þe to wende to god / ne zech naȝt to lenge / ne beuly. and naȝt ne uerste uram daye to daye / uor þe abidinge is wel perilous uor manye skeles.' Non tardes conuerti ad dominum neque differas de die in diem. Subito. nam. ueniet ira illius / & in tempore uindicte perdet te. Verst uor þe condicion of zenne. uor zenne is a uer berninde þet ne may naȝt by y-kuegt bote be tyares of ssrifte. And mochel ssolde he by fol þet zeȝe his hous berne: þet nolde an haste yerne to þe wetere. Efterward zenne is wel grat ziknesse : and þe ssrifte is þe medecine. And uorzoþe he praizeþ lite his helþe / þet him-zelue yziȝþ zik al to þe dyaþe / and naȝt ne wilneþ zone to by hol. Efterward þe dyaþ þet is yredy / and oueral aspiþ þane zeneȝere / him ssel sterie zone him to ssrive. uor he not ne þane time / ne þane day / ne þe oure: huanne þe dyeaþ ssel come. þet ofte ondernimþ þane zeneȝere huer he ne nimþ none hede. And uorzoþe huo þet wyste huet day he ssolde sterue: he hine wolde agrayþi ase zone ase he miȝte. Efterward yef þe zeneȝere y-ziȝþ wel þet peril huer hit is : uor he is ine þe prisone of zenne / ine þe þrote of þe lyone of helle / Page  174 and of þe dragoune þet him wyle uorzuelȝe / he wolde grede to god be ssrifte aze zone aze he miȝte. Efterward yef he yzeȝe þe greate guodes þet he het*. [heþ?] uorlore be his zenne / þe guodes eurelestinde / and þe guodes gostliche / his time / and him-zelue / þet al may habbe ayen be ssrifte : mochel ssolde he by fol bote yef he him hastede te habbe hit ayen. Efterward þe merci of god þet him abyt / and ssofþ at his dore / aze zayþ þe apocalipse: ha ssel him hasti to ssriue. Vor azemoche aze god abyt more þane zeneȝere : þe more he him smit þe more fellaker: huanne he him yziȝþ onlosti and sleauuol. Ase þe ssyetere / þe more þet he draȝt his boȝe: þe harder he smit. And uorzoþe. he heþ his oȝene boȝe y-bent and adraȝe / ase zayþ þe sautyer / uor to slaȝe þane zeneȝere / bote yef he him ne wytye. Efterward þe ilke þet late ham ssriueþ / uoryet ofte his zennes / zuo þet onnyeaþe hit beualþ þet he by wel y-ssriue. uor he uoryet manye zennes / huerof he neure him ssel be-þenche. and zuo him ne ssel neure uorþenche / ne neure by ssriue. and þet is to him wel grat peril. Efterward huanne he is beuore his ssrifteuader / he ssel him ssriue openliche. þet is to zigge þet he ssel zigge his zennes clyerliche and nakedliche / zuo þet þe ssriuere izi openliche þe herte / and þe onderstondinge of him þet him ssrifþ. Vor þe zike ssel onwri his ziknesse. uor oþerlaker þe fizicien ne may naȝt wel werche. ne þe leche ne may naȝt werche mid þe zike / bote-yef he yzi his wonde. And þeruore zayþ boeice þe wyse / þet 'yef þou wilt þat þe leche þe hele : hit be-houeþ þet þou onwri þine wonde.' Þanne þe truont þe ssel teche to by ssriue / þet sseweþ hare pouert� and hare ziknesse / and doþ þet uou [supplied by ed.] leste beuore / uor to habbe þe elmesse. Alzuo ssel þe zeneȝere onwri / and sseawy his zennes : uor to habbe merci. an þis is þe þridde condicion þet ssel by ine ssrifte. Efterward þe zeneȝere him ssel ssriue yhollyche / þet is þe uerþe condicion. Vor he ssel zigge alle his zennes / and greate [typographic Fol. 54. b.] and smale / and þe aboutestondinges of þe zennes. Page  175Þanne ssel he uerst yzy þe zeue dyadliche zennes / of huychen we habbeþ aboue y-speke. and yholliche of echen him ssriue be þan þet he him y-uelþ gelty. no þing to hele / no þing wyþzigge. naȝt him to defendi. ne nenne oþrenne wraye. And þus him ssrof dauiþ þet zayde ine þe sautere 'Ich wylle me ssriue and ich wille zigge alle mine zennes aye me.' naȝt of oþren / ne ayens oþren ase doþ þe ypocrites / þet doþ þet uayreste wyþ-oute / þet telleþ hire guodnesses / and wryeþ hare kueadnesses. and wrayeþ þe oþre / and þerof þet hi byeþ mest ham-zelue gelti. þet y-zyeþ þet mot ine þe oþres eȝe / and ne yzyeþ naȝt þane refter ine hire oȝene eȝe. Zuyche weren þe farizeus of þe godspelle / þet zayde his guodnesses / And onworþede þane publycan þet mildeliche byet his bryest ine þe temple / and him-zelue demde beuore god / and zoȝte merci: and zede. 'Lhord god haue merci of me zenuolle.' And þus him ssel deme þe zeneȝere be-uore*. [bo-uore in MS.] god / naȝt uor to lessi his zennes / ac uor to mori and weȝe wyþoute lyeasinge. Efterward þe ssrifte ssel by yhol / naȝt to-deld ine uele ssriueres. Vor me ssel zigge al to onen. naȝt [supplied by ed.] o del to onen / and þet oþer del to an-oþren. uor god ne takþ none hede of zuiche tales. Efterward me ssel zigge naȝt onlepiliche þe zennes / ac þe aboutestondinges alle þet moreþ þe zennes. Vor þe zenne is gratter ine one manne: þanne ine anoþren. ase ine man of religion: þanne ine ane seculer. and ine ane prelat: þanne ine ane loȝer. ine ane greate lhorde: þanne ine ane simple manne. Efterwuard / hit is more zenne ine one stede: þanne ine anoþren. Ase ine holi cherche / oþer ine oþer holy stede. Efterward ine one time þanne in an-oþre / ase ine lenten / oþer ine ane heȝe messedaye. Efterward huanne me zeneȝeþ wytindeliche / me zeneȝeþ more ynoȝ / þanne onknawyndliche. Efterward [supplied by ed.] me ssel zigge þe condicion of þe zenne. uor hit is more zenne ine wyfman yspoused / þanne ine ane sengle. oþer ine man/oþer ine wyfman of Page  176 religion. ine ane preste oþer ine ane dyakne. uor þe heȝere þet byeþ þe hodes : þe gratter [supplied by ed.] is þe zenne. Efterward yef þe zenne is a-ye kende / oþer kendeliche. Efterward. hou ofte he heþ yualle into zenne / and hou longe he heþ y-bleued þerine. Efterward me ssel zigge yef he ne heþ naȝt yuoȝte aye þe uondinge. oþer yef he heþ y-porchaced þe zenne. oþer yuoȝte ine þe uondinge. Vor þer byeþ some þet ne abideþ naȝt þe uondinge / ac his porchaceþ / and zuo hi ualleþ. Efterward / þe cause and þe uondinge þet comþ to do zenne. me ssel zigge and alle þe oþre causes / and þe aboutestondinges þet moȝe mori þe zenne.

Efterward me ssel zigge and yerne by þe lemes huermide me heþ y-zeneȝed. Verst me ssel guo to þe herte / and zigge his þoȝtes huyche þet hi by / oþer ulessliche / oþer gostliche. Gostliche : ase aye þe byleue / oþer of ydele blisse / oþer of enuie. oþer of wreþe. oþer of oþre manere huerof þer is to moche. Þe [typographic Fol. 55. a.] ulessliche belongeþ to lost / an to wylninges. zuo me ssel wel loki ine alle þise þoȝtes yef þer is consentinge / oþer lang bleuinge ine þe lostes / þet is oþerhuil ase moche worþ: ase to consenti. And of alle zuiche þoȝtes he ssel him ssriue.

Efterward / me ssel nime yeme / yef me heþ y-zeneȝed be þe lemes of þe bodie. uor me kan zeneȝi ine uele maneres. Verst be þe heauede. hueran me zet ofte grat cost / ase doþ þise leuedis / þet zuo curiouseliche agrayþeþ hire heaueden mid preciouse agrayþinges uor klene ydele blisse. uor to liki. and uor to draȝe zenne. Hueruore hi zeneȝeþ ofte kueadliche. and nameliche þo þet makeþ zuo greate hornes of hare here / oþer of oþren / þet hi sembleþ wel fole wyfmen. Ynoȝ þer is of ydelnesse aboute hire heaued / to kembe / to wesse / ine trossinge / an ine sseweres pouringe. huerof god mochel him wreþeþ. Of þise ydelenesse / ne byeþ naȝt quitte þe men þet doþ zuo grat payne ham to kembe and to Page  177 pouri ine sseaweres and ine hare here wel to croki an to bleue be strengþe / to þan þet hi habbe uayr dorilot / þet is ine tokne of kueadnesse / and of zuiche ydelenesse hi ssolle ham ssriue.

Efterward me ssel yerne to þe vif wittes of þe bodie / huerby me zeneȝeþ*. [MS. ȝeneȝeþ] wel ofte. oþer be þe eȝen ine fole ziȝþe oþer be þe yearen ine folliche to hiere / and y-here bleþeliche þe misziggeres. and þe blonderes. and þe scorneres. and þe lyeȝeres. and oþre folyes. Oþer be þe mouþe / ine folliche to spekene. ine to moche ethe / and to moche drinke. Oþer be þe nase / ine to moche him to liky in guode smelles. Oþer be fole takinges and inhonesteliche / oþer ine him-zelue / oþer ine his wyue. þet he heþ. oþer ine oþren þet wors is / bi hit man / bi hit wyfman.

Alsuo he him ssel ssriue of mochel hede þet me deþ ine ssredinge to bedde and to regge / and hosiinge and ssoinge. and of alle oþre þinges þet he beþengþ. And þous is þe ssrifte y-hol huanne me zayþ alle þe lackes greate and smale. And þis is þe uerþe condicion: þet ssel by ine ssrifte.

Þe vifte condicion zuo is þet me ssel by y-ssriue mildeliche. uor þe zeneȝere spekþ to god þet yziȝþ his herte. Þanne þe ssriuere ne is bote þet yeare of god. and þet ha yherþ / he not naȝt ase man : ac ase god. And þeruore ssel þe zeneȝere him mildi ase moche ase ha may beuore god / and zigge his zennes mid greate drede. and ssel his zennes alle keste out touore him / ase zayþ þe writinge. Ase me helt uol a pot of wetere. huanne þet weter is y-sset : þer ne blefþ no colur. ase ine melk. ne smel ase ine wyn. ne smac : ase ine hony. Alzuo me ne ssel ofhyealde of þe zenne zeþþe he hit heþ yzed ine ssrifte / ne þet colour / þet is þe kueade manere þet me heþ yhet / oþer ine speche oþer ine ziȝþe / oþer in kueade uelaȝrede to uolȝy / oþer ine oþre þinge þet heþ colour of zenne. Efterward me ssel lete þane smak Page  178 of zenne. yef he ofhalt þane smak of zenne þet þengþ of þe zenne þet he heþ y-do / and him lykeþ wel ine þe þoȝte and is ypayd. Ac he ssel þenche of his zennes mid greate drede and mid greate zorȝe of herte / [typographic Fol. 55. b.] and him-zelue ssende ine him zelue / and habbe greate ssame to-uore god / and uest wil þet neuremo to zenne ne ssel wende ayen þaȝ me ssolde hine al to-heawe.

Efterward me ssel lete and be-uly þane smel. Þer byeþ zome þet wel uorleteþ þe zenne : ac bleþeliche hi hereþ þerof speke. Ac he þet him wel uorþingþ: he ne ssel naȝt þerof yhere speke / þet he ne ssolde habbe wlatiinge.

Þe zixte condicion þet ssel by ine ssrifte is / þet me ssel ofte by yssriue uor manie skeles. Verst/ uor to zeche þe more grace of clennesse / ase þet line cloþ þet is y-huyted be ofte wessinge. Efterward uor þe zennes uenials huerine me ualþ ofte. and huo þet ofte him beuelþ: ofte he him ssel wesse. Alsuo ase hit behoueþ ofte þet ssip lhade out þet weter þet alneway geþ in. Efterward uor to cachie and uerri þane dyuel uram him. Þe uoȝel him uerreþ bleþeliche uram þannes huer me brekþ his nest. and uram þannes huer me him benimþ his eyren. Efterward / uor to lyerni him wel to ssriue. uor wone : makeþ maister. ase hit sseweþ ine þise oþre creftes. Efterward / uor þet me uoryet ofte þe zennes / þeruore me ssel ofte by y-ssriue and telle. Efterward / uor þet me not yef me heþ wel yby yssriue / oþer uorþenchinde. zuo me ssel ofte winne ayen / þet me heþ lesse ynoȝ y-do. Efterward / him-zelue þe more uor to bouȝe / and uor to habbe þe more mede of god. þeruore me acsede ane abbotte / hueruore he him ssrof zuo ofte. and he ansuerede / 'þeruore' he zede / 'þet ich habbe alneway drede / þet ich ne am naȝt wel y-ssriue. Efterward / ich me beþenche ofte of some þinges þet ich ne habbe naȝt yzed. and þeruore þet be þe ssrifte ich me arere alneway þe more milde.'

Nou hest þou yherd hou me ssel by y-ssriue. nou Page  179þou sselt y-wyte þet vif þinges specialliche destorbeþ zoþe ssriffþe.

Þe uerste is ssame. þet he ne dar naȝt zigge his zenne uor ssame / and þet deþ þe dyeuel / þet him zet beuore þe ssame / him uor to ssette þane mouþ. ase deþ þe þyef þet þrauþ þane little bal in-to þe hondes þrote þet he ne ssel naȝt berke. Vor of zuyche kende is þe ilke litel bal: þet makeþ þane hond domb huanne me hit þrawþ in-to þe þrote. Ac þe zeneȝere ssel þenche þet þe ssame þet me heþ ine þe ziggenge of þe zenne : is grat del of þe amendinge. Efterward he ssel bleþeliche drinke a lite of ssame : uor to beuly þe greate ssame. þet þe zeneȝeres abideþ ate daye of dome huanne ech of þe wordle ssel yzi his oȝene zennen. Þet oþer þing is wycked drede uor to do greate penonce. þanne þe dyeuel deþ in-to þe eare of þe zeneȝere: 'þou ne miȝt naȝt lete þine wones' / zuich uolk is y-lich þe horse þet heþ drede of his ssede / and uorzoþe hit ne is bote ssed al þet me may do of penonce ine þise wordle / to þe ziȝþe of þe pine of helle / oþer of purgatorie. Þe þridde / kueade loue / þet þe dyeuel heþ zuo þane zeneȝere uorzoke / þet he loueþ zuo his lost / þet he hit nele lete. zuo þengþ þet uor naȝt he him ssrifþ. zuo he slepþ ine his [typographic Fol. 56. a.] zenne : ase deþ þet zuyn ine þe wose. Þe uerþe þing is / hope of lang lif. þeruore þe dyeuel zayþ. 'þou art yong man / þou sselt libbe longe / Arere þe / and do þi wyl / þou sselt wel come þer to þe to ssriue.' Ac he ne ziȝþ naȝt þane dyaþ þet him wayteþ / and þet hine wile nime : raþre þanne he ne wene. Vor god þet behot uoryeuenesse to him þet uorþingþ : he ne behat him naȝt to-morȝe / ase zayþ saynt gregorie. Þeruore þe dyeuel playþ ofte mid þe zeneȝere ase deþ þe cat mid þe mous þanne he his heþ ynome. and huanne he heþ mid hire longe yplayd: þanne he his eth. Þe vifte þing is / wanhope huerine þe dyeuel deþ þane zeneȝere. Ac he ssolde þenche þet god uoryefþ liȝtliche to ham / Page  180 þet uorþingþ. and more is bleþelaker uor to yeue uoryeuenesse: þanne we uor to aksi.

OF YNOȜBOTE.

Efter þe ssrifte comþ ynoȝbote/ þet is þe amendinge þet me ssel do bi þe wille / and bi þe rede of þe ssriuere / þet ssel deme þe amendes be þe geltes. oþer ine uestinges. oþer ine elmesse. oþer ine benes. oþer ine oþre þinges / ase be þan þet þe zenne acseþ. And þe zike ssel bleþeliche bouȝe to þe fisicien uor to habbe helþe. And þet guode chil [supplied by ed.] d deþ bleþeliche þe heste of his uader gostlich uor þe guod of his zaule.

Nou hest þou yherd þe þri þinges þet heleþ þet hauberk of penonce huermide god armeþ his newe knyȝt uor to ouercome þet viȝt þet he heþ aye zenne. And he ssel ouercome þise viȝtinge : he ne heþ hede of þane oþrene dyaþ / ase zayþ sayn Ion. Þe uerste dyaþ of þe zaule is þe dyaþ of zenne þet me ouercomþ be penonce. huerby me askapeþ þane oþrene dyaþ þet is þe dyaþ of helle þet sterue ne may. Þet is þe uerste boȝ of þe trawe of prouesse. Huo þet ouercomeþ þane viȝt / he ouercomþ ane oþrene. Huan þe man him uorþingþ of his zenne: þane comþ [supplied by ed.] þer a newe wrestlinge to his oȝene herte huet penonce he ssel do / and huet lif he ssel lede. and uele þer byeþ zuyche þet ine þo viȝt byeþ ouercome. Vor ase god zayþ ine his spelle. nou h [supplied by ed.] y leueþ / nou hi misleueþ. nou hi wylleþ / nou hi ne wylleþ. nou hi proposent / nou hit is betere. Þeruore hi byeþ ase þe wedercoc þet is ope þe steple / þet him went mid eche wynde. Ac huanne þe man serueþ god and strengþeþ his herte ine his guode wille. Þanne is þe ilke viȝt ouercome. an þanne makeþ him god strang and stedeuest ase a post [supplied by ed.] ine his temple / þet is holy cherche / ase zayþ saint Ion. þis is þe oþer ouercominge and þe ssepe þet he him kepþ.

Efter þise wrestlinge comþ þe þridde / þet þe man Page  181 heþ to his oȝene ulesse / þet mochel him playneþ and grocheþ / huanne hi*. [he?] beginþ to uele þe harnesses and þe smertnesses of penonces. and mochel ha viȝt uor to come ayen to his yealde wones. Þet ules is þet kueade wyf huerof spekþ salomo. þet huo þet mest deþ hare wil : þe worse him is. and þe more hi is ayen him. [typographic Fol. 56. b.] And huo þet him let ouercome be his ulesse. he is ine a wel zorȝuol þreldome and wel vil. And þet wes betokned ine samson þe stronge / þet uor-þan þet he let him ouercome be ane wyfmanne : he uorleas his her of his heauede huerinne wes his greate strengþe. and þe eȝen of his heauede : and þe strengþe of his bodie. and uil into þe honden of his yuo / þet him deden grinde ate querne ssamuolliche. Al þis deþ þe dyeuel gostliche to þan þet him let ouercome be his ulesse. Huo þet þerne viȝt ouercomþ*. [MS. ouercomȝ] god him behat þe huyte robe of chastetee and of innocence / ase zayþ þe apocalipse.

Efter þise uiȝtinge comþ þe wordle and dame fortune mid al hare hueȝel / þet asayleþ þane man a riȝt half and a left half / þet byeþ tuo wel greate viȝtinges huer moche uolk is ouercome a riȝt half and a left half / ase zayþ þe sauter. Vor more is strang þe uondinge þet comþ of worþssipes / of richesses / of lostes : þet þe dyeuel byet / and deþ beuore : þanne by þe ilke þet comþ be aduerset� / ase of pouert� / of zycnesses þet god zent. And þe ilke þet ouercomþ þane uerþe viȝt: þet is huo þet uliȝþ and onworþeþ mid herte þe worþssipe of þe wordle. god him behat worþssipe and heȝnesse ine heuene. Vor he him wyle do zitte mid him ine his trone / ase zayþ þe apocalipse. To him þet ssel ouercome þane vifte viȝt þet is alefthalf: þet is aduerset� of þise wordle : god him behat þe mann� þet is y-hed. þet is þe greate zuetnesse an þe greate likinge of paradis / þet non ne him may benyme. Vor be þe manne þet wes zuo zuete / þet ech uand Page  182 zuych smac: ase he wolde. is onderstonde / þe greate zuetnesse / þet greate lost / þet god hordeþ / and wyteþ / to ham þet ouercomeþ þe aduersetes of þise wordle. Þe zixte viȝt þet is wel strang / is a-ye þe kueades þet byeþ ine þise wordle / þet byeþ þe lemes of anticrist þet werreþ þe guode men be hare strengþe / ase deden ine ealde time þe tyrans þe martires / þe eretiks : þe guode cristene men / and ssolle do ine þe ende of þe wordle. þe lemes of anticrist þet ssolle werri zuo þe guode cristene / þet onneaþe ssel by eny þet dor by-knawe þet by cristen / uor þe strengþe of anticrist and of his lemes. Þet is þet best þet sayn Ion yzeȝ þet werrede þe halȝen huerof we habbeþ beuore*. [bouore] yspeke. Þe lemes of þise beste ham sseaweþ nou ine kueade princes / and ine kueade ouerlinges / þet be hare greate couaytise / defoulent and be-uleaþ / and etheþ h [supplied by ed.] are onderlinges / zuo þet þe guode men þet byeþ onder ham habbeþ ynoȝ to þolye / and ynoȝ of zorȝes / and of greate misual. Ac þe ilke þet al nimþ ine þolmodnesse ase dede iob. and him lefþ al ine god: ouercomþ þis viȝt. and to þan þet hit ouercomþ / god him behat þet he him wyle yeue miȝte / ouer his yuo / ase zayþ zaint Ion ine þe apocalipse. Efter alle þise viȝtinges comþ [typographic Fol. 57. a.] þe laste þet mest is strang. Vor þe dyuel þet mochel is kueduol / and sotil huanne he yziȝþ þet þe man is ycliue ope þane hel of perfeccioun. and he heþ alle þe uiȝtes beuore yzed ouercome. þanne he asayleþ him be ydele blisse and be presumcion. Vor him þingþ þet he is a wel guod man / and wel mid gode / uor þet he heþ zuo moche y-do / and yþoled uor him. Hueruore he ualþ oþerhuil uram zuo heȝe : zuo loȝe / ase dede lucifer. And þeruore hit is grat nyed / þet þe man by wys / and ywer him uor to werie uram ydele blysse þet makeþ þe efterwarde. Vor ine þe ende / liþ ofte þe accombringe. and nyxt þe hauene : spilþ ofte þet ssip / þet geþ zikerliche ine þe heȝe ze. Þeruore hit behoueþ Page  183þet he agrayþi his zayl / þet is his onderstondinge to þe hauene of helþe / þet is to Iesus crist / be þe wynde of stedeuest loue / and of grat wylninge of god. þis is þe ende of riȝtuolnesse / huerof we habbeþ aboue yspeke / þet comþ of þe yefþe of strengþe / and of þe uirtue of prowesse. aze þe guode kniȝt and orped / þet heþ guod herte and hardi / and heþ y-by ine uele þrestes mid grat wil / and grat honger to ssewy his strengþe ine tornemens oþer ine viȝtinges / him uor to alosi. and uorzoþe huo þet heþ grat loue of god and grat honger / and grat wilninge of his helþe. he ouercomþ liȝtlyliche þis laste viȝt. Vor he nele ne naȝt ne wylneþ ine þise liue bote þet is to þe worþssipe and to þe blisse of god / and helþe of his zaule. And huo þet þis uiȝt ouercomþ / he winþ þe mede huerof saint Ion spek / huer þet oure lhord zayde ine þe apocalipse / 'to him þet ssel ouercome. ich wylle him yeue to ethe of þe trawe of liue þet is amidde paradys.' þet is Iesu crist þet yefþ lyf eurelestinde / huerby alle þe halȝen libbeþ ine þe blisse of paradis and byeþ alle uolle and uolueld. And þet is þe blissinge þet oure guode mayster behat ine his spelle to his guode kniȝtes huanne he zede. 'yblissed byeþ þo þet habbeþ honger and þorst of riȝtuolnesse' / þet is of god to serui and to louie / uor hi ssolle by uolueld of þe frut of þe trawe of liue. Þet is þe ende and þe guodnesse of þise uirtue þet is ycleped prowesse huerto ous lede þe yefþe o strengþe.

OF ÞE YEFÞE OF RED / AND OF UIRTUE OF MERCI.

Ase þe holy gost yefþ strengþe and wyl of greate þinges to onderuonge: alsuo he yefþ red / huerby me comþ to guode heauede and to guode ende of þet me nimþ an hand. Þet is a grat grace þet þe holy gost yefþ / þet is ycleped þe yefþe of red. huerby þe man heþ grat bezyinge / and grat beþenchinge in þet he nymþ an hand. And þet he ne by to hastif ine his niminges. Page  184Vor ase zayþ þe filozofe / 'greate þinges byeþ y-do / naȝt be strengþe of bodie ne be armes: ac be guod red.' And anoþer zuo zayþ þet hette socrates / þet 'of hastif red: hit uorþingþ efter [supplied by ed.] ward.' and þeruore zayþ salomon. 'Ne do naȝt wyþ-oute guod red. and efter þe dede hit ne ssel naȝt þe uorþenche.'

Þis grace him sseweþ ine man ine þri maneres. Verst to zeche bleþeliche guod red. Þous redde tobye / [typographic Fol. 57. b.] his zone. 'Vayre zone' zayþ he / 'zech euremo red of wyse men.' And salomon þus zayþ. 'þer no guod red ne ys: þet uolk to-ualþ / and is al onzauwed. ac hi is wel y-holpe huanne þer is moche guod red wyþinne.' 'Ac loke' þe zayþ þe wrytinge 'uram kueade rederes. and ne akse no red at foles / uor hi ne louieþ / bote þet ham likeþ. naȝt þet payeþ god.' Alsuo tekþ þe writinge / þet me ssel zeche red ate yealden / and naȝt mid þe yonge þet ne byeþ naȝt yproued ine nyedes. Ac mid þe yealde þet habbeþ yzoȝe and yproued þe þinges / þet is þet wyt / and þet red. Vor þan þet roboam salomonnes zone / uorlet þane red of þe yealde guode men / uor þane red of yonge: he uor-leas þet gratteste del of his kingdome.

Efteward / huo þet heþ þise yefþe / he onderzekþ þe redes þet me him yefþ / and þengþ mid greate beþenchinge : þet is grat bezyinge : yef me him ret wel / and treweliche / naȝt liȝtliche yleue to þe rede / oþer to þe ziggenge of one manne / ne of tuaye / hou moche þet hi by his priues / and his urendes. Huerof seneke zede. þet 'wys man exameneþ þe redes / and ne ylefþ naȝt liȝtliche. uor þe ilke þet ylefþ liȝtliche: uint ofte þet me him gyleþ / and misret.' Efterward / huo þet þis yefþe heþ / he boȝþ to guod red þanne he hit heþ yuounde. Vor naȝt he zekþ red / þet ne heþ no wyl to do laȝe. Huerof salomon zayþ. Þet 'hit þingþ to þe fole þet he is ine riȝte waye. Ac þe wyse zayþ. on red is to zigge. uor þe wyse bouȝþ to guod red / þet Page  185þe foles onworþeþ.' Þe meste profitable red þet me may habbe / is þe red of oure guode maistre Iesu crist þet is þe wysdom of god þe uader of huam comþ al guod red and [supplied by ed.] ous brengþ uram heuene / þe ilke þet is þe angle of red / ase zayþ þe writinge. þet is þet red þet he ous yefþ ine his spelle huanne he zede. 'yef þou wylt by parfit: guo and zel al þet þou hest / and yef hit þe poure uor godes loue. an com efter me / and þou sselt habbe grat hord ine heuene.' Yziȝ and þench huo yefþ þane red. uor þet is ase zayde þe wysdom of god þe uader. þe angel of red / þet is zoþ god / and zoþ man / þet com ine erþe þe uor to rede / and þe uor to teche þane way and þane riȝte peþ to guonne into paradis. þet is þe peþ of pouert� / huerby let þe holy gost þo þet he aliȝt of þe yefþe of red. Zoþ hit is þet ine oþre manere / and þe oþre waye hi moȝe ham soui. ase be þe waye of þe hestes of oure Lhord Iesu crist loki : ase ine spoushod / oþer ine wodewehod / and ine richesses of þe wordle huanne me his uzeþ wel. Ac þe holy gost be þe yefþe of red / let and draȝþ uorþ more riȝtuolliche and more zikerliche be þe peþe of zoþe pouert� / huer-by me onworþeþ and deþ onderuot þe wordle and alle couaytyse / uor þe loue of god.

Þes yefþe of red bestrepþ þe zenne of auarice and of couaytise / and zet a wel uayr trau / þet is þe uirtue of merci / þet is zorȝe and þolemodnesse of oþremanne kuead / and of oþremanne misdede. Þet trau heþ zeue stapes huerby hit wext and profiteth.*. [MS. porfiteþ] Þet byeþ þe zeue [typographic Fol. 58. a.] þinges þet moche ledeþ man to merci / and to habbe þolemodnesse of oþre manne kueade. Þet uerste þing þet ssel man sterye to merci : is kende. uor ase zayþ þe boc þet spekþ of kende of bestes. 'no uoȝel ne eth of oþren yef he is of his kende.' Efterward þe ilke zelue boc zayþ. þet 'on mere draȝþ uorþ þet colt of anoþre huanne hi is dyad.' Efterward me heþ moche yzoȝe and Page  186 yproued / and is ine þo boc yuonde. þet þe wolues draȝeþ uorþ þe children þet byeþ uor-kest / and wereþ his uram oþre bestes. Wel ssel þanne a man habbe pite / and þolemodnesse of þe kueade of þe oþre þet is him anlich ine kende. Þet alle we byeþ of one kende / and of one ssepþe. and to one uorbisne ymad / ase we habbeþ y-zed be-uore. Þe oþer þing þet ssel man draȝe to merci / and to þolemodnesse of oþre manne kuead/ þet is grace. uor alle we byeþ lemes of o body / þet is of holy cherche be grace. and o leme heþ kendeliche of anoþren : þolemodnesse. Efterward alle we byeþ wiþ-boȝt of one zelue pris. þet is mid þe blisuolle blode of [supplied by ed.] Iesu crist þet he ssedde uor ous ine þe rode / ous uor to wiþ-begge uram þe dyaþe eurelestinde. Huanne godes zone wes þanne zuo reuþeuol / zuo uol of merci auoreye ous : wel ssolle we habbe reuþe / and þolemodnesse þe on of þe oþre. helpe / and soucouri þe on þe oþer. Efterward / alle we byeþ children of on [supplied by ed.] uader and of moder be byleaue and be grace. uor we byeþ godes children and of holy cherche. and þe on broþer ssel helpe þe oþren : þanne he yziȝþ his niede. uor ate niede : me yziȝþ huet þe urend is. Þe þridde þing þet ssel moche man sterie to merci : is þe heste of þe holy writinge. þet redeþ and hoteþ þe workes of mersi aboue alle oþre workes. Huerof þe wise salomon zayþ / 'y-wyte þe 'zayþ he / 'þet þin heued ne by naȝt wiþoute oyle.' Vor be oyle is y-uorþed þet uer ine þe lompe. and ine lompe is onderstonde merci þet ssel by euremo ine þine heuede / þet is ine þine herte. And al ase þe oyle op arist ine þe lompe / alle þe oþre woses : alsuo merci alle þe oþre uirtues. An alsuo ase þe oyle norisseþ and lokeþ þet uer ine þe lompe. and huanne hit faileþ : þet uer is y-kuenct. alzuo huanne merci fayleþ: þe loue of god faileþ: ase saynt Ion zayþ. 'Huo þet yzeȝe his broþer' zayþ he 'habbe niede and mezayse / and he ne [supplied by ed.] him yefþ sset [supplied by ed.] þe dore of his herte' / þet is to zigge / 'huo þet ne Page  187heþ reuþe and him ne helpþ yef he may / hou is' he zayþ / 'godes loue ine him?' / ase yef he zede / þet ne may naȝt by. Vor þe oyle of merci is y-faled ine þe lompe of his herte.

Efterward þe guode tobie toȝte his zone / and zayde þus. 'Vayre zone bi merciuol ase þe miȝt. yef þou hest ynoȝ of guode : yef largeliche. and yef þou hest lite: of þo litle yef gledliche.' And oure lhord Iesu crist zayþ ine his spelle. 'guo zayþ he and zel al þet þou hest / and yef hit þe poure.' þet is þe uirtue þet þe holy writinge ret. more generalliche. Vor þet is þe uirtue þet god mest is mid ypayd ase zayþ þe writinge. [typographic Fol. 58. b.] Huer-of god zayþ be þe profete. 'ich wille he zayþ merci: and naȝt sacrifice.' and saint austin þus zayþ / þet 'þer ne is no þing þet makeþ man zuo by beloued mid gode : ase pite.' Vele men makeþ to god sacrefices / of uestinges / of peregrinages / of ssarpnesses of bodye / ac uor to do elmesse / hi byeþ straite and wrechchen. Efterward þer byeþ manie men to huam god heþ largeliche y-yeue of timliche guodes. and makeþ sacrefices naȝt to god: ac to þe dyeule / oþer to þe wordle / in þet hi despendeþ folliche hare guodes ine ydelnesses uor bost of þe wordle ac uor to yeue uor god: hy byeþ harde ase an aymont.

Efterward ase merci likeþ to god alsuo hit ne likeþ noþing to þe dyeule. Vor þet is þe armure huer-by he is þe raþre ouercome / ase zayþ a glose ope þe sautere. Vor he ne may naȝt þolye þane guode smel of þe ilke smerieles namore þanne þe boterel þanne smel of þe vine. Zuych smel ne miȝte naȝt Judas þolye þo þe magdalene smerede Iesu cristes uet mid þe precious smerieles. Vor him þoȝte þet hit wes þing uorlore. and he betere louede þet zeluer ine his porse be his couaytise. Of zuiche uolke is lhord a dyeuel and mayster. þet is ine helle. þet is y-cleped : ssette-pors. þet an hermite y-zeȝ / þet zede þet he hedde þet mestier uor to Page  188 ssette þe porses of þe wrechchen / þet hi ne ssolle by open to do elmesse.

Þe uerþe þing þet ssel man sterie to merci / is þe greate largesse of oure lhorde / þet yefþ largeliche to allen / be þet / þet hy byeþ. ase zayþ saint Iacob. and makeþ þe zonne ssine ope þe guode / and ope þe kueade / ase he zayþ ine his spelle. Vor þanne huo þet is zuo large to ous. uor he ous yefþ al þet we habbeþ of guod: we ssolle by large and cortoys / þe on / a-ye þe oþre / and helpe þe on / þe oþre. uor þus he ous hat ine his spelle þo he zede. 'byeþ uol of merci ase youre uader is.' þe zone ssel by ylich þe uader oþer he is onkende be zaynte peter. And þeruore zayde þe wyse ine þe writinge. 'by merciuol and reuþeuol to þe uaderlyese / ase hire uader / and hire moder. and þous þou sselt by godes zone.'

Þe vifte þing þet ssel man sterie to merci / is : worþssipie god. Vor ase zayþ salomon. Þe ilke worþssipeþ wel god oure lhord : þet deþ guod to þe poure. uor þet me ham deþ : me hit deþ to god / ase him-zelf hit wytnesseþ ine his spelle. 'þet þou hest y-do he zayþ to onen of mine poure : þou hit hest y-do to me.' þe poure byeþ þe little mayne of oure lhorde. yef þou worþssipes þe pouere þou worþssipes god. Vor huo þet worþssipeþ þe mayn� : he worssipeþ þe lhordes sergont. and huo þet deþ ssame to þe main�: he deþ ssame to þe sergond. Of þisen we habbeþ uayre uorbysne ine mine lhorde sant martin to huam god him ssewede þe niȝt efterward þet he todelde his mentel to þe poure / and wes [typographic Fol. 59. a.] beuealde ine þe mentle / and zede. to his angles. 'Martin yet nou y-primsened me heþ yssred mid þise cloþe.'

Þe zixte þing þet ssel moche sterie ane man to merci: is þe dred of dom. Vor ase zayþ saint iacob. 'dom wyþ-oute merci / ssel bi do to þan : þet ne deþ workes of merci.' Vor ase god zayde ine his spelle. 'Huanne me comþ to þe dome / þe dom ssel by yeue aye Page  189þo þet ne habbeþ y-do þe workes of merci.' uor god ham wile do þet dyaue eare. and þerof hit ne is no wonder / to þan þet anhaste makeþ ham dyaue to þe poure / ase hit sseweþ ine þe godspelle. ine þe uorbisne of þe riche manne / þet onworþede þane lazre. uor þet he him wernde his elmesse : god him wernde ane drope of weter / þer he wes ine uere of helle. Alsuo to þe fole maydenes þet ne hedde non oyle ine hire lompen / god ham ssette þe gate of þe sposayles / and ham zede. ich not huo ye [supplied by ed.] byeþ. zuo þet hy bleften wyþ-oute. Þus he ssel do ate day of dome to wrechchen and to þe couaytous / þet ne ssolle habbe þe ledinge of mer [supplied by ed.] ci / þet let þe zaules in-to paradis / and ham makeþ way to comene to-uore god. ase zayþ þe wrytinge. ase me makeþ way and ondeþ þe gate bleþeliche to þan þet brengþ uayr present. Vor-zoþe ariȝt acorsed ssel by þet uram reuþe went þane reg at þo daye. Vor god ssel yeue dom wel dreduol / þet ssel by zuo uest and zuo stable / and uor alle time y-confermed / ne neure ine none time wyþcleped. Þes dom yzed beuore / ssel he do ase king. þanne ssel he keste his greate manzinge ase þe heȝe bissop an souerayn pope. Vor king he is: and bissop / ase zayþ þe writinge. Vor he nom kende of man of kinges kennd / and of bisssoppes. Þe ilke amanzinge sel by ope alle þo uolke / þet ssole by a left- half / non ne worþ uorbore. Þet ssolle by þe kueade huiche he ssel miszigge uor hare on-trewþe. and þus he ssel ham zigge. 'Guoþ ye acorsede in-to þe greate uere eurelestinde ine helle þe stinkinde / and þyesterness of ssed / þet is agrayþed to þe dreduolle dyuele / and to his uelaȝes / þet habbeþ ymad his messages.' A. allas / þes dom þaȝ hit by wel ssort : uor-zoþe hit ssel by wel zorȝuol and hard. Huanne he his ssel wreke out of his uelaȝrede. Mochel is to drede zuo harde to-delinge.

Þe zeuende þing þet ssel moche man sterie to merci: is a zed þet betere makeþ frut ine lhene land / þanne hit Page  190do ine uette. Hou merci multiplieþ þe timliche guodes. hyer-of we habbeþ uele uayre uorbisnen. huerof ich wille hier zome telle. Me ret of saint germain of ancerne. Þet þo he com uram rome / ate out-guoinge of melane he acsede at onen of his diaknen yef he hedde eny zeluer. and he ansuerede þet he ne hedde bote þri pans. uor sayn [supplied by ed.] t germayn hit hedde al yeue to pouren. Þanne he him het : þet he his ssolde yeue to þe poure. uor god hedde ynoȝ of guode huerof he hise uedde uor þane day. Þe dyacne mid greate pine and mid greate grochinge yeaf þe tuaye pans / and ofhild þane þridde. Þe sergont of ane riche kniȝte him broȝte ane his lhordes haf tuo hondred pans. [typographic Fol. 59. b.] Þo clepede he his dyacne and him zede / þet he hedde benome þe poure ane peny. and yef he hedde yeue þane þridde peny to þe poure : þe kniȝt him hedde yzent: þri hondred pans.

Efterward me ret ine þe lyue of Ion þe amoner þet was zuo ycleped uor þe greate elmesses þet he dede. A riche ientilman wes y-robbed of þieues / zuo þet him naȝt ne blefte. He him com to playni to þe uorzede manne. and he him zede his cas. he hedde greate reuþe þerof. and het his desspendoure þet he him yeaue uyftene pond of gold. Þe spendere be his couaytise ne yeaf bote vyf. An haste a gentil wymman wodewe zente to þe uore yzede Ion / uif hondred pond of gold. Þo he clepede his spendere / and him acsede hou moche he hedde y-yeue to þe kniȝte. he ansuerede: vyftene pond. Þe holy man ansuerede : þet nay. he ne hedde bote vyf. and huanne he hit wiste / þe ilke zelue þet his hedde onderuonge / zuo zayde to his spendere. þet yef he hedde y-yeue þe viftene pond þet he hedde y-hote: oure lhord him hede yzent be þe guode wyfman: a þouzond and vyf hondred pond. And huanne he acsede ate guode wyfman þo he hedde hise ycleped hou moche hi hedde him y-lete / hi andzuerede / þet Page  191uerst hi hedde y-write ine hare testament / þet hi him let a þousend and vyf hondred pond. Ac hi lokede efterward ine hare testament and hi yzeȝ þe þousend pond defaced of hire write / and zuo ylefde þe guode wyfman / þet god wolde þet hi ne zente bote vif hondred.

Efterward saint gregori telþ þet saint boniface uram þet he wes child / he wes zuo piteuous : þet he yaf ofte his kertel and his sserte to þe poure uor god. þaȝ his moder him byete ofte þeruore. Þanne be-vil þet / þet child yzeȝ manie poure þet hedden mezeyse. he aspide þet his moder nes naȝt þer. an haste he yarn to þe gerniere / and al þet his moder hedde y-gadered uor to pasi þet yer : he hit yaf þe poure. and þo his moder com and wyste þe ilke dede : hy wes al out of hare wytte. Þet child bed oure lhorde : and þet gernier wes an haste aluol.

Efterward þer wes a poure man ase me zayþ. þet hedde ane cou / and yhyerde zigge of his preste ine his prechinge / þet god zede ine his spelle þet god wolde yelde an hondreduald al þet me yeaue uor him. Þe guode man mid þe rede of his wyue / yeaf his cou to his preste þet wes riche. þe prest his nom bleþeliche / and hise zente to þe oþren þet he hedde. Þo hit com to euen: þe guode mannes cou com hom to his house ase hi wes y-woned / and ledde mid hare alle þe prestes ken al to an hondred. Þo þe guode man y-zeȝ þet / he þoȝte þet þet wes þet word of þe godspelle þet he hedde y-yolde. and him hi weren yloked beuore his bissoppe aye þane prest. Þ ise uorbisne sseweþ wel þet merci is guod chapuare. uor hi deþ wexe : þe timliche guodes.

OF ÞE GUODNES OF ELMESSE.

[typographic Fol. 60. a.]

Nou hest þou y-hyerd þe boȝes of þe trawe of merci. ac uor þan þet moche uolk byeþ / þet hare elmesse þet Page  192hy doþ : hi lyezeþ / and hare oþre guodes. uor hi ne doþ naȝt ase hy ssolde. þeruore ich þe wyle sseawy ssortliche / hou me ssel maky elmesse : to þan þet hi by behofsam. and þet hi liky god.

Þanne huo þet ssel do elmesse : hel ssel loki þri þinges. Verst : huerof he deþ elmesse. uor he hit ssel do of his oȝene / and naȝt of oþremanne. and þerof þet he heþ of guode wynnynge and trewe. god ne heþ hede of kueade yefþes. ac he his loueþ trewe and guode. Elmesse þet is y-do of þyefþe. of tol. of robbinge. of gauelynge. oþer of oþre kueade gaderinge: hit ne likeþ noþing god. Huerof þe writinge zayþ. 'þou ne sselt naȝt maky none sacrefice to god of oxe / ne of ssep / þet by spotty. uor god heþ grat wlatiynge / of zuych sacrefice.' and þe wyze zayþ ine þe writinge. 'þe ilke þet makeþ sacrifice to god / of þe guodes of þe poure: he deþ ase þe ilke þet sslaȝt þet child be-uore his uader.' And saynt austin þus zaiþ. 'huet yefþe is þet' he zayþ. 'þet þe on nimþ gledliche / and þe oþer hit lyest wepindeliche : ?' and þeruore ssel ech loki huerof he deþ elmesse.

Efterward he ssel loky to huam he hit deþ. Þanne þe writinge zayþ. Loke to huam þou sselt do guod. do guod to þe guode. þet is to þan: þet þou wenst by guod. and ne yef naȝt to þe ssrewe. ne ne loke naȝt þane zeneȝere. Þet is to zigge : þet þou ne sselt naȝt yeue to þe kueade / be þe scele of his kueadnesse. ase doþ þo þet yeueþ þe ribaus / and menestrals / uor hare wykkednesse.*. [MS. wylkednesse.] ne oþerlaker hi nolden ham yeue naȝt. þet is wel grat zenne ase ziggeþ þe halȝen. Ac huo þet ham yefþ / naȝt uor hare kueadnesse: ac uor reuþe / and uor þolemodnesse of hare pourehede / and of hare wyues / and of hare children. yef hi hise habbeþ. oþer of hire uader / oþer of hire moder. oþer uor oþre guode skele / ase his uor to wyþdraȝe uram zenne: he deþ Page  193wel. Þanne elmesse y-yeue to þe poure. and more to ham þet byeþ riȝt poure of herte / and of wyl. þet habbeþ ylete uor god þet hi hedden / oþer þet hi miȝte habbe. Þet þo þet ne byeþ naȝt poure of wylle: ac poure of nyede: wel ich habbe þe eft / y-zed. And alneway me ssel ham bleþeliche yeue / and nameliche to þe poure ssamueste. and to þe uaderlease. an to wyfmen wodewen. and to oþre nieduolle / þanne me yziȝþ þe nyede / and me hit moȝe do. and zuo me is y-healde to þe oncouþe / aboue alle oþren me is y-hyealde: to uader and to moder / huanne me y-ziȝþ hare nyede. Vor þe kende hit tekþ / and god hit acseþ / and hat.

Me ret of þe heyrone þet he draȝþ uorþ his uader and his moder huanne hi byeþ ealde / and ne moȝe ham naȝt porchaci. Þeruore kende tekþ þet me ssel guod do to uader and to moder. and huo þet hit ne deþ: he is onkende. and zeneȝeþ a-ye kende / and a-ye god. [typographic Fol. 60. b.] þet hat to worþssipie uader and moder / and þeruore hit is wel riȝt þet hit misualle to him and to hare þet deþ harm uader oþer moder / ase hit is manye ziþe yualle.

Efterward me ssel ysy hou me ssel do elmesse / and þe manere his uor to yeuene. Vour condicions be þe writinge ssolle by ine elmesse. Þe uerste is þet me hise yeue gledliche and mid guod herte. uor god lokeþ more þe herte: þanne þe honden. Huerof saynt gregorie zayþ. þet god ine his sacrement ne lokeþ naȝt hou grat þing me yeue / ac mid huet herte. ase hit sseweþ wel ine þe godspelle of þe poure wyfman þet ne hedde bote tuaye uerþinges þet hi offrede to þe temple. Huerof oure lhord zayþ / þet hi hedde more y-layd: þanne alle þe oþre þet hedden y-layd greate þinges. Vor more likeþ oþerhuil to god an alfpeny þet a poure yefþ gledliche uor god : þanne a riche man yeaue an hondred marc grochindeliche and mid zorȝe of herte. and þeruore zayþ þe wyse ine þe writinge. 'make' hezayþ 'uayrechiere' Page  194 and glede ine alle þine yefþes.' And zaynte paul zuo zayþ þet 'god loueþ moche þane yeuere þet is gled and corteys.' And zome þer byeþ zuo uyleyne to þe poure huanne hi ham yeueþ enye elmesse / an haste his misziggeþ uoulliche / and his clepyeþ truons / and ham ziggeþ zuo uele atuytinges / and of folyes er þan hi ham aȝt yeue / þet wel is worþ þet zeluer. Þe ilke elmesse / ne payþ naȝt god. and þereuore zayþ þe wyse ine þe writinge. 'bouȝ þin eare' he zayþ 'to þe poure / wyþ-oute zorȝe / and him ansuere mildeliche.'

Þe oþer þing þet behoueþ ine elmesse is. þet me hit do zone and hasteliche. Þerof salomon zayþ. 'ne zay naȝt to þine urende / guo / and com ayen to morȝe / and þanne ich wylle þe yeue : huanne þou him miȝt an haste yeue.' And ine anoþre stede he zayþ. 'ne leng naȝt þine yefþe uram þe nyeduolle.' þet is to zigge / 'ne make him naȝt abyde : huanne þou miȝt an haste yeue.' Þet is aye uele riche / þet makeþ grede þe poure þet habbeþ to done mid ham. and zuo moche his doþ abide / zuo uele ziþe hit behoueþ ham bidde and bezeche / beuore er hi wylleþ aȝt do / þet to moche hy ham zelleþ þe guodnesse þet hi ham willeþ do. Vor ase zayþ senekes. 'No þing ne is zuo diere y-boȝt: ase þet me heþ be biddinge.' And þis is þet me zayþ ine atwytinge. 'Dyere ha bayþ : þet byt.' And þous ssel ech man wel do zuyft [supplied by ed.] liche uor his zaule þerhuyle þet ha leueþ / and hol. Þanne þe wyse zayþ ine þe writinge. 'Vayre zone' he zayþ 'do guod of þinen: yef þou hest huerof. and offre to god worþi offringe þerhuyls þet þou leuest. Vor þe dyaþ ne abyt naȝt.' And ine anoþre stede he zayþ. 'do guod to þine uriende: to-uore þe dyaþe.' þet is to þine zaule / to huam þou sselt do guod to-uore þine dyaþe. oþer to þine trewe urende / þet is Iesu crist to huam þou sselt guod do to-uore þine dyaþe / doinde elmesses uor þe loue of Iesu crist to his poure. Vor þet me deþ þe poure: Page  195 [typographic Fol. 61. a.] me deþ hit to him. ase he zayþ ine his spelle. Þanne þe elmesse þet me yefþ ine lyue / and ine helþe / more is worþ: þanne þe ilke þet is y-do efter þe deaþe. Alsuo ase þe lanterne þet me berþ be-uore þe manne / him let bet / and more zikerlaker / þanne þe ilke þet me berþ behynde þe regge. And þeruore ous amonesteþ sainte paul þet we do guod / þerhuyle þet we libbeþ. Hu [supplied by ed.] anne a riche man ssel come to ane toune / oþer to ane cite. he zent his messagyers be-uore*. [MS. bo-uore] uor to nime guod in. oþer oþerlaker he miȝte wel fayly: guod in uorto habbe. Þe guode forriers þet nimeþ and agrayþeþ þet hous of paradys to þe riche manne: byeþ þe elmessen þet ha deþ ine his liue. Þe elmessen þet byeþ y-do efter þe dyaþe : byeþ ase þe hewe recreyd þet late comþ hom. zuo þet þe lhord is oþerhuil euele y-herberȝed.

Þe þridde condicion þet ssel by ine elmesse is / þet me ssel yeue largeliche be þan þet me heþ huerof. þe wyse zayþ. 'yef to god / be þan þet he heþ þe y-yeue.' And thobye zayþ alsuo. 'be þine miȝte by reuþeuol / and merciuol. Yef þou hest moche guod : yef largeliche. and yef þou hest lite: yef þerof bleþeliche / and corteisliche.' Þanne ech ssel yeue efter his miȝte / and be þet / þet god him heþ y-yeue. Me vint of ane kinge. to huam a poure acsede ane peny. he hym ansuerede / þet zuich a lite yefþe ne wes naȝt uor ane king. And of alisondre me ret. þet he [supplied by ed.] yaf ane cite / to onen of his sergons. an huanne þe ilke hise wolde uorzake. uor þet / grat þing him þoȝte / to nime zuych yefþe. Alisondre ansuerede and zayde. 'Ich ne loky naȝt þet belongeþ þe to nimene: ac me to yeuene.'

Þe uerþe condicion is / þet þe elmesse by y-do mid wille / and mid condicion. þet me ne zeche none ydele blisse / ne þet me ne onworþi þe poure. to huam þet me hit yefþ. ne uor elmesse þet me deþ ine dyadlich zenne. me heþ presumpcion uor to by y-borȝe. Zom uolk þer byeþ / þet yef hy doþ elmesse : hi willeþ þet alle hit Page  196wyte. Ac þe wyse zayþ / þet me do þe elmesse in-to þe greade of þe poure. Vor ase zayþ saynt gregorie. 'hit is y-noȝ to þe guode manne / þet yef he hit zent / of huam he onderstant his ssepe to habbe.' And þeruore zayþ oure lhord ine his spelle. 'Huanne þou dest elmesse. ne wyte naȝt þi left hand: huet deþ þi riȝt hand. zuo þet þin elmesse by y-hed. and þi uader of heuene þet izyȝt þin hedinge : hit þe halt.' Þet is to zigge. Þanne þou sselt do elmesse: loke þet ydele blisse. þet is to onderstonde be þe left half. ne by naȝt y-mengd. Ac do his in riȝte wone / and riȝte onderstondinge. þet is onderstonde by þe riȝt half. Ich ne zigge naȝt þet me ne ssel do þe guode workes oþerhuil to-uore þe uolke / uor to yeue guode uorbysne / hueruore god by yhered: and y-þonked. Vor þus him zayþ oure lhord ine his spelle. þet we maki oure guode dedes to-uore þe uolkerede / þeruore þet god by y-hered and y-glorefied naȝt uor þe los of uolke ase deþ þe ypocrite. and þeruore zayþ saint gregorie / þet me do his workes aperteliche / þet þe onderstondinge bi riȝtuol bezide.

Efterward huo þet wyle do elmesse / he hit ssel zuo [typographic Fol. 61. b.] do / þet he naȝt ne onworþi þe poure to huam þet he hit deþ. Þeruore zayþ þe profete. 'Ne onworþe naȝt' he zayþ 'þi uless. þet is þe poure þet is ilich þe / and of zuiche kende of uless and of blod ase þou art. and of zuiche wose.' Zom uolk byeþ þet onworþeþ þe poure / and ne dayneþ naȝt [supplied by ed.] to speke to ham. and yef hi spekeþ: gratliche and proudliche hi spekeþ. Zuo ne dede naȝt iob / þet zede / þet he [supplied by ed.] ne onworþede neure þe guoinde / vor þet hi weren naked. ac raþre ham yaf cloþinge / and mete and drinke. Þe holi man þaȝ he were king / and heȝ man / ne hedde none ssame of þe poure / ase doþ zome greate lhordes of þise wordle. þet wel doþ elmesse to poure / ac alneway his habeþ ine onworþ [supplied by ed.] nesse uor hare pourehede. And yef hi weren riȝtuolliche milde : hi ssolden betere louie þe uelaȝrede of poure Page  197men / þet byeþ poure uor god. þet hise moȝe wel edefie be uorbisnes and be wordes / þet of manie riche men þet hi habbeþ aboute ham / huer þer ne is bote covayti [supplied by ed.] se / ulaterie / yelpinge / and ham makeþ lete moche wel to done / and makeþ ham moche kuead to done / be hare euele rede.

Efterward þer byeþ som uolk þet doþ ynoȝ elmesse / ac alnewey hi ne leteþ naȝt to done hare greate zenne. Þe ilke elmesse ne ssel his naȝt berȝe. Vor yef hi sterueþ ine zuich stat : hire elmesse ne ssel ham naȝt wytie / þet hi ne ssolle by uor-lore. Þanne zuich uolk byeþ ase þe ilke þet of one half makeþ þet hous / and of oþer half he hit brekþ. And þeruore zayþ þe writinge. 'Yef þou wilt kueme god : haue uerst reuþe / and merci / of þine zaule. uor huo þet is kuead and ontrewe to him : to huam ssel he bi guod and trewe?' zayþ þe writinge : ase yef he zede. he [supplied by ed.] ne may naȝt*. [MS. naþt] by guod and trewe to oþren : þet to him-zelue is kuead. And þeruore saint austin zayþ. 'Huo þet wile riȝtuolliche do elmesse : he ssel beuore aginne at himzelue. uor he ssel more louie his oȝene zaule : þanne anoþres : uor god.' Non ne wolde zigge þet yef he were reuþeuol / and uol of merci / þet ne ssolde habbe reuþe of his moder poure and zik. hou moche he hedde reuþe of oþren. Alzuo ich zigge / þe ilke þet ne is naȝt reuþeuol ne uol of merci / þet ne heþ pit� of his zaule : huanne he wot þet hi is zik to þe dyaþe / þet is ine dyadlich zenne.

Nou ich habbe þe y-noȝ y-ssewed of þe trawe of merci. þe stapes. þe boȝes. and þet frut. þet comþ ine þise wordle / and ine þe oþre. of þe frut of þise trawe ous spekþ dauiþ riȝt wel ine þe sautere / þer he zayþ þous. 'yblyssed byeþ þo þet ham yeueþ to þe poure / and to þe nieduolle.' Þet is to zigge : þet ne abit naȝt : al-wet þe poure him bit / ac raþre him yefþ wyþ-oute aksinge. Vor me wes ywoned to zigge / and zoþ hit Page  198 is. þet to moc [supplied by ed.] he bayþ / þet byt. Ne þe ilke ne heþ [typographic Fol. 62. a.] herte to yeuene: þet ne yefþ er me acsi. þe ilke deþ wel þet yefþ to þe poure þet acseþ. ac he deþ bet: þet yefþ wyþoute aksinge. And of þan zayþ þe sauter. 'Y-blissed is þe ilke þet onderstant to þe poure.' and hueruore is he y-blissed? he zayþ efterward ine þe ilke uers. þet god him wyle deliuri in þe kueade daies of his yuo. þet ssel bi ate daye of dome þet ssel by hard and kuead to þe wickede / þet ssolle by y-damned / uor þe workes of merci / þet hi ne habbeþ naȝt ydo. Þanne þe demere ssel ham zigge at þo daye. 'guoþ ye*. [MS. þe] acorsede / in-to þe uere of helle / mid alle þe dyeulen / þat you is y-diȝt uram þe ginnynge of þe wordle. Vor ich hedde honger / and þorst / ye ne me yeaue mete / ne drinke / ich wes zik / þou ne come naȝt to me.' And þus he ssel ham attwyte : þe workes of merci / þet hi naȝt habbeþ y-do. and þeruore hi ssolle bi betake at þo daye: to hare yuon. þet byeþ þe dyeulen of helle. Of huam þe rewþeuolle / and þo þet doþ ham to þe poure / and to þe workes of merci. ssolle bi betake at þo daye / and ssolle by do in-to sayzine of þe riche of heuene / ase zayþ oure lhord ine his spelle. Vor he ssel zigge to þan þet habbeþ y-do þe workes of merci / 'comeþ ye*. [MS. þe] yblissede of mine uader / onderuongeþ þe riche of heuene / þet is to you y-dyȝt / uram þe ginynge of þe wordle. Vor þet ye habbeþ y-do to mine poure: ye hit habeþ me y-do.' Grat worþssipe god ham ssel do / þanne he ham þonkeþ / of þe workes of merci. and he ham ssel ye [supplied by ed.] ue: þet lyf wyþ-oute ende. And þeruore he zayþ ine his spelle. 'Yblissed byeþ þe merciuolle : uor hi ssolle habbe merci.' uor þet hi habbeþ ylengd / þet lyf of þe poure be hare elmesse. Wel hit is riȝt / and skele / þet god ham yeue þet lyf wyþ-oute ende / þet is / and ssel by wyþ-oute ende. and þeruore þet hi habbeþ y-het reuþe / of Iesu cristes lemes ine þe erþe / and hise habbeþ y-loked / and y-conforted ine hare nyede. Hit Page  199is wel skele þet me do ham ate ende merci / and þet me his deliuri of alle kueadnesse / of alle nyede. and þet ssel he do / huanne he ssel yeue þe blisse eurelestinde / mid merci his let uorþ / and his ssel herberȝi.

ÞE YEFÞE OF ONDERSTONDINGE. AND OF ÞE UIRTUE OF CHASTET�.

Holy Writ ous tekþ / tuo maneres of liues. huerby me comþ to þe liue wyþ-oute ende. Þe uerste is yhote workuol actiue [supplied by ed.] / uor þet hi is ine zuynch of guode workes / and makeþ man onderstonde to þe profit of him-zelue / and of his emcristen. Þe oþer is y-hote resteuol contemplatiue [supplied by ed.] . uor þet hi is reste / of workes wyþ-oute / and ne deþ him naȝt bote to god uor to knawe / and louie. hueruore hy his ydel of nyedes wyþ-oute / and ase aslepe. Ac hi is awaked wyþine to þenche of god / and him louie / and naȝt ne wylni : bote him to habbe / and uor him / alle oþre þinges / deþ ine uoryetinge. Vor hi is of al y-robbed / and y-piȝt ine god. and wylneþ uor to by to-deld uram þe dyadliche bodye : uor to by alneway mid Iesu crist / ase zaiþ zainte paul.

Þe uerste lif is ine þe viȝtinge / ine þe uelde of guode workes / huer þe knyȝt lierneþ / ham proueþ / and aloseþ. þe oþer his reste wyþ god ine þe chombre of [typographic Fol. 62. b.] clene inwyt. Þe uerste onderstant to uede god / mid þe mete of guode workes. Þe oþer onderstant to by yued / and yueld of god be zoþe confort gostlich. Þanne þe uerste is be-tokned be marþen / þet wes bisy uor to uede oure lhord / ase zayþ þet godspel. Þe oþer is be-tokned be Marie / þet hire zette ate uet of Iesu crist / and lheste his wordes. Þe uerste is way / and inguoinge to þe oþren. Vor non ne may come to þe liue restuolle : bote he by uerst wel y-proved ine liue byzye / ase zayþ sain gregorie. Þe yefþes / and þe uirtues huerof we habbeþ y-speke aboue be-longeþ / to þe uerste liue þet is ycleped workuol. Þe tuo laste huerof we Page  200 ssolle speke mid þe helpe of gode and of þe holy gost. þet is to wytene / þe yeffþe of onderstondinge / and þe yefþe of wisdom : belongeþ to þe oþre liue þet is y-hote restuol. Þet lif is ine tuo þinges / ase we habbeþ aboue y-zed. Þet is to wytene / ine riȝte knawlechinge of god / and ine stedeueste loue. Þe loue of onderstondinge leth to stedeuestnesse of riȝte knaulechinge. Þe yefþe of wysdom / leth to stedeuestnesse of loue.

Nou we willeþ zigge uerst of þe yefþe of onderstondinge / be þan þet þe holy gost wile ous teche. Þes yefþe þet is y-hote yefþe of onderstondinge / ne is oþer þing / be þe halȝen / and bi þe maistres / bote a lyȝt and a grace of briȝtnesse / þet þe holy gost zent in-to þe herte / huerby onderstondinge of man is arered uor to knawe his sseppere / and þe gostliche þinges þet ne moȝe naȝt by y-zoȝe bodilich ine alle þe þinges þet be-longeþ to þe helþe of zaule. mid skele kendelich ne onderstondinge of man of him / ne uor him / ne may come. Þes god is y-cleped lyȝt. Vor he clenzeþ þe onderstondinge of man / of þiesternesse of prede / and of spottes of zenne. Vor ase þet liȝt bodilich deþ away þiesternesse and makeþ briȝtliche izy þe þinges bodilich: alsuo þis liȝt gostlich clenzeþ þe onderstondinge of man / al to þan þet he moȝe briȝtliche ysy / and þet he moȝe knawe briȝtliche and zikerliche / ase me may y-knawe ine þise dyeadliche liue god his sseppere / and þe sseppinges gostliche / ase bieþ þe angles / and þe zaulen. þet belongeþ to þe helþe of zaules. ase byeþ þe articles of þe beleaue / huerof we habbeþ beuore y-speke ine ane stede be him-zelue. Þis knawynge nis bote in inwyt wel yuayred / and wel yclenzed. Vor ase þe zike eȝe ne may naȝt wel yzi briȝtnesse. alsuo þe onderstondinge of man ase moche ase in him is / ne may ysy / ne knawe þe þinges gostliche / bote he by wel yclenzed / of alle lac of uelþe / be zoþe byleaue / þet clenzeþ þe herten / ase zayþ þe writinge. Ac þe Page  201yefþe of þe holy gost / huerof we spekeþ hier / uol-makeþ þise uayrhede / and þise clennesse ine herte / to þet his holy zaule / þet is y-clenzed / and aliȝt / mid þise liȝte of onderstondinge: miȝte ysy and knawe god / and al þet him is niede / and guod to his yborȝinge / and þet is þe blissinge / huerof god spekþ ine his spelle / þo he zede. 'yblissed byeþ þo : þet byeþ clene of herte / uor hi ssolle ysy god ine him-zelue ase he is be byleaue alyȝte / and y-strengþed be þe yefþe of onderstonndinge.' Vorzoþe efter þe dyeaþe / ine [typographic Fol. 63. a.] paradis hi ssollen yzy him / al aperteliche / wizage / to visage.

Þanne zayþ zaynte paul. þis yefþe deþ away alle uelþe of herte / and hire clenzeþ parfitliche of alle lackes / and specialliche of þe lacke of þe zenne of lecherie. Vor huo þet is be-ueld mid þo lac : he is riȝtuolliche yblent / and heþ ylore þe eȝen of þe herte / skele and onderstondinge / zuo þet he ne may y-knawe his sseppere / ne þinges þet wendeþ to þe helþe of zaule. Ac is ase best þet ne heþ wyt ne skele ine him. Þanne dauiþ zayþ ine þe sautere. þet man to huam þet god heþ y-do zuo grat worþssipe þet hine made to his ymage and to his anliknesse huerby he may y-knawe god and habbe / þet he ne heþ y-do none beste: heþ zuo uoryete his sseppere / an þe guodnesse þet he heþ him y-do / þet he is become ilich to fole bestes / þet ne habbeþ none onderstondinge. Þe zenne þet mest makeþ man ilich to uoule bestes / and to uelþe : is zenne of lecherie. huerof we habbeþ be-uore y-zed þer we speke of zenne. Þe yefþe þanne of onderstondinge / þet is of erþe specialliche / to þo uelþe bestrepþ of þe herte þe zenne of lecherie / an he tekþ uayrhede and clennesse / hueref wext a wel uayr traw. þet is þe uirtue of chastet� / huerby me comþ to þo greate blissinge þet god be-hat to þan þet lokeþ clennesse of herte : huanne he zede. 'yblissed hi by þe clene of Page  202herte uor hi ssolle yzy god.' uor þet hi ssolle habbe þe eȝen of herte wel yclenzed and wel aliȝt of þe yefþe of onderstondinge.

OF ÞE ZEUE STAPES OF CHASTET�.

Þys traw wext and profiteþ / and clifþ ase doþ þe oþre to-uore yzed / be zeue stapes. Þe uerste stape is clene inwyt / þet is þe rote of þise trawe uor wyþ-oute clene inwyt: no chastet� ne lykeþ to god. Þis chastet� / þis clennesse / þis purt� / acseþ þet me loki þe herte uram euele þoȝtes / þet hi naȝt ne consenti / and of kuede wilnin [supplied by ed.] gges. Vor huo þet him consenteþ to kueade wylles / and to þe kueade þoȝtes of his herte : he ne is naȝt chast. þaȝ he by uer uram þe dede. uor be þe consentinge wyþ-oute more : he ssolde by uorlore yef he sterf þerinne.

Þri þinges moche byeþ worþ to loki þe clennesse of herte. Þe uerste is / bleþeliche y-hyere þe wordes of god / and his spelles. Huerof oure lhord zayþ ine hi [supplied by ed.] s spelle / to his deciples. 'ye byeþ' he zayþ 'alle clene / be þe wordes þet ich you habbe yzed.' Vor godes word is ase a uayr ssewere / ine huam me yziȝt alle þe lakkes of þe herte. Þet oþer þing is zoþe ssrifte þet is þet lauor / huer he him ssel ofte wesse. Þe writinge zayþ ine þe bok of kinges. þet elyseu þe profete het to naaman þet wes mezel / þet he him wesse ine þe flom Iordan zeueziþe uor to by clene of his euele. And þo he þer wes ywesse: þo wes he al klene and al hol of his euele. Þe flum iordan þet is ase moche worþ : ase stream of dom / and be-tokneþ ssrifte. huer man ssel him-zelue deme mid greate zorȝe*. [MS. zorþe] of herte / and mid greate repentonce / zuo þet o stream of tyeares : yerne be þe condut of þe eȝen. and zuo þe mezel ssel bi al hol and clene. Þet is þe zeneȝere / yef he him wesst zeuezyþe / þet is to Page  203 zigge / of alle his zennes. And þeruore zayþ saynt [typographic Fol. 63. b.] bernard. 'loue ssrifte : yef þou wilt habbe uayrhede. Vor ssrifte ne is naȝt wyþ-oute uayrhede.'

Þet þridde þing is / beþenchinge of Iesu cristes pine. Vor no uondinge / none euele þoȝtes ne moȝe bleue ine herte: þet ofte recordeþ þane dyaþ and þe pine of Iesu crist. Vor þet is þe armure þet þe dyeuel dret mest ase þe ilke be huam he wes ouercome / and be huam he lyeas his miȝte. Þet is ous betokned in þe writinge of þe eddre of bres þet Moyses be þe heste of oure lhorde arerede ope þe pole zuo heȝe: þet al þet uolk hise yzeȝ. And alle þo þet his yzeȝe : weren y-held of þe prekiynges of þe eddren. Þe eddre of bres arered ine þe pole: be-tokneþ þet body of Iesu crist y-hanged ine þe rode. Þet wes þe eddre wyþ-oute uenym huerof wes y-mad þe triacle of oure helþe / to ham þet byeþ y-smite / and enuenimed of þe prekyinges of þe uenimous eddre*. [MS. eddres] of helle / þet is þe dyuel. Loke be zoþe belyaue ine þe eddre of bres. Þet ys to zigge / þet he þenche of þe pinen of Iesu crist. and anhaste he ssel by hol / and bi y-uryd of þe uondinges of þe dyeule.

Þe oþer stape huerby þis traw clyfþ and profiteþ. is to loki þane mouþ uram uoule wordes / þet wendeþ to ribaudye and to onclennesse. uor be zuych blest and be zuych wynd: is ofte aquyked þet uer of lecherie. Huerof þe writinge spekþ. þet 'word of fole wyfman / is berninde ase uer.' An zaynte paul þus zayþ. þet 'þe kueade wordes of fole wyfmen : amerreþ guode þeawes.' And þeruore huo þet wyle loki chastet� : hit behoueþ þet he him loki uram zuyche wordes. Vor huo þet bleþe [supplied by ed.] liche hise zayþ / oþer bleþeliche his yherþ : he sseweþ wel þet he ne is naȝt chast. Vor þer ne may go out of þe uete: bote zuych ase þer is inne. Yef þe wordes byeþ uoule and lodliche / þet is apert tokne þet þe uoulhede and þe lodlichhede byeþ ine þe herte. Vor Page  204be þe mochelhede of þe herte : þe mouþ spekþ. þet zayþ oure lhord ine his spelle.

Þe þridde stape is wel to loki alle þe wyttes of þe bodye / ase þe eȝen uram fol zyȝþe. þe earen / to hyere fole wordes. þe honden uram [supplied by ed.] wyckede takinges. þe nase : uram to moche lostuolle smelles. þane mouþ uram to lostuolle metes / and ine guode smackes. þise byeþ þe vif gates of þe cit� of þe herte / huerby þe dieuel geþ in ofte ine þe vif þerles of þe house / huerby þe dyeuel ofte geþ in-to þe herte / ase zayþ þe profete. Vele guode men and stronge habbeþ by y-nome and ouercome / be þan þet hi ne lokede naȝt wel þise gates. And yef þou wylt habbe uorbisnes: þench þet non ne wes strenger þanne samson fortin. ne wiser þanne salomon. ne more milder þanne dauid. and alneway uillen be wyfmen. Ac uorzoþe yef hy hedden wel yemd þe gates : þe uyend ne hedde naȝt ynome zuo greate casteles. Vor ase zayþ saint gregorie. 'þe tour of þe herte ne may naȝt by nome bote þe gates by opene to þe ost of þe dyeule.' Huerof þe yealde filozofes hem uledden in-to uerre stedes in-to dezert. þeruore þet hi [typographic Fol. 64. a.] ne miȝten yzy / ne yhere / ne uele / þing huerby þe strengþe of hire workes uledde away / ne huerby hi ssolden lyese hire chastete. Þe oþre þeruore þet hi [unclear] e ine zenne to þenche of filozofie / hy þresten out hare eȝen of þe herte / þet hi ne zeȝen þing þet ham miȝte wyþdraȝe uram hire contemplacion. þanne þe bodiliche wyttes byeþ ase þet hors þet yernþ wyþ-oute bridle zuo þet hit deþ ualle his lhord. Ac þe herte chaste / ham ofhalt mid þe bridle of skele. Nou ich habbe þe yzed þane skele.

Þe uerþe stape is ssarpnesse of liue to do his uless onderuot þet is wrang to þe goste / ase zayþ zaynte paul. Vor huo þet wile quenche þet uer of lecherie: he mot do away þe aliȝtynges þet norisseþ zuych ver. þet bieþ þe lostes and þe eyses of þe herte / þet berneþ Page  205and aliȝteþ þet uer of lecherie / and amerreþ chastet�. Þanne saint bernard þous zayþ / þet chastete spilþ be lostes. Þe writinge zayþ / þet Ieremies brechgerdel / rotede bezide þe wetere. Vor chastet� / þet is onderstonde / and betokned be þe brechgerdle: þet uorrotede / ine þe wetere of uoule lostes. And þeruore / huo þet wyle him loki uram berninge: he ssel do away þe ilk brondes / þe wyþdraȝinges of mete / and of drinke / and be ssarpnesses of his bodie. Huer-of þe writinge zayþ. þet þe children þet weren y-norissed mid greate metes / nolden naȝt ethe of þe lostuolle metes / weren y-borȝe ine þe fornayse of babyloyne. huerby is onderstonde : zenne of lecherie / þet is yquenct mid uorberinge of mete and of drinke / and be ssarpnesse of lyue. Ac þe greate metes / and þet stronge wyn / aliȝteþ and norisseþ lecherie / ase oyle oþer grese aliȝteþ and str [supplied by ed.] engþeþ þet uer.

Þe vifte stape is be-uly kueade uelaȝrede and þe enchesons of zenne. Moche uolk byeþ y-ualle ine zenne be kueade uelaȝrede þet naȝt elles ne hedden yualle. Ase þe leuayne zoureþ þet doȝ and hit draȝþ to smac: alsuo þe queade uelaȝrede amerþ þet guode los of þe manne. A roted eppel amang þe holen: makeþ rotie þe yzounde. yef he is longe þer amang. A quic col berninde ope ane hyeape of dyade coles : hit his zet alle auer. Huerof þe sauter zayþ. 'Þou sselt by holy mid þe holy. and poure mid þe poure.' ase yef he zede. yef þou wilt loki þine klennesse and þine chastet�: beuli þe uelaȝrede of þe kueade. Vor yef þou louest þe uelaȝrede of þe queade: þou sselt by zuych ase hi byeþ. Vor huo þet loueþ uelaȝrede of fol: hit behoueþ þet he by fol. þet zayþ þe wyse ine þe writinge. Alsuo behoueþ him beuly þe encheysones of zenne / ase speke priueliche to wyfman ine stede suspect. on: wyþ one. Vor þet yefþ ofte encheysoun to zeneȝy huanne me heþ þane time and þane stede. Huer-of we redeþ ine þe boc Page  206of kinges. Þet amon þet wes dauiþ is zone: huanne he hild his zoster / on : to one / priueliche ine his chombre / he hise uorlay. Iosepes lheuedy þo hy uand alone him / hi wolde do him zeneȝi mid hire. ac he him uledde / ase wys / and hise uorlet. Þeruore zayþ zainte paul. beuly fornicacion. þet is to zigge / þe encheysons [typographic Fol. 64. b.] þet moȝe lede to zenne of lecherie. Vor me ne may naȝt betere ouercome zenne of lecherie / ne loki chastet�: þanne to by-uly þe encheysones of zenne. Þeruore þe angle zede to lot / þet he ssolde guo out of þe cit� of sodomme / and alle þe boundes. Vor hit ne is naȝt ynoȝ to lete þe kueade uelaȝrede ne þe zenne: bote he ne lete þe markes of zenne. Þet is to zigge: þe encheisons of zenne. Me couþe zigge. zuo longe geþ þet pot to þe wetere: þet hit comþ to-broke hom. and zuo longe uliȝþ þe ulindre aboute þe candle: þet hi bernþ. Alsuo me may zuo moche zeche þe enchesouns of zenne / þet me ualþ. Þanne huo þet wyle him loki / uram berninge he ssel him wyþdraȝe.

Þe zixte stape is / to by ine nyedes of guode workes and oneste. Vor þe uyend þet neure ne / slepþ / huanne he uint man ydel and sleawol guod uor to done / he him deþ ine his niedes / and deþ him stempe*. [steppe?] liȝtliche in-to zenne. Þanne þe writinge zayþ / þet idelnesse / þet is to zigge / sleuþe and onlosthede wel to done / is maystresse of moche quead. And þeruore zayþ zaynte paul. 'Ne yef naȝt' zayþ he 'stede to þe viende.' Þet is to zigge: ne by naȝt ydel / þet þe uiend ne uinde stede þe uor to uondi. Vor he is ydel of guode workes: þet yefþ stede to þe zaule hire uor to uondi. Þeruore zayþ saint gerome. 'Do alneway zome þinges of zome guode workes / zuo þet þe dyeuel þe uynde alneway workinde. uor huo þet is ydel / he him ne may naȝt longe hyalde þet he ne ualle in-to zenne.' Þanne þe profete zayþ. uor þet wes þe zenne of sodome / þet prede. ydelnesse. and plent�. þet is to zigge / þet hi ethen / and uorzuolȝe / Page  207and naȝt ne dede. huer-by hy uillen in-to þe uoule zenne þet naȝt ne is to nemni. alsuo deþ moche uolc þet lyeseþ hare time / and hine bezetteþ ine ydelnesse / and ine to moche of metes an drinkes / and ine fole pleȝes. ine childhedes / ine liȝthedes / ine zonges / ine karoles / and ine tables / in ches / and ine oþre fole gemenes. Ine zuyche liȝthedes wasteþ hare time. and þeruore hi ualleþ liȝt [supplied by ed.] liche ine moche uoul zenne / and ofte in-to þe pette of helle. þet is ate pricke of þe dyaþe / huerof he*. [hi?] ne nimþ none hede.

Þe zeuende stape is guode benes to god / þet moche is worþ to ouercome alle zenne / and nameliche zenne of lecherie. Þanne saynt ambroyse zayþ. 'holy bene is a guod sseld / a-ye alle þe berninde gauelockes of þe dyeule.' and ysidre zayþ. þet / þet his remedie aye alle zenne. to him þet yernþ to holy benes / an haste huanne þe vyend asayleþ þe herte. Vor wone to bidde: aquencþ alle þe asaylinges of zenne. Holy bene is wel miȝt [supplied by ed.] uol auoreye god. uor hi is y-ssored / mid uour þinges ase mid uour posst [supplied by ed.] es.

Þe uerste is riȝte beleaue huer-of zayþ oure lhord ine his spelle. 'In al þet þou acsest ine þine benes / haue guode beleaue / and uest hope ine god: and þou sselt habbe / þet þou acsest.' Saint Jacob zayþ. þet me acsy to god / ueste bileue / wyþ-oute drede. uor huo þet dret: he is ase þe waȝe of þe ze / þet þe wynd let hider and þider. And þeruore he þet geþ yerninde / and [typographic Fol. 65. a.] talyinde / ne þengþ naȝt aye god. Þe oþer þing þet ssel by ine bene is hope uor to habbe þet me byt. Huer-of þe sauter zayþ. haue guode hope ine god / and he þe wile do þet þou him acsest. And þeruore zede he ine ane oþre stede. 'Lord haue merci of me: uor min herte hopeþ ine þe.' Grat hope ous yefþ him uor to bidde / zuo þet he ne zayde naȝt / ine behotingge / þo he zede ine þe godspelle. 'huo þet acseþ : he nimþ. and huo þet zekþ: he vint. and huo þet clepeþ : god him Page  208openeþ.' þet is to onderstonde / huo þet acseþ / wysliche. huo þet zecþ / diligentliche. and huo þet [supplied by ed.] clepeþ / bleuindeliche. Huanne þise þri þinges byeþ ine hire skele. wyt. diligence. and perseuerance: god ham y-herþ an haste. wyt: þet þou acsi wisliche. Moche uolk acseþ / þet ne byeþ naȝt y-herd / uor hi makeþ kueadliche hire acsinge. Huerof saint Jacob zayþ to þan þet ne wyteþ huet hi acseþ. 'Þou acsest' he zayþ 'to god ofte / ac naȝt ne onderuan [supplied by ed.] gst.' zome akseþ to heȝ þing / more þanne ham behoueþ / ase dede þe tuaye apostles saint Jon / and saint Jacob. þet acsede þe on of ham zete ane þe riȝthalf of oure lhorde ine his regne / and þe oþer ane his lefthalf. Hi ne acsede naȝt wisliche ac raþre hit þoȝte grat presumcion. And þeruore he ham ansurede oure lhord hardliche and ham zede. 'Ye ne wyteþ huet ye acseþ.' Þanne huo þet wile wysliche bidde god / yef he him lokeþ uram presumpcion / oþer þet he ne wene greate þinges of him-zelue ase dede þe farisen*. [fariseu?] þet yalp ine his benes / and onworþede þane pubblycan. Ac mildeliche me ssel to god bidde / and him-zelue deme beuore god þet yziȝþ þe herten of þe uolke. and wot hare eueles / and hire lackes / and wot huet ham is nyed / betere þanne ham-zelue conne. Nim hede to þe poure truons / hou hi sseweþ hire eueles / and hare defautes / uor to maki þet uolk / to habbe þe more reuþe of ham. Alsuo me ssel do to-uore god / mildeliche ssewy his lackes / and his zennes þere recordy / uor to habbe grace and uoryeuenesse. Þe oþre byþ þet ne conne acsi bote þinges libbinde and little / ase byeþ þe guodes of time. God þe wyle wel gratter þinges yeue. He nele þe yeue pere / ne eppel / ase me deþ ane childe. ac greate þinges he wile þet þou him acsi. þinges þet þe by profitable / to helþe of zaule / ase his grace and his blisse. Vor huo þet acseþ to god richesses / worþssipes / heȝnesses / oþer dyeaþ of his yuon : he zent to gode uoule benes. and þeruore he ne Page  209hierþ his naȝt. Þeruore zayþ zaint austin. 'Ne onderstand naȝt' he zayþ 'of god uor greate þinges / þe guodes þet he yefþ / alsuo wel to þe kueade / ase to þe guode.' he wyle zigge. me ne ssel naȝt hyealde uor greate þinges / þe guodes pasinde þet god yefþ / alsuo and more yet to þe kueade: þanne to þe guode / and þeruore his yefþ god to þe wyckede: þet þe guode lierni to onworþi þet he yefþ to þe kueade / ase zayþ zaynt austin. 'Huanne þou bist þanne god' / zayþ saynt ambroyse / 'acseþ grat þing / þet byeþ þo þet euremo ilesteþ wyþ-oute ende / naȝt þe þinges pasinde. Vor þe ilke [typographic Fol. 65. b.] bene ne comþ naȝt to gode.' Þeruore ous tekþ oure guode mayster Iesu crist / uor [supplied by ed.] to acsi wysliche. and ous ssepþ oure acsinge þo he zede. 'Yef þou acsest eni þing to mine uader / ine mine name: he hit þe wile yeue.' Yef he hit acseþ mid þe name of Iesu crist / þet acseþ þet behoueþ*. [MS. bohoueþ] to helþe of zaule. Vor Iesu / is asemoche worþ : ase helþe. And huet þing ssolle we þanne acsi : he ous tekþ ine his spelle þo he zede. 'Verst ocseþ godes riche / and his riȝtuolnesse. and alle þise timliche þinges : þou sselt habbe to auontage.' Vor ase me can zigge / 'to þe meste niede : me ssel alneway yerne.' We habbeþ niede of tuo þing. of gostliche guodes / and of timliche guodes. Ac wel more nyede we habbeþ of gostliche guodes. and þeruore we ssolle his uerst and principalliche bidde. and god his wile ous yeue / and ous wile do auontage of þe oþre guodes / þet byeþ þe timliche guodes. We ne ssolle naȝt maki of þe oþre seconde [supplied by ed.] guodes principals / ase doþ þe couaytouse / þet ne zecheþ oþer lif / bote þet / þet ham faileþ / and ham ascapeþ wille hi nolle hi. Ac þe riche of heuene is þet lif eurelestinde : we ssolle bidde be ofseruinges of guode workes. And þet is þet god zayþ. 'biddeþ uerst godes riche / and his riȝtuolnesse.' þet is / do guode workes / huerby me may come to þo riche þet neure ne ssel faili. an huo þus hit bit : god deþ him Page  210auontage of þe timliche guodes. uor he hise him yefþ to his wone ynoȝliche. uor naȝt ne lackeþ to ham þet louieþ god / and dredeþ / ase zayþ þe writinge. Ac þe couaytouse of þe wordle: þe more þet hi habbeþ / þe lesse hi habbeþ. huo þet mest heþ of mayn� / and mest him faileþ*. [MS. saileþ] of mete. and þet mest heþ hors : mest him fayleþ gromes and stablen. And sainte [supplied by ed.] Ierome zayþ. þet 'to þe wreche fayleþ : þet he heþ / and þet he neþ.'

Nou þench þanne huanne þou woldest bidde god and acsi wisliche / and diligentliche / þet is ententifliche / and perseuerantliche : and he þe wille ye [supplied by ed.] ue: þet þe hest niede to þi profit / an to helþe to þine zaule.

Þe þridde þing þet ssel by ine bene : is deuocion of herte / þet is to arere þe herte to god / wyþ-oute þoȝte ine oþre stede. Þanne oure lhord zayþ / 'huanne þou sselt bidde god / be-tuene þine teþ.' þet is to zigge / ine þine herte. ssete þe dore ope þe. þet is to zigge : do out alle þoȝtes ulessliche / uoule / and wordleliche / and zuo bide þine uader of heuene ine halke. Saynt ciprian þous zayþ. þet alle þoȝtes ulessliche and wordleliche me ssel diȝte uram þe herte / þet wyle god bidde. zuo þet his herte ne þenche to oþre þinge : bote to þet he ssel bidde. 'hou' zayþ 'he / wenst þou / þet god þe y-here / huanne þou ne hierst nat þi zelue?' And ysidre zayþ. 'þanne / we biddeþ zoþliche / huanne we þencheþ nawerelles.' And saint augustin zayþ. 'Huet is hit worþ to sterie and to beate al day þe lippen / huanne þe herte is al domb?' zuych difference ase þer is be-tuene þe cheue and þe corn / be-tuene bren and flour of huete / betuene þe uelle and þe beste: zuyche difference is betune þe rearde of þe bene / and þe deuocioun of þe herte. God ne is naȝt goth*. [got?=goat] to uede mid leaues. alsuo þe bene þet is y-wriȝe ine leaues of wordes / wyþ-oute deuocion of herte / ne likeþ naȝt to Page  211god / ac raþre him mis-payþ / and him*. [MS. hin] went þet yeare / [typographic Fol. 66. a.] þet he hit ne yhiere. uor he ne onderstant naȝt zuiche speche. Huo þet bit god wyþ-oute deuocion of herte: he spekþ to god patroyllart. ase þe ilke þet spekþ half englis and half urenss. he spekþ to god mid mouþe: ac þe herte spekþ oþre speche / huanne he þengþ elleshuer. Þanne hit þe þingþ þet zuych uolk / þet zuo biddeþ god: him scorneþ. ase he þet wile scornj ane dyaue: he waggeþ þe lippen onlepiliche and makeþ semblont to spekene: and naȝt ne zayþ. To zuiche uolke makeþ god þet dyeaue eare. Ac þe bene þet comþ / of þe dyepnesse of þe herte: þo yherþ oure lhord. Vor ase zayþ þet godspel. 'god is a gost. and þeruore huo þet wile by yhierd of god: hit him behoueþ þet he bidde ine goste / and ine zoþe.' Dauiþ ous tekþ to bidde god deuoutliche ine þe sautere / þo he zede. 'lhord mj bene bi ydiȝt beuore þe: ase þet stor.' Þet stor huanne hit is ope þe uere smelþ zuete. alsuo deþ þe bene : huanne hi comþ of bernin [supplied by ed.] de herte of þe loue of god / smelþ wel zuete to-uore god. oþerlaker þe bene ne comþ naȝt beuore god / bote hi come of þe herte. ase þe messager þet none lettres ne brengþ / oþer þet ne is naȝt wel yknawe : ne comþ naȝt liȝtliche touore þe kinge. bene wyþ-oute deuocion / is messagier wyþ-oute lettres / and wyþ-oute knawlechinge. huo þet zuych messager zent to cort: euele ha deþ his niedes. Vor ase me zayþ communliche. huo þet fol zent: fol abyt. Huo þet wyle þanne zoþliche bidde god: he ssel to god grede mid dyepe herte / ase dede dauid þet zede ine þe sautere. 'lhord god yhyer mine bene and mine rearde þet ich grede to þe / mid þe dyepnesse of herte.' Þe hete of loue: is þe gredinge of herte / þet zayþ saynt augustin. Þe ilke rearde and þe ilke gredinge / him likeþ. naȝt rearde uor to telle tales. Saint gregorie zaiþ. þet zoþliche bidde god : is biter zobbinge of uorþenchinge. þet is to zigge / of zorȝe / and of Page  212repentonce of herte / keste to god. naȝt wordes afaited and y-sliked ueleuold. Zuych gredinge cacheþ þe þyeues / þet byeþ þe dyeulen þet ous wayteþ ous to robbi. and þeruore ssolle we ofte grede to god / þet he ous loki uram þo þieues. Alsuo ssolle we strangliche grede to god / þet he ous loki uram þo þyeues. and uram þe uer of couaytise / and of lecherie / þet he ous yeue þet weter of tyeares uor to quenche zuich uer / þet hit ne berne oure herten. Alsuo ssolle we grede aye þe foles of euele þenchinges / þet ouerguoþ ofte þe herte. þet þe herte ne spille be grauntiuge. Þeruore gredde dauiþ to god ine þe sauter. þet zede. lhord / y-wyte me uram þe peril of weteris / þet is nieȝ y-guo in-to mine herte. And þe deciples of oure lhorde þo hi yzeȝen þe tempeste of þe dyaþe ope ham gredden. 'Sire / y-wyte ous / uor we spilleþ.'

Vor þo þri þinges þet ich habbe hier y-zed / me ssel ofte grede to god / þet he ous wytie uram þise þri perils / of þe þyeues of helle / uram þe uere of couaytise. of foles and of kueade þoȝtes / and uram uondin [supplied by ed.] gge.

Nou sselt þou conne / þet ine eche time / and ine eche stede: miȝt þou bidde to god. ac specialliche and more deuouteliche me ssel him bidde at cherche / þane zonday / and ine festes þet bieþ iset god uor to [typographic Fol. 66. b.] bydde. herie / and worþssipie. and þeruore me let of bodiliche workes of þe woke / uor betere to onderstonde to bidde god. serui / herie / and worssipie. Þer byeþ tuaye manere benes / on þenchinde ine herte / þet me may oueral bidde. an oþer ine speche of mouþe. þet me ssel bidde ine oneste stedes / naȝt ine longaynes ase doþ þe ypocrites / þet ham sseaweþ wyþ [supplied by ed.] -oute / and naȝt wiþ-ine. and alsuo þer bieþ oþre þet gredeþ hare benes zuo lhoude þet þo þet byeþ ham y-hende / byeþ desstorbed of hare deuocion be ham / and þencheþ zuych ich am. And þeruore to zuichen zayþ god. Page  213'Vor-zoþe ich zigge to yow : ye habeþ onderuonge youre mede.' Yef god het / zuo straytlich [supplied by ed.] e loki þane zeterday / ine þe yealde laȝe / þet he made. ane man / to stene / to-uore al þe uolke / uor þet he hedde y-gadered / a lite wode / þane zeterdey. huet ssel he do / of þan / þet doþ / greate zennes / þane zonday / and ine festes / and wasteþ þane time in ydelnesse / and ine folies. and worse doþ ine festes : þanne in oþre daȝes. Vorzoþe hi ssolle by more y-pined / and more y-damned ine þe oþre wordle: þanne geus / þet breken hare zeterday. Vor þe zonday is more holy : þanne þe zeterday.

Also byeþ þe festes principals. / þet byeþ yzet ine holy cherche / uor god to bidde / and þonki / serui / herie / and worþssipie. of þe greate guodnesses þet he þe heþ y-do / ase holy cherche recordeþ. Ine zuyche festes ase at cristesmesse / his beringe / hou he wes y-bore / of þe mayde. At yestre / his oparizinge / hou he aros uram dyaþe / to liue. Ate assencion / hou ha steaȝ to heuene / ine ziȝþe / of alle his apostles. At lokes / hou he zente þane holy gost : ope his apostles.

Alsuo þer byeþ yzet þe festes of halȝen / ine holy cherche / uor to worþssipie / an uor to serui god / and herie / and his halȝen / of þe miracles þet he dede uor ham. uor to uestni oure beleaue. And þeruore / we ssolle þe festes of halȝen loki / and bidde / þet hi ous helpe auoreye oure lhord Iesu crist / þet zuo moche his worssipeþ / ine heuene / and ine erþe. Þanne zeneȝeþ he wel kueadliche / þet ne lokeþ þe festes. Vor he deþ aye godes heste. and of holy cherche.

Ac zome miȝte zigge. 'lyeue sire / me ne may naȝt alneway bidde god / ne by at cherche. huet kuead is hit / yef ich guo playe. and solaci. þer huile þet ich me solaci / an playe : iche ne þenche none manne kuead.' To þan ich wille ansuerie liȝtliche. uor al þane time / þet þou bezest in fole gemenes / in ydelnesse / Page  214and ine niedes / þet ne byeþ naȝt i-diȝt to god: þou his lyest. Vor þou sselt ywyte / þet al þane time / þet þou ne þengst naȝt a god : þou hise sselt rekeni uor naȝt. þet zayþ an halȝen. þet is to onderstonde / huanne þou ne þengst / bote to ydelnesse of þinge / þet ne is ydiȝt / ine none maner to god. And uorzoþe he liest grat þing / þet liest his time / zuo zayþ senekes. uor he lyest þe guodes þet he ssolde do / ine zuo moche time / ase he lyest ine þe playes / and ine ydelnesse. and þet ne is naȝt wyþ-oute zenne / to liese þane time / in queade wones. Vor god wile acsi rekeninge / ate daye of dome. [typographic Fol. 67. a.] þis zayþ saint anselm. And þeruore me ssel alneway wel do / and wel bezette þane time / ine guode workes / ase moche / ase me may / þer-huile þet he leueþ. uor þe time is ssort / ase zayþ þe writinge. ne non ne wot / hou longe he hit ssel habbe. uor non ne wot / huanne he ssel sterue / ne huanne he ssel paci.

An oþer may zigge. 'Yef hit were suo / þet alle daȝes ine þe yeare were messedaȝes / and y-hote hyealde be holy cherche. huo þanne ssolde erye / and zawe. ripe / and mawe. and oþre erþliche workes to done / huer-by men ssolle libbe?' þerne ansuere ich lete to ham: þet betere conne ansuerie / þanne ich. Huo þet wyle þanne loki þe festes / ase he ssel : he him ssel loki to done þing / þet to gode ne is naȝt likinde / ne to his halȝen. and wel to bezette þane time / in god to bydde / herie / and þonki of his guode. y-here his sermons / and onderstonde to alle guode workes. Alsuo / huanne at cherche / man him ssel habbe / wel oneste / and do worþssipe / an reuerence / to god. and to his halȝen / uor þe stede is holy / and is y-zet / to bidde god. naȝt uor to iangli / uor to lheȝȝe / ne uorto trufly. Þanne oure sire zayþ. 'Min hous / is hous of bene.' and þeruore me ne ssel oþer þing do / ne zigge: bote þet hueruore hit is y-zet. þis zayþ saynt austin. Þe ilke þet ssel come to-uore þe kinge ine his chombre / uor zome Page  215grace to bidde / he him loki wel to zigge þing / þet naȝt ne liki þe kinge. Wel more he him ssel loki / þe ilke þet comþ to cherche / þet is godes chombre / and godes hous / to done / and to zigge / to-uore god / and to-uore his angles / þing þet him ne liki. God nele naȝt þet me maki his hous marcat / ne boþe / huerout he wrek / þo þe zyalde / and boȝte / ine þe temple. uor he nele / þet me maki uorewerdes / ne noyses / ne nyedes seculeres / þerinne. ac raþre wile / þet me onderstonde / to bidde god deuouteliche / and him herie / and þonki of al his guode. Þer me ssel wyþ-clepie his herte to him / and do al out / alle seculere niedes. yemere þoȝtes. and þenche an his sseppere / and ane his guode guodnesses þet god him heþ y-do. and him deþ communliche. recordi his zennes / and his lackes / and him-zelue mildi / to-uore god / and bidde uoryeuenesse / and grace / him to loki uram zenne. and bleuinge ine guode liue / al to þe ende. Þere ssolle þe greate lhordes / and þe greate lheuedyes uoryete hare blisse / hare miȝte. hare dingnet� and hare heȝnesse. and þenche þet hi byeþ beuore hare demere / þet ssel his zette to skele / of þe guodes þet he ham het y-do. of þe dingnet� / huer he his heþ y-zet. hou hi hit habbeþ y-used. and ham ssel yelde be hare ofgoinge. Þeruore hi ssollen þer / ham moche mildi to god / naȝt glorifie hare heȝnesse / ne of hare uayre diȝtinge / ne of hare uayre robes / to þe uorbysne of kinge dauiþ / þet hedde uoryete his dingnet� / þo he bed god / and onworþede him-zelue / touore him. 'Ich am' he zede 'a lite werm / and no man.' and ine þet / he bekneu / his þolemodnesse. his pourehede / and his uoulhede. Vor ase þe werm is uoul / and lite / þing onworþ / and wext al naked / of þe erþe / al-suo is man / uoul þing of him-zelue. uor huanne he yede / in-to þe exil of þise wordle: naȝt he ne broȝte: ne naȝt ne ssel bere away. [typographic Fol. 67. b.] al naked he com: and al naked he ssel guo. Þanne Page  216saint bernard zayþ. 'huet is man / bote uelþe / and a zech uol of donge / wermene mete?' He is wel uoul an stinkinde zed ine þe byetinge.*. [For 'beyetinge'.] a zech uol of donge ine his liue. mete to wermes / ine his dyaþe. Alsuo þe greate*. [MS. gretate.] lheuedyes / þet comeþ zuo idiȝt mid gold / mid zeluer / mid stones of pris / and mid robes of grat cost / to cherche be-uore god / hy ssolden nime uorbisne of þe quen hester / þet dede of hire coustouse robes / and hire oþre agraiþinges / þanne hi com to cherche / to bidde god / and hire to loȝy / and bekneu hare pourehede to-uore god / and zayde to god. 'lhord þou wost þet ich hatie þe toknen of prede / and þe blisse of agrayþinges / and of ioyaus / þet me behoueþ do / ope mine heauede ine grat wlatiynge.' Vorzoþe / and zuo heþ god grat wlatiynge / to ham / þet ine þise þinges habbeþ blisse / and ham agrayþeþ / ham uor to ssewy / and to paye þe foles. God ne heþ naȝt to done mid zuyche payinges / ine his cherche. ac of milde herte / and of clene inwyt. Zainte pauel tekþ riȝt wel / hou þe guode wyfmen / ham ssolle agrayþi / huanne hi comeþ to cherche / to bidde god. He zayþ þet hi ssolle habbe clenliche cloþinge / wyþ-oute to moche. þet is to onderstonde: be þan þet þe wyfman is. Vor þet / þet is to moche ine one wyfman / ne is naȝt to moche ine anoþre. More behoueþ to ane kuene / þanne behoueþ to ane borgayse / oþer to ane simple wyfman. Efterward he tekþ / huiche byeþ of simple ziȝþe. þet is to zigge / milde / and ssamueste / naȝt þe bolde / ne þe naȝt ssamueste / ase byeþ þe fole wyfmen / þet guoþ mid stondinde nhicke*. [MS. reads nincke] / ase herte ine launde / and lokeþ azide / ase hors of grat cost. Efterward / he nele naȝt þet hi bi to bysi / of hare heaueden to agrayþi mid gold / and mid zeluer / and mid preciouse stones. And he wile yet eft / þet at cherche / þet hi habbe / Page  217hare heaueden y-wreȝe / zuo þet non ne bi ine kuede þoȝtes uor ham. and þet hi ne yeue none enchesoun / to þenche quead / to ham / þet hise ysyeþ. Ac hi ssollen bi ydiȝt*. [MS. ydift] ase he zayþ / ase guode wyfmen / þet sseaweþ þe guodnesse of hare herten / be guode dedes / and þeruore zayþ saynt Ambroyse. 'Huo þet wyle by yherd ine his benes : he ssel do away uram him / alle toknen of prede / and he ssel bouȝe to god / be zoþe boȝsamnesse / uor to sterie god to merci.' Vor ase he zayþ. 'prouduol cloþinge / ne wynþ naȝt of god. ac yefþ encheisoun / euele to deme / of þan oþer of hire: þet hit berþ.'

Nou ich þe habbe y-ssewed / þri þing / þet ssol by ine bene. beleaue. hope. and deuocioun. Ac to þan þet þe bene / by parfitliche licuol to gode / and worþi to bi y-herd: hit behoueþ / þet uerþe þing. þet is þet him behoueþ. / tuo wyngen / þet hit bere touore god. Þise tuo wyngen / byeþ : uestinge / and elmesse. Þeruore / þe angle zayde to tobye. þe bene is guod : huanne hi heþ mid hire / elmesse / and uestinge. and wiþ-oute þise tuo þinges: bene ne may naȝt / vly to gode. ac zenne amerþ and him wiþdraȝþ ayen. Þeruore þou sselt y-wyte / þet ine tuo maneres is bene amerd / ase zayþ [typographic Fol. 68. a.] ysaye. Vor þet me ne let naȝt euele to done. And þeruore / þet me nele uoryeue / his misdedes / ne his euele ywyl. Vor alsuo ase þe smeryeles / ne is naȝt worþ / to hele þe wonde / ne non oþer þing / þer-huile þet / þet yzen is þerinne: alsuo hit ne is naȝt worþ / ne naȝt ne profiteþ þe bene / to him þet hit zayþ: þer huile þet he is / ine dyadlich zenne. ne ase longe ase he heþ / quednesse ine his herte. And þeruore zayþ þe profete. 'Arere we oure herten / and oure honden to god / þet ophebbeþ oure benes be guode workes.' And þe apostel tekþ / þet me arere / clene honden in bene. Þe clene honden / þet byeþ þe clene benen / þet byeþ y-do ine clene inwyt. Vor God ne yherþ naȝt þe bene / þet Page  218comþ of inwyt uol of uelþe / and of zenne. Þanne he zayþ be þe profete. 'Huanne þe multepliest þine benes: ich nelle none y-here. uor þine honden byeþ al blody.' Huo byeþ þo / þet habbeþ þe honden blodi: bote þo / þet be-uleaþ þe poure uolk / þet byeþ onder ham / and benimeþ ham hire guodes be strengþe? Hy habbeþ hare honden al uol of blode / of þe poure. uor hi benimeþ ham hare lyf / and hare sostinonce / be hare couaytise and be hire roberie. and makeþ þe greate to mochelhedes / and eteþ þe blodi snoden. Huerof hi ssolle paye hard scot / ine þe oþre wordle / bote þe writinge ne lyeȝe / þet zayþ. þet god wyle acsi / þet blod of þe poure: of hare honden. þanne hit behoueþ þet hi yelde : oþer þet hi hongi. Vor ase me zayþ : 'oþer yelde : oþer hongi.' And þeruore god ne yhyerþ naȝt zuich uolk / uor hi ne byeþ naȝt worþi. Huo þet wyle þanne by yherd: ne come naȝt beuore god / mid zuorde adraȝe / and mid blodi honden / ne ydel houden. þet is to zigge: in wyl to zeneȝi / ne mid lac of ontreuþe / ne ydel of guode workes. uor þus zayþ oure lhord ine his spelle. 'þou ne sselt naȝt sseawy þe / beuore me : ydelhonded.' þe ilke comþ to-uore god / mid ydele honden : þet comþ him to bidde / wyþ-oute makiynge of presont to god / of guode workes. uor ayens þan / ha sset his gate: þet him bit / and naȝt ne brengþ. Of þisen we habbeþ ane uorbisne / ine þe godspelle / þet zayþ. þet þe gate wes y-sset / aye þe fole maydines / þet hedden hare lompen ydel. and god ham zede. 'ich ne knawe you naȝt.' þet is to zigge: `ich not huo ye byeþ.' Vor god ne knauþ bote þo: þet him trewliche serueþ / þet habbeþ hare lompen uol of oyle: ase hedden þe wyse maydenes. þet is to ȝigge : þet habbeþ hare herten uol of pite / and hit sseweþ be guode dedes. Zuich uolk he y-herþ / and to zuiche uolk he openeþ his gates / uor he onderuangþ / bleþeliche hare benes.

Nou ich zigge þanne / þet bene þet is yssored mid / Page  219þise uour posst [supplied by ed.] es / ase ich habbe beuore yzed: ys wel miȝtuol be-uore god. uor he ssel habbe lyȝtliche of him / al þet he heþ niede / by hit to þe bodie / by hit to þe zaule / ase wytnesseþ þe writinges. Þanne saint Iacob zayþ. þet mochel is worþ bene of guod man. uor hi is worþ uor to hele þe zike / of bodie / and of zaule. Huerof him-zelf zede. yef he is ine zenne: hit ssel him by uorye [supplied by ed.] ue. Þe writinge zayþ. þet Moyses ouercom amalec / and al his ost / naȝt be uiȝt: ac be his holy biddinges. uor ase zayþ an holy man. more is worþ an halȝen / and may [typographic Fol. 68. b.] biddinde: þane uele þousond of zeneȝeres: uiȝtinde. Þe bene of a guod man / openeþ þe heuene. hou ssolde he / bote ouercome þe wyckede ine erþe. A guod ald wyf / porchaceþ more of heuene / ine one-lepi oure biddinde : þanne ssolde do / a þouzond knyȝtes / of þe londe in lang time / be hare armes. And þeruore hit is guod / to zeche þe benes of guode men. and specialliche of men of religion / þet byeþ to-gydere / god uor to serui / and uor to bidde uor ham / þet doþ ham guod. Vor yef þe bene of ane guode manne / is moche worþ be-uore god / ase zayþ þe writinge: more is worþ / and may : þe bene / of uele guode. Vor ase zayþ an halȝen. Hit ne may naȝt by / þet þe bene of uele guode men: ne is y-herd. Þe benes of a coueut / byeþ raþre yherd of þe abbotte: þanne þe bene of one moneke. alsuo yherþ god raþre þe benes of þan þet byeþ to-gidere him uor to serui. Þanne he zayþ ine his spelle. 'yef tuo of ous / oneþ ham togidere / me uor to bidde: Al þet hi biddeþ / mine uader: he [supplied by ed.] ham wile do.'

ÞE ZEUE BOȜES / OF CHASTET�.

Nou ich habbe yzed þe zeue stapes / huer-by clifþ / and wext / and profiteþ / þet trau of uirtue / and of chas [supplied by ed.] tet�. Nou behoueþ to zigge / of þe boȝes / of þise trawe / þet byeþ zeuen. be þe zeue states / of þe stapes of uolke / þet byeþ ine þise wordle.

Page  220

Þe uerste stat / is of þan þet byeþ yhole of bodie / and habbeþ wel yloked hire maydenhod. Ac alneway / hi ne byeþ naȝt y-bounde þerto / þet hi ne bi ine mariage. Ine þet stat / me ssel loki chastete / þet is clennesse of herte / and of bodie. Þeruore þe children of riche men / ssolle habbe guode lokeres / and oneste / þet hi by be-zide ham / and þet hi bi diligent ham wel to teche / and loki uram zenne / and uram kueade uelaȝrede. Vor þe fole uelaȝredes / amerreþ ofte children and hare tec [supplied by ed.] hinge þet kueade uolk / þe wordes of kueadnesse / of ribaudie / þe fole takinges / and inhoneste ine zenne of lecherie. and oþerhuil of þo lecherie / þet is aye kende. Þerof anoþre time we habbeþ yspeke ine þe chapitle of uices. an þeruore hit ne behoueþ naȝt to reherci. uor þe ilke kende ne is naȝt uayr. And þeruore me ssel þe children chasti / and wel teche / and bi bezide ham þerhuile þet hi byeþ yonge. And wonye his to hyealde þe guode techinges. Vor ase zayþ salomon. 'þet child lyerneþ ine his yeȝeþe: he hit wyle healde ine his elde.' And þe filozofe zayþ. 'Hit ne is naȝt lite þing / to wonie guod / oþer kuead / ine his yeȝeþe.' Vor ase me zayþ. 'Huo þet tekþ colte endaunture: hyalde hit wyle þerhuyle hit ilest.' Zuiche fourme ase þe sso takþ ate ginnynge: he halt euremor ine þet stat. Þanne heþ chastet� nyede of guode lokinge. uor oþerlaker hy ssel zone by uorlore.

Þe oþer stat is of ham þet bieþ naȝt clene of bodie / and habbeþ hare chastet� uorlore / and hare maydenhod / er þan hy weren euerte*. [So in MS.] ymarissed / ne y-bounde mid bende. huo may ham wyþnyme uorte bi y-marissed. and [typographic Fol. 69. a.] alneway hy byeþ y-ssriue and uorþenchinde of hare zennes. Ine þo stat me ssel loki chastet�. Vor huo þet is ine þet stat: he ssel habbe uest porpos / and wyl / þet neure mor ne ssel ayen yerne to þe zenne of his bodye. ac raþre he him ssel loki be his miȝte. wyþ-oute þet / þet he him moȝe marissi yef he wyle. And huo Page  221þet wyle ine þet stat loki his chastet�: hit behoueþ þet he defouly and chasti his uless be hardnesse of uestinges / and be penonces. Þis is þe oþer boȝ of þise trawe.

Þe þridde is of ham þet byeþ y-bounde be mariage. ine þo stat me ssel loki chastete / out-ynome þe dede of spoushod. Vor hi ssolle loki hare bodi þe on to þe oþre klenliche and treweliche / wyþ-oute do onriȝt : þe on to þe oþren. and þet acseþ þe laȝe of spoushod. þet þe on bere to þe oþren laȝe and trewþe of his bodie. Vor þerhuyle þet hy byeþ y-uestned to-gidere be spoushod þe on to þe oþre / hi byeþ o body / ase zayþ þe writinge. and þeruore ssel þe on louye þe oþren / ase him-zelue. Vor ase hi byeþ on body. hi ssolle by on herte be trewe-loue / ne nanmore ham to-dele / be herte ne be bodie þerhuile þet hi libbeþ. Þeruore hi ssolle loki hare bodyes clene. and chastliche out-ynome þe dede of spoushod. and þeruore zayþ zayn [supplied by ed.] te paul. þet þe wyues ssolle louie hare lhordes / and worssipie. and deuoute- liche by chast and sobre. chaste to loki hare body uram oþren þanne of hare lhordes. sobre ine mete and ine drinke. uor to moche drinke / and to moche ethe: is grat aliȝtinge to þe uere of lecherie. Alsuo ssel þe man loki his body clenliche þet he ne yeue hit naȝt to oþre wyfmen / bote to his. Spoushod is a stat þet me ssel wel klenliche / and wel holylyche loki uor manie skeles. uor hit is a stat of greate autorit�. uor god hit made ine paradis terestre ine þe stat of clennesse. erþan man hedde y-zeneȝed. And þeruore me ssel hit holyliche loki / uor þane skele þet god hit made / and uor þane stede huer hit wes ymad. Efterward / hit is a stat of greate dignet�. uor god wolde by bore of wyfman yspoused. þeruore þe mayde marie made of spoushod hire mentel: hueronder wolde by godes zone bi y-conceyued / and y-bore. Under þo mentle wes y-hole uram þe dyeule / þe priuite / and Page  222þe red of oure scele / and of oure helþe. þeruore þanne me ssel hit worþssipie and clenliche loki. Efter þet me ssel hit loki holyliche / uor his holynesse.*. [Ms. lolynesse] uor hit is on of þe sacramens of holy cherche. and betokneþ þe spoushod þet is be-tuene holy cherche: and Iesu crist and betuene god / and þe zaule. Þanne þet stat of spoushod is zuo holy and suo honeste: þet þe dede þet wes dyadlich zenne out of spoushod / is wyþ-oute zenne ine spoushod. and naȝ onlepiliche wyþoute zenne: ac hit mai by to merite uor to wynne þet lif wyþ-oute ende. And þou sselt ywyte þet ine þri cas me may do þe dede of spoushod wyþ-oute zenne. and he mai habbe grat merite ase to þe zaule.

Þe uerste cas is huanne me deþ þe ilke dede ine wylle uor to habbe child to serui god. uor ine zuiche onderstondinge wes uerst spoushod yzet. Þe oþer cas is: huanne þe on yelt to þe oþre his dette / þanne he hit akseþ. and þerto ssel sterie dom : þet yelt to echen his riȝt huanne he hit akseþ and bit be mouþe / oþer be tokne ase doþ þe wyfmen þet byeþ ssamuest zuich þing [typographic Fol. 69. b.] uor to acsi. Þe ilke þet uorzakþ þane oþrene þet acseþ: zeneȝeþ.*. [MS. zeneȝeȝ] uor he deþ him wrang of his oȝene þinge. uor þe on heþ riȝt ine þe bodie of þe oþre. Ac he þet acseþ þet he ssel : he deþ wel and ariȝt. huanne he hit deþ ine þo onderstondinge he ofserueþ auoreye gode. uor riȝt him diȝt þerto / and naȝt lecherie. Þe þridde cas is huanne me hit acseþ his wyue of þo dede / uor to loki hire uram zenne. nameliche huanne he yziȝþ þet hi is zuo ssamuest / þet hi nolde neuremo acsi hare lhorde of zuiche þinnge. and ylefþ þet hi ssolde ualle bleþeliche in-to zenne / oþer liȝtliche bote yef me hire ne acsede. Huo þet ine þo onderstondinge / yelt / oþer acseþ zuiche dette: he ne zeneȝeþ [supplied by ed.] naȝt ac raþre ofserueþ auoreye god. uor pite him stereþ þet to done. Ine þise þri cas / ne is no zenne ine þe dede of spoushod.

Page  223

Ac ine oþre cas me may zeneȝi / oþer liȝtliche / oþer dyadliche. and specialliche ine þri cas. Þe uerste is. huanne me ne zekþ ine zuich dede : bote þe lecherie and his lost. and ine þo cas me may zeneȝi / liȝtliche / and deadliche. Liȝt [supplied by ed.] liche / huanne þe lost ne paseþ naȝt þe markes / ne þe zetnesses of spoushod. þet is to zigge / huanne þe lost is zuo y-led mid scele / þet þe ilke þet is ine þet stat nolde naȝt þet þing do: bote ine his wyue. Ac huanne þe lecherie and þe lost is zuo grat ine his wyue þet scele is y-blent / and ase moche wolde do he ine hire : þaȝ hy nere naȝt his wyf : ine þet cas is þe ilke zenne dyadlich. uor zuich lecherie geþ ouer þe markes of spoushod. huerof god him wreþeþ ofte to zuiche uolke / and yefþ oþerhuil grat miȝte to þe dyeule ham uor to slea / ase me zayþ of saren*. [sareu?] raguelis doȝter / þet wes yonge tobies wyf. þet hedde y-het zeue housboundes / þet alle were y-slaȝe of þe dyeule : þe uerste niȝt þet hi wolden ligge by hire. Þeruore þe angel zayde to tobyen þet hise ssolde habbe to wyue. 'Ich þe wyle zigge' he zayde / 'ine huet uolc þe dyeuel heþ myȝte / ine þan þet doþ out god / zuo out of hare herten / and of hare þoȝtes. þet ne yeueþ ham naȝt / bote to hare lecherie to uoluelle / ase an hors deþ. oþer a mule.' and þeruore ham benimþ god oþerhuil hare frut / zuo þet hi ne moȝen habbe no child. Yet hi moȝe zeneȝi dyadliche ine anoþre manire. Þet is to wytene / huanne þe on deþ aye kende / and oþerlaker þanne kende of man acseþ / ne laȝe of mariage acseþ / ne oueryernþ. zuich uolk zeneȝeþ more gratliche / þanne oþre beuore yzed. Ac þo þet in hare spoushod lokeþ þe drede of oure lhorde / and lokeþ klene hare spoushod ase hit is yset. zuych uolk payeþ god.

Þe oþer cas huer me may zeneȝy be spoushod / is huanne man geþ to his wyue ine time þet he ne ssolde naȝt guo. þet is huanne hi is ine þe ziknesse þet wyfmen habbeþ communliche. zuo þet he his naȝt ne spareþ Page  224huanne he wot þet hi is in zuich stat. zeneȝeþ gratliche and uor þan þet god uorbyet / þet man ne habbe uelaȝrede mid his wyue. ine zuich stat / and uor þe peril of his children. Vor ase zayþ saint gregorie. ine zuych stat byeþ ofte beyete þe crokede / þe blynde / and þe mezels. þe dyaue / þe doumbe / þe ssornede*. [Looks like ssorued in MS.] / þe scallede. and men and wyfmen þet habbeþ oþere zyknesses in hare [typographic Fol. 70. a.] bodie þanne hi comeþ to manhod ase goutes / and beles. and oþre ssrewede eueles. Þeruore þe wifman ssel wel zigge to hire lhorde huanne hi ys ine zuych stat / þet he abyde. and hi alsuo abyde: þerhuile hi is ine þe ylke stat. Alsuo hi ssollen to-gidere spari uram þe dede of spoushod: ine holy times / ase ine greate festes and solemnes / to yeue ham-zelue þe betere god uor to serui. Alsuo ine times of uestinge of holy cherche hi ssolle abide mid þo dede. naȝt uorþan þet hit by zenne zuych þing to done ine zuiche time. and ine zuiche onderstondinge me may hit do. Ac oþerhuil hit is þet me ssel abide / þet me moȝe hit do wyþ-oute zenne: uor betere to habbe of god þet me him bit / ase zayþ saynt austin. Alsuo ine time þet þe wyfman lyþ a chil [supplied by ed.] dbedde / oþer nyeȝ uor to childi. he ssel him loki uram þe dede of spoushod / uor onestete / and uor peril þet miȝte by. Þeruore þise kinges / erles / barouns / and oþre lhordes habbeþ hare chambren be ham-zelue uram hare wyues ine zuiche time. oþer hi wendeþ to yzy hare kasteles / oþer hare oþre stedes. and þeruore hi habbeþ zuo uayre children and zuo cliene*. [MS. chene] of bodye. Me uint ine þe boc þet spekþ of kende of bestes. þet þe elifans nele naȝt wonye mid his wyue: þerhuyle þet hi is mid childe. and man be scele ssel bi more antempred þanne a best. and þeruore he ssel more him-zelue ine þo stat þolye / and ine þo time. Ac alnewey / ich ne zigge naȝt þet yef he deþ þe dede of spoushod ine þo time be guode cause / and ine guode onderstondinge / huerof god is demere yef hit is zenne.

Page  225

Þe þridde cas is / huerine me may kueadliche zeneȝi ine his spoushod : is. ine holy stede. uor ine holy stedes ase ine cherchen þet byeþ apropred uor god to bidde and hym seruy. me ne ssel naȝt do þe dede of spoushod uor worþssipe of þe stede. And huo þet ine zuyche stede ne lokeþ him naȝt þo dede uor to do : he zeneȝeþ uor þe scele of þe stede þet godes uless and his blod byeþ y-sacred inne. uor zuich þing mai by zenne in one stede / and ine one time: þet ne is no zenne ine oþre. Þe*. [MS. þer] uerþe stat is of ham þet habbeþ yby ine spoushod: ac dyaþ heþ to-deld þe on uram þe oþere. And þe ilke þet is ybleued ine lyue he ssel him loki chastliche ase longe ase he is ine þe stat of wodewehod. þet is a stat þet zaynte paul prayzeþ moche / þet zayþ to wodewon. 'huo þet guod is: he him hyealde ine þet stat. and yef hit him naȝt ne lykeþ : he him wyui. Vor betere and more holy þing is to wyui: þanne him-zelue berne.' Þe ilke bernþ / þet to zenne graunteþ. Vor he zet his herte be wylle and be wilninge to þe uere of lecherie. Ac more hit were worþ him to wyui / þanne himzelue of zuiche uere uorberne. and þet is to onderstonde of ham þet byeþ ine þe stat of simple wodewehod. naȝt of þan þet byeþ ine þet stat y-bounde be heste þet ne moȝe [typographic Fol. 70. b.] naȝt ham spousy / wyþ-oute deadlich zenne / efter þe beheste. Ac alneway yef þe beheste is simple / þet is to zigge / huanne hi is y-do priueliche / and wyþ-oute / solemnet�. þaȝ hit by zuo þet ha zeneȝi dyadliche / þet efter zuych ane beheste him spouseþ : alneway he may bleue ine his spoushod / yef þer ne is non oþer destorbinge. Ac he ssel do penonce / uor þe beheste. Ac huanne þe beheste is solempne / ase be hand of prelat / oþer be profession of religion. oþer be holy ordre / þet me heþ onderuonge / ase sudyakne / oþer dyakne / oþer prest. Þanne þo*. [We may read þe?] spoushod ne is naȝt. ac raþre hit behoueþ / to dele þo / þet ine zuiche manyre / comeþ to-gidere / uor hi ne moȝe naȝt by soued ine zuych stat. Page  226To loki þet stat of wodewehod / me ssel sterie þe uorbisne of þe turle. Vor ase zayþ þe boc / of kende of bestes. efter þet þe turle heþ ylore hare make : hi ne ssel neuremo / habbe uelaȝrede / mid oþren. ac alneway he is one / and be-ulyȝt / þe uelaȝrede of oþren.

Þri þinges belongeþ moche / to ham þet byeþ ine þe stat / of wodewehod. Þe uerste is him-zelue kepe / and priueliche bi ine his house. naȝt uor to uolȝy þe uelaȝredes suspiciouses. Þerof we habbeþ uorbisne of Iudit / þet wes wodewe / and hi wes a uayr wyfman / of huam me ret ine þe writinge. þet hi hild hare ine hare boure be-sset mid hare maydenes. Huerof zaynte pauel wyþ-nimþ þe yonge wyfmen wodewen / þet were ydele / and bysye to guonne / an to comene / ganglinde / and to moche spekinde. ac bisset hy ssollen by ine hare house / and yeue ham guode workes to done / ase saynte paul tekþ.

Þe oþer þing is / yeue ham to bidde god. and bleþeliche bi at cherche ine deuocion / and ine tyares / ase me ret ine þe godspelle of saint luc. þet þe ilke guode wodewe / þet hette anne / þet hy ne to-delde hire naȝt / uram þe temple. and seruede god niȝt / and day. ine benes and ine uestinges.

Þe þridde þing is / ssarpnes of metes. Vor ase zayþ saint bernard. þys spilþ ine lostes. alsuo ase he spilþ ine þe wetere / þet zuo longe he may by þer onder: þet he lyest þet lif. Non ne may habbe his heaued. þet is his herte / longe ine þe wetere / of lostes of þise wordle / þet he ne ssel lyese þet lyf / þet is þe grace of þe holy gost. be huam þe zaule leueþ ine god. To þo stat belongeþ: ase loȝe cloþinge. naȝt proud / ne bisiuol / to þe uorbisne of iudit. þet let hire uayre robes / and hare riche agrayþinges / þo hire lhord wes dyad. and nom cloþinge of wodewehod / onworþ / and loȝ / and more wes tocne of wepinge / and of zorȝe: þanne of goye. and of ydele blisse. Þeruore þet hi ledde chastet� / and hi Page  227hit wolde loki al hare lif. Hy hire ssredde mid þe here / and ueste eche daye. and hi wes uayr / and yong / riche / and wys / ac guodnesse of herte / and loue of chastet�: hit hire dede do. And þus ssel libbe: þet wyle loki chastet� ine þo stat. Þis is þe uerþe boȝ of þise trawe.

ÞE VIFTE BOȜ OF CHASTET�.

Þe uyfte boȝ of þe trawe of chastete: is maydenhod. and þet is þe uifte stat / of ham þet lokeþ / and habbeþ alneway lokinge / and byeþ alneway ine wylle / to loki [typographic Fol. 71. a.] al hare lyf / hare bodyes yholliche / wyþ-oute enye corrrupcion / uor þe loue of god. Þis stat is moche to alowe / uor his dingnet� / uor his uayrhede / and uor his guodnesse. Vor his dignet�: uor þet stat makeþ þane þet hit wel lokeþ / anlyke to þe angles of heuene / ase ziggeþ þe halȝen. Ac þos moche habbeþ þe maydines more þanne þe angles. uor þe angles libbeþ wyþoute ulesse: ac þe maydines habbeþ ouercominge of hare ulesse. and hit is grat wonder þet hi lokeþ zuich ane fieblene castel / ase hare fyeble body / aye zuych ane strangne uend / ase is þe dyeuel of helle / þet alneway zecþ ginnes / huerby he may nime þane castel uor to robbi þet tresor of maidenhod. Þet is þet tresor / huerof oure lhord / spekþ ine his spelle / þo he zede. þet 'þe kingriche of heuene / is anlycned / to þe tresor / þet is y-hed / ine þe uelde.' þet trezor y-hed ine þe uelde: is maydenhod y-hed ine bodie / þet is ase a ueld / þet me ssel erye / mid penonce / and zawe mid guode workes. Þet trezor is anlikned / to þe kingriche of heue [supplied by ed.] ne / uor þet lif of maydines/ is anlykned to þe liue of heuene / þet is þet lyf of angles. Huer-of oure lhord zayþ ine his spelle. þet ine þe oprisinge / ne ssel by non spousynge / ase þer is hyer. ac hi ssollen by ase þe angles of heuene.

Efterward þet stat is to praysy / uor his uayrhede. Page  228uor þet is þe uariste stat þet is ine erþe / madenhod clenliche yloked. Huerof salomon zayþ ine his boc of wysdome. 'O.' zayþ he / 'huet is uayr chastet� / kenrede mid briȝtnesse.' he zet riȝt wel briȝtnesse mid chastete. uor þanne is uayr ch [supplied by ed.] astet� / and maydenhod / huanne he is briȝt be guode liue / and oneste. Ase þe briȝtnesse of þe zonne makeþ þane uayre day: alsuo þe briȝtnesse of grace / and of guode liue: makeþ þe maydenhod uayr / and likinde*. [MS. likende] to god. Huerof saynt Ierome zayþ / þet mochel is uayr and briȝt / to-uore þe oþre uirtues / maydenhod. huanne hi is wyþoute lac / and wyþ-oute uelþe of zenne. Vor huo þet is yhol of bodie / and uoul ine herte : is ase þe berieles yhuited / þet is uayr wyþ-oute: and wyþ-inne uol of stench. Maydenhod is þe huite robe / huerinne þe spot is uouler and more yzyenne / þanne in anoþer cloþ. Þet ssel by wel yloked uram þri spottes. uram hor. uram blod. an uram ver. Þise þri spottes be-ueleþ moche þis huite cloþ. þe spot of hor: is þe couaytise of þe wordle / þet ne ssel naȝt by ine his herte / þeþ wyle queme god ine þe stat of maydenhod. uor non ne may y-queme god / and to his yuo / ase zayþ sainte gregorie. And þe ilke him sseweþ / þet he ne is. naȝt godes vrend : þet wyle kueme þe wordle / þet is godes uend. Þeruore saint Ion zayþ / þet 'huo þet wyle by urend to þe wordle: he ssel by uend to god.' and sainte paul zayþ. 'yef ich wylle queme to þe uolke of þe wordle: ichc*. [So in MS.] ne ssel naȝt [supplied by ed.] by Iesu cristes seriont.'

O tocne / þet me wyle kueme þe wordle is : þe agrayþinge aboute þet body. uor non ne wolde neure mor zeche / uairhede / ne bisihede of robes / ne of [typographic Fol. 71. b.] agrayþinge: bote yef he ne wende to by yzoȝe of þe uolke. Ac huo þet wile zeche zuich uayrhede wyþ-oute : he lyest þe uayrhede wyþ inne / huer-by me kuemþ god. Þeruore saynt bernard zayþ to ham þet zechiþ þe coustouse robes / and þe uayre agrayþinge uor to kueme Page  229þe wordle / and ham uor to ssewy. 'Þe doȝtren' he zayþ 'of babilonie / þet is of confusion / zecheþ hire blisse / and hit ssel wende ham in-to confuzion / and to ssame eurelestinde / bote yef hi ham ne wytie' 'Hi ham cloþeþ' he zayþ / 'mid pourpre / and mid uayre robes / and costuolle / and onder þe uayre robes / is ofte þet inwyt / poure / and naked. And hi hise aliȝteþ wyþ-oute / mid stones / and mid broches of gold / and of zeluer. Ac hi byeþ ealde / and uoule / beuore god / þe kueade þeawes.' Ac saint bernard zayþ / and spekþ of ham þet zuo ham sseweþ / ine wykkede onderstondinge / and doþ more þanne hare stat acseþ. Ac al þe blisse of þe kinges doȝter of blisse / ase zayþ dauiþ / is wyþ-inne / ine holy inwyt / and ine uayre uirtues huer þer ne is no couaytise / bote uor to kueme god. And þos þe spot of þe hore : ne beuelþ hit naȝt.

And þos me ssel wytye in þet stat / uram þe spotte of blod. Þet is of þoȝtes / and of ulessliche wylninges. Huerof saint Iorome zayþ. þet þe ilke maydenhod is sacrefice and ofringe to Iesu crist : þet ne is naȝt besmetted ine herte mid kueade þoȝtes. ne ine ulesse : of lecherie. ase himzelf zayþ. 'Naȝt ne is worþ maidenhod of bodye : þer þet is uelþe of herte.' Ase þet frut ne is naȝt guod / þaȝ hit by wel uayr wiþ-oute / huanne hit is uorroted and wermethe.

Efterward he ssel him loki ine þet stat uram þe spotte þet comþ of þe uere. Þet uer þet zengþ and bernþ ofte þe huyte robe of chastete / and of maydenhod : is bleþeliche zigge / oþer to lheste wordes þet moȝe sterie to zenne. Vor ase zayþ zaynte paul / and eftzone we hit habbeþ aboue y-zed. 'Þe kueade wordes: amerreþ þe guode þeawes.' And þeruore zayþ senekes. 'loke þe uram uoule wordes þet ne byeþ naȝt honeste.' Vor huo þet him ye [supplied by ed.] fþ to uoule wordes hi ham ssolle naȝt ssamie and afrounti / þet is te zigge / hi lyezeþ þe ssame / and ualleþ þe liȝtlaker in-to zenne. and þereuore Page  230huo þet wyle loki clenliche þane huyte kertel of madenhod: him behoueþ him loki uor to speke / oþer to y-hiere wordes zuyche / huerof he may him berne / oþer be-zenge. Þe priu� cat bezengþ ofte his scin / and zuo ne deþ naȝt þe wylde cat. Maydenhod amang þe oþre uirtues is anlikned to þe lylye þet is wel uayr and huyt. Þeruore oure lhord zayþ ine þe writinge be salomonnes mouþe. 'My lemman is ase þe lylye amang þe þornes.' Oure lhordes lemman special is yloued / þet lokeþ maydenhod. Vor þet is a uirtue huerby zaule onderuangþ specialliche more loue / and þe fauour of oure lhorde Iesu crist. Þanne saint Ion þe ewangelist þet wes mayde / wes amang þe apostles / þe meste belouede of oure lhorde. and him ssewede oure lhord þe [typographic Fol. 72. a.] meste tokne of louerede / ase hit sseweþ ine þe godspelle. And zuo ha wes ycleped amang þe oþre decipl [supplied by ed.] es : þe deciple / þet Iesu crist mest louede. naȝt uorþan / þet he ne louede wel þe oþre / ac þane more specialliche uor þe maydenhod. Þis lilye flour lokeþ his uayrhede amang þe þornes of uondin [supplied by ed.] gges of þe ulesse. Vor þet uless is ase a donghel / þet ne carkeþ asemoche ase is of him-zelue / bote þornes / and netlen. þet byeþ kueade meniynges / þet ofte prekieþ þane gost. Ac þe flour of maydenhod ne heþ hede of þo þornes. uor hi is wel y-roted ine godes loue / þet hire wereþ uram þe þornes of uondinge.

Þis flour hit ssel habbe zix leues / and þry grayns of gold aboue wyþinne. Þe uerste lyaf is yholnesse / and clennesse of bodye. þet is to zigge / þet þet body by y-hol / wyþ [supplied by ed.] oute*. [wyouote in MS.] uelþe of lecherie. Vor yef a mayde were uorlaye be strengþe / and a-ye wyl : hi ne ssolde naȝt þeruore lyese hare maydenhod / ne þe mede of hare maydenhod. Þeruore sainte lucie zayde to þe tiront. 'Yef þou me beuelst aye mi wyl : my chasthede hit ssel by me y-dobbled / ase to þe coroune of blisse.' Þet oþer lyaf is clennesse of herte. Vor ase zayþ saint Page  231Ierome. Naȝt ne is worþ to habbe maidenhod of bodye: þet heþ wyl to by y-spoused. He spekþ of þan þet habbeþ behote maidenhod. Vor huo þet heþ behote maydenhod oþer chastet� to loki / he ssel loki his herte chastliche / and clenliche. Þe þridde lyeaf is mildenesse. Vor maydenhod proud: ne quemþ noþing god. And þeruore zayþ saint bernard. 'Hit is wel uayr þing: þet heþ mil [supplied by ed.] denesse mid maidenhod. and wel stranglaker kuemþ to god þe ilke zaule to huam mildenesse yefþ los to maydenhod. and maydenhod / uayreþ mildenesse.' Ich dar wel zigge / þet wyþoute mildenesse / þe maydenhod of marie / ne hedde neure y-quemd to god. uor wyþ-oute madenhod / we moȝe by y-borȝe: and naȝt wyþ [supplied by ed.] -oute mildenes. Þe uerþe lyeaf of þe flour of lilye of maydenhod: is drede of god. Vor þo þet byeþ zoþliche maidines / hi were y-woned to bi dreduol / and ssamuest. and hit nis no wonder : uor hi bereþ a wel precious tresor ine a wel fyebble uet. Þanne þe mayde marie wes alneway by hire-selue / and hedde greate drede / þo þe angel ssewede him to hire. Ac þe drede of god / is þe tresoriere / þet / þet tresor of madenhod lokeþ / þet þe dyeuel me may hit stele. uor hi lokeþ þe gates of þe kastele : huer þet tresor is be-sset. Þe gates of þe kastele huer maydenhod is: byeþ þe gates of þe herte. Þe ilke gates lokeþ / þe drede of oure lhorde / þet hi ne by opene to þe viende be ydele bysyhede of ziȝþe / of hyerþe / and of speche / oþer of guoinges ine uelaȝredes suspiciouses. uor bisihede is specialliche to yzy / and to hyre þe ydelnesses of þe wordle / hy byeþ ofte way to zenne of lecherie. Þanne me ret ine þe writinge / þet Iacobbes doȝter / þo hi yede muzi uor bysihede uor to ysy þe wymen of [typographic Fol. 72. b.] þe contraye huer þet hi wes. Hi wes y-rauissed of þe princes zone of þe cite / and uorlaye. And þeruore huo þet wyle loki maydenhod him behoueþ moche wyþdraȝe his wyttes uor to zyenne ydele bisihede. And Page  232þet me deþ be holy drede of oure lhorde þet me dret alday to wreþi. Þet is þet wyt of þe uif maydines huerof oure lhord Iesu crist spekþ ine his spelle þo he zede. Þet þe kingriche of heuene is anlikned to þe ten madines. huerof þe vif were wyse. and þe oþre uif were foles. He clepeþ hier-ine þan of þe kingriche of heuene : holy cherche. þet is hier beneþe. huerinne byeþ guode / and kueade / of foles / and of wyse. þet byeþ lemes of holy cherche / by þe byleaue of cristendom. Þe vif wyse betokneþ þo þet wel lokeþ / and ledeþ þe vif wyttes of þe bodie. huerof we habbeþ beuore yspeke. Þe vif foles be-tokneþ þo : þet folliche his lokeþ.

Þet vifte leaf is ssarpnesse of liue. Vor huo þet wyle wel loki his maydenhod : him behoueþ wel wysliche his uless ouercome / and do onderuot / be uestinges / be wakiinges / and be benes. Ssar [supplied by ed.] ppnesse of liue / is ase a strang heg uor to loki þane gardin of þe herte uram kuede bestes. þet byeþ þe viendes of helle / þet hy ne moȝe naȝt in. þet ne wylneþ naȝt bote stele: þet tresor of maydenhod. and þeruore ssel þet tresor by wel be-sset / and wel y-do op / þet hit ne by uorlore. uor huo þet hit lyest : neure ne ssel hit habbe ayen. nanmore þanne þe lompe huanne hi is to-broke / ne may by y-held.

Þet zixte leaf is / bleuinge / þet is stedeuest wyl to loki þet me heþ behote to god. Þanne saynt austin zayþ ine þe bok of maydenhod. and spekþ to maydines / and zayþ þus. Volȝeþ þet lamb of mildenesse / þet is Iesu crist / lokinde uestliche / þet þou hest behote to god. do hardiliche alsuo moche ase þe miȝt. þet þe guodnesse of maydenhod ne spille ine þe. uor þou ne miȝt do no þing huerby hit comþ ayen: yef þou hit liest. ase we þe habbeþ y-zed uorbysne of þe lompe. And saint bernard þus zayþ. Stude þou to bleue. uor hi one / wynþ þe coroune of heuene.

Page  233

Þise zix leues beuore yzed uayreþ moche þe lylye of maydenhod. ac hit behoueþ þet þis flour habbe wyþ-inne þri cornes of gold. þet betokneþ þri maneres to louie god. Vor maydenhod wyþ-oute þe loue of god / is ase þe lompe wyþ-oute oyle. Þanne þe fole maydenes uor þet hi ne uelden naȝt hare lompen mid þe oyle: weren besset wyþ-oute uram þe bredale. And þe wyse maydines þet wel uelden hyre lompen of þe oyle : yeden in mid þe bredgome to þe bredale.

Þe þri maneres to louie god / þet byeþ be-tokned be þe þri cornes of þe lilye: saynt austin tekþ þo he zede þus. Þou sselt louye god mid al þine onderstondinge wyþ-oute errour. mid ale þine wylle wyþ-oute wyþzigginge. and mid al þine beþenchinge wyþ-oute uoryetinge. Ine zuyche manyere is godes anlyche uolueld ine manne / by þe þri dingnetes þet bieþ ine þe zaule. Þet is to wytene. onderstondinge. beþenchinge. and wyl. Huanne þise þri þinges byeþ wel ydiȝt to [typographic Fol. 73. a.] god ine þri maneres / ase zayþ saint austin / þanne byeþ þe þri cornes of þe lilye wel y-gelt mid þe golde of charit� þet yefþ uayrhede / and guodhede to alle uirtues. uor wiþ-oute þo golde / no uirtue ne is be-uore god. Oþerlaker spekþ saynt bernard of þe maniere to louye god. And þus zayþ. 'O. þu þet art cristen / lyerne hou þou sselt louie god / þet is Iesu crist.' Lierne him to louie / wysliche. zueteliche. strang [supplied by ed.] liche. and stedeuestliche. Wyslyche: þet þou ne by y-stered be none prosperit�. Strongliche: þet þou ne by ouercome / be none aduerset�. and þus is uayr þet flour of þe lylye of maydenhod / huanne hi is zuych / ase we habbeþ y-zed. And þet is þe oþer scele huer-by þe stat of madenhod / is moche to praysy / þet is uor his uayrhede.

Þe þridde scele huerby hit is to alowe / is uor his guodhede / and uor þe note þet þerof comþ. Vor maydenhod is a tresor of zuo grat worþ : þet hit ne may Page  234by / be nonen y-zet a pris. Þanne þe writinge zayþ. Þet no þing ne is worþi to by ylykned: to þe chaste herte. and is to onderstonde specialliche : of þe chaste maydenhod. uor maidenhod aboue alle oþre states berþ þet gratteste frut. Þo þet byeþ ine spoushod yef hit lokeþ ase hi ssolden : hi habbeþ þet þrittaȝte frut. Þo þet byeþ ine wodewe-hod: habbeþ þet zixtiaȝte frut. Þo þet lokeþ maydenhod : habbeþ þet hondred [supplied by ed.] aȝte frut. Vor zuo zayþ oure lhord ine his spelle. þet / þet zed þet vil into þe guode londe : fructefide of one half to þe þrittaȝte. of oþer half to zixtiaȝte. and of þe þridde half / to þe hondredaȝte. Þise þri nombres of þritti. of. lx. and of an hondred : belongeþ*. [bolongeþ and bouore in MS.] to þe þri states beuore yzed. þe tale of þritti / þet is of þrisiþe ten : belongeþ to þe stat of spoushod. huer me ssel loki þe ten hestes ine þe byleaue of þe trinit�. Þe tale of zixti þet is wel gratter / þet is of zixziþe ten. be-longeþ to þe stat of wodewehod. uor in zuych stat me ssel [supplied by ed.] loki þe ten hestes. and mid þan me ssel do þe zix workes of merci / huer-of we habbeþ aboue y-speke. Ac þe tale of an hondred þet is þe meste of þe þri uol-do. uor hi betokneþ ane rounde figure. þet is þe uayreste amang alle þe oþre figures. Vor ase ine þe rounde figure : þe ende went ayen to his ginninge / and makeþ ase ane coroune : alzuo þe tale of an hondred: ioyneþ þan ende to þe ginninge. uor tenziþe ten : makeþ an hondred / þet be-tokneþ þe coroune þet þe wyse maydynes : ham corounede.*. [Originally the passage stood thus, were mid y-crouned] And þaȝ hit by zuo þet ine þe stat of spoushod. and ine þe stat of wodewehod / me may wel wynne þe coroune of blisse / and more habbe of merite auoreye god : þane uele madines. Vor manie þer byeþ ine paradis of ham þet habbeþ yby ine spoushod / and ine wodewehod / þet more byeþ nier god : þanne manye maydines. ac alneway habbeþ þe maydines ane speciale coroune : aboue þe coroune of blisse / þet is þe coroune to alle þe halȝen. Vor þet þe maydines habbeþ ane Page  235speciale ouercomynge of hare ulesse. uor to uolȝy þe [typographic Fol. 73. b.] lamb of mildenesse / huyder hit geþ / to huam hi byeþ y-spoused. and habbeþ ylete þe ulessliche sposayles / uor to by mid him ate sposayles eurelestinde.

Þe tende*. [So in MS.: read zixte?] stat huer me ssel loki chastet� / is of clerkes y-hoded / ase byeþ suþdeaknes / dyaknes / prestes / and bissoppes. Alle þos byeþ y-hyeal [supplied by ed.] de to loki chastete / uor manye sceles. Verst / uor þet hod þet hi habbeþ onderuonge / þet acseþ alle holinesse. Þanne þet sacrement is zuo heȝ and zuo holy / þet þo þet hit onderuongeþ / byeþ ybounde to chastete to loky. þet neuremo hi ne moȝe ham do to spoushod. Efterward uor hare office þet hi habbeþ. uor hi byeþ y-diȝt. propreliche to serui god ine his temple at his weuede. and handleþ / and be-takeþ to hare honden þe þinges þet byeþ y-halȝed. ase þe uesseles y-blissed. þe chalis. þe copereaus. and þet more is grat þing wyþ-oute comparisoun : þet bodi of oure lorde Iesu crist / þet þe prestes sacreþ / and onderuongeþ / and betakeþ oþren.

Nou hi ssolden þanne by wel klene / and wel holy / uor þane scele of þe lhorde to huam hi serueþ / þet is holy / and hateþ alle uelþe. Þanne he zayþ ine þe writinge. 'Byeþ holy / uor ich am holy.' uor to zuiche lhorde / zuich maine. Vor þe scele of þe stede huer hi serueþ / þet is þe cherche / þet is holy / and y-halȝed god to seruy. Me uint ine þe writinge / þet amang þe paenes þe prestes þet lokeden chastete ine þe temple / weren to-deld uram þe oþren / þet hi ne loren hire chastete. Mochel ssollen bi more clene wyþ-oute comparisoun / and more chast þe cristene prestes / þet seruyeþ ine godes temple / þet is y-halȝed / and apropred god to serui. Yet eft hi ssolle by more clene / and more holy / uor þet hi serueþ at godes borde of his coupe / of his breade / and of his wyne / Page  236and of his mete. Godes table is þe wyeued. Þe coupe is þe chalis. his bread and his wyn : þet is his propre bodi and his propre blod. Mochel ssolle hi þanne by clene and holy / þo þet zuiche seruice doþ. Þanne sainte paul zayþ. hit behoueþ þet þe bissoppes / and þe oþre ministres of huam he heþ y-speke / þet byeþ þe ministres of holy cherche / by chaste.

Þis chastet� wes be-tokned ine þe yealde laȝe huer god het to ham þet ssolden ethe of þe lombe / þet be-toknede þet bodi of Iesu crist / þet hi gerten wel hare lenden. Þe gerdel huermide þe ministres of holy cherche / ssolle ham gerde / ope þe lenden : is chastet� / þet wyþ-draȝþ þe lecherie of hare ulesse. Þo god het to aaron / þet wes prest and bissop / þet alle his children weren ycloþed ine linene kertles / and y-gert aboue mid huite linene gerdles. Aaron and his children / þet serueden ine þe tabernacle : be-tokneþ / þe ministres of holy cherche / þet ssol by y-cloþed mid linene kertles / of chastete / þet is be-tokned be þe huite ulexe. Vor ase linene kertel erþan hi by huyte : ueleziþe him behoueþ þet he by ybeate / and y-wesse : And alsuo hit be-houeþ / þet uless beate / and wesse / be dissiplines / and be hardnesses. and ofte wesse his herte of kueade lostes. and of kueade wylnynges / be zoþe ssrifte / er þan me moȝe habbe þane huite kertel of chastete. Ac þes kertel ssel habbe þane huyte gerdel aboue. þet is to zigge / þet chastete ssel bi straytliche [typographic Fol. 74. a.] y-loked / and wel wyþ-draȝe be abstinence uorberinge [supplied by ed.] / ase moche ase scele berþ / þet is þe bocle of þe gerdle. Oþerlaker me may zigge / þet þe linene kertel / be-tokneþ chastet� of herte. Þe gerdel aboue / be-tocneþ chastet� of bodie þet ssel wyþdraȝe þe lostes of þe ulesse uor to loki þe chastet� of þe zaule. Þis ilke selue is ous betokned / ine þe aube / and ine þe gerdle aboue / þet þe ministres of holy cherche doþ an / huanne hi ssolle serui at godes wyeuede. Vor hi ssolle by chaste Page  237wyþine ine þe herte / and wyþ-oute ine bodye. Mochel is uoul þe spot of zenne / and nameliche of lecherie / ine þe ministres of holy cherche. Vor hi bieþ þe eȝe of holy cherche / ase zayþ þe writinge. Vor ase þet eȝe let þet body / and him sseweþ his way huerby hit ssel guo : alsuo ssolle þe prelas / and þe oþre ministres of holy cherche ssewy þane way of helþe to oþren. Þanne alsuo ase þe spot þet is wel uouler ine þe eȝen / þanne ine oþre lemes of þe bodye : alsuo is þe spot of lecherie more uouler / and more perilous ine clerkes and ine prelas : þanne ine leawede uolke. Efterward / hy byeþ þe sseawere of holy cherche / huerine þet lewede uolk lokeþ / and nimeþ uorbysne. Ac huanne þe sseawere is briȝt me ziȝþ wel þane spot / and þe uelþe þet is ine þe ssewere. Ac þe ilke þet ine zuich a ssewere naȝt ne lokeþ / he ne zikþ*. [ziȝþ?] naȝt his oȝene spot / ne þet me deþ mid þe sseawere þet is uoul an dim. Ac huanne þe ilke sseawere is wel briȝt and clene: þanne may me wel y-zy / and wel y-knawe his spottes. Alzuo huanne þe prelat is of guode lyue / and of guod los. þanne he ssel nime uorbisne of guode lyue. Efterward. hi ssolle by wel klene / and wel holy. uor þet hi clenzeþ / and halȝeþ þe oþre. Vor ase zayþ saynt gregorie. 'þe hand þet is uoul / and behorewed / ne may oþremanne uelþe do away.' and þe writinge zayþ. þet þe ilke þet is uoul: ne may nenne oþrenne klensy. And þet is to onderstonde: ase moche ase fayleþ of his merite. Vor þe sacrement þet is y-mad be þe ministre / be þe hand of þe kueade ministre. ne is naȝt lesse worþ ine him-zelue / ne lesse uirtuous / ne þe lesse miȝtuol / uor to halȝy ham þet hit onderuongeþ. Vor yef hit onderuongeþ be þe hand of ane guode ministre. uor þe kueadnesse of þe ministre / ne apayreþ naȝt þe sacrement / ne þe guodnesse. Ac alneway þe kueadnesse of þe ministre / may anpayri þe oþre be kueade uorbysnen. and þe guodnesse edefie / be uorbisne of guode lyue. Page  238Þeruore þanne huam þet hi halȝeþ / and clenseþ þe oþre ine þet hi ministreþ þe sacremens of holy cherche : hy ssolle by þe more holy / and more clene / þanne þe oþre. Vor yef hi byeþ queade: hi ssolle by þe more y-harmed / þanne þe oþre. Þis is þe zixte stat. huer me ssel loki chastet�. and þe zixte boȝ of þise trawe.

Þe zeuende stat huer me ssel loki chastet�: is þe stat of religioun. uor þo þet byeþ ine þet stat / habbeþ to god behote: þet hi ssolle libbe euremor chasteliche. And þeruore hy byeþ y-hyealde / and y-obliged be zuych beheste. þet neuremor hi ne moȝe by spoused / zeþþe hi byeþ profes. And huo þet him deþ spousy: [typographic Fol 74. b.] be spoushod ne ssel by naȝt. and þeruore hi ssolle do greate payne / and grat diligence wel to loki hare chastete / and uor hare stat / þet is stat of holy perfeccion. þet þe more þet / þet stat is holy: be zuo moche is þe zenne þe more / and þe more uoul. Þe uouler þet is þe spot: þe more he is yzyenne ine þe huyte robe. And huo þet heȝest ualþ : þe zorer he him blecheþ. And uor to ouercome hire aduersarie þet is þe dieuel / þet mest him payneþ uor to uondi and to do ualle þo of religion. and more is gled huanne he his may ouercome : þanne of eni oþer stat. Vor alsuo ase þe angles of heuene habbeþ grat glednesse of ane zeneȝere huanne he him repenteþ / and deþ penonce uor his zennes: alsuo þe dyeulen ham gledieþ huanne*. [MS. þuanne] hi moȝe ouercome / and do ualle in-to zenne ane guodne man. And þe more þet he is of grat stat / and þe parfiter: þe more heþ he þe gratter glednesse / huanne he him may gyly. Ase þe vissere heþ more blisse uor to nime ane gratne viss: þane ane littlene.

HYER LYÞ A TALE.

Me ret ine liues of holy uaderes / þet an holy man Page  239tealde / hou he com to by monek / and zede. hou þet he hedde y-by ane payenes zone / þet wes a prest to þe momenettes. And þo he wes a child: on time he yede into þe temple mid his uader priueliche. Þer he yzeȝ ane gratne dyeuel þet zet ope ane uyealdinde stole / and al his mayne aboute him. Þer com on of þe princes : and leat to him. Þo he him aksede þe ilke þet zet ine þe stole. huannes he com. and he ansuerede / þet he com uram ane londe huer he hedde arered and ymad manye werren / and manye viȝtinges / zuo þet moche uolk weren ysslaȝe / and moche blod þer y-ssed. Þe mayster him acsede ine hou moche time he hedde þet y-do. and he ansuerede : 'ine þritti daȝes.' he him zede / 'Ine zuo moche time / hest zuo lite y-do?' Þo he het þet ha wer riȝt wel ybeate / and euele y-draȝe. Efter þan : com anoþer þet alsuo to him leat ase þe uerste. Þe mayster him acsede: huannes ha com. He ansuerede / þet he com uram þe ze. huer he hedde ymad manye tempestes. uele ssipes to-broke / and moche uolk adreyn [supplied by ed.] ct. Þe maister acsede ine hou long time. he ansuerede / 'ine tuenti daȝes.' He zayde / 'Ine zuo moche time : hest zuo lite y-do?' Efterward com þe þridde. þet ansuerede / þet he com uram ane cite huer he hedde y-by at ane bredale / and þer he hedde arered and y-mad cheastes / and strifs. zuo þet moche uolk þer were y-slaȝe. and þer-to: he hedde yslaȝe þane hosebounde. Þe maister him acsede hou long time he zette þet uor to done. He ansuerede þet ine ten daȝes. Þo he het þet he were wel ybyate. uor þet he hedde zuo longe abide þet to done: wiþ-oute more. Ate lasten com an-oþer to-uore þe prince. and to him he beaȝ. And he him acsede / huannes comst þou. He ansuerede þet he com uram þe ermitage / huer he hedde yby uourti yer uor to uondi ane monek of fornicacion / þet is þe zenne of lecherie. and zuo moche ich habbe y-do þet ine þise nyȝt ich hine habbe ouercome / Page  240 [typographic Fol. 75. a.] and y-do him ualle in-to þe zenne. Þo lhip op þe mayster / and him keste / and be-clepte / and dede þe coroune ope his heued / an dede him zitte be-zide him. and to him zede / þet he hedde grat þing y-do / and grat prowesse. Þo zayde þe guode man / þet huanne he hedde þet y-hyerd / and þet y-zoȝe: he þoȝte / þet hit were grat þing to by monek / and be þo encheysoun he becom monek.

Ine þise tale me may ysy / þet greate glednesse habbeþ þe dyeulen huanne hi moȝe do ualle ane man of religion in-to zenne. Vor huanne þet a man is y-guo in-to religion / he is ase þe ilke þet geþ in-to þe uelde uor him-zelue / to uiȝte wyþ þane dyeuel. Þanne huanne oure lhord wolde by uonded of þe dyeule : he yede in-to desert. uor þe desert of religion: is ueld of uondinge. Religion is ycleped desert. uor alsuo ase þe desert is hard and draye / and uer uram alle men : alsuo ssel by þe stat of religion hard / and draye be hardnesse of liue. þet is a strang heg aye þe wyckede bestes. and a strang armure a-ye þane uyend. Þis is remedie aye zenne of lecherie. uor huo þet wyle quenche þet uer of lecherie ine him-zelue: he ssel wyþdraȝe þe brondes. þet byeþ þe lostes of þe ulesse / þet þe guode religious ssel wyþdraȝe of his ulesse / be uestinges / be wakiinges / be diciplines. oþer oþerlaker þet uer ne may naȝt by y-quenct. Huo þet wyle ane cite oþer ane castel nime: he ssel asemoche ase he may / wyþdraȝe þe metes / and þet weter / uor to asterue his. Vor huanne þe castel is asterued: he ne may hym hyealde aye his yuo. Alsuo þe castel of þe wombe þet is þe strengþe of þe ulesse / ne may him hyealde aye þane gost: þanne he is asterued be uestinges / and be wyþdraȝþes. Þe stat of religion ssel by zuo yuerred uram þe wordle: þet þe ilke þet is ine þet stat / ne uele naȝt huerof he ssel by dyead to þe wordle / and libbe to god. ase zayþ zainte paul. þet alsuo ase þe ilke þet is dyead bodilich / heþ Page  241ilore alle his bodiliche wyttes / þe ziȝþe / þe hyerþe / þe speche. þane zuelȝ / þane smel / and þe uelinge. alsuo ssel by þe religious zuo dyead ase to þe wordle: þet he noþing ne uele þet belongeþ to zenne. þet he moȝe zoþliche zigge þet word / þet þe apostel sainte paul zayde of him-zelue. 'Þe wordle' he zayþ 'is y-crucefyed to me : and ich to þe wordle.' he wolde zigge þet al alsuo ase þe wordle him hild uor uyl / and uor wlatuol / ase me deþ enne y-honged : alsuo hed he þe wordle uor vil / and uor wlatuol / ase me heþ þane: þet is y-crucified oþer anhonged uor his misdede. Alsuo ssel þe ilke þet is ine stat of perfeccion / þe word [supplied by ed.] le hatie. þet is to zigge: þe couaytise / and þe kueadnesse of þe wordle / þet he ne uele naȝt be loue and be wylninge. zuo þet his conuersacion by al ine heuene. ase zayþ zainte paul of him / and of ham þet byeþ ine stat of perfeccion. 'Oure conuersacioun' he zayþ 'is ine heuene. uor þet body is ine þe erþe. þe herte is ine heuene be loue / and be wylninge.

[typographic Fol. 75. b.]

Man religious ne ssel noþing oȝen habbe ine erþe. Ac he ssel maki his hord ine heuene. ase zayþ oure lhord ine his spelle. 'Yef þou wylt' he zayþ 'by parfit: guo and zele al þet þou hest / and yef hit þe poure uor godes loue / and zuo þe sselt habbe þin hord ine heuene.' Mannes hord of religion : ys zoþe pouerte þet comþ of guode wylle / ase zayþ an halȝen ine þe lyues of uaderes. Vor pouert� is þet menet / huermide me bayþ þe riche of heuene. Hueruore oure lhord zayþ. þet þe poure of sprit byeþ y-blissed. Vor þe riche of heuene : is hare. Vorzoþe huo þet is poure of spirit / þet is of wylle. He ne zekþ ine þise wordle / ne lostes. ne richesses. no worþssipes. ac raþre uoryet al / uor god. And zuo ssel do þe guode religious / þet wile cliue into þe helle of perfeccion. Þanne þe angel zayde to lot / þo he wes y-guo out of sodome. 'ne trost þe naȝt ine þe stede þet þou hest ylete. ac ywyte þe ine þe helle of perfeccion.' Page  242Vor huo þet is y-guo out of þe conuersacion of þe wordle: he ne ssel him naȝt trosti / ne hyealde besyde þe wordle be wylle / ne be wilninge. Ac him asoyny ase moche ase he may / al huet he is ine þe helle of perfeccion / and þer me ssel abide to his helþe / wyþoute lokinge ayen. Lottes wyf lokede behinde hire / þe cite þet bern [supplied by ed.] de huerout hi wes i-guo. and þeruore hi wes ychonged in-to an ymage of zalt. Lottes wyf / be-tokneþ ham / zeþþe þet hi byeþ iguo out of þe wordle / and byeþ yguo into religion. wendeþ aven be wille and be wylninge / þet habbeþ hare body ine cloystre / an zetteþ hare herten ine þe wordle. Þos anlykneþ þe ymage of zalt / þet ne heþ bote þe lyknesse of man. and hit is hard / and chald ase a ston. Alsuo byeþ þet uolk chealde ine þe loue of god / and hard wyþ-oute wetnesse of pite: and of deuocion. Þanne hi ne habbeþ bote þe cloþinge of hare religion. Þe ymage þet wes of zalt / be-tokneþ ine þe writinge : wyt / and discrecion. uor ase þet zalt yefþ smac to þe mete : alsuo ssel man habbe wyt. and discrecion ine his dedes / and ine his wordes. Þe ilke ymage þanne of zalt ssel ye [supplied by ed.] ue wyt / and onderstondinge / and uorbysne: to ham of religion. þet habbeþ uorlete þe wordle / þet hy ne wende ayen to þan þet hi habbeþ y-lete. And þeruore zayþ oure lhord in his spelle to his deciples / þet him uolȝede. 'beþencheþ you he zaiþ of lottes wyue.' Þet is to zigge / ne lokeþ naȝt to þet ye habbeþ y-lete uor me. þet ye ne lyese þet lyf of grace and of blisse : Alsuo ase lottes wyf / uorlyas þet lif of þe bodye / uor þet hi lokede to þan / þet hi hedde y-lete. Þanne oure lhord zayþ ine his spelle. Þet þe ilke þet zet þe hand aþe zuolȝ and lokeþ behinde him: ne is naȝt worþi to þe riche of heuene. Vor alsuo ase þe ilke þe let þe zuolȝ lokeþ alneway beuore him / uor to lede wel his zuolȝ : Alsuo ssel do he þet zet þe hand to þe zuolȝ of penonce oþer of [typographic Fol. 76. a.] religion: alneway ssel habbe þe eȝen of his herte / þet is to Page  243zigge þe onderstondinge and þe wyl to þan þet is be-uore: and naȝt to þan þet is behynde. þet is to þe guodes eurelestinde þet ssollen by be-uore ine þe herte. naȝt to þe timliche guodes / þet ssolle by behynde. And þus dede zaynte paul þet zede / þet he hedde uoryete þet / þet wes behinde. þet wes þe wordle and al þe couaitise þet þer is / þet he ne prayzede naȝt / and yede alneway beuore him. Vor he hedde alneway his onderstondinge and his wyl to heuene. Ac moche uolk of religion zetteþ þe zuolȝ be-uore þe oksen. uor uele þer byeþ and þet is hire harm þet more zecheþ þe timliche þinges / and doþ beuore / þet ssolde by behynde. þe timliche guodes beuore : þe eurelestinde. and þe gostliche be-hynde. Zuyche religious byeþ ine wel grat peril of hare uorlyezynge. uor hi ne habbeþ bote þe cloþinge of hare religion. To þe uorbysne of zainte paul / ssel þe guode religious / uoryete þe wordle / and lete his behinde him. and þe guodes eurelestinde alneway habbe beuore his eȝen. and alneway guo uram uirtue / to uirtue / alhuet he comþ to þe mont ioye. þet is / to þe helle of blisse eurelestinde. huer he ssel clyerliche izy god. and him ssel louie parfitliche. and worþssipie euremo. Þet is þe blissinge huer þe yefþe of onderstondinge let þo þet lokeþ clennesse of herte / and of bodye / ase we habbeþ aboue y-sseawed. And þeruore zayþ oure lhord. Þet yblissed byeþ þe clene of herte. uor hy ssolle clyerliche ysy god. Þe ilke blissinge beginþ hyer. uor hi byeþ yclenzed of þiesternesse / of errour to þe onderstondinge / and of spottes of zenne / ase to þe wylle. And þeruore hi y-zyeþ god be byyleaue aliȝte / of þe briȝtnesse þet comþ of þe yefþe of onderstondinge / huerby me knauþ his sseppere / and al þet belongeþ to helþe of zaule wyþ-oute drede / wyþ-oute comparer / wyþ-oute chancelier. and ine þe byleue of Iesu crist huer hi byeþ zuo to-gidere / and yzet uestliche / þet hi ne moȝe ham to-dele: uor dyaþ / ne uor torment. And þeruore hi Page  244 byeþ yblissed / þe clene of herte / ine þise lyue dyadlich. uor hi habbeþ þe eȝen of hare herten / and þe onderstondinge of hare wylle / zuo clene / and zuo clyer / þet hi zyeȝ*. [For zyeþ] god / and yleueþ be stronge beleaue / and zikere. ase zayþ oure lhord to saint thomas þe apostel. 'Vor þet þou me hest y-zoȝe : þou me hest yleued. Ac þo ssolle by yblissed : þet me ne y-zeȝe and me yleueþ.' Ac þis blissinge ssel by uolueld / ine þe liue eurelestinde. huer þe clene of herte þet hier ssolle ysy him be byleaue. ac alneway þiesterliche. hi ssolle y-zi face wyþ face: al aperteliche / ase zayþ zayn [supplied by ed.] te paul. Þet is þe blissinge of angles / and of halȝen of paradis. þet yzy god ine þe face / yknawe enne god ine þri persones. to ysy clierliche ine þo sseawere huerinne alle þinges byeþ briȝte / mid þe lombe / and þe halȝen ham wondreþ / [typographic Fol. 76. b.] and ham y-zyeþ. and uolle ne moȝe by : him an to loki. Vor þer is alle uayrhede / alle zuetnesse / alle guod [supplied by ed.] nesse. welle of lif eurelestinde / and al þet herte may wylnj / and of guod desiri. Ac ich zigge lite. uor ase zayþ þe writinge. 'ne eȝe dyeadlich ne may naȝt ysy. ne eare hihere. ne mannes herte þenche. þet god heþ agrayþed to his uriendes.' Þanne sant ansalm zayþ. 'Man arere al þine onderstondinge þer aboue / an þench ase moche ase þe miȝt / huet / and hou moche grat / and hou moche lostuol / is þet guod / þet heþ þe ioye and þane lost of alle guode. and naȝt zuych lost / ne zueche blisse / ase me uint ine sseppinges : ac asemoche more : ase þe sseppere is more þanne þe sseppinges.' Nou zayþ he / 'mannes makinge huet y-zyxt þou foleant uor to zeche diuerse guodes to þine zaule and to þine bodye. Loue wel on guod huer byeþ alle guodes / and hit is ynoȝ. þet is him-zelf þet is heȝest guod of huam comeþ alle þe oþre / ase þe streames / of þe welle.' Vorzoþe he ssel by wel yblissed zayþ saynt austin / þet wyþ-oute none nakede uisage onwriȝe ssel yzy þe blisse of god. and ssel by y-went ine anlicnesse Page  245of þe blisse huer he ssel ysy god ase he is. huych ziȝþe is coroune wyþoute ende / and al þe ssepe of halȝen. þet ssel by al þe guod of man / zayþ huȝe de saint uictor. auoreye þane man þet he made ine bodye and ine zaule / uor þan þet man him y-zeȝ mid þe eȝen of þe bodie ine his manhode. and þe zaule him yziþ ine his godhede. zuo þet he uand zuetnesse / and lost ine his sseppere wyþ-ine / and wyþ-oute / wyþ-inne: ine he godhede. wyþoute: ine þe manhode. þet ssel by þe blisse of man / þet ssel by his ioye / and his lost / and lif eurelestinde þe ilke yblissede ziȝþe. Þet is þe blissinge yef hit onderstondeþ : þo þet lokeþ clennesse of herte and of bodie.

OF ÞE YEFÞE OF WYSDOME. OF ÞE UIRTUE OF TEMPERANCE. AND OF SOBRET�.

Þe laste yefþe / and þe meste / and þe heȝeste: is þe yefþe of wysdom. þet is a grace þet þe holy gost yefþ to þe contemplative herte. huerby he is ynome of þe loue of god. þet he naȝt ne wylneþ / ne ne zeȝþ oþer þing / þanne him to zyenne / and to habbe / ine him uor to likni / mid him uor to bleue. Þis is þet greate of perfeccion / þe ende of contemplacion. Þe yefþe of onderstondinge huerof we habbeþ aboue yspeke / makeþ knawe god / and þe gostliche þinges ase be ziȝþe / and be simple lokinges. Ac þe yefþe of wysdom / makeþ to yuele god / an to y-knawe ase be zuelȝ. þanne wysdom ne is oþer þing / þanne knaulechinge smackinde / þet is mid smac and mid grat lost of herte. uor oþerlaker he knauþ wyn / þe ilke þet hit yziȝþ ine a uayr gles. oþer_ laker þe ilke þet hit drincþ / and tastaþ / and smackeþ. Ac þe filosofes yknewen god be writinge / ase be ane ssewere huerinne hy lokeden. be skele and be onderstondinge of his miȝte. his uayrhede / his wyt. and his guodnesse/erþan þet hi y-zeȝen þe sseppinges þet he heþ ymad zuo greate / zuo uayre / zuo guode / and zuo wel Page  246y-ordayned. Þanne hi knewen wel be zyȝþe and be uorbisne / and be simple ziȝþe of onderstondinge / and [typographic Fol. 77. a.] of kendelich skele. Ac neure naȝt ne yuelde*. [MS. yuelded] / ne ne miȝte y-uele be zuelȝ of riȝte loue / ne by deuocion. Alsuo þer byeþ uele cristene clerkes / and leawede / þet wel ham yknewe be byleaue / and be wrytinge. Ac uor þet hi habbeþ þane zuelȝ naȝt [supplied by ed.] wel y-diȝt be zenne hi ne moȝe no þing yuele nanmore þanne þe zike uint smak ine þe guode mete. Þe yefþe of wysdom / þet þe holy gost zet ine herte / zikerliche uayreþ / and clenseþ / of alle uelþe of zenne / and arereþ zuo þane gost of man : þet he him ioineþ to god / be a glu of loue / zuo þet he is al on mid god. Þer he him ueth. þer he him norisseþ. þer he him uetteþ. þer he him losteþ. þer he him resteþ. þer he him slepþ. þer he uoryet al his trauail / alle his wylninges ulessliche / and erþliche / and him zelue / þet he him ne beþengþ of naȝt : bote of þet he loueþ / and þet is god onlepiliche. Þis is þe laste stape / of þe lheddre of perfeccion / þet Iacob yzeȝ ine his sslepe / þet tok þe heuene / huerby þe angles of oure lhorde Iesu crist cliue op : and doun. Þe stapes of þise lheddre : byeþ þe zeue yefþes of þe holy gost / huerof we habbeþ y-speke. Be þo zeue stapes cliueþ þe angles. þet byeþ þo þet habbeþ hare herten to heuene / þet ledeþ lyf of angle ine erþe / be uayrehede / and be clennesse / þet habbeþ hare herten in heuene be wylnynge. huanne hi guoþ and profiteþ uram uirtue to uirtue / al huet hi yzyeþ god aperteliche and herieþ parfitliche. Ac huanne hi byeþ y-cliue op al to þe laste stape: oþerhuil hit behoueþ guo doun be loȝnesse. Vor ase moche ase man is more parfit: þe more he is milde / and þe lesse him-zelue prayseþ. þerof me kan zigge : he þet is mest worþ : he him mest loȝeþ. Þanne þe guode parfite mann ssel by ase þet trau þet is y-karked mid frut / þe more hit bouȝ to þe grunde. Ine anoþre manire me may onderstonde / þet þe angles yeden doun. uor þe guode men þet ledeþ Page  247lif of angel an erþe / be hire holyhede / huanne hi byeþ y-cliue op to þe heȝeste stape of contemplacion / huyder þe yefþe of wysdom his let / þet is alsuo y-goyned to god / þet he uoryet al þet is onder god / be þe greate zuetnesse þet þe herte uelþ / þet is alsuo iroted ine god : þet he lyest alle oþre lustes. zuo ham behoueþ oþerhuyl guo doun of þise zuetnesse / of þise reste / of þise loste / uram his zuete bryesten of solas. huer god ham deþ zouke ine þe contemplacion to þe workes of þe bysye lyue / huerof we habbeþ aboue y-speke. huer þe parfite abide ssolle / and uor hare note gostlich / and uor oþren.

Anoþer scele þer is / hueruore hit behoueþ guo doun of þo ilke zete of contemplacion / huer þe gost of wisdom woneþ. Vor þe corrupcion of þe ulesse is zuo grat þet þe gost ne may ine þise liue dyeadlich longe bleue / in zuo heȝ stat of contemplacion. ne yuele þe ilke greate zuetnesse / þet paseþ alle lostes þet me may yuele ine þise wordle / ase þo wyteþ þet hit habbeþ y-proued. Þeruore þe ayenwyȝte of þe ulesse / is zuo heuy / þet he draȝþ þane gost a-doun wylle he / nolle he. and þeruore þe ilke greate zuetnesse þet þe herte contemplatif uelþ / [typographic Fol. 77. b. ] be þe yefþe of wysdome ine þise dyadliche lyue. ne is bote a litel zuelȝ / huerby me smackeþ hou god is zuete / and zofte ase me tasteþ and smackyþ þet wyn. erþan me drincþ his uolle. Ac huanne me ssel come in-to þe greate tauerne / huer þe tonne is be-take. þet is ine þe liue eurelestinde. huer þet god of loue / and of pays / is / of blisse / and of lostes / and of solas / ssel bi zuo abandones to echen / þet alle ssolle by uolle. Ase zayþ þe sauter. Þet al þe wylninge of þe herte ssolle by uolueld þer. huanne god ssel do come ope his urendes ane ulod of pays / ase zayþ þe prophete. huerof hi ssolle by zuo uol dronke / þet hi ssolle by alle dronke / of þe greate plent� / þet is ine þine house / and his sselt do drinke of þe ulode of þine zuetnesse / and of þine Page  248likinge. þet mid þe is þe welle of lyue. þet is þe welle eurelestinde / þet alneway kuelȝ*. [For kuelþ.] / and fayly ne may. þet is god zelf / þet is welle of liue / and sterue ne may. huerof arist / and geþ doun aboue alle þe halȝen. þet byeþ / and ssolle bi ine paradis / a ulod of blisse / of lost / and of pais. zuo grat / þet alle þo þet þerof drinkeþ : hi byeþ dronke. Þet is þet pays and þe blissinge þet ssel by ine þe wordle þet is cominde hire uor to wyne / and habbe / me ssel libbe sobreliche ine þise wordle. ase zayþ saynt austin. Vor non ne dringþ of þise stremes of pais : þet ne is dronke of þe plente of blisse : þet ne lokeþ sobret�. Þet is þe uirtue þet þe yefþe of wysdom zet ine herte / aye þe tomochelhede of glotunye. Vor wysdom tekþ sobret� / ase salomon zayþ. Sobret� is a traw wel precious. uor hit lokeþ þe helþe of þe zaule and of þe bodie ase sayþ þe writinge. Of glotonye of mete and of drinke to moche: comeþ uele greate ziknesses. and ofte þe dyaþ. Vor be to moche drinke and ethe : sterfþ moche uolk / and þe dyaþ his nimþ sodaynliche / ase me nimþ þane viss by þe cheake. þet is to zigge / þe morsel ine þe mouþe.

Þise uirtue me ssel loky toppe alle þinges. uor þe guodes þet hi deþ to þan : þet his wel lokeþ. Verst / sobrete lokeþ be skele / and to þe onderstondinge hire uridom / þet dronkenesse hire be-nymþ. Vor þe ilke þet is dronke / is zuo y-nome of wyn: þet he lyest skele / and onderstondinge / and is ase adrayngt ine wyin. and huanne he wenþ drinke þet wyn: þet wyn dryngþ him. Þe oþer guod þet sobret� makeþ is þet hi deliureþ þane man of to uoul þreldom. þet is of þe þreldome of þe wombe. Vor þe glotoun / and þe to moche nimere of metes: makeþ of hare womben hare god. ase zayþ zaynte paul. Vorzoþe moche he him onworþeþ: þet serueþ to ane zuiche uoule lhorde / ase to his wombe. huerof ne may guo out: bote uelþe and stench. Ac sobret� lokeþ man ine his lhordssip. uor Page  249þe gost ssel by lhord ouer þet body. and þet body ssel serui to þe goste. Þe þridde guod þet sobret� maked is þet hi loki þe gate of þe castele aye þane ost of þe [typographic Fol. 78. a.] dyeule. þet is þe mouþ þet is þe mayster gate of þe castele of þe herte / þet þe dyeuel asayleþ ase moche ase he may. Ac sobret� him werþ þe gate / þet is þe mouþ. And huanne þe gate of þe mouþe is open : þe gest of zenne geþ in liȝt [supplied by ed.] liche / and uor naȝt he viȝt ayen þe oþre zennes / þet naȝt wyþhalt his tonge. Huo þet heþ þise uirtue: he heþ of his bodye þe lhordssip. Alsuo ase me ouercomþ þet hors bi þe bridle. sobrete heþ þe uerste batayle ine þe ost of uirtues / and lokeþ / and wereþ þe oþre uirtues. Þanne þe dyeuel uondede uerst / ase be þe mouþe / of oure lhorde þo he him zede / þet he ssolde maki of stones bread. Alsuo he asaylede þane uerste man be þe mouþe / and him ouercom. uor he him openede þe gate of his castele / þo he him consentede to þe uondinge. To loki sobrete ous tekþ / kende. writinge. an alle ssepþe. kende / þet amang þe bestes / man heþ þane leste mouþ be þe bodie. Efter man to þe oþre lemes y-dobled / ase þe eȝen / and [supplied by ed.] earen / ac — he ne heþ bote enne mouþ. Ine þet ous tekþ kende / þet me ssel ethe lite / and drinke lite. uor kende is mid lite y-payd. and be to moche of mete / is ofte y-ueld doun. Þe writinge ous tekþ sobret�. ine uele manyeres / and be manye uorbysnes / ase moȝe ysi / þo þet conneþ þe writinge onderstonde / an þo þet yzyeþ þe liues of halȝen. Efterward / alle ssepþes techeþ sobret�. uor ine alle ssepþes / heþ god yzet riȝte mesure / ase zayþ salomon ine þe holy writinge. Sobret� ne is oþer þing þanne to loki riȝte mesure. þet alneway halt þane middel ine to moche: and to lite. be þan þet scele a-liȝt be grace tekþ. Vor ine þise timliche guodes / þet / þet is to moche to onen: is to lite to anoþren / and þet / þet is to moche to ane poure manne : to ane riche manne hit were Page  250ofteziþes to lite. Ac sobret� and temperance / zet ouer-al mesure. Alsuo ine gostliche guodes : ase ine uestinges / ine wakiinges / ine dissiplines / and ine oþre dedes of uirtue / þet byeþ y-do uor god / an uor note of þe zaule : zet mesure. zuyche ase scele acseþ. Þe uirtue of temperance and of sobret�. þe ilke uirtues lokeþ mesure sceluolle. naȝt onlepiliche ine mete and ine drinke : ac in alle uirtues. ase zayþ [supplied by ed.] saynt bernard. Vor þise uirtue zet alle þe þoȝtes. alle þe willes. alle þe steriynges of þe herte. and alle þe wyttes of þe bodye / outnime þe lhordssip of riȝte scele. ase zayþ tullius þe wyse. zuo þet a liȝte scele be þe yefþe of wysdome / halt ine pese þe lhordssip of þe herte / and of þe bodie. and þet is þe ende and þe onderstondinge of alle uirtues þet þe herte and þet body by wel y-ordayned to god. zuo þet god onlepiliche by heȝ lhord. ine zuyche manere þet al by ine his boȝsamnesse al þet he heþ ine þe regne of bodye and of þe zaule. and þet makeþ sobre loue of god. þet zet of al / þe herte in-to þe wille of god. Þanne zaynt austin zayþ. þet þe uirtue of temperance and of sobrete / is alone þet is yloked to god y-hollyche wyþ-oute corrupcion. and ous wyþ-draȝþ uram þe loue of hier beneþe. þet is þe loue of [typographic Fol. 78. b.] þise wordle / þet troubleth þe herte of man / and hise zet ine zorȝe. and him benimþ riȝtuolle knaulechinge of god / and of him-zelue. Alsuo ase me ne ziȝþ naȝt briȝtliche ine þe wetere ystered. Ac þe loue of god / þet is wel y-clensed of alle erþliche loue / and of alle ulessliche willes zet þe herte ine pais. Vor hi him deþ and zet ine his oȝene stede. þet is ine gode. Þer he him resteþ. þer he is in pais. ne ne heþ blisse / ne reste : bote þer. Þanne zayþ oure lhord ine his spelle. 'þou sselt by ine trauayl ine þise wordle. ac ine me þou sselt vinde reste.' And saynt austin zede. 'Lhord: min herte ne may by ine pais : alhuet hi resteþ ine þe.' Þe ilke loue ne wext naȝt of erþe / ne of mares. Page  251 Of þise wordle. Ac hy comþ doun of þe heȝe roche hueroppe hi ys yzet and y-mad þe greate cite of paradis / end þe cite of holi cherche. Þet is Iesu crist / ope huam byeþ y-set and ymad uestliche be guode bileaue. þe stronge casteles. þet byeþ þe herten of guode men. Of þo heȝe roche comþ doun þe welle of loue ine herte þet is wel y-clenzed uor þe loue of þe wordle. Þe ilke welle is zuo clier and zuo y-zendred / þet þe herte hire y-knauþ / and y-ziȝþ hire zelue and hire makiere. alsuo ase me yziȝþ in ane uayre welle wel yzendred. ope þo welle þe herte resteþ efter þe trauayl of guode workes / ase we redeþ of Iesu crist oure lhord. Þet þo he hedde zuo moche y-guo þet he wes al weri / he him zette and restede ope þe welle. Þe ilke welle boue þet guode herte / he þet him wille berȝe / him resteþ is þe loue of god. Þe ilke welle is zuo zuete and of zuo guod smac : þet þe ilke þet þerof dringþ / uoryet alle oþre zuetnesses and oþre smakkes. Þe ilke welle ne uelþ naȝt þane fanc ne þe erþe / ne þane merss of þise wordle / and þeruore hy is zuete and of guod smac to drinke. uor ase moche ase þe welle yuelþ lesse of þe erþe : zuo moche hi is þo holer and þe betere of to drinke. Þet is þe welle of wytte and of wysdome. uor þe ilke þet þerof dringþ / he knauþ wyt and wysdom and velþ / and smackeþ þe greate zuetnesse þet is ine god / and þet is þe heȝeste wyt of man : wel to knawe his sseppere / and him louie mid al his herte. Vor wyþoute þise filosofie / alle oþre wyttes ys folye.

Zuych wyt zet þe holy gost ine herte / þanne he him yefþ þane yefþe of wisdom / þet is herte of gostliche blisse / and hire adraynkþ / and makeþ him dronke of holy loue. Huet wyt is þet / þet þe holy gost zet in-to þe herte wel y-clenzed : þet ich habbe hier be-uore y-ssewed / huer þet is spek of þe wyttes of þe zaule / ate ginninge of þe draȝþe of uirtue. and Page  252þeruore ich paci þe ssortlaker. Þet gostliche wyt þet comþ of stedeuest loue of god. makeþ þe herte sobre / and zofte / and alle þinges a-mesureþ / zuo þet þe herte þet is ine zuich stat is ine payse / ase hi may by ine þise dyadliche liue. Vor ine þise wordle / non ne may libbe wyþ-oute torment / and wyþ-oute zome viȝtinge of temptacion. þet god zent ofte uor to uondi his knyȝtes. and uor þan þet hi conne usy of armes of [typographic Fol. 79. a.] uirtue. uor oþerlaker hi ne moȝe by guode knyȝtes. Þanne me couþe maky þe tornoymens ine time of pays. Ac huanne þe guode knyȝt het ouercome þet tornoyment : he went ayen to his house. þer he him resteþ al in eyse. Alsuo deþ þe guode herte huanne hi heþ wel yuoȝte and heþ ouercome þet tornenoyment of uondinges : ha comþ ayen to him-zelue / and him resteþ ine god. Þet him conforteþ efter þe trauayl / zuo þet he þer uoryet al his trauayl. and ne þengþ bote of god. huer he uint al þet he wilneþ. Þet is þet frut þet þe traw of sobret� berþ / þet comþ of þe yefþe of wysdom / ase ich habbe aboue yzed.

OF ÞE STAPES OF SOBRET�

Ase ich habbe aboue yssewed / sobret� ne is oþer þing / bote to loky riȝte mesure ine alle þinges. Ac specialliche : ine vyf þinges me ssel loki mesure. Þet byeþ alsuo ase zeue stapes huerby wext and profiteþ þet traw of sobret�.

Þe uerste stape of sobret� is / þet me zette mesure in his onderstondinge. spacialliche to þe articles and to þe poyns of þe beleaue. Þe ilke ouergeþ mesure / þet wyle zeche kendelich skele / ine þan þet is aboue onderstondinge / ase doþ þe bougres / and þe misbylefde.*. [misbylefinde?] þet wylleþ mesuri þe beleaue be hare onderstondinge. ac hi ssolden mesuri hire onderstondinge and hare skele to þe mesure of þe beleaue / þet god ous heþ y-yeue. And salomon zayde to his zone. 'Vayre zone / do in-to þine Page  253wytte mesure.' Þet is to zigge / þet þou ne bi naȝt / of zuo oȝene wytte / ne naȝt zuo ypiȝt in þine ouerweninge: þet þou ne flechchi / uor to leue to guod red. and þet þou ne lete þin oȝene wyt / uor to bouȝe to þe wyser þanne þou. And specialliche to þe articles of þe beleaue me ssel lete his oȝene wyt / and his onderstondinge flechchi / and zette ine þreldom of þe beleaue / ase zayþ zayte paul. naȝt uor to apeluchier ne zeche kendelich scele. huer he non ne heþ / ase doþ þe bysye / oþer þe malancolien / þet byeþ ylich þan þet zekȝ*. [For zekþ.] þe crammeles ine þe russoles. oþer þan þet zekþ þet uel ine þe aye / oþer þane knotte ine þe resse.

Þe oþer stape is / þet me zette mesure ine þe loste and mid þe likinge of þe wille / þet me ne him ne aslaky naȝt to moche þane bridel to yerne to lostes of þe ulesse / ne to þe couaytise of þise wordle. Þanne þe wyse zayþ ine þe writi [supplied by ed.] nge. 'Ne uolȝe naȝt' he zayþ 'þe couaitises ne þe wylninges of þine herte / and þe miswende to do þi wyl / þet þou hit ne uoluelle naȝt. and yeld guod skele. uor yef þou dest to þine herte his wyl : þou makest blisse to þine vyendes / þet byeþ þe dyeulen of helle.' uor alsuo ase þe ilke þet makeþ blisse to his uo / ayens huam he ssel uiȝte / huanne he him yelt to him ouercome. Yef he him yelt ouercome to þe dyeule þet him consenteþ to his euele wylninges. Þeruore zayþ zayn [supplied by ed.] te peter þe apostel. 'ich you helsny / þet ye ase oncouþe / and pilgrimes / you loki uram wilninges.' Þe ilke þet is pilgrim and ine oncouþe contraye / huer byeþ manye þyeues an robberes þet aspieþ þe pilgrims / and wayteþ [typographic Fol. 79. b.] þe wayes: ham lokeþ moche / þet hi ne ualle ine þe honden of þyeues. and þengþ hou he may guo zikerliche. Alle þe guode men ine þise wordle byeþ oncouþe and pilgrims. Hi byeþ oncouþe / uor hi byeþ oute of hare contraye. þet is paradys. þet is þe contraye / and heritage to guode men. Hi ne byeþ þenchinde bote uor to uoluelle hire iornayes / al huet hi comeþ to hare eritage / Page  254þet is þe cit� of paradis / þet þe guode pilgrims zecheþ. ase zayþ zaynte paul. þet ne habbeþ / ne nolleþ habbe þe eritage hierine þise wordle. Zuyche pilgrims þet willeþ guo zikerliche: hi doþ ham ofte ine guode uelaȝrede / and ine zikere guoinge. Þe guode uelaȝrede þet let zikerliche and guoþ riȝtuolliche / is byleaue / and loue. beleaue / let þane way to pilgrimes. ac loue his berþ. zuo þet þe way ham greueþ lite / oþer naȝt. Huo þet heþ zuyche uelaȝrede: he ne heþ of þyues none drede þet wayteþ þe wayes. Þet byeþ dyeulen þet nimeþ and robbeþ alle þo / þet none zuiche uelaȝrede ne habbeþ. Þet byeþ þo þet wylleþ do hyere / hyre lostes : þet ham doþ in-to þe honden / and in-to þe grines of þe dyeule. Beleaue / and loue of god. of-halt þe herte / and his wyþdraȝt uram queade þoȝtes / and uram fole*. [MS. folo] lostes / þet he ne consenti. Alsuo ase me ofhalt þane uoȝel be þe ges / þet he ne vly to his wylle. Þe herte is ase is þe uoȝel þet wolde vly to his wylle / and bote hy by ofhealde / be þe ges of beleaue / and of loue / hy ulyȝþ perilousliche / zuo þet hy hyre spilþ / and ualþ ofte into þe grines / of þe uoȝelere of helle. þet is þe dyeuel / þet ne wylneþ / bote to nime þane uoȝel. Þeruore þe guode men and þe wyse / wyþdraȝeþ hare wyl / and hare lostes / and hare þoȝtes. be temperance and be sobret�. Huerof senekes zayþ. 'yef þou louest to bi sobre / and atempre: wyþscore / and wyþdraȝ þine willes / and zete ane brydel to þine couaytises.' Vor alsuo ase me wyþ-halt þet hors by þe bridle þet hit ne guo naȝt to his wille: alsuo me ssel ofhyealde þe herte be þe briddle of sobret� / þe hy ne yeue hire naȝt / to þe wille ne to þe couaytise of þise wordle.

Þe þridde stape of sobret� is / zette and loki mesure ine wordes. Huerof salomon zayþ. Þet 'þe wyse / and þe wel ytoȝte / tempreþ / and mesureþ his wordes.' And saynt Ierome zayþ. þet 'mid ueawe wordes / is Page  255y-proued mannes lyf.' þet is to zigge. by þe wordes me may yknawe þe folyes / and þe wyttes of men. Vor ase me knauþ þet zuin be þe tonge / yef hit ys hol. oþer aboue y-zawe. and þeruore zayþ þe wyse ine þe writinge. þet 'þe wordes of þe wyse byeþ y-weȝe ine þe waye.' Þet is to zigge / þet þe wyse ssel zuo weȝe þe wordes ine þe waye of skele and of discrecion þet þer ne by naȝt to wyþ-nymene. Zome uolk byeþ / þet ne moȝe ham naȝt hyalde stille / ne naȝt ham loki / þet hi ne zigge / by hit zoþ by hit leazinge. Þet byeþ ase þe melle wyþ-oute scluse. þet alne-way went be þe yernynge of þe wetere. Vor hi habbeþ ase uele wordes / ase þer comþ of weter to þe melle. Ac þe wise zetteþ þe scluse of discrecion / uor to ofhealde þet weter of fole wordes. and to uele. þet hi ne guo be þe melle of þe tonge. [typographic Fol. 80. a.] Þeruore zayþ þe wyse ine þe writinge. 'Yziȝ þet weter yerne.' Þet is to zigge: hald þine wordes ine þe scluse of discrecion. uor ase zayþ salomon. 'Huo þet let guo þet weter to his wille : he is ofte cause of strif / and of chidinge / and of manie kuedes / þet comeþ of kueade tonge.' ase ich habbe be-uore yzed / ine þe chapitele of uices. huer ich spek of þe zenne of þe tonge. Þeruore zayþ wel þe wyse ine þe writinge. 'do' zayþ he / 'þine wordes ine waye / and guod bridel ine þine mouþe. and nim nede þet þou ne ualle be þine tonge be-uore þine uo: þet þe asspieþ.' An-oþer zayþ. 'Do to þine mouþe / a dore and a loc. and to þine wordes: a waye and a yok.' Huo þet ne weȝþ his wordes ine þe waye of discrecion. and ne ofhalt naȝt his tonge by þe bridle of skele. þet ssel ofhyealde þe tonge of kueade wordes. he ualþ liȝtliche ine þe honden of his uon. þet byeþ þe dyeulen / þet oueral ous aspieþ / and wayteþ. Huanne þe von / þet viȝteþ aye þane castel / yef hi vyndeþ þe gate oppe: hi guoþ in liȝtliche. alsuo þe dyeuel þet uiȝt wyþ þane castel of þe herte / huanne he uint þe gate oppe / þet is þe mouþ / he nimþ liȝtliche þane castel. And þeruore Page  256zayde dauiþ ine þe sautere. 'Ich sette guode lokinge to þe mouþe aye mine yuo' / þat is þe dyeuel. Þe lokinge of þe mouþe / þet is skele and discrecion. þet exameneþ þe wordes / erþan hi guo out ate moþe. Þis is þe viȝt huerof þe wyse spekþ ase ich habbe aboue yzed / huer me ssel weȝe þet word er hit by yzed. And þou sselt ywyte / þet zoþnesse halt þise riȝtuolle waye. Vor zoþnesse acordeþ þe onderstondinge of þe herte : and þet word of þe mouþe / as hit is ine þe herte. Þis waye ne ssel hongi of þis half / ne of yend half / ariȝthalf ne alefthalf. Þet uor none priu� loue of man ne of wyfman. ne uor timlich note. ne uor hate of oþren : me ne ssel lete to zigge zoþ / huer þet me ssel / and huanne hit is nyed. ne leazinges / ne ualsnesse / me ne ssel zigge uor nenne man.

Ase me ssel loki mesure ine wordes : alsuo me ssel loki mesure ine hyerþe. Vor asewel me may zeneȝy ine kuede hyerþe : ase ine kueade speche. Þanne þe ilke þet yhyerþ bleþeliche missigge oþren : ys partiner / and uelaȝe of þe zenne of þan þet he yherþ. Þet non ne wolde zigge bleþeliche kuead of oþren / nameliche to-uore greate men / bote yef he ne wende þet hit likede to him þet hit hyerþ. Þanne an halȝen zayþ. þet 'non ne ssolde by misziggere: bote þer by an hyerere.' Þeruore salomon zayþ. 'þe norþene wynd / to-þrauþ þe raynes / and þe lourinde chiere : þe wordes of þe missiggere.' Þise greate men hi ssolden wel ham loki / þet hi hiereþ / and þet hi leueþ. þet hi vindeþ veawe / þet zoþ ham zigge. Ac ulatours / and lyeȝeres / byeþ to grat cheap ine hare cort. Þe meste dierþe þet is aboute ham / is of zoþnesse / an of trewþe. and þeruore hi byeþ [typographic Fol. 80. b.] ofte y-giled. Þet hi yhereþ bleþeliche / and y-leueþ liȝtliche þet me ham zayþ and þet ham likeþ. Senekes zayþ. þet þer ne lackeþ to greate lhordes: bote zoþ ziggeres. Vor hi habbeþ lyeȝeres / and vlatours : to greate cheape. and veawe zoþ ziggeres. Me ssel habbe Page  257þe earen opene / uor to hyere bleþeliche / þe guode wordes / þet byeþ worþ to þe help of zaule. and y-sset: to fole wordes / ydele / and queade. þet moȝe do harm: and ne moȝe do guod. Þeruore þe wyse zayþ ine þe writinge. 'Stoppe þine earen mid þornes. and ne hyer naȝt þe queade tongen.' þe queade tonge: is tonge of eddre of helle / þet þe misziggeres bereþ. and enuenimeþ þo þet his y-hereþ. Aye zuyche tongen me ssel stoppi þe yeren mid þornes / mid the drede of oure lorde / oþer mid þe þornes huermide god wes y-corouned / uor beþenchinge of his passion: Vor huo þet heþ drede of god / and beþenchinge of his passion: he nolde naȝt bleþeliche y-hyere þe misziggeres / ne flatours / ne fole wordes / ne lodliche. In anoþre manere me may on- derstonde þis word. 'Stoppe þine yeren mid þornes.' Þe þornes þet prikieþ / be-tokneþ harde wordes and prekiinde / heruore me ssel wyþnime þe missiggeres / and maki his stille and ssewy semblont þet me ne hierþ his naȝt bleþeliche. Þer is an eddre þet is y-hote ine latin / aspis. þet is of zuiche kende / þet hi stoppeþ þet on eare mid erþe / and þet oþer mid hare tayle / þet hi ne yhere þane charmere. Þe ilke eddre ous tekþ a wel grat wyt / þet we ne hyere naȝt þane charmere / þet is þe lyeȝere / and þe flatour. þet ofte be-charmeþ þe riche men. Ac huo þet stoppeþ þet on eare mid erþe / and þet oþer mid þe tayle: he ne ssolde habbe none hede to bi be-charmed of þe dyeule / ne of kueade tongen. Þe ilke stoppeþ þet on eare mid erþe: þet þengþ þet he is of erþe / and to erþe ssel come. and zuo þenche his uoulhede and his ziknesse. hueruore he him ssel moche mildi: and naȝt him praysy. Þet oþer eare stoppi mid þe tayle / uor to beþenche of þe dyaþe / þet him ssel wel astonie. Huo þet þus couþe stoppi his earen:*. [MS. eraren] he nolde yhyere bleþeliche zigge / ne recordi þing: þet ssolde misliki god. and zuo ssolde he by wel ytempred / Page  258 and amesured ine hyerþe and ine lhestinge. And þis is þe uerþe stape of sobrete.

Þe uifte stape is / to loki mesure of ssredinge of preciouse robes / huerof me paseþ moche mesure / and makeþ moche ouerdoinges. and þeruore þet ouerdede is grat zenne / and ueleziþe anchesoun to zene ine oþren. þeruore me ssel ine zuyche þinges loky mesure. Vor hit is to moche of pris and to moche bysy agrayþinge ne were zenne: oure lhord ne speke naȝt zuo stefliche ine his spelle a-ye þe queade riche / þet zuo ofte ham ssredeþ / ase of to zofte bougeren and of to moche of pris pourpre. O. moche is he fol uorzoþe / and child of wytte / þet of his ssredinge is proud. Me ssolde him wel hyealde fol: þet were proud to bere þe ssredinge. Þet ne ssolde by bote a tokne. and a beþenchinge of þe ssame of his uader / and of his oȝene. Þes wone of robes nes yuounde / bote uor þe zenne of oure uerste [typographic Fol. 81. a.] uader uor to wry his confusion / and oure. Huanne me yziȝþ bere ane byrie. þet is tokne þet þer is wyþine a dyad. alsuo hit y-ualþ ofte / þet onder þe uayre robes: is þe zaule dyad be zenne / and nameliche ine þan þet ham gledyeþ / and predeþ. Yef þe pokoc him prette uor his uayre tayle. and þe coc uor his kombe / hit ne is no wonder þet kende ham heþ y-yeue / an doþ be hare kende. Ac man oþer wyfman / þet heþ wyt and skele / and wot wel þet kende ne heþ naȝt y-yeue him þet ilke ssroud / he ne ssel him naȝt prede: of þe ssredinge of his bodye. ne of þe quayntises of his heuede. Þeruore zayþ þe wyse ine þe writinge. 'ne glede þe naȝt ine uayr ssroud.' And zaynte paul þus zayþ [supplied by ed.] . Þet þe wyfmen hi ssolle ham agrayþi: mid sobret�. þet is to zigge: be mesure / and wyþ-oute ouerdoinge / be þe stat / þet þe wyfman acseþ. Vor zoþe þet ne is naȝt wyþ-oute ouerdoinge. þet on wyfman. ssel habbe uor hare body ine one yere zuo uele payre of robes / and of diuerse maneres / huerof manye poure miȝten by Page  259 sostened of þan þet is to moche. Ac yet eft yef hi weren ate ende y-yeue uor godes loue to þe poure: yet hit were zomþing. ac hi byeþ ofte y-yeue to rybaus þet is wel grat zenne. Þeruore me ssel loki mesure ine zuyche þinge be þe stat þet þe persone acseþ ase ich habbe aboue y-zed.

Þe zixte stape of temperance and of sobret� is / þet ech loki guode mesure ine his contenonce / and ine his beringe. Þanne seneke zayþ. Yef þou art sobre and atempred / nim þou hede þet þe steriynges of þine herte ne of þine bodye / ne by uoule ne onworþi. Vor of þe discordance of þe herte: comþ þe discordance of þe bodie. Zome þer byeþ zuo childhedi / and of zuo nice manere / þet hi makeþ ham-zelue to by hyealde foles. Hit becomþ wel to man of worssipe / and þet is ine grat stat / þet he by wel ordine / and amesured ine alle his dedes / and in alle his zigginges. and of uayre contenonce to-uore alle men / zuo þet non ne moȝe nime of him kueade uorbisne / ne þet he ne by yhealde uor fol / ne uor child. Vor ase zayþ a grat filosofe. 'child of elde. child of wytte. and child of þeawes: byeþ al on.' Þe writinge zayþ þet / þet child of an hondred year: ssel by acorsed. Þet is to zigge. þet þe ilke þet heþ uolle elde / and leueþ ase a child: ssel by acorsed of god. Þanne zaynte paul zayde of him-zelue. 'Þo ich wes child: ich dede ase a child. ich þoȝte ase a child. ac zeþþe ich com to elde of uol man: ich uorlet [supplied by ed.] alle mine childhedes.' Vor huo þet halt ald man uor child: he hine halt uor fol. And þeruore zayþ zaynte paul. 'Ne by naȝt child of wytte. ac ine queadnesse by lite.' Nou is hit þanne guod þing and oneste. profitable / and worþssipuol to man an to wyfman / and nameliche to grat uolk. þet hi loki sceluolle mesure / ine berynge ine contenonce / and þet hi by wel ordyne oueral. and be-uore god / and be-uore þe uolke. And þis is þe zixte stape of þise trawe.

Page  260

Þe zeuend stape is / to loki mesure ine mete and ine drinke. Vor ouerdede of mete and of drinke: deþ moche harm ine bodie and ine zaule. ase ich habbe [typographic Fol. 81. b.] be-uore yzed. Þeruore zayþ oure lhord ine his spelle 'Nimeþ ye hede / þet youre herten / ne by ygreued / ne y-charged of glotounie / ne of dronkehede.' Þet is to zigge / þet þou ne do ouerdoinge of mete and of drinke. Sobret� lokeþ mesure ine mete and ine drinke. þet me ne maki ouerdoinge. Of þe ouerdoinges þet me wes y-woned to do ine drinke and ine mete / ich habbe ynoȝ yspeke ine þe draȝþe of vices huanne þet ich spek of þe zenne of glotunie / to huam þis uirtue huerof ich habbe yspeke / zuo is contrarie specialliche. and þeruore ich nelle nanmore hyer speke.

Nou hest þou y-herd þe stapes huerbi þis traw wext and noteþ. and yef þou wylt ywyte þe boȝes of þise trawe: yziȝ alle þe oþre uirtues / þet byeþ y-contynent ine þis boc. and þou sselt yuinde oueral þise uirtu. Vor ase ich habbe yzed aboue / and y-ssewed. Þis uirtue zet mesure ine alle þe uirtues. hueruore ich zigge / þet alle þe oþre uirtues byeþ boȝes of þise. uor by hyre sseweþ ine alle þe oþre boȝes. Þet traw berþ wel uayr frut. and wel smakinde. þet is pais of herte. ase ich habbe aboue yzed. Vor huo þet heþ þise uirtue: he heþ þe herte zuo to-deld uram þe loue of þe wordle / and zuo y-yoyned to god be charite. þet is charite: loue of god. Vor hi zet alle oþre þinges ine uoryetinge þet ne byeþ naȝt ydyȝt to god. And ine zuyche manyre þe herte him resteþ ine god. huer hi heþ al hire confort. hire blisse / and hire lost. þet paseþ alle oþre lostes. Zuych comfort / zuych lost / set þe holy gost ine herte þet is uolmad ine þe uirtue of sobret� / þet comþ of þe yefþe of wysdome / ase ich habbe aboue yzed. Vorzoþe he þet zuich pays of herte miȝte habbe / and yuele: he ssolde him resti ine god / þet is þe ende / and þe uoluellinge / and þe somme of Page  261 his wylninges. he ssolde bi y-blissed ine þise wordle / and ine þe oþre. uor he ssolde habbe y-wonne þe ilke blissinge þet god behat ine his spelle to ham þet þise ilke pais lokede wyþ-oute brekinge. uor he zayþ þet hi byeþ yblissed þe paysible. uor hi ssolle by y-cleped godes zones. Þo byeþ payzible / þet zayþ zaint austin / þet alle þe steriinges of þe herte ordayneþ / and zetteþ onder þe lhordssipe of riȝte scele and of þe goste. Þos byeþ ariȝt y-cleped children / uor hi bereþ þe anliknesse of hire uader / þet is þe god of loue and of pais. aze zayþ zainte paul. and þanne pays and loue of god / is þet þing þet mest makeþ man anlikni to god. and þe cont [supplied by ed.] rarie to þe dyeule þet is godes uo. Efterward / hi byeþ y-cleped godes zones. uor hi uolȝeþ al hare uader wel nier þanne eni oþer. uor pays / and loue / him uolȝeþ more nyer: þanne eni oþer uirtue. Efterward / hi doþ þe workes of hire uader. uor god ne com in-to þise wordle / bote to maki pays be-tuene god and man. be-tuene man and angle. be-tuene [supplied by ed.] man and himzelue. [typographic Fol. 82. a. ] Þanne þo he wes ybore / þe angles zonge uor þet pays þet god hedde y-broȝt in-to erþe. and þeruore þet þe uolk ne ssolde zeche bote pays. Þeruore þanne þet hi byeþ godes zones / hi byeþ yblissed ine þise wordle be special grace. Ac þe ilke blissinge ssel by uolmad huanne hi ssolle by ine payzible possession of þe eritage of hire uader / þet is of þe riche of heuene huer hi ssolle by ine zikere pays. ine pese uoldo / huer alle lostes ssolle by uolueld. huer ne may by no kuead / ne zorȝe / ne aduerset� / ne defaute. ac abundance / and plent� of alle guode. blisse and ioye wyþ-oute ende. Þet ssel by pais worþssipuol / lostuol / and eurelestinde. Pais þet paseþ / and ouergeþ wyt. ase zayþ zaynte paul. And zeþþe þet hi paseþ alle wyttes: hi paseþ alle wordes. Vor herte non ne may þenche / ne mannes tonge telle: huet þing is þet pais þet god heþ behote his urendes. And þeruore ich ne ssolde by Page  262 bote a wlaffere ne zigge þing to þe uolle. And þeruore ich nelle non more zigge. ac hier ich wille endi mine matire. To þe blisse of oure lhorde / to huam by alle worþssipe. þet ous lete wonie ine his uelaȝrede / huer is lif eurelestinde.

Þis boc is ycome to þe ende:
Heuene blisse god ous zende.
AMEN.
Nou ich wille þet ye ywyte hou hit is y-went:
þet þis boc is y-write mid engliss of kent.
Þis boc is y-mad uor lewede men /
Vor uader / and uor moder / and uor oþer ken /
ham uor to berȝe uram alle manyere zen /
Þet ine hare inwytte ne bleue no uoul wen.
'Huo ase god' is his name yzed /
þet þis boc made god him yeue þet bread /
of angles of heuene and þerto his red /
and onderuonge his zaule huanne þet he is dyad.
Amen.

Ymende. þet þis boc is uolueld ine þe eue of þe holy apostles Symon an Iudas / of ane broþer of þe cloystre of sanynt austin of Canterberi / Ine þe yeare of oure lhordes beringe. 1340.

Vader oure þet art ine heuenes / y-halȝed by þi name. cominde þi riche. y-worþe þi wil / ase ine heuene: and ine erþe. bread oure echedayes: yef ous to day. and uorlet ous oure yeldinges: ase and we uor- leteþ oure yelderes. and ne ous led naȝt: in-to uondinge: ac vri ous uram queade. zuo by hit.

Hayl Marie / of þonke uol. lhord by mid þe. y-blissed þou ine wymmen. and y-blissed þet ouet of þine wombe. zuo by hit.

Ich leue ine god / uader almiȝti. makere of heuene / Page  263and of erþe. And ine iesu crist / his zone on-lepi / oure lhord. þet y-kend is / of þe holy gost. y-bore of Marie Mayde. y-pyned onder pouns pilate. y-nayled a rode. dyad. and be-bered. yede doun to helle. þane þridde day a-ros uram þe dyade. Steaȝ to heuenes. zit aþe riȝt half of god þe uader al-miȝti. þannes to comene he is / to deme þe quike / and þe dyade. Ich y-leue ine þe holy gost. holy cherche generalliche. Mennesse of halȝen. Lesnesse of zennes. of ulesse arizinge. and lyf eurelestinde. zuo by hyt.

[typographic Fol. 82. b.]

Uor to sseawy þe lokynge of man wyþ-inne. þellyche ane uorbysne / oure lhord ihesu crist zayþ. 'Þis uorzoþe ywyteþ. þet yef þe uader of þe house wyste huyche time þe þyef were comynde: uor-zoþe he wolde waky / and nolde naȝt þolye þet me dolue his hous.' Be þise uader of house me may onderstonde / þe wyl of skele. to huam be-longeþ moche mayn�. Þoȝtes. and his besteriinge. wyt. and dedes / ase wel wyþ-oute: ase wyþ-inne. þet is to zigge / huych mayn� / to moche slac / and wylles uol ssel by: bote yef þe ilke uaderes stefhede hise strayny / and ordayny. Vor zoþe yef he hym a lyte of his bysyhede wyþ-draȝþ: huo may zigge / hou þoȝtes. eȝen. earen. tonge. and alle oþre wyttes: becomeþ wylde. Hous. is inwyt / in huychen þe uader of house woneþ. þe hord of uirtues gadereþ. Vor huych hord: þet ilke zelue hous ne by y-dolue / heȝlyche he wakeþ. Þer ne is naȝt on þyef: ac uele. ac to eche uirtue: ech vice wayteþ. Þaȝles heȝlyche by þe þyeue: is onderstonde þe dyeuel. a-ye huam and his kachereles / þe ilke zelue uader / þaȝles yef he ne were naȝt onlosti: his hous mid greate strengþe wolde loky. Þe uader of þe house / ate uerste guoinge in: he zette sleȝþe / to by doreward. þet y-knauþ huet is to uorlete: and huet ys to wylny. huet uor to bessette out of þe house. huet uor to onderuonge into þe house. Nixt þan: ha zette strengþe. þet þe vyendes / þet sleȝþe zent Page  264 to zygge / to keste out: strengþe wyþdroȝe. þet his uoule lostes wyþ-droȝe : and wyþ-zede. Riȝtnesse uorzoþe ssel zitte amydde / þet echen his oȝen yefþ. Hueruore: huyche time þe þyef is comynde / me not. ac eche tyme me ssel drede. Þise zuo y-diȝt: naȝt longe to þe wakynde þe slep of zenne benymþ. Vor al þet lyf is to waky. Zome messagyers sleȝþe ssel lete in. þet zome þinges moȝe telle / þet me may a-waki myde. Þus þe messagyer of dyaþe acseþ inguoynge: he is onderuonge. Me him acseþ 'huo he ys. huannes he comþ. huet he heþ ysoȝe.' He ansuereþ. he ne may naȝt zigge: bote yef þer by heȝliche clom. Huich y-graunted: þus he begynþ. 'Ich am drede / and beþenchinge of dyaþe. and dyaþ comyde :*. [comynde?] ich do you to wytene.' Sleȝþe specþ uor alle. and acseþ. 'And huer is nou þe ilke dyaþ. and huanne ssel he come?' Drede zayþ. 'Ich wot wel þet he ne abyt naȝt to comene / and nyeȝ he is. ac þane day / oþer þane tyme of his comynge: ich not.' Sleȝþe zayþ. 'And huo ssel come myd hyre?' Drede zayþ. 'A þouzend dyeulen ssolle come mid hire. and brenge mid ham / greate bokes / and bernynde hokes / and chaynen auere.' Sleȝþe zayþ. 'And huet wylleþ hy do mid alle þan?' Drede zayþ. 'Ine þe bokes byeþ y-write alle þe zennen of men. and hise brengeþ / þet be ham hi moȝe ouercome men. of huychen þe zennes þerinne byeþ ywryte. þet byeþ to hare riȝte. Hokes hi brengeþ / þet þo þet byeþ to hare riȝte ouercomeþ: hire zaulen be strengþe: of þe bodye draȝeþ out. and hise byndeþ mid þe chaines / and in to helle hise draȝeþ.' Sleȝþe zayþ. 'Huannes comste?' [typographic Fol. 83. a.] Drede zayþ. 'Vram helle.' Sleȝþe zayþ. 'And huet is helle. and huet yseȝeþe ine helle?' Drede zayþ. 'Helle is wyd / wyþ-oute metinge. dyep / wyþ-oute botme. Vol of brene on-þolyinde. Vol of stenche / wy-oute comparisoun. Þer is zorȝe. þer is þyesternesse. þer ne is non ordre. þer is groniynge wyþ-oute ende. þer ne is Page  265 non hope of guode. non wantrokiynge of kueade. Ech þet þerinne is: hateþ him zelue: and alle oþren. Þer ich yzeȝ alle manyere tormens. þe leste of alle / is more þanne alle þe pynen þet moȝe by y-do ine þise wordle. Þer is wop. and grindinge of teþ. þer me geþ uram chele in to greate hete of uere. and buoþe onþolyinde. Þere alle be uere / ssolle by uorbernd. and myd wermes ssolle by y-wasted / and naȝt ne ssolle wasti. Hire wermes / ne ssolle naȝt sterue. and hare ver ne ssel neure by ykuenct. No rearde ne ssel þer by y-hyerd / bote. wo: wo. wo hy habbeþ: and wo hy gredeþ. Þe dyeules tormentors pyneþ. and to-gydere hy byeþ y-pyned. ne neure ne ssel by ende of pyne: oþer reste. Þellich is helle / an a þousend zyþe worse. And þis ich yzeȝ ine helle / and a þousendziþe more worse. Þis ich com uor to zygge you.' Sleȝþe zayþ. 'God wet ssolle we do. Nou broþren and zostren y-hyreþ my red. and yueþ youre. Byeþ sleȝe. an wakeþ ine youre bedes / porueynde guodes. naȝt onlyche beuore gode: ac be-uore alle men.' Þolemodness zayþ. 'Do we to worke godes nebsseft / ine ssrifte*. [MS. ssriffe] / and ine zalmes: glede we hym. byeþ sobre / and wakyeþ / uor youre uo þe dyuel / ase þe lyoun brayinde geþ aboute þan: þet he wyle uor-zuelȝe.' Strengþe zayþ. 'Wyþstondeþ hym: stronge ine byleaue. Byeþ glede ine god. Cloþeþ you mid godes armes. þe hauberk of ryȝt. þane sseld of beleaue. nymeþ þane helm of helþe. and þe holy gostes zuord : þet is godes word.' Ryȝt [supplied by ed.] nesse zayþ. 'Lybbe we sobreliche. ryȝt [supplied by ed.] uollyche an bonayrelyche. Sobrelyche: ine ous zelue. ryȝtuollyche: to oure emcristen. bonayrelyche: to god. þet we nolleþ þet me do to ous zelue: ne do we hyt naȝt to oþren. and þet we wylleþ þet me do to ous zellue: do we hit to oþre men. and uor zoþe þet is riȝt.' Sleȝþe zayþ. 'Þer is anoþer wyþ-oute þe gates uayr. and gled. hit þingþ þe he bren [supplied by ed.] gþ glednesse.' Ryȝt [supplied by ed.] nesse zayþ. 'onderuongeþ hym. Page  266 be cas he ous ssel gledye. uor þes ilke uerste: gratlyche he ous heþ y-mad of-dret.' Sleȝþe zayþ to þe messagere. 'Guo in. and huo þou art. and huannes þou comst. and huet þou hest yzoȝe: zay ous.' Þe messagyr zayþ. 'Ich am loue of lyue eurelestynde. an wylnynge of þe contraye of heuene. Yef ye me wylleþ y-here: habbeþ amang you. clom / and reste. Naȝt uor zoþe amang gredynges and noyses: ych ne may by yherd.' Riȝt [supplied by ed.] uolnesse zayþ. 'Yef we longe godes drede / and be-þenchinge of dyaþe were stille: ryȝt hit is / þet þe spekinde / wel more we by stille.' Wylningge of þe lyue wyþ-oute ende / zayþ. 'Þeruore byeþ stille / and yhereþ myd wylle. Ich come uram heuene. and þelliche þinges ich y-zeȝ þer. þet no man ne may dyngneliche zigge. Þaȝles zomþyng ich wylle zigge: ase ich may. Ich yzeȝ god. ac be ane sseawere ine ssede.'

[typographic Fol. 83. b.]

'Ich yzeȝ þe ilke onspekynde / an on-todelinde magest� of þe holy trinyt�. be-gynnynge / ne ende ne heþ. Ac and lyȝt þer-inne woneþ / þet me ne may naȝt come to. Vram þo lyȝte byeþ y-þorsse mine eȝen / and þe zyȝþe þyester. Hyt ouergeþ uorzoþe alle wyttes / and alle zyȝþes. þe ilke bryȝt [supplied by ed.] nesse. and þe ilke uolnesse. Þaȝles a lytel ich yzeȝ oure lhord iesu crist / ine riȝt half zittinde. þet is to zygge : ine þe lyue wyþ-oute ende regnynde. Þaȝ he ouer alle ssepþes by zuo uayr: þet ine him wylneþ þe angles to zyenne. Yet nou þe wounden and þe toknen of þe passion he heþ ine his bodye. huermyde he ous boȝte. be-uore þe uader uor ous stant uor to bydde. Ich y-zeȝ nyxt iesu crist þe ilke blisfolle mayde / and moder þe ilke zodes*. [godes? or zones?] / and oure lhordes iesu cristes / myd alle worþssipe and reuerence / y-nemned marie / ine þe wonderuolle trone zittynde / aboue alle þe holy ordres of angles / and of men: an-heȝed. hire zone iesus uor ous byddinde. and to huam hi is uol of merci. Ac þe ilke wonderuolle magest� / Page  267and þe briȝtnesse of þe moder / and of þe zone: ich ne myȝte naȝt longe þolye / ich wente myne ziȝþe uor to yzi / þe ilke holy ordres of þe gostes: þet stondeþ be-uore god. of huichen þe eurelestinde holynesse of þe ziȝþe of god / an of þe loue. ne hit ne ssel lessi: ne hit ne ssel endi / ac eure wexe and blefþ. Ac naȝt þe ilke degrez / and dingnetes / heryinges alsuo / huyche hyre makyere hy bereþ no man uollyche þenche / ne naȝt ne may by ynoȝ to telle. Þerefter þe profetes ich y-zeȝ. and þe patriarkes wonderlyche glediynde ine blisse. uor þet hy yzeȝen ine goste: uolueld hy yzeþ. þet ine longe anoy onderuynge / þet ouet of blysse wyþ-oute ende chongeden. Ich y-zeȝ þe apostles ine tronen zittynde. Þe tribus / and þe tongen/ alle preste. and of poure / and of zyke: zuo blisuolle and holy / of oure lhord iesu crist / and zuo heȝe / ynoȝ alneway ich am wondrinde. Ich y-zeȝ / ac uollyche ich ne myȝ [supplied by ed.] te al yzy / þe innumerable uelaȝrede of þe holy martires / mid blisse and worþssipe / y-corouned. þet be þe pinen of þise time / huyche hi beren to þo blisse / þet wes ysseawed ine ham: hy come þerto. Hyre holynesse / and hyre blysse: long time ich me lykede. Ich yzeȝ to þe blyssede heape of confessours. amang huam / men apostles / and techeres / þet holy cherche mid hare techinge wereden. and alsuo uram alle heresye / wyþ [supplied by ed.] -oute wem habbeþ yclenzed: sseaweþ. and hy uele habbeþ y-taȝt. ssyneþ ase sterren / ine eurelestynde wyþ [supplied by ed.] -oute ende. Þer byeþ Monekes þet uor claustres / and uor strayte cellen. wel moche / an clyerer þanne þe zonne : habbeþ wonyinges. Vor blake and uor harde kertles / huyter þane þe snaw. and of alle zofthede / and nesshede / cloþinge habbeþ an. Vram hare eȝen / god wypeþ alle tyeres. and þane kyng hy ssolle ysy ine hys uayrhede. Alast / to þe uelaȝrede of maydynes ich lokede. of huychen / blysse / ssepþe / agrayþinge / and melodya. huyche none mannes speche: dingnelyche Page  268 may telle. And hy zonge þane zang: þet non oþer ne may zynge. Ac and þe zuete smel ine hare regyon / zuo zuete ys: þet alle manyre zuete smelles ouercomþ. [typographic Fol. 84. a.] And to hare benes: oure lhord arist. to alle oþren : zittinde he lhest.' Sleȝþe zayþ. 'Hyt lykeþ þet þou zayst. Ac uor of echen of þe holy ordres / wondres þou hest y-zed: we byddeþ þet þou zigge ous / huet is hare dede ine mennesse / and huet is þe conuersac [supplied by ed.] ion of uelaȝrede: zay ous.' Þe wylnyn [supplied by ed.] gge of þe lyue wyþ-oute ende zayþ. 'Vor zoþe ich wylle zygge. Þe dede of alle ine mennesse / ys zeueuald. Hy lybbeþ. hy smackeþ. hy louyeþ. hy byeþ glede. hy heryeþ. hy byeþ zuyfte. hy byeþ zikere.' Sleȝþe zayþ. 'Þaȝ ich zomdel þis onderstonde: uor ham þet lhesteþ / of echen zay.' Wylnynge of þe lyue wyþ [supplied by ed.] -oute ende zayþ. 'Zuo by hyt. Hy lybbeþ be lyue wyþ-oute ende. wyþ-oute enye tyene. wyþ [supplied by ed.] -oute enye lessinge. wyþ-oute enye wyþstondynge. Hyre lyf is þe zyȝþe and þe knaulechynge of þe holy trinyt�. ase zayþ oure lhord iesus. þis is þet lyf wyþ-oute ende / þet hy knawe þe zoþe god / and huam þe zentest iesu crist. and þeruore ylyche hy byeþ / uor hy y-zyeþ: ase he is. Hy smackeþ þe redes and þe domes of god. Hy smackeþ þe kendes / and þe causes / and þe begynnyn [supplied by ed.] ges of alle þynges. Hy louyeþ god wyþ-oute enye comparisoun. uor þet hy wyteþ huerto god his heþ y-broȝt uorþ. hy louyeþ ech oþren: ase ham zelue. Hy byeþ glede of god onzyginde. hy byeþ glede of zuo moche of hare oȝene holynesse: and uor þet ech loueþ oþren ase him zelue. ase moche blisse heþ ech of oþres guode: ase of his oȝene. Þeruore by zyker / uor eurych heþ aseuele blyssen : ase he heþ uelaȝes. and aseuele blissen to echen: ase his oȝene of alle. and þeruore eureich more loueþ wyþoute comparisoun god: þet hym and oþre made / þanne him zelue / and alle oþre. More hy byeþ glede wyþ-oute gessynge of godes holynesse: þanne of his oȝene / and of alle oþre myd hym. Yef þanne on Page  269onneaþe nymþ al his blisse. hou ssel he nyme zuo uele and zuo manye blyssen? And þeruore hit is yzed. guo into þe blysse of þyne lhorde. naȝt þe blisse of þine lhorde / guo in to þe. uor hy ne may. Þerefter / hy herieþ god wyþ-oute ende / wyþ-oute werynesse. ase hyt is y-wryte. Lhord / y-blyssed by þo þet wonyeþ ine þyne house / in wordles of wordles: ssolle herye þe. Zuyfte hy byeþ. uor huer þet þe gost wyle by: uorzoþe þer is þet body. Alle hy byeþ myȝ [supplied by ed.] tuolle. Zykere hy byeþ of zuyche lyue. of zuo moche wysdome. of zuo moche loue. of zuo moche blysse. of zuyche heryinge. of zuyche holynesse. þet non ende. non lessynge. non uallynge doun ssolle habbe. Lo alyte ich. habbe yzed to you. of þan þet ich yzeȝ ine heuene. Naȝt uor zoþe ne may zigge / ase ich yzeȝ / ne naȝt ase hy byeþ : ne myȝte ysy.' Sleȝþe zayþ. 'Vorzoþe ine heuene we onderstondeþ þet þou were. and zoþ þing þer þou yseȝe. and zoþ þou hest y-zed.' Strengþe zayþ. 'Huo ssel ous to-dele uram cristes loue? tribulacion. oþer zorȝe. and oþre. zykere byeþ. uor noþer dyaþ / ne lyf. and oþre.' Ryȝt zayþ. 'Doþ out þane uerste messagyer. hyt ne is naȝt [typographic Fol. 84. b.] riȝt þet he bleue ine þe house / myd þe ryȝtuolle. Vor ryȝt [supplied by ed.] uolle loue: deþ out drede.' Strengþe zayþ. 'guo out drede. þou ne sselt naȝt by ine oure stedes.' Drede zayþ. 'Huet habbe ich mis-do. do. do. ich uor guode zede.' Temperancia zayþ. 'Broþren and zostren / ich zigge to you. nanmore smacky / þanne be-houeþ. ac smacke to sobret�. Þou drede / guo out myd guode wylle. þole þane dom / þet riȝt heþ y-demd. be auenture þe myȝt eft by onderuonge. yef wylnynge of lyf wyþ-oute ende / oþerhuyl let of.' Þe makyere zayþ. Þus / þus / nou ssel eurich hys heuynesse / ssake a-way / uram drede / to þe loue of þe heuenelyche contraye him-zelue wende. Zuo by hit.

Page  270

Nammore ne is be-tuene ane manne / and ane beste : bote ine onderstondynge. Naȝt of oþre þinge ne glorefye þe. Of uirtues þe prest þe / of bestes þou sselt by ouercome. Of zuyfthede þe prest þe / of uleȝen þe worst ouercome. Of uayrhede þe prest þe: hou moche uayr is ine þe ueþeren of þe pokoce / huerof art þou more worþ? of godes ssepþe. Huer is godes ssepþe? Ine þenchinge / and ine onderstondinge. Yef þou þanne þeruore art betere þanne a best / uor þet þou hest þenchinge / huerby þou onderstanst [supplied by ed.] . þet a best ne may onderstonde. Þer-uore uorzoþe: man is more betere / þanne a best. Liȝt of man is lyȝt of þoȝtes. Liȝt of þoȝtes aboue þoȝtes is. and ouergeþ alle þoȝtes. Yet eft .O. men / ne byeþ naȝt þyestre. ne byeþ naȝt ontrewe. onriȝtuole. queade. robberes. wrechen. louieres of þe wordle. Þise uor zoþe byeþ þyesternesse. Lyȝt ne is naȝt awaye: ac ye byeþ awaye / uram lyȝte. Þe blynde ine þe zonne : heþ þe zonne present. ac he is uram þe zonne. Þeruore ne byeþ naȝt þyestre. Yet eft. þe wordle þyestre. uor þe louyeres of þe wordle. byeþ þyestre. and þe wordle is quead. uor þo þet wonyeþ ine wordle byeþ queade. ase a quead hous. naȝt þe walles: ac þo þet wonyeþ þerinne. Yet eft. crist ne hedde no þyng hueruore he ssolde sterue: and dyad he is. þou hest hueruore : and to sterue þou hest onworþ? wylne myd guode wylle to þolye: be þyne ofseruynge / þet he þolede myd guode wylle. þet þe wolde delyury / uram þe dyaþe eurelestinde. Yet eft. be huam þet angel is ymad : be him is ymad þe smale werm. Ac þe angel is worþy to þe heuene: þe werm to þe erþe. Þe ilke þet made: he dyȝte. Yef he dede þane smale werm in-to heuene: þe woldest hym wyþ-nyme. Yef he wolde maki angles of uoule stynkynde ulesse: þou woldest hym wyþnyme. And naȝt uorþan: nyxt þan deþ god. and þaȝles he ne is naȝt to wyþ-nymene. Vor alle men of ulesse ymad: huet byeþ hy Page  271 bote wermes? and of wermes / he makeþ angles. Yet eft. huych herte me arereþ : ech may y-zy. þet naȝt þe heuynesse of ulesses wylle beuore ygreued / auore ualþ / ere hit by arered. Ac ech him zelue y-zy bere / þe heuynesse of his ulesse: yue wyl be wyþdraȝynge. þet he clensy: þet he arere to god. zuo by hit. Hayl godes moder Marie / Mayde uol of þonke / god by myd þe / y-blyssed by þou / ouer alle wyfmen. And y-blyssed by oure Lhord iesus / þet zuete ouet / of þyne wombe yblessed. zuo by hit.

*. [This stanza is written as prose in the MS.]Mayde / and moder mylde.
uor loue of þine childe:
þet is god an man:
Me þet am zuo wylde /
uram zenne þou me ssylde:
ase ich þe bydde can.
amen.