Three Kings of Cologne : an early English translation of the "Historia Trium Regum" / by John of Hildesheim ; edited from the MSS., together with the Latin text, by C. Horstmann
About this Item
Title
Three Kings of Cologne : an early English translation of the "Historia Trium Regum" / by John of Hildesheim ; edited from the MSS., together with the Latin text, by C. Horstmann
Author
Joannes, of Hildesheim, d. 1375
Editor
Horstmann, Carl, 1851-
Publication
Millwood, N.Y.: Kraus Reprint
1988
Rights/Permissions
The University of Michigan Library provides access to these materials for educational and research purposes. These materials are in the public domain. If you have questions about the collection, please contact mec-info@umich.edu. If you have concerns about the inclusion of an item in this collection, please contact libraryit-info@umich.edu.
"Three Kings of Cologne : an early English translation of the "Historia Trium Regum" / by John of Hildesheim ; edited from the MSS., together with the Latin text, by C. Horstmann." In the digital collection Corpus of Middle English Prose and Verse. https://name.umdl.umich.edu/3KCol. University of Michigan Library Digital Collections. Accessed May 20, 2024.
Pages
Capitulum secundum.
Aftir þe tyme þe children of Israel were go out of Egipt and hadde wonne & made soget to hem Jerusalem and aƚƚ þe lond aboute, than was þer a hiƚƚ þat was cleped Vaws, the which hille was clepid also þe hille of Victorie: and on þis hille þe warde and þe kepyng of hem of Ynde was ordeyned by diuers keperes by nyȝt & by day, for þe childryn of Israel and aftirward for þe Romayns; so þat, ȝif any men in þe londis aboute in any tyme purposed wiþ strong hande to entre in to þe contrey or þe kyngdome of Ynde, anoon keperes of oþir hilles aboute þorwe tokenes schewed and warned þe kepers þat were in þe hille of Vaws, as by nyȝt þei made a grete fyre and by day þei made a grete smoke. For þat hille of Vaws passeþ of heithe aƚƚ oþer hilles in þat contrey of Ynde. And so whan any swich token was seiȝe by day or by nyȝt,/ than anoon aƚƚ maner of men of þe Cuntrey aboute made hem redy to aȝenstonde, ȝif any enemyes hadde come. Wherfore in þat tyme þat Balaam so gloriouslich prophecyed of þe incarnacioun of oure lord Ihesu Crist and of þe sterre and seyde ¶ Orietur stella ex Iacob &c.;, as it is aforseyde: than aƚƚ þe grete lordis & aƚƚ þe oþer peple
descriptionPage 9
in Inde and in þe eest desired gretlich to see þat sterre, and bihetten ȝiftes to þe kepers of þis hiƚƚ Vaws and more-ouer hired hem with grete wages, þat, ȝif it so were þat þei siȝe by day or by nyȝt fer or nere any liȝt or any sterre in þe eyr or in þe firmament oþir þan was seiȝe tofore-tyme, anoon þei schulde schewe and sende hem worde. And so long tyme þe comune fame and loos of þis sterre was spoke and bore þorwe aƚƚ þe londes of þe eest. And for þe name of þis hille of Vaws arose vp a worschippeful and a grete kynred in Inde and in þe eest, þe which is cleped þe progenye of Vaws. And þis worschipful kynrede cam first of þe worschippeful kyngis blood þat was clepid Melchior, þat offrid golde to oure lord Ihesu, as ȝe schulle here after.