Capitulum vicesimum quartum.
KYNG Edward discharged Englische men of þe grevous tribute þat Egelrede his fader made for to be paide to þe Dan|ysche soudeours, and it hadde endured þanne fourty ȝere. Þis ȝere Edsy, þe archebisshop of Dovore, deide. Kyng Edward ȝaf þe archebisshopriche to Robert his familier, whom he made somtyme bisshop of Londoun. After þis, in þe monþe of Sep|tembre, Eustache þe erle of Bonone, whiche hadde wedded Godan, kyng Edward his suster, rove up at Dovere, whos Page 175, vol.7 knyȝtes, whiles þey souȝte unwisly þaire herbergage, þey slouȝ oon of þe men of þe citee; the citeseyns forsoþe slowȝ oon of his knyȝtes. Willelmus de Regibus, libro 2o, et Marianus. At þe laste þere i-made a greet fiȝtynge, þe men of þe citee slowȝ twenty men of þe companye of þe erles, oþer wiþoute noumbre i-wounded, þe erle hym self wiþ anoþer felawe unneþe eschapynge*. [Sic in MS. For the sense see Harleian below.] when the kyng of Gloucestre, whom he stired grevously ageyns Englische men: wherfore Godwyn erle of Kent was warned by þe kynges court þat he wiþ his oost venged þe wrong of þe erle. He forsoþe seynge þat aliens were more myȝti anence þe kyng, and willynge þat his owne citeseyns were defended, answerd þat it were riȝt þat þe kepers of þe castel of Dover were called and aresoned, whiche ȝif þey myȝte excuse þaym self and make an ende, þey myȝte goo away unharmed, and elles þat þey schulde make satisfaccioun to þe kyng and to þe erle in þeire goodes and þaire bodies þerfore. For it semed to þe kyng þat his comaundement was sette litel by. Þe gentiles of þe reme ware called to gedre at Gloucestre, namely, Leofric Page 177, vol.7 erle of Merscheland and Siward of Norþhumberlond, þat þey schulde agaynestonde Godwyn, þe whiche of his erldomes of Kent, Sotheraye and Westsex; and also Suano, his first sone, þe whiche of his erldomes and schires of Barkschire, Oxenford|schire and Gloucestreschire; and Harolde, þe whiche of his erldome and schires Essex, Estangle and Huntyngdon had gedred a greet hoste at Beverston. Godwyne i-blamed þat he hadde gadred to gedre so greet an oost, he answerde þat he did so forto pese and refreyne Walschemen; bot men of Wales turned þe greve and þe offense unto hym. Þerfore a litel somwhat accordement procured, a counseille was assigned at Londoun for þis þing, so forsoþe þat Godwyne wiþ Harold and twelve men allone schulde come to þe court unarmed, and þat þey schulde gif ageyn to þe kyng þe knyȝtes service þat were dewe to þaym þoruȝ Engelond. Agaynward þay allegged þat þay myȝte not wiþ oute plegges and ostage come ne goo to þe semble of deceyvable peple, ne wiþ oute perille ne reprove þey myȝte nouȝt walke wiþ so fewe men and unwarned. In þe mene tyme þe knyȝtes of Godwyn wiþdrawynge þaym for drede of þe kynges hooste, it was opounly cried by þe kynges criers and bedelles, þat oþer Godwyn schulde presente hym self to þe kynges court in þe forme written bifore, or elles þat he schulde go out of Engelond wiþ ynne fyve dayes; wherfore Godwyn Page 179, vol.7 wiþ his þre sones, Suane, Tosty, and Gurth, by þe ile of Thorney schipped into Flaundres to þe erle Baldewyne, whos douȝter Judith Swane his sone hadde wedded. Harold forsoþe and Leofwyne at Bristoll wer ledde unto Irlond, whos irldom Algar Leofrices sone receyvynge governed it nobly. After|ward unto Harold i-comen agayn he restored it gladly, and after Harold translated unto his fadres erldom he asked it man|fully; wherfore kyng Edward in pleyn parlement outlawed Godwyne wiþ his sones, his owne queene, forsoȝe Edithe God|wyne his douȝter, wiþ one mayden, he putte with oute any worschippe at þe abbey of Werwell. Þe fader of þe sones outlawed þerfore two ȝere fully, þey dede moche robberie in the marches and costes of Yngelond, in so moche þat a grete navey i-gedred þey ordeyned for to have fouȝten by schippe wiþ the kyng; but þe gentiles goynge bytwixe at the laste, after two ȝere pees was reformed atwixe hem, and queene i-called agayne so forsoþe þat Wilnote, Godewyn sone, and Hacun Suane sone, were giffen ostages and plegge of þe pese, þe whiche kyng Edward sent also sone unto William duke of Normandye for to be keped. Neverþeles*. [A part of this sentence is written twice in MS.] durynge þe outlawynge, William þe erle and duke of Normandye come into Engelond, þe Page 181, vol.7 whiche liberally rewarded and ȝeven ȝiftes went aȝen to Nor|mandye. And queene Emme, the kynges moder, deide and was i-buried at Wynchestre. Also Mariane of Scotlond, in þe fyve and þritty ȝere of his age, lefte þe world, and goynge in pilgrym|age, he was schaven in an abbey of Scottische men at Coloyne, a citee in Almeyn. Willelmus de Pontificibus, libro 1o, et Marianus. Þis ȝere were accorded wiþ kyng Edward God|wyne and al his children, out take Suane his firste sone, whiche i-led by repentaunce for þe deþ of Beorn his suster son,*. [som, MS.] wente barefoot out of Flaundres unto Ierusalem, and fro þens, goynge unto Luciam, deide for cold þat he hadde taken. Fro þis tyme forþ þe Normandes, þat were þe kynges counseillours, and hadde counseilled þe kynge any evel þinges or wicked, war outlawed, namely, Robert archebisshop of Canturbury, þat agayns Godwyne and Englisshe men first in þis partie hadde souned more cleerly his horne and his voys, whiche dredynge hym and goynge byfore his preiudice, went unto Rome, and comynge agayn wiþ the popes lettres, deide at his owne abbey of Gementicum. To whom succeded Stigand, whiche somtyme admitted in þe bisshopriche of Schirbourne, assailled þe bis|shopriche of Wynchestre; a man forsoþe, as almost al oþer bisshoppes þat tyme in Engelond, þat was unlettred, but ful Page 183, vol.7 myghty in money, and plesynge, and fongyng; wherfore he deserveþ nevere for to gete his pal to Rome þouȝ al þat byenge and sellynge wirk moche þere. Willelmus de Pontificibus, libro 2o. Þan was it openly songen in þe hiȝe weies þat he was not able*. [Sic in MS.] a bisshopriche þat couthe nouȝt mysuse þe pompis of þe world, þe hauntinge of leccherous þynges, þe entisementis of glotenye, þe apparaillynge of cloþinge, þe noyse and crienge of mynystres, þe folwynge and companye of horsmen; but litel for to þynke of þe profete and wynnynge of soules. And when it was put unto þaym þat a bisshop auȝte for to þinke on religioun a lecchour,*. [Sic in MS.] and nouȝt of ambicioun and covetise and moneye, þey answerde þis vers of metre: "Nunc aliud tempus, alii pro tempore mores;" þat is, Now it is anoþer tyme, and oþer maneres for þe tyme; so by þe auctorite of þe þing softnynge þe liȝtnesse of þe answere. Marianus. In þese dayes a famous clerk, Barbosus, was at Irland, and a man of wonderful religioun, so moche þat he helde a greet scole of clerkes and lewed men and maydons; but, for he schare þe maydens in manere of his scolers, he was put out of Irlond. Willelmus de Pontificibus, libro 2o. Aboute þese dayes deide seynt Alfwold, þe laste bisshop of Schirborne, whiche of a monk of Wynchestre was made bisshop. Among þe grete festes þat þan were holden and customed in Engelond fro þe comynge of þe Danes, he usede breed and water; a man þat was devoute Page 185, vol.7 in alle þinges to seint Marie and seint Cuthbert; whos see after his deth none myȝte oppresse slepyng unpunsched, þat he ne schulde sterte aȝe afferd wiþ blak and foule ymages. Þerfore somtyme when þer was risen a disesy discord atwixe hym and erle Godewyn, and myȝt nouȝt be seced þe day þat was set for to have peesed it, þe bisshop wrooþ seide in goynge away: "By my lady seint Marie, it schal be evel unto hym;" and Godwyne fro þat houre hadde no rest for gnawynge of his bowels, unto he hadde taken þe blessing of þe bisshop. At þe laste þis bisshop wente unto Duram, where, as it semed of greet booldenesse and hardinesse, þe grave i-pulled away, he spak to seint Cuthbert as to his frend, where he put doun þe gifte of his love and wente away.