Polychronicon Ranulphi Higden maonachi Cestrensis; together with the English translations of John Trevisa and of an unknown writer of the fifteenth century.
Higden, Ranulf, d. 1364., Trevisa, John, tr. d. 1402., Caxton, William, ca. 1422-1491., Malverne, John, d 1415?, Babington, Churchill, ed. 1821-1889,, Lumby, J. Rawson ed. (Joseph Rawson), 1831-1895.
Page  131, vol.7

Capitulum vicesimum.

IOHN þe twentiþe pope satte in þe popehode after Benet ix. ȝere. Þis ȝere was Marianus of Scotland i-borne, by whos labour þis present cronycle is moche ledde. Marianus. Nor|weies forsakyng þair kyng seint Olavum for his sympelnes, brouȝte yn kyng Kanut;*. [wickedly slayn wrongly repeated here in MS.] whiche Olayve in þe fourþe ȝere after was wickedly slayn. Robert þe kyng of Fraunce deide, to whom succede his sone Hewe; whiche ȝere also Canute wente out of Denmarch into Rome; he ȝaf large ȝiftes to seint Petre; he delyvered þere þe scole of Saxons of al tribut; in comynge aȝen toward Engelond, he deled large almesse; he raunsoned out þe passage of pilgrimes in many places for gret prys and payment, þat þe primates of his reme were wont for to giffe unto þe pope: for to relese it of al whiche þinges he sent a lettre and a pistle to þe gentiles of Engelond, warnynge and amonyshynge þaym þat bifore his comynge þey schulde amende all evelles. Bene*. [Sic in MS.] IX., after Iohn, sat in þe popehode eiȝte ȝere; þese was cast out of þe popehode, and anoþer Silvestre by name undir ordeyned; but he also i-cast downe, Benet was restored. Bot ȝif eft he cast out, Iohn þe archepreest, þat is þe cheef preest of Seynt Iohn Portlatyn, was ordeyned, whiche wiþynne is i-called Gregorius VI. Þis Benette, Page  133, vol.7 whenne he hadde i-geten þe popehode for he was boistous and symple of lettrure and konnynge, he ordeyned anoþer pope for to execute þe office of holy chirche, whiche, when it displesed many men, þere was brouȝt in þe þridde, whiche schulde fulfille þe holy office of boþe, oon stryvynge aȝen two, and two aȝenst oon for þe popehode. Henry emperour, þe sone in lawe and suc|cessour of Conrad, þise þre i-put doun, violentliche ordeyned þe bisshop Rambergensis, whiche was called Clement þe secounde, of whom Henry hymself was corowned. Also his Henry com|pelled þe Romayns for to swere þat þey schulde nevere chese pope wiþ oute his consente. Þis pope Benet after his deth appered to a man in a wonderful liknesse, wiþ an asse tayle and a beres heved, seynge þat he apperede so as he lyved byfore. Þis ȝere deide Robert duke of Normandye, in pilgre|mage; to whome succeded William, his sone, waxynge a ȝong man, of whom it is told above. Marianus. Þis ȝere also kyng Canute, a litel bifore his deienge, made Swane kyng uppon Norway, whiche was supposed þe sone of þe self Canute and Elgyve of Hamptoun. Som men seiþ þat Elgyve, when sche myȝte nouȝt conceyve a child of þe kyng, þat sche underput to hir self lyenge in childebedde þe forseide Swane, þat was freschely borne of a preostes womman, and wilily enclyned. Page  135, vol.7 Kyng Canute deide at Septoun, bote he was buried in þe olde abbay at Wynchestre. Henricus, libro 6o. Of whom are tolde prevable and famous þinges: first þat he maried his douȝter to þe emperour Conrade; þe secounde þat solempnely he visited Rome, and come aȝen bryngynge wiþ hym a grete partie of þe crosse of our Lorde; þe þridde þat he sette ones his sittynge and his chaier in þe banke of þe see, when it bygan to folowe, comaundynge þe see þat it schulde nouȝt ascende uppon his londe, or þat it schulde nouȝt wete his lordes cloþes; þe see forsoþe of þe custome of his kynde ascended and weted þe kynges legges: þe kyng forsoþe, lepynge abak, seide: "Witeþ al mortal and dedley men þat the power of kynges is vayne, ne none worþy of þe name of kyng, outtake hym to whos lawes all þinges are underloute;" and fro þat tyme and houre he bare no crowne on his heved, but sette it on þe heved of þe crucifex at Wynchestre. Canute is dede; þere was a greet stryvynge at Oxenforde for successioun of þe rewme, for why Leofricus erle of Chestre, and oþer prynces and lordes of þe norþ partie of Tempse, wiþ men of Londoun, reysed up Harold Harefoot, as it was supposed, þe sone of Canute and Elgyve of Hamptoun, ȝaf al Godwyn desired for Hardeknute. Mari|anus. Som men tolde þat þis Harold was a sowter sone, and*. [Sic in MS.]Page  137, vol.7 queyntly underput by þe forseide Elgive, as somtyme sche underput Swane. Harold þerfore reysed up into kyng, takynge fro some þe kynges richesse, put hir out of Engelond. Never|þeles þe erle of Flaundres norsched hir ful reverently. Ethel|noth archebisshop of Dover deide; after whom þe sevenþe day deide Ethelrik bisshop of Wynchestre, whiche hadde prayed God besily þat he schulde nouȝt longe overleve Ethel|noth. Wherfore Edsius, þe chapeleyne of Harold, succeded to þe see of Dover, and Stigand, anoþer chapeleyn of þe kynges, on to þe see of Wynchestre: þe whiche aftirward usurped þe see of Caunterbury after Edsius.*. [Edsium MS.] Þis Harold, after þe fourþ yere of his reigne, deide at Londoun, and i-buried at West|mynstre; þe whiche whan he was deed, þe gentiles of þe lond sente for Hardeknute þe kyng of Denmark, dwellynge wiþ his moder at Flaundres.