The minor poems of the Vernon ms. ... (with a few from the Digby mss. 2 and 86) ...
Horstmann, Carl, b. 1851., Furnivall, Frederick James, 1825-1910.

6. Channcoun de noustre Dame. (A Dialog between Christ on the Cross and his Mother.)*. [Printed before in Anglia, II. 253 seq.]

(9 stanzas of 6, aab, ccb.)

(1)
"Stond wel, moder, ounder rode,
Bihold þi child with glade mode;
Moder, bliþe miȝt þou be,"
     3
"Sone, how may ich bliþe stonde?
Ich se þine fet, and þine honde,
.I.-nayled to þe harde tre."
     6
(2)
"Moder, do wey þi wepinge!
Ich þolie deþ for monnes kuinde;
Wor mine gultes ne þolie .I. non." [folio 127:2] Page  764
     9
"Sone, ich fele þe deþes stounde;
Þat swerd is at min hertes grounde,
Þat me byheyte simeon."
     12
(3)
"Moder, do wei þine teres:
Þou wip awey þe blodi teres;
Hy doþ me worse þene mi deþ."
     15
"Sone, hou miȝtte ich teres werne?
I se þine blodi woundes herne
From þin herte to þi fot."
     18
(4)
"Moder, nou .I. may þe seye,
Betere is, þat ich one deye,
Þen alle mankyn to helle go."
     21
"Sone, .I. se þi body .I.-swonge,
Þin honde, þin fet, þi bodi .I.-stounge:
Hit nis no wonder þey me be wo."
     24
(5)
"Moder, if ich þe dourste telle,
If ich ne deye, þou gost to helle:
.I. þolie deþ for monnes sake."
     27
"Sone, þou me bi-hest so milde;
.I.-comen hit is of monnes kuinde,
Þat ich sike, and serewe make."
     30
(6)
"Moder, merci, let me deye,
And Adam out of helle beye,
And monkin þat is forlore."
     33
"Sone, wat sal me þe stounde?
Þine pinen me bringeþ to þe grounde;
Let me dey[e] þe bifore!"
     36
(7)
"Swete moder, nou þou fondest
Of mi pine þer þou stondest;
Wiþ-houte mi pine nere no mon."
     39
"Sone, .I. wot .I. may þe telle, [folio 127b]
Hote hit be, þe pine of helle;
Of more pine, ne wot .I. non." Page  765
     42
(8)
"Moder of moder, þus .I. fare;
Nou þou wost wimmanes kare;
Þou art clene mayden on."
     45
"Sone, þou helpest alle nede,
Alle þo þat to þe wille grede,
May and wif, and fowel wimmon."
     48
(9)
"Moder, .I. ne may no lengore dwelle,
Þe time is comen, .I. go to helle:
I þolie þis for þine sake."
     51
"Sone, .I.-wis .I. wille founde?
.I. deye almest; .I. falle to grounde:
So serwful deþ nes never non!"
     54