Page 11
CAIUS COLL. CAMB. 230.
Wyteth now alle þat be here [folio 25b]
& after schal be leef and dere
þat Ihesus of naȝareth
for loue of man haue suffred deþ
Vp-on a cros with woundes fyue
Line 5
Whilys i was man in erþe on-lyue
I haue yeue & maad a graunt
To alle þat aske it repentaunt
heuene blis with-oute endyng
As i am þere oonly kyng
Line 10
kepe i no more for al my smerte
But loue me man of al þyn herte
And þat þou be in charite
& loue þi neybur as i do þe
þis is þe rente þat þou schalt yeue me
Line 15
As to þe cheef loord of lond & se [The words al of Þe fee appear in the margin opposite this line.]
yif eny man wil sey now
Þat I not deyde for mannys prow
Rather þanne he schulde be forlorn
Yit i wolde eft be al to-torn
Line 20
Witnessyng þe day þat turned to nyht
& þe sonne þat withdrowh his lyht
witnessyng þe erþe þat þanne quok
& stonys harde þat þo brook
witnessyng þe vayle þat þanne dede [ryue] [Cut off by edge of folio.]
Line 25
& men þat roos from deþ to lyue
witnessyng my moder and also seynt Ioon
& oþre þat ware þere many oon
In witnessyng of which þyng
Myn oun sele þerto i hyng
Line 30
& for þe more sykernys
þe wounde in my side þe seel it is
þis was yeue at caluary
Þe firste day of þe greet mercy [Cut off by edge of folio.]
Line 34
Explicit carta humane redempcio[nis]