ADAM was i-made of erþe in the filde of Damask þe sixte day of þe world, and i-brouȝt in Paradys, and synned þe same day, and was i-putte out after mydday. And he fel out of þe state of innocence and of*. [of þe] MS. (not α.)] welþe in to þe state*. [staat, α.] of wrecchednesse and of woo. Man in his*. [So α. and Cx.; womman in his, MS.] bygynnynge myȝte take wel swete mete in Goddis owne hous, but he desired þat he schulde nouȝt, and he assaied þat was forbode, and fel out of hiȝe in to lowh, out of liȝt in to derknesse and slym, out of his owne londe and contray in to outlawynge, out of hous in to maskynge and wayles*. [So α., β., γ.; into waylyngs and trouble, Cx.; valeyes, MS.] contray and lond, out of fruit into wepynge and woo, out of preisynge in to deel and sorwe, out of merþe in to stryf, oute of loue in to hate, out of ioye and welþe in to peyne and tene, out of helþe and grace in to gilt and synne,*. [So α. and Cx.; sitte, MS.] out of pees in to peyne, Page 221, vol.2 out of homlynesse into offence and wreþþe. Methodius. Þis Adam þe fiftenþe ȝere of his lyf gat*. [bigate, Cx.; and so below sometimes.] Cayn, þat is comounliche i-cleped Caym, and his suster Calmana. Þanne fiftene ȝere afterward, whan Adam was þritty ȝere olde, he gat Abel and his suster Delbora. But Abel was i-slawe, and his fader and moder made [deel and]*. [Added from α. and Cx., who has dole.] sorwe i-now*. [i-now] om. α. and Cx.; which have for him, probably rightly.] an hundred wynter. ℞. As Hebrewes seieþ, Adam gat Seth þe ȝere of his age an hundred and þritty, and lyued after eiȝte hondred ȝere, and so Adam lyued in al nyne hondred ȝere and þrittey. Trevisa. Þere were þre score and ten þat torned Holy Writte out of Hebrew in to Grewe, and þey beeþ i-cleped þe þre score and ten. ℞. Adam deide and was i-buried in Ebron, þat is i-cleped also Cariatharbe, þat is to menynge*. [meane, Cx.] þe cite of foure, þat beþ patriarkes þat beeþ i-buried þere, þat beþ Adam, Abraham, Ysaac, and Iacob. Seth gat Enes whan he was an hondred ȝere olde and fyue, and lyuede afterwarde eiȝte hondred ȝere; but [þe] þre*. [the þre, α. and Cx.; the latter has some omissions below.] skore and ten seith þat Seeþ was two hondred ȝere and fyue whan he gat Enos, and lyued after|ward seuen hondred ȝere and seuene. Enos, foure score ȝere olde and ten, gat Caynan, and lyuede afterward eiȝte hondred Page 223, vol.2 ȝere and fiftene; but þe þre score and ten seiþ þat Enos was nyne score ȝere and ten and gat Caynan, and lyued afterwarde seuen hondred ȝere and fiftene. Me seith specialliche þat Enos cleped fyrst Goddis name, for vppon caas he fonde first wordes of prayenge. Oþere, as Hebrewes telleþ, he fond first ymages to worschippe of God: forto wake þe slouþe of manis mynde into God Almyȝty. Caynan, þre score ȝere olde and ten, gat Malaleel, and lyuede afterwarde eyȝte hondred ȝere and fourty; but þe þre skore and ten putteþ an hondred ȝere to fore þe*. [So α. and Cx.; and, MS.] seuenty, and wiþ draweþ an hondred afterward. Malaleel, fyue and sixty ȝere olde, gat Iareth, and lyuede afterwarde eiȝte hondred ȝere and þritty. But þe seuenty setteþ an hondred to fore fyue and sixty, and wiþ draweþ an hondred aftirward. Iareth, an hondred ȝere olde and two and sixty, gat Enoch,*. [Enoch, MS., but Enoch below. The bar seems here and elsewhere to be only redundant.] and lyuede afterwarde eiȝte hondred ȝere foure score and ten.*. [foure score and ten] om. Cx.] [In]*. [Added from α. and Cx.] þis seventy acordeþ wiþ othere. Enoch, fyve and sixty ȝere olde, gat Matusale, and lyued afterward þre hondred ȝere, and helde God Almyȝty his way, and was translated and i-brouȝt in paradys, but þe seuenty setteth a hondred ȝere tofore fyue and sixty. Þis Enoch was fyndere of lettres, and wroot som bookes, so seiþ Seynt Iudas the postle in*. [apostle, α.] his pistle.*. [pistel, α.; epistle, Cx.] Me trowede*. [troweth, Cx.] þat Adam deyde in Page 225, vol.2 þis Enoch his tyme; and as [in]*. [Added from β. γ.] Cayn his children Lamech þe seuenþe from Adam was worst; so in Seþ his children Enoch þe seuenþe from Adam was best. Metusale, an hondred ȝere olde foure skore and seuene, gat Lamech, and lyued afterward seuen hondred ȝere and tweyne, þat was anoon to Noes flood. Lamech, an hondred ȝere olde foure skore and tweyne, gaat Noe, and lyued aftirward fyue hondred ȝere foure score and ten.